Pálmi efstur á Skákþingi Skagafjarðar

Fjórða og næstsíðasta umferð Skákþings Skagafjarðar 2015 – Landsbankamótsins var tefld í gær og urðu nokkrar sviptingar á toppnum. Pálmi Sighvats hafði betur gegn Jóni Arnljótssyni og sigldi þar með fram úr Jóni og leiðir mótið með 3½ vinning. Pálmi er greinilega í fínu formi og teflir af miklu öryggi.

Birkir Már Magnússon hafði sigur gegn Jakobi Sævari Sigurðssyni og er þar með kominn upp að hlið Jóns með þrjá vinninga. Næstir, með 2½ vinning, koma svo Þór Hjaltalín og Pétur Bjarnason.

Fyrir lokaumferðina, sem tefld verður næsta miðvikudag, er ljóst að þrír efstu, þeir Pálmi, Jón og Birkir, eiga enn möguleika á að hafa sigur í mótinu og stefnir í harða baráttu. Birkir mun stýra hvítu mönnunum gegn Pálma, en Jón þeim svörtu gegn Þór Hjaltalín.

Önnur úrslit og pörum 5. umferðar má sjá á Chess-Results.

• Heimasíða Skákfélags Sauðárkróks
• Chess-Results

Nóa Siríus mótið: Jón Viktor efstur fyrir lokaumferðina - feðgar gera það gott

Jón Viktor Gunnarsson (2433) er efstur með 6 vinninga að lokinni sjöundu og næstsíðustu umferð Nóa Síríus mótsins, sem fram fór sl. fimmtudagskvöld. Jón gerði þá jafntefli við Guðmund Gíslason (2315) í stuttri skák. Guðmundur er í 2.-3. sæti með 5,5 vinning ásamt Jóhanni Ingvasyni (2126) sem hefur farið mjög mikinn á mótinu ásamt syni syni sínum Erni Leó (2048).

Örn Leó gerði jafntefli við Björgvin Jónsson (2353) en hafði t.d. unnið Guðmund Halldórsson (2219) og gert jafntefli við Guðmund Gíslason og Halldór Grétar Einarsson (2187).

Jón Trausti Harðarson (2067) vann Lenku Ptácníková (2270) og Gauti Páll Jónsson(1871) nýtir tækifærið vel sem Huginsmenn gáfu honum með þátttöku sinni og vann Gunnar Freyr Rúnarsson (2045); Gauti Páll hefur þar með tryggt sér yfir 100 stiga gróða á mótinu og nálgast 2000 stigin eins og óð fluga.

Jón Trausti er í 4.-6. sæti með 5 vinning ásamt Þresti Þórhallssyni (2433) og Karli Þorseins (2456).

Áttunda og síðasta umferð fer fram á fimmtudagskvöld og hefst kl. 19:30. Þá mætast meðal annars:

• Jón Viktor (6) – Jóhann (5,5)
• Karl (5) – Guðmundur (5,5)
• Jón Trausti (5) – Þröstur (5)
• Gauti Páll (4,5) – Björgvin (4,5)
• Kristján Eðvarðsson (4,5) – Örn Leó (4,5)
• Hrafn Loftsson (4,5) – Dagur Ragnarsson (4,5)

 

• Heimasíða mótsins
• Mótið á Chess-Results
• Myndagallerí (GB)

Björn með stórmeistaraáfanga í Bunratty - hefur tryggt sér sigur á mótinu!

Björn Þorfinnsson (2373) hefur náð hreint og beint stórkostlegum árangri á Bunratty-mótinu sem er í gangi á Írlandi. Í gær vann hann Sebastian Maze (2585) í fyrri skák dagsins en Lorin D´Costa (2430) í þeirri síðari. Í morgun tryggði hann sér svo stórmeistaraáfanga með stuttu jafntefli gegn Luis Galego (2461). Stórmeistaraáfangi og sigur á mótinu staðreynd!

Bragi Þorfinnsson (2432) átti einnig góðan dag í gær. Vann Sam Collins (2491) og gerði jafntefli við Simon Williams (2434) og hefur 3 vinninga.

