Haukur Þór Bergmann látinn

Haukur Þór Bergmann, félagi úr Skákfélagi Reykjanesbæjar, er látinn. Hann lést á heimili sína 29. desember sl. 58 ára að aldri. Haukur var traustur félagi Skákfélag Keflavíkur og síðar Skákfélags Reykjanesbæjar og lét sig aldrei vanta á Íslandsmóti skákfélaga. Hann var formaður félagsins um skeið.

Haukur vann lengi í Sparisjóðabankanum og nú síðast hjá Reiknistofu bankanna. 

 

Alþjóðlegt unglingaskákmót til minningar um Steinþór Baldursson hefst á morgun

Alþjóðlegt unglingaskákmót um Steinþór Baldursson fer fram dagana 4.-7. janúar nk. Mótið er teflt í glerstúkunni við Kópavogsvöll. Það eru Skáksamband Íslands og Skákskóli Íslands sem standa að mótinu í sameiningu. 

Í mótinu taka þátt tæplega 30 ungmenni (20 ára og yngri) og þar af eru 11 erlend. Keppendur koma meðal annars frá Lettlandi, Færeyjum, Svíþjóð og Hollandi.

Steinþór Baldursson lést árið 2016 aðeins fimmtugur að aldri. Hann var stjórnarmaður í Skáksambandi Íslands um langt árabil. Hann hafði alþjóðleg skákdómararéttindi og var meðal skákdómara á Evrópumóti landsliða í Laugardalshöllinni 2005 og á Ólympíuskákmótinu í Tromsö 2014. Steinþór var mikill grasrótarmaður og þótt viðeigandi að minnast hans með unglingaskákmóti.

Mótið verður sett á morgun kl. 11 og eru allir velkomnir. Felix, sonur Steinþórs, mun leika fyrsta leik mótsins á morgun. Að lokinni setningu mótsins mun Skáksambandið bjóða gestum upp á súpu og brauð. 

Tefldar verða sjö umferðir. Landsbankinn og Kvika styrkja myndarlega við mótshaldið og færir Skáksambandið þeim miklar þakkir fyrir. 

Heimasíða mótsins

Guðmundur og Vignir byrja vel í Þýskalandi

Í dag hófst alþjóðlega mótið Staufer Open sem haldið er í nágrenni Stuttart í Þýskalandi. Tveir íslenskir skákmenn taka þátt en það eru TR-kapparnir Guðmundur Kjartansson (2438) og Vignir Vatnar Stefánsson (2304). Þeir félagarnir byrja vel en þeir unnu báðir sínar báðar skákir í dag. 4-0!

Guðmundur vann Bernd Grill (2117) og Andreas Schulze (2214) en Vignir lagði að velli félagana og vinina Matthias Nuding (2101) og Dustin Kuipers (2048). 

Leikar æsast á morgun. Vignir mætir alþjóðlega meistaranum Jónasi Lampert (2518) en Guðmundur mætir Vadim Reimche (2040) sem hefur komið mjög á óvart með góðri frammistöðu en hann er aðeins nr. 112 í stigröð keppenda. 

Mótið, sem er 9 umferðir, er teflt á aðeins 5 dögum.

Heimasíða mótsins

 

 

 

Ný alþjóðleg hraðskákstig

Ný alþjóðleg hraðskákstig eru komin út og tóku þau gildi í gær. Hjörvar Steinn Grétarsson (2718) er langstigahæstur.  Ólafur Bjarnason (1810) er stigahæstur nýliða og Daníel Ernir Njarðarson (+121) hækkar mest frá desember-listanum.

Topp 20

Hjörvar Steinn Grétarsson (2718) er sem fyrr langstighæsti hraðskákmaður landsins. Í næstum sætum eru Jóhann Hjartarson (2574) og Helgi Áss Grétarsson (2548).

No.	Name	Tit	jan.18	Diff	Gms
1	Gretarsson, Hjorvar Steinn	GM	2718	-19	13
2	Hjartarson, Johann	GM	2574	0	0
3	Gretarsson, Helgi Ass	GM	2548	0	0
4	Stefansson, Hannes	GM	2540	24	13
5	Gunnarsson, Jon Viktor	IM	2478	-17	13
6	Gunnarsson, Arnar	IM	2456	0	0
7	Kjartansson, Gudmundur	IM	2443	24	13
8	Olafsson, Helgi	GM	2429	75	13
9	Bjornsson, Sigurbjorn	FM	2429	42	13
10	Thorfinnsson, Bjorn	IM	2410	-1	13
11	Thorhallsson, Throstur	GM	2397	-38	13
12	Johannesson, Ingvar Thor	FM	2378	0	13
13	Petursson, Margeir	GM	2373	0	0
14	Arnason, Jon L	GM	2363	0	0
15	Thorgeirsson, Sverrir	FM	2362	0	0
16	Jensson, Einar Hjalti	IM	2352	0	0
17	Thorarinsson, Pall A.	FM	2326	32	21
18	Thorfinnsson, Bragi	IM	2319	19	13
19	Gislason, Gudmundur	FM	2311	-21	13
20	Kjartansson, David	FM	2307	20	13

Nýliðar

Ólafur Bjarnason (1842) er stigahæstur nýliða. Í næstu sætum eru Oddgeir Ottesen (1810) og Veturliði Þór Stefánsson (1784).

