NM stúlkna - pistill þriðju umferðar

Úrslit Íslensku stelpnanna í þriðju umferð:

A-flokkur
Monika Machlik (Noregur) – Hrund Hauksdóttir 1-0

Hrund tefldi þunga skák gegn Moniku frá Noregi og eftir mikla og jafna stöðubaráttu skiptist upp í óhagstætt endatafl sem tapaðist.  Hrund er að tefla mjög vel á þessu móti.

B-flokkur
Veronika Steinunn Magnúsdóttir – Sóley Lind Pálsdóttir 0-1
Ásta Sóley Júlíusdóttir – Ingrid Andrea Greibrokk (Noregur) 0-1

Veronika fékk heldur betri stöðu og vann peð í skák sinni á móti Sóleyju.  Sóley varðist mjög vel og náði upp taktískri stöðu þar sem hún náði undirtökunum og þjarmaði svo smátt og smátt að Veroniku og uppskar góðan sigur.  Þær stöllur eru að tefla mjög vel á mótinu en aðeins hefur vantað upp á að Veronika klári skákirnar farsællega.  Ásta Sóley fékk fína stöðu úr byrjuninni og var með heldur betra tafl.  Hún lék svo af sér manni og stóð uppi með tapaða stöðu en vann sig smátt og smátt inn í skákina og var komin með hartnær unnið með tvö peð fyrir mann.  Hún missti því miður af vænlegri leið og tapaði skákinni að lokum.  Ásta sýnir enn og aftur að hún á alveg að geta unnið stelpurnar í þessum flokki þó að hún sé mikið stigalægri en þær flestar.

C-flokkur
Nansý Davíðsdóttir – Amalie Isabel Merkesvik (Noregur) 1-0
Kajsa Nilson (Svíþjóð) – Katla Torfadóttir 1-0
Freyja Birkisdóttir – Trino Paltzer (Svíþjóð) 0-1
Ylfa Ýr Welding Hákonardóttir – Heiðrún Anna Hauksdóttir 0-1

Nansý telfdi afar erfiða skák þar sem andstæðingurinn kom henni á óvart í byrjuninni.  Eftir mikla baráttu snéri Nansý andstæðinginn loks niður í hróksendatafli.  Virkilega mikilvægur sigur hjá henni.  Katla lenti í erfiðleikum á móti Kasju frá Svíþjóð og þrátt fyrir hetjulega baráttu tapaðist skákin að lokum.  Freyja tefldi við Trino frá Svíþjóð þar sem hún varð fyrir því að muna ekki alveg rétta leikjaröð í byrjuninni og tapaði manni í stað þess að fá afar vænlega stöðu.  Skákin tapaðist svo á liðsmuninum að lokum.  Ylfa og Heiðrún tefldu mikla baráttuskák þar sem Ylfa stóð betur að byrjuninni lokinni en Heiðrún snéri á hana og kláraði skákina með laglega útfærðri mátsókn.

Heimasíða mótsins
Bein útsending frá fjórðu umferð
Chess-results (pörun og úrslit)

Davíð Ólafsson

Björn Hólm skólameistari Kópavogs í eldri flokki

Meistaramót Kópavogs í skólaskák fyrir unglingastig var haldið í gær föstudaginn 25. apríl í Salaskóla. Tefldar voru 7 umferðir skv. mondrad kerfi. Kópavogsmeistari í unglingadeild var að þessu sinni Björn Hólm Birkisson úr Smáraskóla honum fylgdu síðan kapparnir Bárður Birkisson úr Smáraskóla og Dawid Pawel Kolka úr Álfhólsskóla.

Sérstök verðlaun voru veitt fyrir bestan árangur stúlkna og stóð Hildur Berglind Jóhannsdóttir úr Salaskóla sig best af stúlkunum, henni fylgdu síðan Erna Mist Pétursdóttir úr Vatnsendaskóla og Guðbjörg Lilja Svavarsdóttir úr Salaskóla.

Mótsstjórar voru Tómas Rasmus og Lenka Ptacniková.

