Rasmussen danskur meistari

Íslendingar voru ekki eina Norðurlandaþjóðin sem hélt landsmót um páska því það gerðu Danir einnig.  Mótið fór fram í Óðinsvéum.  Stórmeistarinn Allan Stig Rasmussen (2535), var heldur betur ekki dauður úr öllum æðum því hann sigraði annað árið í röð.  Hann hlaut 6 vinninga í 9 skákum en það er merkilegt að slíkt skor dugi til vinnings.  Í 2.-3. sæti urðu alþjóðlegu meistararnir Steffen Pedersen (2417) og Mikkel Antonsen (2456) en þeir hlutu 5½ vinning.  Rétt eins og á Eiðum tóku 3 stórmeistarar þátt í Danaveldi en alþjóðlegu meistararnir voru sex í stað þriggja.    

Lokastaðan:

1. GM Allan Stig Rasmussen (2535), Jetsmark, 6 point
2. IM Steffen Pedersen (2427), Sydøstfyn, 5½ point
2. IM Mikkel Antonsen (2456), Næstved, 5½ point
4. IM Mads Andersen (2417), Skanderborg Skakklub, 5 point
4. GM Lars Schandorff (2496), Sydøstfyn, 5 point
4. GM Jacob Aagaard (2528), Sydøstfyn, 5 point
7. IM Jens Kristiansen (2439), BMS, 4½ point
7. IM Simon Bekker-Jensen (2404), Brønshøj Skakforening, 4½ point
9. IM Rasmus Skytte (2405) Århus Skakklub/Skolerne, 4 point
10. Kristian Seegert (2138), Viby Skakklub, ½ point

Heimasíða mótsins

Skákþáttur Morgunblaðsins: Baráttujaxlinn Viktor Kortsnoj áttræður

Þegar Viktor Kortsnoj varð áttræður þann 23. mars sl. héldu vinir hans og velunnarar skákhátíð og veislu en meðal gesta þar voru samferðamenn og gamlir keppinautar í skákinni sem fyrir sitt leyti hafa slíðrað sverðin þó baráttunni sé í raun aldrei lokið hjá Viktor Kortsnoj. Meðal gesta í Zürich í Sviss voru Garrí Kasparov og Mark Taimanov, sonurinn Igor auk eiginkonunnar Petru Leuwerijk.

Nú er óumdeilt að Viktor Kortsnoj skýtur öllum höfuðpersónum skáksögunnar ref fyrir rass þegar litið er til afreka á seinni árum ferilsins. Í þessu samhengi er afrek Vasilís Smyslovs og Emanuels Laskers stundum rifjuð upp en standast ekki samanburð við sigra Kortsnojs á svipuðu aldursskeiði.

Hér á landi skipar Kortsnoj sérstakan sess. Alltaf annað veifið skaut nafn hans upp kollinum, fyrst þegar hann varð efstur ásamt Friðrik Ólafssyni á Hastings-mótinu 1955-´56 en síðar fékk Friðrik ýmis vandræðamál hans í arf þegar hann tók við embætti forseta FIDE árið 1978. Þegar Kortsnoj „stökk yfir" einn júlídag í Hollandi sumarið 1976 var íslenskur blaðamaður, Gunnar Steinn Pálsson, fyrstur til að ná tali af honum. Svo settist Jóhann Hjartarson andspænis honum í fyrstu hrinu áskorendakeppninnar 1988 og runnu á menn ýmsar grímur þegar hinn áður sæmilega þokkaði Viktor Kortsnoj spúði tóbaksreyk framan í ungan andstæðing sinn.

Beinar útsendingar Stöðvar 2 milli heimsálfa í gegnum gervihnött brutu blað í skáksögunni en fréttamaðurinn Hallur Hallsson hjá samkeppnisaðilanum RÚV benti hins vegar á að jafnhliða hefði það skemmtilega gerst í fyrsta sinn í sögu sjónvarps, að bein útsending hafði tapað í samkeppni við einhverskonar „blöndun á staðnum" eða það sem kalla mátti litríkan spuna í sjónvarpsveri.

Jóhann var vel undir einvígið búinn, náði snemma tveggja vinninga forskoti, en með framkomu sinni við skákborðið komst Kortsnoj „inn í hausinn á andstæðingnum" eins og það er stundum orðað og jafnaði metin. Afskipti dómara, Friðriks Ólafssonar og jafnvel Canmpomanesar, forseta FIDE, urðu til þess að Jóhann náði vopnum sínum og vann að lokum 4 ½ : 3 ½.

