TORG-mót Fjölnis á laugardaginn

Öllum skákáhugamönnum á grunnskólaaldri er boðið að taka þátt í hinu árlega TORG-skákmóti Fjölnis sem hefst í Rimaskóla laugardaginn 26. nóvember kl. 11:00. Mótinu lýkur með happadrætti og verðlaunahátíð kl. 13:15.

Að venju verður mikið um dýrðir á þessu vinsæla skákmóti og fjöldi vinninga. Emmess ís býður upp á ókeypis veitingar í skákhléi, Emmessís og Prins póló. Heiðursgestur mótsins verður enginn annar en hinn vinsæli rithöfundur, leikari, sjónvarpsstjarna og vísindamaður Ævar Þór og verða fjögur árituð eintök af nýjustu bókinni hans á  meðal 20 aðalvinninga sem keppt er um. Ævar Þór mun ávarpa skáksnillingana í upphafi móts og leika fyrsta leik mótsins. Aðrir vinningar eru pítsur frá Pizzunni, íspakkar frá Emmess og gjafabréf frá fyrirtækjum á Torginu í Hverafold í Grafarvogi. Nammipokar í happadrætti. Tefldar verða 6 umferðir og umhugsunartíminn er 7 mínútur. Björn Ívar Karlsson frá Skákakademíu Reykjavíkur sér um að skrá niður alla sem vilja taka þátt í mótinu og er mælst til þess að keppendur mæti tímanlega á mótsstað. Áhugasamir skákkrakkar eru hvattir til að taka félaga sína, vini og systkini með sér á mótið, alla sem kunna að tefla. Kaffi á könnunni fyrir foreldra. Í fyrra mætu tæplega 80 krakkar á grunnskólaaldri og þeir verða tæplega færri nú. Mótsstjóri verður Helgi Árnason formaður skákdeildar Fjölnis.

Jólaskákmót TR og SFS fer fram 27.-28.nóvember - skráningarfrestur rennur út á morgun

 

Jólaskákmót Taflfélags Reykjavíkur og Skóla- og frístundasviðs Reykjavíkur verður haldið í húsnæði Taflfélags Reykjavíkur að Faxafeni 12 dagana 27.-28.nóvember. Sem fyrr verður mótinu skipt í tvo hluta; yngri flokkur (1.-7.bekkur) og eldri flokkur (8.-10.bekkur).

Tefldar verða 6 umferðir eftir svissnesku kerfi. Umhugsunartími er 10 mín fyrir hverja skák. Þátttökurétt hafa börn úr grunnskólum Reykjavíkur í 1.-10.bekk. Mikilvægt er að liðsstjóri fylgi liðum hvers skóla og er æskilegt að hver liðsstjóri stýri ekki fleiri en tveimur liðum. Engar takmarkanir eru á fjölda skáksveita hvers skóla. Í hverri skáksveit tefla 4 keppendur og má hver sveit hafa 0-2 varamenn.

Í yngri flokki verður keppt í tveimur riðlum sunnudaginn 27.nóvember. Suður riðill hefur keppni kl.10:30. Norður riðill hefur keppni kl.14:00. Tvær efstu sveitir hvors riðils mætast í 4-liða úrslitakeppni þar sem sveitirnar mætast innbyrðis í tvöfaldri umferð (6 umferðir). Tvær efstu stúlknasveitir hvors riðils mætast einnig í 4-liða úrslitakeppni með sama fyrirkomulagi. Úrslitakeppnirnar fara fram mánudaginn 28.nóvember og hefjast kl.17:00. Veitt verða verðlaun fyrir þrjú efstu sætin í hvorum riðli. Að auki fá þrjár efstu stúlknasveitir hvors riðils verðlaun. Þrjár efstu sveitir úrslitakeppninnar fá jafnframt verðlaun.

Eldri flokkur hefst mánudaginn 28.nóvember kl.17:00. Veitt verða verðlaun fyrir þrjú efstu sætin. Að auki fá þrjár efstu stúlknasveitirnar verðlaun. Verðlaunaafhending eldri flokks fer fram strax að lokinni keppni.

