Henrik vann í þriðju umferð

Stórmeistarinn Henrik Danielsen (2526) sigraði þýska FIDE-meistarann Florian Armbrust (2306) í þriðju umferð Czech Open, sem fram fór í dag í Pardubice í Tékklandi.  Lenka tapaði fyrir sænska FIDE-meistarann Nils Grandelius (2366).  Henrik hefur 2 vinninga og er í 47.-125. sæti en Lenka hefur 1 vinning og er í 219.-288. sæti.    Henrik skýrir skák sína á Skákhorninu. 

Í fjórðu umferð, sem fram fer á morgun, teflir Henrik við Rússann Viatcheslav Kulakov (2360) en Lenka við Tékkann Tomas Ockay (2110)..

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Lenka vann í 2. umferð

Stórmeistari kvenna, Lenka Ptácníková (2259) sigraði Rússann German Bazeev (2129) í 2. umferð Czech Open, sem fram fór í dag.  Henrik Danielsen (2526) tapaði fyrir öðrum Rússa, Gennady Ageischenko (2384) að nafni.  Bæði hafa þau einn vinning.   Henrik skýrir skák sína á Skákhorninu.  

Í þriðju umferð, sem fram fer á morgun, teflir Lenka við sænska FIDE-meistarann Nils Grandelius (2366) en Henrik við þýska FIDE-meistarann Florian Armbrust (2306).

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Politiken Cup hófst í dag

Politiken Cup hófst í Kaupmannahöfn í dag.  Að þessu sinni taka aðeins tveir íslenskir skákmenn þátt þeir Hörður Garðarsson (1943) og Frímann Benediktsson (1915).  Þeir töpuðu báðir í fyrstu umferð.  Alls taka 278 skákmenn þátt í efsta flokki og þar af 23 stórmeistarar.  Stigahæstur er Úkraínumaðurinn Pavel Eljanov (2716).

Politiken Cup

Halldór Brynjar efstur á helgarmóti

Halldór Brynjar Halldórsson (2217) er efstur með4,5 vinning að lokinni fimmtu umferð helgarskákmóts Hellis og TR sem fram fór í dag.  Annar er Davíð Kjartansson (2304) með 4 vinninga og Torfi Leósson (2141) og Sverrir Þorgeirsson (2102) koma næstir með 3,5 vinning.  Sjötta og næstsíðasta umferð hefst núna kl. 17:30.

Úrslit fimmtu umferðar:

 

Name	Pts.	Result	Pts.	Name
Leosson Torfi	3	½ - ½	4	Halldorsson Halldor
Kjartansson David	3	1 - 0	3	Bjornsson Sverrir Orn
Sigurdsson Jakob Saevar	2½	0 - 1	2½	Thorgeirsson Sverrir
Bergsson Stefan	2	½ - ½	2	Matthiasson Magnus
Petursson Matthias	2	1 - 0	2	Brynjarsson Helgi
Stefansdottir Stefania Bergljo	1½	0 - 1	2	Stefansson Fridrik Thjalfi
Johannsson Orn Leo	1½	1 - 0	1½	Kjartansson Dagur
Finnbogadottir Tinna Kristin	1	0 - 1	1	Stefansson Orn
Einarsson Benjamin Gisli	1	0 - 1	½	Gudmundsdottir Geirthrudur Ann

Staðan:

Rk.		Name	Rtg	Club/City	Pts.	Rp	rtg+/-
1		Halldorsson Halldor	2217	SA	4,5	2354	22,5
2	FM	Kjartansson David	2304	Fjölnir	4,0	2306	3,0
3		Leosson Torfi	2141	TR	3,5	2118	2,4
4		Thorgeirsson Sverrir	2102	Haukar	3,5	1892	-7,5
5		Petursson Matthias	1878	TR	3,0	2010	15,6
6		Bjornsson Sverrir Orn	2161	Haukar	3,0	2011	-8,7
7		Stefansson Fridrik Thjalfi	1455	TR	3,0	1738
8		Sigurdsson Jakob Saevar	1860	Goðinn	2,5	1839	0,0
9		Matthiasson Magnus	1715	SSon	2,5	1960
10		Bergsson Stefan	2097	SA	2,5	1712	-15,4
11		Johannsson Orn Leo	1696	TR	2,5	1609	-4,3
12		Brynjarsson Helgi	1920	Hellir	2,0	1774	-18,3
13		Stefansson Orn	1310	Hellir	2,0	1523
14		Stefansdottir Stefania Bergljo	1360	TR	1,5	1526
15		Gudmundsdottir Geirthrudur Ann	1585	TR	1,5	1428
16		Kjartansson Dagur	1320	Hellir	1,5	1583
17		Finnbogadottir Tinna Kristin	1655	UMSB	1,0	1520	6,8
18		Einarsson Benjamin Gisli	0	TR	1,0	1322

Röðun sjöttu umferðar:

 

Name	Pts.	Result	Pts.	Name
Thorgeirsson Sverrir	3½		4½	Halldorsson Halldor
Stefansson Fridrik Thjalfi	3		4	Kjartansson David
Bjornsson Sverrir Orn	3		3½	Leosson Torfi
Bergsson Stefan	2½		3	Petursson Matthias
Matthiasson Magnus	2½		2½	Sigurdsson Jakob Saevar
Brynjarsson Helgi	2		2½	Johannsson Orn Leo
Stefansson Orn	2		1½	Kjartansson Dagur
Gudmundsdottir Geirthrudur Ann	1½		1½	Stefansdottir Stefania Bergljo
Finnbogadottir Tinna Kristin	1		1	Einarsson Benjamin Gisli

• Bloggsíða mótsins
• Myndaalbúm mótsins
• Chess-Results

Henrik vann í fyrstu umferð

Stórmeistarinn Henrik Danielsen (2526) sigraði tékkneska skákmannin Jiri Soukup (2291) í fyrstu umferð Czech Open sem fram fór í Pardubice í dag.   Lenka Ptácníková (2259) tapaði hins vegar fyrir þýska alþjóðlega meistaranum Sebastian Bogner (2467).  

