Tómas sigraði á Hafnarskákmótinu

Tómas Veigar Sigurðarson sigraði á Hafnarmóti Skákfélags Akureyrar sem fór fram í dag, Tómas hlaut 6 vinninga í 7 skákum.  Annar varð Gylfi Þórhallsson og þriðji varð hinn ungi og efnilegi skákmaður Jón Kristinn Þorgeirsson.

Lokastaðan:

1. Tómas Veigar Sigurðarson    6 v.
2. Gylfi Þórhallsson                  5,5
3. Jón Kristinn Þorgeirsson       4,5
4. Sigurður Eiríksson                4
5. Sveinbjörn Sigurðsson           3,5
6. Birkir Freyr Hauksson           2,5
7. Mikael Jóhann Karlsson        1,5
8. Hjörtur Snær Jónsson           0,5  

Veitt voru þrenn  verðlaun fyrir þrjú efstu sætin og auk þess er keppt um farandbikar. Mótið er í samvinnu við Hafnasamlag Norðurlands, en tvö skemmtiferðaskip voru við bryggju á Akureyri í dag.

Dagur og Jón Viktor unnu í áttundu umferð

Alþjóðlegu meistararnir Dagur Arngrímsson (2396) og Jón Viktor Gunnarsson (2462) unnu báðir sínar skákir í áttundu og næstsíðustu umferð meistaramóts Quebec sem fram fór í nótt.  Dagur vann Shiyam Thavandiran (2291), Jón Viktor lagði Louie Jiang (2250) en Björn Þorfinnsson (2395) gerði jafntefli við Ling Feng Ye (2179).   Allir tefldu þeir við Kanadamenn.

Dagur hefur 4 vinninga og er í 10.-12. sæti, Jón Viktor hefur 3,5 vinning og er í 13.-15. sæti og Björn hefur 3 vinninga og er í 16.-18. sæti.

Í níundu og síðustu umferð, sem fram fer í dag, teflir Dagur við spænska alþjóðlega meistarann Renier Castellanos (2453), Jón Viktor við kanadíska FIDE-meistarann François Léveillé (2251) og Björn við úkraínska stórmeistarann Vladimir Malaniuk (2563).

Efstir með 5,5 vinning eru stórmeistararnir Merab Gagunashvili (2574), Georgíu, Bator Sambuev (2491), Kandada og Vladimir Georgiev (2530), Makedóníu.

Alls tekur 21 skákmaður þátt í efsta flokki.  Þar af eru 10 stórmeistarar og 8 alþjóðlegir meistarar.  Semsagt afar sterkt skákmót.

• Heimasíða mótsins
• Skákirnar í beinni

Guðmundur sigraði í fyrstu umferð í Pardubice

FIDE-meistarann Guðmundur Kjartansson (2356) vann Þjóðverjann Maxim Korman (2172) í fyrstu umferð Czech Open, sem fram fór í Pardubice í Tékklandi í dag.  Í 2. umferð, sem fram fer á morgun, teflir Guðmundur við tékkneska stórmeistarann Vigen Mirumian (2506).  Skákin verður sýnt beint á vefsíðu mótsins og hefst hún kl. 13.  

Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  101 í stigaröðinni. 

• Heimasíða mótsins
• Chess-Results
• Skákirnar í beinni

Enn betur gekk í áttundu umferð á Politiken Cup

Mjög vel gekk í áttundu umferð Politiken Cup sem fram fór í dag.  Alls komu í hús 4,5 vinningur að fimm mögulegum en allir Íslendingarnir unnu nema Daði Ómarsson sem gerði jafntefli.  Bragi hefur 6 vinninga og er aðeins hálfum vinningi á efstu norðurlandabúum, en mótið er jafnframt Skákþing Norðurlanda.    

Bragi verður í beinni útsendingu á vef mótsins á morgun en þá teflir hann við úkraínska stórmeistarann Yuri Kuzubov (2635).   Skákin hefst kl. 11.  

Staða íslensku skákmannanna:

• 14.-20. Bragi Þorfinnsson (2377) 6 v.
• 89.-130. Daði Ómarsson (2091) og Bjarni Jens Kristinsson (1985) 4,5 v.
• 222.-256. Ólafur Gísli Jónsson (1899) og Atli Antonsson (1720) 3 v.

Efstur með 7,5 vinning er rússneski stórmeistarinn Vladimir Malakhov (2707) og anner er indverski stórmeistarinn Parmerian Negi (2590) með 7 vinninga.  10 skákmenn hafa 6,5 vinning.  

