Skák.is

Bloggfærslur mánaðarins, ágúst 2012

29.8.2012 | 06:09

Startmót SA á sunnudaginn

Skákmenn eru nú óðum að draga fram töflin eftir sumarið og að venju klingjum við Skákfélagsmenn klukkunum á hinu árlega Startmóti sem hefst nú á sunnudag, 2. september kl. 13.00. Vonandi sjáum við góða mætingu ungra og aldinna og leggjum þar með grunn að öflugu starfi í vetur. Ef mæting gefur tilefni til efnum við til stutts fundar í upphafi þar sem m.a. verður fjallað um þátttökuna á Íslandsmóti skákfélaga 5-7. október nk. og vetrardagskráin kynnt í stórum dráttum.

Stefnt er að því að hefja haustmótið að áliðnum september og aðalfundur félagsins er einnig fyrirhugaður undir lok þess mánaðar.

Mætum sterkir á Startmótið!

Spil og leikir | Slóð | Facebook | Athugasemdir (0)

28.8.2012 | 19:13

Argentína og Ísrael á morgun

Bæði íslensku liðin tefla við sterka andstæðinga á morgun. Liðið í opnum flokki teflir við sveit Argentínu (Ø-2589), sem er sú 29. sterkasta. Liðið í kvennaflokki mætir sveit Ísrael (Ø-2270) sem er sú 25. sterkasta. Bæði liðin eru því að tefla töluvert upp fyrir sig.

Lið Argentínu:

29. Argentina (RtgAvg:2589 / TB1: 2 / TB2: 0)
Bo.		Name	Rtg	FED	Pts.	Games	Rp
1	GM	Peralta Fernando	2606	ARG	0.0	1.0	0
2	GM	Flores Diego	2589	ARG	1.0	1.0	0
3	GM	Felgaer Ruben	2570	ARG	0.0	0.0	0
4	GM	Mareco Sandro	2589	ARG	1.0	1.0	0
5		Lorenzini Martin	2482	ARG	1.0	1.0	0

Lið Ísrael:

25. Israel (RtgAvg:2270 / TB1: 2 / TB2: 0)
Bo.		Name	Rtg	FED	Pts.	Games	Rp
1	WIM	Porat Maya	2295	ISR	1.0	1.0	0
2	WIM	Efroimski Marsel	2174	ISR	0.0	0.0	0
3	IM	Klinova Masha	2317	ISR	1.0	1.0	0
4	IM	Borsuk Angela	2266	ISR	1.0	1.0	0
5	WFM	Shvayger Yuliya	2202	ISR	1.0	1.0	0

158 lið taka þátt í opnum flokki er í íslenska liðið (Ø-2490) talið það 49. sterkasta miðað við meðalstig. Í kvennaflokki eru þátttökuþjóðirnar 128 og er Ísland (Ø-1989) talið það 63. sterkasta.

Umferðin hefst kl. 12 og eru allar viðureignirnar sýndar beint.

Spil og leikir | Slóð | Facebook | Athugasemdir (0)

28.8.2012 | 17:54

Tveir stórsigrar í dag!

Báðar viðureignir dagsins á ólympíuskákmótinu lauk með stórsigri íslensku liðanna. Í opnum flokki vannst 4-0 sigur á liði Hong Kong og í kvennaflokki var sveit Namibíu lögð með sama mun.

158 lið taka þátt í opnum flokki er í íslenska liðið talið það 49. sterkasta miðað við meðalstig. Í kvennaflokki eru þátttökuþjóðirnar 128 og er Ísland talið það 63. sterkasta.

Ekki liggur fyrir hverjir andstæðingarnir eru á morgun en það er á hreinu að þeir verða sterkir.

Spil og leikir | Breytt 29.8.2012 kl. 17:29 | Slóð | Facebook | Athugasemdir (0)

28.8.2012 | 14:12

Ól-pistill nr. 2 - Veislan er hafin

Ólympíuskákmótið hófst í dag kl. 12 á íslenskum tíma (kl. 15). Ýmis ljón urðu á veginum fyrir undritaðan sem fékk ekki að ganga inn í keppnissalinn og náði þar með ekki að taka myndir af íslenskum viðureignunum. Eitthvað sem ég þarf að reyna að kippa í liðinn fyrir 2. umferð. Dagur mætti á svæðið í dag og er hinn hressasti. Kom fljúgandi frá Búdapst.

Mjög strangar reglur eru á skákstað. Hvorki má fara inn með GSM-síma né ferðatölvu. Hægt er hins vegar að setja gemsa í geymslu og borga fyrir það 1 evru en ekki er hægt að geyma ferðatölvuna. Ég er búinn að leysa málið þannig að ég fæ að geyma þetta í norska básnum en þeir eru að kynna Ólympíuskákmótið í Tromsö hér.

