Vignir Vatnar og Óskar Víkingur efstir á vel sóttu páskaeggjamóti Hellis

Það voru 46 keppendur sem mættu til leiks og tefldu 7 umferðir með 7 mínútna umhugsunartíma í tveimur flokkum á Páskaeggjamóti Hellis sem fram fór 25. mars sl. Vignir Vatnar Stefánsson sigraði í eldri flokki með 6 vinninga Hann gerði jafntefli við Nansý Davíðsdóttur í 3. umferð og tryggði sér svo sigurinn með jafntefli við Símon Þórhallsson í lokaumferðinni.

Næst komu Nansý Davíðsdóttir og Dawid Kolka með 5,5v en Nansý var hærri á stigum. Í yngri flokki sigraði Óskar Víkingur Davíðsson með 6,5 vinning og leyfði bara jafntefli í skákinni við Axel Óla Sigurjónsson. Annar var Joshua Davíðsson með 6v og  þar á eftir komu Bjarki Arnaldarson, Axel Óli Sigurjónsson og Tinni Teitsson með 5 vinninga en Bjarki var hæstur á stigum.

Eftirtaldir hlutu verðlaun á páskaeggjamótinu:

Eldri flokkur:

1.  Vignir Vatnar Stefánsson               6v

2.  Nansý Davíðsdóttir                        5,5v

3.  Dawid Kolka                                    5,5v

 

 

Yngri flokkur

1.  Óskar Víkingur Davíðsson            6,5v

2.  Joshua Davíðsson                        6v

3.  Bjarki Arnaldarson                          5v

 

 

Stúlkur: Vigdís Lilja Kristjánsdóttir

Árgangur 2007: Adam Omarsson

Árgangur 2006: Stefán Orri Davíðsson

Árgangur 2005: Róbert Lu

Árgangur 2004: Þorsteinn Emil Jónsson

Árgangur 2003: Mikhael Kravchuk, Axel Óli Sigurjónsson

Árgangur 2002: Kristófer Halldór Kjartansson

Árgangur 2001: Heimir Páll Ragnarsson

Árgangur 2000: Birgir Ívarsson

Árgangur 1999: Símon Þórhallsson

Í lokin voru svo dregin út átta páskaegg og féllu sjö þeirra í hlut yngri hópsins og eitt fór í þann eldri þótt dregið væri úr öllum hópnum í einu.

Næsta æfing verður haldin mánudaginn 8. apríl og hefst kl. 17:15, en hún verður einungis fyrir félagsmenn í Taflfélaginu Helli þar sem unnið verður í verkefnahópum að ólíkum æfingum ásamt því að tefla. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Lokastaðan á páskaeggjamótinu:

Eldri flokkur:

 Röð      Nafn                                                    Vinningar      M-Buch.   Buch.    Progr.

  1   Vignir Vatnar Stefánsson,        6        23.0  31.0   25.0

 2-3  Nansý Davíðsdóttir,              5.5      21.0  30.5   22.5

      Dawid Kolka,                     5.5      20.5  27.5   23.0

  4   Símon Þórhallsson,               5        23.0  32.5   22.5

  5   Mikhael Kravchuk,                4.5      23.0  31.0   19.0

6-11  Gauti Páll Jónsson,              4        21.0  28.5   17.0

      Heimir Páll Ragnarsson,          4        19.0  26.5   16.0

      Jason Andri Gíslason,            4        18.0  25.5   17.0

      Felix Steinþórsson,              4        17.5  25.5   16.0

      Alec Elías Sigurðarson,          4        16.5  24.5   19.0

      Birgir Ívarsson,                 4        16.0  23.0   12.0

12-13 Þorsteinn Magnússon,             3.5      19.5  27.0   16.0

      Kristófer Halldór Kjartansson,   3.5      13.0  19.5   12.0

14-15 Sigurður Kjartansson,            3        17.5  25.0   14.0

      Helgi Svanberg Jónsson,          3        17.5  22.5   12.0

 16   Guðmundur Agnar Bragason,        2.5      15.5  22.5    9.0

17-21 Burkni Björnsson,                2        16.5  22.5    7.0

      Björn Ingi Helgason,             2        13.5  19.5    9.0

      Róbert Orri Árnason,             2        13.0  18.0    9.0

      Kolbeinn Ólafsson,               2        13.0  18.0    5.0

      Gabríel Máni Ómarsson,           2        12.5  18.0    3.0

 22   Baldur Einarsson,                1        13.0  20.5    3.0

 