Saint John, Kanada 1988:

1. einvígisskák:

Jóhann Hjartarson - Viktor Kortsnoj

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Rxe4 6. d4 b5 7. Bb3 d5 8. dxe5 Be6 9. c3 Be7 10. Rbd2 Rc5 11. Bc2 Bg4 12. He1 Dd7 13. Rf1 Hd8 14. Re3 Bh5 15. b4!

Leynivopn Jóhanns, riddarinn hrekst til e6 þar sem 15. ... Re4 strandar á 16. Rxd5! Áður höfðu margir leikið 15. Rf5 gegn Kortsnoj og ekkert komist áleiðis. 15. ... Re6 16. Rf5 d4 17. Be4!

Nú rann upp fyrir Kortsnoj að 17. ... dxc3 er svarað með 18. Dxd7+ Kxd7 20. Bxc6+ og vinnur mann.

17. ... Bg6 18. g4 h5 19. h3 Kf8 20. a4 hxg4 21. hxg4 De8 22. axb5 axb5 23. Ha6! Rb8

- Sjá stöðumynd -

24. Hxe6 fxe6 25. Rxe7 Bxe4 26. Hxe4 dxc3

26. ... Kxe7 eða 26. ... Dxe7 strandar á 27. Bg5 með vinningsstöðu.

27. Rg6+ Kg8 28. Hd4 Hxd4 29. Dxd4 Hh3 30. Rg5 Hh6 31. Rf4 Rc6 32. Dxc3 Dd8 33. Rf3!

Það kemur á daginn að eftir 33. ... Dd1+ 34. Kg2 Dh1+ 35. Kg3 verja riddararnir kóngsstöðuna fullkomlega.

33. ... Rxb4 34. Bd2 Da8 35. Kg2 Rc6 36. g5 b4 37. Dc5 Hh7 38. Rxe6 g6 39. Dd5 Kh8 40. Red4 Dc8 41. e6 Rxd4 42. Rxd4 c5 43. Bf4 Ha7 44. Rc6.

Og Kortsnoj gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 17. apríl 2011.

Skákþættir Morgunblaðsins

[Event "St 1"] [Site "St 1"] [Date "1988.??.??"] [EventDate "?"] [Round "?"] [Result "1-0"] [White "Johann Hjartarson"] [Black "Viktor Korchnoi"] [ECO "C83"] [WhiteElo "?"] [BlackElo "?"] [PlyCount "85"] 1. e4 e5 2. Nf3 Nc6 3. Bb5 a6 4. Ba4 Nf6 5. O-O Nxe4 6. d4 b5 7. Bb3 d5 8. dxe5 Be6 9. c3 Be7 10. Nbd2 Nc5 11. Bc2 Bg4 12. Re1 Qd7 13. Nf1 Rd8 14. Ne3 Bh5 15. b4 Ne6 16. Nf5 d4 17. Be4 Bg6 18. g4 h5 19. h3 Kf8 20. a4 hxg4 21. hxg4 Qe8 22. axb5 axb5 23. Ra6 Nb8 24. Rxe6 fxe6 25. Nxe7 Bxe4 26. Rxe4 dxc3 27. Ng6+ Kg8 28. Rd4 Rxd4 29. Qxd4 Rh3 30. Ng5 Rh6 31. Nf4 Nc6 32. Qxc3 Qd8 33. Nf3 Nxb4 34. Bd2 Qa8 35. Kg2 Nc6 36. g5 b4 37. Qc5 Rh7 38. Nxe6 g6 39. Qd5 Kh8 40. Ned4 Qc8 41. e6 Nxd4 42. Nxd4 c5 43. Bf4 Ra7 44.Nc6 1-0

Að loknu Íslandsmóti á Eiðum

Þá er skemmtilegu og spennandi Íslandsmóti lokið.  Mótið fer í sögubækurnar fyrir ýmislegt.  Langt er síðan 3 stórmeistarar tóku þátt, langt er síðan mótið var jafn spennandi, það þarf að fara áratugi aftur í tímann til að finna 10 manna mót, það þarf að fara 21 ár aftur í tímann síðan mótið fór síðast fram á Austurlandi og einnig 21 ár aftur í tímann síðan Héðinn vann síðast!  Að sigurlaunum fékk Héðinn 200.000 kr., öruggt sæti í landsliði Íslands og þátttökurétt á EM einstaklinga að ári.  Ekki amaleg verðlaun!