Heildarúrslit urðu þannig:

 

Röð      Nafn                                          Vinn      Skóli

1          Björn Birkisson 8 GET                6,5        Smáraskóli

2          Bárður Birkisson 8.-GET 6          Smáraskóli

3          Dawíd Pawel Kolka 8b                5,5        Álfhólsskóli

4..9       Jón Otti Sigurjónsson8.b 5          Salaskóli

4..9       Róbert Leó Jonsson 9.b              5          Álfhólsskóli

4..9       Hildur Berglind Jóhannsd. 9b.      5          Salaskóli

4..9       Viktor Andri Henriksen 8b           5          Kópavogsskóli

4..9       Johannes Guðmundsson 10b      5          Kársneskóli

4..9       Baldur Benediktsson 9.b.            5          Salaskóli

10..12   Oddur Þór Unnsteinsson 8b        4,5        Álfhólsskóli

10..12   Ludvig Árni Guðmundsson 10b    4,5        Vatnsendaskóli

10..12   Ólafur Ingi Kárason 10b              4,5        Vatnsendaskóli

13..20   Róbert Sigurðarsson 8b              4          Álfhólsskóli

13..20   Atli Snær Andrésson 10b            4          Vatnsendaskóli

13..20   Davíð Rúnar Matthíasson 9b        4          Salaskóli

13..20   Alexander Giess 10 x                 4          Kópavogsskóli

13..20   Ágúst Pálmason Morthens 10 Y  4          Kópavogsskóli

13..20   Erna Mist Pétursdóttir 10b          4          Vatnsendaskóli

13..20   Andri Árnason 10b                     4          Vatnsendaskóli

13..20   Sindri Snær Hjaltalín 10.b.          4          Salaskóli

21..24   Guðbjörg Lilja Svavarsd.              3,5        Salaskóli

21..24   Egill Ívarsson 9b             3,5        Kópavogsskóli

21..24   Andri Steinn Ragnarsson 9b        3,5        Salaskóli

21..24   Alexander Ragnarsson 8b           3,5        Álfhólsskóli

25..34   Sigurjón Ágústsson 9.-EBP        3          Smáraskóli

25..34   Anton Breki Bjarnþórsson 9.b.     3          Salaskóli

25..34   Skúli E Kristjánsson Sigurz 10    3          Salaskóli

25..34   Magnús Már Pálsson 10.b.         3          Salaskóli

25..34   Bjamar Waage 9b                      3          Salaskóli

25..34   Garðar Elí Jónasson 9.b.            3          Salaskóli

25..34   Nicola Colic 9.-EBP                   3          Smáraskóli

25..34   Gísli Freyr Stefánsson 9b           3          Salaskóli

25..34   Ari Hermannsson 9b                   3          Salaskóli

25..34   Flóki Larsen 10.b                       3          Kópavogsskóli

35..36   Þorkell Þorvaldsson 9. b             2,5        Salaskóli

35..36   Guðný Ósk Jónasdóttir 10.b        2,5        Salaskóli

37..41   Jón Smári Ólafsson 9.b              2          Salaskóli

37..41   Óðinn Þorvaldsson 9. b.              2          Salaskóli

37..41   Arnar Geir Áskelsson 10.-MOS   2          Smáraskóli

37..41   Jón Ragnar Sigurðsson 10.b       2          Kópavogsskóli

37..41   Þorsteinn Breki Eiríksson 8b       2          Salaskóli

42..45   Davíð Þór Baldursson 9.b.           1,5        Salaskóli

42..45   Nökkvi Nils 10b                          1,5        Kársneskóli

42..45   Markús Björnsson 10b                1,5        Kársneskóli

42..45   Andri Sveinn Ingólfsson 10b        1,5        Kársneskóli

 

Yfirlýsing frá Gunnari Finnlaugssyni varðandi Fischersetur á Selfossi

Skák.is hefur borist eftirfarandi yfirlýsing frá Gunnari Finnlaugssyni:

Fischersetur á Selfossi

Eins og flestir íslenskir skákunnendur vita var er nú komið upp Fischersetur á Selfossi. Það var vígt sumarið 2013 af menntamálaráðherra Illuga Gunnarssyni.