No.	Name	Tit	jan.18	Diff	Gms
1	Bjarnason, Olafur		1842	1842	13
2	Ottesen, Oddgeir		1810	1810	12
3	Stefansson, Veturlidi Thor		1784	1784	13
4	Brocker, Max		1308	1308	8
5	Arnarson, Alexander		1278	1278	8
6	Briem, Gudrun Fanney		1226	1226	7
7	Njardarson, Arnar Ingi		1215	1215	7

Mestu hækkanir

Daníel Ernir Njarðarson (+121), Arnar Heiðarsson (+109) og Stephan Briem (+99) hækka mest frá desember-listanum. Helgi Ólafsson hækkar um heil 75 stig og er í fimmta sæti listans.

No.	Name	Tit	jan.18	Diff	Gms
1	Njardarson, Daniel Ernir		1539	121	20
2	Heidarsson, Arnar		1372	109	13
3	Briem, Stephan		1752	99	20
4	Briem, Benedikt		1497	86	22
5	Olafsson, Helgi	GM	2429	75	13
6	Davidsson, Oskar Vikingur		1812	70	13
7	Omarsson, Adam		1268	68	21
8	Fridgeirsson, Dagur Andri		1952	64	12
9	Ptacnikova, Lenka	WGM	2100	59	22
10	Einarsson, Oskar Long		1714	59	21

Listinn í heild sinni fylgir með sem viðhengi. 

Skrár tengdar þessari bloggfærslu:

• Alþjóðleg hraðskákstig, 1. janúar 2018

Skákþing Reykjavíkur hefst 10. janúar

Skákþing Reykjavíkur hefst miðvikudaginn 10. janúar kl. 19.30. Tefldar verða níu umferðir eftir svissnesku kerfi. Tímamörk eru 90 mínútur og bætast við 15 mínútur eftir 40 leiki. 30 sekúndur bætast við eftir hvern leik alla skákina. Teflt er í húsnæði Taflfélags Reykjavíkur að Faxafeni 12.

Keppendur geta tekið tvær yfirsetur (bye) í umferðum 1-6. Leggja skal inn ósk um yfirsetu til skákstjóra við upphaf umferðarinnar á undan. Hálfur vinningur fæst fyrir yfirsetu.

Athygli er vakin á því að umferðir á sunnudögum hefjast kl. 13:00.

Dagskrá

1. umferð miðvikudag 10. janúar kl. 19.30
2. umferð sunnudag 14. janúar kl. 13.00
3. umferð miðvikudag 17. janúar kl. 19.30
4. umferð sunnudag 21. janúar kl. 13.00
5. umferð miðvikudag 24. janúar kl. 19.30
6. umferð sunnudag 28. janúar kl. 13.00
7. umferð miðvikudag 31. janúar kl. 19.30
8. umferð sunnudag 04. febrúar kl. 13.00
9. umferð miðvikudag 07. febrúar kl. 19.30

Hraðskákmót Reykjavíkur fer fram sunnudaginn 11. febrúar kl. 13 og verður þá jafnframt verðlaunaafhending fyrir Skákþingið.

Tímamörk

90 mín á 40 leiki, síðan 15 mín, auk 30 sek eftir hvern leik alla skákina.

Skákstjórn

IA Ólafur Ásgrímsson og IA Ríkharður Sveinsson ([e-mail] / s.772 2990)

Aðalverðlaun

• 1. sæti kr. 80.000
• 2. sæti kr. 40.000
• 3. sæti kr. 20.000

Stigaverðlaun

• Besta frammistaða miðað við eigin stig (rating performance – eigin stig) – kr. 10.000.
• U2000 og U1800 – kr. 10.000.
• U1600, U1400, U1200, stigalausir – bókaverðlaun.

Fide stig gilda við úthlutun stigaverðlauna (íslensk stig til vara). Hver keppandi getur aðeins hlotið ein aukaverðlaun (ofangreind röð verðlauna gildir).

Þátttökugjöld (greiðist með reiðufé við upphaf móts).

kr. 5.000 fyrir 18 ára og eldri.
kr. 2.500 fyrir 17 ára og yngri.

Skráningarform

Skráðir keppendur

Keppt er um titilinn “Skákmeistari Reykjavíkur 2018” og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Guðmundur Kjartansson.

