Oliver Aron jólasveinn TR

Oliver Aron Jóhannesson vann Jólahraðskákmót TR sem fram fór í gær. Oliver hlaut 12 vinninga í 14 skákum og var 1,5 vinningi fyrir ofan Magnús Pálma Örnólfsson sem varð annar. Örn Leó Jóhannsson og Elsa María Kristínardóttur urðu í 3.-4. sæti. 28 skákmenn tóku þátt.

Lokastaðan:

Place Name                           Feder Rtg Loc Score M-Buch. Buch. Progr.

  1   Oliver Aron Jóhannesson,                     12       44.5  61.5   46.0
  2   Magnús P. Örnólfsson,                        10.5     43.0  60.0   44.5
 3-4  Örn Leó Jóhansson,                           9.5      41.5  57.5   35.5
      Elsa María Kristínardóttir,                  9.5      38.0  54.0   35.5
 5-7  Arnaldur Loftsson,                           9        39.5  56.5   36.0
      Jóhann Ingvarsson,                           9        39.0  52.0   38.0
      Dagur Kjartansson,                           9        35.5  49.5   37.5
  8   Eggert Ísólfsson,                            8.5      40.5  59.5   34.0
9-10  Páll Andrason,                               8        40.0  56.5   36.0
      Helgi Brynjarsson,                           8        39.5  55.0   33.0
 11   Magnús Nikulásson,                           7.5      34.5  48.5   29.5
12-17 Kristófer Ómarsson,                          7        40.0  55.5   36.0
      Gauti Páll Jónsson,                          7        37.0  52.5   26.5
      Birkir Karl Sigurðsson,                      7        35.0  49.5   26.0
      Halldór Pálsson,                             7        32.5  46.0   26.0
      Vigfús Ó. Vigfússon,                         7        32.0  46.0   26.5
      Björgvin Kristbergsson,                      7        30.5  39.0   23.0
 18   Kjartan Másson,                              6.5      37.5  55.5   29.5
19-22 Eiríkur K. Björnsson,                        6        38.5  53.5   29.5
      Sigurlaug R. Friðþjófsdóttir,                6        35.0  49.5   27.0
      Hjálmar Sigurvaldason,                       6        31.5  41.5   21.0
      Bjarki Arnaldsson,                           6        26.0  33.5   20.0
23-25 Bárður Örn Birkisson,                        5        33.5  43.0   24.5
      Björn H Birkisson,                           5        29.0  40.0   18.0
      Matthías Ævar Magnússon,                     5        25.5  35.0   15.0
 26   Pétur Jóhannesson,                           4        32.5  45.5   17.0
 27   Benedikt Ernir Magnússon,                    3.5      29.0  38.5   12.0
 28   Ísak Logi Einarsson,                         0.5      27.0  37.5    1.0

 

Hjörvar og Guðmundur í beinni frá Hastings

Alþjóðlegu meistararnir Hjörvar Steinn Grétarsson (2516) og Guðmundur Kjartansson (2404) taka þátt í Hastings Chess Congress sem hófst í dag í þessum fornfræga skákbæ. Skákir beggja eru í beinni útsendingu en umferðin hófst nú kl. 14:15.

Hjörvar teflir við rússneska FIDE-meistarann Boris Furman (2237) en Guðmundur við Fiona Steil-Antoni (2169), sem er alþjóðlegur meistari kvenna frá Lúxemborg.

85 keppendur taka þátt og þar af 12 stórmeistarar. Hjörvar er nr. 9 í stigaröð keppenda en Guðmundur er nr. 19.

• Heimasíða mótsins
• Beinar útsendingar (hefjast kl. 14:15)

 

 

Atskákmót Skákklúbbs Icelandair - sveitakeppni byrjar á morgun

Atskákmót Skákklúbbs Icelandair byrjar á morgun á Reykjavík Natura klukkan 13:00 og eru skákmenn vinsamlega beðnir að mæta tímanlega. Teflt verður í Þingsal 2. sem er á jarðhæð.

18 sveitir eru skráðar til leiks og margir af sterkustu skákmönnum landsins eru á meðal þátttakenda þ.a. 5 stórmeistarar, 4 alþjóðlegir meistarar og 11 FIDE meistarar.