Hvað varðar húsnæði, sjálfboðavinnu, fjármagn og marga ómetanlega muni hafa margir lagt hönd á plóginn.

Trúlega hefði þetta verið hægt nema á Selfossi þar sem andi samvinnu og ungmennafélaga svífur yfir Ölfusánni.

Þeir sem vilja vita meira er bent á heimasíðu Fischerseturs; http://www.fischersetur.is/index.cfm?lang=en&page=pages/start_is2

Það virðast þó ekki allir vera ánægðir með þetta „frumhlaup" okkar Selfyssinga, því eftirfarandi „boðskapur" barst okkur síðastliðið haust.

„EFNI: Skákborð Gunnars Magnússonar, Fischer-Spassky 1972

Til Myndstefs hafa leitað Páll G. Jónsson, Sverrir Kristinsson og Gunnar Magnússon, arkitekt og höfundur, vegna meintrar ólögmætrar eftirgerðar og opinberrar notkunar á skák-einvígsborði, en borðið var hannað og smíðað fyrir einvígi Fischer-Spassky árið 1972, og er höfundur borðsins Gunnar Magnússon.

Höfundur hefur einkarétt til að heimila og banna hvers konar eftirgerð, birtingu, sýningu og aðra notkun verka sinna. Þessi einkaréttur helst í 70 ár frá láti höfundar. Í því felst að ef aðrir vilja gera eftirgerð, eftirlíkingu eða aðlögun á höfundavörðu verki þarf að afla samþykki s/leyfs höfundar eða höfundarétthafa. Að sama skapi þarf einnig sérstakt leyfi ef birta eða sýna á verk höfundar, og eins um alla aðra opinbera notkun, til dæmis á heimasíðu, í sýningarskrá, í bækling, í bókverk osfrv. Um höfundarétt gilda lög nr. 73/1972. Um eftirgerð og aðlögun er sérstaklega fjallað í 5. gr. laganna.

Ofangreint skákborð er höfundaréttavarið verk. Því leitar Myndstef nú eftir því hvort leyfi hafi fengist frá höfundi eða höfundarétthafa fyrir annars vegar eftirgerð þess, og hins vegar fyrir sýningu þess í Fischersetrinu. Ekki skiptir hér máli þó nýr höfundur þess framleiði sjálfstætt verk - alltaf þarf samþykki frumhöfundar. Ekki skiptir hér heldur máli þó sýningarhaldari hafi veirð í góðri trú - það er ávallt á ábyrgð sýningarhaldara að réttindi annarra höfunda séu fyllilega tæmd og tilskilin leyfi liggi fyrir, og höfundarétti sé sýnd virðing og farið sé eftir lögum. Að auki hefur Myndstef gögn þess efnis að sýningarhaldari hafi verið látinn vita af meintu broti, en hafi ekkert aðhafst.

Myndstef vill einnig taka fram að um sérstakt brot á sæmdarrétti getur verið að ræða, en hreinar eftirlíkingar hafa í dómaframkvæmd verið taldar vega afar nærri sæmdarrétti frumhöfundar, og telst það þá sjálfstætt brot.

Ef leyfi hefur ekki fengist fyrir eftirgerð eða birtingu, krefst Myndstef þess að skákborðið verði fjarlægt tafarlaust úr sýningarsal setursins og því fargað. Að auki krefst Myndstef höfundaréttargreiðslna fyrir opinbera notkun þá sem þegar hefur átt sér stað á verki höfundar. Sýningin opnaði 11. júlí og hefur því staðið yfir í ca 45 daga. Samkvæmt venju og framkvæmd Sambands íslenskra myndlistarmanna, SÍM, hefur 12% af andvirði verks verið talin eðlileg þóknun vegna notkunar og sýningar (en þó með 500.000 kr þaki.) Verður við það miðað hér. Að auki hefur Myndstef heimild til að leggja 100% álag á þóknunina vegna ólögmætrar notkunar. Verður sú heimild nýtt hér. Er því heildarhöfundaréttarþóknun vegna notanna 120.000 kr., ef miðað er við að verkið verði fjarlægt af sýningunni tafarlaust. (Vinsamlegast leggið fram gögn ef reikningar skuli byggðir á öðrum forsendum, en sýningarhaldari ber sönnunarbyrði fyrir því.)

