Guðmundur teflir í Katalóníu

Alþjóðlegi meistarinn Guðmundur Kjartansson (2453) hóf þátttöku í dag í alþjóðlegu móti í Katalóníu á Spáni. Í fyrstu umferð vann stigalágan heimamann (2078) en á morgun töluvert stigahærri Indverja (2308).

101 skákmaður frá 18 löndum tekur þátt í mótinu. Þar af eru 19 stórmeistarar og jafnmargir alþjóðlegir meistarar. Guðmundur er nr. 25 í stigaröð keppenda.

Ekki er að sjá að það séu beinar útsendingar frá mótinu.

• Heimasíða mótsins
• Chess-Results

Sævar sigraði á hraðkvöldi Hellis

Sævar Bjarnason sigraði með 6,5 vinningum í sjö skákum á hraðkvöldi Hellis sem fram fór 24. júní. Sævar gerði jafntefli við Gunnar Örn Haraldsson í næstsíðustu umferð en vann alla aðra andstæðinga sína. Annar varð Vigfús Ó. Vigfússon með 6 vinninga en hann tapaði fyrir Sævari en vann aðra sem hann tefldi við.

Næstir komu Jón Úlfljótsson og Gunnar Örn Haraldsson með 4,5 vinning en Jón var hærri á stigum og hlaut því þriðja sætið. Sævar dró Elsu Maríu í happdrættinu og bæði fengu þau úttektarmiða á Saffran.

Nú verður gert hlé á hraðkvöldunum þangað til í haust en næsti viðburður hjá Helli er Mjóddarmót Hellis sem haldið verður laugardaginn 29. júní.

Lokastaðan á hraðkvöldinu:

Röð   Nafn                          Score    M-Buch. Buch. Progr.

  1   Sævar Bjarnason,               6.5      20.5  29.0   27.0
  2   Vigfús Ó. Vigfússon,           6        20.5  30.5   24.0
 3-4  Jón Úlfljótsson,               4.5      21.5  30.0   18.0
      Gunnar Örn Haraldsson,         4.5      15.0  22.0   18.0
5-10  Jóhanna Björg Jóhannsdóttir,   4        22.0  30.5   20.0
      Gunnar Nikulásson,             4        20.0  28.5   19.0
      Björn Hólm Birkisson,          4        19.0  24.0   14.0
      Elsa María Kristínardóttir,    4        18.0  25.5   17.0
      Bárður Örn Birkisson,          4        15.0  22.5   13.0
      Sverrir Sigurðsson,            4        13.0  17.5   10.0
 11   Gauti Páll Jónsson,            3.5      20.0  29.0   17.0
12-14 Pétur Jóhannesson,             3        17.5  24.5   11.0
      Gunnar Ingibergsson,           3        17.5  24.5    7.0
      Óskar Víkingur Davíðsson,      3        17.0  23.0   11.0
15-16 Mikhael Kravchuk,              2        17.5  22.5   11.0
      Björgvin Kristbergsson,        2        15.5  20.0    8.0
 17   Yassin Zinabi,                 1        15.0  21.0    7.0

Henrik í jafnteflisgír í Osló

Stórmeistarinn Henrik Danielsen (2508) gerði jafntefli í báðum umferðum dagsins á minningarmótinu um Svein Johannessen sem nú fer fram í Osló. Það sama gerði hann í gær og hefur því gert fjögur jafntefli í röð.

Í fyrri skák dagsins gerði hann jafntefli norska FIDE-meistarann Aryan Tari (2430) og þeirri síðari við norska alþjóðlega meistarann Geir Sune Tallaksen Østmoe (2444).

Henrik hefur 5 vinninga og er í 5.-10. sæti. Enski stórmeistarinn Mark Hebden (2548) er efstur með 6 vinninga.

Í áttundu og næstsíðustu umferð, sem fram fer árla morguns, teflir Henrik við Norðmanninn Johan-Sebastian Christiansen (2089). Lokaumferðin fer svo fram síðar á morgun.

60 keppendur frá 10 löndum taka þátt í mótinu og þar á meðal sex stórmeistarar. Henrik er þriðji í stigaröð keppenda.

• Heimasíða mótsins
• Úrslitaþjónusta