Alls taka 307 skákmenn þátt í mótinu og þar af 20 stórmeistarar, 14 alþjóðlegir meistarar og 17 FIDE-meistarar. 

• Heimasíða mótsins
• Skákirnar í beinni

Stórafmælisskákmót hjá Skákfélagi Vinjar

Mánudaginn 27. júlí verður haldið mót í tilefni stórafmælis skákleiðbeinandans geðþekka, Róberts Lagerman.  Verður það í Vin, athvarfi Rauða kross Íslands, Hverfisgötu 47 og hefst
klukkan 13:00.

Skákfélag Vinjar vill með þessu þakka helsta leiðbeinanda félagsins og varaforseta Hróksins fyrir alla aðstoð undanfarin ár, en Róbert hefur komið flesta mánudaga í tæp sex ár, frá því að þeir Hrafn Jökulsson tóku sig til og efldu skákiðkun í Vin til mikilla muna.

Tefldar verða 6 umferðir með sjö mínútna umhugsunartíma.  Afmælisbarnið verður skákstjóri en honum til halds og trausts, og yfirdómari mótsins, verður skákkennarinn og KA maðurinn magnaði, Stefán Bergsson.  Varaforseti Skáksambands Íslands, Magnús Matthíasson, setur mótið og leikur fyrsta leikinn.

12 tónar hafa gefið vinninga fyrir fimm efstu, auk þess sem dregið verður í happadrætti um nokkra diska. Hlaðborðið mun svigna undan glæsilegum veitingum, ekki síst þar sem Bakarí Sandholt færir afmælisbarninu myndarlega tertu sem hann deilir með þátttakendum og öðrum gestum.

Björn sigraði stórmeistara í sjöundu umferð í Quebec

Alþjóðlegi meistarinn Björn Þorfinnsson (2395) sigraði makedónska stórmeistarann Nikola Mitkov (2526) í sjöundu umferð meistaramóts Quebec sem fram fór í nótt.  Dagur Arngrímsson (2396) tapaði fyrir kanadíska stórmeistarann Thomas Roussel-Roozmon (2487) og Jón Viktor Gunnarsson (2462) tapaði fyrir Kanadamanninn Shiyam Thavandiran (2291).

Dagur hefur 3 vinninga og er í 13-15. sæti, Jón Viktor og Björn hafa 2,5 vinning og eru í 16.-18. sæti.

Í áttundu og næstsíðustu umferð, sem fram fer í kvöld tefla þeir allir við Kanadamenn.  Dagur teflir við Thavandiran, Jón Viktor við Louie Jiang (2250) og Björn við Ling Feng Ye (2179).  Enginn Íslendinganna er í beinni útsendingu á vefnum í kvöld. 

Efstir með 5 vinninga eru stórmeistararnir Bator Sambuev (2491), Kandada og Vladimir Georgiev (2430), Makedóníu. Í 3.-5. sæti, með 4½ vinning, eru stórmeistararnir Merab Gagunashvili (2574), Georgíu, Vadim Malakhatko (2570), Belgíu, og Sergei Kasparov (2487), Hvít-Rússlandi.  

Alls tekur 21 skákmaður þátt í efsta flokki.  Þar af eru 10 stórmeistarar og 8 alþjóðlegir meistarar.  Semsagt afar sterkt skákmót.

• Heimasíða mótsins
• Skákirnar í beinni

Vel gekk í sjöundu umferð í Politiken Cup

Vel gekk hjá íslensku skákmönnunum í sjöundu umferð Politiken Cup, sem fram fór í dag.  Bragi Þorfinnsson (2377), Daði Ómarsson (2091) og Bjarni Jens Kristinsson (1985) unnu, Atli Antonsson (1720) gerði jafntefli en Ólafur Gísli Jónsson (1899) tapaði.  Bragi hefur 5 vinninga og er í 21.-40. sæti.

 

Staða íslensku skákmannanna:

• 21.-40. Bragi Þorfinnsson (2377) 5 v.
• 85.-131. Daði Ómarsson (2091) 4 v.
• 132.-184. Bjarni Jens Kristinsson (1985) 3,5 v.
• 260.-288. Ólafur Gísli Jónsson (1899) Atli Antonsson (1720) 2 v.

Efstir með 6,5 vinning eru stórmeistararnir Vladimir Malakhov (2707), Rússlandi, Tiger Hillarp Persson (2596), Svíþjóð, og Parmerian Negi (2590), Indlandi.

Alls taka 307 skákmenn þátt í mótinu og þar af 20 stórmeistarar, 14 alþjóðlegir meistarar og 17 FIDE-meistarar. 

