EM landsliða í skák: Pistill liðsstjóra nr. 2

Ekki gekk vel hjá okkar mönnum gegn Georgíumönnum í gær.  Stórt tap staðreynd 0,5-3,5 en það var Henrik sem hélt upp heiðri landans.  Í dag mætum við sterkri sveit Pólverja og er sú viðureign nýhafin þegar þetta er ritað.

Héðinn tefldi sína fyrstu landsliðsskák fyrir Íslands hönd í gær í býsna langan tíma þegar hann mætti Baadur Jobava.  Tefld var Sikileyjarvörn.  Satt að segja tefldi Jobava snilldarskák fórnaði manni gegn Héðni og vann öruggan sigur.  Fall er fararheill. 

Henrik tefld 1. e4 í gær sem er ekki algengt á þeim bæ.  Henrik segist afar sjaldan leika þeim leik en minntist sigur sem hann unnið á Bent Larsen fyrir löngu síðan.  Tefld var Philidor-vörn.  Henrik fórnaði manni og þráskákaði en full vafasamt virtist vera að tefla til vinnings í lokastöðunni.

Stefán tefldi ófhefðbundið á þriðja borði, svaraði 1. Rf3 með Rc6.  Um tíma hélt ég að hann hefði ágætis jafnteflismöguleika en um kvöldið þegar skákin var skoðuð kom í ljós að hann hafði í raun og veru aldrei haft neitt í hendi.

Þröstur misreiknaði sig á fjórða borði er hann fórnaði manni, sá ekki millileik andstæðingsins og átti ekki möguleika eftir það.

Tap 0,3-3,5 staðreynd. 

Eftir skákina fórum við niður í hótel og hugsuðum okkur gott til glóðarinnar að komast í sjónvarp og sjá lokamínúturnar í leik Liverpool og Arsenal þar sem hinir síðarnefndu náðu víst að hanga á jafntefli með marki skoruðu á lokamínútunum.  Við sáum sjónvarp  og fótbolta og fullt af fólki vera að horfa en viti menn, voru Grikkirnir ekki að horfa á einhvern grískan leik!  Ég meina...............

Við urðum létt hissa í gærkveldi þegar við sáum pörunina gegn Pólverjum sem er 10. sterkasta þjóðin.  Í ljós kom að þeir hefðu steinlegið fyrir Svartfellingum þrátt fyrir að vera mun stigahærri.  Nú er bara vona að þeir hafi lemstrað sjálfstraust eftir þá meðferð.  Full bjartsýnn eða...............?

Hannes kemur inn á fyrsta borð og Þröstur hvílir og var búinn að koma sér vel fyrir út við sundlaug í morgun. 

Grikkjunum verð ég hæla fyrir góða skipulagningu og hversu „easy going" þeir eru.  Afslappaðir og þægilegir og ekki jafn stífir og Spánverjarnir voru á Mallorca árið 2004.  Reyndar kannski stundum of „easy" því ekki eru enn skákirnar komnar á netið né mótsblað fyrstu umferðar komið.  

Í gær mættu ekki Bosníumennirnir og fengu Úkraínumenn 4-0 fyrir sigurinn á þeim.  Ekki veit ég hvað gerðist en svo virðist sem þeir hafi hætt við að vera með án ekki látið vita fyrr en of seint.  Sérstök yfirlýsing er á heimasíðunni frá ECU og mótshöldurum vegna málsins enda þurfti greinilega sérstakan úrskurð til að dæma þeim 4-0 sigur.  Nú er skotta búinn að taka sæti Bosníumannanna.

Í gær spjallaði við Wales-arana.  Þeir þurfa að borga allt sjálfir flug og gistingu.  Á ólympíumótunum borgar hins sambandið fyrir þá uppihaldið til viðbótar.  Sérstakt þegar menn tefla fyrir hönd síns eigin lands og ljóst að Skáksamband Wales er ekki það öflugasta í Evrópu.  Athygli vekur hversu slök skoska sveitin er en þar vantar alla stórmeistaranna, Rowson, Shaw og McNab.  Ekki veit ég skýringuna á því en mig grunar að þar geti verið kjaramál á ferðinni.  Í enska liðið vantar svo bæði Short og McShane þannig að þeir hafa verið sterkari.  Alltaf gaman að mæta hinum brosmilda Stuart Conquest sem alltaf segir „góðan daginn" þegar sér okkur!