Yngri flokkur:

Röð       Nafn                                                      Vinningar     M-Buch.  Buch.    Progr.

  1   Óskar Víkingur Davíðsson,        6.5      22.0  30.0   26.0

  2   Joshua Davíðsson,                6        22.0  30.5   22.0

 3-5  Bjarki Arnaldarson,              5        23.5  33.0   24.0

      Axel Óli Sigurjónsson,           5        22.5  32.5   22.5

      Tinni Teitsson,                  5        18.5  26.5   20.0

 6-7  Stefán Orri Davíðsson,           4.5      19.5  28.5   20.5

      Egill Úlfarsson,                 4.5      14.5  19.5   15.5

8-12  Sævar Halldórsson,               4        21.5  31.5   19.0

      Þorsteinn Emil Jónsson,          4        20.0  27.0   18.0

      Sindri Snær Kristófersson,       4        19.0  27.5   18.0

      Halldór Atli Kristjánsson,       4        18.0  24.5   16.0

      Ívar Andri Hannesson,            4        17.0  23.0   14.0

13-14 Pétur Ari Pétursson,             3.5      16.0  21.0   13.5

      Róbert Lu,                       3.5      14.5  22.5   12.5

15-18 Bjartur Máni Sigmundsson,        3        20.5  28.5   15.0

      Jón Hreiðar Rúnarsson,           3        17.0  23.0   14.0

      Brynjar Haraldsson,              3        15.5  20.0   11.0

      Þórður Hólm Hálfdánarson,        3        13.0  17.5   10.0

 19   Gunnar Hrafn Kristjánsson,       2.5      14.5  19.5    7.5

20-22 Ingibert Snær Erlingsson,        2        17.5  24.5    8.0

      Adam Omarsson,                   2        15.5  22.5    6.0

      Ingólfur Breki Arnaldsson,       2        13.0  19.5    5.0

 23   Arnar Jónsson,                   1        16.5  21.0    5.0

 24   Vigdís Lilja Kristjánsdóttir,    0        14.0  19.0    0.0

 Hér má sjá myndaalbúm frá mótinu.

Björgvin Smári sigraði á Páskamóti SSON

Björgvin Smári Guðmundsson hafði sigur á geysiskemmtilegu og spennandi Páskamóti SSON.  Teflt var skv. stigakerfi formanns þar sem menn fá þeim mun fleiri stig fyrir sigur í skák sem tíminn sem þeir nota er minni.

Tveir nýliðar mættu á sitt fyrsta skákmót í háa herrans tíð, sem kom vel á vondan þar sem óvenjumargir fastagestir komust ekki til leiks.  Taktík manna var misjöfn eins og gengur, nýliðarnir notuðu yfirleitt 5 mín á meðan reyndari skákmenn notuðu 1 eða 2 gegn þeim, og varð hált á, stundum.

Skemmtilegt mót sem nú var haldið í annað sinn og vonandi að þar með sé það orðið að árvissum viðburði.  Allir keppendur fengu unaðsgóð páskaegg í verðlaun, Björgvin hið stærsta eins og gefur að skilja.

