GAMMA Reykjavíkurskákmótið komið af stað!

Hið árlega GAMMA Reykjavíkurskákmót hófst í dag þegar 1. umferð var sett af Líf Magneudóttur. Mótið í ár telur 248 keppendur frá 34 þjóðlöndum en 27 stórmeistarar eru mættir til leiks.

93 keppendur eru frá Íslandi sem eru skiljanlega í meirihluta en næstflestir keppendur koma frá Bandaríkjunum 23 talsins.

Sem endranær er nokkur styrkleikamunur í 1. umferð en að þessu sinni var þó boðið upp á annað pörunarkerfi, svokallað Accelerated Swiss-system sem þýðir að sterkari keppendur mætast fyrr í mótinu þar sem því er styrkleikaskipt.

Þrátt fyrir það var mjög lítið um óvænt úrslit og einu óvæntu úrslitin á efri borðunum voru þétt jafntefli hjá Kristjáni Eðvarðssyni gegn Sergey Grigoriants (2568). Dagur Ragnarsson náði einnig góðu jafntefli gegn Konstantinn Landa (2613) og Baldur Teódór Pálsson náði góðum sigri á Maríu Brunello (2367)

Stigahæstir keppenda eru þeir Richard Rapport (2715) og Pavel Eljanov (2713). Mótið heldur áfram á morgun með tvöfaldri umferð. Fyrri umferðin hefst klukkan 09:00 og seinni umferðin klukkan 17:00.

 

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

Þér er boðið á setningu GAMMA Reykjavíkurskákmótsins kl. 15

GAMMA Reykjavíkurskákmótið - minningarmót um Bobby Fischer verður sett kl. 15 í dag í Hörpu. Líf Magneudóttir, forstjóri borgarstjórnar, mun setja mótið og leika fyrsta þess.

Um 250 keppendur frá 35 löndum eru skráðir til leiks og er mótið eitt hið fjölennasta í sögu þeirra. Um þriðjungur þeirra er innlendur. 

Skákskýringar á skákstað hefjast um kl. 17

Skák- og skákáhugemnn eru hvattir til að koma á setningu mótsins kl. 15. 

 

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

Forsetinn og landsliðskonan gerðu jafntefli við indverska undrabarnið - GAMMA Reykjavíkurskákmótið hefst kl. 15

Reykjavíkurskákmótið hefst á morgun, þriðjudaginn 6. mars, í Hörpu. Um 250 keppendur eru skráðir til leiks, samtals um 160 erlendir keppendur frá 35 löndum.  Stigahæstur keppenda er ungverki ofurstórmeistarinn Richard Rapport. Keppendalistinn samanstendur af áhugaverðum undrabörnum, sterkum skákkonum og svo áhugamönnum og öflugu heimavarnarliði.

Mótið stendur yfir 6.-14. mars. Umferðir hefjast yfirleitt kl. 15 og verða skákskýringar á skákstað í boði fyrir gesti og gangandi. Mótið núna er minningarmót um Bobby Fischer, sem hefði fagnað 75 ára afmæli 9. mars nk. væri hann á lífi. Þann dag verður haldið Fischer-slembiskákarmót í Hörpu sem jafnframt verður fyrsta Evrópumótið í slíkri skák.

Ofurstórmeistararnir

Tveir keppendanna falla undir það að teljast ofurstórmeistarar. Annars er það ungverski stórmeistarinn Richard Rapport (2715 elo stig) sem er aðeins 21 árs og einn skemmtilegasti skákmaður heims. Hinn er Úkraínumaðurinn Pavel Eljanov (2713 elo stig) sem hefur margsinnis teflt hér og var meðal sigurvegara á mótinu 2013.  Tólf skákmenn hafa meira en 2600 skákstig og svo búast má við harðri baráttu. 

