Aðalfundur GM Hellis fer fram 8. maí

Stjórn Skákfélagsins GM-Hellis boðar til aðalfundar félagsins sem haldinn verður fimmtudagskvöldið 8. maí og hefst fundurinn kl 20.00. Aðalfundurinn fer fram á tveim stöðum samtímis með fjarfundarbúnaði. Félagsmenn norðan heiða hittast í aðstöðu Þekkingarnets Þingeyinga að Hafnarstétt á Húsavík. Félagsmenn sunnan heiða hittast í aðstöðu Sensu að Klettshálsi 1 í Reykjavík.

Stjórn GM Hellis leggur til að fundarstjóri verði Helgi Áss Grétarsson.

Dagskrá fundarins er eftirfarandi samkvæmt samþykktum félagsins.

(1) Kosinn fundarstjóri og fundarritari.
(2) Flutt skýrsla stjórnar.
(3) Lagðir fram reikningar félagsins sem ná yfir síðastliðið almanaksár.
(4) Umræður um störf stjórnar og afgreiðsla reikninga.
(5) Kosning formanns og varaformanns.
(6) Kosning stjórnar
(7) Kosnir tveir endurskoðendur að reikningum félagsins.
(8) Formleg inntaka nýrra félagsmanna
(9) Félagsgjöld ákvörðuð.
(10) Lagabreytingatillögur sem séu löglega boðaðar
(11) Önnur mál.

Félagsmenn hafa fengið í tölvupósti nauðsynleg fundargögn.

Með óskum um góða mætingu á aðalfundinn.

Stjórn Skákfélagsins GM Hellis.

Axel Edilon og Heiðar Óli kjördæmismeistarar Suðurlands

Kjördæmismót Suðurlands var haldið í Fischersetri 25. apríl sl.  Í eldri flokki sigrðai Axel Edilon. Í öðru sæti var Benedikt Fadel. Í yngri flokki sigraði Heiðar Óli Guðmundsson eftir mikla og janfa keppni við Almar Mána Þorsteinsson.

Axel og Heiðar Óli hafa áunnið sér keppnisrétt á Landsmótinu í skólaskák sem fram fer húsnæði SÍ, 1.-4. maí nk.

NM stúlkna - pistill fimmtu og síðustu umferðar

Úrslit Íslensku stelpnanna í fimmtu umferð:

A-flokkur
Hrund Hauksdóttir – Jessica Bengtsson ½-½

Góð skák hjá Hrund í dag þar sem hún var afar nærri því að leggja Norðurlandameistara síðasta árs í þessum flokki að velli.  Hrund endaði í fimmta sæti í flokknum en stutt var á milli sæta og með örlítilli heppni hefði Hrund hæglega getað endað í verðlaunasæti.

B-flokkur
Sóley Lind Pálsdóttir - Ásta Sóley Júlíusdóttir 1-0
Veronika Steinunn Magnúsdóttir – Saida Mamadova (Svíþjóð) 1-0

Sóley endaði gott mót með góðum sigri í viðureigninni við Ástu í dag.  Veronika sigraði Saidu frá Svíþjóð í góðri skák.  Sóley hlaut brons í þessum flokki en hún var ekki langt frá því að vinna þennan flokk en slysaleg úrslit í næst síðustu umferð komu í veg fyrir það.  Veronika endaði í sjötta sæti og Ásta í áttunda sæti í þessum flokki.  Þær geta gert betur og munu örugglega gera það á komandi mótum.

 

C-flokkur
Nansý Davíðsdóttir – Anna Hederlykke (Danmörk) 1-0
Heiðrún Anna Hauksdóttir - Freyja Birkisdóttir 1-0
Ylfa Ýr Welding Hákonardóttir - Katla Torfadóttir  0-1

Þjálfarar stóðu sig betur í dag í undirbúningi Nansýar og fengu upp rétt afbrigiði í stúderingum fyrir skákina.  Nansý vann afar öruggan sigur og varð því Norðurlandameistari stúlkna í C-flokki 2014!  Hinar Íslensku stelpurnar lentu allar í innbyrðis viðureignum sem enduðu þannig að Heiðrún vann Freyju og Katla vann Ylfu.  Heiðrún og Katla urðu jafnar í áttunda sæti, Ylfa varð í ellefta sæti og Freyja í tólfta sæti.  Þess má þó geta að Ylfa og Freyja eiga mjög mörg ár eftir í þessum flokki.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Í heildina litið þá var árangur Íslensku keppendanna ágætur.  Það var svo sem vitað fyrirfram að margar stúlknanna í C-flokki ættu erfitt mót fyrir höndum þar sem allar nema Nansý voru að keppa í sínu fyrsta kappskákmóti.  Þær eiga greinilega framtíðina fyrir sér og sönnuðu að þær eiga alveg heima á svona mótum.  Að lokum vil ég þakka stelpunum fyrir skemmtilega helgi og eru það forréttindi að fá að vinna með svona duglegum og skemmtilegum stelpum.

