EM taflfélaga: Liðsstjórapistill nr. 5

Jafntefli gegn Sviss var niðurstaðan í gær og enn sátu okkar menn lengst allra við skákborðið - að þessu sinni Héðinn sem tefldi rúmlega 100 leikja skák og freistaði þess að vinna sína skák fram í rauðan dauðann en náði því ekki. Í dag mætum við Svartfellingum sem hafa staðið sig vel og eru stigahærri en við rétt eins og allar sveitirnar hingað til.

Hannes fékk gott tafl en lék ónákvæmt og fékk upp úr því erfitt tafl sem hann náði ekki að halda og tapaði fyrir fyrstu tímamörkin.

Henrik fékk fljótt betra tafl og vann öruggan sigur á andstæðingi sínum. Vel teflt hjá Henrik sem hefur teflt mjög vel á mótinu.

Stefán fékk heldur verra, var peði undir og í tímahraki. Strákurinn var hins vegar seigur og hélt jafntefli nokkuð örugglega. Í restina þegar sé austurríski hafði riddara og peð gegn biskupi Stefáns lék hann h7-h8 og vakti upp riddara við nokkra kátína þeirra sem horfðu. Stefán ákvað að drepa hann í stað þess að halda djókinu áfram og lék Bb2-a1!

Héðinn virtist hafa þrengra en staðan leyndi á sér og gaf Jenni peð (hér er bannað að koma með Tomma og Jenna brandara en Héðinn reyndi það og var sagt að þetta væri þreyttasti brandari í heimi, hafi verið algjörlega ofnotaður síðustu ár!). Héðinn hafði hrók og 4 gegn hróki og þremur peðum Jenna og síðar 3 gegn 2 og lokum eitt peð eftir. Sennilega er þetta unnið á einhverjum tímapunkti með bestu taflmennsku að mati Héðins en vinur Tomma (sorry ég bara varð ) var seigur, tefldi endataflið vel og hélt jafntefli.

Í dag mætum við Svartfellingum eins og áður hefur komið fram. Þetta mun vera í fyrsta skipti sem þeir tefla sem sjálfstæð þjóð og byrjuðu vel með 3,5-0,5 á Pólverjum, en töpuðu svo naumt fyrir Ísraelum og stórt fyrir Búlgörum og gerði svo jafntefli við Ítalíu í síðustu umferð.

Enn ein 50-50 viðureignin hjá okkur og vonandi fellur lukkan nú með okkur. Hannes hafði svart og tefldur spænskur leikur, Héðinn hafði hvítt og tefld var drottningarvörn, Henrik hafði svart og tefld var drottningarindversk vörn og Þröstur hafði hvítt og þar var tefld frönsk vörn.

Ivan Sokolov kom loks í gærkveldi og í góðum gír þegar ég og Þröstur hittum hann í morgun. „Your opponent is very solid player. It will by draw. Don´t spend your time analyzing, it will end by draw anyway". Kemur í ljós hvort spá Ivans gangi eftir.

Aserar og Rússar eru efstir en báðar þjóðirnar hafa unnið allar sínar viðureignir og mætast í 5. umferð.

Danirnir halda áfram að gera góðu hluti og gerðu 2-2 jafntefli við Armena í gær og eru í 12. sæti, Svíar eru einnig að gera ágætis hluti og gerðu jafntefli við Englendinga og eru fimmtándu. Norðmenn lágu fyrir Frökkum þar sem „börnin" Carlsen og Hammer á 1. og 4. borði gerðu jafntefli. Hammer-inn er einn þriggja keppenda á mótinu sem hafa 3,5 vinning. Norðmenn eru í 19. sæti. Íslendingar eru í 29. sæti og Finnarnir í því þrítugasta. Athyglisvert er að allar norðurlandasveitirnar standa betur en stigatala þeirra fyrir mótið gefur til kynna. Færeyingar eru ekki með.

Staða Norðurlandanna:

Þjóð	Sæti	Stigaröð	Stig	Vinn
Danmörk	12.	20.	5	9,5
Svíþjóð	15.	21.	5	8
Noregur	19.	27.	4	9
Ísland	29.	31.	3	7
Finnland	30.	34.	3	6,5

Annars er nokkuð sérstakt veður hérna. Hlýtt en nánast sólarlaust alla daga. Ég mun því koma jafnhvítur til baka með sama áframhaldi! Ég lét mig loks hafa það að fara í sjóinn í dag og fannst mér hann ískaldur og fannst Agrest ég var algjör kveif og hristi hausinn yfir þessum auma Íslendingi. Veit hann ekki hvað ég er ötull? .

