Skákþing Reykjavíkur hefst eftir viku

Skákþing Reykjavíkur hefst sunnudaginn 5. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.Sú nýbreytni verður að boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu. 

Dagskrá:

1. umferð sunnudag 5. janúar kl. 14
2. umferð miðvikudag 8. janúar kl. 19.30
3. umferð sunnudag 12. janúar kl. 14.00
4. umferð miðvikudag 15. janúar kl. 19.30
5. umferð sunnudag 19. janúar kl. 14.00
6. umferð miðvikudag 22. janúar kl. 19.30
7. umferð sunnudag 26. janúar kl. 14
8. umferð miðvikudag 29. janúar kl. 19.30
9. umferð sunnudag 2. febrúar kl. 14

Verðlaun:

1. sæti kr. 100.000

2. sæti kr. 50.000

3. sæti kr. 25.000

Besti árangur undir 2000 skákstigum kr. 10.000 (íslensk stig gilda)

Besti árangur undir 1800 skákstigum kr. 10.000 (íslensk stig gilda)

Besti árangur undir 1600 skákstigum - bókaverðlaun (íslensk stig gilda)

Besti árangur stigalausra - bókaverðlaun

Þátttökugjöld:

kr. 5.000 fyrir 16 ára og eldri
kr. 2.500 fyrir 15 ára og yngri


Keppt er um titilinn "Skákmeistari Reykjavíkur 2014" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er Davíð Kjartansson.

Verði keppendur jafnir að vinningum í þremur efstu sætunum, verður verðlaunum skipt, en stigaútreikningur látinn skera úr um verðlaunasæti.  Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram hér á Skák.is (frá og með morgundeginum) og á heimasíðu Taflfélags Reykjavíkur.  Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Jólabikarmót GM Hellis fer fram á morgun

Jólabikarmót GM Hellis hér syðra fer fram mánudaginn 30. desember nk og hefst taflið kl. 19.30. Fyrirkomulagið verður þannig að tefldar verða hraðskákir með fimm mínútna umhugsunartíma og eftir Monrad kerfi. Eftir fimm töp falla keppendur úr leik. Þannig verður teflt þangað til einn stendur eftir og allir andstæðingarnir fallnir úr leik. Teflt er í félagsheimili GM Hellis í Álfabakka 14a í Mjóddinni.

Þrír efstu fá bikara í verðlaun. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jóhann Örn sigraði á Jólahraðskákmóti TR

Jóhann Örn Ingvason stóð uppi sem sigurvegari í árlegu Jólahraðskákmóti T.R. sem fór fram í gær.  Jóhann hlaut 11,5 vinning í skákunum fjórtán en tefldar voru 2x sjö umferðir.  Annar í mark með 11 vinninga var hinn ungi og efnilegi Vignir Vatnar Stefánsson og jöfn í 3.-4. sæti með 10,5 vinning voru Elsa María Kristínardóttir og Örn Leó Jóhannsson en Örn er sonur sigurvegarans, Jóhanns Arnar.

 

Að venju var þátttaka góð í jólamótinu en keppendur voru 38 talsins. Skákstjórn var í höndum Ólafs S. Ásgrímssonar.

 

Lokastaða

1	Jóhann Örn Ingvason,	11,5	44.5
2	Vignir Vatnar Stefánsson,	11	46.5
3-4	Elsa María Kristínardóttir,	10,5	41.0
	Örn Leó Jóhannsson,	10,5	37.5
5-6	Arnaldur Loftsson,	9,5	45.5
	Kjartan Maack,	9,5	44.5
7-9	Birkir Karl Sigurðsson,	9	42.0
	Kristófer Ómarsson,	9	41.0
	Guðmundur Gunnlaugsson,	9	33.5
10-12	Torfi Leósson,	8,5	41.0
	Kristján Örn Elíasson,	8,5	40.0
	Guðmundur Lee,	8,5	37.0
13-14	Eggert Ísólfsson,	8	41.5
	Óskar Long,	8	31.0
15-16	Símon Þórhallsson,	7,5	43.0
	Gauti Páll Jónsson,	7,5	36.0
17-22	Stefán Bergsson,	7	42.5
	Michael Kravchuk,	7	39.5
	Halldór Pálsson,	7	38.0
	Þorlákur Magnússon,	7	36.0
	Ingvar Örn Birgisson,	7	33.5
	Sigurður F Jónatansson,	7	31.0
23-25	Gunnar Nikulásson,	6,5	32.5
	Ólafur Guðmarsson,	6,5	30.5
	Þorsteinn Magnússon,	6,5	29.0
26-28	Sigurlaug R. Friðþjófsdóttir,	6	33.5
	Bragi Thoroddsen,	6	29.0
	Jón Otti Sigurjónsson,	6	25.0
29	Hjálmar Sigurvaldason,	5,5	34.0
30-31	Hörður Jónasson,	5	35.0
	Axel Óli Sigurjónsson,	5	29.5
32-33	Pétur Jóhannesson,	4,5	24.5
	Aron Þór Mai,	4,5	24.0
34-36	Þorlákur Sveinsson,	4	31.5
	Bjarki Arnaldarson,	4	29.0
	Róbert Luu,	4	27.5
37	Sindri Snær Kristófersson,	3	24.0
38	Alexander Oliver Mai,	1	27.5

