Skákþáttur Morgunblaðsins: Hæpið að Hannes Hlífar vinni í tólfta sinn

Hannes Hlífar Stefánsson varð Íslandsmeistari í fyrsta sinn árið 1998 og þótti dálítið „seinn"; hann hafði tekið þátt í keppni landsliðsflokks nær óslitið frá 1986 en hafa ber í huga að kynslóðin sem kom á undan var erfið viðureignar eins og dæmin sanna. Eftir að Hannes Hlífar „braut ísinn" héldu honum engin bönd: ellefu Íslandsmeistaratitlar í ellefu tilraunum segja sína sögu. Hann hefur verið í dálitlum öldudal undanfarið og er nú svo komið að eftir fimm umferðir getur aðeins frábær endasprettur gefið honum möguleika á sigri. Hannes er með 2 ½ vinning og er í 4. - 8. sæti ásamt Degi Arngrímssyni, Guðmundi Gíslasyni, Sigurbirni Björnssyni og Stefáni Kristjánssyni. Henrik Danielssen leiðir með 4 vinninga en Þröstur Þórhallsson kemur næstur með 3 ½ vinning, síðan Bragi Þorfinnsson með 3 vinninga.

Keppnin í ár hefur þróast með óvenjulegum hætti, ýmsir sem byrjuðu vel hafa gefið eftir og aðrir sem byrjuðu illa hafa sótt í sig veðrið. Má þar nefna Dag Arngrímsson og Guðmund Gíslason. Úrslitin munu vitaskuld ráðast í lokaumferðunum þegar margar stórar viðureignir fara fram.

Þröstur Þórhallsson hefur teflt frísklegast keppenda og er til alls líklegur. Þröstur tefldi fyrst á Íslandsþingi árið 1985 og varð þá í 2. sæti á eftir Karli Þorsteins. Hann lagði Hannes í 2. umferð og Stefán Kristjánsson í þeirri fjórðu, sigur hans yfir Hannesi má hiklaust telja bestu skák Íslandsmótsins hingað til:

Hannes Hlífar Stefánsson - Þröstur Þórhallsson

Drottningarpeðsbyrjun

1. d4 e6 2. Rf3 c5 3. g3 cxd4 4. Rxd4 Rc6 5. Bg2 Db6 6. Rb3 d5 7. O-O Rf6 8. Rc3 Be7 9. e4 d4 10. Re2 e5 11. c3 dxc3 12. Be3 Da6 13. Rxc3 Bg4 14. Db1 O-O 15. Hc1 Rd8!?

Andspænis hótuninni 16. Bf1 varð riddarinn að hörfa. Eftir skákina taldi Hannes að hér hefði verið best að leika 16. Rc5. Eftir næsta leik eykst Þresti rými til athafna.

16. Rd5? Rxd5 17. exd5 f5 18. Hc7

Mislukkuð atlaga.

18. ... f4 19. gxf4

Eftir 19. Hxe7 fxe3 20. fxe3 Dd6! fellur hrókurinn á e7.

19. ... Bd6! 20. Bf1 Da4 21. Hc4 De8!

Drottningin haslar sér nú völl á kóngsvængnum. Nú er best að leika 22. Bd3 með hugmyndinni 22. ... Dh5 23. Bxh7+! Kh8 24. Bg6 Dh3 25. Df1! o.s.frv. En betra að mati „Houdini" er 22. ... exf4 23. Bxh7+ Kh8 24. Bc5 Rf7 25. Bg6 með jafnri stöðu.

22. De4? Dh5! 23. fxe5 Bxe5 24. f4 Bxb2 25. He1 Rf7

Traustur leikur en 25. ... Bf3 var einnig gott.

26. Dc2 Bf6 27. Rd4 Rd6 28. Hc7 Hfe8 29. Re6 Dxd5 30. Rg5 Bf5 31. Bg2?

Hér missir Hannesi af besta leiknum, eftir 31. Hd1! er staðan í jafnvægi.

