Guðmundur endaði í fjórða sæti í Kolumbíu

Alþjóðlegi meistarinn Guðmundur Kjartansson (2453) endaði í fjórða sæti á alþjóðlegu móti sem lauk í gær í Medillin í Kolumbíu. Guðmundur hlaut 6½ í 9 skákum.

Sigurvegari mótsins varð kólumbíski alþjóðlegi meistarinn Andres Felipe Gallego Alcaraz (2403) en hann hlaut 7½ vinning.

Frammistaða Guðmundar samsvaraði 2420 skákstigum og tapar hann tveimur skákstigum fyrir hana.

• Heimasíða mótsins 
• Chess-Results

 

Skákþáttur Morgunblaðsins: Sextugur Áskell Örn og enn í framför

Ég hef tekið þetta dæmi áður: ímyndum okkar að Ingvar Ásmundsson hefði verið með á þriðja Reykjavíkurskákmótinu, hinu svonefnda á Fiske-móti vorið 1968. Ég er ansi hræddur um að hann hefði farið illa út úr samanburði við stjörnur þess móts, Mark Taimanov, Sovétmeistara 1956, Wolfgang Uhlmann eða Evgení Vasjúkov. En nokkrum áratugum síðar var Ingvar hinsvegar að keppa við þessa þekktu stórmeistara á heimsmeistaramóti öldunga og hafði í fullu tré við þá og hafði stundum betur. Sannar það sem Jón Þorvaldsson er alltaf að segja, að mönnum getur fleygt fram á öllum sviðum langt fram eftir aldri. Áskell Örn Kárason, sem varð sextugur fyrr á þessu ári, er manna líklegastur til að halda uppi merki Ingvars. Í gegnum tíðina hefur Áskell meðfram taflmennsku unnið ötullega að félagsmálum skákhreyfingarinnar bæði syðra og nyrðra og var forseti Skáksambands Íslands um nokkurra ára skeið. Áskell varð jafn Friðriki Ólafssyni í 2. sæti á Norðurlandamóti öldunga í Borgundarhólmi í september sl. Annað sætið gaf þátttökurétt á HM öldunga og Friðrik bauð sessunaut sínum að tefla fyrir Íslands hönd í Króatíu.

Aldursviðmið á heimsmeistaramótinu sem fram fór við góðar aðstæður dagana 11.-24. nóvember í Rijeka í Króatíu var 60 ár og þar yfir. Hafði Áskell orð á því hversu gott hefði verið að geta einbeitt sér að taflmennskunni og engu öðru. Hann hlaut 7 vinninga af 11 mögulegum og hafnaði í 18. sæti af 200. Árangur hans reiknast upp á 2388 stig, hann rétt missti af áfanga að alþjóðlegum meistaratitli en hækkaði um tæplega 40 stig fyrir frammistöðuna. Gunnar Finnlaugsson tefldi einnig í Rijeka og stóð sig vel, hlaut 5 ½ vinning og varð í 108. sæti. Lítum á bestu skák Áskels sem kom í 9. umferð:

Vladimir Karasev (Rússland) - Áskell Örn Kárason

Sikileyjarvörn

1. c4 c5 2. Rf3 g6 3. d4 cxd4 4. Rxd4 Bg7 5. e4 Rc6 6. Be3 Rf6 7. Rc3 O-O 8. Be2 d6 9. O-O Bd7 10. Dd2 Rxd4 11. Bxd4 Bc6 12. f3 a5 13. Kh1 Rd7 14. Bxg7 Kxg7 15. f4 a4

Margeir Pétursson lék 15. ... Rc5 gegn Chandler í Chicago 1983. Báðir leikirnir eru góðir.

16. Bg4 Rf6 17. Bf3 Da5 18. Dd4 Had8 19. Rd5 Dc5!

Besti leikurinn og hér hefði hvítur átt að víkja og leika 20. Dd3. Drottningauppskiptin styrkja stöðu svarts.