Líkt og í fyrra hefur verið ákveðið að allir tefla við alla enda gefur það hreinustu úrslitin, áætlað er að tefla 9 umferðir á morgun en 8 á sunnudaginn og reiknað er með að taflmennsku ljúki rúmlega sex á morgun en um 17:30 á sunnudeginum. Það verða gerð stutt hlé eftir 5. og 13 umferð.

Það verður einni viðureign s.s. fjórum borðum varpað á sýningartjald í hverri umferð og því gefst skákáhugamönnum tækifæri til að mæta og fylgjast með og upplifa mikla skákstemmingu.

Skákmenn og aðrir gestir geta keypt kaffi sem greiðist á veitingastaðnum Satt sem kostar 500 kr. dagurinn eða 1.000 kr. fyrir báða dagana en kaffið verður staðsett fyrir utan skáksalinn.

Þátttökugjaldið er 16.000 kr. sem er hægt að greiða á staðnum eða millifæra á 515-14-406597, kt: 561211-0860 og með tilvísun í liðið.

Skráð lið hér.

Aðrar helstu upplýsingar:

• 8.500 stig á sveitina í hverri umferð.
• Miðað er við nóvember lista FIDE og september listann í íslensku stigunum
• Stigalausir verða skráðir með 1.500 stig
• 15 mínútur á mann,
• Keppnisfyrirkomulagið er Round Robin (allir við alla)
• Flestir vinningar gilda.
  

Verðlaun:*Sveitakeppni:

• 1. sæti: 4x farmiðar fyrir tvo til Evrópu með Icelandair
• 2. sæti: 4x gjafabréf fyrir tvo á veitingastaðnum Satt
• 3. sæti: 4x gjafabréf fyrir tvo í Fontana

Borðaverðlaun.

http://www.skak.blog.is/blog/skak/image/1180705/Borðaverðlaunin eru farmiðar innanlands fyrir tvo í boði Flugfélags Íslands og Sagaklúbbs Icelandair og gisting í  2 nætur fyrir tvo á Icelandair Hótelum  ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn
Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun, en hér er miðað við nýjustu stig.

Besti varamaðurinn
Besti varamaðurinn fær gjafabréf á veitingastaðnum VOX fyrir tvo.

Útdráttarverðlaun - einvígi, teflt á meðan er verið að taka saman lokaúrslit.

Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Bandaríkjanna með Icelandair.

Tveir verða dregnir út til að tefla hraðskák um þessi verðlaun.10 mínútum verða skipt á milli skákmannanna og verður notast við ákveðna tímaforgjafarformúlu til að gefa þeim stigalægri meiri möguleika og auka spennuna. Tímaforgjafarformúlan verður útskýrð á skákstað fyrir einvígið.

Sá sem er dreginn fyrr fær hvítt.

Sá sem tapar fær gjafabréf á veitingastaðnum VOX fyrir tvo. Ef það verður jafntefli skipta skákmennirnir vinningunum á milli sín nema að það sé áhugi hjá báðum aðilum að tefla bráðabanaskák með sama fyrirkomulagi en með minni tíma og öfugum litum. Ef það verður enn jafnt munu skákmennirnir skipta með sér vinningunum.

Verðlaun fyrir veikari liðin.

Ef það verða fleiri en fimm lið undir 8.000 stigum mun efsta liðið af þessum liðum fá 4x gjafabréf fyrir tvo á VOX.

* ATH. Sami aðili getur ekki unnið fleiri en einn ferðavinning, ef slíkt kemur upp mun viðkomandi aðili velja hvaða vinning hann vill, útfærist nánar á skákstað!

- Greiða þarf flugvallarskatta af öllum flugmiðum.

Frekari upplýsingar er hægt að fá með því að senda póst á Óskar Long; [e-mail].

Hverfakeppni SA: Brekkusniglar skriðu framúr og sigruðu.

