Íslandsmót grunnskólasveita 2011 - stúlknaflokkur fer fram í dag

Íslandsmót grunnskólasveita 2011 - stúlknaflokkur fer fram laugardaginn 5. febrúar nk. í Faxafeni 12, Reykjavík.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 12  og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

Íslandsmót stúlkna 2011 - einstaklingskeppni fyrir stúlkur á grunnskólaaldri fer fram sunnudaginn 6. febrúar nk. í Faxafeni 12, Reykjavík og hefst kl. 13.

Teflt verður í tveimur flokkum:

• Fæddar 1995-1997
• Fæddar 1998 og síðar.

Tefldar verða 15 mín. skákir - umferðafjöldi fer eftir fjölda þátttakenda.

Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

 

Íslandsmót framhaldsskólasveita

Íslandsmót framhaldsskólasveita í skák 2011 verður haldið laugardaginn 12. febrúar næstkomandi kl. 12 - 18. Teflt er í félagsheimili Taflfélags Reykjavíkur, Faxafeni 12 (Skeifunni).

Keppnisfyrirkomulag er með svipuðu sniði og áður, hver sveit skal skipuð fjórum nemendum á framhaldsskólastigi (f. 1990 og síðar), auk 1- 4 til vara. Tefldar verða 6 umferðir eftir Monrad- kerfi, ef næg þátttaka fæst. Að öðrum kosti tefla sveitirnar einfalda umferð allar við allar. Umhugsunartími er 25 mín. á skák fyrir hvorn keppanda.

Nánar um mótsreglur sjá vef Skáksambands Íslands (Lög og Reglugerðir, Reglugerð um Íslandsmót framhaldsskólasveita í skák). http://www.skaksamband.is

Fjöldi sveita frá hverjum skóla er ekki takmarkaður. Sendi skóli fleiri en eina sveit skal sterkasta sveitin nefnd A- sveit, næsta B- sveit o.s.frv. Einnig skal raðað innan hverrar sveitar eftir styrkleika þannig að sterkasti skákmaðurinn er á fyrsta borði o.s.frv. - Ekkert þátttökugjald.

Keppendur eru vinsamlegast  beðnir um að mæta tímanlega á skákstað.

Vinsamlegast tilkynnið þátttöku á netfang Taflfélags Reykjavíkur [e-mail]  í síðasta lagi fimmtudag 10. febrúar.

Björn Ívar, Guðmundur og Sverrir efstir á Suðurlandsmótinu

Suðurlandsmótið hófst í kvöld að Þingborg í Hraungerðishreppi með 3 atskákum. Það voru 26 skákmenn sem settust að tafli í kvöld, sá sem lengst að kom, Guðmundur Gíslason frá Bolungarvík leiðir mótið ásamt Birni Ívari og Sverri Þorgeirs, en þeir unnu allar skákir sínar í kvöld.  Þeir Guðmundur og Sverrir mætast síðan í 4. umferð í fyrramálið.

Keppendur koma víðsvegar að, flestir koma reyndar af höfuðborgarsvæðinu, félagar úr SSON eru frekar fáliðaðir í ár, miðar við fyrri ár, þótt 7 séu, en æskulýðsdeild félagsins heldur uppi heiðri þess - þótt komin sé til ára sinna. 

Sérstaklega ber að taka ofan fyrir skákfrömuði Suðurnesjamanna Sigurði H. Jónssyni sem hefur alltaf mætt ásamt félögum sínum á mótið, hið sama gildir um hinn viðkunnanlega sýslumann og skákþerapista þeirra Eyjapeyja Karl Gauta, en hann er einnig fastagestur ásamt sínu fríða föruneyti. Samtals eiga þessir sómamenn 9 keppendur á mótinu, sem án efa munu gera harða atlögu að titlinum skákmeistari Suðurlands.

Aðstæður á skákstað eru hinar bestu og leikur unga kynslóðin sér í fótbolta og körfubolta á milli umferða meðan hinir eldri sturta í sig kaffi og kóladrykkjum og spá og spekúlera að auki.

• Heimasíða SSON
• Chess-Results

Staðan:
Rank	SNo.	Name	Rtg	FED	Pts	BH.
1	3	Karlsson Bjorn Ivar	2211	ISL	3	7½
2	1	Gislason Gudmundur	2360	ISL	3	7
	2	Thorgeirsson Sverrir	2330	ISL	3	7
4	20	Sigurdsson Birkir Karl	1560	ISL	2½	5½
5	9	Sverrisson Nokkvi	1805	ISL	2	9
6	5	Johannsson Orn Leo	1940	ISL	2	8
7	25	Birgisdottir Inga	0	ISL	2	7
8	17	Brynjarsson Eirikur Orn	1624	ISL	2	6
	22	Gardarsson Magnus	1475	ISL	2	6
10	16	Gautason Kristofer	1679	ISL	2	6
	19	Lee Gudmundur	1585	ISL	2	6
12	12	Andrason Pall	1720	ISL	2	5
13	7	Jonsson sigurdur H	1868	ISL	1½	5½
14	11	Gudmundsson Einar S	1745	ISL	1	7
	13	Sigurdarson Emil	1720	ISL	1	7
16	4	Vigfusson Vigfus	1999	ISL	1	6½
17	14	Grantas Grigorianas	1710	ISL	1	6½
18	10	Birgisson Ingvar Orn	1795	ISL	1	6
19	8	Matthiasson Magnus	1806	ISL	1	5½
20	26	Siggason Thorvaldur	0	ISL	1	5
21	24	Olafsson Emil	1325	ISL	1	4½
22	18	Jonsson Dadi Steinn	1590	ISL	1	4
23	15	Gislason Stefan	1685	ISL	1	4
24	6	Sigurjonsson Bjorn Solvi	1910	ISL	0	6½
25	21	Einarsson Thorleifur	1525	ISL	0	4
	23	Palmarsson Erlingur Atli	1420	ISL	0	4