Undrabörnin

Mótshaldarar

Reykjavíkurskákmótsins hafa ávallt lagt sig fram að fá svokölluð undrabörn í skák á meðal keppenda. Þar munu þrír skákmenn vekja meiri athygli en aðrir. Indverjarnir Nihal Sarin (13 ára) og Ramesh Praggnanandhaa (12 ára) eru líklega einna efnilegustu skákmenn í heimi í dag og sá síðarnefndi hefur möguleika á að verða yngsti stórmeistari skáksögunnar á Reykjavíkurskákmótinu.  Auk þess kemur Nodirbek Abdusattorov frá Úsbekistan (13 ára) – sem nú er yngsti stórmeistari heims og sá næstyngsti í skáksögunni.

Skákkonurnar

Sterkar skákkonur koma t.d. frá Bandaríkjunum og Slóvakíu og má nefna Lauru Unuk, sem er tvöfaldur heimsmeistari stúlkna og mun án efa láta ljós sig sitt skína. Bandarísku landsliðskonurnar Sabina-Francesca Foisor og Tatev Abrahamyan er meðal annarra keppenda.

Heimavarnarliðið

Ríflega 80 íslenskir skákmann taka þátt eða 1/3 af mótinu. Meðal þeirra sem þar tefla eru Hannes Hlífar Stefánsson, Jóhann Hjartarson, Þröstur Þórhallsson og Íslandsmeistarinn Guðmundur Kjartansson.

Skákveislunni var hins vegar þjófstartað í dag þegar indverska undrabarnið Nihal Sarin, einn efnilegasti skákmaður heims, tefldi Fischer-slembiskákarfjöltefli við 12 keppendur í höfuðstöðvum GAMMA, Garðastræti 37. Fischer-slembiskák er skák sem Bobby Fischer fann upp þegar honum þótt hin hefðbundna skák vera of fyrirsjáanleg. Sami manngangur er og í venjulegri skák en uppröðun mannanna er tilviljunarkennd og alls eru mögulegar upphafsstöður 960 talsins.

Tveir keppendur náðu jafntefli við Sarin, þau Guðlaug Þorsteinsdóttir, landsliðskona í skák og margfaldur Íslandsmeistari, og Gunnar Björnsson, forseti Skáksambandsins. Öðrum keppendum var ekki gefið grið, en það vakti mikla athygli áhorfenda að í seinustu skákinni við Gunnar, kom upp staða þar sem Sarin hafði 2 riddara á móti kantpeði Gunnars, og gerði Sarin heiðarlega tilraun til að máta Gunnar, en slíkt er ákaflega erfitt í þannig stöðu.

Opnunarhátíð GAMMA Reykjavíkurskákmótsins hefst kl. 18 í Hörpu

GAMMA Reykjavíkurskákmótið hefst kl. 15 á morgun með fyrstu umferð. Í dag verður hins vegar opnunarhátíð mótsins kl. 18. Hún fer fram í Smurstöðinni. 

Þangað mun flestir sterkustu skákmenn mótsins mæta og láta sjá. Skákáhugamenn eru hvattir til að fjölmenna í Hörpu á milli 18-20.

Sértilboð verða í boði á Smurstöðinni á meðan opnunarhátíðinni stendur. Tilvelið að mæta og taka nokkrar léttar hraðskákir í góðum félagsskap og hita upp fyrir veisluna!

 

 

Fischer-slembiskákarfjöltefli Nihal Sarin kl. 13 í GAMMA

GAMMA Reykjavíkurskákmótið – minningarmót um Bobby Fischer fer fram í Hörpu dagana 6.-14. mars. Veislunni verður þjófstartað deginum fyrr, þann 5. mars, en þá teflir indverska undrabarnið Nihal Sarin, einn efnilegasti skákmaður heims, Fischer-slembiskákarklukkufjöltefli við 10-12 keppendur í höfuðstöðvum GAMMA, Garðastræti 37.

Sennilega er að um ræða fyrsta slíka alvörufjöltefli í heiminum en andstæðingar Sarin verða í bland efnilegir skákunglingar, skákkonur, eldri skákmenn sem verða flestir í kringum 1800-2200 skákstig. Þetta verður mikil áskorun fyrir Sarin sem þarf að kljást við margar mismunandi upphafsstöður gegn sterkum andstæðingum.

