Katar-mótið byrjaði í dag - Carlsen með jafntefli

Qatar Masters Open hófst í dag í Doha í Katar. Um er að ræða sterkasta opna skákmót sögunnar þar sem Magnus Carlsen (2834), Vladimir Kramnik (2796), Anish Giri (2784), Wesley So (2775) og Sergey Karjakin (2766) eru meðal keppenda. Það er ánægjulegt að sjá þessu sterku skákmenn tefla á opnu móti en elítu-mótin hafa ekki þótt par skemmtilegt undanfarið og kallað hefur verið aukinni þátttöku sterkra skákmanna á opnum mótum.

Magnus Carlsen varð að sætta sig við jafntefli við georgísku landsliðskonuna Nino Batsiashvili (2498). Það vakti einnig athygli að Wei Yi (2730) mátti sætta sig við gegn Indverjanum Shardul Gagare (2470). 

Enginn Íslendingur tekur þátt en meðal skákstjóra er enginn annar en Omar Salama.

Önnur umferð fer fram á morgun og hefst kl. 12. 

• Heimasíða mótsins
• Chess-Results

 

Nýtt fréttabréf SÍ

Nýtt Fréttabréf SÍ kom út fyrir helgi. 

Meðal efnis í blaðinu:

• Þröstur Íslandsmeistari í hraðskák eftir sigur á Friðriksmóti Landsbankans
• Atskákmeistari Skákklúbbs Icelandair - Íslandsmótið í atskák
• Daði Örn Jónsson Evrópumeistari í bréfskák
• IO-námskeið haldið í fyrsta sinn á Íslandi
• Jóhann skákmeistari Garðabæjar
• Haraldur sigurvegari U-2000 móts TR
• Róbert Luu sigurvegari á 3. móti Bikarsyrpu TR
• Ólafur B. skákmeistari Víkingaklúbbsins
• Reykjavíkurskákmótið 2016 - í boði GAMMA - 117 keppendur skráðir til leiks
• Mót á döfinni

Fréttabréfið má nálgast hér.

Hægt er að skrá sig fyrir fréttabréfinu á Skák.is (ofarlega til vinstri).

Skákþáttur Morgunblaðsins: Þungi skákkrúnunnar

Tveim árum eftir sigurinn mikla í Chennai á Indlandi virðast hveitibrauðsdagar Magnúsar Carlsen sem heimsmeistari vera á enda. Í því sambandi líta menn ekki aðeins til frammistöðu hans á Evrópumótinu í Reykjavík á dögunum, heldur einnig til nokkurra skákmóta sem hann hefur tekið þátt í undanfarna mánuði. Þar hefur hvergi örlað á þeim yfirburðum sem hann hafði áður. Heimsmeistari í kreppu hefur áður verið til umfjöllunar í skákdálkunum. Spasskí talaði stundum um „þunga keisarans krúnu “ sem hann var alveg að sligast undan.

Á hinu árlega stórmóti „London classsic“ eru keppendur í efsta flokki tíu talsins og eftir sjöttu umferð sem fram fór sl. fimmtudag hafði Magnús gert jafntefli í öllum skákum sínum. Þetta ætlar að verða eitt daufasta stórmót sem sögur fara af en rösklega 83% skákanna hefur lokið með jafntefli. Vinsælasta byrjunin, Berlínar-vörn, hefur komið upp í ellefu viðureignum og öllum hefur lokið með jafntefli. Í þeirri byrjun fljúga drottningarnar yfirleitt „í kassann“ í 8. leik og við taka margvíslegar tilfæringar en jafnteflisdauðinn er samt alltaf nálægur.

Þegar þrjár umferðir voru eftir af mótinu var staðan þessi:

1. – 4. Giri, Nakamura, Vachier-Lagrave og Grischuk 3 ½ v.(af 6) 5. – 8. Carlsen, Adams, Aronjan og Caruana 3 v. 9. Anand 2 ½ v. 10. Topalov 1 ½ v.