20. Dxc5 dxc5 21. Had1 e6 22. Rc3 e5 23. Hxd8 Hxd8 24. fxe5 Rd7 25. e6 fxe6 26. Hd1 Hf8 27. e5?

Mislukkuð atlaga. Sjálfsagt var 27. Kg1 Re5 28. Be2 þó svarta staðan sé örlítið betri.

27. ... Hxf3!

Þetta sást Karasev yfir. Endataflið sem nú kemur upp er talsvert betra á svart og Áskell leysir tæknilega þáttinn afar vel.

28. Hxd7 Bxd7 29. gxf3 Bc6 30. Kg2 g5 31. Kg3 Kg6 32. f4 Kf5 33. fxg5 Kxg5 34. Kf2 Kf4 35. Ke2 Kxe5 36. Ke3 Kf5 37. Re2 e5 38. Rc1 b6 39. a3 h5 40. Re2 h4! 41. Rc3

Þó að hvítur geti lokað fyrir innkomuleiðir kóngsins með 41. Rg1 lendir hann leikþröng fyrr eða síðar.

41. ... Kg4 42. Kf2 Kf4 43. Ke2 e4 44. Rd1 Bd7 45. Rc3 Bg4 46. Ke1 Kf3 47. Rxa4 Kg2 48. Rxb6 Kxh2 49. Kf2 e3+ 50. Kxe3 Kg3 51. Ra4 h3 52. Rxc5 Bf5!

Valdar „hálfhring" riddarans. Alls ekki 52. ... h2 vegna 53. Re4+ og 54. Rf2.

53. Rb3 h2 54. Rd4 Bg4

Aftur sama þema og síðast.

55. b4 h1=D 56. c5 Dc1 57. Ke4 Dxa3

- og Karasev gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 15. desember 2013

Skákþættir Morgunblaðsins

[Event "Wch Seniors 23rd 2013"] [Site "Rijeka"] [Date "2013.11.21"] [Round "9.12"] [White "Karasev, Vladimir I"] [Black "Karason, Askell O"] [Result "0-1"] [WhiteElo "2377"] [BlackElo "2220"] [ECO "B38"] [PlyCount "114"] [EventDate "2013.11.12"] 1. c4 c5 2. Nf3 g6 3. d4 cxd4 4. Nxd4 Bg7 5. e4 Nc6 6. Be3 Nf6 7. Nc3 O-O 8. Be2 d6 9. O-O Bd7 10. Qd2 Nxd4 11. Bxd4 Bc6 12. f3 a5 13. Kh1 Nd7 14. Bxg7 Kxg7 15. f4 a4 16. Bg4 Nf6 17. Bf3 Qa5 18. Qd4 Rad8 19. Nd5 Qc5 20. Qxc5 dxc5 21. Rad1 e6 22. Nc3 e5 23. Rxd8 Rxd8 24. fxe5 Nd7 25. e6 fxe6 26. Rd1 Rf8 27. e5 Rxf3 28. Rxd7+ Bxd7 29. gxf3 Bc6 30. Kg2 g5 31. Kg3 Kg6 32. f4 Kf5 33. fxg5 Kxg5 34. Kf2 Kf4 35. Ke2 Kxe5 36. Ke3 Kf5 37. Ne2 e5 38. Nc1 b6 39. a3 h5 40. Ne2 h4 41. Nc3 Kg4 42. Kf2 Kf4 43. Ke2 e4 44. Nd1 Bd7 45. Nc3 Bg4+ 46. Ke1 Kf3 47. Nxa4 Kg2 48. Nxb6 Kxh2 49. Kf2 e3+ 50. Kxe3 Kg3 51. Na4 h3 52. Nxc5 Bf5 53. Nb3 h2 54. Nd4 Bg4 55. b4 h1=Q 56. c5 Qc1+ 57. Ke4 Qxa3 0-1

Mjög vel heppnað Jólapakkamót GM Hellis - Skák er góð fyrir heilann!