Fischer-slembiskák er skák sem Bobby Fischer fann upp þegar honum þótt hin hefðbundna skák vera of fyrirsjáanleg. Sami manngangur er og í venjulegri skák en uppröðun mannanna er tilviljunarkennd og alls eru mögulegar upphafsstöður 960 talsins. Fischer-slembiskák hefur verið á uppleið og á 75 ára fæðingardegi Bobby Fischer, 9. mars nk., verður fyrsta Evrópumótið í Fischer-slembiskák haldið í Hörpu.

Meðal andstæðinga Sarin verða landsliðskonurnar: Hallgerður Helga Þorsteinsdóttir og Guðlaug Þorsteinsdóttir, Hilmar Viggósson, sem var í stjórn Skáksambandsins þegar einvígi aldarinnar var haldið árið 1972, Gunnar Björnsson, forseti Skáksambands Íslands og Agnar Tómas Möller einn eigenda GAMMA. 

Taflmennskan hefst kl. 13.  Áhorfendur velkomnir. 

 

Öruggur sigur Víkingaklúbbsins

Víkingaklúbburinn vann öruggan sigur á Íslandsmóti skákfélaga sem lauk í gær Skákfélagið Huginn varð í öðru sæti og Skákdeild Fjölnis í því þriðja. Skákdeild Breiðabliks og Bolungarvíkur og b-sveit Akureyringa féllu niður í aðra deild.

Lokastaðan á Chess-Results.

2. deild

Skákfélag Reykjanesbæjar varð í efsta sæti. B-sveit Taflfélag Reykjavíkur í öðru sæti. Þessar sveitir unnu sér keppnisrétt í efstu deild að ári. Vinaskákfélagoð varð í þriðja sæti.

C-sveitir Hugins og TR féllu niður í þriðju deild. 

Staðan á Chess-Results.

3. deild

B-sveit Víkingaklúbbsins vann öruggan sigur í 3. deild. b-sveit Fjölnis fylgir þeim í upp í aðra deild. Skákfélag Sauðárkróks fékk bronsið.

D- og e-sveitir TR falla niður í 4. deild ásamt b-sveit Reyknesinga. 

Staðan á Chess-Results

4. deild

Taflfélag Akraness vann sigur í 4. deild, C-sveit Víkingaklúbbsins varð í óðru sæti og Taflfélag Garðabæjar í því þriðja sæti og ávinna sér keppnisrétt í 3. deild að ári. 

Staðan á Chess-Results.

Nánari frétt sem og myndir væntanlegar.

Heimasíða mótsins

Barna Blitz: Undanrásir Breiðabliks í dag

Næstsíðustu undanrásir Barna Blitz fara fram í Stúkunni við Kópavogsvöll í dag kl. 13. Allir velkomnir - ókeypis aðgangur. Tveir efstu öðlast sæti í úrslitum.

Taflfélag Reykjavíkur, Huginn, Víkingaklúbburinn og Skákfélag Selfoss og nágrennis hafa haldið undanrásir sínar.

Undanrásir hjá Fjölni fara fram miðvikudaginn 7. mars klukkan 16:30 í Rimaskóla. Þrír efstu öðlast sæti í úrslitum. Úrslitin verða tefld sunnudaginn 11. mars. 

Öllum fyrirspurnum má beina til Stefáns Bergssonar í síma 863-7562.

Skákþáttur Morgunblaðsins: Reykjavíkurlundar stefna hátt

Ingvar Þór Jóhannesson er maðurinn á bak við þátttöku Reykjavik Puffins, sem stefnir að einu af fjórum efstu sætunum í sínum riðli í atskákkeppni á netinu, Pro chessleague. Ingvar er skráður í lið Reykjavíkurlundanna en þar sem hann heldur úti vefsíðu og beinum útsendingum á meðan á keppni stendur hefur hann látið sér nægja að bera fyrirliðabandið. Þeir sem teflt hafa fyrir sveitina auk greinarhöfundar eru Jóhann Hjartarson, Hjörvar Steinn Grétarsson, Hannes Hlífar Stefánsson, Þröstur Þórhallsson, Jón Viktor Gunnarsson og bræðurnir Björn og Bragi Þorfinnssynir. Fjögur efstu sætin í riðlinum gefa rétt á þátttöku í 16 liða útsláttarkeppni en þeim liðum sem síðan komast í undanúrslit verður boðið til New York í sérstaka úrslitakeppni og útsendingu kostaða af Chess.com vefnum.