Beinar útsendingar virðast einnig vera í lamasessi eins og notendur heima á Íslandi hafa sjálfsagt kynnst. Dagur nær þó að skoða þetta í símanum sínum en ég næ ekki skoða þetta í tölvunni minni! Ég vona að það séu byrjunarvandamál. Skipulagsmál eru einfaldlega ekki í jafngóðu lagi hér og þau voru í Khanty 2010 en þar voru þau reyndar framúrskarandi góð samkvæmt reynsluboltanum Helga Ólafssyni.

Þannig að ég hef engar fréttir af skák-fréttir í bili!

Gunnar Björnsson

Spil og leikir | Breytt s.d. kl. 17:55 | Slóð | Facebook | Athugasemdir (0)

28.8.2012 | 13:03

Ólympíulið Íslands

Eins og kunnugt er urðu breytingar á íslenska ólympíuliðinu á síðustu stundu. Héðinn Steingrímsson fór úr liðinu og við sæti hans tók Dagur Arngrímsson.

Ástæða þessarar breytingar er sú að upp var kominn ósættanlegur ágreiningur innan íslenska liðsins sem ekki reyndist unnt að leysa með svo skömmum fyrirvara.

Það var sameiginleg niðurstaða landsliðsþjáfara og landsliðsnefndar að þetta væri besta mögulega ákvörðun með hliðsjón af hagsmunum íslenska ólympíuliðsins í opnum flokki.

Nú þegar á hólminn er komið er þess óskað að íslensku ólympíuliðin fái fullan frið til að einbeita sér að taflmennsku á meðan mótið er í gangi.

Héðni er þökkuð þátttaka hans í sameiginlegum undirbúningi íslenska ólympíuliðsins.

Með skákkveðju,

Gunnar Björnsson, forseti SÍ

Jón Gunnar Jónsson, formaður landsliðsnefndar SÍ

Spil og leikir | Slóð | Facebook | Athugasemdir (1)

28.8.2012 | 08:25

Hong Kong og Namibía í fyrstu umferð

Þá liggur fyrir röðun í fyrstu umferð Ólympíuskákmótsins. Liðið í opnum flokki mætir sveit Hong Kong en stelpurnar mæta sveit Namibíu. Dagur hvílir í opnum flokki enda enn ekki kominn á mótsstað, kemur síðar í dag. Lenka Ptácníková hvílir hjá kvennaliðinu. Þetta er í fyrsta skipti sem hún hvílir á Ólympíumóti síðan í Tórinó 2006!

Viðureignir dagsins eru sem hér segir:

Bo.	129	Hong Kong	Rtg	-	51	Iceland	Rtg	0 : 0
49.1		Tsang, Hon Ki	2084	-	GM	Stefansson, Hannes	2515
49.2		Lee, Bryan Tsz Ho	2016	-	GM	Danielsen, Henrik	2511
49.3		Qian, Arthas Kun	1983	-	IM	Gretarsson, Hjorvar Steinn	2506
49.4		Scott, Ian	1725	-	GM	Thorhallsson, Throstur	2426

Bo.	62	Iceland	Rtg	-	128	Namibia	Rtg	0 : 0
59.1		Thorsteinsdottir, Hallgerdur H	1957	-		Tjaronda, Nicola	0
59.2		Johannsdottir, Johanna B	1886	-		Nepando, Jolly	0
59.3		Finnbogadottir, Tinna K	1832	-		Mentile, Lishen	0
59.4		Kristinardottir, Elsa M	1737	-		Shipindo, Rauha	0

Spil og leikir | Breytt s.d. kl. 08:29 | Slóð | Facebook | Athugasemdir (3)

28.8.2012 | 06:23

Sigurbjörn efstur á Meistaramóti Hellis

Sigurbjörn Björnsson er efstur með fullt hús að lokinni fjórðu umferð Meistaramóts Hellis sem fram fór í kvöld. Í uppgjöri efstu manna vann Sigurbjörn Sævar Bjarnason í fjörugri skák. Jafnir í 2.-7. sæti eru Sævar Bjarnason, Þorvarð F. Ólafsson, Nökkvi Sverrisson, Davíð Kjartansson, Mikael Jóhann Karlsson og Atli Jóhann Leósson með 3 vinninga.

Næsta umferð verður tefld í kvöld og hefst kl. 19:30.

Úrslit 3. umferðar má nálgast hér.

Stöðu mótsins má nálgast hér.

Pörun 4. umferðar sem fram fer á mánudag má nálgast hér.

Skákir 3. umferðar, innslegnar af Paul Frigge, fylgja með.

Veljið skák (15 alls):

Spil og leikir | Breytt s.d. kl. 06:24 | Slóð | Facebook | Athugasemdir (0)

28.8.2012 | 06:15

Dregið í undanúrslit í Hraðskákkeppni taflfélaga

Tvær síðari viðureignirnar í 8 liða úrslitum Hraðskákkeppni taflfélaga 2012 fóru fram í gær. Garðbæingar lögðu Bridsara 42-30 og Goðar unnu Akureyringa 47-25 eins og kemur fram í fréttum hér að neðan.

