Teflt til minningar um Birgi Sigurðsson í dag

 

Næsta þriðjudag ætla Æsir í Ásgarði að tefla í minningu Birgis Sigurðssonar. Birgir var formaður skákfélags eldri borgara fyrstu 13 ár þessarar aldar. Birgir lést þann 22 apríl 2014

Skákstaðurinn er í Stangarhyl 4 félagsheimili eldri borgara í Reykjavík. Teflt er um sérsmíðaðan farand riddara.

Við teflum frá kl. 13:00 til 16:30

Allir skákmenn 60 + velkomnir. 

Stjórnin.

Rúnavík Open hófst í dag

Alþjóðlega skákmótið Rúnavík Open hófst í dag í Rúnavík í Færeyjum. Fjörtíu skákmenn taka þátt í þessu fyrsta opna alþjóðlega skákmóti sem haldið er í Færeyjum og þar af eru átta íslenskir. Meðal íslenskra keppenda eru stórmeistararnir Jóhann Hjartarson (2541) og Þröstur Þórhallsson (2417) og alþjóðlegi meistarinn Guðmundur Kjartansson (2438). 

Öll úrslit fyrstu umferðar urðu eftir bókinni það er hinir stigahærri unnu þá stigalægri. 

Önnur umferð hefst kl. 15 á morgun.

• Heimasíða mótsins
• Chess-Results
• Beinar útsendingar

 

Taflfélag Reykjavíkur öruggur Íslandsmeistari unglingasveita

Taflfélag Reykjavíkur vann öruggan sigur á Íslandsmóti unglingasveita fram fór laugardaginn 19. nóvember sl. Sveitin hlaut 25,5 vinninga í 28 skákum og var 6 vinningum fyrir ofan næstu sveit Breiðablik sem varð í öðru sæti. Það segir margt um yfirburði TR að b-sveitin varð í þriðja sæti.

A- og B-liðið skipuðu krakkar af afreksæfingum A í Taflfélagi Reykjavíkur, undir stjórn liðsstjórans og þjálfarans Daða Ómarssonar. Alvara einkennir þessi lið, enda eru þetta allt krakkar sem eru búin að æfa í mörg ár og þekkja það að tefla um titla og verðlaun. Sveitin vann allar viðureignir sínar og það var ekki fyrr en síðustu tveimur viðureignunum sem hún missti niður punkta, á móti A-sveit Breiðabliks og A-sveit Hugins.

A-sveit TR skipuðu:

1. Vignir Vatnar Stefánsson 7 v. af 7
2. Aron Þór Mai 6 v. af 7
3. Alexander Oliver Mai 6 v. af 7
4. 4.Jón Þór Lemery 6,5 v. af 7

Allir liðsmenn A-liðsins fengu borðaverðlaun.

A-sveit Breiðabliks skipuðu:

1. Stephan Briem 4 v. af7
2. Birkir Ísak Jóhannsson 6 v. af 7
3. Halldór Atli Kristjánsson 4,5 v. af 7
4. Arnar Milutin Heiðarsson 5 v. af 7

Birkir Ísak fékk borðaverðlaun á öðru borði.

Liðsstjóri var Birkir Karl Sigurðsson

B-sveit TR skipuðu:

 

1. Róbert Luu 4,5 v. af 7
2. Daníel Ernir Njarðarson 4,5 v af 7
3. Svava Þorsteinsdóttir 4 v. af 7
4. Jason Andri Gíslason 5,5 v. af 7

TR-ingar fengu verðlaun fyrir allar sínar sveitir en félagið sendi 7 sveitir til leiks.

Lokastöðu mótsins má finna hér

Ítarlega myndskreytta frétt um mótið má finna á heimasíðu TR.