31. ... Da5 32. Db3+ Be6! 33. Bd2

Betra var 33. Rxe6 Dxe1+ 34. Bf1 Kh8 35. Rc7 og enn er von. Nú er allt í hers höndum og keppendur áttu lítinn tíma aflögu. Engu að síður finnur Þröstur besta framhaldið.

- Sjá stöðumynd -

33. ... Dxd2! 34. Hxe6 Hxe6 35. Dxe6+ Kh8 36. h4 Dxf4!

Eftir hinn nærtæka leik 37. Dxd6 kemur 37. ... Bd4+ 38. Kh1 Dxh4+ 39. Rh3 (39. Bh3 De1+ leiðir til máts) De1+ 40. Kh2 Be5+! og drottningin fellur.

37. Rf7+ Rxf7

og Hannes gafst upp. Framhaldið gæti orðið 38. Hxf7 Hd8! og vinnur.

Mótið fer fram í Stúkunni á Kópavogsvelli og eru aðstæður þar með besta móti. Beinar útsendingar frá hverri umferð eru af vef Skáksambandsins, skak.is

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. apríl 2012

Skákþættir Morgunblaðsins

[Event "ch-ISL 2012"] [Site "Kopavogur ISL"] [Date "2012.04.14"] [Round "2"] [Board "3"] [White "Stefansson, Hannes"] [Black "Thorhallsson, Throstur"] [Result "0-1"] [WhiteTitle "GM"] [BlackTitle "GM"] [WhiteElo "2531"] [BlackElo "2398"] [ECO "A40"] [Opening "Queen's pawn"] [WhiteFideId "2300087"] [BlackFideId "2300109"] [EventDate "2012.04.13"] 1. d4 e6 2. Nf3 c5 3. g3 cxd4 4. Nxd4 Nc6 5. Bg2 Qb6 6. Nb3 d5 7. O-O Nf6 8. Nc3 Be7 9. e4 d4 10. Ne2 e5 11. c3 dxc3 12. Be3 Qa6 13. Nxc3 Bg4 14. Qb1 O-O 15. Rc1 Nd8 16. Nd5 Nxd5 17. exd5 f5 18. Rc7 f4 19. gxf4 Bd6 20. Bf1 Qa4 21. Rc4 Qe8 22. Qe4 Qh5 23. fxe5 Bxe5 24. f4 Bxb2 25. Re1 Nf7 26. Qc2 Bf6 27. Nd4 Nd6 28. Rc7 Rfe8 29. Ne6 Qxd5 30. Ng5 Bf5 31. Bg2 Qa5 32. Qb3+ Be6 33. Bd2 Qxd2 34. Rxe6 Rxe6 35. Qxe6+ Kh8 36. h4 Qxf4 37. Nf7+ Nxf7 0-1

Sumarskákmót Fjölnis fer fram 1. maí

Sumarskákmót Fjölnis fer fram í Rimaskóla þriðjudaginn 1. maí. Skákdeild Fjölnis lýkur vetrarstarfi sínu með veglegu sumarskákmóti í Rimaskóla þriðjudaginn 1. maí frá kl. 11:00 - 13:00.  Þátttakendur eru beðnir um að mæta tímanlega til skráningar. Rótarýklúbbur Grafarvogs veitir sigurvegurum mótsins veglega eignarbikara; í eldri flokki 1996 - 2000, yngri flokki 2001 - 2005 og stúlknaflokki. Fjöldi vinninga í boði, m.a. í formi pítsugjafabréfa og bíómiða.

Tefldar verða sex umferðir og umhugsunartíminn eru 7 mínútur á hverja skák.

Í skákhléi verður hægt að kaupa pítsu og gosdrykk á 200 kr.