Þetta mót og önnur með svipaða samsetningu gefa þrátt fyrir allt vísbendingu um það hver sé líklegastur til að tefla um heimsmeistaratitilinn í náinni framtíð. En það vantar skákmann á borð við Kínverjann unga, Wei Yi, til að skerpa myndina. Nakamura og Giri þykja líklegir kandídatar en sá síðarnefndi hóf mótið með því að sigra Venselin Topalov. Búlgarinn hafði áreiðanlega tekið fórn Giri með í reikninginn þegar hann seildist eftir peði á a7, en annaðhvort vanmat hann drottningarleik Giri, sem kom í kjölfarið, eða gjörsamlega yfirsást hann:

„London classic“ 2015; 1. umferð:

Venselin Topalov – Anish Giri

Grünfelds-vörn

1. d4 Rf6 2. c4 g6 3. g3 c6 4. Bg2 d5 5. Da4 Rfd7 6. cxd5 Rb6 7. Dd1 cxd5 8. Rc3 Rc6 9. e3 Bg7 10. Rge2 O-O 11. O-O He8 12. b3 e5 13. dxe5 Rxe5 14. h3

Varfærnislegur leikur sem leyfir 14. ... Bf5. Einnig kom til greina 14. Rd4 og svara 14. ... Bg4 með 15. Dd2.

14. ... Bf5 15. Rd4 Bd3 16. He1 Ba6 17. Dd2 Rd3 18. Hd1 Bxd4!? 19. exd4 Df6 20. a4!

Lætur peðið af hendi. Eftir 20. Bf1 getur svartur leikið 20. ... Df3 með hugmyndinni 21. Bxd3 Bxd3 22. Dxd3 He1+! og vinnur.

20. ... Dxd4 21. a5 Rd7 22. Ha4 De5 23. Rxd5 Rxc1?!

Það var ástæðulaust að skipta upp á þessum sterka riddara. Eftir 23. ... R7c5 er svarta staðan betri.

24. Hxc1 Rf6 25. Rc7 Had8 26. Df4 g5 27. Db4!?

Bæði hér og í 25. leik gat Topalov stofnað til uppskipta og teflt til vinnings án þess að taka mikla áhættu. En það er ekki stíll hans.

27. ... Db2 28. Haa1 He2 29. Dc5 h6 30. Rxa6 bxa6 31. Hab1 Dd2 32. Bf3 Re4! 33. Dxa7?

Tapleikurinn. Nú varð hann að skipta upp og leika 33. Bxe4.

33. ... Rxf2! 34. Bxe2 Rxh3+ 35. Kf1

Ekki 35. Kg2 Dxe2+ 36. Kxh3 Dh5+ og 37. ... Hd2+ með mátsókn.

35. ... Dd5!

Hér er hugmyndin komin fram.

36. Bh5 Dh1+ 37. Ke2 Dg2+ 38. Ke1 He8+ 39. Kd1 Rf2+ 40. Kc2 Re4+

- og hvítur gafst upp. Mátið blasir við, 41. Kd3 Dd2+ 42. Kc4 Hc8+ 43. Dc5 Hxc5 mát.

Helgi Ólafsson ([e-mail])

Skákþættir Morgunblaðins birtast á Skák.is viku síðar en í sjálfu blaðinu. Grein þessi birtist í Morgunblaðinu 12. desember

Skákþættir Morgunblaðsins

[Event "London Chess Classic"] [Site "London ENG"] [Date "2015.12.04"] [EventDate "2015.12.03"] [Round "1"] [Result "0-1"] [White "Veselin Topalov"] [Black "Anish Giri"] [ECO "E60"] [WhiteElo "2803"] [BlackElo "2778"] [PlyCount "80"] 1. d4 Nf6 2. c4 g6 3. g3 c6 4. Bg2 d5 5. Qa4 Nfd7 6. cxd5 Nb6 7. Qd1 cxd5 8. Nc3 Nc6 9. e3 Bg7 10. Nge2 O-O 11. O-O Re8 12. b3 e5 13. dxe5 Nxe5 14. h3 Bf5 15. Nd4 Bd3 16. Re1 Ba6 17. Qd2 Nd3 18. Rd1 Bxd4 19. exd4 Qf6 20. a4 Qxd4 21. a5 Nd7 22. Ra4 Qe5 23. Nxd5 Nxc1 24. Rxc1 Nf6 25. Nc7 Rad8 26. Qf4 g5 27. Qb4 Qb2 28. Raa1 Re2 29. Qc5 h6 30. Nxa6 bxa6 31. Rab1 Qd2 32. Bf3 Ne4 33. Qxa7 Nxf2 34. Bxe2 Nxh3+ 35. Kf1 Qd5 36. Bh5 Qh1+ 37. Ke2 Qg2+ 38. Ke1 Re8+ 39. Kd1 Nf2+ 40. Kc2 Ne4+ 0-1