 

 

Jólapakkamót GM Hellis fór fram í Ráðhúsi Reykjavíkur í gær.  Þetta var í sextánda skipti sem mótið fer fram en mótið hefur verið haldið nánast árlega síðan 1996. Tæplega 150 keppendur tóku í mótinu. Allt frá Peðaskák þar sem keppendur voru niður í þriggja ára og upp í tíundu bekkinga. Eva Einarsdóttir, formaður Íþrótta- og tómstundaráðs Reykjavíkur, setti mótið og lék fyrsta leik þess.

 

 

Í ræðu sinni talaði Eva um jákvæð áhrif skákiðkunnar. Einnig minntist hún að Jólapakkamótið væri hluti af jólagleði starfsfólks Ráðhússins.

Að lokinni ræðu Evu hófst taflmennska og hart barist í öllum flokkum þótt að leikgleðin væri í fyrirrúmi.

 

 

Að móti loknu hófst verðlaunaafhending. Þær mæðgur Edda Sveinsdóttir og Jóhanna Björg Jóhannsdóttir, landsliðskona, höfðu farið mikinn í jólapökkum og höfðu pakkað vel á annað hundrað jólapökkum.  Efstu menn í öllum flokkum fengu verðlaun sem og útdregnir heppnir keppendur. Í lok mótsins fór svo fram risahappdrætti þar sem stærstu vinningarnir voru dregnr út. Heppnastur allra varð Bjarki Arnaldarson, sem fékk spjaldtölvu frá Tölvulistanum.  Í lok mótsin voru allir keppendur leystir út með gjöfum, nammipoka frá Góu og Andrés andar blaði frá Eddu útgáfu.

 

 

 

Þeir sem gáfu jólagjafirnar voru: Myndform, Salka útgáfa, Sögur útgáfa, Edda útgáfa, Speedo, Nordic Games, Ferill verkfræðistofa, Veröld útgáfa, Bókabeitan útgáfa, Góa, Heimilistæki, Tölvulistinn, Landsbankinn, Skákskóli Íslands og Skákfélagið GM Hellir.

Eftirtaldir aðilar styrktu mótahaldið: Body Shop ehf, Faxaflóahafnir, G.M Einarsson, Garðabær, Gámaþjónustan, Hjá Dóra matsala, HS Orka, Íslandsbanki, Íslandspil,ÍTR, Kaupfélag Skagfirðinga, Landsbankinn, MP Banki, Nettó í Mjódd, Reykjavíkurborg, SOPRA, Suzuki bílar ehf, Talnakönnun ehf og Valitor.

Þeir sem komu að undirbúningi og unnu við mótið voru: Andrea Margrét Gunnarsdóttir, Davíð Ólafsson, Edda Sveinsdóttir, Elsa María Kristínardóttir, Erla Hlín Hjálmarsdóttir, Gunnar Björnsson, Haraldur Þorbjörnsson, Hildur Berglind Jóhannsdóttir, Jóhanna Björg Jóhannsdóttir, Kristín Steinunn Birgisdóttir, Kristín Hrönn Þráinsdóttir, Kristján Halldórsson, Kristófer Ómarsson, Lenka Ptácníková, Ólafur Þór Davíðsson, Páll Sigurðsson, Pálmi R. Pétursson, Ragnhildur H. Sigurðardóttir, Rúnar Haraldsson, Steinþór Baldursson og Vigfús Ó. Vigfússon, varaformaður GM Hellis sem bar þungan af öllu mótshaldinu.

Um 200 myndir fylgja með fréttinni. Þær tók Rúnar Haraldsson.

 

 

Stöð 2 birti ítarlega frétt um mótið þar sem meðal annars var tekið viðtal við nokkra keppendur og Jóhönnu Björg Jóhannsdóttir, landsliðskonu og stjórnarmann í GM Helli. Fréttina má finna á Vísi.