• Heimasíða mótsins
• Skákirnar í beinni

Jón Viktor og Björn gerðu jafntefli - Dagur tapaði

Jón Viktor Gunnarsson (2462) og Björn Þorfinnsson (2395) gerðu jafntefli í innbyrðis skák í sjöttu umferð meistaramóts Quebec sem fram fór í nótt.  Dagur Arngrímsson (2396) tapaði fyrir  hvít-rússneska stórmeistarann Sergei Kasparov (2487).  

Dagur hefur 3 vinninga og er í 11.-14. sæti, Jón Viktur hefur 2,5 vinning og er í 15.-17. sæti og Björn hefur 1,5 vinning og er í 19. sæti.   

Í sjöundu umferð, sem fram fer í kvöld, teflir Dagur við kanadíska stórmeistarann Thomas Roussel-Roozmon (2487), sjöundi stórmeistarinn í jafn mörgum skákum, Jón Viktor teflir við Kanadamanninn Shiyam Thavandiran (2291) og Björn teflir við makedónska stórmeistarann Nikola Mitkov (2526).  Enginn Íslendinganna er í beinni útsendingu á vefnum í kvöld. 

Efstir með 4,5 vinning eru stórmeistarnir Bator Sambuev (2491), Kandada og Vladimir Georgiev (2430), Makedónía.  Þriðji með 4 vinninga er georgíski stórmeistarinn  Merab Gagunashvili (2574).

Alls tekur 21 skákmaður þátt í efsta flokki.  Þar af eru 10 stórmeistarar og 8 alþjóðlegir meistarar.  Semsagt afar sterkt skákmót.

• Heimasíða mótsins
• Skákirnar í beinni

Róbert sigraði á útiskákmóti Akademíunnar og Vinnuskólans

Fjórða útiskákmót Skákakademíu Reykjavíkur og Vinnuskóla Reykjavíkur fór fram í blíðskaparveðri í dag. Rúmlega 20 keppendur voru mættir til leiks og var mótið nokkuð sterkara en fyrri mót.
Eftir fimm umferðir hafði Omar Salama unnið allar sínar skákir. Næstir honum með fjóra vinninga komu Stefán Bergsson, Þorvarður F. Ólafsson og Róbert Lagerman. Þeir þrír tefldu sín á milli um réttinn til að tefla við Omar um sigur í mótinu.

Eftir miklar sviptingar stóð Róbert uppi sem sigurvegari úr því umspili og tefldi 3 mínútna skák við Omar á stóra útitaflinu. Sú skák varð ansi skrautleg og eftir mikil hlaup keppenda um taflborðið féll Omar í bókstaflegri merkingu í þann mund er hann féll einnig á tíma! Hin mesta skemmtun að horfa á og eiga þeir báðir hrós skilið fyrir lipurðina sem þeir sýndu í sprettum sínum um skákborðið. Í verðlaun hlutu þeir félagar pizzu frá Pizzuverksmiðjunni.

Síðasta mótið fer svo fram miðvikudaginn 29. júlí klukkan 13.

Daði vann í sjöttu umferð í Politiken Cup

Það virðist sem að það gangi misvel á milli umferða á Politiken Cup.  Í sjöttu umferð, sem fram fór í dag, vann Daði Ómarsson (2091) en aðrir töpuðu.  Bragi Þorfinnsson (2377) tapaði fyrir danska stórmeistaranum Sune Berg Hansen (2554).

 

 

Staða íslensku skákmannanna:

• 41.-75. Bragi Þorfinnsson (2377) 4 v.
• 129.-191. Daði Ómarsson (2091) 3 v.
• 192.-224. Bjarni Jens Kristinsson (1985) 2,5 v.
• 225.-258. Ólafur Gísli Jónsson (1899) 2 v.
• 269.-288. Atli Antonsson (1720) 1,5 v.

Sænski stórmeistarinn Jonny Hector (2556) er efstur með fullt hús.  Í 2.-7. sæti, með 5,5 vinning, eru stórmeistararnir Vladimir Malakhov (2707), Rússlandi, Peter Heine Nielsen (2680), Danmörku, Gabriel Sargissian (2667), Armeníu, Evgeny Postny (2647), Ísrael, Tiger Hillarp Persson (2596), Svíþjóð, og Parmerian Negi (2590), Indlandi.

Alls taka 307 skákmenn þátt í mótinu og þar af 20 stórmeistarar, 14 alþjóðlegir meistarar og 17 FIDE-meistarar. 

• Heimasíða mótsins
• Skákirnar í beinni