Bragi Íslandsmeistari í netskák

Bragi Þorfinnsson, Magnús Örn Úlfarsson og Henrik Danielsen urðu efstir og jafnir á Íslandsmótinu í netskák sem fram fór á ICC í fyrradag. Bragi vann Magnús í lokaumferðinni og náði honum þar með vinningum og fékk svo Íslandsmeistaratitilinn eftir stigaútreikning.

Röð efstu manna:

• 1. Bragi Þorfinnsson 7 v. (48,5)
• 2. Magnús Örn Úlfarsson 7 v. (46,5)
• 3. Henrik Danielsen 7 v. (43,0)
• 4.-6. Erlingur Þorsteinsson, Omar Salama og Jón Trausti Harðarson 6½ v,
• 7.-10. Davíð Kjartansson, Rúnar Sigurpálsson, Kristján Halldórsson og Róbert Lagerman 6 v.
• 11.-13. Gunnar Freyr Rúnarsson, Ingvar Örn Birgisson og Hrannar Baldursson 5½ v.
• 14.-19. Guðmundur Gíslason, Stefán Steingrímur Bergsson, Unnar Rafn Ingvarsson, Sigurjón Þorkelsson, Sæberg Sigurðsson og Vignir Bjarnason 5 v.
• 20.-26. Ingi Tandri Traustason, Arnaldur Loftsson, Gunnar Björnsson, Björgvin Smári Guðmundsson, Vigfús Ó. Vigfússon og Gauti Páll Jónsson 4½ v.

Tæplega 50 skákmenn tóku þátt.

Aukaverðlaunahafar:

Undir 2200 skákstigum (miðað við nýjustu íslensku skákstig):

• 1. Fjórir frímánuðir á ICC (Erlingur Þorsteinsson)
• 2. Tveir frímánuðir á ICC (Jón Trausti Harðarson)

 Undir 2000 skákstigum (miðað við nýjustu íslensku skákstig):

• 1. Fjórir frímánuðir á ICC (Kristján Halldórsson)
• 2. Tveir frímánuðir á ICC (Gunnar Freyr Rúnarsson)

 Undir 1800 skákstigum (miðað við nýjustu íslensku skákstig):

• 1. Fjórir frímánuðir á ICC (Kristján Halldórsson)
• 2. Tveir frímánuðir á ICC (Unnar Rafn Ingvarsson)

Stigalausir: 

• 1. Fjórir frímánuðir á ICC (Enginn)
• 2. Tveir frímánuðir á ICC (Enginn)

Unglingaverðlaun (15 ára og yngri):

• 1. Fjórir frímánuðir á ICC (Gauti Páll Jónsson)
• 2. Tveir frímánuðir á ICC (Veronika Steinunn Magnúsdóttir)

Kvennaverðlaun:

• 1. Fjórir frímánuðir á ICC (Veronika Steinunn Magnúsdóttir)
• 2. Tveir frímánuðir á ICC (Engin)

Öldungaverðlaun (50 ára og eldri):

• 1. Fjórir frímánuðir á ICC (Erlingur Þorsteinsson)
• 2. Tveir frímánuðir á ICC (Róbert Lagerman)

Happdrætti:

• 1. Þrír frímánuðir á ICC (Andri Freyr Björgvinsson)
• 2. Þrír frímánuðir á ICC (Ingi Tandri Traustason)
• 3. Tveir frímánuðir á ICC (Halldór Atli Kristjánsson)
• 4. Tveir frímánuðir á ICC (Ögmundur Kristinsson)
• 5. Tveir frímánuðir á ICC (Kjartan Másson)
• 6. Tveir frímánuðir á ICC (Vignir Bjarnason)

 

 

Íslandsmót barna fer fram 11. janúar í Rimaskóla

Íslandsmót barna í skák fer fram í Rimaskóla laugardaginn 11. janúar og hefst klukkan 12. Þátttökurétt hafa börn í 1. til 5. bekk (fædd 2003 og síðar) og sigurvegarinn fær sæmdarheitið Íslandsmeistari barna 2014 og keppnisrétt á Norðurlandamótið í skólaskák sem haldið verður í Danmörku um miðjan febrúar, nánar tiltekið í Legolandi!
 
