Skákþáttur Morgunblaðsins: Björn vann Hjörvar og er efstur á Skákþinginu

Björn Þorfinnsson hrifsaði til sín forystuna á Skákþingi Reykjavíkur þegar hann lagði Hjörvar Stein Grétarsson sl. miðvikudagskvöld í 5. umferð mótsins. Hjörvar hefur unnið skákþingið tvö undanfarin ár og tefldi langa og erfiða baráttuskák við Björn félaga sinn úr ólympíuliði Íslands. Björn hafði sigur í jafnteflislegu endatafli en frumkvæðið var í hans höndum lengst af. Nokkuð hefur verið um óvænt úrslit á mótinu og aftur var Guðmundur Gíslason í stóru hlutverki er hann tapaði fyrir Hallgerði Helgu Þorsteinsdóttur í 4. umferð en þá vann Tinna Kristín Finnbogadóttir einnig óvæntan sigur á Þorvarði Ólafssyni eftir að hafa varið í afar erfiðri stöðu lengi vel. Í þessari umferð vann hinn sjö ára gamli Vignir Vatnar Stefánsson formann TR, Sigurlaugu Friðþjófsdóttur. Staða efstu manna eftir fimm umferðir er þessi:

1. Björn Þorfinnsson 4½ v. 2.-11. Sigurbjörn Björnsson, Hjörvar Steinn Grétarsson, Hrafn Loftsson, Ingvar Þór Jóhannesson, Gylfi Þórhallsson, Sverrir Þorgeirsson, Kjartan Maack, Júlíus Friðjónsson, Jóhann Ragnarsson og Sævar Bjarnason. Keppendur eru 70 talsins.

Skákþing Reykjavíkur 2011; 5. umferð:

Hjörvar Steinn Grétarsson - Björn Þorfinnsson

Enskur leikur

1. c4 e5 2. Rc3 Rc6 3. g3 g6 4. Bg2 Bg7 5. e3 d6 6. Rge2 Rge7 7. d3 Be6 8. Rd5 Dd7 9. Hb1

9. Da4 var annar möguleiki.

9.... Rd8 10. Rxe7 Dxe7 11. b4 Dd7 12. f4?

Ónákvæmni. Mun betra er 12. h4 t.d. 12.... h5 13. Rc3 eða Dc2 og hvíta staðan er liðlegri.

12.... Bh3 13. Bf3 Bg4 14. Bxg4 Dxg4 15. 0-0 h5 16. Bb2 h4 17. Rc3 Dh3 18. g4 Re6 19. Df3 Dxf3 20. Hxf3 exf4 21. exf4 0-0-0

Svartur á aðeins betri möguleika í þessari stöðu.

22. Re2 Bxb2 23. Hxb2 Hde8 24. Kf2 Kd7 25. Rc3 f5 26. gxf5 gxf5 27. Rd5 Hh6 28. b5 Hg8 29. Re3 Rd4 30. Hh3 Re6 31. Hf3 Hhg6 32. Hb1 b6 33. Hf1 a6 34. bxa6 Rd4 35. Hh3 Ha8 36. a4

36. Hxh4 kom einnig til greina t.d. 36.... Hxa6 37. Hh7+ Kc8 38. Ha1 Ha3 39. Rd5 með flókinni stöðu.

36.... Hxa6 37. Ha1 Hh6 38. Rg2 Ha8 39. Hxh4 Hxh4 40. Rxh4 Hh8 41. Rg2?

Eftir 41. Rf3 Rxf3 42. Kxf3 Hh3+ 43. Ke2 Hxh2+ 44. Ke3 ásamt - a5 við tækifæri en staðan dautt jafntefli.

41.... Hxh2 42. Kg3 Hh8 43. Re3 c6 44. Ha2 He8 45. Kf2 Ha8 46. Ke1 Kc7 47. Kd2 He8 48. Hb2 He7 49. Hb1 Hh7 50. Hf1 Hh2+ 51. Kc3 c5

Skyndilega er hvítur í vonlausri aðstöðu því hinn óburðugi riddari á e3 er þrælbundinn við að valda máreit hróksins á c2.

52. He1 Kd8 53. Hb1 He2 54. Hxb6 Hxe3 55. Hxd6+ Kc7 56. Hd5 Kc6 57. Hd8 He2 58. Hc8+Kd6 59. Hd8+ Kc7 60. Hxd4 cxd4 61. Kxd4 Kd6

- og hvítur gafst upp.

Anand og Nakamura efstir í Wijk aan Zee

Á nýbirtum elo-lista FIDE skipar Magnús Carlsen aftur efsta sætið en aðeins munar fjórum stigum á honum og heimsmeistaranum Anand. Ef fram heldur sem horfir á stórmótinu í Wijk aan Zee munu þeir fljótlega hafa sætaskipti því Magnús hefur ekki verið að tefla vel og er aðeins með 1½ vinning eftir fjórar umferðir; tapaði í aðeins 22 leikjum með hvítu fyrir mesta efni Hollendinga um þessar mundir, hinum unga Anish Giri. Staða efstu manna er þessi:

1.-2. Anand og Nakamura 3 v. (af 4). 3. Aronjan, Giri og Vachier-Lagrave 2½ v. Keppendur í efsta flokki eru 14 talsins.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 23. janúar 2011.

