Skák.is

Bloggfærslur mánaðarins, apríl 2018

19.4.2018 | 16:32

Lenka með jafntefli í lokaumferðinni - Gunina Evrópumeistari í þriðja sinn

Stórmeistari kvenna, Lenka Ptácníková (2198), gerði jafntefli við þýsku skákkonuna Judith Fuchs (2286) í elleftu og síðustu umferð EM kvenna í Slóvakíu í dag. Lenka hlaut 5 vinninga og varð í 93. sæti af 144 keppendum. Frammistaða Lenku samsvaraði 2259 skákstigum og hækkar hún um 15 skákstiga fyrir hana.

Evrópumeistari kvenna varð hin rússneska Valentina Gunina (2507). Öruggur sigur hjá rússnesku skákdrottningunni sem hlaut vinningi meira en næstu konur. Þriðji Evrópumeistartitilinn Gúnínu sem vann sama mót árin 2012 og 2014.

Röð efstu kvenna:

Lokastöðuna má nálgast hér.

Alls tóku 144 skákkonur þátt frá 30 löndum. Þar af voru 13 stórmeistarar, 29 alþjóðlegir meistarar og 35 sem eru stórmeistarar kvenna. Lenka var annar tveggja fulltrúa Norðurlandanna. Hin er Pia Cramling. Pia átti ekki gott mót og endaði í aðeins 68. sæti.

Spil og leikir | Slóð | Facebook | Athugasemdir (0)

19.4.2018 | 15:35

Guðmundur með jafntefli við stórmeistara

Alþjóðlegi meistarinn, Guðmundur Kjartansson (2430), gerði jafntefli við úkraínska stórmeistarann Michail Brodsky (2542) í áttundu og næstsíðustu umferð Rector Cup sem fram fór í Kharkiv í Úkraínu í dag. Guðmundur hefur 5 vinninga og er í þriðja sæti.

Mótinu lýkur á morgun. Þá teflir Guðmundur við úkraínska stórmeistarann Valeriy Neverov (2484).

Um er að ræða manna 10 manna lokað skákmót. Guðmundur er fimmti í stigaröð keppenda. Meðalstigin eru 2424 skákstig.

Mótið á Chess-Results.

Spil og leikir | Slóð | Facebook | Athugasemdir (0)

19.4.2018 | 09:58

Bandaríska meistaramótið hófst í gær - Shamkir-mótið hefst í dag

Bandaríska meistaramótið í skák hófst í gær. Tíunda árið í röð fer það fram í St. Louis. Tólf skákmenn taka þátt í mótinu og eru allir sterkustu skákmenn landsins með að Gata Kamsky undanskyldum sem hafnaði boði um þátttöku. Wesley So (2786) vann Yaroslav Zherebukh (2640) og Varuzhan Akobian (2647) lagði Alexander Onichuk (2672) að velli. Öðrum skákum lauk með jafntelfi.

ítarlega frásögn frá fyrstu umferð má finna á Chess.com.

Heimasíða mótsins
Beinar útsendingar (hefjast kl. 18)

Í dag hefst annað stórmót. Minningarmótið um Gashimov sem fram fer í Shamkir í Aserbaídsjan. Meðal keppenda eru Magnus Carlsen og Mamedyarov og mætast þeir einmitt í fyrstu umferð. Upphitun fyrir mótið má finna á Chess.com.

Mótin eru fullkomin að því leyti að umferðir hefjast á góðum tíma fyrir þá sem fylgjast með báðum mótum. Taflmennskan í Shamkir hefst kl. 11 en kl. 18 í St. Louis þegar öllu ætti að vera lokið í Shamkir.

Heimasíða mótsins
Beinar útsendingar (hefjast kl. 11)

Spil og leikir | Slóð | Facebook | Athugasemdir (0)

19.4.2018 | 09:44

Lenka vann Zhukovu í næstsíðustu umferð

Stórmeistari kvenna, Lenka Ptácníková (2198), vann afar góðan sigur á úkraínsku landsliðskonunni og stórmeistaranum Nataliu Zhukovu (2426) í tíundu og næstsíðustu umferð EM kvenna í gær. Lenka hefur 4,5 vinning eftir 10 umferðir en lokaumferðin hófst núna kl. 9:15 í morgun.

Friðsamt var á efstu borðunum og hefur Valentina Gunina (2507) vinnings forskot fyrir lokaumferðina. Vinningi á eftir henni eru Anna Ushenina (2422), Úkraínu, Nana Dzagnidze (2507), Georgíu, Antoaneta stefanova (2479), Búlgaríu, Elisabeth Paehtz (2468), Þýskalandi, og Ekaterina Atalik (2452), Tyrklandi.

Lenka teflir við þýsku skákkonuna Judith Fuchs 2286) í lokaumferðinni. Sú er stórmeistari kvenna.

Alls taka 144 skákkonur þátt frá 30 löndum. Þar af eru 13 stórmeistarar, 29 alþjóðlegir meistarar og 35 sem eru stórmeistarar kvenna. Lenka er annar tveggja fulltrúa Norðurlandanna. Hin er Pia Cramling.

Heimasíða mótsins
Beinar útsendingar(Chess24) - hefjast kl. 13:15.
Chess-Results

Spil og leikir | Slóð | Facebook | Athugasemdir (0)

18.4.2018 | 11:00

EM kvenna: Lenka með jafntefli í níundu umferð

Stórmeistari kvenna, Lenka Ptácníková (2198), gerði jafntefli við rússnesku skákkonuna Ekaterina Smirnova (2153) í áttundu umferð EM kvenna sem fram fór í gær. Lenka hefur 3,5 vinninga.