Alls verða tefldar 9 umferðir með 10 mínútna umhugsunartíma. Eftir 5 umferðir verður keppendum fækkað þannig að þeir sem hafa 3 vinninga eða fleiri halda áfram keppninni um Íslandsmeistaratitilinn en þeir sem hafa færri en 3 vinninga hafa lokið þátttöku.

Peðaskákmót verður haldið samhliða mótinu og hefst klukkan 13:00. Það er ætlað fyrir leikskólabörn og þau allra yngstu í grunnskólum sem eru ekki tilbúin fyrir Íslandsmótið.

Skákdeild Fjölnis verður með veitingasölu á meðan mótinu stendur.

Þetta er í 21. sinn sem keppt er um Íslandsmeistaratitil barna. Sigurður Páll Steindórsson sigraði á fyrsta mótinu árið 1994, en meðal annarra meistara má nefna titilhafana Dag Arngrímsson, Guðmund Kjartansson og Hjörvar Stein Grétarsson. Núverandi Íslandsmeistari barna er Vignir Vatnar Stefánsson.
 
Skáksamband Íslands og Skákakademían annast framkvæmd mótsins. Keppendur eru hvattir til að skrá sig sem fyrst á [e-mail]. Fram þarf að koma fullt nafn, grunnskóli og fæðingarár. Þátttökugjald er 1.000 kr (1.500 að hámarki á systkini) og greiðist á mótsstað fyrir upphaf umferðar. 

Veitt eru sérstök verðlaun fyrir bestan árangur í hverjum árgangi.

Sigurvegarar á Íslandsmóti barna frá upphafi:
 

• 1994 Sigurður Páll Steindórsson
• 1995 Hlynur Hafliðason
• 1996 Guðjón H. Valgarðsson
• 1997 Dagur Arngrímsson
• 1998 Guðmundur Kjartansson
• 1999 Víðir Smári Petersen
• 2000 Viðar Berndsen
• 2001 Jón Heiðar Sigurðsson
• 2002 Sverrir Þorgeirsson
• 2003 Hjörvar Steinn Grétarsson
• 2004 Svanberg Már Pálsson
• 2005 Nökkvi Sverrisson
• 2006 Dagur Andri Friðgeirsson
• 2007 Kristófer Gautason
• 2008 Kristófer Gautason
• 2009 Jón Kristinn Þorgeirsson
• 2010 Jón Kristinn Þorgeirsson
• 2011 Dawid Kolka
• 2012 Nansý Davíðsdóttir
• 2013 Vignir Vatnar Stefánsson

 

Áskell jólasveinn SA

Jólahraðskákmót SA var háð í gær, 29. desember. Þrátt fyrir afbragðs skíðaveður mættu 15 keppendur til leiks og tefldu innbyrðis 14 skákir hver. Allt fór mótið vel fram, nema hvað einn keppandi gleymdi að sitja yfir og annar gerði það tvisvar - sem er óvenjulegt. Þetta var þó allt leiðrétt að lokum og allir fóru bærilega sáttir heim.  Úrslit mótsins leiddu í ljós hver hafði etið minnst af óhollum mat yfir jólin og hverjir voru en að ná sér eftir ofátið. Ekki meira um það að sinni, en úrslit urðu sem hér segir:

1		Áskell Örn Kárason		13½
2		Jón Kristinn Þorgeirsson		12
3		Sigurður Eiríksson		11½
4		Smári Ólafsson		11
5		Sigurður Arnarson		10½
6		Andri Freyr Björgvinsson		8
7		Haraldur Haraldsson		7
8		Ólafur Kristjánsson		6½
		Karl Egill Steingrímsson		6½
10		Sveinbjörn Sigurðsson		5½
11		Kristinn P Magnússon		4
12		Jón Aðalsteinsson		3
13		Sveinn Arnarson		2½
		Einar Guðmundsson		2½
15		Stefán Júlíusson		1

Héðinn að tafli í Texas

Stórmeistarinn Héðinn Steingrímsson (2544) situr þessa dagana að tafli á móti í Texas. Um er að ræða keppni á milli háskóla þar sem Héðinn teflir á öðru borði fyrir Texas Tech University. Eftir fimm umferðir af sjö hefur Héðinn hlotið 3½ vinning.