Í hinni árlegu hverfakeppni SA sem fram fór í gærkvöldi áttust við tvö lið; annarsvegar skipað þeim sem búa á Brekkunni og í Innbænum (suðurhluta bæjarins) og hinsvegar Þorpurum og Eyrarpúkum, auk nokkurra vaskra félaga sem eiga lögheimili utan þessara bæjarhluta. Liðssöfnun tókst vel og var teflt á 15 borðum. Fyrst var tefld ein 15 mínútna skák og urðu úrslit þessi (sunnanmenn taldir á undan):

• Rúnar Sigurpálsson-Ólafur Kristjánsson       1-0
• Áskell Örn Kárason-Sigurður Arnarson         1-0
• Smári Rafn Teitsson-Sigurður Eiríksson       1-0
• Jón Kristinn Þorgeirsson-Smári Ólafsson      0-1
• Sveinbjörn Sigurðsson-Hjörleifur Halldórsson 0-1
• Haki Jóhannesson-Rúnar Ísleifsson            0-1
• Atli Benediktsson-Einar Garðar Hjaltason     1-0
• Pétur Gíslason-Eymundur Eymundsson           0-1
• Karl Steingrímsson-Logi Rúnar Jónsson        1-0
• Alex Cambray Orrason-Grétar Þór Eyþórsson    1-0
• Símon Þórhallsson-Sveinn Torfi Pálsson       1-0
• Andri Freyr Björgvinsson-Jón Magnússon       1-0
• Einar Guðmundsson-Hjörtur Snær Jónsson       0-1
• Bragi Pálmason-Ari Friðfinnsson              0-1
• Aðalsteinn Leifsson-Óskar Long Einarsson     0-1

Þannig vann Brekkan nauman sigur, 8-7.

Eftir þetta var tekin bændaglíma í hraðskák og tefldi þá hver liðsmaður eina skák við alla úr hinu liðinu, alls 15 skákir. Þar tóku norðanmenn (þ.e. Þorparar & co) strax ákveðna forystu og horfði lengi óvænlega fyrir sveinum úr suðurhluta bæjarins. Þannig höfðu hinir fyrrnefndu náð 13 vinninga forystu 59-46 að loknum 7 umferðum, unnið allar umferðir nema eina og ekkert útlit fyrir að sigurgöngunni væri að linna. En skriðþungi brekkusnigla fór vaxandi þegar á leið og þeir náðu yfirhöndinni með ótrúlegum 11-4 sigri í 13. umferð og létu hana ekki af hendi eftir það. Lokaúrslit 115.5-109.5.

Nokkrir sunnanmenn reyndust afar fengsælir í hraðskákinni; Rúnar Sigurpálsson vann allar sínar skákir, 15 að tölu, Áskell Örn fékk 14.5 vinning, Smári Rafn og Jón Kristinn 14. Næstur þeim kom svo Andri Freyr með 10 vinninga. Árangur í sveit norðanmanna var mun jafnari; þar náði Sigurður Arnarson 10.5 vinningi í hús og nafni hans Eiríksson, Smári Ólafsson og Sveinn Torfi Pálsson 10 vinningum. Þótti þetta hin besta skemmtun og góð upphitun fyrir lokamót ársins sem er Jólahraðskákmótið á sunnudaginn 30. desember.

Íslandsmótið í netskák fer fram á sunnudag

Íslandsmótið í netskák fer fram, sunnudaginn 30. desember á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 4 2 (4 mínútur + 2 viðbótarsekúndur á hvern leik).     

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forrit (mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Davíð Kjartansson er Íslandsmeistari í netskák

Fyrirspurnir sendist til Omars Salama, umsjónarmanns mótsins í netfangið [e-mail].

Verðlaun:

1. kr. 10.000 
2. kr.   6.000 
3. kr.   4.000

 

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

Undir 1800 skákstigum (miðað við nýjustu íslensku skákstig):

• 1. Fjórir frímánuðir á ICC
• 2. Tveir frímánuðir á ICC

Stigalausir: 

• 1. Fjórir frímánuðir á ICC
• 2. Tveir frímánuðir á ICC

Unglingaverðlaun (15 ára og yngri):

• 1. Fjórir frímánuðir á ICC
• 2. Tveir frímánuðir á ICC

Kvennaverðlaun:

• 1. Fjórir frímánuðir á ICC
• 2. Tveir frímánuðir á ICC

 

Upplýsingar um þegar skráða keppendur má finna hér.

Jólamót kvöldsins: Hellir, Víkingar og Húsvíkingar

Skákþyrstir geta sem fyrr fengið útrás fyrir skákiðkun í kvöld. Í dag rétt eins og í gær, eru tvö mót hér í höfuðborginni en eitt mót fyrir Norðan heiðan. Hellir heldur Jólabikarmót félagsins, Víkingaklúbburinn heldur sitt árlega jólaskákmót og Hraðskákmót Goðans Máta verður á Húsavík. 