Jólakapp og happ KR

Eins og vera ber efnir Skákdeild KR til síns árlega Jólaskákmóts á mánudaginn kemur - 21. desember -  í Félagsmiðstöðinni í Frostaskjóli kl. 19.30. Tefldar verða 13 umferðir með 7 mín. uht. á skákina að hefðbundnum sið. Veglegir jólapakkar fyrir sigursæla og vinningahappdrætti, malt og appelsín og ýmis jólaglaðningur fyrir aðra.

Taflmótin í Vesturbænum þar sem öflugir skákmenn í vígahug  mæta til skemmta sér og skáka öðrum fara nú fram tvisvar í viku.  Það er öll mánudagskvöld kl. 19.30-22.30, eins og verið hefur, og líka á laugardögum kl. 10-12.30  en þá eru haldin þar Árdegismót fyrir árrisula ástríðuskákmenn. Upplagt tækifæri fyrir alla þá sem skákáráttustreituröskun eru haldnir til að slaka á klónni fyrir helgina.    

Allir sem taflmanni geta valdið eru hvattir til að mæta, sýna snilli sína og láta ljós sitt skína. Engin veit sína skákina fyrr en öll er.  

Jólapakkamót Hugins fer fram á morgun í Ráðhúsinu

Jólapakkaskákmót Hugins verður haldið laugardaginn 19. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 18. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.

Keppt verður í allt að 6 flokkum:

• Flokki fæddra 2000-2002
• Flokki fæddra 2003-2004
• Flokki fæddra 2005-2006
• Flokki fæddra 2007-2008
• Flokki fæddra 2009 síðar
• Peðaskák fyrir þau yngstu

Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.

Í verðlaun verða meðal annars bækur, mynddiskar, pússluspil, skáknámskeið, töfl og fleira. Í lokinn verður happdrætti þar sem m.a. verður dreginn út Bluetooth hátalari frá Heimilistækjum. Allir þátttakendur fá svo við brottför góðgæti frá Góu og Andrésblað.

Skráning á mótið fer fram á Skák.is (kassinn efst) og á Skákhuganum.

Gunni Gunn vann jólamót Riddarans

Hinn aldni meistari Gunnar Kr. Gunnarsson (82), sem hefur marga fjöruna sopið, gat leyft sér að brosa breitt, að loknu Jólaskákmóti  Riddarans sem fram fór með hátíðlegum brag í Vonarhöfn nú í vikunni. Þó kyrrð og friður aðventunar svifi yfir vötnunum ríkti hatrömm skálmöld á skákborðunum. Þar var ekki nein lognmolla heldur logaði allt í skörpum heiftarlegum átökum svo við lá að upp úr syði milli manna.  Gunnar hafði þegar tryggt sér yfirburðasigur fyrir lokaskákina sem hann gaf Kristjáni Stefánssyni í jólagjöf. 

Áhættusækni sumra mátti sín lítið gegn gömlum reynsluboltum sem beittu rólegri stöðuuppbyggingu blandaðri  yfirvegaðri áhættufælni og breyttu vörn í sókn á einu augabragði.

Mótið var öllum opið og hinir gömlu skákmerðir sem þreyta þar tafl vikulega höfðu mikla ánægju af þátttöku hinna upprennandi meistara Gauta Páls og Vignis Vatnars sem tefldu í hópi margra þeirra í Gallerý Skák enn yngri að aldri á árum áður.

Nýársmót Riddarans, fer fram 30. desember nk og hefst að venju kl. 13. Allir velkomnir óháð aldri og félagsaðild. Ekki verður teflt á Þorláksmessu enda þótt miðvikudagur sé.