Skákdeildin mun útnefna afreksmann og æfingameistara deildarinnar 2011 - 2012 á skákmótinu og heiðra nýjustu afreksmenn skákdeildar Fjölnis, þau Hrund Hauksdóttur Norðurlandameistara stúlkna og Oliver Aron Jóhannesson, hinn 14 ára gamla bronsverðlaunahafa frá heimsmeistaramóti áhugamanna 2012.

Skákdeild Fjölnis hvetur alla grunnskólakrakka til að fjölmenna á þetta síðasta skákmót vetrarins.

Þátttakan er ókeypis.

Birkir Karl og Vignir Vatnar kjördæmismeistarar Reykjaness

Kjördæmismót Reykjaness í skólaskák fór fram í gær þegar keppt var um laust sæti á Landsmóti í skólaskák í bæði eldri og yngri flokk. Keppendur komu úr 3 bæjarfélögum, Hafnarfirði, Kópavogi og Garðabæ eftir kaupstaðamót á þeim stöðum. Einungis 2 keppendur úr hverju móti komust.

Tiltölulega öruggur sigurvegari í eldri flokk var Birkir Karl Sigurðsson Salaskóla en hann lék reyndar illa af sér í lokin gegn Þormari Leví Magnússyni Salaskóla þar sem Þormar átti tiltölulega auðveldan vinning en ákvað að taka jafnteflið. Með sigri hefði hann farið í einvígi gegn Birki um efsta sætið. Í þriðja til fjórða sæti urðu svo Jón Hákon Richter Öldutúnsskóla og Gabríel Orri Duret Hvaleyrarskóla þar sem Gabríel vann innbyrðis skákina og fékk með því 3 sætið.

Meiri spenna var í yngri flokki og fleiri keppendur. Bjarni Þór Guðmundsson Víðistaðaskóla kom á óvart með ágætri taflmennsku sem því miður dugði bara í 4 sæti, en hann vann t.d. Sóley Lind Pálsdóttur, Hvaleyrarskóla í góðri skák. Sóley varð í 3 sæti en henni voru nokkuð mislagðar hendur í mótinu. Felldi þó Dawid Kolka á tíma þar sem Dawid var að máta, sem skilaði henni í úrslitaskák í síðustu gegn Vigni Vatnari Stefánssyni Hörðuvallaskóla í síðustu umferð. Vignir Vatnar vann þó þá skák mjög örugglega og tryggði sér 1. sætið og þar með sæti á Landsmóti. Dawid Kolka Álfhólsskóla varð í 2 sæti þegar hann nýtti sér það að Sóley tapaði og fór hálfum yfir. Garðbæingarnir Kári Georgsson og Bjarki Arnaldarson sem báðir eru í Hofsstaðaskóla urðu svo í 5. og 6. sæti.

Með því tryggðu Kópavogsbúar sér öll efstu sætin í mótinu og er greinilegt að skáklíf í Kópavogi er með miklum blóma.

Vignir Vatnar Stefánsson Hörðuvallaskóla og Birkir Karl Sigurðsson Salaskóla verða því fulltrúar Reykjaneskjördæmis hins forna á Landsmóti í skólaskák sem verður haldið dagana 3.-6. maí næstkomandi í Stórutjarnarskóla í Þingeyjarsýslu.

• Myndaalbúm (PS)
• Chess-Results

Andri Freyr og Jón Kristinn kjördæmismeistarar Norðurlands eystra

Andri Freyr Björgvinsson og Jón Kristinn Þorgeirsson urðu kjördæmismeistarar Norðurlands-Eystra í skák en kjördæmismótið fór farm á Akureyri í gær.  Andri Freyr fékk 5 vinninga af 6 mögulegum í eldri flokki. Snorri Hallgrímsson varð í öðru sæti með 4,5 vinninga, Hlynur Snær Viðarsson varð í 3. sæti með 2,5 vinninga og Magnús Valjöts varð í 4. sæti án vinninga. 