Engar myndir í dag þar sem liðsstjórinn klikkaði á að hlaða myndavélina. Ótrúlegur klaufaskapur og mætti halda að liðsstjórinn sé heimskari en skólakrakki.

Á morgun er frídagur. Í kvöld ætlar liðið að gera sér glaðan dag og fara á veitingarhús í borginni. Pistill morgundagsins mun koma einhvern tíma eftir hádegið.

Hvet menn til að fylgjast með Horninu í dag þar sem ég mun reglulega koma boðum um gang mála til Björns Þorfinnssonar í gegnum SMS. Ágætis skákskýringar þar á köflum þótt sum skeytin og sumar skýringarnar séu „veruleikafirrtar".

Nóg í bili, meira á morgun.

Krítarkveðja,
Gunnar

• Heimasíða mótsins
• Chess-Results
• Færslur Skák.is um EM
• Skákhornið (reglulegar skákmolar frá skákstað)

EM landsliða: Svartfjallaland í dag

Fimmta umferð Evrópumóts landsliða fer fram í dag og þá mætir íslenska liðið sterku liði Svartfellinga sem hafa komið á óvart með góðri frammistöðu og eru heldur sterkar á pappírnum en íslenska liðin eins og allir andstæðingar þess hingað til.  Stefán Kristjánsson hvílir og kemur Þröstur Þórhallsson inn fyrir hann.    Síðar í dag kemur svo pistill liðsstjóra hér á Skák.is.

 

 

 

Bo.	30	MONTENEGRO (MNE)	Rtg	-	31	ICELAND (ISL)	Rtg	0 : 0
16.1	GM	Djukic Nikola	2528	-	GM	Stefansson Hannes	2574
16.2	GM	Ivanovic Bozidar	2434	-	IM	Steingrimsson Hedinn	2533
16.3	GM	Drasko Milan	2557	-	GM	Danielsen Henrik	2491
16.4	GM	Kosic Dragan	2482	-	GM	Thorhallsson Throstur	2448

• Heimasíða mótsins
• Chess-Results
• Færslur Skák.is um EM
  
• Skákhornið (reglulegar skákmolar frá skákstað)
  

Sigur-Björn Þorfinnsson með 2 vinninga forskot á MP-mótinu

Björn Þorfinnsson er efstur í a-flokki MP mótsins - Haustmóts TR 2007 eftir fallegan sigur á Guðna Stefáni Péturssyni í 5. umferð, sem fram fór í gær, miðvikudagskvöld. Björn tefldi glæsilega í gær, blés til sóknar að venju með glannalegum hætti en uppskar skemmtilega sóknarstöðu og klykkti út  með glæsilegri hróksfórn, sem tætti í sundur kóngsstöðu Guðna.  Atli Freyr Kristjánsson hefur tekið örugga forystu í b-flokk eftir sigur á Þóri Benediktssyni í 5. umferð.

 

 

A-flokkur:

Úrslit 5. umferðar:

Einni skák var frestað í 5. umferð, skák Davíðs Kjartanssonar og Sverris Arnar Björnssonar

Loftsson Hrafn	1 - 0		Baldursson Hrannar
Ragnarsson Johann	1 - 0		Bergsson Stefan
Bjornsson Sigurbjorn	½ - ½		Misiuga Andrzej
Kjartansson David			Bjornsson Sverrir Orn
Thorfinnsson Bjorn	1 - 0		Petursson Gudni

Staðan í A-flokki:

 

Rk.		Name	FED	Rtg	Club/City	Pts.
1	FM	Thorfinnsson Bjorn	ISL	2323	Hellir	5,0
2		Ragnarsson Johann	ISL	2039	TG	3,0
3		Loftsson Hrafn	ISL	2250	TR	3,0
4		Bjornsson Sverrir Orn	ISL	2107	Haukar	2,0
5		Misiuga Andrzej	POL	2161	TR	2,0
		Bergsson Stefan	ISL	2112	SA	2,0
7	FM	Bjornsson Sigurbjorn	ISL	2290	Hellir	2,0
8		Petursson Gudni	ISL	2145	TR	1,5
9	FM	Kjartansson David	ISL	2360	Fjolnir	1,5
10		Baldursson Hrannar	ISL	2120	KR	1,0