• Heimasíða mótsins
• Úrslitaþjónusta
• Beinar útsendingar (10 og 16)
• ChessBomb (tölvuskýringar)

 

 

Skákþáttur Morgunblaðsins: C.H.O.´D. Alexander og The Imitation Game

Á krá einni í Buckingham-skíri í Englandi á dögum seinni heimssyrjaldarinnar gengur ungur og reffilegur maður sem nefndur er Hugh Alexander yfir gólfið og býður fallegri konu á besta aldri uppá einn drykk. Þau taka tal saman en við það fær samstarfsmaður Alexanders, Alan Turing, stórkostlega hugljómun og tekst nánast á sprettinum yfir í kofa bresku leyniþjónustunnar nr. 8 að ráða tákn dulmálsvélar Þjóðverja, Enigma. Þetta er vendipunktur kvikmyndarinnar The Imitation Game sem fjallar um afrek og dapurleg örlög Alans Turing sem einnig hefur verið nefndur upphafsmaður tölvunnar. Í myndinni er Conel Hugh O'Donel Alexander kynntur til sögunnar sem tvöfaldur breskur meistari í skák, sem er söguleg ónákvæmni því að seinna skiptið sem hann vann titilinn var árið 1956. Þó að Alexander hafi bæði í myndinni – og í reynd – verið lykilmaður og yfirmaður í vinnuhópnum sem réð dulmálslykilinn þykir ýmsum sem hlutur hans hafi ekki verið metinn að verðleikum. Í grein The Telegraph kemur fram að Alan Turing kallaði hann „næstum því jafningja sinn“ en starfsdegi sínum lauk hann hjá bresku leyniþjónustunni MI16 árið 1971. Ekki er vitað hvort Alexander kom til Íslands til að fylgjast með Fischer og Spasskí að tafli en hann skrifaði ágæta bók um einvígið. Hann tefldi á sjö Ólympíumótum fyrir Stóra-Bretland en fyrsta skráða viðureign hans við íslenskan skákmann er frá Ólympíumótinu í Folkstone í Englandi árið 1933 og andstæðingur hans var Þráinn Sigurðsson. Hann tefldi þrjár skákir við Friðrik Ólafsson á sjötta áratugnum.

Á millistríðsárunum tók Alexander þátt í hinu merka móti í Nottingham 1936 þar sem skákelíta heimsins var saman komin með Capablanca, Aljekín, Lasker, Euwe og Botvinnik fremsta í flokki. Það er dálítið snúið að lesa skákstíl hans en mér sýnist Alexander hafa nálgast skáklistina sem einhverskonar ráðgátu og ekki haft mikið fyrir því að læra byrjanir og var það ekki óalgeng nálgun á þeim tíma. Styrkur hans jókst þó hröðum skrefum en breska leyniþjónustan MI16 taldi þekkingu hans svo mikilvæga að hann fékk aldrei að tefla austan járntjalds.

Hann komst í námunda við „Rússana“ í útvarpseinvígi sem Sovétríkin og Stóra-Bretland háðu á 10 borðum á „góðviðrisdögum“ þjóðanna árið 1946. Bretarnir undirbjuggu sig vel fyrir keppnina. Auk Alexanders tefldu tveir sem starfað höfðu fyrir leyniþjónustuna á stríðsárunum, Harry Golombek og Stuart Milner Barry. Mikhail Botvinnik var talinn sterkasti skákmaður heims en hann tapaði seinni skákinni við Alexander:

Útvarpseinvígi 1946; 1. borð:

C.H.O.´D. Alexander – Mikhael Botvinnik

Frönsk vörn

1. e4 e6 2. d4 d5 3. Rc3 Bb4 4. e5 c5 5. a3 Bxc3 6. bxc3 Re7 7. Dg4 cxd4 8. Dxg7 Hg8 9. Dxh7 Da5? 10. Hb1! Dxc3 11. Bd2 Dc7 12. f4 Rbc6 13. Rf3 Bd7 14. Rg5 Hxg5 15. fxg5 O-O-O 16. Dxf7 Dxe5 17. Kd1 Rf5 18. g6 Re3 19. Kc1 De4 20. Bd3 Dxg2 21. He1 Re5 22. Df4 Rf3

23. He2! Dh3 24. Bxe3 e5 25. Df7 dxe3 26. g7 Dg4 27. h3 Dg1 28. Kb2 Dg3 29. Bg6! Rd4 30. g8=D Hxg8 31. Dxg8 Kc7 32. Dh7 Kd6 33. Bd3 e4 34. Dh6 Kc7 35. Hxe3 De5 36. Ka2 Rf5 37. Dg5 Be6 38. Be2 d4 39. Heb3 b5 40. Dd2 d3 41. Bg4

- og Botvinnik gafst upp.