Andri, Snorri og Hlynur verða því fulltrúar Norðurlands-Eystra í eldri flokki á Landsmótinu í skólaskák sem verður haldið í Stórutjarnaskóla 3.-6. maí nk. 

 
                               Magnús, Andri, Hlynur og Snorri.

 

Jón Kristinn Þorgeirsson vann öruggan sigur í yngri flokki með fullu húsi vinninga, eða 5 talsins. Símon Þórhallsson varð í öðru sæti með 4 vinninga og Tinna Ósk Rúnarsdóttir varð þriðja með 3 vinninga. Þau verða því fulltrúar Norðurlands-Eystra í yngri flokki á landsmótinu. 

Bjarni Jón Kristjánsson varð í 4. sæti með 2 vinninga, Hermann H Rúnarsson varð í 5. sæti með 1. vinninga og Jakub Pitor Stakkiewicz varð í 6. sæti án vinninga. 

 
                        Tinna, Jón Kristinn og Símon.

 

Landsmótið í skólaskák hefst kl 16:00 fimmtudaginn 3. maí í Stórutjarnaskóla í Þingeyjarsveit.

Barna-og unglingameistaramót Reykjavíkur sem og Stúlknameistaramót Reykjavíkur

Barna- og unglingameistaramót Reykjavíkur, sem og Stúlknameistaramót Reykjavíkur, fer fram sunnudaginn 29. apríl  í félagsheimili T.R. Faxafeni 12.

Taflið hefst kl.14 og stendur til ca. kl. 18. Tefldar verða 7 umferðir eftir Monrad-kerfi með umhugsunartímanum 15 mín. á skák. Teflt verður í einum flokki.
Verðlaun verða veitt fyrir þrjú efstu sætin í mótinu og þar fyrir utan hlýtur sigurvegarinn titilinn Unglingameistari Reykjavíkur 2012, sé hann búsettur í Reykjavík eða félagi í reykvísku taflfélagi.

Einnig verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan titilinn Stúlknameistari Reykjavíkur 2012, sé hún búsett í Reykjavík eða félagi í reykvísku taflfélag. Til viðbótar verða veitt verðlaun fyrir þrjú efstu sætin í aldursflokknum 12 ára og yngri (fædd 1999 og síðar).

Mótið er opið öllum krökkum 15 ára og yngri (fædd 1996 og síðar).

Skráning fer fram á [e-mail] (vinsamlegast gefið upp nafn, fæðingarár, símanúmer, skóla og taflfélag (ef við á)) og einnig er hægt að skrá sig á mótsstað sunnudaginn 29. apríl. frá kl. 13.30- 13.45. Skákmótið hefst kl. 14.

Aðgangur á mótið er ókeypis.

Skólaskákmót Reykjavíkur: Mögnuð stemmning í Sjóminjasafninu

Allir sterkustu skákmenn höfuðborgarinnar mættu til leiks á Skólaskákmót Reykjavíkur, sem fram fór í Sjóminjasafninu á laugardag. Þar var mikið í húfi: Sæti á sjálfu landsmótinu í skólaskák sem fram fer í Stóru-Tjarnarskóla í Þingeyjarsýslu í næstu viku.

 

Sex vaskir skákmenn tryggðu sér keppnisrétt á landsmótinu, sem verður án efa mjög spennandi.

 

Þátttakendur í Sjóminjasafninu voru alls 41 úr 23 skólum og stemmningin var rafmögnuð þegar leið á mótið, sérstaklega í eldri flokki. Þrír efstu í hvorum aldursflokki komust áfram á landsmótið og þurfti aukakeppni í eldri flokki til að skera úr um niðurstöðuna.

 

Össur Skarphéðinsson utanríkisráðherra lék fyrsta leikinn á mótinu fyrir Sigurð Kjartansson, einn besta skákmann Melaskóla.