B-flokkur:

Úrslit 5. umferðar:

 

Name	Rtg	Pts.	Result	Pts.	Name	Rtg
Kristjansson Atli Freyr	1990	3½	1 - 0	3	Benediktsson Thorir	1845
Jonsson Olafur Gisli	1795	3	½ - ½	3	Palsson Svanberg Mar	1715
Brynjarsson Helgi	1830	2½	½ - ½	2½	Gardarsson Hordur	1855
Benediktsson Frimann	1795	2½	0 - 1	2½	Eliasson Kristjan Orn	1825
Oskarsson Aron Ingi	1755	2½	1 - 0	2½	Kristinsson Bjarni Jens	1685
Fridgeirsson Dagur Andri	1650	2	1 - 0	2	Thorsteinsson Hilmar	1780
Leifsson Thorsteinn	1650	2	0 - 1	2	Fridthjofsdottir Sigurl  Regin	1690
Eiríksson Víkingur Fjalar	1595	2	½ - ½	1½	Jensson Johannes	1515
Kjartansson Dagur	1225	1	1 - 0	1	Brynjarsson Alexander Mar	1380
Johannesson Petur	1110	1	0 - 1	1	Sigurdsson Birkir Karl	1225
Johannsson Orn Leo	1445	1	1		bye

Staðan:

 

Rk.	Name	Rtg	Club/City	Pts.
1	Kristjansson Atli Freyr	1990	Hellir	4,5
2	Eliasson Kristjan Orn	1825	TR	3,5
3	Jonsson Olafur Gisli	1795	KR	3,5
4	Palsson Svanberg Mar	1715	TG	3,5
5	Oskarsson Aron Ingi	1755	TR	3,5
6	Benediktsson Thorir	1845	TR	3,0
7	Gardarsson Hordur	1855	TR	3,0
8	Brynjarsson Helgi	1830	Hellir	3,0
9	Fridthjofsdottir Sigurl  Regin	1690	TR	3,0
10	Fridgeirsson Dagur Andri	1650	Fjolnir	3,0
11	Benediktsson Frimann	1795	TR	2,5
	Kristinsson Bjarni Jens	1685	Hellir	2,5
13	Eiríksson Víkingur Fjalar	1595	TR	2,5
14	Johannsson Orn Leo	1445	TR	2,0
15	Leifsson Thorsteinn	1650	TR	2,0
16	Sigurdsson Birkir Karl	1225	Hellir	2,0
17	Thorsteinsson Hilmar	1780	Hellir	2,0
18	Kjartansson Dagur	1225	Hellir	2,0
19	Jensson Johannes	1515	Hreyfill	2,0
20	Johannesson Petur	1110	TR	1,0
21	Brynjarsson Alexander Mar	1380	TR	1,0

Röðun 6. umferðar (föstudagskvöld):

 

Name	Rtg	Pts.	Result	Pts.	Name
Palsson Svanberg Mar	1715	3½		4½	Kristjansson Atli Freyr
Eliasson Kristjan Orn	1825	3½		3½	Jonsson Olafur Gisli
Fridthjofsdottir Sigurl  Regin	1690	3		3½	Oskarsson Aron Ingi
Gardarsson Hordur	1855	3		3	Fridgeirsson Dagur Andri
Benediktsson Thorir	1845	3		3	Brynjarsson Helgi
Eiríksson Víkingur Fjalar	1595	2½		2½	Benediktsson Frimann
Thorsteinsson Hilmar	1780	2		2½	Kristinsson Bjarni Jens
Jensson Johannes	1515	2		2	Kjartansson Dagur
Sigurdsson Birkir Karl	1225	2		2	Johannsson Orn Leo
Brynjarsson Alexander Mar	1380	1		1	Johannesson Petur
Leifsson Thorsteinn	1650	2			bye

• Heimasíða mótsins
• Chess-Results
• Færslur Skák.is um Haustmót TR

 