Forsvarsmenn keppninnar hafa fengið til keppni kappa á borð við Magnús Carlsen heimsmeistara, Maxime Vachier-Lagrave, Viswanathan Anand og Hikaru Nakamura,Fambiano Carugna svo nokkrir séu nefndir. Það kom í hlut greinarhöfundar að tefla við Magnús á dögunum og tapaðist sú skák eftir snarpa baráttu en á ýmsu hefur gengið hjá okkar sveit. Tveir sigrar, tvö töp og eitt jafntefli og 5. sæti í riðlinum en betur má ef duga skal. Tímafyrirkomulagið er oftast 15 2 en stundum 10 2.

Þó að skemmtigildið sé vissulega í fyrirrúmi fylgir keppninni alvara og ákveðnar reglur sem krefja þátttakendur um að undirrita loforð um að hegða sér íþróttamannslega, hafa ekki samráð á meðan keppni á stendur, nota ekki hugbúnað o.s.frv. Keppendur sjást raunar í vefmyndavél á meðan teflt er, sem er ákveðin trygging, en einbeittur brotavilji gæti hæglega eyðilagt svona keppni nema sendur væri sérstakur eftirlitsmaður/dómari á vettvang.

Eftir fyrstu viðureign Reykjavik Puffins við franska liðið Marseille Migraines var sigurskák Braga Þorfinnssonar kosin skák umferðarinnar. Bragi vann með tilþrifum. Fögnuðu þeir bræður Björn og Bragi vel og lengi eftir á. Bragi hikaði ekki við að tefla fjögurra peða árásina í kóngsindverskri vörn, afbrigði sem hann lærði fyrir Ólympíumót 16 ára og yngri á Kanaríeyjum árið 1995:

Bragi Þorfinnsson – Etienne Bacrot

Kóngsindversk vörn

1. d4 Rf6 2. c4 g6 3. Rc3 Bg7 4. e4 d6 5. f4 0-0 6. Rf3 c5 7. d5 e6 8. Be2 exd5 9. cxd5 Bg4 10. 0-0 Rbd7 11. He1 He8 12. h3 Bxf3 13. Bxf3 a6 14. g4 h6 15. h4!

Hér duga engin vettlingatök.

15.... b5 16. g5 Rh7 17. e5!

Snarplega leikið, peðsleikurinn rýmir fyrir d-peðinu, riddaranum og biskupnum á f3.

17.... dxe5 18. d6 Hb8 19. Rd5 hxg5 20. hxg5 Rhf8 21. Rc7?!

„Houdini“ telur 21. Bg4! betra þar sem svartur getur nú leikið 21.... exf4 með góðri stöðu. En Bragi var greinilega búinn að slá Bacrot út af laginu.

21.... Re6 22. Rxe8 Dxe8 23. a4 Dd8 24. axb5 axb5 25. Bd5! Rdf8 26. fxe5 Rxg5 27. Dg4 Rge6 28. Ha7 Db6

(– Sjá stöðumynd)

29. Hxf7!

Glæsilega leikið. Eftirleikurinn ætti að vera auðveldur en Bacrot er harður í vörninni.

29.... Kxf7 30. Hf1+ Ke8 31. Bxe6 c4+ 32. Hf2 Hb7

 

 

33. Bf7+!

Hvítur vinnur nú mikið lið og úrslitin eru ráðin.

33.... Hxf7 34. Dc8+ Dd8 35. Dxd8+ Kxd8 36. Hxf7 Bxe5 37. Bg5+ Kc8 38. Hxf8+ Kd7 39. Hd8+ Ke6 40. d7 Bxb2 41. Hb8 Kxd7 42. Hxb5 c3 43. Kf1 Kc6 44. Hb8 Kd5 45. Ke2 Ke4 46. Hb4 Kf5 47. Hb5 Kg4 48. Bf6 g5 49. Hxg5 Kf4 50. Hc5 Ke4 51. Bxc3

- og svartur gafst upp.