 

Glæsilegur sigur Gauta Páls í yngri flokki

 

Gauti Páll Jónsson úr Grandaskóla gaf engin grið í yngri flokki og sigraði í öllum skákum sínum, 8 að tölu. Gauti Páll, sem er í Taflfélagi Reykjavíkur, hefur verið mjög virkur á námskeiðum Skákskóla Íslands og Skákakademíu Reykjavíkur og nýtur leiðsagnar hjá Ingvari Þór Jóhannessyni einum færasta einkakennara landsins.

 

Nansý Davíðsdóttir, Íslandsmeistari barna 2012, kom önnur í mark. Hún tefldi af öryggi og tapaði aðeins fyrir Gauta Páli, auk þess að gera jafntefli við vinkonu sína úr Rimaskóla, Svandísi Rós sem rétt missti af sæti á landsmóti. Svandís tapaði í síðustu umferð fyrir Hilmi Hrafnssyni nemanda Borgaskóla. Hilmir tefldi vel á mótinu og á sæti á landsmóti sannarlega skilið, einn enn fulltrúi Grafarvogs í fremstu röð.

 

Oliver sigurvegari í eldri flokki - æsispennandi aukakeppni

 

Eldri flokkurinn var verulega vel mannaður, sem sést best á því að meira en helmingur keppenda hefur keppt með ungmennalandsliðum Íslands.

 

Oliver Aron Jóhannesson sýndi og sannaði að árangur hans á dögunum á Heimsmeistaramóti áhugamanna var engin tilviljun.  Hann fékk 8 vinninga af 9, og tapaði ekki skák. Oliver kemur úr Rimaskóla, rétt einsog keppendurnir í 2.-4. sæti, þau Hrund Hauksdóttur, Dagur Ragnarsson og Jón Trausti Harðarson.

 

Því þurfti að grípa til aukakeppni sem var æsispennandi. Dagur og Jón Trausti gerðu jafntefli innbyrðis og lögðu báðir Hrund þar sem lukkudísirnar voru sannarlega ekki með henni. Unnu piltarnir því sér inn sæti á landsmótinu ásamt Oliver. Í úrslitaskák þeirra um silfrið sigraði Jón Trausti eftir æsilegt tímahrak.

 

Sjóminjasafnið við gömlu höfnina í Reykjavík er að festa sig í sessi sem einn helsti skákstaður höfuðborgarinnar. Foreldrar og ættingjar fjölmenntu og var mikil og almenn ánægja með góða aðstöðu og skemmtilegt mót.

 

Skákakademía Reykjavíkur sá um undirbúning og skipulagningu mótsins.

 

Úrslit í yngri flokki:

 

