Fjórir sigrar í Olomouc

Allir íslensku skákmennirnir og Omar Salama sigruðu í sínum skákum í skákum dagsins í Olomouc í Tékklandi.  Henrik Danielsen (2526) vann Svíann Axel Smith (2427) og Hannes Hlífar Stefánsson (2566) sigraði tyrkneska alþjóðlega meistarann Mert Erdogdu (2440) en þeir tefla í SM-flokki.  Lenka Ptácníková (2259), sem teflir í AM-flokki. vann Svíann Frederik Andersson (2225) en hún gerði jafntefli í þriðju umferð í morgun gegn tékkneska FIDE-meistaranum Jakob Lahner (2294).  Omar Salama (2212), sem teflir í opnum flokki, vann Tékkann Vitezslav Musil (2039).

Henrik hefur 2½ og er efstur og Hannes 1½ vinning og er í 5.-7. sæti að loknum þremur skákum.  Lenka hefur 2½ vinning að loknum fjórum skákum og er í 2. sæit og Omar hefur fullt hús eftir tvær umferðir og er í 1.-25. sæti.  

Skákhátíðin í Olomouc fer fram dagana 30. júlí - 7. ágúst.  Hannes og Henrik tefla í 10 manna SM-flokki þar sem meðalstigin eru 2446 skákstig.  Lenka teflir í AM-flokki, 11 manna, þar sem meðalstigin eru 2306 skákstig og sjö vinninga þarf í áfanga að alþjóðlegum meistaratitli. Omar teflir í opnum flokki þar sem 144 skákmenn taka þátt og er 14. stigahæstur keppenda.

• Heimasíða mótsins
• Chess-Results
• Myndaalbúm mótsins (frá Omari)

Omar sigraði en hin gerðu jafntefli

Stórmeistarnir Hannes Hlífar Stefánsson (2566) og Henrik Danielsen (2526) gerðu báðir jafntefli í annarri umferð SM-flokks Olomouc skákhátíðirnar sem fram fór í dag. Hannes gerði jafntefli við úkraínska FIDE-meistarann Andrey Baryshpolets (2413) en Henrik við tékkneska stórmeistarann Marek Vokac (2451).  Lenka Ptácníková (2259), sem teflir í AM-flokki, gerði jafntefli við Úkraínumanninn Illya Shumilov (2286).  Omar Salama (2212), sem teflir í opnum flokki,vann Tékkann Jiri Navratil-Jun (1841).  

Henrik hefur 1½ vinning og er í 1.-5. sæti, Hannes hefur ½ vinning og er í 7.-9. sæti, Lenka hefur 1 vinning og er í 3.-7. sæti.  Omar hefur 1 vinning en hefur aðeins teflt eina skák.  

Skákhátíðin í Olomouc fer fram dagana 30. júlí - 7. ágúst.  Hannes og Henrik tefla í 10 manna SM-flokki þar sem meðalstigin eru 2446 skákstig.  Lenka teflir í AM-flokki, 11 manna, þar sem meðalstigin eru 2306 skákstig.   Sjö vinninga þarf í áfanga að alþjóðlegum meistaratitli. Omar teflir í opnum flokk þar sem einnig eru tefldar níu umferðir.  

• Heimasíða mótsins
• Chess-Results
• Myndaalbúm mótsins (frá Omari)

EM-lið Hellis

Hellir tekur þátt í EM talfélaga sem fram fer í Kallithea í Grikklandi dagana 17.-23. október nk.  Þetta er í 11 sinn sem félagið tekur þátt í mótinu á 12 árum.  Fyrst tók félagið þátt árið 1997 og hefur ávallt tekið þátt nema árið 2000.  

Lið Hellis skipa:

1. FM Róbert Harðarson (2362)
2. FM Ingvar Þór Jóhannesson (2342)
3. FM Sigurbjörn Björnsson (2316)
4. Hjörvar Steinn Grétarsson (2299)
5. Kristján Eðvarðsson (2245)
6. Omar Salama (2212)

Omar verður liðsstjóri liðsins.  

Auk Hellis eru bæði sveitir Íslandsmeistara Taflfélags Reykjavíkur og Skákdeildar Hauka skráðar til leiks.  

• Heimasíða mótsins
• Chess-Results

Frímann sigraði í flokki skákmanna með minna en 2000 skákstig

Frímann Benediktsson (1915) varð efstur allra í flokki skákmanna með 1900-2000 á Politiken Cup.  Frímann hlaut 6 vinninga í 10 skákum en hann átti ákaflega góðan endaprett, fékk 4 vinninga í síðustu 5 skákunum.  Frímann varð í 49.-81. sæti.  Hörður Garðarsson (1943) fékk 3½ vinning og endaði í 230.-251. sæti.   

Sigurvegarar mótsins voru sex.  Stórmeistararnir Sergey Tiviakov (2645), Hollandi, Vladimir Malakhov (2689) og Boris Savchenko (2537), Rússlandi, Yurij Kuzubov (2578), Úkraínu, og Peter Heine Nielsen (2652), Danmörku. 

Alls tóku 278 skákmenn þátt í efsta flokki og þar af 23 stórmeistarar.  Stigahæstur þeirra var Úkraínumaðurinn Pavel Eljanov (2716).

Politiken Cup

 

 

Henrik með jafntefli í lokaumferðinni

Stórmeistarinn Henrik Danielsen (2526) gerði jafntefli við þýska stórmeistarann Lutz Espig (2346) í níundu og síðustu umferð Czech Open, sem fram fór í Pardubice í Tékklandi í dag.  Lenka Ptácníková vann  bandaríska FIDE-meistarann Andrei Zaremba (2355), í ótefldri skák þar sem Kaninn mætti ekki til leiks.  Henrik og Lenka hlutu 5 vinning og enduðu í 93.-144. sæti. 