Hann hefur unnið tvær skákir. Í 1. og 5. umferð vann hann bandarísku skákmennina Jeffrey Serna (1997) og Andrew Ng (2200). Í 2.-4. gerði hann jafntefli við alþjóðlegu meistarana  Vitaly Neimer (2368), Ísrael, og Victor Shen (2424), Bandaríkjunum, og þýska stórmeistarann Geore Meier (2619).

Mótinu lýkur í dag með sjöttu og síðustu umferð. Fyrir lokaumferðina er sveit Heðins í þriðja sæti. Lokaumferðin hefst kl. 15.

• Heimasíða mótsins
• Beinar útsendingar

Hannes sigraði á móti í Nikaragúa

Stórmeistarinn Hannes Hlífar Stefánsson (2544) sigraði á alþjóðlegu móti sem lauk í Nikaragúa í gær. Hannes hlaut 6½ í sjö skákum og varð einn efstur en var reyndar stigahæstur keppenda og eini stórmeistarinn sem tók þátt. Teflt var úti við!

Hannes heldur áfram að hækka á stigum en frammistaðan samsvaraði 2409 skákstigum og hækkar hann um 3 stig fyrir hana.

• Heimasíða mótsins
• Chess-Results

Jólabikarmót GM Hellis fer fram í kvöld

Jólabikarmót GM Hellis hér syðra fer fram mánudaginn 30. desember nk og hefst taflið kl. 19.30. Fyrirkomulagið verður þannig að tefldar verða hraðskákir með fimm mínútna umhugsunartíma og eftir Monrad kerfi. Eftir fimm töp falla keppendur úr leik. Þannig verður teflt þangað til einn stendur eftir og allir andstæðingarnir fallnir úr leik. Teflt er í félagsheimili GM Hellis í Álfabakka 14a í Mjóddinni.

Þrír efstu fá bikara í verðlaun. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skákþing GM-Hellis 2014 -10 ára afmælismót.

Skákþing GM-Hellis 2014 á norðursvæði fer fram helgarnar 3.-5. janúar og 10-11. janúar nk. Það er nýbreytni að skákþingið fari fram á tveim samliggjandi helgum, en það er gert ma. til þess að halda upp á 10 ára afmæli skákmótahalds í Þingeyjarsýslu, því árið 2004 var fyrsta skákþing skákmanna í Þingeyjarsýslu í ára raðir, haldið á Fosshóli í Þingeyjarsveit. Árið eftir var  skákfélagið Goðinn formlega stofnað, sem heitir í dag GM-Hellir. Einnig er það gert til þess að fjölga þeim kappskákum sem í boði eru fyrir félagsmenn í vetur.

Mótið verður haldið í gistiheimilinu Árbót í Aðaldal og gefst keppendum kostur á því að gista á skákstað til þess að spara sér akstur. Gistingin verður á mjög vægu verði.

Dagskrá:

1. umferð föstudaginn    3. janúar   kl 20:00
2. umferð laugardaginn  4. janúar   kl 11:00
3. umferð laugardaginn  4. janúar   kl 17:00
4. umferð sunnudaginn  5. janúar   kl 11:00
5. umferð föstudaginn  10. janúar   kl 20:00
6. umferð laugardaginn 11. janúar  kl 11:00
7. umferð laugardaginn 11 janúar   kl 17:00

Tímamörk eru 90 mín á allar skákir að viðbættum 30 sek fyrir hvern leik. Mótið verður reiknað til Fide-skákstiga og til íslenskra skákstiga.

Teflt verður eftir swiss-managerkerfinu (monrad) og verður mótið aðgengilegt á chess-results.

Reikna má með 15-20 keppendum.

Þátttökugjald verður 2.000 krónur á mann óháð aldri, fyrir allt mótið.

Gjald fyrir þá sem taka gistingu líka (þrjár nætur) verður 3.000 krónur óháð aldri, fyrir allt mótið. Þeir sem ætla að gista þurfa að hafa með sér lak, koddaver og sængurver og eigin matvæli, en þeir fá aðgang að eldhúsi þar sem þeir geta eldað. Í Árbót eru 22 herbergi.