EM landsliða: Ísland - Sviss 2-2

Fjórða umferð á Evrópumóti landsliða var tefld í dag og mætti íslenska liðið því svissneska. Fyrstu skákinni lauk með sigri Svisslendinga, en það var Yannick Pelletier (2.609) sem lagði Hannes Hlífar. Henrik Danielsen var snöggur að svara fyrir íslenska liðið. Hann leyfði Svisslendingum að njóta forystunnar í eitt augnablik áður en hann lagði Claude Landenbergue (2.352) að velli. Þriðju skákinni, milli þeirra Stefáns Kristjánssonar og Roland Ekström lauk með jafntefli og staðan því enn jöfn. Þegar hér var komið sögu var öllum skákum umferðarinnar lokið, nema skák Héðins Steingrímssonar gegn Florian Jenni (2.511) sem sátu einir að tafli í keppnissalnum. Héðinn reyndi að vinna hróksendatafl þar sem hann hafði þrjú peð gegn tveimur peðum andstæðingsins. Staðan var jafnteflisleg að mati þeirra Hannesar og Þrastar og að lokum varð raunin sú að samið var um jafntefli. Úrslitin urðu því 2-2

	SM	Hannes H. Stefánsson	2574	-	SM	Yannick Pelletier	2609	0-1
	AM	Héðinn Steingrímsson	2533	-	SM	Florian Jenni	2511	1/2
	SM	Henrik Danielsen	2491	-	AM	Claude Landenbergue	2452	1-0
	AM	Stefán Kristjánsson	2458	-	AM	Roland Ekström	2478	1/2

 

• Heimasíða mótsins
• Chess-Results
• Færslur Skák.is um EM 

EM taflfélaga: Liðsstjórapistill nr. 4

Það var heldur súrt að tapa fyrir Norsurum í 3. umferð í gær. Lengi vel leit þetta illa út en heldur hjarnaði yfir skákunum en á síðustu stundu þegar stefndi í 2-2 rétt misstum við af jafntefli og tap með minnsta mun staðreynd. Í dag mætum við Sviss sem er heldur sterkari en við á pappírnum. Henrik kemur inn fyrir Þröst sem hvílir.

Skák Hannesar og Carlsens var fyrst til að klárst. Fyrst hélt ég og fleiri að Hannes hefði platað undradrenginn en þegar betur var skoðað var það ekki svo heldur hafði sá norski séð lengra og Bxd4 vinnur á mjög fallegan hátt eins og örugglega einhver á eftir á sýna á horninu.

Eftir tap Hannesar leist mér ekkert á blikuna. Héðinn hafði teflt rúlluskautavaríant þar sem hann vann mann fyrir þrjú peð og staðan þar mjög óljós. Stefán tefldi nánast á viðbótartíma strax eftir 20 leiki og Þröstur virtist í beyglu.

Fyrst að skák Héðins. Hún var alltaf flókin en á ákveðnum punkti missti hann af vænlegu framhaldi og skákin fór í þráskák. Héðinn hefði getað forðast hana en mat stöðuna þannig að það væri of „shaky" og mögulega taphætta á ferðinni. Skynsamleg ákvörðun.

Stefán telfdi vel og ýtti andstæðing sínum smásaman út af borðinu. Góð skák hjá Stefáni sem hefur teflt feiknavel.

Mesta fjörið var hjá Þresti. Hann lenti í beyglu en náði að trikka andstæðing sinn og varð peði yfir. Þrátt fyrir það voru sénsarnir sennilega betri hjá hinum unga Jon Ludwig Hammer. Þröstur lék af sér og eftir það þurfti hann að tefla nákvæmt til að halda á jafntefli en á mikilvægu augnabliki eftir rúmlega 100 leiki lék hann illa af sér og Norðmennirnir unnu sigur á borðinu og viðureigninni. Súrt í broti en þetta var síðasta skákin til að klárast í umferðinni og greinilegt að það hlakkar í þeim miðað við fréttaskrif Ketils. Menn verða bæði að kunna að vinna og tapa en Norðmennirnir virðast eiga erfitt með fyrrnefnda.

Í dag mætum við Svisslendingum en þeir eru 27. stigahæsta sveitin eða fjórum sætum fyrir ofan okkur. Rétt eins og viðureignin gegn Norðmönnunum er þetta 50-50 viðureign. Enginn Korchnoi er með núna.