Í gær spjölluðu ég og Þröstur við Íslandsvininn Heikki Westerinen í gær og hann vill óður og uppvægur koma til landsins til að tefla og „kvartaði" yfir því að langt væri síðan honum hafi verið boðið á mót.   Ljóst er að íslenskir mótshaldarar verða að muna eftir þessum eðalfinna þegar íslensk mót eru skipulögð.  

Því miður gleymdi ég myndavélasnúrunni svo engar nýjar myndir núna en ég set inn í kvöld eða í fyrramálið

Jæja, ætla að fara upp að kíkja á strákana. 

Nóg í bili, meira á morgun.

Krítarkveðja,
Gunnar

EM landsliða: Pólland í 2. umferð

Þrátt fyrir stórt tap fyrir Georgíu í 1. umferð EM landsliða sem hófst í gær á Krít fær íslenska liðið sterka stórmeistaraasveit Póllands í 2. umferð sem er sú 10. stigahæsta.  Sveitin tapaði mjög óvænt fyrir Svartfjallalandi í 1. umferð 3,5-0,5.  Bæði liðin stilla upp sínum aðalliðum.   Hannes Hlífar kemur því inn á en Þröstur hvílir.

 

Bo.	10	POLAND (POL)	Rtg	-	31	ICELAND (ISL)	Rtg	0 : 0
11.1	GM	Socko Bartosz	2646	-	GM	Stefansson Hannes	2574
11.2	GM	Miton Kamil	2628	-	IM	Steingrimsson Hedinn	2533
11.3	GM	Gajewski Grzegorz	2573	-	GM	Danielsen Henrik	2491
11.4	GM	Wojtaszek Radoslaw	2635	-	IM	Kristjansson Stefan	2458

 

Síðar í dag kemur pistill dagsins.   

• EM landsliða
• Chess- Results  

 

Hátt í þrjátíu krakkar á Glitnismóti í Eyjum

Í gær fór fram Krakkamót Glitnis banka í Vestmannaeyjum og mættu hátt í þrjátíu krakkar til leiks og tóku þátt í mótinu.  Keppt var í tveimur flokkum, byrjenda og lengra komna.  Tefldar voru 7 fimm mínútna skákir í framhaldsflokknum, en 6 skákir í byrjendaflokknum.  Sigurvegar flokkana voru Jóhann Gíslason, Daníel Már Sigmarsson og Nökkvi Sverrisson. 

Helstu úrslit urðu þessi:

Byrjendur:

1.       Jóhann Gíslason 5 vinn.

2.       Arna Þyrí Ólafsdóttir 4,5 vinn.

3.       Bjarki F. Valgarðsson 4 vinn.

 

Yngri framhaldsflokkur:

1.       Daníel Már Sigmarsson 4 vinn.

2.       Jörgen Freyr Ólafsson 4 vinn.

3.       Eyþór Daði Kjartansson 3 vinn.

 

Eldri framhaldsflokkur:

1.       Nökkvi Sverrisson 6,5 vinn.

2.       Kristófer Gautason 6 vinn.

3.       Bjartur Týr Ólafsson 4,5 vinn.

Glitnir banki veitti verðlaun og færði öllum keppendum gjafir og loks voru fimm úrdráttarverðlaun sem Glitnir gaf.

NM stúlkna: Elsa í 1.-3. sæti - Hallgerður fékk silfrið!

Elsa vann sína skák í 4. og næstsíðustu umferð norðurlandamóts stúlkna sem nú fer fram í Blokhus í Noregi.  Elsa er í 1.-3. sæti fyrir lokaumferðina sem nú er í gangi.  Hallgerður Helga Þorsteinsdóttir hefur þegar unnið sína í lokaumferðinni og endar í öðru sæti á eftir Agrest. 

 

EM landsliða - fyrsti pistill

Það beið okkur langt og strangt ferðalag til að komast á áfangastað.  Leigubíllinn frá heimili mínu lagði af stað um 5 um morgunin til Keflavíkur, og eftir flug til Heathrow, akstur til Gatwick, þar sem þurftum að bíða í 5 gíma eftir 1,5 tíma seinkun og svo flug til Krítar og svo rútuferðar á hótelið vorum við því komnir á skákstað um kl. 1 um nótina að grískum tíma.