Heimasíða mótsins
Chess-results (pörun og úrslit)

Davíð Ólafsson

Skákþáttur Morgunblaðsins: Vopn sem dugði

„Hvað á að gera á móti þessum leik," spurði frægur stórmeistari og lék kóngspeðinu fram um tvo reiti. Skákmenn eru alltaf að glíma við þessa spurningu og það er ekkert svar rétt. Í þrem einvígjum átti Viktor Kortsnoj erfitt með að finna haldgott vopn gegn kóngspeði Karpovs sem síðar átti við þetta sama vandamál að stríða þegar hann mætti Kasparov. Frumkvæðið liggur hjá hvítum og eina markmiðið sem svartur getur haft í byrjun tafls er að fá teflanlega stöðu. Þannig komst ungverski stórmeistarinn Lajos Portisch að orði og lærimeistari hans, Mikhael Botvinnik, hefur áreiðanlega verið á sömu skoðun. Botvinnik valdi yfirleitt byrjanir sem hann taldi liggja vel að stíl hans. Í öðru einvígi sínu við Tal árið 1961, sem hann vann 13:8, reyndist Caro-Kann vörnin það vopn sem dugði. Þessi byrjun lætur ekki mikið yfir sér og er frekar auðlærð. Í einni af úrslitaviðureignum Íslandsmóts skákfélaga á dögunum milli Taflfélags Vestmannaeyja og GM Hellis sló þeirri hugsun niður hjá greinarhöfundi að Caro-Kann vörnin væri rétta vopnið. Fyrr en varði vorum við komnir a slóðir Tal og Botvinnik:

Þröstur Þórhallsson GM Hellir _ Helgi Ólafsson TV

Caro Kann

1. e4 c6 2. d4 d5 3. e5 c5

Leikur Botvinniks. Algengara er 3. .... Bf5.

4. dxc5 e6 5. Rf3 Bxc5 6. Bd3 Rc6 7. O-O Rge7 8. He1 Rg6 9. c3 O-O 10. Be3 Be7

Uppskipti komu einnig til greina en hvítur á vandræðum með að staðsetja e3-biskupinn.

11. Bd2 Bd7 12. a4 f6 13. exf6 Bxf6 14. Ra3 e5 15. Db3 Bg4 16. Be4 Be6 17. Bxg6 hxg6 18. Dxb7

Hvítur seilist eftir „eitraða" peðinu en svartur hefur nægar bætur.

18. ... Ra5 19. Da6 Bc8! 20. Db5 a6 21. De2 Bg4 22. h3 Bxf3 23. gxf3

Alls ekki 23. Dxf3 vegna 23. ... Bh4 og 24. .... Bxf2+.

23. ... Dd7 24. Dd3 Rb3 25. Had1 Had8 26. Kg2 Dxa4 27. Dxg6 Hd6 28. Be3 Dc6 29. Dg4?

Eftir þennan leik á hvítur í erfileikum. _Houdini" mælir með 29. Dc2 með jöfnu tafli en forsenda slíks mats eru útreikningar sem ekki nokkur skákmaður hefur vald yfir!

29. ... Be7 30. h4 Hg6 31. Bg5 Hf4! 32. Dg3

Hvítur reynir að halda stöðu sinni saman á kóngsvæng en nú fellur fyrsta sprengjan.

32. .. Hxh4! 33. Hxe5

Lítt stoðar 33. Dxh4 Hxg5+ 34. Kh3 De6+ 35. Kh2 Hg2+og drottningin fellur.

33. ... Hh5 34. f4

Eða 34. Hdxd5 Dxd5! 35. Hxd5 Hhxg5 og vinnur mann.

34. ... d4+ 35. f3 Bf6! 36. cxd4 Rxd4!

Hvítur vonaðist eftir 36. ... Bxe5? 37. dxe5 og hvítur heldur velli.