1. Gauti Páll Jónsson Grandaskóla 8 vinningar af 8

2. Nansý Davíðsdóttir Rimaskóla 6,5

3. Hilmir Hrafnsson Borgaskóla 6

4. Svandís Rós Ríkharðsdóttir Rimaskóla 5,5

5. Mykael Kravchuk Ölduselsskóla 5

6. Jakob Alexander Petersen Árbæjarskóla 5

7. Jóhann Arnar Finnsson Rimaskóla 5

8. Heimir Páll Ragnarsson Hólabrekkuskóla 5

9. Alec Elías Sigurðarson Ölduselsskóla 5

10. Joshua Davíðsson Rimaskóla 5

11. Sigurður Kjartansson Melaskóla 4,5

12. Andri Már Hannesson Árbæjarskóla 4,5

13. Sigurður Bjarki Blomenstein Víkurskóla 4,5

14. Alísa Helga Svansdóttir Sæmundarskóla 4

15. Óskar Víkingur Davíðsson Ölduselsskóla 4

16. Haraldur Daði Þorvaldsson Háteigsskóla 4

17. Ólafur Örn Olavsson Fossvogsskóla 4

18. Magnús Geir Kjartansson Vesturbæjarskóla 4

19. Neó Halek Vesturbæjarskóla 4

20. Þorsteinn Magnússon Sæmundarskóla 3,5

21. Ýmir Hugi Ágústsson Breiðagerðisskóla 3,5

22. Tristan Ari Bang Margeirsson Landakotsskóla 3,5

23. Benedikt Ernir Magnússon Fossvogsskóla 3

24. Jóhann Bjarkar Þórsson Hlíðaskóla 3

25. Sævar Halldórsson Ingunnarskóla 3

26. Sólvin Tómasson Barnaskóla Hjallastefnunnar 3

27. Friðrik Leó Curtis Vogaskóla 3

28. Sæmundur Árnason Foldaskóla 3

29. Marinó Tómasson Barnaskóla Hjallastefnunnar 3

30. Júlía Heiður Guðmundsdóttir Hamraskóla 2

31. Kristján Örn Vatnes Dalskóli 1

 

Úrslit í eldri flokki:

 

1. Oliver Aron Jóhannesson Rimaskóla 8 vinningar af 9

2.-4. Dagur Ragnarsson, Jón Trausti Harðarson og Hrund Hauksdóttir öll úr Rimaskóla 6,5v.

5. Dagur Kjartansson Hólabrekkuskóla 6

6. Donika Kolica Hólabrekkuskóla 4

7. Rafnar Friðriksson Laugalækjarskóla 3

8. Leifur Þorsteinsson Hagaskóla 2,5

9. Veronika Steinunn Magnúsdóttir 2

10. Ingimar Aron Hlíðaskóla

 

Myndaalbúm (HJ)

Kramnik og Aronian jafnir í Zurich

Aronian og Kramnik skildu jafnir í sjöttu og síðustu einvígisskákinni í Zurich og lokatölur því 3-3. Einvígið var haldið hinum fornfræga skákklúbbi í Zurich æa Hotel Savoy, sem verið hefur vettvangur margra merkra skákviðburða.

Aronian og Kramnik eru nú númer 2 og 3 á heimslistanum, og hafa báðir að undanförnu unnið góða sigra á stórmótum. Kramnik sigraði sannfærandi á London Chess Classic í desember og Aronian vann glæstan sigur í Wijk aan Zee í janúar.

Einvígi Kramniks og Aronians var einkar spennandi og skemmtilegt, og verður örugglega borið saman við viðureign heimsmeistarans Anands og áskorandans Gelfands, sem háð verður í Moskvu í maí. Anand er spáð öruggum sigri en fæstir búast við líflegri taflmennsku.

Heimasíða einvígis Kramniks og Aronians.

Skáklandið fjallar um Íslandsmótið í skák

Stefán Bergsson hefur skrifað stórskemmtilegan pistil á skákblogg DV um Íslandsmótið í skák á sem fram fór í Stúkunni á Kópavogsvelli 13.-23. apríl nk.  

Meðal þess sem unnið er að í kjölfar mótsins er möguleg (endur)stofnun taflfélags í þessu næststærsta bæjarfélagi landsins.   

Í lok greinar Stefáns má finna viðtöl við þá Þröst og Braga sigurvegara landsliðsflokks en þeir munu heyja einvígi síðari hluta maí-mánaðar um Íslandsmeistaratitilinn.  

Skákbloggið í DV

 

 

 

Skólaskákmót Reykjavíkur í Sjóminjasafninu á laugardag: Keppendur frá næstum 30 skólum!

Skólaskákmót Reykjavíkur verður haldið í Sjóminjasafninu laugardaginn 28. apríl og hefst klukkan 12. Nærri 50 keppendur frá 27 skólum eru skráðir til leiks, og tefla í tveimur aldursflokkum. Þarna mætast sterkustu skákmenn hvers skóla og má búast við æsispennandi baráttu.

Á meðal keppenda eru unglingalandsliðsmenn og konur, Norðurlandameistarar barna- og grunnskólasveita, nýkrýndur Norðurlandameistari stúlkna Hrund Hauksdóttir, Reykjavíkurmeistarar og Íslandsmeistarar.