Lokaumferðin var spennandi.  Það var ljóst að Henrik ætlaði sér sigur og ekkert annað og tók áhættu í skákinni sem hann hefði annars sjálfsagt ekki tekið.  Héðinn lét Henrik ekki slá sig út af laginu, tefldi af miklu öryggi, og hafði sigur. 

Þar sem ekki var flogið á Páskadag og síðasta flug heim í gær kl. 18 var ákveðið að byrja lokaumferðina kl. 9.   Strax að lokinni umferð var brunað niður í Hótel Hérað þar sem bæjarstjórnin hélt okkur lokahóf, þar sem okkur var boðinn seinbúinn bröns.    Björn Ingimarsson, bæjarstjóri gaf öllum keppendum bók um Eiða og vonaðist til að sjá okkur sem fyrst aftur fyrir austan.

Aðstæður á Eiðum voru góðar.  Salurinn er gamall og það brakaði í gólfum en austanmenn tóku á því með því að flytja tepparenning af 2. hæð niður.  Vel rúmt var í skáksalnum, hátt til lofts og gott loft gerðu hátíðarsalinn að fyrirmyndar skáksal.   

Austanmenn fá sérstakar þakkir fyrir frábæra frammistöðu.  Þeir Magnús Ingólfsson, Magnús Valgeirsson, Jón Björnsson, Rúnar Hilmarsson og Guðmundur Ingvi Jóhannsson voru ákaflega hjálpfúsir við okkur gestina á allan hátt.  Hvort sem var um að ræða akstur, aðstoð við nettengingar, matargerð og alls konar reddingar, voru þeir ávallt boðnir og búnir.  Rúnar, sem er menntaður kjötiðnarmaður aðstoðaði Róbert við lambalærið sem SÍ bauð upp fyrir lokaumferðina.   Að öðrum ólöstuðum vil ég þó sérstaklega þakka Guðmundi fyrir alla hans aðstoð og þá auðsýndu þolinmæli sesm hann sýndu okkur sunnanmönnum.  Á myndina vantar Magnús Ingólfsson sem átti ekki heimangengt á lokahófið.  

Héðinn fékk 7½ vinning í 9 skákum.  Árangur hans samsvarar 2639 skákstigum og hækkar hann hann um 9 stig og styrkir þar með stöðu sína sem næststigahæsti skákmaður landsins á eftir Jóhanni Hjartarsyni á maí-listanum.  Héðinn var taplaus á mótinu og var í raun og veru held ég aldrei í taphættu.   Flestir sigrar hans voru öruggir og fremur átakalausir.   Má þar nefna skákina gegn Róberti þar sem Héðinn fórnaði skiptamun og vann skákina í aðeins 9 leikjum eftir það.   Það var kannski helst á móti Stefáni þar sem hann hafði á köflum óþægilega stöðu þótt hann væri skiptamun yfir og staðan ávallt betri á hann samkvæmt tölvuforritum sem vanmáttu bersýnilega stöðu Stefáns.  Sanngjarn sigur Héðins á mótinu en hann tefldi án efa best allra á mótinu.  

Bragi varð annar með 6½ vinning og grátlega nærri áfanga að stórmeistaratitli.  Bragi var einnig taplaus en gerði 5 jafntefli og aðeins vantaði hálfan vinning í áfangann.   Bragi hækkar um 16 stig.  Frískleg og örugg taflmennska hjá Braga.  Bragi komst verulegan í krappann gegn Gíslasyni í næstsíðustu umferð en lenti annars aldrei í taphættu.  

Henrik Danielsen varð þriðji með 6 vinninga var alltan tímann í toppbaráttunni.  Henrik er mikill vinnuhestur og lét sér ekki duga að tefla heldur sendi reglulega pistla á Chessdom á meðan mótinu stóð.  Henrik kom beint á Reykjavíkurflugvöll af Keflavíkurflugvelli þar sem hann var að tefla erlendis og fór út í morgun á alþjóðlegt mót í Lubeck í Þýskalandi.   Henrik tapar fjórum stigum fyrir frammistöðu sína. 

Stefán Kristjánsson og Þröstur Þórhallsson urðu í 4.-5. sæti.   Þröstur hækkar um 10 stig en Stefán lækkar um 3 stig.   Báðir tefldu þeir á köflum vel og taflmennska beggja batnaði þegar á mótið leið.  Mér fannst taflmennska Stefáns t.d. gegn Héðni ákaflega merkileg og skiptamunnsfórnin í þeirri skák ákaflega menntuð.   Þröstur átti að mínu mati skák mótsins gegn Guðmundi Kjartanssyni.   