Lokastaðan:

1. Björgvin Smári 62 stig
2. Páll Leó              56 stig
3. Magnús M           56 stig
4. Ingvar Örn         40 stig
5. Grantas              27 stig
6. Þorsteinn            17 stig
7. Þröstur Á            12 stig

Heimasíða SSON

Carlsen með hálfs vinnings forskot á Kramnik

Magnus Carlsen (2872) gerði jafntefli við Grischuk (2764) í elleftu umferð áskorendamótsins í London sem fram fór í dag. Kramnik (2810) er kominn á mikinn skrið en hann lagði Radjabov (2793) í dag og er nú aðeins hálfum vinningi á eftir Norðmanninum. Aronian (2809) hafa hins vegar verið mislagðar hendur í síðustu umferðum og tapaði fyrir Svidler (2747). Carlsen er efstur með 7½ vinning, Kramnik annar með 7 vinninga og Aronian þriðji með 6½ vinning.

Í tólftu umferð, sem fram fer á morgun, mætast meðal annars Carlsen og Ivanchuk sem og Aronian og Kramnik.

Úrslit 11. umferðar:

• Grischuk - Carlsen ½-½
• Kramnik - Radjabov 1-0
• Svidler - Aronian 1-0
• Ivanchuk - Gelfand ½-½

Staðan:

• 1. Carlsen (2872) 7½ v.
• 2. Kramnik (2810) 7 v
• 3. Aronian (2809) 6½ v.
• 4. Svidler (2747) 5½ v.
• 5.-6. Grischuk (2764) og Gelfand (2740) 5 v.
• 7. Ivanchuk (2757) 4 v.
• 8. Radjbov (2793) 3½ v.

Tenglar:

• Heimasíða mótsins
• Chessbomb (beinar útsendingar með tölvuskýringum)

Hallgerður sigraði á atkvöldi

Hallgerður Helga Þorsteinsdóttir og Gunnar Björnsson voru efst og jöfn með 5 vinninga í sex skákum á atkvöldi Hellis sem fram fór 25. mars sl. Eftir stigaútreikning var Hallgerður úrskurðuð sigurvegari og Gunnar hlaut annað sætið. Hallgerður vann Gunnar í viðureign efstu manna í fjórðu umferð og tryggði sér svo sigurinn með því að gera jafntefli í tveimur síðustu umferðunum við Vigfús og Símon á sama tíma og önnur úrslit voru henni hagstæð til stigaútreiknings.

Næstir komu Símon Þórhallsson, Sverrir Sigurðarson og Eiríkur K. Björnsson með 4 vinninga en Símon var þeirra hæstur á stigum og hlaut því þriðja sætið.

Nú verður gert hlé á skákkvöldum í Hellisheimilinu fram yfir kosningar. Næst verður því hraðkvöld mánudaginn 29. apríl kl. 20.

Lokastaðan á atkvöldinu:

 Röð   Nafn                             Vinningar   M-Buch. Buch. Progr.

 1-2  Hallgerður Helga Þorsteinsdóttir,     5        15.0  23.0   19.5
      Gunnar Björnsson,                     5        13.5  20.5   18.0
 3-5  Símon Þórhallsson,                    4        14.0  21.0   13.5
      Sverrir Sigurðarson,                  4        13.0  20.5   13.0
      Eiríkur K. Björnsson,                 4        12.5  19.5   14.0
 6-7  Vigfús Ó. Vigfússon,                  3.5      15.5  21.0   15.0
      Elsa María Kristínardóttir,           3.5      13.5  20.5   13.0
 8-9  Björgvin Kristbergsson,               3        12.5  18.0    8.0
      Gunnar Nikulásson,                    3        11.5  17.0    9.0
10-13 Jón Úlfljótsson,                      2.5      12.5  19.0   10.0
      Finnur Kr. Finnsson,                  2.5      11.0  17.0    8.5
      Gauti Páll Jónsson,                   2.5      11.0  16.5    9.5
      Óskar Víkingur Davíðsson,             2.5      10.5  15.0    5.0
 14   Pétur Jóhannesson,                    2        10.0  13.5    6.0
 15   Stefán Orri Davíðsson,                1        10.5  15.5    6.0

Carlsen efstur eftir sigur á Gelfand - Aronian og Kramnik unnu líka

Efstu menn á áskorendamótinu í London unnu allir í tíundu umferð sem fram fór í dag. Carlsen (2872) vann Gelfand (2740), Aronain (2809) lagði Ivanchuk (2757) þegar sá síðarnefndi féll á tíma og Kramnik hafði betur gegn Grischuk (2764). Carlsen hefur hálfan vinning á Aronian sem hefur svo hálfan vinning á Kramnik. Þessir þrír eru í sérflokki.