Verðlaun: Farandbikar fyrir sigurvegarann og verðlaun fyrir þrjá efstu.

Einnig verður veittur farandbikar fyrir sigurvegarann í flokki 16 ára og yngri og verðlaun fyrir þrjá efstu í þeim flokki.

Aðeins félagsmenn í GM-Helli geta unnið til verðlauna.

Skráning í mótið er hafin og hægt verður að skrá sig til leiks til kl 19:55 föstudaginn 3. janúar.

Skráningin fer fram á sérstöku skráningarformi á heimasíðu GM-Hellis.

Skákþáttur Morgunblaðsins: Hannes Hlífar nýtti sér "leikbragð Kasparovs"

Eftir Evrópumót landsliða í Varsjá á dögunum héldu tveir liðsmenn Íslands, þeir Guðmundur Kjartansson og Hannes Hlífar Stefánsson, rakleiðis til Kosta Ríka með stuttri viðkomu í New York. Sá fyrrnefndi hefur tekið miklu ástfóstri við hinn latneska heim Suður-Ameríku og varla nema ár síðan hann sneri þaðan eftir góða frammistöðu á fjölmörgum opnum mótum. Þeir félagar hófu ferðalagið með því að taka sæti í sitt hvoru liðinu í úrvalsdeild Kosta Ríka og þar hlaut Hannes 8½ vinning úr 9 skákum á 2. borði fyrir klúbb sem ber nafnið Mega Super en Guðmundur tefldi fyrir Pashion Ajedrez og hlaut 5½ vinning af 9 mögulegum á 1. borði.

Strax á eftir tóku þeir svo þátt í opnu móti í Kosta Ríka með 62 þátttakendum. Hannes, sem var eini keppandinn yfir 2.500 elo-stigum, sigraði hlaut 7½ vinning af átta mögulegum. Hann náði að vinna helstu keppinauta sína og þá sem næstir komu að vinningum þ.e.a.s. Guðmund og Danann Allan Rasmussen sem urðu í 2.-3. sæti með 6½ vinning hvor. Þátttöku Hannesar og Guðmundar á skákmótum í þessum heimshluta er hvergi nærri lokið, Guðmundur hyggur á þátttöku á móti i Kólumbíu sem hefst fljótlega og Hannes mun væntanlega vera með á móti í Nikaragúa sem hefst hinn 26. desember nk.

Í eftirfarandi sigurskák Hannesar yfir danska stórmeistaranum Rasmussen frá opna mótinu kemur fyrir þema sem stundum sást í skákum Kasparovs; peði er skyndilega og óvænt leikið beint ofan í þrælvaldaðan reit. Þegar Kasparov skýrði vinningsskák sína við Jan Timman á heimsbikarmótinu í Borgarleikhúsinu haustið 1988 minntist hann á og nýtti sér þetta leikbragð:

Hannes Hlífar Stefánsson - Allan Rasmussen

Móttekið drottningarbragð

1. d4 d5 2. c4 dxc4 3. e4

Skarpasta leið hvíts til að mæta mótteknu drottningarbragði.

3.... Rf6 4. e5 Rd5 5. Bxc4 Rb6 6. Bd3 Rc6 7. Re2 Bg4 8. f3

Be6 9. Rbc3 Dd7 10. Re4 Bd5 11. Rc5 Dc8

Þekkt leikaðferð runnin undan rifjum Tigran Petrosjan. Hér er oftast leikið 12. a3 en Hannes velur annan leik.

12. Be3 e6 13. Dc1 Rb4 14. Bb1 Bc6 15. 0-0 R4d5 16. Bf2 Be7 17. He1 Rd7 18. Re4 0-0 19. Rg5 g6 20. Re4 Kg7 21. a3 a5 22. h4 h5 23. Rg5 Bb5 24. Rc3 Rxc3 25. bxc3 Rb6?

Hyggst skorða peðin en betri leið til þess var 26.... Bc4! sem opnar fyrir framrás c7-peðsins.

26. d5!