Þátttaka í báða flokka tilkynnist til skrifstofu Skóla- og frístundasviðs Reykjavíkur eigi síðar en föstudaginn 25. nóvember. Ekki verður hægt að skrá lið á mótsstað. Skráning sendist á netfang: [e-mail].

Guðmundur efstur í Rúnavík!

Guðmundur Kjartansson (2438) er í banastuði á alþjóðlega mótinu í Rúnavík í Færeyjum. Gummi vann moldóvska alþjóðlega meistarann og mikinn félaga sinn Vladimir Hamitevici (2484) í þriðju umferð sem fram fór í morgun.  Jóhann Hjartarson (2541) er næstefstur Íslendinganna með 2,5 vinninga eftir jafntefli við alþjóðlega meistarann Nikolaj Mikkelsen (2466) í hörkuskák.

Þröstur Þórhallsson (2417) sem tapaði fyrir helstu stjörnu Færeyinga Helga Dam Ziska (2551) hefur 2 vinninga ásamt Lofti Baldvinssyni (1961), Þorvarði F. Ólafssyni (2182) og Vigni Vatnari Stefánssyni (2299) sem allir unnu í morgun. Gauti Páll Jónsson (2036) og Heimir Páll Ragnarsson (1695) hafa 1,5 vinning en þeir unnu Nielsen-bræðurna í Horni. 

Fjórða umferð hófst kl. 15. Þar mætast meðal annars Jóhann og Guðmundur og Þröstur og Vignir. 

• Heimasíða mótsins
• Chess-Results
• Beinar útsendingar

 

Skáknámskeið í gangi á Seltjarnarnesi

Landsliðsflokkur í skák fór fram á Seltjarnarnesi síðastliðið vor. Í framhaldi af góðu samstarfi bæjaryfirvalda og Skáksambandsins var stefnt að frekara skákstarfi á Nesinu. Í haust og vetur hefur nemendum Grunnskólans verið boðið upp á skákkennslu einu sinni í viku eftir skóla. Kennt er í þremur hópum, 3. bekk, 4. bekk og 5.-6. bekk. Kennslan fer fram í Selinu sem er félagsmiðstöð skólans og sinnir Stefán Bergsson kennslunni. Að jafnaði hafa mætt um 10-12 nemendur úr hverjum aldurshópi og er stefnt að þátttöku skólans í sveitakeppnum síðar í vetur.

Atskákmót Reykjavíkur og atskákmót Hugins fer fram á mánudaginn

Atskákmót Reykjavíkur sem jafnframt er atskákmót Hugins, suðursvæði fer fram mánudaginn 28. nóvember nk. Mótið fer fram í félagsheimili Hugins, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani.

Núverandi atskákmeistari Reykjavíkur er Guðmundur Kjartansson og atskákmeistari Hugins er Hjörvar Steinn Grétarsson.

Verðlaun:

• 1. 15.000
• 2.  8.000
• 3.  4.000

Þátttökugjöld:

16 ára og eldri: 1.000 kr
15 ára og yngri:   500 kr.

Þriðja mót Bikarsyrpunnar ásamt Bikarmóti stúlkna fer fram helgina 2.-4. desember

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað þriðja árið í röð. Mót syrpunnar í vetur verða fimm talsins og hefur umferðum hvers móts verið fjölgað í sjö.

Þriðja mót Bikarsyrpunnar hefst föstudaginn 2. desember og stendur til sunnudagsins 4. desember. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Við endurtökum leikinn og höldum að auki meðfram Bikarsyrpunni Bikarmót stúlkna sem mæltist vel fyrir á síðastliðnu móti. Með því gefst stelpum sem vilja prófa form Bikarsyrpunnar aukið tækifæri á að spreyta sig áður en þær taka þátt í sjálfri Bikarsyrpunni. Tefldar verða fimm umferðir í stúlknamótinu, ein á föstudag og tvær hvorn daginn laugardag og sunnudag, en að öðru leyti verður fyrirkomulag hið sama og í Bikarsyrpunni. Nánari dagskrá má sjá hér að neðan.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2001 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Dagskrá Bikarsyrpu III:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 3. desember kl. 16.00 (lau)
5. umferð: 4. desember kl. 10.00 (sun)
6. umferð: 4. desember kl. 13.00 (sun)
7. umferð: 4. desember kl. 16.00 (sun)