Róbert Lagerman varð sjötti með 4 vinninga og getur vel við unað.  Skákin gegn Guðmundi var t.d. góð sem og jafnteflisskákin gegn Þresti í lokaumferðinni.   Róbert hækkar um 5 stig fyrir frammistöðuna.  

Guðmundur Gíslason og Ingvar Þór Jóhannesson urðu í 7.-8. sæti með vinninga.  Guðmundur tefldi langmest allra, sat lengst allra í 7 fyrstu umferðunum en átti aðeins "næstlengstu" skákirnar í lokaumferðunum tveimur.  Guðmundur var hins vegar ákaflega seinheppinn og missti niður hvað eftir annað unnar stöður niður í jafntefli, t.d. gegn Henrik, Braga og Ingvari.  Ingvar náði sér aldrei á strik.  Báðir tapa þeir stigum.   Gummi tapar 5 stigum en Ingvar 14 stigum.

Guðmundur Kjartansson varð næstneðstur 2½ vinning.  Gummi byrjaði hræðilega, lagði t.d. of mikið á stöðuna gegn Henrik í fyrstu umferðinni.  Guðmundur lækkar um 13 stig fyrir frammistöðuna sína.  

Jón Árni Halldórsson varð neðstur með 1½ vinning og tapar 10 stigum.  Fyrirfram var vitað að mótið yrði erfitt fyrir Jón enda langstigalægstur keppenda.

Sjálfur sá ég um skákstjórn sem gekk þrautalaust fyrir sig og útsendingarstjórn sem reyndist mér snúin áköflum, þrátt fyrir góða kennslu Halldórs Grétars, og þar gerði ég t.d. byrjendamistök í 2. umferð við litla gleði sumra Hornverja sem töluðu jafnvel um amatörisma! Ég veit að þetta verður mér mun minna mál næst.  

Allir aðilar sem styrktu við mótið fá þess sérstakar þakkir.  Austanmenn báru þungann af fæði keppenda og gistingu og gerðu það vel að öllu leyti.   Flugfélagið studdi vel við okkur og fá miklar þakkir sem og Bílaleigan Hertz.

Keppendum þakka ég kærlega fyrir skemmtilegt mót.  Héðni óska ég sérstaklega til hamingju verðskuldaðan sigur á Íslandsmótinu.  Ég veit það mun verða skemmri tími en 21 ár í næsta Íslandsmeistaratitil Héðins!

Fullt af myndum frá lokahófinu má nú finna í myndaalbúmi mótsins.

Gunnar Björnsson

Sigurður sigraði á Páskamóti Goðans - Rúnar páskameistari

Rúnar Ísleifsson varð Páskameistari Goðans 2011, en páskaskákmótið var haldið í gær á Húsavík. Rúnar fékk 6 vinninga af 7 mögulegum. Sigurður Ægisson varð reyndar efstur að vinningum með 6,5 vinninga, en þar sem hann er utanfélagsmaður varð hann að láta sér páskaegg duga sem verðlaun.

Rúnar og Sigurður gerðu jafntefli í innbyrðis viðureign sinni, en Hermann Aðalsteinsson krækti í hálfan vinning gegn Rúnari á meðan Sigurður vann aðrar skákir. Hermann varð svo í þriðja sæti með 4,5 vinninga. Hlynur Snær Viðarsson varð efstur í yngri flokki með 2,5 vinninga.

  1   Sigurður Ægisson,        6.5      16.0  24.0   25.5
  2   Rúnar Ísleifsson,        6        15.5  24.0   22.5
  3   Hermann Aðalsteinsson,   4.5      17.5  26.0   17.0
  4   Ármann Olgeirsson,       4        18.5  27.0   16.5
  5   Heimir Bessason,         3        15.5  24.0   12.0
 6-7  Benedikt Þór Jóhannsson, 2.5      17.0  25.5    7.5
      Hlynur Snær Viðarsson,   2.5      15.5  23.5   10.0
8-10  Valur Heiðar Einarsson,  2        17.0  25.5   11.0
      Sigurbjörn Ásmundsson,   2        14.5  23.0   11.0
      Snorri Hallgrímsson,     2        14.5  22.5    7.0

 
Heimasíða Goðans

Hjörvar efstur fyrir lokaumferð áskorendaflokks

Hjörvar Steinn Grétarsson (2456) er efstur með 7,5 vinning að lokinni áttundu og næstsíðustu umferð áskorendaflokks sem fram fór í dag.  Hjörvar vann Örn Leó Jóhannsson (1914).  Davíð Kjartansson (2275) er annar með 7 vinninga eftir sigur á Sævari Bjarnasyni (2123).  Halldór Pálsson (1965) og Jóhann H. Ragnarsson (2085) eru í 3.-4. sæti með 6 vinninga.