Verði keppendur jafnir að vinningum í þremur efstu sætunum, verður verðlaunum skipt (Hort-kerfi), en stigaútreikningur (tiebreaks) látinn skera úr um lokaröð. Í öðrum verðlaunaflokkum ganga verðlaun óskipt til þess sem hefur flest stig eftir stigaútreikning. Röð stigaútreiknings: 1. Innbyrðis úrslit 2. Buchholz (-1) 3. Buchholz (median) 4. Sonneborn-Berger.

Skákþing Reykjavíkur er reiknað til alþjóðlegra skákstiga. Skákir mótsins verða slegnar inn og birtar á pgn formi.

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu lýkur 15 mínútum fyrir auglýst upphaf móts, þ.e. kl. 12.45.

Lenka Ptacnikova fór hamförum á Jólahraðskákmóti TR

Ef það er hægt að ábyrgjast eitthvað skákmót milli jóla og nýárs þá er alltaf hægt að stóla á að Jólaskákmót T.R verði á sínum stað. Mótið var fjölmennt eins og fyrri ár og voru mættir um 45 keppendur að þessu sinni. Teflt var eftir hefðbundu fyrirkomulagi eins og í fyrra með 9 umferðum og 4+2 sekúndum á leik sem hefur reynst mjög vel.

Eftir brösuglega byrjun mótshaldara við að hefja mótið gekk það síðan hratt og örugglega af stað og nokkuð áfallalaust. Í fyrri hluta mótsins var lítið um óvænt úrslit sem reyndust nokkurn veginn eftir bókinni með fáeinum undantekningum. Sigurvegarar síðustu ára létu sig ekki vanta að þessu sinni og má þar nefna Pál Agnar Þórarinsson, Vigni Vatnar Stefánsson og Jóhann Ingvason sem fóru eins og áður fremstir í flokki. Sigurvegari frá mótinu í fyrra Páll Agnar hélt fyrsta borðinu fyrir sig í fyrri hluta mótsins. Það breytist hins vegar í 5 umferð þar sem Jóhann Ingvason hafði betur gegn Páli í nokkuð fjörugri skák.

Eftir þetta tóku Lenka og Vignir forskot. Eins og oft áður réðust úrslitin hins vegar ekki fyrr en í síðustu þremur umferðunum. Úrslitaskákin milli þeirra tveggja var síðan í 7 umferð þegar Lenka hafði betur gegn Vigni. Lenka gaf engin grið og leyfði aðeins eitt jafntefli gegn Páli í fjórðu umferð. Fyrir þetta tekur Lenka inn 58 stig sem verður að teljast nokkuð gott. Páll Agnar náði síðan að tryggja sér annað sætið með sigri á Vigni í áttundu umferð.

Lokastaða efstu keppenda:

1. Lenka 8.5/9v.
2. Páll 7.5v.
3-4. Jóhann Ingvason, Vignir Vatnar 6.5v.

Taflfélagi Reykjavíkur þakkar öllum fyrir þátttökuna og óskar skákiðkendum nær og fjær gleðilegs nýs skákárs. Hlökkum til að hitta ykkur á nýju ári!

Úrslit og lokastöðu má finna hér.

Sjá nánar á heimasíðu TR.

Ný alþjóðleg skákstig

Ný alþjóðleg skákstig eru komin út. Litlar breytingar eru á listanum enda fá innlend kappskákmót reiknuð til skákstiga í janúar. Héðinn Steingrímsson (2574) er sem fyrr stigahæsti íslenski skákmaðurinn.

Stigalistinn í heild sinni.

Topp 20

Héðinn Steingrímsson (2574) er stigahæstur íslenskra skákmanna. Í næstu sætum eru Hjörvar Steinn Grétarsson (2565) og Jóhann Hjartarson (2536). Aðeins einn skákmaður á topp 20 átti reiknaða kappskák á tímabilinu en það var Henrik Danielsen. 

No.	Name	Tit	jan.18	Diff	Gms
1	Steingrimsson, Hedinn	GM	2574	0	0
2	Gretarsson, Hjorvar Steinn	GM	2565	0	0
3	Hjartarson, Johann	GM	2536	0	0
4	Stefansson, Hannes	GM	2523	0	0
5	Olafsson, Helgi	GM	2508	0	0
6	Petursson, Margeir	GM	2499	0	0
7	Danielsen, Henrik	GM	2496	3	2
8	Gunnarsson, Jon Viktor	IM	2466	0	0
9	Arnason, Jon L	GM	2457	0	0
10	Kristjansson, Stefan	GM	2447	0	0
11	Gretarsson, Helgi Ass	GM	2441	0	0
12	Kjartansson, Gudmundur	IM	2438	0	0
13	Gunnarsson, Arnar	IM	2428	0	0
14	Thorfinnsson, Bragi	IM	2426	0	0
15	Thorsteins, Karl	IM	2426	0	0
16	Thorhallsson, Throstur	GM	2418	0	0
17	Kjartansson, David	FM	2409	0	0
18	Thorfinnsson, Bjorn	IM	2400	0	0
19	Ulfarsson, Magnus Orn	FM	2371	0	0
20	Arngrimsson, Dagur	IM	2370	0	0

Nýliðar

Tveir nýliðar eru á listanum. Annars vegar Einar Örn Hreinsson (1509) og hins vegar Baldvin Kristjánsson (1448).