Úrslit í elsta flokki (1998-2000):

Efstu drengir:

 

 

1. Oliver Aron Jóhannesson (Rimaskóli) 5 v.
2. Dawid Kolka (Álfhólsskóli) 4 v.
3. Jakob Alexander Peterson (Árbæjarskóli) 3 v.

Efstu stúlkur:

 

 

1. Sóley Lind Pálsdóttir (Hvaleyrarskóli) 4 v.
2. Hildur Berglind Jóhannsdóttir (Salaskóli) 2 v.
3. Sólrún Elín Freygarðsdóttir (Árbæjarskóli) 2 v.

Alls tóku 15 skákmenn þátt og var kynjaskipting mjög jöfn í flokknum.

Lokastöðuna má finna á Chess-Results.

Úrslit í næstelsta flokki (2001-02)

Efstu drengir:

 

 

1. Heimir Páll Ragnarsson (Hólabrekkuskóli ) 4 v.
2. Brynjar Bjarkason (Hraunvallaskól) 4 v.
3. Felix Steinþórsson (Álfhólsskóli) 3,5 v.

Efstu stúlkur:

 

 

1. Nansý Davíðsdóttir (Rimaskóli) 4,5 v
2. Heiðrún Anna Hauksdóttir (Rimaskóli) 2 v.

Alls tóku 18 skákmenn þátt.

Lokstöðu mótsins má finna á Chess-Results.

Úrslit í næstyngsta flokki (2003-04):

Efstu strákar

 

 

1. Vignir Vatnar Stefánsson (Hörðuvallaskóli) 5 v.
2. Mykhael Kravchuk (Öldusselsskóli ) 5 v.
3. Matthías Pálmasson (Hofstaðaskóli) 4 v.
4. Axel Óli Sigurjónsson (Salaskóli) 4 v.
5. Bjartur Máni Sigurmundsson (Melaskóli ) 4 v.
6. Brynjar Haraldsson (Ölduselsskóli ) 4 v.
7. Davíð Dimitry (Austurbæjarskóli ) 4 v.

Efstu stúlkur:

 

 

1. Lovísa Sigríður Hansdóttir (Ingunnarskóli) 2 v.
2. Elín Edda Jóhannsdóttir (Salaskóli) 2 v.
3. Dagmar Vala Hjörleifsdóttir (Álfhólsskóli) 2 v.
4. Anita Sól Vignisdóttir (Vogaskóli)

37 skákmenn krakkar tóku þátt.

Sjá nánari úrslit í excel-viðhengi.

Úrslit í yngsta flokki (2005-)

Efstu strákar 

 

 

 

1. Óskar Víkingur Davíðsson 5 v. (Ölduselsskóli)
2. Stefán Orri Davíðsson 5 v. (Ölduselsskóli)
3. Joshua Davíðsson 4 v. (Rimaskóli)
4. Róbert Luu 4 v. (Álfhólsskóli)
5. Birkir Snær Steinsson 4 v. (Hraunvallaskóli) 
6. Samúel Týr Sigþórsson 4 v. (Salaskóli)

Efstu stúlkur

 

 

1. Ylfa Ýr Welding Hákonardóttir 2,5 v. (Foldaskóli)
2. Vigdís Lilja Kristjánsdóttir 2 v. (Álfhólsskóli)
3. Sunna Rún Birkisdóttir 2 v. (Snælandsskóli)
4. Karitas Jónsdóttir 2 v. (Snælandsskóli)
5. Elsa Kristín Arnaldardóttir 2 v. (Hofstaðaskóli)
6. Vigdís Tinna Hákonardóttir 2 v. (Smáraskóli)

47 krakkar tóku þátt.

Sjá nánari úrslit í excel-viðhengi. 