Þegar úrslit lágu fyrir í viðureignum kvöldsins var dregið 4-liða úrslit. keppninnar. Eftirvæntingin leyndi sér ekki meðal viðstaddra enda er Hraðskákkeppni taflfélaga sérlega spennandi viðburður í íslensku skáklífi. Niðurstaðan varð þessi:

Taflfélag Garðarbæjar - Goðinn

Hellir - Víkingaklúbburinn

Óvenju fagmannlegur blær var yfir drættinum enda brá héraðsdómslögmaðurinn Halldór Brynjar Halldórsson sér í gervi fulltrúa sýslumanns við góðar undirtektir viðstaddra. Hann dró liðin úr hattinum einbeittur á svip í viðurvist annars lagaspekings, Helga Áss Grétarssonar, sem vottaði að drátturinn hefði farið heiðarlega en þó umfram allt siðsamlega fram.

Víst er að hart verður barist í undanúrslitunum en stefnt er að því að úrslitin sjálf fari svo fram með pompi og prakt á skákhátíð í Laugarsalshöll 15. sept. nk.

Spil og leikir | Slóð | Facebook | Athugasemdir (0)

28.8.2012 | 06:11

Öruggur sigur Goðans á SA

Goðinn lagði Skákfélag Akureyringa í 2. umferð Hraðskákkeppni taflfélaga í gærkvöld. Akureyringar börðust hetjulega en Goðar neyttu aflsmunar og því fór sem fór. Lokatölur urðu 47-25 Goðum í vil sem höfðu betur í 9 umferðum af tólf en þremur lauk með jafntefli.

Hæsta vinningshlutfall Goða hafði Helgi Áss 83%, Ásgeir 70% og Hlíðar 67%. Sprækastur Akureyringa var Halldór Brynjar með 75% vinningshlufall, Mikael Jóhann hafði 43% og öðlingurinn Jón Þ. Þór 38%.

Árangur Goða

Helgi Áss Grétarsson 10,0 v./12
Ásgeir P. Ásbjörnsson 7,0 v./10
Hlíðar Þór Hreinsson 8,0 v./12
Sigurður Daði Sigfússon 7,0 v./11
Tómas Björnsson 4,5 v./7
Kristján Eðvarðsson 6,5 v./12
Einar Hjalti Jensson 4,0 v./8

Árangur Akureyringa

Halldór Brynjar Halldórsson 9,0 v./12
Mikael Jóhann Karlsson 3,0 v./7
Jón Þ. Þór 4,5 v./12
Stefán Bergsson 4,0 v./12
Gylfi Þórhallsson 3,5 v./12
Þór Valtýsson 1,0 v./6
Óskar Long 0,0 v./11

Teflt var í húsakynnum Skáksambands Íslands og eru forvígismönnum SÍ þökkuð afnotin af aðstöðunni. Goðar þakka meðbræðrum sínum að norðan drengilega viðureign og óska þeim velfarnaðar á hvítum reitum og svörtum.

Heimasíða mótsins

Spil og leikir | Slóð | Facebook | Athugasemdir (0)

28.8.2012 | 06:07

Garðbæingar lögðu Briddsara

TG sigraði Briddsfjelagið nokkuð örugglega í 8 liða úrslitum sem fram fór í húsnæði Skáksambands Íslands í kvöld. TG hafði hreinlega meiri breidd í liðinu og því fór sem fór. Staðan í hálfleik var 22-14 í vil og lokastaðan varð 42 vinningar gegn 30.

Með þessum sigri komst liðið í undanúrslit mótsins og mun mæta Goðanum á heimavelli líklega þann 6. sept næstkomandi.

Árangur TG manna: Leifur I Vilmundar 8,5 v. en hann sigraði 6 fyrstu skákirnar en slakaði svo á í seinni hlutanum. Jóhann H Ragnarsson 8 v. (11 skákir), Björn Jónsson 8. vinningar, Jóhann Helgi Sigurðsson 6 v. (9 skákir) Jón Þór Bergþórsson 5 v. Páll Sig 5 v. (11 skákir) og Sindri Guðjóns 1,5 v. (5 skákir)

Árangur Briddsfjelagsins.
Sigurður Páll Steindórsson 8 v. Stefán Freyr Guðmundsson, 7 v. Sveinn Eiríksson 6,5 vinningar, Sigurður Sverrisson 6 vinningar. Gísli Hrafnkelsson 2,5 vinning og þeir Ragnar (10 skákir) og Gunnar B (2 skákir) náðu ekki punkti.

Heimasíða mótsins

Spil og leikir | Slóð | Facebook | Athugasemdir (0)

« Fyrri síða | Næsta síða »