Skákþættir Morgunblaðsins

Sigurður efstur á Skákþingi Akureyrar

Þriðja umferð Skákþings Akureyrar fór fram í dag. Sigurður Arnarson sigraði Tómas Veigar nokkuð örugglega og er einn efstur með fullt hús. Sigurður Eiríksson hafði betur gegn Hjörleifi Halldórssyni í nokkuð snaggaralegri skák og er í öðru sæti með 2½ vinning. Fjórir skákmenn koma næstir með tvo vinninga en þeim gæti fjölgað um einn ef úrslit í frestaðri skák verða þess efnis.

Eitthvað var um eigandaskipti í skákum umferðarinnar. Þannig stóð Andri Freyr vel gegn Hermanni, en eftir smá ónákvæmni og þrautseigju af Hermanns hálfu tókst þeim síðarnefnda að vinna. Svipað var uppi á teningnum í viðureign Mikaels og Smára þar sem sá síðarnefndi hafði komið ár sinni fyrir borð, tveim peðum yfir. Ekki dugði það til því Mikael varðist fimlega og tókst að lokum að halda jöfnu.

Skák Rúnars og Karls verður tefld annað kvöld. Röðun í fjórðu umferð verður birt um leið og hún hefur farið fram.

Úrslit

Sigurður Arnarson - Tómas Veigar Sigurðarson                  1-0
Sigurður Eiríksson - Hjörleifur Halldórsson                         1-0
Mikael Jóhann Karlsson - Smári Ólafsson                            ½-½
Hermann Aðalsteinsson - Andri Freyr Björgvinsson           1-0
Jón Kristinn Þorgeirsson - Jakob Sævar Sigurðsson 0-1
Hersteinn Heiðarsson - Ásmundur Stefánsson                    1-0
Rúnar Ísleifsson - Karl Egill Steingrímsson                         frestað

Staða efstu manna:

Sigurður Arnarson                                         3
Sigurður Eiríksson                                         2½
Smári Ólafsson                                              2
Mikael Jóhann Karlsson                                2
Tómas Veigar Sigurðarson                             2
Hermann Aðalsteinsson                                 2
Hjörleifur Halldórsson                                   1½
Andri Freyr Björgvinsson                              1
Jakob Sævar Sigurðsson                                1
Karl Egill Steingrímsson                                1+ frestuð skák
Hersteinn Heiðarsson                                     1

Dagskrá:

4.umferð- Miðvikudaginn 2. febrúar kl. 19:30

5.umferð- Sunnudaginn 6. febrúar kl. 13:00

6.umferð- Miðvikudaginn 9. febrúar kl. 19:30

7.umferð- Sunnudaginn 13. febrúar kl. 13:00

• Heimasíða SA
• Chess-Results
• Skákir mótsins (allar)

Nakamura sigraði í Sjávarvík

Bandaríski stórmeistarinn Hikaru Nakamura (2751) sigraði á Tata Steel mótinu í Wijk aan Zee sem lauk í dag.  Öllum skákum lokaumferðirnar í efsta flokki lauk með jafntefli.  Anand (2810) varað annar og Carlsen (2814) og Aronian (2805) urðu í 3.-4. sæti.  McShane (2664) og Navara (2708) urðu efstir og jafnir í b-flokki en sá enski hefur betur eftir stigaútreikning og fær því sæti í a-flokki að ári. Ítalinn Daniele Vocaturo (2570) sigraði í c-flokki og fær því sæti í b-flokki að ári.

A-flokkur:

Úrslit 13. umferðar:

I. Nepomniachtchi - V. Anand	½-½
V. Kramnik - M. Vachier-Lagrave	½-½
Wang Hao - H. Nakamura	½-½
A. Grischuk - M. Carlsen	½-½
L. Aronian - J. Smeets	½-½
A. Shirov - E. l'Ami	½-½
A. Giri - R. Ponomariov	½-½

Lokastaðan:

1.	H. Nakamura	9
2.	V. Anand	8½
3.	L. Aronian M. Carlsen	8
5.	V. Kramnik M. Vachier-Lagrave	7½
7.	A. Giri R. Ponomariov	6½
9.	I. Nepomniachtchi Wang Hao	6
11.	A. Grischuk E. l'Ami J. Smeets	4½
14.	A. Shirov	4

Lokastaða efstu manna í b-flokki:

1.	L. McShane D. Navara	8½
3.	Z. Efimenko	8

Lokastaða efstu manna í c-flokki:

1.	D. Vocaturo	9
2.	I. Nyzhnyk	8½
3.	K. Lahno	8

 

• Heimasíða mótsins
• Myndaalbúm (Calle Erlandsson)