Karjakin breytti út af og lék 1. d4 - en niðurstaðan hefðbundið jafntefli

Sjöundu skák heimsmeistaraeinvígis Karjakin (2772) og Carlsen (2753) lauk með jafntefli. Sjöunda jafnteflið þeirria í röð og eiga þeir aðeins eitt jafntefli til að jafna met Kasparovs og Anand frá árinu 1995 New York en þá gerðu þeir jafntefli í átta fyrstu skákunum. Karjakin nýtti ekki vel tækifærið sem hafði þegar hann hafði hvítt í 6. og 7. skákunum því Carlsen hélt auðveldlega jafntefli í þeim báðum með svörtum. 

Sergei Karjakin lék 1. d4 í fyrsta skipti í einvíginu. Hingað til hafði hann ávallt beitt 1. e4 en komist afar lítt áleiðis gegn spænskum leik Carlsen. Carlsen beitti slavenskri vörn og kom óvart í tíunda leik.

 

Carlsen lék 10...Rc6. Sá leikur sást fyrst í skák Tartakower og Colle árið 1927 en hefur lítið sést síðan. Greinilega undirbúið hjá Carlsen sem lék léknum hratt. Karjakin hugsaði sig í um 18 leiki og valdi bitlaust framhald 11. Rd2 Bxc5 12. Rde4. 

Carlsen jafnaði taflið en lék ónákvæmt þegar hann lék 16...Ha8-c8? 

Karjkin lék nú 17. Rf6+! Bxf6 18. Bxb7 og vann peð. Það kom ekki að sök engu síður því hann komst ekkert áleiðis þrátt fyrir að vera peði yfir eftir 18...Bxa1 19. Bxb4 Bf6 20. Bxf8 Dxd1 21. Hxd1 Hxf8 22. Ba6 b4.

Jafntefli samið 11 leikjum síðar. Fremur auðvelt jafntefli hjá Carlsen með svörtu þrátt fyrir að hafa leikið af sér peði. 

Báður voru þeir frekar kátir á blaðamannafundinum. Karjakin virðist vera ánægður að vera tauplaus gegn heimsmeistaranum eftir sjö skákir og Carlsen ánægður með að jafnteflin tvö með svörtu. 

Áttunda skákin fer fram í kvöld og þar hefur Carlsen hvítt. 

Skoðum nokkur tíst gærdagsins:

10...Nc6 diverges from Capablanca-Rubinstein, Moscow 1925 - off the top of my head #CarlsenKarjakin

— Nigel Short (@nigelshortchess) November 20, 2016

Great question from a child, great answer by @MagnusCarlsen #CarlsenKarjakin #game7 @lichessorg pic.twitter.com/sbX74Sctin

— Tyler Schwartz (@tylervsnyc) November 20, 2016

Wish they have played until 6 wins,like Karpov-Kasparov,in year 2018 I would watch both Fifa World Cup and their 205th game #carlsenkarjakin

— Teymur Rajabov (@rajachess) November 20, 2016

"Who knows, maybe they'll draw all 12 games and kill classical chess once and for all." -@GMHikaru texting me. Had to share. #worldchess2016

— Daniel Rensch (@DanielRensch) November 20, 2016

 

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Championship"] [Site "0:21:33-1:04:33"] [Date "2016.11.20"] [EventDate "2016.11.11"] [Round "7"] [Result "1/2-1/2"] [White "Sergey Karjakin"] [Black "Magnus Carlsen"] [ECO "D10"] [WhiteElo "?"] [BlackElo "?"] [PlyCount "66"] 1.d4 d5 2.c4 c6 3.Nc3 Nf6 4.e3 a6 5.Bd3 dxc4 6.Bxc4 e6 7.Nf3 c5 8.O-O b5 9.Be2 Bb7 10.dxc5 Nc6 11.Nd2 Bxc5 12.Nde4 Nxe4 13.Nxe4 Be7 14.b3 Nb4 15.Bf3 O-O 16.Ba3 Rc8 17.Nf6+ Bxf6 18.Bxb7 Bxa1 19.Bxb4 Bf6 20.Bxf8 Qxd1 21.Rxd1 Rxf8 22.Bxa6 b4 23.Rc1 g6 24.Rc2 Ra8 25.Bd3 Rd8 26.Be2 Kf8 27.Kf1 Ra8 28.Bc4 Rc8 29.Ke2 Ke7 30.f4 h6 31.Kf3 Rc7 32.g4 g5 33.Ke4 Rc8 1/2-1/2