Rússneski stórmeistarinn Valentina Gunina (2507) er efst með 8 vinninga. Fjórar skákkonur hafa 7 vinninga en það eru Anna Ushenina (2422), Úkraínu, Antoaneta stefanova (2479), Búlgaríu, Elisabeth Paehtz (2468), Þýskalandi, og Ekaterina Atalik (2452), Tyrklandi.

Í tíundu og næstsíðustu umferð, sem fram fer í dag, teflir Lenka við úkraínska stórmeistarann Natalia Zhukova (2426). Natalia hefur átt afar slæmt mót og hefur aðeins fengið 1 vinning í síðustu sex skákum.

Heimasíða mótsins
Beinar útsendingar(Chess24) - hefjast kl. 13:15.
Chess-Results

Spil og leikir | Breytt s.d. kl. 08:23 | Slóð | Facebook | Athugasemdir (0)

18.4.2018 | 08:13

Guðmundur tapaði í sjöundu umferð

Alþjóðlegi meistarinn, Guðmundur Kjartansson (2430), tapaði fyrir úkraínska stórmeistaranum Alexander Kovchan (2585) í sjöundu umferð Rector Cup í Úkraínu í gær. Fyrsta tapskák Guðmundar en Kovchan þessi er langstigahæstur keppenda og nú efstur. Hefur 5 vinninga.

Guðmundur er þrátt fyrir tapið í 2.-3. sæti með 4,5 vinninga ásamt úkraínska stórmeistaranum Valeriy Neverov (2484).

Frídagur er í dag í tilefni síðasta vetrardags. Áttunda og næstsíðasta umferð verður tefld á morgun. Þá teflir Gummi við úkraínska stórmeistarann Michail Bordsky (2542) sem er næststigahæstur keppenda.

Um er að ræða manna 10 manna lokað skákmót. Guðmundur er fimmti í stigaröð keppenda. Meðalstigin eru 2424 skákstig.

Mótið á Chess-Results.

Spil og leikir | Slóð | Facebook | Athugasemdir (0)

17.4.2018 | 16:00

Íslandsmót skákfélaga

Daði Ómarsson hefur slegið inn skákir 1. deildar Íslandsmóts skákfélaga. Þær má nálgast í viðhengi sem fylgir fréttinni.

Veljið skák (160 alls):

Spil og leikir | Breytt s.d. kl. 14:25 | Slóð | Facebook | Athugasemdir (0)

17.4.2018 | 14:00

Guðmundur efstur eftir jafntefli

Alþjóðlegi meistarinn, Guðmundur Kjartansson (2430), gerði jafntefli við Kasakann Alisher Suleymenov (2351), sem er FIDE-meistari, á Rector Cup-mótinu í Úkraínu í gær. Guðmundur er efstur á mótinu en hann hefur hlotið 4,5 vinninga í sex skákum.

Nú hefst endaspretturinn en Guðmundur mætir þremur stigahæstum keppendunum, sem allir eru úkraínskir stórmeistarar, í lokaumferðunum sem framundan eru. Í dag mætir hann stigahæsta keppenda mótsins, úkraínska stórmeistaranum Alexander Kovchan (2585).

Um er að ræða manna 10 manna lokað skákmót. Guðmundur er fimmti í stigaröð keppenda. Meðalstigin eru 2424 skákstig.

Mótið á Chess-Results.

Spil og leikir | Breytt s.d. kl. 13:31 | Slóð | Facebook | Athugasemdir (0)

17.4.2018 | 13:00

Öflugt unglingastarf á Fischer-setri

Sunnudaginn 15. apríl sl. var síðasti kennsludagur skákkennslu grunnskólabarna í Fischersetri. En þetta var síðasti tíminn af 10 skipta námsskeiði sem byrjaði eftir áramót og var í umsjón Helga Ólafssonar stórmeistara og skólastjóra Skákskóla Íslands og honum til aðstoðar voru meðlimir Skákfélags Selfoss og nágrennis. Alls voru það 20 krakkar sem sóttu námsskeiðið og síðasta kennsludaginn var haldið skákmót. Úrslit skákmótsins urðu þau að í fyrsta sæti var Anton Fannar Kristinsson, í 2. sæti var Martin Patryk Sprichakham og í 3. sæti Sigurjón Óli Ágústsson í 3. Sæti.

Spil og leikir | Breytt s.d. kl. 09:31 | Slóð | Facebook | Athugasemdir (0)

17.4.2018 | 09:14

Lenka tapaði í áttundu umferð

Stórmeistari kvenna, Lenka Ptácníková (2198), tapaði fyrir hinni serbnesku Teodoru Injac (2290) í áttundu umferð EM kvenna í dag. Lenka hefur 3 vinninga.

Rússneski stórmeistarinn Valentina Gunina (2507) er efstt með 7 vinninga. Í 2.-4. sæti með 6,5 vinninga hafa Anna Ushenina (2422), Úkraínu, Antoaneta Stefanova (2479), Búlgaríu, Klaudia Kulon (2319), Póllandi. Sú síðastnefnda hefur komið afar mikið á óvart enda aðeins í 65 í stigaröð keppenda. Einnig er vert að benda á góða frammistöðu heimamannsins Lauru Unuk (2329) sem var meðal keppenda á GAMMA Reykjavíkurskákmótinu. Hún er í 5.-7. sæti með 6 vinninga þrátt fyrir að vera aðeins nr. 57 í stigröð keppenda. Átján efstu sætin gefa keppnisrétt á heimmeistaramótinu í skák (64 manna úrslitakeppni).

Níunda umferð fer fram í dag. Lenka mætir þú hinni rússnesku Ekaterina Smirnova (2153), sem er FIDE-meistari kvenna.