Lokaumferðin hefst kl. 14 á morgun.  Þá mætast meðal annars: Hjörvar-Jóhann, Halldór-Davíð og Jóhann Ingvason-Gylfi þórhallsson.

Öll úrslit, stöðu og pörun má nálgast á Chess-Results.

• Heimasíða mótsins
• Beinar útsendingar
• Myndaalbúm (Helgi Árnason, Ríkharður Sveinsson og Áróra Hrönn Skúladóttir)
• Chess-Results

 

 

Héðinn Steingrímsson Íslandsmeistari í skák

 

Héðinn Steingrímsson varð rétt í þessu Íslandsmeistari í skák.  Hann sigraði Henrik Danielsen í fjörlegri skák þar sem Henrik teygði sig langt í leit að vinningi en Héðinn varðist yfirvegað og komst aldrei í hættu.  Bragi Þorfinnsson og Guðmundur Kjartansson gerðu jafntefli og því mistókst Braga að ná sér í stórmeistaraáfanga.

Þetta er annar Íslandsmeistaratitilll Héðins.  Sá fyrri kom í hús í Höfn í Hornafirði árið 1990, þegar Héðinn sló aldursmet, sem enn stendur en þá var hann aðeins 15 ára.   Þetta er í annað skipti sem mótið fer fram á Austurlandi og svo virðist sem það henti Héðni vel að tefla þar.  

Héðinn hlaut 7,5 vinning og leiddi mótið allt frá byrjun.  Bragi varð annar með 6,5 vinning og Henrik þriðji með 6 vinninga.    Verðskuldaður sigur Héðins sem tefldi best allra á mótinu og var taplaus.  

Með sigrinum tryggir Héðinn sér þátttökurétt í landsliði Íslands sem Íslandsmeistari og þátttökurétt á EM einstaklinga á næsta ári.

Lokastaðan:

 

Rank		Name	Rtg	Pts
1	GM	Hedinn Steingrimsson	2554	7½
2	IM	Bragi Thorfinnsson	2417	6½
3	GM	Henrik Danielsen	2533	6
4	IM	Stefan Kristjansson	2483	5½
	GM	Throstur Thorhallsson	2387	5½
6	FM	Robert Lagerman	2320	4
7		Gudmundur Gislason	2291	3
8	FM	Ingvar Thor Johannesson	2338	3
9	IM	Gudmundur Kjartansson	2327	2½
10		Jon Arni Halldorsson	2195	1½

 

 

• Heimasíða mótsins
• Beinar útsendingar
• Myndaalbúm mótsins
• Chess-Results

 

Veljið skák (5 alls): 1: Guðmundur Gíslason - Ingvar Þór Jóhannesson 2: Þröstur Þórhallsson - Róbert Lagerman 3: Héðinn Steingrímsson - Henrik Danielsen 4: Guðmundur Kjartansson - Bragi Þorfinnsson 5: Jón Árni Halldórsson - Stefán Kristjánsson

[Event "Iceland Chess Championship 2011"] [Site "Eidar, Iceland"] [Date "2011/4/23"] [Round "r9"] [White "Guðmundur Gíslason"] [Black "Ingvar Þór Jóhannesson"] [Result "1/2-1/2"] [Board "r9g1"] [Input " "] [Owner "Icelandic Chess Federation"] 1. d4 Nf6 2. Nf3 e6 3. g3 d5 4. Bg2 Be7 5. O-O O-O 6. b3 Nbd7 7. Bb2 b6 8. c4 Bb7 9. cxd5 Bxd5 10. Nc3 Bb7 11. Qc2 c5 12. Rfd1 cxd4 13. Rxd4 Rc8 14. Rad1 Qc7 15. Qb1 a6 16. Ng5 Rfd8 17. Bxb7 Qxb7 18. Nce4 Nf8 19. Rxd8 Rxd8 20. Rxd8 Bxd8 21. Nd6 Qd7 22. Ndxf7 h6 23. Ne5 Qd2 24. Ngf7 Qxe2 25. Nxd8 Ne4 26. Bd4 Nd2 27. Qd3 Qxd3 28. Nxd3 Nf3+ 29. Kg2 Nxd4 30. Ne5 g5 31. f3 Ne2 32. Ndc6 Nc1 33. Nb4 a5 34. Ned3 Nxd3 35. Nxd3 Nd7 36. Kf2 e5 37. Ke3 Kf7 38. Nf2 Ke6 39. Kd3 Kd5 40. Ne4 Nb8 41. Nc3+ Ke6 42. Kc4 Nc6 43. Kb5 Nd4+ 44. Kxb6 Nxf3 45. Kxa5 Nxh2 46. Kb6 Ng4 47. a4 Nf6 48. a5 Nd7+ 49. Kb5 Nb8 50. a6 Nxa6 51. Kxa6 h5 52. Ne4 Kf5 53. Nd2 e4 54. Nf1 h4 55. gxh4 gxh4 56. b4 Kf4 57. b5 e3 58. Nxe3 1/2-1/2