Jólaskákmót Vinaskákfélagsins

Jólaskákmót Vinaskákfélagsins verður haldið mánudaginn 5. desember kl: 13, í Vin að Hverfisgötu 47. Ennfremur er þetta líka afmælisskákmót Hauks Halldórssonar sem verður 50 ára þann 7 desember.Tefldar verða 6 umferðir með 7 mínútur á skák. Í hléi verður boðið upp á kaffi og veitingar.

Allir velkomnir á meðan húsrúm leyfir.

 

Teflt í minningu Birgis Sigurðssonar á þriðjudaginn

 

Næsta þriðjudag ætla Æsir í Ásgarði að tefla í minningu Birgis Sigurðssonar. Birgir var formaður skákfélags eldri borgara fyrstu 13 ár þessarar aldar. Birgir lést þann 22 apríl 2014

Skákstaðurinn er í Stangarhyl 4 félagsheimili eldri borgara í Reykjavík. Teflt er um sérsmíðaðan farand riddara.

Við teflum frá kl. 13:00 til 16:30

Allir skákmenn 60 + velkomnir. 

Stjórnin.

Skákþáttur Morgunblaðsins: Líkur á jafntefli í fyrstu einvígiskák Carlsen og Karjakin

Fyrsta einvígisskák norska heimsmeistarans Magnúsar Carlsen og Rússans Sergei Karjakin hófst í New York í gær kl. 19 að íslenskum tíma. Skákinni var ekki lokið þegar þetta var ritað í gærkvöldi en hér að neðan birtist viðureignin fram að þeim tíma en jafntefli blasti þá við. Þetta kemur ekki á óvart því í fyrstu skák margra slíkra er eins og keppendur séu að þreifa fyrir sér og venjast aðstæðum.

Strax í byrjun reyndi Magnús að koma Karjakin á óvart með því að velja byrjunarleið sem þótti minna á sigurvegara bandarísku forsetakosninganna, Trompovsky- byrjun. Hann kom ekki að tómum kofanum hjá andstæðingi sínum sem jafnaði taflið án teljandi erfiðleika en reyndi ekki að nýta sér þau færi sem buðust og var greinilega sáttur við jafntefli. Magnús náði forskoti á skákklukkunni en eftir drottningaruppskipti og enn meiri uppskipti virtist ekki eftir miklu að slægjast. Skákinni var ekki lokið þegar greinarhöfundur skildi við þá félaga.

Þeir munu tefla 12 skákir og verði þá jafnt verður gripið til skáka með styttri umhugsunartíma. Tímamörk eru 100 mínútur á mann fyrir fyrstu 40 leikina, 50 mínútur fyrir næstu 20 leiki og eftir það 15 mínútur á skákina allt til loka, 30 sekúndur bætast við tímann eftir hvern einasta leik. Önnur einvígisskákin fer fram í dag og hefst kl. 19 að íslenskum tíma, frí á morgun og svo eru tefldar tvær skákir, aftur frídagur og svo tvær skákir og þannig koll af kolli. 12. skákin er á dagskrá þann 28. nóvember. 

Leitað eftir aðstoð Microsoft

Þó að Magnús Carlsen sé talinn mun sigurstranglegri eru fræðimenn ýmsir fljótir að benda á nokkur einvígi í sögu heimsmeistarakeppninnar þar sem „minnipokamaðurinn“ hefur staðið uppi sem sigurvegari. Helsta von Karjakins liggur á sviði byrjana en þar þykir hann beittari en Carlsen sem gerir sér far um að sneiða hjá alfaraleiðum. 