 

Smári hraðskákmeistari í fjórða sinn

Smári Sigurðsson vann sigur á hraðskákmóti GM-Hellis (norðursvæði) með fáheyrðum yfirburðum í gærkveldi. Smári gerði sér lítið fyrir og vann alla sína andstæðinga níu að tölu. Svo miklir voru yfirburðir Smára að hann endaði mótið með þremur vinningum meira en næstu menn. Í 2.-4. sæti urðu jafnir, Sigurbjörn Ásmundsson, Benedikt Þór Jóhannsson og Jakob Sævar Sigurðsson, allir með 6 vinninga og hreppti Sigurbjörn annað sætið og Benedikt varð þriðja eftir stigaútreikninga. Jón Aðalsteinn Hermannsson vann sigur í flokki 16 ára og yngri, enda eini keppandinn þar.

Lokastaðan:

1.   Smári Sigurðsson                 9 af 9 !
2-4 Sigurbjörn Ásmundsson         6
2-4 Benedikt Þór Jóhannsson       6
2-4 Jakob Sævar Sigurðsson       6
5-6 Hlynur Snær Viðarsson          5
5-6 Ármann Olgeirsson               5
7    Hermann Aðalsteinsson         4
8    Ævar Ákason                        3
9    Jón Hafsteinn Jóhannsson      1
10  Jón Aðalsteinn Hermannsson  0 

Eitthvað var formaður félagsins illa upplagður á mótinu, því fyrir utan lélega frammistöðu á mótinu, gleymdi hann að taka myndir og gleymdi líka verðlaununum heima, svo að verðlaunahafar verða að bíða þar til á næsta ári til að fá verðlaunin afhent.

Sveitakeppni Skákklúbbs Icelandair fer fram á morgun

Þá styttist í árlega Sveitakeppni Skákklúbbs Icelandair en hún fer fram 28. desember á Natura en þetta árið verður mótið í aðeins einn dag. Það verður byrjað að tefla klukkan 13:00 og eru margir af sterkustu skákmönnum þjóðarinnar skráðir til leiks. Búið er að loka skráningu en hægt er að hleypa einni sveit til viðbótar inn í mótið í ljósi þess að stendur á stöku. Hægt er að skrá sig hér. Fyrstir koma - fyrstir fá.

21 lið skráð til leiks og má búast við spennandi og skemmtilegu móti. Hér má sjá skráðar sveitir.

Stefnt er að því að ljúka taflmennsku ekki mikið seinna en um 18:00. Bent er á að "Happy Hour" er á veitingastaðnum Satt á Hótel Natura til kl. 20.

Hver sveit má hafa 8.500 stig í hverri umferð og leyfilegt er að hafa 3 varamenn.

Miðað er við alþjóðleg stig en ef alþjóðleg stig eru ekki til staðar er miðað við íslensk stig og stigalausir reiknast með 1.500 stig, miðað er við stigalistana sem komu út 1. desember síðastliðinn.

Verðlaun:*

Sveitakeppni:

• 1. sæti: 4x farmiðar fyrir tvo til Evrópu með Icelandair
• 2. sæti: 4x gjafabréf fyrir tvo á veitingastaðnum Satt .
• 3. sæti: 4x gjafabréf fyrir tvo í Fontana

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands og Icelandair Saga Club og gisting í 2 nætur fyrir tvo á Icelandair Hótelum ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn

Sá aðili sem vinnur óvæntasta sigurinn mun fá gjafabréf fyrir tvo á veitingastaðnum Satt . Miðað er við stigamun.

Útdráttarverðlaun - einvígi, teflt á meðan er verið að taka saman lokaúrslit.
Einnig eru glæsileg útdráttarverðlaun en þau eru 25.000

Tveir verða dregnir út til að tefla hraðskák um þessi verðlaun. 10 mínútum verða skipt á milli skákmannanna í öfugu hlutfalli við stigin sem skákmennirnir hafa til að gefa þeim stigalægri meiri möguleika og auka spennuna.

Sá sem er dreginn fyrr fær hvítt og verður að vinna, svörtum nægir jafntefli.

Sá sem tapar fær gjafabréf á veitingastaðnum Satt fyrir tvo.

