Teflt um borð í Óðni í dag kl.14-16

Taflfélag Reykjavíkur hyggst leggja sitt á vogarskálarnar til að gera Sjómannadaginn sem skemmtilegastan. Í samstarfi við Sjóminjasafnið verður efnt til skákgleði í Messanum um borð í varðskipinu Óðni þar sem gestir geta sest niður og gripið í tafl, líkt og tíðkast á öllum betri kaffistofum bæjarins.

Óðinn tók þátt í öllum þremur þorskastríðunum á 20.öld og má sjá hinar heimsþekktu togvíraklippur á afturdekki skipsins. Heimildir herma að um borð í Óðni hafi verið lífleg skákmenning og er ætlunin að endurvekja þá stemningu. Skákáhugamenn eru hvattir til þess að taka þátt í gleðinni um borð í Óðni í dag kl.14-16 (við Sjóminjasafnið – Grandagarði 8).

Héðinn og Bragi efstir - Hamskipti Guðmundar Gíslasonar

Mikið fjör var á Seltjarnarnesi í dag þegar 5.umferð Landsliðsflokks var tefld. Sem fyrr buðu keppendur til fjörlegrar veislu sem leiddi til mikilla sviptinga og óvæntra úrslita. 

Davíð Kjartansson (2371) tefldi vasklega gegn Héðni Steingrímssyni (2574) og fórnaði snemma manni fyrir sóknarfæri. Íslandsmeistarinn var hins vegar með á nótunum í tónlistarskólanum og vann nokkuð örugglega. Héðinn er því kominn á kunnuglegar slóðir í toppsætið með 4 vinninga.

Æði er runnið á Guðmund Gíslason (2280) sem í dag stýrði svörtu mönnunum til sigurs gegn Hjörvari Steini Grétarssyni (2580). Eftir þrjú töp í fyrstu þremur skákunum hefur Guðmundur lagt tvo stigahæstu menn mótsins að velli.

Hafi einhver haldið fyrir umferðina að Þorfinnssynirnir Bragi og Björn myndu skipta vinningi dagsins friðsamlega á milli sín þá skjátlaðist þeim hinum sömu hrapallega. Bræðurnir háðu blóðugan 84 leikja bardaga þar sem staðan á borðinu virtist aldrei vera í jafnvægi, ef undan er skilin upphafsstaðan. Bragi þáði fórnir Björns sem í staðinn saumaði fast að Braga. Björn sýndi enga miskunn og reyndi ítrekað að máta bróður sinn sem varðist fimlega. Að lokum rann mátsókn Björns út í sandinn, en hún skilaði þó því að Björn náði nógu mörgum peðum af bróður sínum til þess að vera ekki í taphættu sjálfur. Særðir og þreyttir eftir langa orrustu féllust þeir bræður loks í faðma og innsigluðu jafnteflið.

Jón Viktor Gunnarsson (2454) sýndi klærnar gegn Jóhanni Hjartarsyni (2547) og á tímabili virtist Jón Viktor standa til vinnings. Jóhann varðist vel og brá á það ráð að beina taflinu í endatafl þar sem hann varðist með biskup gegn hrók. Skákin endaði með jafntefli eftir 92 leiki.

Einar Hjalti Jensson (2370) tefldi mjög vel gegn Jóhanni Ingvasyni (2142) og vann skákina nokkuð örugglega. Þá gerðu Guðmundur Kjartansson (2457) og Örn Leó Jóhannsson (2226) jafntefli í baráttuskák eftir að nokkuð hallaði á Guðmund í endataflinu.

Héðinn og Bragi eru efstir með 4 vinninga að loknum fimm umferðum. Næstir með 3,5 vinninga eru Björn, Jón Viktor og Jóhann. Í 6.umferð ber hæst viðureign Jóhanns og Héðins.

 

Úrslit 5.umferðar:

Rtg		Name	Result		Name	Rtg
2426	IM	Thorfinnsson Bragi	½ - ½	IM	Thorfinnsson Bjorn	2410
2454	IM	Gunnarsson Jon Viktor	½ - ½	GM	Hjartarson Johann	2547
2574	GM	Steingrimsson Hedinn	1 - 0	FM	Kjartansson David	2371
2580	GM	Gretarsson Hjorvar Steinn	0 - 1	FM	Gislason Gudmundur	2280
2370	IM	Jensson Einar Hjalti	1 - 0		Ingvason Johann	2142
2457	IM	Kjartansson Gudmundur	½ - ½		Johannsson Orn Leo	2226

 

Staðan að lokinni 5.umferð:

Rk.		Name	Rtg	1	2	3	4	5	6	7	8	9	10	11	12	Pts.
1	GM	Steingrimsson Hedinn	2574	*						0	1		1	1	1	4,0
2	IM	Thorfinnsson Bragi	2426		*	½		½		1			1		1	4,0
3	IM	Thorfinnsson Bjorn	2410		½	*		0	1		1		1			3,5
4	IM	Gunnarsson Jon Viktor	2454				*	½		1			0	1	1	3,5
5	GM	Hjartarson Johann	2547		½	1	½	*		1			½			3,5
6	IM	Jensson Einar Hjalti	2370			0			*		½	½		1	1	3,0
7	FM	Gislason Gudmundur	2280	1	0		0	0		*		1				2,0
8	IM	Kjartansson Gudmundur	2457	0		0			½		*	1		½		2,0
9	GM	Gretarsson Hjorvar Steinn	2580						½	0	0	*		½	1	2,0
10	FM	Kjartansson David	2371	0	0	0	1	½					*			1,5
11		Johannsson Orn Leo	2226	0			0		0		½	½		*		1,0
12		Ingvason Johann	2142	0	0		0		0			0			*	0,0