Úrslit í Peðaskák

Stelpuflokkur:

 

 

1. Ragnheiður Þórunn Jónsdóttir 4,5 v. (Hraunvallaskóli)
2. Sólveig Bríet Magnúsdóttir 3,5 v. (Kvistaberg)
3. Brynja Steinsdóttir 3 v. (Hraunvallaskóli)
4. Sólvegi Freyja Hákonardóttir 3 v. (Arnarsmáir)
5. Brynja Vigdís Tandrasdóttir 3 v. (Foldaskóli)
6. Anna Sigríður Kristófersdóttir 3 v. (Salaskóli)

16 stelpur tóku þátt.

Strákaflokkur:

 

 

1. Arnór Veigar Árnason 4 v. (Foldaskóli)
2. Kári Siguringason 4 v. (Klambrar)
3. Níels Jóhann Júllíusson 3,5 v. (Álfhólsskóli)
4. Birkir Már Kjartansson 2,5 v. (Seljaborg)
5. Orfeus Stefánsson 2 v. (Háaleitisskóli)

6 strákar tóku þátt.

Sjá nánari úrslit í excel-viðhengi.

Myndaalbúm (Rúnar Haraldsson)

Skrár tengdar þessari bloggfærslu:

• Jólapakkamót GM Hellis 2013 - úrslit

Jólahraðskákmót T.R. fer fram 27. desember

Jólahraðskákmót Taflfélags Reykjavíkur verður haldið föstudaginn 27. desember kl. 19.30. Tefldar verða 2x7 umferðir með 5 mínútna umhugsunartíma. Mótið fer fram í húsnæði T.R. að Faxafeni 12. Þátttökugjald er kr. 500 en frítt fyrir 15 ára og yngri. Verðlaun fyrir þrjú efstu sætin. Sigurvegari síðasta árs var Oliver Aron Jóhannesson.

Gallerý Skák - Jólamót: Björgvin kom sá og sigraði

 

 

 

Það var húsfyllir í listasmiðjunni í Bolholti í fyrrakvöld þegar 29 skákgeggjarar léku þar listir sínar en þó ekki allir af jafnmikilli snilld en hvað um það. Aðalatriðið er jú að tefla sér til ánægju og yndisauka eins og svo oft er að orði komist í leit að betri afsökun. Aldursmunur hefur aldrei verið meiri á milli yngsta og elsta keppandans, á áttuna tug.  Rísandi stjörnur framtíðarinnar Vignir Vatnar, Guðmundur Agnar og bræðurnir ungu Óskar Víkingur og Stefán Otti Davíðsynir velgdu hinum reyndu meisturum undir uggum og settu skemmtilegan blæ á mótið. Aldrei hefur verið jafn fjölmennt í Gallerýinu eins og þetta kvöld og mótið einkar velmannað eins og sjá má á mótstöflunni hér neðar. Nýjir þátttakendur og aufúsu gestir utan af landi settu á það svip.  Enda þótt jólin væru á næsta leyti var engin miskun sýnd „hart var  barist og hart var varist" eins og þar segir.

Eftir tvísýnt mót framan af tóku þó einhverjir keppenda forystuna og sigu fram út eins og oft gerist og innbyrðis skákir þeirra skiptu sköpum um úrslit  mótsins rétt eins og gengur.  Það var hinn þrautreyndi Björgvin Víglundsson sem bar sigurorð af Gunnari Gunnarssyni, margföldum meistara og þar með voru úrslit mótsins nokkuð ráðin. Hinn góðkunni Sigurður G. Daníelsson, fygldi þeim eins og skugginn og  ungstirnið unga líka. Allt sést þetta betur á mótstöflunni og svo fylgir skortafla líka með pistli þessum í myndasafni fyrir rannsakendur.  