Dagskrá Bikarmóts stúlkna:

1. umferð: 2. desember kl. 17.30 (fös)
2. umferð: 3. desember kl. 10.00 (lau)
3. umferð: 3. desember kl. 13.00 (lau)
4. umferð: 4. desember kl. 10.00 (sun)
5. umferð: 4. desember kl. 13.00 (sun)

Verðlaunaafhending fer fram strax að lokinni síðustu umferð hvors móts fyrir sig.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu (í stúlknamótinu er ein yfirseta leyfð í umferðum 1-3). Tilkynna þarf skákstjóra um yfirsetu fyrir lok umferðarinnar á undan.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari hvors móts hlýtur að launum bikar. Verðlaunapeningur eru veittur fyrir 2.sæti og 3.sæti. Sérstök verðlaun verða veitt næsta vor fyrir samanlagðan árangur í mótunum fimm, þar á meðal er veglegur farandbikar. Þá verða veitt sérstök verðlaun fyrir samanlagðan árangur fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1.sæti gefur 5 einkatíma, 2.sæti gefur 3 einkatíma og 3.sæti gefur 2 einkatíma.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Þrír Íslendingar á toppnum í Runavík

Önnur umferð Runavik Open fór fram í dag. Almennt gekk vel hjá íslensku keppendum í dag og komu 5 vinningar í hús í átta skákum. Guðmundur Kjartansson (2438), Þröstur Þórhallsson (2417) og Jóhann Hjartarson (2541) unnu allir sínar skákir og eru í hópi níu keppenda sem hafa fullt hús. Loftur Baldvinsson (1961) vann einnig sína skák en Gauti Páll Jónsson (2036) og Heimir Páll Ragnarsson (1695) gerðu jafntefli í hörku skák. Fremur lítið hefur enn sem komið er verið um óvænt úrslit og hafa hinir stigahærri með örfáum undantekningum unnið hina stigalægri. 

Á morgun færist hins vegar heldur betur fjör í leikinn þegar tefldar verða tvær umferðir. Hefst sú fyrri kl. 9 og sú síðari kl. 15. 

Afar góðar aðstæður eru í Runavík og væsir ekki um íslensku keppendurna. Í morgun buðu mótshaldarar í samstarfi við bæjaryfirvöld keppendum í Garðahúsið og var sú heimsókn afar vel lukkuð. Á fimmtu- og föstudag verða fleiri skoðunarferðir á vegum mótshaldara. Á milli skáka geta svo keppendur verslað sér matföng í Bónus. 

• Heimasíða mótsins
• Chess-Results
• Beinar útsendingar

 

Henrik byrjar vel á HM öldunga

Stórmeistarinn Henrik Danielsen (2477) er meðal keppenda á HM öldunga (50+) sem fram fer þessa dagana í Marianske Lazne í Tékklandi. Henrik hefur byrjað afskaplega vel og hefur fullt hús eftir fjórar umferðir. Fullt hús hafa reyndar þrír aðrir keppendur. 

Úrslit í skákum Henriks má finna hér.

Alls taka 162 skákmenn þátt í flokki Henriks og þar af eru 13 stórmeistarar. Henrik er fjórði í stigaröð keppenda.

• Heimasíða mótsins
• Chess-Results
• Beinar útsendingar (hefjast almennt kl. 13)

Karjakin vann Carlsen - heimsmeistarinn skrópaði á blaðamannafund

Áttunda skák heimsmeistaraeinvígis Carlsen og Kramniks (2753) var heldur betur dramatísk. Svo fór að áskorandinn vannn skákina í 52 leikjum með svörtu. Á ýmsu gekk í skákinni og ekki var dramatíkin minni að skák lokinni þegar heimsmeistarinn strunsaði út er blaðamannaherberginu áður en sjálfur fundurinn hófst. Heimsmeistarinn gæti átt yfir sér háa sekt vegna þess. 

Skoðum skákina og nokkur augnablik úr henni. Carlsen hafði hvítt og beitti Colle-byrjun. Það þykir ekki metnaðarfull byrjun sem hefur ekki verið beitt í heimsmeistaraeinvígi síðan í heimsmeistaraeinvígi Gunsberg og Steinitz í New York árið 1890!