Sálfræðiþátt þessarar baráttu má ekki vanmeta og Rússarnir kunna ýmislegt fyrir sér á því sviði. Gamall vinur Magnúsar, rússneski stórmeistarinn Jan Nepomniahctchi, sigurvegari á minningarmótinu um Tal á dögunum, var í liði heimsmeistarans í Sochi fyrir tveim árum en er að sögn kominn yfir í herbúðir Karjakin. Á blaðamannafundi sl. fimmtudag kvaðst Magnús ekki hafa áhyggjur af vistaskiptum Nepo. Hann hefur hinsvegar leitað eftir aðstoð hjá Microsoft til að girða fyrir þann möguleika að Rússarnir komist yfir gögn sem varða undirbúning hans fyrir einvígið. Tortryggni vegna ólöglegrar notkunar á hugbúnaði á meðan skák stendur yfir komst í hámæli þegar Topalov og Kramnik háðu heimsmeistaraeinvígi sitt í Elista í Kalmykíu árið 2006. Í dag mega skákmenn ekki koma með snjallsíma á skákstað og armbandsúr eru líka á bannlista. Fjölmörg svindlmál hafa komið upp undanfarið og FIDE hefur neyðst til að auka mikið við regluverk sitt.

New York hefur áður verið vettvangur heimsmeistaraeinvígis; Kasparov og Anand tefldu um PCA-heimsmeistaratitilinn á 107. hæð World trade center haustið 1995. Einvígið fer nú fram í Fulton-Market byggingunni á Manhattan í grennd við Wall Street og steinsnar frá Brooklyn-brúnni sem liggur yfir í þann hluta heimsborgarinnar sem ól upp frægasta skákmann Bandaríkjanna, Bobby Fischer.

Aðalskipuleggjandi einvígisins í New York er Agon, fyrirtæki sem staðið hefur fyrir skákviðburðum á borð við heimsmeistarakeppnina í hraðskák og atskák. Agon mun láta reyna á einkarétt sinn vegna útsendinga frá einvíginu og kynnir nýjar lausnir þar sem áskrifendur eru mataðir með ólíklegustu upplýsingum til viðbótar við útreikninga „skákvélanna“. Skákmeistararnir eru jafnframt í nærmynd meðan á hverri viðureign stendur. Skákin í gær gekk þannig fyrir sig:

HM-einvígið New York 2016; 1. einvígisskák:

Magnús Carlsen – Sergei Karjakin

Trompowsky-byrjun

1. d4 Rf6 2. Bg5 d5 3. e3 c5 4. Bxf6 gxf6 5. dxc5 Rc6

(Kramnik lék 5....e6 gegn Magnúsi á minningarmótinu um Tal árið 2013.)

6. Bb5 e6 7. c4 dxc4 8. Rd2 Bxc5 9. Rgf3 0-0 10. 0-0 Ra5 11. Hc1 Be7 12. Dc2 Bd7?!

(Hvassara var 12....a6 og svarta staðan er síst lakari.)

13. Bxd7 Dxd7 14. Dc3 Dd5 15. Rxc4 Rxc4 16. Dxc4 Dxc4 17. Hxc4 Hfc8 18. Hfc1 Hxc4 19. Hxc4 Hd8 20. g3

(Bíður áttekta. Flestir áttu von 20. g4 eða 20. Kf1.)

20.... Hd7 21. Kf1 f5 22. Ke2 Bf6 23. b3 Kf8 24. h3 h6 25. Re1

(Riddarinn er á leið til d3 þar sem hann stendur vel.)

25....Ke7 26. Rd3 Kd8 27. f4 h5 28. a4 Hd5

Þetta var staðan eftir þriggja klst. taflmennsku. Karjakin átti ekki að vera í neinum vandræðum að ná jafntefli.