Sigurvegari mótsins varð úkraínski stórmeistarinn Eldar Gasanov (2523) en hann hlaut 7½ vinning.

Árangur Henriks samsvaraði 2415 skákstigum og árangur Lenku samsvaraði 2213 skákstigum.  Bæði lækka þau á stigum.  Henrik lækkar um 13 stig en Lenka um 7 stig.

Henrik og Lenka halda nú til Olomouc þar sem þau tefla á öðru alþjóðlegu skákmóti.  Þar teflir einnig Omar Salama.   

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Lenka vann í áttundu umferð

Lenka Ptácníková (2259) vann Þjóðverjann Joern Borrink (2073) í áttundu og næstsíðustu umferð Czech Open, sem fram fór í Pardubice í Tékklandi í dag.  Henrik Danielsen (2526) gerði jafntefli við  rússneska FIDE-meistarann Ivan Bukavshin (2350).  Henrik hefur 4½ vinning og er í 90-.141. sæti en Lenka hefur 4 vinninga og er í 142.-197. sæti.   

Efstir með 6½ vinning eru stórmeistararnir Eldar Gasanov (2523), Úkraínu, og Dmitry Chuprov (2577) og Evgeny E. Vorobiov (2550), Rússlandi, Grzegors Gajewski (2575), Póllandi, og spænski alþjóðlegi meistarinn Marcos Llaneza (2468).

Í níundu og síðustu umferð, sem fram fer á morgun, teflir við Henrik við þýska stórmeistarann Lutz Espig (2346) en Lenka við bandaríska FIDE-meistarann Andrei Zaremba (2355).  

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Lenka með jafntefli í sjöundu umferð

Lenka Ptácníková (2259) gerði jafntefli við Þjóðverjann Maximilian Berchtenbreiter (2067) í sjöundu umferð Czech Open, sem fram fór í Pardubice í Tékklandi í dag.  Henrik Danielsen (2526) tapaði hins vegar fyrir rússneska alþjóðlega meistarann Pavel Potapov (2418).  Henrik hefur 4 vinninga og er í 86.-133. sæti en Lenka hefur 3 vinninga og er í 209.-257. sæti.  

Efstir með 6 vinninga eru stórmeistararnir Eldar Gasanov (2523), Úkraínu, og Dmitry Chuprov (2577) og Evgeny E. Vorobiov (2550), Rússlandi.   

Í áttundu og næstsíðustu umferð, sem fram fer á morgun, teflir Henrik við rússneska FIDE-meistarann Ivan Bukavshin (2350) en Lenka við Þjóðverjann Joern Borrink (2073).

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Henrik og Lenka töpuðu í sjöttu umferð

Henrik Danielsen (2526) og Lenka Ptácníková (2259) töpuðu bæði í sjöttu umferð Czech Open, sem fram fór í dag í Pardubice í Tékklandi.  Henrik tapaði fyrir  tékkneska alþjóðlega meistarann Pavel Simacek (2470) en Lenka fyrir slóvenska alþjóðlega meistarann Domen Krumpacnik (2376).  Henrik hefur 4 vinninga og er í 32.-76. sæti en Lenka hefur 2½ vinning og er í 207.-264. sæti.  Henrik skýrir sem fyrr skák sína á Skákhorninu.  

Í sjöundu umferð, sem fram fer á morgun, teflir Henrik rússneska alþjóðlega meistarann Pavel Potapov (2418) en Lenka við Þjóðverjann Maximilian Berchtenbreiter (2067), sem var reyndar meðal sigurvegara á alþjóðlegu unglingamóti Hellis sem fram fór fyrr á árinu.  

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Hörður byrjar vel í Köben

Hörður Garðarsson (1943) hefur byrjað vel á Politiken Cup sem fram fer í Kaupmannahöfn.  Eftir fimm umferð hefur Hörður 3 vinninga þrátt fyrir að hafa teflt upp fyrir sig í fjórum umferð.  Hörður hefur m.a. lagt af velli sænsku skákkonuna Christin Andersson (2144), sem er alþjóðlegur meistari kvenna.  Frímann Benediktsson (1915) hefur 2 vinninga. 

Efstir með fullt hús eru stórmeistarnir Boris Savchenko (2578), Rússland, og Jack Aagaard (2531).

Alls taka 278 skákmenn þátt í efsta flokki og þar af 23 stórmeistarar.  Stigahæstur er Úkraínumaðurinn Pavel Eljanov (2716).

Politiken Cup

 

 

Henrik vann í fjórðu umferð

Stórmeistarinn Henrik Danielsen (2526) vann Rússann Viatcheslav Kulakov (2360) í fjórðu umferð Czech Open sem fram fór í Pardubice í Tékklandi í dag.  Lenka Ptácníková (2259) gerði jafntefli við Tékkann Tomas Ockay (2110). Henrik hefur 3 vinninga og er í 23.-57. sæti en Lenka hefur 1,5 vinning og er í 218-279. sæti.  Henrik skýrir skák sína á Skákhorninu. 

Úkraínsku stórmeistararnir Anton Korobov (2590) og Dmitry Kononenko (2502) eru efstir með fullt hús vinninga.  

Í fimmtu umferð, sem fram fer á morgun, teflir Henrik pólska alþjóðlega meistarann Piotr Dobrowolski (2426) og Lenka við Maltverjann Andrew Borg (2116).

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open