[Event "Iceland Chess Championship 2011"] [Site "Eidar, Iceland"] [Date "2011/4/23"] [Round "r9"] [White "Þröstur Þórhallsson"] [Black "Róbert Lagerman"] [Result "1/2-1/2"] [Board "r9g2"] [Input " "] [Owner "Icelandic Chess Federation"] 1. e4 e5 2. Nf3 Nc6 3. d4 exd4 4. Nxd4 Nf6 5. Nxc6 bxc6 6. e5 Qe7 7. Qe2 Nd5 8. c4 Nb6 9. Nd2 Qe6 10. b3 Bb4 11. Bb2 a5 12. a3 Bxd2+ 13. Qxd2 a4 14. c5 Nd5 15. b4 d6 16. cxd6 cxd6 17. Bc4 dxe5 18. O-O O-O 19. Rae1 f6 20. f4 Ba6 21. Bxa6 Rxa6 22. fxe5 f5 23. Rc1 Raa8 24. Qe2 Ne7 25. Rfd1 Rfd8 26. Qc2 h6 27. h3 f4 28. Qc3 Rf8 29. Rd6 Qf5 30. e6 Qg6 31. Qf3 Rf5 32. Re1 Rg5 33. Re2 Rf8 34. Rd7 Rg3 35. Rxe7 Rxf3 36. Rxg7+ Qxg7 37. Bxg7 Rxa3 38. Bxf8 Kxf8 39. Rc2 Rb3 40. Rxc6 Rxb4 1/2-1/2

[Event "Iceland Chess Championship 2011"] [Site "Eidar, Iceland"] [Date "2011/4/23"] [Round "r9"] [White "Héðinn Steingrímsson"] [Black "Henrik Danielsen"] [Result "1-0"] [Board "r9g3"] [Input "DGT1469"] [Owner "Icelandic Chess Federation"] 1. d4 Nf6 2. c4 g6 3. Nc3 Bg7 4. e4 d6 5. Nf3 O-O 6. Be2 e5 7. O-O Nc6 8. d5 Ne7 9. b4 c6 10. Bb2 a5 11. a3 Bg4 12. Nd2 axb4 13. axb4 Rxa1 14. Bxa1 Bxe2 15. Qxe2 cxd5 16. exd5 Nh5 17. Rd1 Nf4 18. Qf1 Qd7 19. Nb5 Ra8 20. Bc3 Ra2 21. g3 Nh3+ 22. Kg2 Nf5 23. Ra1 Rxa1 24. Bxa1 Ng5 25. Qe2 h5 26. h4 Nh7 27. Bc3 Nf6 28. Ne4 Ng4 29. Qd3 Nf6 30. Nxf6+ Bxf6 31. c5 dxc5 32. bxc5 Ne7 33. Nd6 Bg7 34. Bb4 f5 35. Ba3 Kh7 36. Qb3 e4 37. Kf1 Be5 38. Nf7 Bf6 39. d6 Nc6 40. Ng5+ Bxg5 41. hxg5 f4 42. gxf4 Nd4 43. Qc3 Nb5 44. Qb3 Nd4 45. Qc3 Nb5 46. Qe3 Qg4 47. Bb2 Qd1+ 48. Kg2 Qg4+ 49. Qg3 Qe6 50. Qh3 1-0

