Henrik með jafntefli í 2. umferð í Lübeck

Henrik Danielsen (2533) gerði jafntefli við úkraínska alþjóðlega meistarann Michael Kopylov (2446) í 2. umferð alþjóðlegs móts í Lübeck í dag.  Henrik hefur 1 vinning eftir tvær umferðir.  Á morgun teflir hann við Þjóðverjann Dusan Nedic (2385).  

Kopylov er efstur með 1½ vinning ásamt þýska alþjóðlega meistaranum Ulf Von Herman (2395).

10 skákmenn taka þátt og tefla þeir allir við alla.   Henrik er einn þriggja stórmeistara sem tekur þátt og næststigahæstur keppenda.  Stigahæstur er rússneski stórmeisarinn Vladimari Epishin (2567).  

Heimasíða mótsins

 

Sæbjörn sigraði á Ása-móti í dag

Sæbjörn Larsen Guðfinnsson varð efstur í dag í Stangarhylnum í dag en hann fékk 8.5 vinning af níu mögulegum.  Hann leiyði aðeins eitt jafntefli við Harald Axel.  Stefán Þormar Guðmundsson varð annar með 7.5 vinning og þriðji varð Þorsteinn Guðlaugsson með 6.5 vinning.

Átján heiðursmenn mættu til leiks í dag.

Heildarúrslit:

• 1               Sæbjörn Larsen                         8.5 vinninga
• 2               Stefán Þormar                            7.5      -
• 3               Þorsteinn Guðlaugsson                6.5      -
• 4               Haraldur Axel                             6         -
• 5               Valdimar Ásmundsson                 5.5      -
• 6               Jón Víglundsson                          5         -
• 7-9            Ásgeir Sigurðsson                       4.5       -
•                 Kristján Guðmundsson                 4.5       -
•                 Eiður Á Gunnarsson                     4.5       -
• 10-14       Óli Árni Vilhjálmsson                    4          -
•                Halldór Skaftason                         4
•                Baldur Garðarsson                        4         -
•                Finnur Kr                                     4         -
•                Hermann Hjartarson                     4         -
• 15           Birgir Ólafsson                             3.5       -
• 16           Sæmundur Kjartansson                3          -
• 17           Friðrik Sófusson                           2          -
• 18           Ingi E árnason                             0          -     

 

Barna-og unglingameistaramót Reykjavíkur 2011 - sunnudaginn 1. maí

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 1. maí  í félagsheimili T.R. Faxafeni 12. Taflið hefst kl.14 og stendur til ca. kl. 18.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2011, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2011, sé hún búsett í Reykjavík eða félagi í reykvísku taflfélagi.

Til viðbótar verða veitt verðlaun fyrir þrjú efstu sætin í aldursflokknum 12 ára og yngri (fædd 1998 og síðar).  

Mótið er opið öllum krökkum 15 ára og yngri (fædd 1995 og síðar).  Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 1. maí. frá kl. 13.30- 13.45. 

Aðgangur á mótið er ókeypis.

Henrik með jafntefli í fyrstu umferð í Lübeck

Henrik Danielsen (2533) gerði örjafntefli, í sex leikjum, við danska stórmeistarann Carsten Höi (2413) í fyrstu umferð alþjóðlegs móts sem hófst í Lübeck í dag.   Í 2. umferð, sem fram fer á morgun, teflir Henrik við úkraínska alþjóðlega meistarann Michael Kopylov (2446).

Alls taka 10 skákmenn þátt í mótinu og tefla allir við alla.   Henrik er einn þriggja stórmeistara sem tekur þátt og næststigahæstur keppenda.  

Heimasíða mótsins

 

Áskell páskameistari SA

Páskahraðskákmót Skákfélags Akureyrar fór fram í dag.  Tólf skákmenn mættu til leiks í sumarblíðunni sem einkennir norðurlandið alla jafnan og tefldu tvöfalda umferð, allir við alla.

Vegleg páskaegg voru veitt í verðlaun fyrir þrjú efstu sætin, efsta sætið í unglingaflokki og að lokum var dregið um aukaverðlaun, páskaegg!

Áskell Örn sigraði af miklu öryggi, fékk 21 vinning af 22 mögulegum, tapaði aðeins gegn íslandsmeistaranum í hraðskák öldunga árið 2004. Sigurður Arnarson var næst-svengstur og vann því hérumbil allar skákirnar og náði þar með 2. sæti með 17 vinninga. Tómas Veigar tryggði sér þriðja páskaeggið með 15,5 vinningum.

Jón Kristinn Þorgeirsson varð efstur í unglingaflokki og hlaut því páskaegg að launum. Sigurður Eiríksson hreppti svo aukaverðlaunin sem voru páskaegg.