Grein þessi birtist í Morgunblaðinu 12. nóvember 2016

Skákþættir Morgunblaðsins

[Event "Carlsen - Karjakin World Chess Championship"] [Site "New York NY USA"] [Date "2016.11.11"] [EventDate "2016.11.11"] [Round "1"] [Result "1/2-1/2"] [White "Magnus Carlsen"] [Black "Sergey Karjakin"] [ECO "A45"] [WhiteElo "?"] [BlackElo "?"] [PlyCount "84"] 1.d4 Nf6 2.Bg5 d5 3.e3 c5 4.Bxf6 gxf6 5.dxc5 Nc6 6.Bb5 e6 7.c4 dxc4 8.Nd2 Bxc5 9.Ngf3 O-O 10.O-O Na5 11.Rc1 Be7 12.Qc2 Bd7 13.Bxd7 Qxd7 14.Qc3 Qd5 15.Nxc4 Nxc4 16.Qxc4 Qxc4 17.Rxc4 Rfc8 18.Rfc1 Rxc4 19.Rxc4 Rd8 20.g3 Rd7 21.Kf1 f5 22.Ke2 Bf6 23.b3 Kf8 24.h3 h6 25.Ne1 Ke7 26.Nd3 Kd8 27.f4 h5 28.a4 Rd5 29.Nc5 b6 30.Na6 Be7 31.Nb8 a5 32.Nc6+ Ke8 33.Ne5 Bc5 34.Rc3 Ke7 35.Rd3 Rxd3 36.Kxd3 f6 37.Nc6+ Kd6 38.Nd4 Kd5 39.Nb5 Kc6 40.Nd4+ Kd6 41.Nb5+ Kd7 42.Nd4 Kd6 1/2-1/2

Jafntefli í stuttri en snarpri skák í gær - jafnt í hálfleik

Stysta skák heimsmeistaraeinvígisins til þessa fór fram í gær. Skákin var aðeins 32 leikir og tók af á aðeins 95 mínútum. Karjakin hafði hvítt og tefldi spænska leikin. Carlsen breytti út fyrri skákum. Fórnaði peði í níunda leik. Þekkt peðsfórn frá sjöunda áratugnum en það var svo Peter Heine Nielsen, aðstoðarmaður Carlsen, sem dustaði rykið af peðsfórninni 2007 sem hefur reglulega sést síðan þá. Greinilegt var að atvikið frá skákinni áður þegar Carlsen hafði ekki leikjafjöldann á hreinu sat ekkert í heimsmeistaranum. 

Fjallað var atvikið í gær í sjónvarpsfréttum RÚV. Einnig var ritstjóri í viðtali í Samfélaginu á Rás 1 í gær og það má finna hér (hefst um 21:20).

Fljótlega urðu töluverð uppskipti og upp kom endatafl með mislitum biskupum og jafntefli samið. Skoðum nokkur augnablik frá skák gærdagsins.

Hér fórnaði Carlsen peði með 9...d5! 10. exd5 Rxd5 11. Rxe5 Rd4! Svartur fær biskupaparið og virka stöðu.

 

18...h6! 19. Re6 Dd5 20. f3 Hfe8 21. He5! Dd6

22. c3! Hxe6 23. Hxe6 Dxe6 24, cxb4 cxb4.

Komnir eru mislitir biskupar og jafntefli samið átta leikjum síðar.

Eftir skákina var haldinn blaðamannafundur og voru þeir félagir báðir kátir. Carlsen greinilega ánægður með auðvelt jafntefli með svörtu og Karjakin kampakátur með að hafa 3-3 í hálfleik.

Frídagur er í dag. Keppendur voru spurðir á blaðamannafundinum hvernig þeir ætluðu að nota hann og sagðist áskorandinn kannski ætla að fara í þyrlu. Carlsen sagðist ekki munu þora það! Sagði frídaga ekki í raun og veru frídaga því heilinn væri á fullu!

Nánar má lesa um skák gærdagsins á Chess24 og Chess.com.