Önnur umferð fer fram á morgun.  Þá tefla þau bæði við Rússa.  Henrik mætir Gennady Ageischenko (2384) en Lenka mætir German Bazeev (2129).

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open

Guðmundur og Guðni með jafntefli í síðustu umferð

Guðmundur Kjartansson (2328), sem teflir í SM-flokki, og Guðni Stefán Pétursson (2135), sem teflir í AM-flokki gerðu báðir jafntefli í þrettándu og síðustu umferð First Saturdays-mótsins, sem fram fór í dag í Búdapest.  Guðmundur gerði jafntefli við ungverska stórmeistarann Tibor Fogarasi (2429) en Guðni við ungverska alþjóðlega meistarann Endre Vegh (2298).  Báðir fengu þeir 4 vinninga. 

Guðmundur endaði í 11.-13. sæti og samsvaraði árangur hans 2310 skákstigum.  Hann lækkar um 6 stig.  Guðni endaði í 12. sæti og samsvaraði árangur hans 2118 skákstigum.  Hann lækkar um 7 stig.

Serbneski stórmeistarinn Zlatko Ilincis (2519) sigraði í SM-flokki en Ungverjinn Richard Rapport (2275) í AM-flokki.   Alls tóku 14 skákmenn þátt í hvorum flokki.

Heimasíða mótsins

Henrik tapaði í lokaumferðinni

Stórmeistarinn Henrik Danielsen (2526) tapaði fyrir pólska FIDE-meistarann Krzysztof Chojnacki (2416) í níundu og síðustu umferð alþjóðlegs móts sem lauk í Police í Póllandi í dag.  Henrik hlaut 5½ vinning og endaði í 7.-12. sæti. Sigurvegari mótsins varð þýski stórmeistarinn Sergey Kalinitschew (2456) en hann hlaut 7 vinninga.

Frammistaða Henrik samsvaraði 2418 skákstigum og lækkar hann um 10 skákstig. 

Alls tóku  39 skákmenn á þessu opna skákmóti sem fram fór 9.-17. júlí.  Þar á meðal fimm stórmeistarar og var Henrik stigahæstur keppenda.   Henrik heldur nú til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

Guðmundur með jafntefli í gær

Guðmundur Kjartansson (2328), sem teflir í SM-flokki, gerði jafntefli við serbneska stórmeistarinn Zlatko Ilincis (2519) í tólftu og næstsíðustu umferð First Saturdays-mótsins, sem fram fór í gær í Búdapest. Guðni Stefán Pétursson (2135), sem teflir í AM-flokki, tapaði fyrir Ungverjanum Richard Rapport (2275).

Báðir hafa þeir 3½ vinning.  Guðmundur er í 12.-13. sæti en Guðni í því tólfta.  Alls taka 14 skákmenn þátt í hvorum flokki.   Andstæðingar þeirra í skákum gærdagsins eru efstir með níu vinninga.   

Mótinu líkur í dag með þrettándu og síðustu umferð.  

Heimasíða mótsins

Henrik gerði jafntefli í áttundu umferð

Stórmeistarinn Henrik Danielsen (2526) gerði jafntefli við pólska alþjóðlega meistarann Bogdan Grabarczyk (2449) í áttundu og næstsíðustu umferð í alþjóðlegu skákmóti sem fram fór í Police í Póllandi í dag. Henrik hefur 5,5 vinning og er í 2.-7. sæti.   Þýski stórmeistarinn Sergey Kalinitschew (2456) er efstur með 6½ vinning.

Í níundu og síðustu umferð, sem fram fer á morgun, teflir Henrik við pólska FIDE-meistarann Krzysztof Chojnacki (2416).   

Alls taka  39 skákmenn á þessu opna skákmóti sem fram fer 9.-17. júlí.  Þar á meðal fimm stórmeistarar og er Henrik stigahæstur keppenda.   Henrik heldur svo til Pardubice þar sem hann teflir á Czech Open ásamt Lenku Ptácnníkovú. 

Heimasíða mótsins

Guðmundur og Guðni töpuðu

Guðmundur Kjartansson (2328) og Guðni Stefán Pétursson (2135) töpuðu báðir í 11. umferð First Saturdays-mótsins, sem fram fór í gær í Búdapest. Guðmundur, sem teflir í SM-flokki, tapaði fyrir ungverska alþjóðlega meistaranum Peter Prohaszka (2509) og Guðni, sem teflir í AM-flokki, tapaði fyrir Kínverjanum Yanqiao Qu (2007).

Guðmundur er í 12.-13. sæti með 3 vinninga og Guðni er í 10.-11. sæti með 3½ vinning en fjórtán keppendur eru í hvorum flokki.  Serbneski stórmeistarinn Zlatko Ilincis (2519) er efstur í SM-flokki og Ungverjinn Richard Rapport (2275) er efstur í AM-flokki. 

Heimasíða mótsins