Teflt er um 3 sæti í hvorum flokki á Landsmótinu í skólaskák sem fer fram um næstu helgi í Þingeyjarsýslu.

Landsmótið í skólaskák tekur til allra landshluta, er fjölmennasta mót ársins og var fyrst teflt 1979 þegar Jóhann Hjartarson sigraði í eldri flokki. Fjölmargir stórmeistarar og landsliðsmenn unnu mótið á sínum yngri árum.

Skákáhugamenn eru hvattir til að mæta í Víkina í Sjóminjasafninu og fylgjast með meisturum framtíðarinnar. Góð aðstaða er fyrir áhorfendur og ljúffengar veitingar í boði.

Yngri flokkur

Háteigsskóli: Haraldur Daði Þorvaldsson

Vogaskóli: Friðrik Leó Curtis

Rimaskóli: Svandís Rós Ríkharðsdóttir, Jóhann Arnar Finnsson, Joshua Davíðsson og Nansý Davíðsdóttir.

Árbæjarskóli: Jacob A. Petersen og Andri M. Hannesson

Fossvogsskóli: Ólafur Örn Ólafsson og Matthías Magnússon

Vesturbæjarskóli: Magnús Geir Kjartansson

Grandaskóli: Gauti Páll Jónsson

Landakotsskóli: Tristan Ari Bang Margeirsson

Melaskóli: Sigurður Kjartansson

Sæmundarskóli: Alísa Helga Svansdóttir og Þorsteinn Magnússon

Selásskóli: Grímur Ámundason

Breiðagerðisskóli: Ýmir Hugi Ágústsson

Foldaskóli: Sæmundur Árnason

Vættaskóli – Borgir: Hilmir Hrafnsson

Hólabrekkuskóli: Heimir Páll Ragnarsson

Hamraskóli: Júlía Heiður Guðmundsdóttir

Kelduskóli – Korpa: Alexander Örn

Kelduskóli – Víkur: Sigurður Bjarki

Ölduselsskóli: Alec Sigurðarson og Óskar Víkingur Davíðsson

Húsaskóli: Íris Amal

Hlíðaskóli: Jóhann Bjarkar Þórsson

Barnaskóli Hjallastefnunnar: Sólvin Tómasson og Marinó Tómasson

Ingunnarskóli: Sævar Halldórsson

Dalskóli: Kristjón Örn Vattnes Helgason

Eldri flokkur

Hlíðaskóli: Ingimar Aron Baldursson

Hólabrekkuskóli: Dagur Kjartansson og Donika Kolica

Rimaskóli: Oliver Aron Jóhannesson, Dagur Ragnarsson, Hrund Hauksdóttir, Jón Trausti Harðarson.

Hagaskóli: Leifur Þorsteinsson og Veronika Steinunn Magnúsdóttir

Engjaskóli: Elín Nhung

Laugalækjarskóli: Rafnar Friðriksson.

Suðurlandsmótið í skólaskák fer fram 1. maí

Suðurlandsmótið í skólaskák fer fram þriðjudaginn 1. maí kl 14.  Teflt verður í Selinu á Selfossi sem er félagsheimili HSK.

Nú hafa þegar 5 skólar boðað komu keppenda, það eru Hvolsskóli, Grunnskólinn á Hellu, Flóaskóli, Flúðaskóli og Grunnskóli Bláskógabyggðar.

Venju samkvæmt verður teflt í tveimur flokkum, þ.e. 1.-7. bekk og 8.-10.bekk.

Sigurvegarar ávinna sér rétt til að tefla á landsmótinu í skólaskák sem fram fer 3.-6. maí í Stórutjarnarskóla í hinni ágætu Þingeyjarsveit.

Allar nánari upplýsingar hjá Kjördæmisstjóra, Magnúsi Matthíassyni í síma 691 2254