Skorar Myndstef hér með in solidum á Gunnar Finnlaugsson, framleiðanda eftirlíkingarinnar, og Magnús Matthíasson, framkvæmdastjóra Fischersetursins, að verða við kröfum Myndstefs eða setja sig í samband við Myndstef og semja um frekari leiðir, skilmála og greiðslufyrirkomulag, innan 6 daga frá dagsetningu þessa bréfs.

Ef ekki verður við kröfu þessari og áskorun mun Myndstef leita réttar síns og höfundar fyrir dómstólum og senda reikning fyrir ofangreindri þóknun og eftir atvikum fara þær refsileiðir sem höfundalög tiltaka, sbr. 54. gr. laganna.

Virðingarfyllst,

Harpa Fönn

Lögfræðingur Myndstefs

(afrit af þessu bréfi er sent í ábyrgðarpósti)"

Svo mörg voru þau orð. Það þarf duglegan lögfræðing til að koma svo mörgum rangfærslum og formgöllum fyrir í ekki lengri texta.

• Páll G Jónsson hefur að okkur er sagt ekkert með höfundarrétt borðs Gunnars Magnússonar að gera. Hins vegar hefur hann að sögn keypt tvær eftirlíkingar af borðinu, sem hann og vopnabróðir hans hafa kallað „match equipment from 1972".
• Sverrir Kristinsson kannast ekki við að vera aðili að þessu máli
• Því miður er heiðursmaðurinn Gunnar Magnússon úr leik vegna veikinda. Þrátt fyrir ítrekanir hefur Harpa Fönn hjá Myndstefi ekki getað eða viljað sýna okkur fram á að Gunnar Magnússon sé aðili að þessu máli.
• Bréfið er ekki dagsett og Gunnar Finnlaugsson hefur ekki fengið neinn ábyrgðarpóst frá Myndstefi. Í einu plaggi sem borist hefur með tölvupósti er Gunnar Finnlaugsson sagður týndur. Hann hefur þó haft sama heimilisfang og heimasíma í 33 ár. Hann bý þó ekki lengur á Tryggvagötu 5 á Selfossi.

Er yfir mig hissa á þessum Grýluleik. Fyrir nokkrum dögum kom fram að Björgólfur Guðmundsson hefði farga nýjum bókum á Íslandi. Það veit ekki á gott ef auðkólfar og gamlir viðskiptarefir geta sigað lögfræðingum á okkur sem erum að reyna að vinna að menningarmálum.

Og síðan að kjarna þessarar ótrúlegu kröfu. Borð sem hér um ræðir smíðað í Svíþjóð og er framleiðandinn Kasper Thulin. Borðið er stimplað með nafni hans. Fyrirmynd borðsins eru myndir af tveimur borðum. Annars vegar borð Havanna 1966 og hins vegar Reykjavik 1972 Heiðursmaðurinn Friðrik Ólafsson á borð frá Havanna 1966. Hann hefur tjáð okkur að Gunnar Magnússon hafi komið til hans til að skoða það í aðdragandi einvígisins 1972. Samnefnari allra fjögurra borðanna eru púðarnir sem fyrst sáust á borðinu frá Havanna. 1966. Trúlega hefur Castro ekki verið spurður 1972. Borð Thulins er frábruðið borðunum Havanna 1966 og borði Gunnars Magnússonar bæði hvað varðar stærð og efni. Sem sagt; aðaleinkenni borðs Gunnars Magnússonar er fengin að láni frá Castro. Veit hann af þessu?