Kvöld- og skákvökurnar í Bolholtinu hafa verið vellheppnaðar það sem af er vetri og létt yfir mannskapnum. Það mikið til sami hópurinn sem þar mætir en góðir gestir krydda mótin. Þeir  Gunni Gunn, Gunnar Skarphéðins, Stefán Þormar og Guðfinnur hafa yfirleitt skipst á að vinna  en einnig setti Magnús Sigurjónsson mark sitt á 2 þeirra og eins Dagur Ragnarsson eitt.  Kappteflinu um Patagóníusteininn IV., 6 kvölda mótaröð, lauk með sigri staðarhaldarans og Guðfinns Rósenkranz Kjartanssonar hins sigursæla og það var Vignir Vatnar, sigurvegarinn frá í fyrra sem afhenti honum grjótið.  En nú voru það konfekt, sem menn fengu í verðlaun eða í vinningahappdrættinu, sem er all nokkru mýkra  og betra undir tönn að sögn Þórarins Sigþórssonar, tannlæknis, (Tóta Tannar), sem gerði jafntefli við við GG í lokaumferðinni.   

Nýrársmót Gallerýsins verður haldið fimmtudagskvöldið 9. janúar með pomp og prakt eins og undanfarin 6 ár, sem þar hafa verið haldin mót fyrir skákþyrsta ástríðuskákmenn á öllum aldri sem ekki geta á heilum sér tekið nema vera síteflandi, að máta eða vera mátaðir ella.

Gleðileg jól og heillaríkt komandi ár í skákinni jafnt og öðrum sviðum mannlífsins.

Myndaalbúm (ESE)

 

 

 ESE

Jólapakkamót GM Hellis hefst kl. 13 í Ráðhúsinu - enn hægt að skrá sig til leiks

Jólapakkaskákmót GM Hellis verður haldið laugardaginn 21. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 16. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1998-2000, flokki fæddra 2001-2002, flokki fæddra 2003-2004 og flokki fæddra 2005 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  Skráning á mótið fer fram hér á heimasíðu GM Hellis og hér á Skák.is.

Upplýsingar um þegar skráða keppendur má finna hér.

Skákþing Reykjavíkur hefst 5. janúar

Skákþing Reykjavíkur hefst sunnudaginn 5. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Sú nýbreytni verður að boðið er upp á tvær yfirsetur (bye) í umferðum 2-6. Keppandi skal leggja inn skriflega beiðni um yfirsetu til skákstjóra í síðasta lagi við upphaf umferðarinnar á undan. Hálfur vinningur fæst fyrir yfirsetu. 

Dagskrá:

1. umferð sunnudag 5. janúar kl. 14
2. umferð miðvikudag 8. janúar kl. 19.30
3. umferð sunnudag 12. janúar kl. 14.00
4. umferð miðvikudag 15. janúar kl. 19.30
5. umferð sunnudag 19. janúar kl. 14.00
6. umferð miðvikudag 22. janúar kl. 19.30
7. umferð sunnudag 26. janúar kl. 14
8. umferð miðvikudag 29. janúar kl. 19.30
9. umferð sunnudag 2. febrúar kl. 14

Verðlaun:

• 1. sæti kr. 100.000
• 2. sæti kr. 50.000
• 3. sæti kr. 25.000

• Besti árangur undir 2000 skákstigum kr. 10.000 (íslensk stig gilda)
• Besti árangur undir 1800 skákstigum kr. 10.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur stigalausra - bókaverðlaun

Þátttökugjöld:

• kr. 5.000 fyrir 16 ára og eldri
• kr. 2.500 fyrir 15 ára og yngri

Keppt er um titilinn "Skákmeistari Reykjavíkur 2014" og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er Davíð Kjartansson.

Verði keppendur jafnir að vinningum í þremur efstu sætunum, verður verðlaunum skipt, en stigaútreikningur látinn skera úr um verðlaunasæti.  Í aukaverðlaunaflokkum ganga verðlaun óskipt til þess, sem hefur flest stig eftir stigaútreikning.

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur.  Hægt er að fylgjast með skráningu hér.

Vinsamlegast mætið tímanlega á skákstað til að staðfesta skráningu og greiða þátttökugjald. Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Atskákmót Skákklúbbs Icelandair 2013

Þá styttist í árlega Sveitakeppni Skákklúbbs Icelandair en hún fer fram 28. desember á Natura en þetta árið verður mótið í aðeins einn dag. Það verður byrjað að tefla klukkan 13:00 og eru því þátttakendur hvattir til að mæta stundvíslega. Skráningarfrestur rennur út 23. desember, hægt er að skrá sig hér.