Í elleftu umferð sem fram fer á morgun teflir Carlsen við Grischuk, Aronian við Svidler og Kramnik við Radjabov.

 Úrslit 10. umferðar:

• Grischuk - Kramnik 0-1
• Aronian - Ivanchuk 1-0
• Carlsen - Gelfand 1-0
• Radjabov - Svidler ½-½

Staðan:

• 1. Carlsen (2872) 7 v.
• 2. Aronian (2809) 6½ v.
• 3. Kramnik (2810) 6 v.
• 4.-6. Gelfand (2740), Grischuk (2764) og Svidler 4½ v.
• 7.-8 Ivanchuk (2757) og Radjbov (2793) 3½ v.

Tenglar:

• Heimasíða mótsins
• Chessbomb (beinar útsendingar með tölvuskýringum)

Skákþing Norðlendinga fer fram á Sauðárkróki í apríl

Skákþing Norðlendinga verður haldið á Sauðárkróki helgina 19-21. apríl n.k.  Samkvæmt venju verða tefldar 7 umferðir. Fjórar atskákir með 25 mín. umhugsunartíma á föstudagskvöldi. Tvær umferðir með umhugsunartímanum 90 mín + 30 sek á leik og lokaumferðin á sunnudegi með sama umhugsunartíma. Á lokinni 7. umferð á sunnudeginum verður  haldið Hraðskákmót Norðlendinga. Kappskákirnar verða reiknaðar til alþjóðlegra stiga.

Mótsgjöld eru kr. 2.000 en ekkert kostar að taka þátt í hraðskákmótinu. Innifalið í verði er kaffi og meðlæti á stundum.

Skráning fer fram í netfanginu: [e-mail] og er þar hægt að fá nánari upplýsingar um framkvæmd mótsins.

Frekari upplýsingar um mótið eru birtar á heimasíðu Skákfélags Sauðárkróks www.skakkrokur.blog.is

Skákþing Norðlendinga hefur verið haldið frá árinu 1935, en þá sigraði Sauðkrækingurinn Sveinn Þorvaldsson. Þingið hefur um langt skeið verið vel sótt af norðlenskum skákmönnum sem gestum þeirra.

Á Sauðárkróki búa um 2.600 manns og er staðurinn miðstöð verslunar og þjónustu í Skagafirði. Á staðnum eru þrír  skemmtistaðir, sem verða að venju með dagskrá þessa helgi þegar Skagfirðingar eru að undirbúa Sæluviku Skagfirðinga sem fram fer í lok apríl.

Heimasíða Skákfélags Sauðárkróks

Héðinn í öðru sæti í Dallas

Stórmeistarinn Héðinn Steingrímsson (2560) tók þátt í helgarskákmóti í Dallas sem fór 23. og 24. mars sl. Héðinn endaði í 2.-4. sæti með 4 vinninga af 5 mögulegum.

Héðinn vann meðal annars íranska stórmeistarann Elshan Moradiabadi (2565). Sigurvegari mótsins var úkraínski stórmeistarinn Yaroslav Zherebukh (2623) en hann hlaut 4½ vinning.

Heimasíða mótsins

 

 

Þór Valtýsson efstur í Ásgarði í gær

Tuttugu og fjórir skákmenn mættu til leiks í Ásgarði í gær. Tefldar voru tíu umferðir eins og við gerum alla þriðjudaga. Áður en byrjað var að tefla í dag þá minntumst við látins félaga Sveinbjörns Einarssonar kennara sem lést 22 mars sl. Sveinbjörn tefldi með skákfélagi eldri borgara um árabil. Hann var fæddur 24 apríl 1919 og var því tæplega 94 ára gamall þegar hann lést. Sveinbjörn tefldi síðast með okkur 2009 þá að verða 90 ára gamall. Við biðjum Guð að blessa minningu hans.