Skoðum nokkur tíst gærdagsins

Carlsen looks so depressed and nervous after yesterdays mistake... #CarlsenKarjakin #nrksjakk pic.twitter.com/ObwJyGYDFt

— Mads Støstad (@MadsStostad) November 18, 2016

I will bet my house and sell my children into slavery if it is not a draw. See you on Sunday, chaps and chappettes! #CarlsenKarjakin

— Nigel Short (@nigelshortchess) November 18, 2016

Journalists are tired of reporting draws. Looks like they're getting aggressive with the challenger. #WorldChess2016 #CarlsenKarjakin pic.twitter.com/RGrDvVCRjt

— Dan (@AntonSquaredMe) November 18, 2016

Without a doubt the best moment in the match so far! #CarlsenKarjakin #Helicopter pic.twitter.com/WphlHbTGQm

— Erwin l'Ami (@erwinlami) November 19, 2016

 

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

Haraldur og Dawid efstir á U-2000 móti TR

Haraldur Baldursson (1957) og Dawid Kolka (1907) eru efstir og jafnir með fullt hús vinninga að loknum fjórum umferðum í U-2000 móti Taflfélags Reykjavíkur. Í fjórðu umferð lagði Haraldur Kjartan Ingvarsson (1822) en Dawid hafði betur gegn Jon Olav Fivelstad (1918). Hinn eitilharði Friðgeir Hólm (1739) kemur næstur með 3,5 vinning en hann hafði betur gegn Kristjáni Geirssyni (1610) í snarpri viðureign. Sex keppendur hafa 3 vinninga.

Fimmta umferð fer fram næstkomandi miðvikudagskvöld en þá mætast m.a. Haraldur og Dawid sem og Friðgeir og Kjartan. Taflmennskan hefst kl. 19.30 og eru áhorfendur velkomnir. Alltaf heitt á könnunni!

• Heimasíða TR
• Chess-Results
• Skákirnar: 1 2 3 4

 

Enn jafntefli en að þessu sinni lenti Magnús í vandræðum

Fimmtu skák heimsmeistaraeinvígis Carlsen (2853) og Karjakin (2772) lauk með jafntefli í gær. Carlsen fékk lítisháttar frumkvæði og en aldrei neitt áþreifanlegt. Carlsen missti svo þráðinn í 41. leik þegar hann lék af sér og komst í taphættu. Karjakin nýtti sér hins vegar ekki það tækifæri sem skyldi og jafntefli samið eftir 54 leiki. Staðan er 2½-2½ eftir jafntefli í öllum skákunum. Sjötta skákin verður tefld í kvöld og hefst kl. 19:30. Karjakin hefur hvítt í tveimur næstu skákum.

Heimsmeistarinn breytti útaf frá þriðju skákinni þegar hann lék 3. Bc4 í gær. Það er í fyrsta skipti í heimsmeistaraeinvígi síðan 1981 þegar Karpov lék sama leik gegn Korchnoi og það var í skipti síðan 1890 síðan það gerðist.

Skoðum nokkur augnablik úr skákinni. 

Karjakin lék hér 13...Rxe4 en eftir 14. Bxf7+ Hxf7 15. Rxe4 fékk hvítur heldur þægilegra tafl. 

Hér lék Karjakin hinum eitursnjalla leik 19...Dh4! Hótar bæði b4-peðinu og setur þrýsting á f2-peðið. Carlsen fann hins vegar besta svarleikinn þegar hann lék 20. Hf3!. Karjakin drap á c5 og tók á sig smá svekkju á b7. Áþekkt því sem gerðist í þriðju skákinni.

Eftir 40 leiki kom þessi staða upp.

Hér lék Carlsen 41. Kg2? Slæm mistök sem gefur svörtum vinningsmöguleika. Í ljós kom síðar að Magnus hafði gleymt að skrifa niður leik fyrr í skákinni og hafði ekki áttað sig á að tímamörkunum hafi verið náð. Karjakin svaraði með 41...hxg4 42. hxg4 d4! 43. Dxd4

Hér missti Karjakin hins vegar að upplögðu tækifæri þegar hann lék 43...Bd5?  43...Hh8! hefði gefið honum sigurmöguleika með sókn á h-línunni. Carlsen svaraði með því að gefa peð til baka með 44. e6! og valda þannig h8-reitinn. Jafntefli var samið 10 leikjum síðar.