Alls konar tímahringli lentum við í.  Fyrst flýtti klukkan sér um klukkutíma á Bretlandi, svo um tvo til viðbótar á Krít og svo um nóttina kl. 3 færðist klukkan þar aftur um klukkutíma!

Ekki væsir um menn á hótelinu.  Hér er fimm stjörnu hótel, með sundlaug og um 1 mínútna gangur á ströndina.   Reyndar smá vonbrigði að nettenging sé ekki á herbergjum en fínt þráðlaust netsamband er í lobbýinu. 

Aðstæur á skákstað virðast vera til fyrirmyndar.  Sjálfur sit ég nú á neðri hæðinni en þar er þráðlaust og mjög gott netsamband

Grikkirnir komu mér á óvart þegar þeir byrjuðu umferðina á réttum tíma en við mætum Georgíumönnum í fyrstu umferð.  Hannes Hlífar hvílir enda mætti hann ekki á skástað fyrr en undir hádegi eftir langt og strangt ferðalag frá Osló eftir Glitnir Blitz.  Héðinn teflir því á fyrsta borði og er það væntanlega í fyrsta sinn sem hann leiðir íslenska landsliðið.  Viðureignin er á 11. borði og því miður sýna Grikkirnir bara 10 fyrstu borðin.

Ég lenti í smáveseni í gær en Grikkirnir höfðu raðað liðinu vitlaust upp þ.e. eftir gömlum stigum og höfðu Henrik fyrir ofan Héðin og Þröst fyrir ofan Stefán og voru ekkert of uppvægir þegar ég bað þá um að leiðrétta.  Ég mætti ekki á liðsstjórafundinn enda þá í flugvél.  Þeir breyttu þó liðinu til þess horfs sem ég vildi en fleiri lið lentu í einnig í slíkum erfiðleikum.  .

Ljóst er að viðureign dagsins verður erfið enda Georgíumenn mun  stigahærri á öllum borðum.  Minnstu munar á fyrsta borði eða 111 stigum.  Okkar menn koma þó vel stemmdir til leiks og vonandi náum við góðum úrslitum gegn Georgíumönnum.

Rétt er að benda á myndaalbúm frá mótinu sem hægt er að finna ofarlega til vinstri á síðunni.   

Nóg í bili.

Krítarkveðja,
Gunnar

EM landsliða: Georgía í fyrstu umferð

Evrópumót landsliða hefst í á Krít.  Íslenska liðið mætir sterku liði Georgíu í fyrstu manna.   Íslenska liðið er hið 31. sterkasta af 40 leiðum og slið Georgíu er hið 11. sterkasta.  Hannes Hlífar hvílir í fyrstu umferð.   Umferðin hefst kl. 13:30 að íslenskum tíma.

Fyrsta umferð:

 

Bo.	11	GEORGIA (GEO)	Rtg	-	31	ICELAND (ISL)	Rtg	0 : 0
11.1	GM	Jobava Baadur	2644	-	IM	Steingrimsson Hedinn	2533
11.2	GM	Gelashvili Tamaz	2623	-	GM	Danielsen Henrik	2491
11.3	GM	Pantsulaia Levan	2617	-	IM	Kristjansson Stefan	2458
11.4	GM	Arutinian David	2574	-	GM	Thorhallsson Throstur	2448

• EM landsliða
• Chess- Results  

 

Björn með 1½ vinnings forskot á MP-mótinu eftir sigur á Davíð

Björn Þorfinnsson hélt áfram sigurgöngu sinni á Haustmóti Taflfélags Reykjavíkur - MP-mótinu en hann lagði Davíð Kjartansson að velli í 3. umferð sem fram fór í kvöld.  Öðrum skákum lauk með jafntefli en alls hafa 4 af 15 skákum ekki endað með jafntefli og þar af hefur Björn sigrað í þremur þeirra!  Allir hinir keppendurnir hafa 1½ eða 1 vinning. Ólafur Gísli Jónsson er efstur í b-flokki með fullt hús.  Fjórða umferð fer fram á sunnudag og hefst kl. 14.