* ATH. Sami aðili getur ekki unnið til fleiri en einna ferðavinninga, ef slíkt kemur upp mun viðkomandi aðili velja hvaða vinning hann vill, útfærist nánar á skákstað!
- Greiða þarf flugvallarskatta af öllum flugmiðum.

Frekari upplýsingar er hægt að fá með því að senda póst á Óskar Long; [e-mail]

 

Nökkvi Jólaskákmeistari TV

À Jóladag fór að venju fram hið árlega Jóladagsmót Taflfélags Vestmannaeyja.  Eins og öllum er kunnugt er þetta eina skákmótið á landinu þennan dag og menn leggja ýmislegt á sig til að mæta á það.

Vegna slæms veðurs þetta árið komu færri ofan af landi en oft áður og vegna óvenju saltað hangikjöts voru nokkrirskákmenn Eyjanna heima í hefððbundnu vatnsbaði.

En til að gera langa sögu stutta þá mættu sex til keppninnar að þessu sinni og vakti mesta athygli að Jólamótsmeistarinn 2012, Einar Jaxl Sigurðsson var því miður fjarverandi að þessu sinni, en sendi góðar kveðjur.

Úrslitin urðu þau að Nökkvi Sverrisson sigraði með 7,5 vinninga, en annar varð Sigurjón Þorkelsson með 6,5 vinn. og þriðji varð Kristófer Gautason með 6 vinninga.

Heimasíða TV

 

Jólahraðskákmót TR fer fram í kvöld

Jólahraðskákmót Taflfélags Reykjavíkur verður haldið föstudaginn 27.
desember kl. 19.30. Tefldar verða 2x7 umferðir með 5 mínútna
umhugsunartíma. Mótið fer fram í húsnæði T.R. að Faxafeni 12.
Þátttökugjald er kr. 500 en frítt fyrir 15 ára og yngri. Verðlaun fyrir
þrjú efstu sætin. Sigurvegari síðasta árs var Oliver Aron Jóhannesson.

Skákþing Reykjavíkur hefst 5. janúar

Skákþing Reykjavíkur hefst sunnudaginn 5. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Sú nýbreytni verður að boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu. 

Dagskrá:

1. umferð sunnudag 5. janúar kl. 14
2. umferð miðvikudag 8. janúar kl. 19.30
3. umferð sunnudag 12. janúar kl. 14.00
4. umferð miðvikudag 15. janúar kl. 19.30
5. umferð sunnudag 19. janúar kl. 14.00
6. umferð miðvikudag 22. janúar kl. 19.30
7. umferð sunnudag 26. janúar kl. 14
8. umferð miðvikudag 29. janúar kl. 19.30
9. umferð sunnudag 2. febrúar kl. 14

Verðlaun:

• 1. sæti kr. 100.000
• 2. sæti kr. 50.000
• 3. sæti kr. 25.000

• Besti árangur undir 2000 skákstigum kr. 10.000 (íslensk stig gilda)
• Besti árangur undir 1800 skákstigum kr. 10.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur stigalausra - bókaverðlaun

Þátttökugjöld:

• kr. 5.000 fyrir 16 ára og eldri
• kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2014" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er Davíð Kjartansson.

Verði keppendur jafnir að vinningum í þremur efstu sætunum, verður verðlaunum skipt, en stigaútreikningur látinn skera úr um verðlaunasæti.  Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur.  Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Íslandsmótið í netskák fer fram á sunnudaginn

Íslandsmótið í netskák fer fram, sunnudaginn 29. desember á ICC og hefst kl. 20. Mótið er öllum opið og er teflt er einum flokki.  Skráning fer fram á heimasíðu GM Hellis og þegar nær dregur móti einnig á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 4 2 (4 mínútur + 2 viðbótarsekúndur á hvern leik).     

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Davíð Kjartansson er Íslandsmeistari í netskák

Verðlaun:

1. kr. 10.000 
2. kr.   6.000 
3. kr.   4.000

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

Undir 1800 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

Stigalausir: 

• 1. Fjórir frímánuðir á ICC
• 2. Tveir frímánuðir á ICC

Unglingaverðlaun (15 ára og yngri):

• 1. Fjórir frímánuðir á ICC
• 2. Tveir frímánuðir á ICC

Kvennaverðlaun:

• 1. Fjórir frímánuðir á ICC
• 2. Tveir frímánuðir á ICC

Öldungaverðlaun (50 ára og eldri):

• 1. Fjórir frímánuðir á ICC
• 2. Tveir frímánuðir á ICC

Gleðileg Jól!

 

Skák.is óskar skák- og skákáhugamönnum um land allt gleðilegra Jóla og minnir á Jólamótin sem verða mörg á milli jóla og nýárs.