„Leikbragð Kasparovs" sem kemur af stað ákveðinni keðjuverkun, peðinu er leikið beint í dauðann og ekki má taka það með riddara vegna 27. c4 sem vinnur mann.

26.... Bxg5

26.... exd5 má svara með 27. e6! o.s.frv.

27. hxg5 exd5 28. e6! fxe6 29. Bd4+ Kh7 30. De3!

Ekki er minnsti vafi á því að Hannes sá fórnina 30. Bxg6+!? Kxg6 31. Db1+ t.d.. 31.... Kxg5 32. Dh7! o.s.frv. eða 31.... Hf5 32. g4 og vinnur. Hann hefur sennilega metið möguleika sína þannig að 30. De3 væri öruggari leikur og skjátlast varla í þeim efnum.

30.... De8 31. g4!

Peð eru líka sóknarmenn! Ekki má svara þessu með 31.... hxg4 vegna 32. fxg4 og síðan - Dh3.

31.... Rc4 32. Dxe6 Rd2 33. De7+ Hf7

34. Bxg6+! Kg8

34.... Kxg6 leiðir til máts eftir 35. He6+ Kh7 36. Hh6+ og 37. Hh8 mát.

35. Bxf7+ Dxf7 36. Dxf7+ Kxf7 37. g6+! Kxg6 38. He6+ Kh7 39. He7+ Kg8 40. Kf2

- og eftir þennan hógværa leik gafst Rasmussen upp. Snarplega teflt hjá Hannesi.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. desember 2013

Skákþættir Morgunblaðsins

[Event "San jose"] [Site "?"] [Date "2013.12.14"] [Round "?"] [White "Stefansson, H."] [Black "Rasmussen, A."] [Result "1-0"] [ECO "D20"] [PlyCount "79"] [SourceDate "2013.12.16"] 1. d4 d5 2. c4 dxc4 3. e4 Nf6 4. e5 Nd5 5. Bxc4 Nb6 6. Bd3 Nc6 7. Ne2 Bg4 8. f3 Be6 9. Nbc3 Qd7 10. Ne4 Bd5 11. Nc5 Qc8 12. Be3 e6 13. Qc1 Nb4 14. Bb1 Bc6 15. O-O N4d5 16. Bf2 Be7 17. Re1 Nd7 18. Ne4 O-O 19. Ng5 g6 20. Ne4 Kg7 21. a3 a5 22. h4 h5 23. Ng5 Bb5 24. Nc3 Nxc3 25. bxc3 Nb6 26. d5 Bxg5 27. hxg5 exd5 28. e6 fxe6 29. Bd4+ Kh7 30. Qe3 Qe8 31. g4 Nc4 32. Qxe6 Nd2 33. Qe7+ Rf7 34. Bxg6+ Kg8 35. Bxf7+ Qxf7 36. Qxf7+ Kxf7 37. g6+ Kxg6 38. Re6+ Kh7 39. Re7+ Kg8 40. Kf2 1-0

Gunnar B og stórmeistararnir sigurvegari sveitakeppni Icelandair

 

Gunnar B og stórmeistararnir sigruðu á Sveitakeppni Icelandair sem fram fór við afar góðar aðstæður í Hótel Natura í gær. Keppnin var æsispennandi en snerist fljótlega upp í einvígi á milli Gunnars B og félaga og meistaranna frá 2012, Berserkja. Fyrir lokaumferðina voru Gunnar B og félagar með aðeins hálfs vinnings forskot og mættu Gaman að þessu og unnu 3-1 en Berserkir mættu Vigni Vatnari og öðlingunum og þar fór 2-2.  Þar með var ljóst að nýir sigurvegar voru í keppninni. Jón Myrkvi varð í þriðja sæti.

 

 

 

Röð efstu liða:

1. Gunnar B og stórmeistararnir 26,5 v.af 36
2. Berserkir 25 v
3. Jón Myrkvi 22 v. 
4. Skytturnar þrjár og Elvar  21 v.
5. Vignir Vatnar og öðlingarnir 20,5 v.

Lokastöðuna má finna á Chess-Results.