 

 

 

A-flokkur: 

Úrslit 3. umferðar:

1	2		Bergsson Stefan	½ - ½		Baldursson Hrannar	10
2	3		Loftsson Hrafn	½ - ½		Misiuga Andrzej	1
3	4		Ragnarsson Johann	½ - ½		Bjornsson Sverrir Orn	9
4	5	FM	Bjornsson Sigurbjorn	½ - ½		Petursson Gudni	8
5	6	FM	Kjartansson David	0 - 1	FM	Thorfinnsson Bjorn	7

Staðan:

Rk.		Name	FED	Rtg	Club/City	Pts.
1	FM	Thorfinnsson Bjorn	ISL	2323	Hellir	3,0
2		Loftsson Hrafn	ISL	2250	TR	1,5
3		Misiuga Andrzej	POL	2161	TR	1,5
		Bergsson Stefan	ISL	2112	SA	1,5
		Bjornsson Sverrir Orn	ISL	2107	Haukar	1,5
6		Petursson Gudni	ISL	2145	TR	1,5
7	FM	Kjartansson David	ISL	2360	Fjolnir	1,5
8		Ragnarsson Johann	ISL	2039	TG	1,0
	FM	Bjornsson Sigurbjorn	ISL	2290	Hellir	1,0
		Baldursson Hrannar	ISL	2120	KR	1,0

Úrslit 3. umferðar:

Bo.	No.	Name	Rtg	Pts.	Result	Pts.	Name	Rtg	No.
1	1	Kristjansson Atli Freyr	1990	2	½ - ½	2	Eliasson Kristjan Orn	1825	5
2	3	Benediktsson Thorir	1845	2	0 - 1	2	Jonsson Olafur Gisli	1795	7
3	6	Benediktsson Frimann	1795	1½	½ - ½	1½	Gardarsson Hordur	1855	2
4	15	Eiríksson Víkingur Fjalar	1595	1	0 - 1	1	Brynjarsson Helgi	1830	4
5	14	Leifsson Thorsteinn	1650	1	1 - 0	1	Thorsteinsson Hilmar	1780	8
6	17	Johannsson Orn Leo	1445	1	0 - 1	1	Oskarsson Aron Ingi	1755	9
7	19	Sigurdsson Birkir Karl	1225	1	0 - 1	1	Palsson Svanberg Mar	1715	10
8	13	Fridgeirsson Dagur Andri	1650	1	1 - 0	1	Johannesson Petur	1110	21
9	12	Kristinsson Bjarni Jens	1685	½	1 - 0	½	Jensson Johannes	1515	16
10	18	Brynjarsson Alexander Mar	1380	0	0 - 1	0	Fridthjofsdottir Sigurl  Regin	1690	11
11	20	Kjartansson Dagur	1225	0	1		bye

Staðan:

Rk.	Name	FED	Rtg	Club/City	Pts.
1	Jonsson Olafur Gisli	ISL	1795	KR	3,0
2	Eliasson Kristjan Orn	ISL	1825	TR	2,5
3	Kristjansson Atli Freyr	ISL	1990	Hellir	2,5
4	Benediktsson Thorir	ISL	1845	TR	2,0
5	Palsson Svanberg Mar	ISL	1715	TG	2,0
6	Gardarsson Hordur	ISL	1855	TR	2,0
7	Leifsson Thorsteinn	ISL	1650	TR	2,0
8	Benediktsson Frimann	ISL	1795	TR	2,0
9	Brynjarsson Helgi	ISL	1830	Hellir	2,0
	Oskarsson Aron Ingi	ISL	1755	TR	2,0
11	Fridgeirsson Dagur Andri	ISL	1650	Fjolnir	2,0
12	Kristinsson Bjarni Jens	ISL	1685	Hellir	1,5
13	Johannesson Petur	ISL	1110	TR	1,0
14	Johannsson Orn Leo	ISL	1445	TR	1,0
15	Eiríksson Víkingur Fjalar	ISL	1595	TR	1,0
16	Thorsteinsson Hilmar	ISL	1780	Hellir	1,0
17	Fridthjofsdottir Sigurl  Regin	ISL	1690	TR	1,0
18	Sigurdsson Birkir Karl	ISL	1225	Hellir	1,0
19	Kjartansson Dagur	ISL	1225	Hellir	1,0
20	Jensson Johannes	ISL	1515	Hreyfill	0,5
21	Brynjarsson Alexander Mar	ISL	1380	TR	0,0