Þór Valtýsson varð Hrókur dagsins, hann fékk 8 vinninga af 10 mögulegum. Jafn honum  að vinningum varð Friðgeir Hólm en lægri á stigum. Jafnir í þriðja til fjórða sæti urðu svo Þorsteinn Guðlaugsson og Haraldur Axel með 7 vinninga, Þorsteinn hærri á stigum.

Skákstjórinn tryggði sér neðsta sætið aftur með einbeittri skákblindu.

Sjá meðfylgjandi töflu og myndir frá ESE

 

 

Opna Íslandsmótið í skák hefst 31. maí í Turninum í Borgartúni

Íslandsmótið í skák fer fram 31. maí - 8. júní nk. Mótið verður með óvenjulegu sniði núna enda á mótið 100 ára afmælií ár. Mótið nú verður galopið, bæði innlendum og erlendum keppendum í fyrsta skipti í 100 ára sögu þess. Allir tefla í sama flokki. Mótið verður jafnframt Íslandsmót kvenna.

Mótið fór fyrst fram árið 1913 og hét þá Skákþing Íslendinga allt til ársins 1952 en hefur heitið Skákþing Íslands síðan þótt það sé kallað Íslandsmótið í skák í daglegu tali.

Taflfélag Reykjavíkur hélt mótið allt fram til ársins 1926 en frá og með 1927 tók Skáksamband Íslands við mótinu og hefur haldið það síðan.

Húsakynni mótsins verða einnig óvenjuleg. Teflt verður á 20. hæðinni í Turninum í Borgatúni. Þaðan er gífurlegt útsýni, yfir alla Reykjavík og meira til. Aldrei áður hafa íslenskir skákmenn verið jafnhátt upp á Íslandsmóti!

Tefldar verða 10 umferðir. Umhugsunartími er 90 mínútur á skákina auk 30 mínútna eftir 40 leiki. Hálf mínúta í viðbótartíma eftir hvern einasta leik. Taflmennska hefst almennt kl. 17 en þó verða tefldar tvær umferðir laugardaginn 1. júní auk þess sem lokaumferðin. laugardaginn 8. júní, hefst fyrr.

Pétur Zóphaníasson varð fyrsti Íslandsmeistarinn í skák. Hannes Hlífar Stefánsson hefur unnið titilinn oftast en Þröstur Þórhallsson er núverandi Íslandsmeistari í skák.

Íslandsmót kvenna var fyrst haldið árið 1975. Fyrsti Íslandsmeistari kvenna varðGuðlaug Þorsteinsdóttir. Guðfríður Lilja Grétarsdóttir hefur oftast verið Íslandsmeistari kvenna en núverandi Íslandsmeistari er Lenka Ptácníková. 

Verðlaun verða glæsileg en heildarverðlaun nema um einni milljón króna.

Íslandsmeistarinn í skák fær einnig keppnisrétt á EM einstaklinga 2014 sem fram fer í Yerevan í Ameníu. Sá Íslendinga sem verður næstefstur fær keppnisrétt á Norðurlandamótinu í skák sem fram fer í Köge Kyst í Danmörku í haust.

Þátttökugjöld verða 10.000 kr. en 5.000 kr. fyrir 16 ára og yngri, aldraða (67+) og öryrkja.

Heimasíðu mótsins má finna hér. Skráning í mótið fer fram hér.