Gunnar Finnlaugsson

Björn Ólafur kjördæmismeistari Vesturlands

Kjördæmismót Vesturlands í skólaskák var haldið í gær í Borgarnesi.  Enginn keppandi mætti í eldri flokki. Í yngri flokki sigraði Björn Ólafur Haraldsson Grunnskólanum í Borgarnesi með 4 vinninga. Í öðru sæti varð Ingibergur  Valgarðsson Grundaskóla og í þriðja sæti varð Arnór Mikael Arason Grunnskólanum í Borgarnesi.

Björn Ólafur hefur þar með unnið sér inn keppnisrétt á Landsmótinu í skólaskák sem fram fer 1.-4. maí nk. í Reykjavík.

NM-stúlkna - pistill annarar umferðar

Úrslit Íslensku stelpnanna í annarri umferð

A-flokkur
Hrund Hauksdóttir – Edit Machlik (Noregur) ½-½

Fín skák að mörgu leiti hjá Hrund í dag.  Hrund fékk þægilegri stöðu út úr byrjuninni og andstæðingurinn gerði lítið annað en að þráleika.  Þegar tíminn fór að minnka lék Hrund af sér peði og fékk heldur verri stöðu.  Hún blés þá til sóknar og náði að rugla andstæðinginn í ríminu og fékk unna stöðu í miklu tímahraki en missti af máti í tveimur leikjum í miklu tímahraki og niðurstaðan varð jafntefli í langri og strangri skák.

B-flokkur
Freja Vangsgaard (Danmörk) – Veronika Steinunn Magnúsdóttir 1-0
Sóley Lind Pálsdóttir – Brandy Paltzer (Svíþjóð) 1-0
Ásta Sóley Júlíusdóttir – Saida Mamadova (Svíþjóð) ½-½

Veronika tefldi ágætis skák við Freju frá Danmörku.  Eftir smá ónákvæmni hjá Veroniku rændi andstæðingurinn peði á a7 en lokaði riddarann sinn inni og hefði Veronika getað unnið mann með nákvæmri taflmennsku en missti af því og tapaði öðru peði og að lokum skákinni.  Þessi skák hefði mátt fara betur.  Sóley telfdi skák mótsins við Brandy frá Svíþjóð.  Eftir óhefðbundna leikjaröð, kom upp drekastaða þar sem Sóley hrókaði langt.  

Skemst er frá því að segja að eftir mikla flugeldasýningu var Brandy mátuð.  Verulega góð skák hjá Sóley sem sýndi mikla útsjónarsemi við að leika nákvæmum leikjum og kláraði svo skákina með laglegri fléttu.  Ásta telfdi við Saidu frá Svíþjóð og telfdi skákina afar vel framan af og fékk mun betri stöðu.  Ásta reyndi síðan að plata andstæðinginn sem svaraði vel og allt í einu var staða Ástu töpuð.  Ásta gafst hins vegar ekki upp og náði jafnteflisstöðu þar sem þráleikið var í eina 15 leiki, vegna þess að Ásta sá enga ástæðu til að krefjast jafnteflis með örugga stöðu á meðan andstæðingurinn brenndi upp tímanum.  Betra að sjá bara til hvort andstæðingurinn félli nokkuð á tíma!  Að lokum endaði svo skákin með jafntefli.

C-flokkur
Lina Cao-Zhang (Svíþjóð) - Nansý Davíðsdóttir ½-½
Heiðrún Anna Hauksdóttir – Kajsa Nilsson (Svíþjóð) 0-1
Trino Paltzer (Svíþjóð) – Ylfa Ýr Welding Hákonardóttir ½-½
Katla Torfadóttir – Freyja Birkisdóttir 1-0

Nansý teflid við Línu frá Svíþjóð og eftir að hafa telft byrjunina vel var hún peði yfir og stóð mun betur.  Nansý var svo of passíf í framhaldinu og andstæðingurinn komst inn í skákina og tefldi afar vel og fékk líklega heldur betri stöðu.  Nansý telfdi framhaldið hins vegar vel og skákin endaði með jafntefli.  Heiðrún tefldi of hratt gegn Kajsa frá Svíþjóð sem kostaði slæman afleik og skákina í framhaldinu.  Heiðrún þarf að hægja talsvert á sér því hún getur teflt mikið betur en hún hefur sýnt hingað til.  Ylfa tefldi ágætis skák gegn Trino frá Svíþjóð og stóð á tímabili til vinnings.  Spennan var hins vegar heldur mikil og í stað þess að nota tíman vel lék hún of hratt og andstæðingurinn náði að jafna taflið.  Niðurstaðan varð svo jafntefli sem í sjálfu sér eru ágætis úrslit en vinningur hefði verið betri! 