Röðun 4. umferðar:

 

Bo.	No.	Name	Rtg	Pts.	Result	Pts.	Name	Rtg	No.
1	7	Jonsson Olafur Gisli	1795	3		2½	Kristjansson Atli Freyr	1990	1
2	5	Eliasson Kristjan Orn	1825	2½		2	Benediktsson Thorir	1845	3
3	2	Gardarsson Hordur	1855	2		2	Oskarsson Aron Ingi	1755	9
4	4	Brynjarsson Helgi	1830	2		2	Benediktsson Frimann	1795	6
5	10	Palsson Svanberg Mar	1715	2		2	Leifsson Thorsteinn	1650	14
6	12	Kristinsson Bjarni Jens	1685	1½		2	Fridgeirsson Dagur Andri	1650	13
7	8	Thorsteinsson Hilmar	1780	1		1	Sigurdsson Birkir Karl	1225	19
8	11	Fridthjofsdottir Sigurl  Regin	1690	1		1	Kjartansson Dagur	1225	20
9	17	Johannsson Orn Leo	1445	1		1	Eiríksson Víkingur Fjalar	1595	15
10	16	Jensson Johannes	1515	½		1	Johannesson Petur	1110	21
11	18	Brynjarsson Alexander Mar	1380	0			bye

 

• Heimasíða mótsins
• Chess-Results
• Færslur Skák.is um Haustmót TR
  

Hannes teflir á Glitnir Blitz í Noregi

Stórmeistarinn Hannes Hlífar Stefánsson er meðal keppenda á Glitnir Blitz sem fram fer í Osló laugardaginn 27. október.  Tefld er hraðskák en meðal keppenda auk Hannesar eru Magnus Carlsen og Grischuk.  Hægt verður að fylgjast með skákunum beint á vefnum.  Frá Osló heldur Hannes svo beint til Krítar þar sem hann teflir á fyrsta borði fyrir Íslands hönd á EM landsliða.

Keppendur:

A. Grischuk H.Stefansson B.Tiller A.Esbensen

M.Carlsen T.Nybäck J.L.Hammer D.Madsen

P.H.Nielsen K.Lie E.Lie K.Stokke

S.Agdestein L.E.Johannessen P.Cramling E.Fossan

 

Glitnir Blitz 

EM landsliða hefst á Krít á sunnudag

Evrópumót landsliða fer fram á Krít í Grikklandi dagana 28. október - 6. nóvember.  Ísland sendir karlalið til keppni.  Íslenska liðið það 31. sterkasta af 40 liðum svo ljóst er það verður um ramman reip að draga.  Flestir sterkustu skákmenn heims eru meðal keppenda en 7 af 10 stigahæstum skákmönnum taka þátt og þar á meðal Ivanchk, Topalov og Carlsen.  

Íslenska liðið skipa:

1. SM Hannes Hlífar Stefánsson 2574
2. SM Héðinn Steingrímsson 2533
3. SM Henrik Danielsen 2491
4. AM Stefán Kristjánsson 2458
5. SM Þröstur Þórhallsson 2448

Meðalstig íslensku sveitarinnar eru 2514 skákstig.  Liðsstjóri sveitarinnar er Gunnar Björnsson. 

Vel  verður fylgst með EM landsliða hér á Skák.is og má búast við daglegum pistlum auk hefðbundinna frétta um úrslit.  

• Heimasíða mótsins
• Chess-Results

Elsa, Geirþrúður, Sigríður og Jóhanna unnu í fyrstu umferð

Elsa María Kristínardóttir, Geirþrúður Anna Guðmundsdóttir, Sigríður Björg Helgadóttir og Jóhanna Björg Jóhannsdóttir unnu skákir sínar í fyrstu umferð Norðurlandamóts stúlkna sem hófst í dag í Blokhus í Danmörku.  Hallgerður Helga Þorsteinsdóttir, Stefanía Bergljót Stefánsdóttir og Tinna Kristín Finnbogadóttir töpuðu á móti mun stigahærri stúlkum. Allar stóðu sig með miklum sóma.

Önnur og þriðja umferð verða tefldar á morgun. 

 

 

• Heimasíða mótsins