Upp kom upp skemmtileg, flókinn og spennandi stað og fékk Karjakin gott tækifæri í 19. leik þegar hann gat leikið 19...Dg5 og náð frumkvæðinu.

 

Áfram hélt baráttan og lagði Magnus töluvert á stöðuna og var greinilega að freista þess að tefla til sigurs. Magnus fórnaði tveimur peðum fyrir sóknarfæri. Báðir keppendur voru í tímahraki. Eftir 37. lék Carlsen Dd6 kom þessi staða upp.

Hér lék Karjakin 37...Dd3? Ef hann hefði leikið 37...Da4! er svartur með unnið tafl þar sem drottningin kemst í vörnina. Nú átti heimsmeistarinn brellu sem tryggir honum jafntefli. 38. Rxe6+! fxe6 39. De7+ Kg8 40. Dxf6 a4 41. e4 D7 42. Dxg6 Dg7 43. De8+ Df8

 

Hér gæti Carlsen getað þráteflt með 44. Dg6+. Carlsen tekur hins vegar þá afdrífaríku ákvörðun að tefla til sigurs með 44. Dc6. Sá leikur tapar ekki skákinni en býður hættunni áþreifanlega heim þar sem a-peðið getur verið hættulegt.

Carlsen tefldi vanteflt framhaldið ekki sem nákvæmast og nokkrir ónákvæmir drottningarleikir fylgdu. Eftir 51. De6 kom þessi staða upp.

51...h5! Eini vinningsleikurinn. Hvítur er varnarlaus. 52. g4 er t.d. svarað með 52...Dc7! 53. Kg1 Dc1+ 52. Kh2 Db2! Carlsen svaraði með 52. h4 en gafst upp eftir 52...a2! Framhaldið hefði getað orðið 53. Dxa2 Rg4+ 54. Kh3 Dg1! 55. Db2 Kg6.

Mögnuð skák og virkilega vel tefld skák að hálfu Karjakins sérstaklega í lokin. Ekki minnkaði dramatíkin í framhaldinu. Eins og venja áttu keppendur að mæta í sameinilega blaðmannafund. Karjakin mætir venju saman í nokkur stutt viðtöl á leiðinni þangað en Carlsen neitar öllum stuttum viðtölum og heldur beint í settið. Þar situr hann og bíður illa pirraður. Eftir um tvær mínútur fær hann nóg, baðar út öngum, og strunsar út.

Skiptir þar engum togum að bæði Espen Agdestein, umboðsmaður hans, og Natashia Karlovich, fjölmiðlafulltrúi FIDE reyna að tala hann til en árangurslaust. Þetta gæti reynst Carlsen dýrt því fram kemur í samningi keppenda við mótshaldara að það geti kostað þá 10% af verðlaunafé að mæta ekki í blaðamannafundinn.

Frídagur er í dag. Níunda skákin af tólf fer fram annað kvöld. 

Nánari fréttir af atburðarrás gærdagsins má finna á Chess.com, Chess24 og Mattogpatt.

Skoðum nokkur tíst gærdagsins:

Anyone who complains about boring match is not allowed to watch any more games, ever. #CarlsenKarjakin

— Jonathan Tisdall (@GMjtis) November 21, 2016

Nepomniachtchi in New York, asked whether he's a part of Karjakin's team: "Not really. I can only say I am a Russian fan." #CarlsenKarjakin

— Tarjei J. Svensen (@TarjeiJS) November 21, 2016

The World Champion is risking a huge fine for not appearing at the press conference. #CarlsenKarjakin pic.twitter.com/GmwdviXsQb

— Tarjei J. Svensen (@TarjeiJS) November 22, 2016

I had a long skype call. Has anything happened in the meantime? #CarlsenKarjakin

— Nigel Short (@nigelshortchess) November 21, 2016

There's danger in over punching. https://t.co/AbpRxxp2Sf #CarlsenKarjakin pic.twitter.com/uKCM3ThUbG