Jólabikarmót Hellis fer fram í Hellisheimilinu og hefst kl. 19:30. Tefldar verða hraðskákir með 5 mínútna umhugsunartíma eftir Monrad-kerfi. Eftir 5 töp falla keppendur úr leik. Teflt er áfram þar til einn keppandi stendur eftir.

Jólamót Víkingaklúbbsins, fer fram í Billiardbarnum, Faxafeni 12 (við hliðina á SÍ) og hefst eining kl. 19:30. Tefld verður bæði skák og Víkingaskák. Fyrst verða tefldar 7 umferðir með 5 mínútna umhugsunartíma en en því loknu er skipt yfir í Víkingaskákina.

Hraðskákmót Goðans-Máta fer fram í Framsýnarsalnum á Húsavík og hefst kl. 20. Þar verða tefldar 11 umferðir með Monrad-kerfi.

Yfirlit jólamóta:

• 28. desember - Jólabikarmót Hellis
• 28. desember - Jólamót Víkingaklúbbsins
• 28. desember - Hraðskákmót Goðans-Máta
• 29.-30. desember - Atskákmót Skákklúbbs Icelandair - sveitakeppni
• 30. desember - Íslandsmótið í netskák
• 30. desember - Jólahraðskákkmót SA
• 1. janúar - Nýársmót SA

Kosta Ríka - pistill Guðmundar Kjartanssonar

Allir styrkþegar Skáksambands Íslands þurfa að skila af sér pistli um viðkomandi mót. Guðmundur Kjartansson hefur verið á miklu skákferðalagi í Suður-Ameríku, sem lauk fyrir skemmstu með móti í Kosta Ríka. Guðmundur teflir svo í Hastings-mótinu, sem hefst á morgun, ásamt Hjörvari Steini Grétarssyni. Hér er pistill Guðmundar um mótið í Kosta Ríka:

Pistillinn:

Þá er ég loksins kominn heim eftir tæplega 8 mánaða dvöl í Suður-Ameríku. Ég tók saman stuttan pistil sem mun birtast á taflfelag.is þar sem ég segi frá þeim mótum sem ég tók þátt í úti. En síðasta mótið sem ég tók þátt í var Gran Torneo  Metropolitano sem var haldið í San José, höfuðborg Kosta Ríka. Ástæðan fyrir því að ég endaði í Kosta Ríka er sú að þegar ég tók þátt í Panama Open í lok nóvember kynntist ég félaga mínum frá Kosta Ríka sem var að vinna við mótshaldið og hann og pabbi hans sem sáu um mótið í Kosta Ríka ákváðu að bjóða mér. Sem var mjög hentugt því þá var ég allavega kominn aðeins nær Bandaríkjunum og auðveldara að komast heim.

Ég fékk gistingu á hóteli uppi í fjöllunum rétt fyrir utan San José og dvaldist þar með nemanda mínum sem kom í rútu frá Panama og félaga mínum, alþjóðlegum meistara frá Gvatemala. Virkilega flottur staður og flott útsýni. Mótið sjálft byrjaði 17.des og var ég orðinn frekar þreyttur eftir mótið í Kólumbíu sem ég kláraði daginn áður og öll ferðalögin svo ég tefldi frekar illa að mestu leyti. En það gekk svo sem allt í lagi, vann fyrstu tvær skákirnar án mikilla vandræða en í þriðju umferð næ ég að bjarga erfiðri stöðu í endatafl með hrók og riddara gegn hróki og riddara og andstæðingurinn býður jafntefli en ég segi Nei og tekst að vinna að lokum. Í fjórðu umferð tefli ég aftur frekar illa og enda með koltapað tafl en tekst á einhvern ótrúlegan hátt að bjarga því í jafntefli. Svo vann ég í fimmtu umferð og síðasta daginn minn vann ég tvo alþjóðlega meistara, seinni skákin var mjög spennandi. Hélt að ég væri að hafa nokkuð auðveldan sigur þegar andstæðingi mínum tekst að flækja málin aðeins fyrir mér en ég fann nokkra góða leiki í tímahrakinu og vann að lokum. Svo ég endaði með 6 og hálfan af 7 og var efstur. Mótið var hinsvegar 9.umferðir og þurfti ég því miður að sleppa tveimur síðustu skákunum til að ná flugi til New York til að komast heim fyrir jólin og endaði ég í fimmta sæti. Nú fer ég svo út í fyrramálið og tek þátt í Hastings. Hér er síðasta skákin mín sem ég tefldi í Suður-Ameríku í bili...