 

 

 

IO (International Organizer) - námskeið haldið hérlendis 8. og 9. janúar

IO-námskeið (International Organizer) verður haldið í fyrsta sinn hérlendis dagana 8. og 9. janúar nk.

Þetta er fyrsta slíka námskeið sem haldið er hérlendis. Að sækja slíkt námskeið er nauðsynlegt fyrir þá sem vija fá IO-gráðu. Til að fá IO-gráðu þurfa menn að auki þrjá IO-áfanga fyrir mótahald.

Meðal efnis sem farið er yfir á námskeiðinu eru almennar mótsreglur, mótsreglur FIDE, stjórnun og kynning móta.

Þátttökugjöld eru kr. 4.900. Innilfalið í því eru öll námskeiðsgögn og veitingar.

Leiðbeinandi verður Gunnar Björnsson og honum til aðstoðar er Róbert Lagerman. Báðir hafa þeir verið útnefndir IO frá FIDE.

Nánari upplýsingar á heimasíðu FIDE.

Skráning fer fram á Skák.is (guli kassinn efst).

Skákþing Reykjavíkur hefst sunnudaginn 3. janúar

Skákþing Reykjavíkur hefst sunnudaginn 3. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á 40 leiki auk 30 sek. á leik. 15 mínútur bætast við eftir 40 leiki auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu.

Dagskrá:

1. umferð sunnudag 3. janúar kl. 14
2. umferð miðvikudag 6. janúar kl. 19.30
3. umferð sunnudag 10. janúar kl. 14.00
4. umferð miðvikudag 13. janúar kl. 19.30
5. umferð sunnudag 17. janúar kl. 14.00
6. umferð miðvikudag 20. janúar kl. 19.30
7. umferð sunnudag 24. janúar kl. 14
8. umferð miðvikudag 27. janúar kl. 19.30
9. umferð sunnudag 31. janúar kl. 14

Verðlaun:

• 1. sæti kr. 120.000
• 2. sæti kr. 60.000
• 3. sæti kr. 30.000

• Besti árangur undir 2000 skákstigum kr. 10.000
• Besti árangur undir 1800 skákstigum kr. 10.000
• Besti árangur undir 1600 skákstigum – bókaverðlaun
• Besti árangur undir 1400 skákstigum – bókaverðlaun
• Besti árangur undir 1200 skákstigum – bókaverðlaun
• Besti árangur stigalausra – bókaverðlaun

Fide stig gilda við úthlutun stigaverðlauna – annars íslensk stig.

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri

Skráningarform

Skráðir keppendur

Keppt er um titilinn “Skákmeistari Reykjavíkur 2016” og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur látinn skera úr um verðlaunasæti. Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Úrslit Jólamóts Víkingaklúbbsins

Jólamót Víkingaklúbbsins fór fram miðvikudaginn 9. desember í Víkinni.  Alls tóku 41 keppandi þátt, en keppt var í þrem flokkum.  Upphaflega áttu aldursflokkarnir að vera fjórir með peðaskák, en þar sem skákstjórarnir voru bara tveir á endanum, þá var bara keppt í tveim flokkum, en hver aldursflokkur fengi verðlaun sérstaklega.  
Í eldri flokki voru tefldar 5. umferðir með 7. mínútna, en í yngri flokki voru telfdar 4. umferðir með sömu tímamörukum.

Í eldri flokki sigraði Alexandir Mai með 5 vinninga af 5 mögulegum.  Næstur kom bróðir hans Aron Mai með 4.5 vinninga.  Róbert Luu náði þriðja sæti með 4.5 vinninga en var lægri á stigum en Aron Mai.  Efstur Víkinga varð Jón Hreiðar með 3. vinninga.  Gabríel Sær varð efstur í aldursflokknum 2006 og Adam Ómarsson varð efstur í aldursflokknum 2007, en hann fékk skráð röng úrslit í fyrstu umferð, sem nú er búið að leiðrétta (átti að fá hálfan vinning fyrir "bye" í fyrstu umferð en fékk ekki).