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 24. febrúar 2018

Skákþættir Morgunblaðsins

Víkingar með 8½ vinnings forskot

Víkingaklúbburinn hefur 7½ vinnings forskot á Huginn. Víkingar lögðu TR örugglega að velli 7-1. Huginn siglir afar lygnan sjó í öðru sæti eftir stórsigur á b-sveit SA 7½-½. Hafa 10½ vinning á Fjölni í þriðja sæti. Hugins menn lögðu b-sveit Akureyringa 6½-1½ í gær. Fjölnismenn unnu stórsigur 7-1 á Bolvíkingum/Blikum í gær og styrktu verulega sig í baráttunni um bronsið. Staða Blika/Bolvíkinga er hins vegar erfið og flest bendir til þess að þeir falli.

Í viðureign Víkinga og TR-inga unnu þeir fyrrnefndu 6 skákir. Tveim skákum lauk með jafntefli og náði Vignir Vatnar (TR) jafntefli við stórmeistarinn Artur Jakubiec. 

Þór Már Valtýsson (SA-b) gerði jafntelfi við Magnús Örn Úlfarsson (Huginn) en aðrir norðanmenn lutu í dúk.

Önnur úrslit í urðu Akureyringar og KR-ingar gerðu jafntefli. KR-ingar lyftu sér uppúr með þeim úrslitum úr fallsæti á kostnað SA-b.

Garðabæingar er sjóðheitir og lögðu b-sveit Hugins 5½-2½.

Staðan

1. Víkingaklúbburinn 50 v.
2. Huginn-a 42½ v .
3. Fjölnir 33 v.
4. Skákfélag Akureyrar-a 29½
5. Taflfélag Garðabæjar 26 v. (9 stig)
6. Taflfélag Reykjavíkur 26 v. (7 stig)
7. Huginn-b 22½ v.
8. Skákdeild KR 19 v.
9. Skákfélag Akureyrar-b 18 v.
10. Skákdeild Breiðabliks og Bolungarvíkur 13½ v.

Áttunda og næstsíðasta umferð hefst kl. 11. 

Staðan á Chess-Results.

2. deild

Reyknesingar eru efstir en b-sveit TR kemur skammt undan. Flest bendir til að þessar sveitir endurheimti sæti sitt í efstu deild. Haukar eru þriðju.

Í fallsætum eru c-sveitir Hugins og TR.

Staðan á Chess-Results.

3. deild

B-sveit Víkingaklúbbsins hefur örugga forystu í 3. deild og er nánast öruggir um sæti í 2. deild að ári. Skákfélag Sauðárkróks er í öðru sæti en baráttan um þriðja sæti er afar hörð en þar er SA-c en margar sveitir rétt á eftir.

Staðan á Chess-Results

4. deild

B-sveit TG er í efsta sæti eftir nokkuð óvæntan sigur á Skagamönnum. Akurnesingar eru aðrar og c-sveit Víkingaklúbbsins og Selfyssingar eru í 3. og 4. sæti. 

Staðan á Chess-Results.

 

 

Heimasíða mótsins

Minningarorð um Stefán Kristjánsson stórmeistara

Þau hörmulegu tíðindi bárust í vikunni að Stefán Kristjánsson, stórmeistari í skák, er látinn. Stefán fæddist þann 8. desember árið 1982 og var því aðeins 35 ára gamall þegar hann lést. Hann er fyrsti stórmeistari Íslands sem fellur frá. Óhætt er að fullyrða að hann var einn hæfileikaríkasti skákmaður sem Ísland hefur eignast auk þess sem hann heillaði flesta sem honum kynntust með persónutöfrum sínum, greind og kímnigáfu.

Svona hefjast falleg og hugljúf minningarorð Björns Þorfinnssonar, skákmeistara og blaðamanns um Stefán Kristjánsson í helgarblaði DV. 

Minningarorð Björns um Stefán má finna í heild sinni á vefsíðu DV.