Guðmundur Kjartansson

[Event "var Gran Torneo Metropolitano"] [Site "?"] [Date "2012.12.27"] [Round "?"] [White "Kjartansson, Guðmundur"] [Black "Murillo, Tsijli Alexis"] [Result "1-0"] [ECO "A00"] [WhiteElo "2404"] [BlackElo "2292"] [PlyCount "111"] 1. Nf3 Nf6 2. c4 g6 3. Nc3 Bg7 4. e4 d6 5. d4 O-O 6. Be2 e5 7. O-O Nc6 8. d5 Ne7 9. Ne1 Nd7 10. Be3 f5 11. f3 f4 12. Bf2 g5 13. Rc1 Ng6 14. Nd3 Nf6 15. c5 Rf7 16. cxd6 cxd6 17. Nb5 g4 18. Qc2 g3 19. hxg3 fxg3 20. Bxg3 Qb6+ 21. Kh1 Qxb5 22. Nxe5 Qe8 23. Nxf7 Qxf7 24. Bxd6 Bd7 25. Bh2 Re8 26. Qc7 b5 27. Qxa7 Bh6 28. Rc7 Bf4 29. Rxd7 Nxd7 30. Bxb5 Rd8 31. g3 Bb8 32. Qb7 Ngf8 33. f4 Qg6 34. Re1 Bd6 35. Qc6 Nf6 36. e5 Ng4 37. Bg1 Qf5 38. Qc3 Rc8 39. Bc6 Bb8 40. Kg2 h5 41. e6 h4 42. e7 h3+ 43. Kh1 h2 44. Bxh2 Nf2+ 45. Kg2 Ba7 46. g4 Nxg4 47. Re5 Nxe5 48. Qxe5 Qc2+ 49. Kh3 Qh7+ 50. Kg3 Qd3+ 51. Kg4 Qd1+ 52. Kg5 Bd4 53. e8=Q Rxe8 54. Qxe8 Qc2 55. d6 Kh7 56. Be4+ 1-0

Maurice Ashley um N1 Reykjavíkurskákmótið

Maurice Ashley fjallaði um N1 Reykjavíkurskákmótið í nýlegum útvarpsþætti á Playchess. Umfjöllun um þá má lesa á Chessbase.

Þar fer hann fögrum orðum um N1 Reykjavíurskákmótið og er hægt að hlusta á hljóðbút sem fylgir með sem viðhengi.

 

Skrár tengdar þessari bloggfærslu:

• Maurice Ashley fjallar um N1 Reykjavíkurskákmótið

Jólamót kvöldsins: TR, Gallerý Skák og SA

Skákþyrstir geta fengið útrás í kvöld. TR er með sitt árlega jólahraðskákmót, JólaStuðMót verður í Gallerý Skák og Akureyringar verða með hina árlegu hverfakeppni félagsins.

Á Jólahraðskákmóti TR hefst taflmennskan kl. 19:30.Tefldar verða 2x7 umferðir með 5 mínútna umhugsunartíma. 

Hjá Gallerý Skák fer fram JólasStuðMót. Mótið hefst kl. 18. Þar eru tefldar 11 umferðir með 10 mínútna umhugsunartíma.

Hverfakeppni SA hefst kl. 20. Það er sveitakeppni á milli bæjarhluta höfuðstaðs Norðurlands.

Yfirlit jólamóta:

• 27. desember - Jólahraðskákmót TR
• 27. desember - JólaStuðMót Gallerý Skákar 
• 27. desember - Hverfakeppni SA
• 28. desember - Jólabikarmót Hellis
• 28. desember - Jólamót Víkingaklúbbsins
• 28. desember - Hraðskákmót Goðans-Máta
• 29.-30. desember - Atskákmót Skákklúbbs Icelandair - sveitakeppni
• 30. desember - Íslandsmótið í netskák
• 30. desember - Jólahraðskákkmót SA
• 1. janúar - Nýársmót SA

 

Riddarinn - Jólaskákmótið 2012

Hvað sem öllu jólavafstri leið lét brattur hópur (h)eldri borgara það ekki aftra sér frá að etja kappi eina ferðina enn og taka þátt í Jólapakkamóti Riddarans, sem fram fór með glæsibrag í höfuðstöðvum klúbbsins og AAA samtakanna að Strandbergi í Hafnarfirði  fyrir viku síðan. (17. Des). 