[Event "Iceland Chess Championship 2011"] [Site "Eidar, Iceland"] [Date "2011/4/23"] [Round "r9"] [White "Guðmundur Kjartansson"] [Black "Bragi Þorfinnsson"] [Result "1/2-1/2"] [Board "r9g4"] [Input " "] [Owner "Icelandic Chess Federation"] 1. d4 d5 2. c4 c6 3. Nc3 Nf6 4. e3 a6 5. Nf3 b5 6. b3 Bg4 7. Be2 e6 8. h3 Bxf3 9. Bxf3 Nbd7 10. O-O Be7 11. Bb2 O-O 12. Qc2 Rc8 13. c5 e5 14. b4 e4 15. Be2 Ne8 16. a4 Nc7 17. axb5 axb5 18. Bc1 f5 19. f4 exf3 20. Rxf3 g6 21. g4 Ne6 22. gxf5 Ng5 23. Rg3 Qc7 24. Kg2 Rxf5 25. Bg4 Rf1 26. Bb2 Rxa1 27. Bxa1 Ra8 28. Bb2 Nf6 29. Bf3 Nxf3 30. Rxf3 Qd7 31. e4 dxe4 32. Nxe4 Qd5 33. Nxf6+ Bxf6 34. Qb3 Qxb3 35. Rxb3 Rd8 36. Ra3 Bxd4 37. Bxd4 Rxd4 38. Ra6 Rxb4 39. Rxc6 Rc4 40. Rc7 b4 41. Rb7 Rxc5 42. Rxb4 Rf5 43. Kg3 Kg7 44. Kg4 h5+ 45. Kh4 Re5 46. Rb6 Re4+ 47. Kg5 Re5+ 48. Kh4 Rf5 49. Ra6 Rf6 50. Ra8 Rf4+ 51. Kg5 Rf5+ 52. Kh4 Rf8 53. Rxf8 Kxf8 54. Kg5 Kf7 55. h4 Kg7 56. Kf4 Kf6 57. Ke4 g5 58. hxg5+ Kxg5 59. Kf3 1/2-1/2

[Event "Iceland Chess Championship 2011"] [Site "Eidar, Iceland"] [Date "2011/4/23"] [Round "r9"] [White "Jón Árni Halldórsson"] [Black "Stefán Kristjánsson"] [Result "0-1"] [Board "r9g5"] [Input " "] [Owner "Icelandic Chess Federation"] 1. d4 Nf6 2. Nf3 e6 3. e3 c5 4. Bd3 b6 5. O-O Bb7 6. Nbd2 Be7 7. c3 O-O 8. e4 cxd4 9. cxd4 Ba6 10. Bxa6 Nxa6 11. a3 Qc7 12. Qe2 Qb7 13. Re1 d5 14. e5 Nd7 15. Nf1 Rfc8 16. Bg5 Bf8 17. Rec1 b5 18. Rxc8 Rxc8 19. Rc1 Rxc1 20. Bxc1 Qc6 21. Qd1 Nb6 22. b3 Qc3 23. Ne3 Qa1 24. Nc2 Qa2 25. Nd2 Nb8 26. b4 Nc6 27. Kf1 Be7 28. Ke1 Na4 29. Nf3 a5 30. Bd2 Nb2 0-1

Lokaátökin hafin

Níunda og síðasta umferð landsliðsflokks Íslandsmótsins í skák er hafin en hún hófst kl. 9.  Spennan á skákstað er mögnuð en þrír skákmenn hafa möguleika á hampa Íslandsmeistaratilinum.  Ítarlega úttekt á mögulegum hvers og eins má sjá í frétt frá því í gær.  Héðinn og Henrik mætast sem og Guðmundur Kjartansson og Bragi Þorfinnsson.  Skákirnar verða í þráðbeinni og glóðvolgar myndir frá skákstað eru komnar í myndaalbúmið. Án ef verður fjallað um gang mála á Skákhorninu. 

Í gær þáðu flestir skákmennirnir kvöldverðarboð SÍ sem fram fór í sumarbústað Landsbankans rétt fyrir utan utan Egilsstaði.  Þar fyrir utan koma stjórnar- og varastjórnarmenn SAUST, þeir Guðmundur Ingvi Jóhannsson, Jón Björnsson, Rúnar Hilmarsson, Magnús Ingólfsson og Magnús Valgeirsson en þeir hafa reynst okkur ákaflega hjálpsamir á allan hátt, þótt ég halli á engan þegar ég nefni þó sérstaklega formanninn, Guðmund Ingva.

Róbert og Rúnar grilluðu lambalæri sem féll í afar góðan jarðveg.  Eins og við mátti búast var meðlæti til fyrirmyndar, kaffi með rjóma og svo virkilega djúsí ostakaka.   Guðmundur Kjartansson og Bragi Þorfinnsson sáum um uppvaskið og fórst þeim það fremur óhönduglega og fórum við Róbert yfir það allt aftur.  

Menn fóru svo tiltölulega snemma á háttinn enda mikið í húfi.  Fljótdalshérað býður til lokahófs í Hótel Héraði eftir umferð.