Bo.	31	ICELAND (ISL)	Rtg	-	28	SWITZERLAND (SUI)	Rtg
15.1	GM	Stefansson Hannes	2574	-	GM	Pelletier Yannick	2609
15.2	IM	Steingrimsson Hedinn	2533	-	GM	Jenni Florian	2511
15.3	GM	Danielsen Henrik	2491	-	IM	Landenbergue Claude	2452
15.4	IM	Kristjansson Stefan	2458	-	IM	Ekstroem Roland	2478

Þegar þetta er ritað er viðureignin rétt hafin og allt í járnum. Hannes er með hvítt og tefld er drottningarindversk vörn. Héðinn teflir Najdorf-varíantinn, Henrik tefldi 1. e4 enn og ný og skákaði á b5 í þriðja leik gegn Sikileyjarvörn. Stefán fékk á Björnowski, þ.e. Bg5 í öðrum leik. Lítið er enn að segja um stöðurnar.

Slóvenar eru efstir og verður það teljast óvænt. Þeir mæta Rússum í dag og líklegt að þeir færist niður. Danirnir eru seigir og töpuðu með minnsta mun fyrir Aserum.

Í gær þegar nánast allar skákirnar voru búnar heyrðist símhringing í salnum. Sá sem hafði símann er einn af varaforsetum FIDE, Makrapolis og hirti ekki um að vera kominn úr salnum þegar hann svaraði og talaði svo hátt og skýrt í símann svo það fór ekki fram hjá neinum sem hlustaði. Spurning hvort ætti að kenna FIDE-gaurnum FIDE-reglurnar?

Af liðinu er annars allt gott að frétta. Menn sprækir og hressir og ákafir að snúa við við blaðinu Við erum töluvert spurðir um Reykjavíkurmótið og t.d. hefur Georgíumaðurinn (Gogginn) Baadur Jobava lýst áhuga sínum að koma hingað.

Topalov og hinn frægi umboðsmaður hans Danilov eru hérna. Topalov mætir alltaf til leiks eins og „bankamaður", í óaðfinnanlegum jakkafötum og með bindi en flestir eru frjálslega klæddir við skákborðið.

Í gær setti ég inn fullt af myndum loksins og má skoða þær undir „myndaalbúm" ofarlega til vinstri.

Í gær talaði ég um hlutverk liðsstjóra. Þar gleymdi ég að tala um lykilhlutverkið en það er að færa skákmönnum kaffi sem það vilja. Enginn getur talið sem sig alvöru liðsstjóra fyrr en hann hefur lært hvaða kaffi á að færa hverjum og á hvaða tíma

Í dag var hálfgert haustveður hérna. Hávaðarok og laufblauð að fjúka. Helsti munurinn gagnvart Íslandi var þó að hitinn er í kringum 25 gráður. Ég tók hinn daglega göngutúr eftir hádegið. Greinilegt að það er komið „off season". Margar búðir búnar að loka. Eftirtektarverð að engir svona alþjóðlegir veitingarstaðir eins og McDonalds eru sjáanlegir. Grikkirnir eru mikið á mótorhjólum og stundum hrekkur maður í kút þegar þeir bruna fram hjá manni en gangstéttirnar eru stundum ekki staðar hér.

Í kringum borðin eru bönd eins og gengur og gerist. Þau eru hins vegar í mjórra lagi og hef ég labbað á þau og datt nánast um kol. Bíð eftir því að einhver detti með látum. Á örugglega eftir að gerast.

Best að fara upp að kíkja á strákana. Ég er ekki mikið nettengdur á meðan teflt er en mun reglulega koma SMS-um til Björns Þorfinnssonar sem mun koma fersku efni á hornið. Menn verða að virða það við liðsstjóra að e.t.v. er ekki stöðumatið alltaf fullkomið þrátt fyrir 2852 stiga frammistöðu í fyrri hluta Íslandsmóts skákfélaga!

Nóg í bili, meira á morgun.

Krítarkveðja,
Gunnar

 

Skákþing Íslands 2007 – 15 ára og yngri

Keppni á Skákþingi Íslands 2007 – 15 ára og yngri (fædd 1992 og síðar) verður dagana 3. og 4. nóvember nk. Tefldar verða 9 umferðir eftir monrad kerfi og er umhugsunartími 25 mín. á skák fyrir keppanda.

Umferðataflan er þannig:

• Laugardagur 3. nóvember kl. 13.00 – 18.00 1., 2., 3., 4. og 5. umferð
• Sunnudagur 4. nóvember kl. 12.00 – 16.00 6., 7., 8. og 9. umferð.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin – auk bikara fyrir Drengjameistara Íslands og Telpnameistara Íslands.