 

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 14. febrúar

Skákþættir Morgunblaðsins

[Event "URS-BCF"] [Site "URS-BCF"] [Date "1946.??.??"] [EventDate "?"] [Round "?"] [Result "1-0"] [White "Conel Hugh O'Donel Alexander"] [Black "Mikhail Botvinnik"] [ECO "C18"] [WhiteElo "?"] [BlackElo "?"] [PlyCount "81"] 1.e4 e6 2.d4 d5 3.Nc3 Bb4 4.e5 c5 5.a3 Bxc3+ 6.bxc3 Ne7 7.Qg4 cxd4 8.Qxg7 Rg8 9.Qxh7 Qa5 10.Rb1 Qxc3+ 11.Bd2 Qc7 12.f4 Nbc6 13.Nf3 Bd7 14.Ng5 Rxg5 15.fxg5 O-O-O 16.Qxf7 Qxe5+ 17.Kd1 Nf5 18.g6 Ne3+ 19.Kc1 Qe4 20.Bd3 Qxg2 21.Re1 Ne5 22.Qf4 Nf3 23.Re2 Qh3 24.Bxe3 e5 25.Qf7 dxe3 26.g7 Qg4 27.h3 Qg1+ 28.Kb2 Qg3 29.Bg6 Nd4 30.g8=Q Rxg8 31.Qxg8+ Kc7 32.Qh7 Kd6 33.Bd3 e4 34.Qh6+ Kc7 35.Rxe3 Qe5 36.Ka2 Nf5 37.Qg5 Be6 38.Be2 d4 39.Reb3 b6 40.Qd2 d3 41.Bg4 1-0

Helgi Jónatansson látinn

Helgi Jónatansson lést 27. janúar sl. Helgi var jarðsunginn frá Kópavogskirkju 16. febrúar sl. Félagar hans úr Skákfélagi Reykjanesbæjar, Björgvin Jónsson og Sigurður H. Jónsson, rituðu um hann minningargrein sem birtist í Morgunblaðinu þann sama dag.

Síðasta kappskák Helga var gegn alþjóðlega meistaranum Arnar E. Gunnarssyni í fyrra hluta Íslandsmóts skákfélaga í október sl. Hún endaði með glæsilegum sigri Helga og má nálgast hér.

Kveðja frá Skákfélagi Reykjanesbæjar

Í dag kveðjum við félagar í Skákfélagi Reykjanesbæjar liðsfélaga okkar og góðan vin, Helga E. Jónatansson, er varð bráðkvaddur þann 27. janúar síðastliðinn. Helgi gekk til liðs við Skákfélag Reykjanesbæjar fyrir nær 40 árum og hefur frá þeim tíma átt fast sæti í skákliði félagsins. Meðan hann bjó í Reykjanesbæ var hann auk þess mjög virkur í starfi félagsins, m.a. formaður þess um skeið. Á þeim tíma var og algengt að teflt væri í hópi okkar skákfélaganna á heimili Helga á Vatnsnesveginum og síðar að Háseylu í Innri-Njarðvík á föstudags- eða laugardagskvöldum, enda var Helgi höfðingi heim að sækja. Helgi á að baki fjölda sigra á innanfélagsmótum hjá Skákfélagi Reykjanesbæjar, t.a.m. varð hann á árabilinu 1977-1982 fjórum sinnum skákmeistari Keflavíkur. Eftir að Helgi flutti á höfuðborgarsvæðið um 1990 kom af sjálfu sér að dró úr þátttöku hans í starfi félagsins, en hann hélt þó engu að síður áfram að tefla fyrir þess hönd, s.s. í liðakeppnum. Í Deildakeppninni, Íslandsmóti skákfélaga, hefur Helgi í gegnum tíðina reynst öflugur liðsmaður og er skemmst að minnast árangurs hans í fyrri hlutanum af yfirstandandi keppni, sem tefldur var í október sl., þar sem Helgi náði bestum úrslitum liðsmanna, en liðið teflir nú í efstu deild. Þótt Helgi hefði fyrir fáum árum kennt sér einhvers hjarta- eða kransæðameins var ekki annað að merkja en hann væri kominn í sitt gamla form, bæði líkamlega og skáklega. Helgi var ávallt mannblendinn, léttur og hress og sagði skemmtilega frá hlutum. Við félagar hans úr Skákfélagi Reykjanesbæjar þökkum honum nú á kveðjustund fyrir ánægjulegar samverustundir og stuðning gegnum árin, við okkur og félagið. 