Staðan fyrir lokaumferðina:

Rk.		Name	Rtg	Pts.	TB1	Rp	rtg+/-
1	GM	Steingrimsson Hedinn	2554	6,5	19,75	2596	4,2
2	IM	Thorfinnsson Bragi	2417	6	22	2581	17
3	GM	Danielsen Henrik	2533	6	19,25	2538	1,1
4	GM	Thorhallsson Throstur	2387	5	15,75	2487	10,6
5	IM	Kristjansson Stefan	2483	4,5	16,5	2439	-4,2
6	FM	Lagerman Robert	2320	3,5	10,5	2349	3,6
7		Gislason Gudmundur	2291	2,5	9,75	2261	-5,6
8	FM	Johannesson Ingvar Thor	2338	2,5	6,75	2261	-12,6
9	IM	Kjartansson Gudmundur	2327	2	5	2195	-13,8
10		Halldorsson Jon Arni	2195	1,5	4,25	2145	-7,8

• Heimasíða mótsins
• Chess-Results
• Beinar útsendingar (landsliðsflokkur)
• Myndaalbúm mótsins

 

Páskamót Goðans fer fram í dag

Páskaskákmót Goðans verður haldið nk. laugardag 23 apríl í sal Framsýnar-stéttarfélags að Garðarsbraut 26 á Húsavík og hefst það kl 14:00.
Tefldar verða 7 umferðir eftir monrad-kerfi en þó fer umferðafjöldinn eftir keppendafjölda. 
Tímamörk verða 10 mín á mann með 5 sek viðbótartíma á hvern leik. (10 mín +5 sek/leik)
Mótið er öllu skákáhugafólki opið.

Páskaegg í verðlaun fyrir þrjá efstu í flokki 16 ára og yngri og 17 ára og eldri. Farandbikar verður veittur fyrir sigurvegarann.

Skráning í mótið er hjá Hermanni í síma 4643187 eða 8213187 eða á netfangið [e-mail]

Þátttökugjald er krónur 500.

Hjörvar efstur í áskorendaflokki

Hjörvar Steinn Grétarsson (2444) er efstur með 6,5 vinning að lokinni sjöundu umferð áskorendaflokks sem fram fór í kvöld eftir sigur á Gylfa Þórhallssyni (2173).  Davíð Kjartansson (2275) er annar með 6 vinninga eftir sigur á Degi Ragnarssyni (1659).   Átta skákmenn koma næstir með 5 vinninga.  Áttunda og næstsíðasta umferð fer fram á morgun og hefst kl. 14.

Þá mætast meðal annars: Örn Leó - Hjörvar, Davíð - Sævar og Gylfi - Páll Sigurðsson.

Öll úrslit, stöðu og pörun má nálgast á Chess-Results.

• Heimasíða mótsins
• Beinar útsendingar
• Myndaalbúm (Helgi Árnason, Ríkharður Sveinsson og Áróra Hrönn Skúladóttir)
• Chess-Results

 

 

Tómas Veigar Bikarmeistari SA

Bikarmóti Skákfélags Akureyrar lauk í dag. Mótið fer þannig fram að nöfn þátttakenda eru sett í pott, svo er dregið í hverri umferð hverjir mætast (sá sem er dreginn á undan er með hvítt). Vel getur komið fyrir að sömu menn mætist aftur og aftur og jafnvel með sömu liti, fer allt eftir útdrættinum. Menn detta svo út eftir að hafa tapað 3 vinningum.

Mótið var á köflum mjög spennandi enda voru úrslit oft ekki í samræmi við stöðurnar á borðinu. Tíu skákmenn hófu keppni í gær, en heltust úr lestinni einn af öðrum þar til aðeins einn stóð eftir.

  Tómas Veigar sigraði nokkuð örugglega, tapaði aðeins einni skák gegn hinum sívaxandi skákmanni Jóni Kristni Þorgeirssyni, en sá endaði í þriðja sæti með 5,5 vinninga. Feðgaslagur var í lokaumferðinni, en þá mættust feðgarnir Sigurður Eiríksson og Tómas Veigar. Sigurður var þegar þar var komið við sögu með -2,5 vinninga og varð því að vinna þar sem jafntefli hefði þýtt -3 vinninga sem jafngildir falli úr keppni. Skákin fór þannig að Tómas hafði betur og stóð þar með einn eftir með -1,5 vinning niður (8,5 upp) en Sigurður endaði í 2. sæti. Hjörleifur Halldórsson og Andri Freyr Björgvinsson voru jafnir í 4. -5. sæti með 4,5 vinninga.