Skákstaður: Faxafen 12, Reykjavík

Skráning í síma 568 9141 virka daga kl. 10-13 og með tölvupósti: [e-mail].

Skráningu lýkur 2. nóvember.

EM landsliða: Ísland - Noregur 1½-2½

Íslendingar mættu Norðmönnum í þriðju umferð Evrópumóts landsliða á Krít. Viðureigninni lauk með sigri Norðmanna 2½-1½. Það var Stefán Kristjánsson sem átti einu sigurskák Íslands, en hann sigraði alþjóðlega meistarann Espen Lie (2.421). Langsterkasti skákmaður Norðmanna og jafnframt einn sterkasti skákmaður heims, Magnus Carlsen (2.714), náði hins vegar að leggja Hannes Hlífar á fyrsta borði. Það var svo Jon Ludvig Hammer sem innsiglaði sigur Norðmanna á fjórða borði með sigri gegn Þresti Þórhallssyni. Samkvæmt fréttum af mótsstað hafði Þröstur átt góða jafnteflismöguleika í skákinni, en sá norski náði að snúa á hann.

	SM	Hannes H. Stefánsson	2574	-	SM	Magnus Carlsen	2714	0-1
	AM	Héðinn Steingrimsson	2533	-	SM	Kjetil A Lie	2563	1/2
	AM	Stefán Kristjánsson	2458	-	AM	Espen Lie	2421	1-0
	SM	Þröstur Þórhallsson	2448	-	AM	Jon Ludvig Hammer	2402	0-1

 

• Heimasíða mótsins
• Chess-Results
• Færslur Skák.is um EM 

 

 

EM landsliða: Þriðji pistill liðsstjóra

Það gekk ljómandi vel gegn Pólverjum í gær þegar góður og óvæntur 3-1 sigur vannst á þessari sterku sveit.  Í þriðju umferð sem nú fer fram teflum við enn upp fyrir okkar að þessu sinni við Norðmenn sem eru heldur sterkari en við á pappírnum.  Sveitin er kornung og meðalaldur um tvítugt.  Undradrengurinn Magnus Carlsen á fyrsta borði og teflir nú við Hannes.

Það leit snemma vel út í gær.  Stefán hreinlega rúllaði yfir andstæðing sinn á fjórða borði þar sem riddararnir dönsuðu á svörtu reitunum. 

Andstæðingur Hannes hafði örlita yfirburði en hafnaði jafntefli í krítísku augnabliki og örlitlu seinna var Hannes kominn með betra og hafði sigur í hróksendatafli.  Vel tefld skák af hálfu Hannesar.  

Henrik hafði vænlega stöðu en ofmat sína möguleika á krítísku augnabliki, valdi ranga leið, fékk verra og tapaði..

Héðinn tefldi æsilega og flókna skák.  Eftir mikla baráttu og mjög vel teflda skák að hálfu Héðins hafði hann góðan sigur.

Mjög góður 3-1 sigur í höfn og ljóst að Pólverjar hafa ekki fengið þá byrjun sem þeir hafa vænst og sennilega ein bestu úrslit sem íslenskt landslið hefur náð í langan tíma í einni viðureign.  Sune Berg Hansen sagði mér og Þresti það í gær að Pólverjar hefðu ákveðið kynslóðarskipti og skipt um þeim eldri og ákveðið að treysta ungu strákunum.  E.t.v. tekið of stórt skref í þá átt.

Danirnir hafa verið að slá í gegn.  Unnu Georgíumenn og tefla nú á öðru borði gegn Aserum.  

Í dag eru það Norðmenn.  Eitt yngsta lið keppninnar en elsti maður þeirra er yngri en sá yngsti hjá okkur.  Þeir eru bara fjórir og því ljóst strax í gær hverjir myndu tefla.  Henrik hvílir og kemur því Þröstur aftur inn í liðið.

Enn á ný verð ég hæla Grikkjunum fyrir flotta skipulagningu.  Allt óaðfinnanlegt og afslappað.  Að sögn Hannesar sem er þrautreyndur er þetta meðal bestu aðstæðna sem hann hefur séð.