Við sendum börnum Helga, Lindu Björgu og Einari og barnabörnum, okkar innilegustu samúðarkveðjur.

Fh. félaga í Skákfélagi Reykjanesbæjar, 

Björgvin Jónsson

og Sigurður H. Jónsson.

Barna- og unglingameistaramót Reykjavíkur, sem og Stúlknameistaramót Reykjavíkur fer fram á morgun

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 22. febrúar í félagsheimili T.R. Faxafeni 12.

Taflið hefst kl.14 og stendur til ca. kl. 18. Tefldar verða 7 umferðir eftir svissnesku kerfi með umhugsunartímanum 15 mín. á skák.  

Teflt verður í tveimur flokkum: opnum flokki og stúlknaflokki.

Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2015, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2015, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir efsta sætið í aldursflokkum 13-15 ára (1999-2001), 11-12 ára (2002-2003), 9-10 ára (2004-2005) sem og 8 ára og yngri (2006-) í báðum flokkum (opna flokknum og stúlknaflokknum). 

Mótið er opið öllum krökkum 15 ára og yngri (fædd 1999 og síðar). 

Núverandi Reykjavíkurmeistarar eru Vignir Vatnar Stefánsson og Veronika Steinunn Magnúsdóttir. 

Skákmótið hefst kl. 14 og er aðgangur ókeypis. 

Skráning fer fram hér. 

Skráðir keppendur.

Björn efstur í Bunratty

Björn Þorfinnsson (2373) er efstur á alþjóðlega mótinu í Bunratty á Írlandi þegar 5 umferðum af 9 er lokið. Tvær umferðir fóru fram í dag. Í þeirri fyrri vann hann Lawrence Trent (2470) og í þeirri síðari gerði hann jafntefli við Simon Williams (2434). Björn hefur 4 vinninga og er einn efstur.

Bragi Þorfinnsson (2432) gerði jafntefli í báðum skákum dagsins. Í þeirri fyrri við Luis Galego (2461) og í þeirri síðari við Adam Hunt (2428). Bragi hefur 1,5 vinning.

Tvær umferðir fara fram á morgun. Björn mætir Sebastian Maze (2585) í fyrri skák dagsins en Lorin D´Costa (2430) í þeirri síðari.

Bragi teflir á morgun við Sam Collins (2491) og Williams.

• Heimasíða mótsins
• Úrslitaþjónusta
• Beinar útsendingar (10 og 16)
• ChessBomb (tölvuskýringar)

 

 

Björn beitir pósanum í Bunratty og byrjar vel

Björn Þorfinnsson (2373) fer mikinn í upphafi Bunratty-mótsins sem hófst í fyrradag í smáþorpinu Bunratty á Írlandi. Efir 3 umferðir hefur Björn 2,5 vinning og er í 1.-3. sæti. Hefur unnið alla nema Braga (2432), bróður sinn, en þeir mættust í fyrstu umferð.

Í gær (fimmtudag) voru tefldar tvær skákir. Í þeirri fyrri vann Björn ástralska FIDE-meistarann Justin Tan (2383) og í þeirri síðari var heimamaðurinn Sam Collins (2491) á matseðlinum við litar undirtekir mótshaldara.

Athyglisvert er að Björn hefur unnið skákirnar í stöðubaráttu (pósa) en Björn hefur lítt verið þekktur fyrir slíka taflmennsku í gegnum tíðina. Bragi hefur hins vegar ekki byrjað jafn vel og hefur hálfan vinning.

Í dag, föstudag, eru tefldar tvær umferðir. Í þeirri fyrri teflir Björn við Lawrence Trent (2470) og í þeirri síðari við Simon Williams (2434). Umferðirnar hefjast kl. 10 og 16.

Bragi teflir við Luis Galego (2461) og Adam Hunt (2428) í dag.