Af Riddurum reitaða borðsins

Vikulega allan ársins hring ganga Riddarar reitaða borðsins til altaris skákgyðjunnar Kaissu í Vonarhöfn hinum veglegu salarkynnum Hafnarfjarðarkirkju. Athöfnin fellst í því að etja kappi í manntafli - eins konar refskák þar sem enginn er annars bróðir í leik. Þar mætast oft stálin stinn með mjúkum silkihönskum og háttvísina í farteskinu.  Segja má að hér sé att  saman  vitsmuna- og reynslurökum því allt eru þetta aldurhnignir höfðingjar hoknir og hertir af reynslu langrar skákævi. Margir hverjir féllu fyrir skákgyðjunni á unga aldri og hafa því helgað henni og skáklistinni drjúgan hluta tómstunda sinna í áratugum saman fyrir utan félagsmálastörf í þágu skákhreyfingarinnar.

Allar geta unnið alla á góðum degi. Mögnuð barátta í hverri skák  Hér eru menn bæði keppendur og áhorfendur í senn því allir þyrpast saman til að sjá hvernig fer í síðustu skákinni í umferðinni eftir að hafa lokið sinni.  Það er oft ekkert síðra að fylgjast með öðrum snillingunum en að að tefla sjálfur.

Í leit að afþreyingu og spennu mæta margir þessara ástríðuskákmanna og spennufíkla einnig í Ásgarð daginn áður þar sem Æsir elda grátt silfur hver við annan. Að uppistöðu til er þetta sami hópurinn, Æsir annan daginn og Riddarar hinn.   Í ljósi þessa hefur orðið að samkomulagi milli manna að frumkvæði Ása og leggja af svokallaðan „Rammaslag" árlega sveitakeppni þessara skákklúbba eldri borgara, sem haldin hefur verið 12 sinnum á 20 borðum.  Kemur þar til að hóparnir eru nánir og hafa blandast vel. Að athuguðu máli fer því  illa á að velja keppendur til þátttöku eftir áætluðum styrkleika, kalla til menn utan úr bæ og skilja þá sem minna mega sín eftir útundan. Í þessa klúbba koma allir til að njóta en ekki til að hvekkja eða svekkja hvorki sjálfan sig né aðra  

Aldrei hefur þurft að fella niður skákfund í Riddaranum vegna veðurs utan hinn  6. mars sl. þegar  snjóbylinn mikla gerði svo allt varð kolófært. Bílar tepptir og í árekstrum út um allan bæ. En burt séð frá því hafa menn verið iðnir við kolann í allan vetur og margar skákperlur og skemmtilegar viðureignir litið dagsins ljós.  Verst að þær gleymast jafnóðum.

Sá sem einna mest hefur komið sjálfum sér og öðrum á óvart er hinn hægláti Eyjamaður og Gaflari Össur Kristinsson, efnaverkfræðingurinn eitursnjalli. Ekki aðeins gerði hann sér lítið fyrir og vann 4 móta kappteflið um SKÁKHÖRPUNA með sannfærandi hætti, heldur vann hann mót í báðum klúbbunum sitt hvorn daginn í sömu vikunni og 3 mót í röð. Svo vann hann líka mótið í síðustu viku. Yfirvegaður og traustur skákmaður þar á ferð sem lætur lítið yfir sér og ekki má vanmeta. 

Aðrir stoltir sigurvegarar eru svo þessir vanalegu banvænu og eitruðu meistarar Ingimar Halldórsson, Friðgeir K. Hólm,  Guðfinnur R. Kjartansson og Sigurður E. Kristjánsson, hinn drjúgi hótari. Jón Þ. Þór og Ingimar Jónsson eiga það til líka að verða efstir þegar þeir mega vera að því að mæta.  Aðrir eru sáttir við sitt. Skaði er að Sigurður A. Herlufsen hinn sigursæli hefur nú lagt skákhöndina á hilluna.

Sjá má nánari úrslit í mótum Riddarans undanfarið í meðf. myndasafni eða á www.riddarinn.net.

PÁSKAMÓT RIDDARANS verður haldið á morgun, miðvikudaginn 27. mars í Vonarhöfn, skáksalnum góða, þar sem vegleg Páskaegg verða til vinnings og vonar í happdrætti. Heitt á könnunni.

ESE- skákþankar 26.03.13