37. Hxd4 Bxe5 38. Hc4

- og gafst upp um leið því staðan er vonlaus eftir t.d. 38. .... Dd7. Hann gat veitt meira viðnám með 38. Hd8+ Kh7 39. Dg4 en þá kemur 39. ... Hgxg5! 40. fxg5 Hh2+ 41. Kf1 Dc1+ og mát í næsta leik.

Helgi Áss með á Íslandsþingi

Keppni í landsliðsfokki á Skákþingi íslands fer fram í Stúkunni á Kópavogsvelli dagana 23. maí-1. júní. Þetta er sami keppnisstaður og á mótinu fyrir tveim árum. Keppendur verða tíu talsins og meðal þeirra er Helgi Áss Gretarsson sem tefldi síðast á Íslandsmóti fyrir tíu árum. Þessir eru skráðir til leiks: Hannes Hlífar Stefánsson, Héðinn Steingrímsson, Hjörvar Steinn Grétarsson, Stefán Kristjánsson, Henrik Danielsen, Bragi Þorfinnsson, Helgi Áss Grétarsson, Þröstur Þórhallsson, Guðmundur Kjartansson og Björn Þorfinnsson.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 20. apríl 2014

Skákþættir Morgunblaðsins

[Event "Icelandic Team Championship 2013-14 1st "] [Site "Reykjavík, Iceland"] [Date "2014.03.01"] [Round "8.5"] [White "Thorhallsson, Throstur"] [Black "Olafsson, Helgi"] [Result "0-1"] [ECO "B12"] [WhiteElo "2445"] [BlackElo "2546"] [PlyCount "75"] [EventDate "2013.10.10"] 1. e4 c6 2. d4 d5 3. e5 c5 4. dxc5 e6 5. Nf3 Bxc5 6. Bd3 Nc6 7. O-O Nge7 8. Re1 Ng6 9. c3 O-O 10. Be3 Be7 11. Bd2 Bd7 12. a4 f6 13. exf6 Bxf6 14. Na3 e5 15. Qb3 Bg4 16. Be4 Be6 17. Bxg6 hxg6 18. Qxb7 Na5 19. Qa6 Bc8 20. Qb5 a6 21. Qe2 Bg4 22. h3 Bxf3 23. gxf3 Qd7 24. Qd3 Nb3 25. Rad1 Rad8 26. Kg2 Qxa4 27. Qxg6 Rd6 28. Be3 Qc6 29. Qg4 Be7 30. h4 Rg6 31. Bg5 Rf4 32. Qg3 Rxh4 33. Rxe5 Rh5 34. f4 d4+ 35. f3 Bf6 36. cxd4 Nxd4 37. Rxd4 Bxe5 38. Rc4 0-1

Stemming á öðru skemmtikvöldi T.R.

Það var mikil stemming á öðru skemmtikvöldi Taflfélags Reykjavíkur sem fram fór á föstudagskvöldið.  Níu sterk lið voru mætt til leiks í "Heili og hönd" þar sem tefldar voru Fischer Random stöður.  Reglulega var gert hlé á taflmennskunni til að hlaða batteríin og heimsækja nágranna okkar á Billiardbarnum. Taflmennskan var oft á tíðum mjög skrautleg líkt og á Íslandsmeistaramótinu í Fischer Random fyrir mánuði síðan.

 

Það varð fljótt ljóst að keppnin yrði afar hörð og jöfn en fyrir lokaumferðina gátu enn fjögur lið landað sigrinum.  Enda fóru leikar svo á endanum að þrjú lið urðu efst og jöfn með 6 vinninga.  Það þurfti síðan þrefaldan stigaútreikning til að krýna Jón Viktor Gunnarsson og Ólaf Kjartansson sem sigurvegara.  Í öðru sæti höfnuðu Þorvarður F. Ólafsson og Ingvar Þór Jóhannesson og bronsið tóku svo Bergsteinn Einarsson og Sigurður P. Steindórsson.  

Reyndar virðist sem Bergsteinn hafi landað öllum vinningum bronsliðsins, því hann tilkynnti ætíð úrslit síns liðs annaðhvort með "Bergsteinn vann" eða "Siggi Palli tapaði"!

 

Líkt og á fyrsta skemmtikvöldi Taflfélagsins voru vegleg verðlaun veitt fyrir þrjú efstu sætin í formi medalía og inneignar á Billiardbarnum þar sem kvöldinu var slúttað með glans.