Katla og Freyja lentu svo saman í þessari umferð sem endaði að lokum með því að Katla vann eftir allt of hraða skák fyrir minn smekk.  Stór hluti stúlknanna í C-flokki þurfa að hægja verulega á og nota tíman betur og þá mun vinningunum fjölga ört því þær hafa svo sannarlega getuna til þess en þurfa bara að ná að venjast þessu löngu tímamörkum.

Þriðja umferð hefst svo klukkan 10 í fyrramálið og þá tefla Íslensku stelpurnar eftirfarandi skákir:

Monika Machlik (Noregur) – Hrund Hauksdóttir (í beinni útsendingu)
Veronika Steinunn Magnúsdóttir – Sóley Lind Pálsdóttir (í beinni útsendingu)
Ásta Sóley Júlíusdóttir – Ingrid Andrea Greibrokk (Noregur) (í beinni útsendingu)
Nansý Davíðsdóttir – Amalie Isabel Merkesvik (Noregur) (í beinni útsendingu)
Kajsa Nilson (Svíþjóð) – Katla Torfadóttir
Freyja Birkisdóttir – Trino Paltzer (Svíþjóð)
Ylfa Ýr Welding Hákonardóttir – Heiðrún Anna Hauksdóttir

Heimasíða mótsins
Bein útsending frá þriðju umferð
Chess-results (pörun og úrslit)

Davíð Ólafsson

NM stúlkna: Pistill fyrstu umferðar

Í fyrstu umferð norðulandamóts stúlkna sem hefst nú kl. 10 tefla Íslensku stelpurnar við eftirfarandi andstæðinga:

A-flokkur
Ellen Kalkulidis (Danmörk) – Hrund Hauksdóttir 0-1

Skemmtileg skák hjá Hrund á mót Ellen frá Danmörku í dag.  Við ákváðum fyrir umferðina að halda spennunni í skákinni því það sem við gátum séð frá fyrri skákum Ellenar var að hún átti það til að leika skákum niður þegar á leið, líklega í tímahraki.  Þetta gekk eftir og Hrund vann fljótlega eftir að Ellen lenti í tímahraki.

B-flokkur
Elise Sjottem Jacobsen (Noregur) – Sóley Lind Pálsdóttir ½-½
Veronika Steinunn Magnúsdóttir – Ásta Sóley Júlíusdóttir 1-0

Sóley átti góðan dag gegn Elise frá Noregi sem er næststigahæst í þessum flokki.  Sóley jafnaði taflið auðveldlega og fékk síðan smávægilegt frumkvæði sem ekki dugði til sigurs.  Fín skák hjá Sóley.  Þær stöllur Veronika og Ásta lentu saman í fyrstu umferð.  Ásta var ekki nógu ákveðin í byrjuninni og tapaði fljótlega peði.  Veronika þjarmaði í framhaldinu að Ástu og uppskar góðan sigur.

C-flokkur
Nansý Davíðsdóttir – Trino Paltzer (Svíþjóð) 1-0
Freyja Birkisdóttir – Amalie Isabel Merkesvik (Noregur) 0-1
Maria Nass (Noregur) – Heiðrún Anna Hauksdóttir 1-0
Ylfa Ýr Welding Hákonardóttir – Lina Cao-Chang (Svíþjóð) 0-1
Anna Hedelykke (Danmörk) – Katla Torfadóttir 1-0