— Olimpiu G. Urcan (@OlimpiuUrcan) November 22, 2016

Magnus Carlsen tapte mot Sergej Karjakin i det åttende VM-partiet. Etterpå nektet Carlsen å stille opp på pressekonferansen. pic.twitter.com/TyqnR4oI0r

— NRK Sjakk (@NRKsjakk) November 22, 2016

#CarlsenKarjakin A free day now is the worst you can get

— Paco Vallejo (@Chessidharta) November 22, 2016

 

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Championship"] [Site "0:14:33-0:31:33"] [Date "2016.11.21"] [EventDate "2016.11.11"] [Round "8"] [Result "0-1"] [White "Magnus Carlsen"] [Black "Sergey Karjakin"] [ECO "D05"] [WhiteElo "?"] [BlackElo "?"] [PlyCount "104"] 1.d4 Nf6 2.Nf3 d5 3.e3 e6 4.Bd3 c5 5.b3 Be7 6.O-O O-O 7.Bb2 b6 8.dxc5 Bxc5 9.Nbd2 Bb7 10.Qe2 Nbd7 11.c4 dxc4 12.Nxc4 Qe7 13.a3 a5 14.Nd4 Rfd8 15.Rfd1 Rac8 16.Rac1 Nf8 17.Qe1 Ng6 18.Bf1 Ng4 19.Nb5 Bc6 20.a4 Bd5 21.Bd4 Bxc4 22.Rxc4 Bxd4 23.Rdxd4 Rxc4 24.bxc4 Nf6 25.Qd2 Rb8 26.g3 Ne5 27.Bg2 h6 28.f4 Ned7 29.Na7 Qa3 30.Nc6 Rf8 31.h3 Nc5 32.Kh2 Nxa4 33.Rd8 g6 34.Qd4 Kg7 35.c5 Rxd8 36.Nxd8 Nxc5 37.Qd6 Qd3 38.Nxe6+ fxe6 39.Qe7+ Kg8 40.Qxf6 a4 41.e4 Qd7 42.Qxg6+ Qg7 43.Qe8+ Qf8 44.Qc6 Qd8 45.f5 a3 46.fxe6 Kg7 47.e7 Qxe7 48.Qxb6 Nd3 49.Qa5 Qc5 50.Qa6 Ne5 51.Qe6 h5 52.h4 a2 0-1

Vinsæla TORG-skákmótið haldið í Rimaskóla á laugardaginn kl. 11:00

Öllum skákáhugamönnum á grunnskólaaldri er boðið að taka þátt í hinu árlega TORG-skákmóti Fjölnis sem hefst í Rimaskóla laugardaginn 26. nóvember kl. 11:00. Mótinu lýkur með happadrætti og verðlaunahátíð kl. 13:15.

Að venju verður mikið um dýrðir á þessu vinsæla skákmóti og fjöldi vinninga. Emmess ís býður upp á ókeypis veitingar í skákhléi, Emmessís og Prins póló. Heiðursgestur mótsins verður enginn annar en hinn vinsæli rithöfundur, leikari, sjónvarpsstjarna og vísindamaður Ævar Þór og verða fjögur árituð eintök af nýjustu bókinni hans á  meðal 20 aðalvinninga sem keppt er um. Ævar Þór mun ávarpa skáksnillingana í upphafi móts og leika fyrsta leik mótsins. Aðrir vinningar eru pítsur frá Pizzunni, íspakkar frá Emmess og gjafabréf frá fyrirtækjum á Torginu í Hverafold í Grafarvogi. Nammipokar í happadrætti. Tefldar verða 6 umferðir og umhugsunartíminn er 7 mínútur. Björn Ívar Karlsson frá Skákakademíu Reykjavíkur sér um að skrá niður alla sem vilja taka þátt í mótinu og er mælst til þess að keppendur mæti tímanlega á mótsstað. Áhugasamir skákkrakkar eru hvattir til að taka félaga sína, vini og systkini með sér á mótið, alla sem kunna að tefla. Kaffi á könnunni fyrir foreldra. Í fyrra mætu tæplega 80 krakkar á grunnskólaaldri og þeir verða tæplega færri nú. Mótsstjóri verður Helgi Árnason formaður skákdeildar Fjölnis.