Við hjá Taflfélaginu þökkum kærlega fyrir þátttökuna, og næsta skemmtikvöld verður væntanlega haldið í lok maí.  Allar tillögur að keppnisfyrirkomulagi þá eru vel þegnar og verða grandskoðaðar!

Hér má sjá myndir frá skemmtikvöldinu.

 

Úrslit:

1-3   Jón Viktor og Ólafur K,     6     
Þorvarður og Ingvar Þ,      6     
Bergsteinn og Sigurður P,   6
4-5  Hilmar og Guðmundur K,      5     
Rúnar Berg og Stefán K,     5
6-7  Róbert og Kjartan M,        3     
Elsa og Jóhanna,            3  8  
Arnar E og Harpa,           2  9  
Hjálmar og Hörður,          0

Carlsen efstur í Shamkir eftir sigur á Nakamura

Magnus Carlsen (2881) er aftur orðinn einn efstur á minningarmótinu um Gashimov sem fram fer þessa dagana í Shamkir í Aserbaídsjan. Í dag vann Nakamura (2772) öðru sinni í mótinu og leiðir með 4,5 vinning eftir 7 umferðir.

Öðrum skákum lauk með jafntefli. Radjabov (2713) er annar með 4 vinning.

Frakkinn Etianne Bacrot (2722) og Úkraínumaðurinn Pavel Eljanov (2732) eru efstir með 4,5 vinning í b-flokki.

Heimasíða mótsins - beinar útsendingar hefjast kl. 10.

Nansý Norðurlandameistari stúlkna 2014

Nansý Davíðsdóttir var rétt í þessu að tryggja sér Norðurlandameistaratitil stúlkna í skák með því að sigra örugglega í yngsta flokki með 4,5 vinninga af 5 mögulegum.

 

NM stúlkna - pistill fjórðu umferðar

Úrslit Íslensku stelpnanna í fjórðu umferð:

A-flokkur
Hrund Hauksdóttir – Angelina Fransson (Svíþjóð) 0-1

Þetta var ekki besta skákin hjá Hrund í mótinu.  Hún fann sig ekki í stöðunni sem kom upp eftir byrjunina og eftir yfirsjón sem kostaði skemmda kóngsstöðu var skákin erfið gegn hinni mjög svo sterku Angelinu sem er efst í A-flokki með fullt hús vinninga.  Hrund er í fjórða til fimmta sæti í afar jöfnum flokki.

B-flokkur
Freja Vangsgaard (Danmörk) – Sóley Lind Pálsdóttir 1-0
Ingrid Andrea Greibrokk (Noregur) – Veronika Steinunn Magnúsdóttir 1-0
Brandy Paltzer (Svíþjóð) – Ásta Sóley Júlíusdóttir 1-0

Ekki okkar dagur í B-flokki í dag.  Allar stelpurnar töpuðu.  Sóley tapaði fyrir Freju frá Danmörku eftir að hafa barist vel og lengi peði undir.  Reyndar var Sóley búin að ná jafntefli því sama staðan kom upp þrisvar og krafðist Sóley jafnteflis en því miður var jafntefliskrafan rangt útfærð því nauðsynlegt er að skrifa niður síðasta leikinn, stöðva klukkuna, kalla á skákstjóra og krefjast jafnteflis áður en nokkur maður er snertur á borðinu.  Sóley lék hins vegar síðasta leiknum og krafðist jafnteflis áður en hún ýtti á klukkuna en það gildir því miður ekki.  Þetta kostaði hana nokkurn tíma og með lítinn tíma á klukkunni fann hún ekki bestu vörnina og tapaði að lokum.  Sóley er að tefla mjög vel á þessu móti.  Veronika tefldi við Ingrid frá Noregi og tapaði eftir að hafa ekki telft sóknina nægilega ákveðið.  Andstæðingurinn fann hins vegar afar fallega mátsókn sem ekki var hægt að ráða við.  Ásta Sóley lék slæmum afleik í sinni skák þar sem hún lék af sér heilum hrók.  Það var einfaldlega of mikið og skákin tapaðist.  Sóley er í 3.-4. sæti, Veronika er í 6. sæti og Ásta er í 8. sæti.