Fyrir liðsstjórann er þetta mikil rútína.  Vaknað á morgna og liðið tilkynnt, þarf reyndar ekki þegar a-liðið keppir.  Morgumatur.  Upp úr 10:15 er farið á vaktina og beðið eftir upplýsingum hverjir tefla fyrir andstæðingana, það þyrfti þó ekki í morgun þar sem Norsararnir eru fjórir.  Upplýsingum um andstæðinga komið til okkar manna. 

Svo hefur maður frjálsan tíma fram til hádegis og meðan skákmennirnir stúdera. 

Taflið hefst kl. 15:30, pistill skrifaður á meðan þeir tefla, kvöldmatur, stúderað og lið morgundagsins ákveðið og svo hefst ferillinn upp á nýtt.

Að lokum ein saga af tveimur Íslandsvinum.  Í morgun hitti ég Stuart Conquest niður í morgunmat og var hann kátasti.  Eftir hefðbundið „góðan daginn" spurði ég við hann tefldi í dag.  Hann svaraði um hæl.  „Finnland, ég tefla við Heikki, Heikki er vinur minn" og skellihló svo!

Jæja, best að kíkja upp, sýndist stefna í svakalegan hasar hjá Héðni. 

Nú kom ég með myndavélasnúruna en því miður virðist vera vandamál með að koma þeim inn á vefinn.  Reyni aftur síðar í dag. 

Nóg í bili, meira á morgun.

Krítarkveðja,
Gunnar

EM landsliða: Norðmenn í þriðju umferð

Íslenska liða mætir norsku sveitinni í 3. umferð EM landsliða sem fram fer í dag.  Norska sveitin er heldur sterkari á pappírnum en sú íslenska.  Góð stemming er í íslenska hópnum eftir góðan sigur á mjög sterkri pólskri sveit í gær þar sem öruggur 3-1 sigur vannst.  Henrik hvílir og kemur Þröstur inn í liðið fyrir hann.  Norska liðið er mjög ungt en Kjetil A. Lie sem teflir á öðru borði er aldursforseti liðsins 27. ára.  Magnus Carlsen, 16. stigahæsti skákmaður heims og Jon Ludwig Hammer eru aðeins 17 ára.

Viðureign dagsins:

 

Bo.	31	ICELAND (ISL)	Rtg	-	27	NORWAY (NOR)	Rtg	0 : 0
14.1	GM	Stefansson Hannes	2574	-	GM	Carlsen Magnus	2714
14.2	IM	Steingrimsson Hedinn	2533	-	GM	Lie Kjetil A	2563
14.3	IM	Kristjansson Stefan	2458	-	IM	Lie Espen	2421
14.4	GM	Thorhallsson Throstur	2448	-	IM	Hammer Jon Ludvig	2402

Nánari verður fjallað um gang mótsins í pistli liðsstjóra sem birtist hér síðar í dag ásamt fjölda mynda.

• Heimasíða mótsins
• Chess-Results
• Færslur Skák.is um EM 

 

Íslandsmót unglingasveita í skák 2007

Mótið er opið öllum liðum skipuðum leikmönnum 15 ára og yngri (1992 til 2007). Teflt verður laugardaginn 10. nóvember n.k. og hefst taflið kl. 14.

Teflt verður í Garðalundi, félagsmiðstöð í Garðaskóla í Garðabæ.

Teflt verður í fjögurra manna sveitum frá hverju taflfélagi, en félögin geta stillt upp fleiri en einni sveit.

Þátttökugjöld eru 1000 kr. á fyrir hverja sveit.

Tefldar verða 7 umferðir með Monrad-kerfi og umhugsunartími verður 15 mínútur á skák.

Reglugerð mótsins má finna á heimasíðu Skáksambands Íslands,  http://www.skaksamband.is/index.php?option=content&task=view&id=73&Itemid=39

Keppt er um veglegan farandbikar gefinn af Taflfélagi Garðabæjar.

Mótið hefst kl. 14 og mæting er kl. 13.45 og má því reikna með að mótið standi til ca. 18.

Íslandsmeistarar frá upphafi.

2006. Taflfélag Reykjavíkur A
2005. Taflfélagið Hellir A
2004. Taflfélagið Hellir A
2003. Taflfélagið Hellir A

Þátttökutilkynningar sendist til [e-mail] eða í síma 860 3120 fyrir kl. 18. þann 9. nóvember næstkomandi.