Skemmtileg skák. Carlsen var drullusvekktur á blaðamannafundinum síðar um kvöldið fyrir að hafa gefið Karjakin svo gott tækifæri og virkaði mjög pirraður. Strunsaði út strax að loknum fundi. Rússinn var hins vegar kátur og hefur greinilega hlaupið kapp í kinn og er kominn með aukið sjálfstraust.

Í næstu tveimur skákum fær Karjakin gott tækifæri því hann hefur hvítt í þeim báðum.

Nánar má lesa um skák gærdagsins á Chess24 og Chess.com.

Skoðum nokkur tíst gærdagsins

The World Champion half asleep while Karjakin thinking about his move. Again! #CarlsenKarjakin pic.twitter.com/DHCnlHdVfA

— Tarjei J. Svensen (@TarjeiJS) November 17, 2016

Couldn't have two more different attitudes from #CarlsenKarjakin pic.twitter.com/A3Js91ytyh

— Tyler Schwartz (@tylervsnyc) November 18, 2016

When you realize that that cute Russian teddy bear you've been toying with could hide some serious piraña teeth. #CarlsenKarjakin pic.twitter.com/9dQWvLnOJl

— Olimpiu G. Urcan (@OlimpiuUrcan) November 17, 2016

Slik tilbragte @MagnusCarlsen hviledagen i New York. Følg det femte partiet her fra 20.00! https://t.co/T4bEOr08xX (foto @MadsStostad) pic.twitter.com/DV5SMG5sC0

— NRK Sport (@NRK_Sport) November 17, 2016

  

• Heimasíða mótsins (10% afsláttur með því að nota kóðann "ischess")
• Chess24 (frítt en ekki myndskeið frá keppendunum)

[Event "Carlsen - Karjakin World Championship"] [Site "0:25:33-0:13:33"] [Date "2016.11.17"] [EventDate "2016.11.11"] [Round "5"] [Result "1/2-1/2"] [White "Magnus Carlsen"] [Black "Sergey Karjakin"] [ECO "C50"] [WhiteElo "?"] [BlackElo "?"] [PlyCount "102"] 1.e4 e5 2. Nf3 Nc6 3. Bc4 Bc5 4. O-O Nf6 5. d3 O-O 6. a4 d6 7. c3 a6 8. b4 Ba7 9. Re1 Ne7 10. Nbd2 Ng6 11. d4 c6 12. h3 exd4 13. cxd4 Nxe4 14. Bxf7+ Rxf7 15. Nxe4 d5 16. Nc5 h6 17. Ra3 Bf5 18. Ne5 Nxe5 19. dxe5 Qh4 20. Rf3 Bxc5 21. bxc5 Re8 22. Rf4 Qe7 23. Qd4 Ref8 24. Rf3 Be4 25. Rxf7 Qxf7 26. f3 Bf5 27. Kh2 Be6 28. Re2 Qg6 29. Be3 Rf7 30. Rf2 Qb1 31. Rb2 Qf5 32. a5 Kf8 33. Qc3 Ke8 34. Rb4 g5 35. Rb2 Kd8 36. Rf2 Kc8 37. Qd4 Qg6 38. g4 h5 39. Qd2 Rg7 40. Kg3 Rg8 41. Kg2 hxg4 42. hxg4 d4 43. Qxd4 Bd5 44. e6 Qxe6 45. Kg3 Qe7 46. Rh2 Qf7 47. f4 gxf4+ 48. Qxf4 Qe7 49. Rh5 Rf8 50. Rh7 Rxf4 51. Rxe7 Re4 1/2-1/2