Nú þegar eru 16 lið skráð til leiks en enn er von á fleiri liðum og því má búast við spennandi og skemmtilegu móti. Hér má sjá skráðar sveitir.

Endanlegt keppnisfyrirkomlag ræðst af fjölda þátttökusveita en stefnt er að því að ljúka taflmennsku ekki mikið seinna en um 18:00.

Hver sveit má hafa 8.500 stig í hverri umferð og leyfilegt er að hafa 3 varamenn.

Miðað er við alþjóðleg stig en ef alþjóðleg stig eru ekki til staðar er miðað við íslensk stig og stigalausir reiknast með 1.500 stig, miðað er við stigalistana sem komu út 1. desember síðastliðinn.

• Reykjavík Natura, áður Hótel Loftleiðir
• 28. desember, byrjað klukkan 13:00
• 4 í liði, leyfilegt að hafa 3 varamenn
• Þátttökufjöldi 14-28 sveitir, en það verður hægt að setja lið á biðlista.
• 8.500 stig á sveitina í hverri umferð.
• Stigalausir og þeir sem hafa færri en 1.500 stig verða skráðir með 1.500 stig
• Miðað er við desember lista FIDE og einnig íslenska listans.
• 15 mínútur á mann, þátttökufjöldi gæti haft áhrif á tímatakmörkin.
• 9-11 umferðir, en umferðafjöldi ræðst af fjölda liða.
• Miðað er við að teflt verði á milli kl. 13:00-18:00
• Keppnisfyrirkomulagið er svissneskt kerfi.
• Flestir vinningar gilda.
• Þátttökugjald: 18.000 á sveit og greiðist á skákstað. Kaffi og djús innifalið.
• Sveitir sem eru undir 8.000 stigum greiða 9.000kr
• Liðsmenn sem eru í aðalliði sem er sterkara en 8.000 stig og eru yngri en 17 ára fá 2.000kr afslátt.
• Þátttakendur eru hvattir til að skrá sig tímanlega þar sem að þátttökufjöldinn er takmarkaður.

Verðlaun:*

Sveitakeppni:

• 1. sæti: 4x farmiðar fyrir tvo til Evrópu með Icelandair
• 2. sæti: 4x gjafabréf fyrir tvo á veitingastaðnum Satt .
• 3. sæti: 4x gjafabréf fyrir tvo í Fontana

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands og Icelandair Saga Club og gisting í 2 nætur fyrir tvo á Icelandair Hótelum ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn

Sá aðili sem vinnur óvæntasta sigurinn mun fá gjafabréf fyrir tvo á veitingastaðnum Satt . Miðað er við stigamun.

Útdráttarverðlaun - einvígi, teflt á meðan er verið að taka saman lokaúrslit.
Einnig eru glæsileg útdráttarverðlaun en þau eru 25.000

Tveir verða dregnir út til að tefla hraðskák um þessi verðlaun. 10 mínútum verða skipt á milli skákmannanna í öfugu hlutfalli við stigin sem skákmennirnir hafa til að gefa þeim stigalægri meiri möguleika og auka spennuna.

Sá sem er dreginn fyrr fær hvítt og verður að vinna, svörtum nægir jafntefli.

Sá sem tapar fær gjafabréf á veitingastaðnum Satt fyrir tvo.

* ATH. Sami aðili getur ekki unnið til fleiri en einna ferðavinninga, ef slíkt kemur upp mun viðkomandi aðili velja hvaða vinning hann vill, útfærist nánar á skákstað!
- Greiða þarf flugvallarskatta af öllum flugmiðum.