Lið Gunnars B og stórmeistaranna skipuðu:

1. Þröstur Þórhallsson 6 v. af 9
2. Helgi Áss Grétarsson 8 v. af 9
3. Gunnar Björnsson 6,5 v. af 9
4. Gunnar I. Birgisson 6 v. af 9

Verðlaun: 4x farmiðar fyrir tvo til Evrópu með Icelandair

Lið Berserkja skipuðu:

 

 

1. Jón Viktor Gunnarsson 6 v. af 9
2. Davíð Kjartansson 6 v af 9
3. Þorsteinn Þorsteinsson 7,5 v. af 9
4. Jón G. Friðjónsson 5,5 v. af 9

Verðlaun: 4x gjafabréf fyrir tvo á veitingastaðnum Satt .

Lið Jón Myrkva skipuðu:

 

 

1. Einar Hjalti Jensson 5,5 v. af 9
2. Björn Þorfinnsson 6 v. af 9
3. Stefán Bergsson 6 v. af 9
4. Símon Þórhallsson 4,5 v. af 9

Verðlaun: 4x gjafabréf fyrir tvo í Fontana.

Veitt voru borðaverðlaun fyrir bestan árangur á einstökum borðum. Þau unnu:

 

 

1. Stefán Kristjánsson (Slátrun) 8,5 v. af 9. (Davíð Ólafsson var næstur með 7 v.)
2. Daði Ómarsson (Broddgeltirnir) 7 v. af 9 (Helgi Áss fékk flesta vinninga á öðru borði en aðeins mátti vinna einn ferðavinning).
3. Þorsteinn Þorsteinsson (Berserkir) 7,5 v. af 9 (Tómas Björnsson fékk jafnmarga vinninga en fékk veikari andstæðinga).
4. Jón Trausti Harðarson (Skytturnar þrjár og Elvar) 8 v. af 9 (Kristján Örn Elíasson kom næstur með 7 vinninga).

Borðaverðlaunin voru farmiðar innanlands fyrir tvo í boði Flugfélags Íslands og Icelandair Saga Club og gisting í 2 nætur fyrir tvo á Icelandair Hótelum ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

 

 

Felix Steinþórsson (Helgi og framtíðin) fékk verðlaun fyrir óvæntustu úrslitin fyrir sigur á Kjartani Maack í lokaumferðinni. Stefán Bergsson fékk útdráttarverðlaun, kr. 25.000, eftir sigur á Jóhanni Helga Sigurðssyni.

 

 

Skákstjóri var Páll Sigurðsson og naut hann aðstoðar dóttur sinnar, Sóleyjar Lind Pálsdóttur. Óskar Long Einarsson var sá sem bar hitann og þungann af mótshaldinu sem fram fór frábærlega fram. 

• Chess-Results
• Myndaalbúm (Steinþór Baldursson)

Íslandsmótið í netskák fer fram í kvöld

Íslandsmótið í netskák fer fram, sunnudaginn 29. desember á ICC og hefstkl. 20. Mótið er öllum opið og er teflt er einum flokki.  Skráning fer fram  hér á heimasíðu GM Hellis og hér á Skák.is. Upplýsingar um skráða keppendur er að finna hér.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 4 2 (4 mínútur + 2 viðbótarsekúndur á hvern leik).     

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Davíð Kjartansson er Íslandsmeistari í netskák

Verðlaun:

• 1. kr. 10.000 
• 2. kr.   6.000 
• 3. kr.   4.000

Aukaverðlaun:

Undir 2200 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

 Undir 2000 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

 Undir 1800 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

Stigalausir: 

• 1. Fjórir frímánuðir á ICC
• 2. Tveir frímánuðir á ICC

Unglingaverðlaun (15 ára og yngri):

• 1. Fjórir frímánuðir á ICC
• 2. Tveir frímánuðir á ICC

Kvennaverðlaun:

• 1. Fjórir frímánuðir á ICC
• 2. Tveir frímánuðir á ICC

Öldungaverðlaun (50 ára og eldri):

• 1. Fjórir frímánuðir á ICC
• 2. Tveir frímánuðir á ICC

Happdrætti:

• Tveir keppendur sem klára mótið og fá ekki verðlaun eða aukaverðlaun verða dregnir út og fá 3 frímánuði á ICC.