 

C-flokkur
Ellen Fredericia Nilssen (Danmörk) – Nansý Davíðsdóttir 0-1
Amalie Isabel Merkesvik (Noregur) – Heiðrún Anna Hauksdóttir 1-0
Katla Torfadóttir – Maria Nass (Noregur) 0-1
Freyja Birkisdóttir – Ylfa Ýr Welding Hákonardóttir ½-½

Nansý tefldi við stigahæstu stelpuna í C-flokki í dag.  Skákin byrjaði þannig að andstæðingurinn lék óvænt Rf3 í fyrsta leik.  Nansý leit þá upp á okkur þjálfarana (Helgi Ólafsson hefur verið með mér hér á Bifröst) og það stóð framan í henni: „Þið undirbjugguð mig ekki fyrir þetta!“.  Okkur til varnar þá er ekki alveg hægt að sjá allt fyrir þó að við séum báðir reynslumiklir í svona mótum.  Þetta reyndist ekki skipta máli því Nansý telfdi afar vel og vann sannfærandi í góðri skák.  Heiðrún tefldi við Amalie frá Noregi og lenti fljótlega í vandræðum og tapaði gegn sterkum andstæðingi.  Katla tefldi afar vel gegn Mariu frá Noregi og var lengst af með heldur betri stöðu.  Reynsluleysi í endatöflum kostaði hins vegar skákina en það var allt annað að sjá til Kötlu í dag þar sem hún nýtti tímann sinn mikið betur.  Hún er óðum að ná tökum á að tefla í svona mótum.  Þær vinkonur Freyja og Ylfa tefldu saman og sömdu um jafntefli í frekar stuttir skák.  Skýringin var einföld. Þeim langaði ekki til að tapa og vildu eiginlega ekki gera vinkonunni það að vinna hana!  Allt í lagi, hvað veit ég svo sem um þetta!

Nansý er efst í þessum flokki og þarf að vinna á morgun til að tryggja sér Norðurlandameistaratitil, Katla, Heiðrún og Ylfa eru í 9.-11. sæti og Freyja er í 12. sæti.

Fimmta og síðasta umferðin hefst klukkan 10 í fyrramálið.

Heimasíða mótsins
Bein útsending frá fjórðu umferð
Chess-results (pörun og úrslit)

Davíð Ólafsson

Jón Kristinn og Óliver Ísak kjördæmismeistarar Norðurlands eystra

Umsdæmismót Noðrurlands eystra var háð á Akureyri í dag. Sex voru mættir til leiks í eldri flokki og átta í þeim yngri. Fátt var um óvænt úrslit að þessu sinni.

Eldri flokkur:

1. Jón Kristinn Þorgeirsson, Lundarskóla          5
2. Símon Þórhallsson, Lundarskóla                   4
3. Benedikt Stefánsson, Þelamerkuskóla          3
4. Jón Aðalsteinn Hermannsson, Þingeyjarsk   2
5. Eyþór Kári Ingólfsson, Stórutjarnaskóla       1
6. Ari Samran Gunnarsson, Grenivíkurskóla      0

Hér var harðast barist um fyrsta og þriðja sætið og voru skákir þeirra Jóns K og Símonar og Benedikts og Jóns A báðar mjög tvísýnar og spennandi.  Þrír efstu menn í þessum flokki fá nú keppnisrétt á Landsmóti.

 

 

 

 

Yngri flokkur:

1. Óliver Ísak Ólason, Brekkuskóla                  6,5
2. Gabríel Freyr Björnsson, Brekkuskóla og
3. Auðunn Elfar Þórarinsson, Lundarskóla       5
4. Sigurður Þórisson, Brekkuskóla                   4
5. Ingólfur B. Þórarinsson, Grenivíkurskóla     3,5
6. Kristján D. Björnsson, Stórutjarnaskóla      3
7. Björn Gunnar Jónsson, Borgarhólsskóla     1
8. Magnús Máni Sigurgeirsson, Borgarh.sk.    0

Hér er það Óliver Vatnarsbani Ólason sem fær keppnisrétt á Landsmóti. 

Carlsen aftur á sigurbraut vann Mamedyarov í dag

Magnus Carlsen (2881) vann í dag Mamedyarov (2760) í sjöttu umferð minningarmótsins um Gashimov sem fram fór í dag en eins og kunnugt er tapaði hann bæði í 4. og 5. umferð.  Carlsen er nú efstur með 3,5 vinning ásamt Radjabov (2713) en öðrum skákum lauk með jafntefli.

Frakkinn Etianne Bacrot (2722) efstur með 4,5 vinning í b-flokki og hefur vinningsforskot á næstu menn.

Heimasíða mótsins - beinar útsendingar hefjast kl. 10.