Í C-flokki tefldi Nansý við Trino frá Svíþjóð og vann mjög öruggan sigur.  Nansý vann strax peð út úr byrjuninni og vann síðan mikið lið í miðtaflinu – fínn skák.  Freyja tefldi við Amalie frá Noregi.  Freyja lék slysalega af sér manni í byrjunni en tefldi skákina vel í framhaldinu og náði sér í smá færi fyrir manninn en ekki nóg til að fá eitthvað út úr skákinni.  Hún sýndi samt að hún á í fullu tré við stelpurnar í þessum flokki þó að þær séu margar hverjar 4-5 árum eldri en hún.  Heiðrún tefldi við Mariu frá Noregi og lék fljótfærnislega af sér manni sem kostaði skákina þrátt fyrir góða baráttu.  Heiðrún þarf að hægja aðeins á sér í byrjun skáka því um leið og hún fer að nota tímann þá batnar taflmennskan verulega.  Ylfa tefldi við Línu frá Svíþjóð.  Ylfa tefldi einnig full hratt og lék af sér liði sem kostaði skákina.  Katla tefldi við Önnu frá Danmörku og tapaði að lokum eftir mikla baráttu.  Allar Íslensku stelpurnar í þessum flokki eru að tefla á sínu fyrsta kappskákmóti og eru að læra á þessi tímamörk.  Þær hafa allar getu til að vinna hverja sem er í þessum flokki svo lengi sem þær noti tímann skynsamlega.

Heimasíða mótsins
Bein útsending frá annarri umferð
Chess-results (pörun og úrslit)

Davíð Ólafsson

Skákmót Vals - Minningarmót um Hermann Gunnarsson

Skákmót Vals, keppnin um VALS-Hrókinn fer fram í Valsheimilinu að Hlíðarenda miðvikudaginn 30. apríl og hefst kl. 18. Tefldar verða níu umferðir eftir svissneska kerfinu og verða tímamörkin 5 2, þ.e. 5 mínútur á alla skákina að viðbættum 2 sekúndum fyrir hvern leik. Keppt er um farandgripinn VALS-Hrókinn sem var gefinn af Jóhanni Eyjólfssyni fyrrverandi formanni Vals en gripurinn sem úr tré kom í leitirnar eigi alls fyrir löngu en fyrst var keppt um hann fyrir meira en 60 árum og meðal sigurvegara á þeim tíma voru Gunnar Gunnarsson og Björn Theódórsson.

Fjölmörg önnur verðlaun verða veitt  m.a. varningur  frá HENSON fyrirtæki formanns skákdeildar Vals, Halldórs Einarsson. Allir skákunnendur er hvattir til að taka þátt í mótinu og gamlir Valsmenn og konur eru alveg sérstaklega velkomin.

Mótið er helgað minningu Hermanns Gunnarssonar sem féll frá í júní á síðasta ári. Hermann var meðal þátttakenda í keppninni um VALS-Hrókinn á síðasta ári en þá bar Helgi Ólafsson sigur úr býtum. Hermann  var sjálfur hörku skákmaður og var á sínum tíma heiðraður af Skáksambandi Íslands fyrir framlag sitt til eflingar skáklistarinnar en hann var stjórnandi fjölmargra skákmóta í sjónvarpi á árunum 1992- 2006.

Meðal þeirra sem hafa boðið komu sína nú eru stórmeistararnir Helgi Ólafsson og Jón L. Árnason.

Mótið nú er haldið af Skákdeild Vals í samvinnu við Skáksamband Íslands.

Skráning fer fram á Skák.is og eru allir velkomnir, ekki síst þeir sem vilja heiðra minningu Hemma Gunn.

Upplýsingar um þegar skráða keppendur má finna hér.

Oliver Aron og Heimir Páll skólaskákmeistarar Reykjavíkur

Skólaskákmót Reykjavíkur fór fram fimmtudaginn 24. apríl í Rimaskóla. Sterkustu skákmenn reykvískra skóla voru mættir til leiks og var yngri flokkurinn sérstaklega vel mannaður. Þar var mikil baráttu um tvö efstu sætin sem gáfu sæti á Landsmót í skólaskák sem fer fram um næstu helgi í Skáksambandi Íslands.