Lokastaða efstu manna

Áskell Örn Kárason                                       21 af 22 !
Sigurður Arnarson                                         17
Tómas Veigar Sigurðarson                            15,5
Atli Benediktsson                                          13,5
Haki Jóhannesson                                          13,5
Jón Kristinn Þorgeirsson                                13
Andri Freyr Björgvinsson                              11,5

Heimasíða SA (tafla og myndir)

Skákbókakvöld á miðvikudagskvöld

Sigurbjörn Björnsson skákbókasali mun senn fá afar spennandi skákbækur í hendurnar, til viðbótar við þá fjölmörgu titla sem hann hefur nú þegar til sölu.  Í tilefni af þessu mun Skákakademía Reykjavíkur og Sigubjörn standa fyrir bókakvöldi í Skákakademíunni Tjarnargötu 10 A miðvikudagskvöldið 27. apríl. Skákmenn eru hvattir til að mæta með eigin skákbækur, jafnvel bítta á bókum og skoða skákbókasafn Skákakademíunnar sem fer stækkandi.

Þegar líður á kvöldið og menn fengið fullnægt skákbókaþörfum sínum verður stuttmyndin Chess story eftir Ingvar Stefánsson sýnd á breiðtjaldi. Stórleikarinn Ingvar E. Sigurðsson leikur skákmeistarann í myndinni og Róbert Lagerman er höfundur skákarinnar sem tefld er í myndinni.

Eins og venjulega á miðvikudagskvöldum í Akademíunni verður einnig gripið í tafl.

Húsið opnar 20:00.

Heimasíða Skákakademíu Reykjavíkur

Sumarnámskeið Skákakademíunnar

Eins og síðastliðin sumur mun Skákakademía Reykjavíkur standa fyrir skáknámskeiðum fyrir börn og unglinga komandi sumar. Námskeiðin hefjast í byrjun júní og standa út ágúst. Skipt verður í flokka eftir aldri og reynslu. Kennslan mun fara fram í Skákakademíu Reykjavíkur að Tjarnargötu 10 A. Kennarar verða meðal annarra Stefán Bergsson, Róbert Lagerman, Hjörvar Steinn Grétarsson og Guðmundur Kjartansson.

Frekari upplýsingar um námskeiðin er að vænta í byrjun maí og opnast þá fyrir skráningar.

 

Páskahraðskákmót Skákfélags Akureyrar hefst kl. 13

Páskahraðskákmót Skákfélags Akureyrar fer fram í dag og hefst kl. 13.  Til verðlauna eru páskaegg af ýmsum stærðum og gerðum. Páskahérinn kemur í heimsókn og heiðrar best klædda keppandann. Allir velkomnir.

Ekki gleyma úlpunni.

Helgi Dam Færeyjarmeistari

Færeyingar héldu sitt landsmót um páska eins og Íslendingar og Danir.  Og þar tefldu 10 skákmenn í Landsliðsbólki einnig.  Alþjóðlegi meistarann Helgi Dam Ziska (2432) varð Færeyjarmeistari en hann hlaut 7½ vinning og varð 1½ vinningi fyrir ofan John Rødgaard (2352).  Í 3.-4. sæti urðu Ólafur Simonsen (2244) og Carl Eli Samuelsen (2257).  

Heimasíða Færeyska skáksambandsins

Hjörvar öruggur sigurvegari áskorendaflokks - Davíð og Halldór þurfa að há aukakeppni

Hjörvar Steinn Grétarsson (2456) vann öruggan sigur í áskorendaflokki Íslandsmótsins í skák sem lauk í dag.  Hjörvar vann Jóhann H. Ragnarsson (2085) í lokaumferðinni og varð langefstur með 8½ vinning.  Halldór Pálsson (1965) vann óvæntan sigur á Davíð Kjartanssyni (2275) í lokaumferðinni og náði honum að vinningum en þeir hlutu 7 vinninga.   Þeir þurfa að há einvígi um sæti í landsliðsflokki að ári.  Gylfi Þórhallsson (2173) og Páll Sigurðsson (1965) urðu í 4.-5. sæti með 6½ vinning.  

Aukaverðlaunhafar urðu sem hér segir:

• Undir 2000 - Halldór Pálsson
• Undir 1600 - Oliver Aron Jóhannesson
• Stigalaus: Svandís Ósk Ríkharðsdóttir
• U-16 - Mikael Jóhann Karlsson
• Kvennaverðlaun: Sigurlaug R. Friðþjófsdóttir

Oliver var raun og veru efstur í tveimur flokkum því hann var einnig efstur í flokki 16 ára og yngri.  Reglurnar eru hins vegar þannig að aðeins mátti vinna ein aukaverðlaun.  Mikael Jóhann Karlsson tók þar með verðlaun í u-16 flokknum sem annar maður.

Ritstjóri tók fjölda mynda í dag sem finna má í myndaalbúmi mótsins.

Skákstjórar voru Ólafur S. Ásgrímsson og Ríkharður Sveinsson. 

Lokastöðu má finna á Chess-Results. 

• Heimasíða mótsins
• Beinar útsendingar
• Myndaalbúm (Gunnar Björnsson, Helgi Árnason, Ríkharður Sveinsson og Áróra Hrönn Skúladóttir)
• Chess-Results