Í yngri flokki sigraði hinn bráðefnilegi Bjartur Þórsson (fæddur 2009) eftir hörku baráttu við jafnaldra sinn Einar Brynjarsson.  Báðir þessi piltar eru bráðefnilegir og undirritaður var vitni að innbyrgðis skák þeirra, þar sem staðan var nokkuð tvísýn og var Einar kominn með yfirhödnina, en lék sig svo óvænt í mát.  Í þriðja sæti varð J'on Sigurður efnilegur nemandi úr Ingunnarskóla.  Í fjórða til fimmta sæti urður Bergþóra Helga og Jóna María og varð Bergþóra hærri á stigum (vann innbyrgðis viðureign).  


Skákstjórar voru Stefán Bergsson í eldri flokki og Gunnar Fr. og Sigurður Ingason í yngri flokki.  Lenka Ptacnikova stjórnaði peðaskákinni.  

Eins og áður sagði urðu smá breytingar á flokkunum og eiga því nokkrir enn eftir að fá verðlaun fyrir besta árangur (árgangaverðlaun).
Barnaæfingar Víkingaklúbbsins eru nú komnar í jólafrí, en hefjast aftur 7. janúar og verða vikulega fram á vor. M.a er stefnt að tveim stórum barnamótum eins og þessu ári þs, páskamótið og vormótið.

Eldri flokkur úrslit:

1. Alexander Mai 5v. af 5
2. Aron Mai 4. 5. v
3. Robert Luu 4.5. v
4. Gylfi Már 4.v
5. Alexander Már 4.v
6. Adam Omarsson 3.5.v
7. Gabríel Sær 3.0.v
8. Ísak Orri 3.v
9. Guðni Viðar 3.v
10. Benidikt Þórisson 3.v
11. Þorsteinn Már 3.v
12. Jón Hreiðar 3.v
13. Baldur  3.v

Aðrir minna, en alls tóku 28 þátt í eldri flokki.

Yngri flokkur úrslit:

1. Bjartur Þórisson 4. v af 4

2. Einar Brynjarsson 3.v

3. Jón Sigurður 2.5.v

4. Bergþóra Helga 2. v

5. Jóna María 2. v

6. Ragna Rúnarsdóttir 1.5  v.

7. Hrafnkell 1. v.

8. Guðjón Sævarsson 1.0 v

9. Þorbergur

10. Þórður 

 

 

Peðaskák úrslit:

 

1. Jósef Omarsson (2011) 4.0 v 

2. Vilborg 2. v 

3. Nicol Dís (2012)  0. v 

 

 

Aukaverðlaun:

 

 

Besti Víkingurin eldri:  Jón Hreiðar Rúnarsson

Stúlknaverðlaun:  Bergþóra Helga Gunnarsdóttir

Besti Víkingurinn yngri:  Einar Brynjarsson

Bestur 2001: Aron Þór Mai
Bestur 2003: Alexander Þór Mai

Bestur 2005:  Róbert Luu

Bestur 2006:  Gabríel Sær Bjarnþórsson

Bestur 2007: Adam Ómarsson

Bestur 2008: Bergþóra Helga Gunnarsdóttir

Bestur 2009: Bjartur Þórisson

Peðaskák 2010 eða síðar:  Jósef Omarsson (2011)

 

Sjá nánar á vefsíðu Víkingaklúbbsins.

Björgvin sigraði á Jólahraðskákmóti Ása

Æsir tefldu sitt jólahraðskákmót  í gær. Tuttugu og fimm eldri skákkappar mættu til leiks í Ásgarð og tefldu ellefu umferðir. Það var einhver orðhagur í þessum klúbbi sem sagði einu sinni. "Á góðum degi geta flestir unnið alla". Ekki veit ég það en oftast eru það nú sömu menn sem raða sér í toppinn. Þannig var það í gær. Björgvin Víglundsson gerð sér lítð fyrir og vann alla sína andstæðinga og fékk 11 vinninga.

Þór Valtýsson varð í öðru sæti með 9 vinninga. Guðfinnur R Kjaransson varð svo þriðji með 8½ vinning. Nú fer þessi klúbbur í jólafrí og byrjar aftur að tefla þriðjudaginn 5 jan 2016. Riddarar tefla í dag miðvikudag og líka miðvikudaginn 30. desember. 

Ég hvet skákþyrsta Ása til þess að heimsækja þá í Hafnarfjörðinn. 

Sjáum nánari úrslit í töflu og myndum frá ESE