Ein af úrslitaskákunum fór fram í fjórðu umferð þegar Heimir Páll Ragnarsson Hólabrekkuskóla og Mykhaylo Kravchuk Ölduselsskóla mættust. Úr varð afar spennandi skák þar sem Mykhaylo pressaði stíft í miðtaflinu en Heimir varðist vel og komst í unnið endatafl sem hann kláraði af öryggi. Vel tefld skák hjá báðum. Í næstu umferð mætti Heimir Óskari Víking Davíðssyni og sömdu þeir jafntefli.  Óskar Víkingur hélt öðru sætinu fram í sjöundu umferð þegar hann mætti Mykhaylo sem lagði Óskar að vell og komst því áfram ásamt Heimi Páli sem var öruggur sigurvegari.

Úrslit mótsins má finna á Chess-Results.

Í eldri flokki voru tíu keppendur sem tefldu allir við alla. Þar kom lítið á óvart en baráttan var þó mikil um þriðja sætið sem gaf þátttökurétt á Landsmótinu. Fór svo að Jacob Alexander vann sér inn þátttökuréttinn.

Úrslit mótsins má finna á Chess-Results.

Skákstjóri var Stefán Bergsson og honum til aðstoðar Björn Ívar Karlsson, Helgi Árnason og Erla Hjálmarsdóttir.

Carlsen tapaði aftur - nú fyrir Radjabov

Það er ekki algeng að Magnus Carlsen (2881) tapi skák - hvað þá tveimur í röð en það gerðist einmitt í gær á minningarmótinu um Gashimov þegar hann tapaði fyrir heimamanninum Teimor Radjabov (2713) sem er auk þess stigalæstur keppenda. Magnus hefur nú 50% vinningshlutfall að loknum 5 umferðum en Radjbov er  efstur með 3 vinninga.

Mamedyarov (2760) vann Caruana (2783) en er engu að síður neðstur með 2 vinninga. Allir aðrir en Aserarnir, þ.e. Carlsen, Caruana, Karjakin (2772) og Nakamura (2772) hafa 2½ vinning.

Frídagur er í dag - en mótinu verður framhaldið á morgun. 

Frakkinn Etianne Bacrot (2722) efstur með 4 vinning í b-flokki. Íslandvinurinn Pavel Eljanov (2732) er annar með 3½ vinning.

Heimasíða mótsins - beinar útsendingar hefjast kl. 10.

NM stúlkna hafið

Norðurlandamót stúlkna er rétt nýhafið. Níu skákir eru sýndar frá mótinu eða þrjár í hverjum flokki. Alls taka 26 stúlkur þátt frá fjórum Norðurlandanna en hvorki Finnar né Færeyringar taka þátt. Teflt er í þremur flokkum og eru fulltrúar Íslands níu talsins. Fyrir hönd Íslands tefla:

A-flokkur (1994-97):

Hrund Hauksdóttir (1637)

Alls tefla sex stúlkur í a-flokki

B-flokkur (1998-2000):

Veronika Steinunn Magnúsdóttir (1485)
Sóley Lind Pálsdóttir (1461)
Ásta Sóley Júlíusdóttir (1216)

Alls tefla átta stúlkur í b-flokki

C-flokkur (2001-)

Nansý Davíðsdóttir (1472)
Freyja Birkisdóttir
Heiðrún Anna Hauksdóttir
Katla Torfadóttir
Ylfa Ýr Welding Hákonardóttir

Alls tefla 12 stúlkur í c-flokki. Þar hefur Nansý Norðurlandameistaratitil að verja.

Hægt verður að fylgjast með sjö skákum beint í hverri umferð auk þess sem fylgst verður með mótinu afar vel á Skák.is og á Chess-Results.

Umferðartafla

1. umf: Föstud. kl. 10
2. umf: Föstud. kl. 16
3. umf: Laugard. kl. 10
4. umf: Laugard. kl. 16
5. umf: Sunnud. kl. 10

• Heimasíða mótsins
• Chess-Results