Það fer vel á því að þessir tveir hópar - virkra skákmanna annars vegar og hins vegar óvirkra alkóhólista - deili með sér salarkynnum í Vonarhöfn,  sem ber á vissan hátt táknrænt heiti sniðið að  þeirra þörfum og háleitum markmiðum.   Báðir hópar eiga þá einlægu von í brjósti  að bera sigur úr bítum við „dragbíta" sína og kvilla.  Þó hinni fyrri sé í raun ólæknandi og góðkynja skákdella er sá síðari öllu verri viðureignar, þar sem baráttan snýst stöðugt um það að halda sér þurrum og  sífellt er verið að  kljást við sama óvininn Bakkus hinn blauta. Það er mun betra að falla á tíma en að falla fyrir honum. 

Hvort sem menn mæta til tafls vegna tilfallandi skákóþols, krónískar skákáráttu eða bara til njóta augnabliksins að hætti upplifunarsamfélags nútímans eða einfaldlega til að leita sér hvíldar frá daglegu amstri má einu gilda.   Þó blundar eflaust í mörgum óseðjandi löngun til að bera sigurorð af sem flestum andstæðingum á sem stystum tíma sem er líka gott og blessað.  Góður árangur við taflborðið eflir sjálfstraustið og gerir ellina innihaldsríkari og meira spennandi fyrir suma.

Menn takast á við sinn öldrunarvanda með mismunandi hætti. Mikilvægt er að forðast félagslega einangrun og aðgerðaleysi. Þó sundið og golfið sé af hinu góða hreyfingarinnar vegna eru heilabrot ekki síður mikilvæg heilsurækt fyrir hugann og höfuðið sem allt annað fellur og stendur með ef menn vilja á annað borð njóta lífsins fram eftir ævi, þar til hvers vitjunartími kemur.

Það var ekki laust við að minningin um miskumsama Samverjan hafi gert vart við sig á staðnum. Aldrei þessu vant voru menn ekki eins harðir á því að snertir menn væru færðir eins og jafnan þegar harkan ein ræður ríkjum. Ekki var heldur alveg laust við að menn væru sáttfúsari en vanalega sem lýsti sér í óvenju mörgum jafnteflum. Svo var mótið líka óvenju jafnt að þessu sinni.  Úrslitin réðust ekki fyrr en í lokaumferðinni og þá á stigum. Þrír fræknir kappar urðu efstir og jafnir með 8.5 vinning af 11 mögulegum.  Þetta voru þeir Þór Valtýsson, Sigurður A. Herlufsen og Friðgeir K. Hólm, allt valinkunnir meistarar, sem vart mega vamm sitt vita. Miklir keppnismenn allir saman og drengir góðir og voru þeir leystir út með verðlaunum. Aðrir fengu jólapakka skv. happa og glappa aðferðinni.

Þó aðalverðlaun féllu vissulega í verðugar hendur má segja  að næstu fimm keppendur hefðu líka átt það skilið  að komast á pall.  Sérstaklega „Gussi" eða Guðfinnur R. Kjartansson, fullu nafni, sem lætur jafnan gamminn geysa og  „sem gefur hvorki grið né frið en geysist fram og heggur lið" eins og segir í frægri drápu um hann eftir Matthías Kristinsson, félaga hans að vestan. Guðfinni var sérstaklega þakkað í byrjun móts fyrir farsæla skákstjórn hans  í klúbbnum á annan áratug, fyrst handknúna en síðan með hjálp fartölvu og Sviss Perfect mörg hin síðari árin. Honum var jafnframt hótað meiri heiðri af því tilefni síðar, sem hann meðtók af stakri stillingu.

Nánari úrslit skv. meðf. mótstöflu og vettvangsmyndir má sjá í myndasafni. Vegna landlægra hátíðarhalda falla tveir skákfundir niður og  því verður næsta mót Riddarans ekki haldið fyrr en miðvikudaginn 9. janúar 2013. Vonandi reynist ártalið þrettán skákmönnum happatala. 

 

 

ESE- skákþankar 26.12.2012

Skrár tengdar þessari bloggfærslu:

• Drápa um GRK