• Heimasíða mótsins
• Úrslitaþjónusta
• Beinar útsendingar (10 og 16)
• ChessBomb (tölvuskýringar)

 

 

Nakamura sigurvegari Zurichs-mótsins - Anand samt efstur á aðalmótinu

Nakamura (2776) sigraði á ofurmótinu sem lauk í Zurich í gær. Þó gætu ýmsir talið Anand (2797) hinn raunverulegan sigurvegara því Indverjinn sigraði á sjálfu aðalmótinu þar sem hefðubndin kappskák var tefld.

Árangur Nakamura á styttri tímaörkunum varð til þess að hann náði Anand á stigum en árangurinn þar gilti til hálfs miðað við kappskákina. Nakamura vann svo Anand í úrslitaskák.

Lokastaðan:

Atskákin

1 stig fyrir vinning - hálft stig fyrir jafntefli.

1. Kramnik Vladimir (RUS) 2783 – 3,5
2-3. Nakamura Hikaru (USA) 2776 and Aronian Levon (ARM) 2777 – 3,0
4-5. Karjakin Sergey (RUS) 2760 and Anand Viswanathan (IND) 2797 – 2,0
6. Caruana Fabiano (ITA) 2811 – 1,5

Kappskákin

2 stig fyrir vinning - 1 stig fyrir jafntefli

1. Anand Viswanathan (IND) 2797 – 7,0
2. Nakamura Hikaru (USA) 2776 – 6,0
3. Kramnik Vladimir (RUS) 2783 – 5,0
4-6 .Karjakin Sergey (RUS) 2760, Caruana Fabiano (ITA) 2811 and Aronian Levon (ARM) 2777 – 4,0

Samtanlög staða

1-2. Anand Viswanathan (IND) 2797 and Nakamura Hikaru (USA) 2776 – 9,0
3. Kramnik Vladimir (RUS) 2783 – 8,5
4. Aronian Levon (ARM) 2777 – 7,0
5. Karjakin Sergey (RUS) 2760 – 6,0
6. Caruana Fabiano (ITA) 2811 – 5,5

Heimasíða mótsins

 

Jón Viktor efstur á Nóa Síríus mótinu - næstsíðasta umferð í kvöld

Sjötta umferð Nóa Siríusmótsins – Gestamóts Hugins og Skákdeildar Breiðablis var tefld sl. fimmtudag.

Það var sannkölluð risaviðureign á 1. borði, en þar mættust IM Jón Viktor Gunnarsson og GMÞröstur Þórhallsson sem báðir voru skráðir með 2433 Elo-stig við upphaf móts.

Jón Viktor var einn efstur með 4,5 vinninga eftir 5. umferð og Þröstur kom fast á hæla hans með 4 vinninga. Var því tekist á um efsta sætið af fullri hörku.

Viðureigninni lauk með því að Jón Viktor Gunnarsson hafði betur og hefur því 5,5 vinninga af 6 mögulegum og heldur hálfs vinnings forystu sem hann náði í 5. umferð.

Vestfirðingurinn knái, FM Guðmundur Stefán Gíslason kemur í humátt á eftir og er með 5 vinninga eftir sigur gegn hinum unga Degi Ragnarssyni.

Jón Viktor og Guðmundur Gíslason eru báðir taplausir eftir 6 umferðir!, en þeir mætast einmitt í 7. og næst síðustu umferð í kvöld — Ekki missa af því.

Af óvæntum úrslitum er þetta helst að frétta:

• Örn Leó Jóhannsson (2048) – Guðmundur Halldórsson (2219) 1 – 0
• Hallgerður Helga Þorsteinsdóttir (1992) – Magnús Teitsson (2205) 1/2 – 1/2
• Gauti Páll Jónsson (1871) – Oliver Aron Jóhannesson (2170) 1/2 – 1/2
• Tinna Kristín Finnbogadóttir (1938) – Sverrir Örn Björnsson (2117) 1/2 – 1/2

Nokkrir keppendur hafa mokað inn skákstigum það sem af er móti, má þar m.a. nefna:

• Dagur Ragnarsson (2059) hefur unnið 82,8 stig! Hann vann einnig 81,6 stig á nýafstöðnu Skákþingi Reykjavíkur og mælist því með 2223 stig – Sannarlega glæsileg frammistaða!
• Gauti Páll Jónsson (1871) hefur unnið 74,4
• Agnar Tómas Möller (1749) hefur unnið 52,4

 

• Heimasíða mótsins
• Mótið á Chess-Results
• Myndagallerí (GB)