No.	Name	Tit	jan.18	Diff	Gms
1	Hreinsson, Einar Orn		1509	1509	5
2	Kristjansson, Baldvin		1448	1448	5

Mestu hækkanir

Gunnar Erik Guðmundsson (+86) hækkaði mest allra frá desember-listanum. Í næstu sætum koma Jón Eggert Hallsson (+47) og Birgir Logi Steinþórsson (+46).

 

No.	Name	Tit	jan.18	Diff	Gms
1	Gudmundsson, Gunnar Erik		1491	86	7
2	Hallsson, Jon Eggert		1684	47	6
3	Steinthorsson, Birgir Logi		1080	46	4
4	Sighvatsson, Palmi		1694	45	2
5	Geirsson, Kristjan		1608	45	6
6	Briem, Benedikt		1464	36	5
7	Mai, Alexander Oliver		1970	34	5
8	Thorisson, Benedikt		1143	32	6
9	Andrason, Pall		1858	24	7
10	Davidsson, Oskar Vikingur		1854	20	6

Stigahæstu ungmenni landsins (1998 og síðar)

Nokkrar breytingar eru núna á ungmennalistanum þar sem ungmenni fædd 1997 detta nú út úr hópnum. Jón Kristinn Þorgeirsson (2319) er stigahæstur, Vignir Vatnar Stefánsson (2304)annar og Oliver Aron Jóhannesson (2277) þriðji.

No.	Name	Tit	jan.18	Diff	Gms	B-day
1	Thorgeirsson, Jon Kristinn	FM	2319	0	0	1999
2	Stefansson, Vignir Vatnar	FM	2304	0	0	2003
3	Johannesson, Oliver	FM	2277	0	0	1998
4	Birkisson, Bardur Orn	CM	2190	0	0	2000
5	Jonsson, Gauti Pall		2161	0	0	1999
6	Heimisson, Hilmir Freyr	CM	2136	0	0	2001
7	Birkisson, Bjorn Holm		2084	0	0	2000
8	Mai, Aron Thor		2066	0	0	2001
9	Thorhallsson, Simon		2040	0	0	1999
10	Davidsdottir, Nansy		1975	0	0	2002

Stighæstu öldungar landsins (1953 og fyrr)

það er einnig töluverðar breytingar í þessum hópi því 1953 árgangurinn dettur inn! Friðrik Ólafsson (2365) er venju samkvæmt hæstur. Í næstu tveimur sætum eru "nýliðarnir" Kristján Guðmundsson (2289) og Áskell Örn Kárason (2264).

No.	Name	Tit	jan.18	Diff	Gms	B-day
1	Olafsson, Fridrik	GM	2365	0	0	1935
2	Gudmundsson, Kristjan		2289	0	0	1953
3	Karason, Askell O	FM	2264	0	0	1953
4	Einarsson, Arnthor		2245	-4	1	1946
5	Torfason, Jon		2235	0	0	1949
6	Thorvaldsson, Jon		2170	0	0	1949
7	Viglundsson, Bjorgvin		2167	0	0	1946
8	Fridjonsson, Julius		2137	0	0	1950
9	Halfdanarson, Jon		2131	0	0	1947
10	Thor, Jon Th		2111	0	0	1944

 

Reiknuð íslensk skákmót

Aðeins tvö kappskákmót vour reiknuð. 

• U-2000 mót TR
• Skákþing Skagafjarðar
• Íslandsmót unglingasveita (atskák)
• Unglingameistaramót Íslands (atskák)
• Friðriksmót Landsbankans - Íslandsmótið í hraðskák)
• Jólahraðskákmót TR (hraðskák)
• Jólaskákmót Vinaskákfélagsins (hraðskák)
• Hraðskákmót Hugins - N (hraðskák)
• Hraðkvöld Hugins (hraðskák)

Við munum gera at- og hraðskákstigum betri skil á næstunni. 

Heimslistinn

Magnus Carlsen (2834) er stigahæsti skákmaður heims. Í næstu sætum eru Fabiano Caruana (2811) og Shakhriyar Mamedyrarov (2804).

Heimslistann má nálgast hér. 

Skrár tengdar þessari bloggfærslu:

• Alþjóðleg skákstig, 1. janúar 2018