Á Facebook er hægt að skiptast á skoðunum og auglýsa sig eða eftir liðsmönnum

Markaðstorg skákmanna:

Skráningu lýkur 23. desember.
Frekari upplýsingar er hægt að fá með því að senda póst á Óskar Long; [e-mail]

 

Riddarinn - Jólamót og afmælisfagnaður - Jón Þ. Þór vann

Það var vel mætt í Vonarhöfn í gær þar sem riddarar reitaða borðsins gerðu sér glaðan dag og teldu sínar 11 umferðir eins og venjulega. Segja má að fram hafi farið þrjú mót í einu, 15 ára afmælismót klúbbsins, jólaskákmót og minningarmót um látna félaga.

Jafnframt var þetta eins konar uppskeruhátíð þar sem afhent voru verðlaun til sigurvegara í mótaröðum haustsins, SKÁKHÖRPUNNI sem Ingimar Halldórsson vann og SKÁKSEGLINU  þar sem Guðfinnur R. Kjartansson varð hlutskarpastur, hann var einnig útnefndur skákmeistari Riddarans 2013, fyrir að hafa unnið flest eða 16 af 50 mótum á árinu.  Ingimar Halldórsson 11; Friðgeir Hólm 6; Össur Kristinsson 5; Jón Þ. Þór 4; Sigurður E. Kristjánsson 3; Stefán Þormar 2 og Þór Valtýsson 1. Í fyrra var það Ingimar sem hlaut sæmdarheitið.

Sigurvegari Jóla- og afmælismótsins og efstur með 9.5 vinninga af 11 mögulegum var enginn annar en sagnaþulurinn Jón Þ. Þór, sem tryggði sér sigurinn með jafntefli við undirritaðan í lokaumferðinni, sem nægði honum til  að vera hálfum vinningi á undan Sigurði G. Daníelssyni yfir marklínuna. Þriðji Akureyringinn Þór Valtýsson var svo þriðji með 8 vinninga  og síðan væn halarófa með hálfum eða einum vinningi minna.  Falleg verðlaun voru veitt að þessu sinni og veglegt vinningahappdrætti í mótslok svo enginn fór tómhentur heim.

Í tilefni af afmæli klúbbsins og til guðs þakka voru kirkjunni færðar kr. 50.000 til þurfandi, táknræn minningargjöf um látna félaga á árinu, þá Sigurberg H. Elentínusson, Ársæl Júlíusson og Bjarna Linnet, sem hinn nýi sóknarprestur Hafnarfjarðarkirkju, Sr. Jón Helgi Þórarinsson veitti viðtöku um leið og hann fagnaði tilveru klúbbsins innan vébanda hennar.  

Ekki má gleyma að geta þess að frumkvöðli að stofnun klúbbsins Sr. Gunnþóri Ingasyni, fyrrv. sóknarpresti, sem  var færð falleg gjöf í þakklætis og virðingarskyni fyrir umhyggju hans fyrir klúbbnum og yrkingar skáklistinni til dýrðar.

Næstu tvo miðvikudaga ber upp á Jóladag og Nýársdag svo nokkurt hlé verður á taflmennsku eldri borgara í Riddaranum af þeim sökum, en þann 8. janúar mæta menn væntanlega keikir til tafls á ný eftir hátíðarnar. 

Sumir þeirra sem haldnir eru skákóþoli munu þó eflaust mæta til taflleika í Gallerýinu Skák þegar degi hallar í dag en jólamót þess hefst kl. 18 og allir velkomnir óháð aldri. /ESE

Myndaalbúm (ESE)

 

 

Jólapakkamót GM Hellis fer fram á laugardaginn í Ráðhúsinu

Jólapakkaskákmót GM Hellis verður haldið laugardaginn 21. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 16. skipti en það var fyrst haldið fyrir jólin 1996. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1998-2000, flokki fæddra 2001-2002, flokki fæddra 2003-2004 og flokki fæddra 2005 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  Skráning á mótið fer fram hér á heimasíðu GM Hellis og hér á Skák.is.

Upplýsingar um þegar skráða keppendur má finna hér.