 

 

6.umferð (sunnudag klukkan 15):

Rtg		Name	Result		Name	Rtg
2410	IM	Thorfinnsson Bjorn			Johannsson Orn Leo	2226
2142		Ingvason Johann		IM	Kjartansson Gudmundur	2457
2280	FM	Gislason Gudmundur		IM	Jensson Einar Hjalti	2370
2371	FM	Kjartansson David		GM	Gretarsson Hjorvar Steinn	2580
2547	GM	Hjartarson Johann		GM	Steingrimsson Hedinn	2574
2426	IM	Thorfinnsson Bragi		IM	Gunnarsson Jon Viktor	2454

 

 

• Heimasíða mótsins
• Chess-Results
• Beinar útsendingar (kl. 15)

Skákþáttur Morgunblaðsins: Þurfti sigur í lokaumferðinni

Ernesto Inarkiev sigraði glæsilega á Evrópumóti einstaklinga sem lauk í Gjakova í Kosovo sl. mánudag. Hann hlaut 9 vinninga af ellefu en í 2. sæti varð Lettinn Kovalenko með 8 ½ vinning og í 3.-5. sæti urðu Jobava, Navara og Vallejo Pons með 8 vinninga.

Alls voru 23 sæti í boði í heimsbikarkeppni FIDE og fyrir lokaumferðina var Héðinn Steingrímsson í færum á að ná því sæti ef hann ynni. Hann hafði hvítt gegn Rússanum Evgení Najer en tefldi byrjunina ónákvæmt og tapaði. Héðinn hlaut 6 ½ vinning, Hannes Hlífar og Björn Þorfinnsson fengu báðir 6 vinninga og Guðmundur Kjartansson 5 ½ vinning.

Einungis Héðinn náði að bæta „ætlaðan“ árangur sinn. Hann hefur margt til brunns að bera á skáksviðinu en hefði sennilega aukið möguleika sína með þátttöku í fleiri mótum á undirbúningsferlinum. Þá þarf hann að huga betur að skapandi hlið skáklistarinnar. Framan af gekk hvorki né rak hjá honum en í seinni hlutanum sótti hann í sig veðrið og vann m.a. hinn fræga Alexander Beljavskí:

EM einstaklinga 2016; 10. umferð:

Héðinn Steingrímsson – Alexander Beljavskí

Ítalski leikurinn

1. e4 e5 2. Rf3 Rc6 3. Bc4 Bc5 4. c3 Rf6 5. d3 d6 6. O-O O-O 7. He1 a6 8. Bb3 Ba7 9. h3 Re7 10. Rbd2 Rg6 11. Rf1 Be6 12. Rg3 h6 13. d4 Rh7 14. Be3 exd4

Það er í þessari uppskiptahrinu sem Beljavskí missir þráðinn.

15. Rxd4 Bxb3 16. Dxb3 Re5 17. Dxb7!

Seilist eftir „eitraða peðinu“. Beljavskí tekst ekki að sýna fram á neinar bætur.

17.... Dd7 18. Db3 Hab8 19. Dc2 Rc4 20. Bc1 d5 21. b3 Re5 22. exd5 Dxd5 23. Be3 Bxd4 24. Bxd4 Rc6 25. Be3 f5 26. Had1 Df7 27. Re2

Óþarfa varkárni. Eftir 27. Bc5! er svarta staðan gjörtöpuð.

27.... Re5 28. c4 Hfe8 29. Rf4 Rg5 30. Kh1 Hbd8 31. Hxd8 Hxd8 32. Rd5 Rg6 33. Dc1 Re6 34. f3 c6 35. Rb4 Db7 36. Dc3 Rgf8 37. Rd3 Dc7 38. b4 a5 39. bxa5 c5 40. Bg1 Ha8 41. He5 Hxa5 42. De1 Db6 43. a3! 

Laglegur leikur. Svartur getur sig hvergi hrært.

43.... g6 44. Hd5 Hxa3 45. Rxc5 Ha2 46. Rxe6 Dxe6 47. He5 Dd7 48. He8 Kf7 49. Hb8 Dd2

Tapar strax en aðrir leikir eru jafn vonlausir.

50. De8+

- og Beljavskí gafst upp. 

Feðgar í landsliðsflokki

Keppni í landsliðsflokki Skákþings Íslands hefst í Tónlistarskóla Seltjarnarness nk. þriðjudag, 31. maí. Athygli vekur að Jóhann Hjartarson er aftur meðal keppenda og Íslandsmeistarinn Héðinn Steingrímsson er einnig skráður til leiks. Í fyrsta sinn í skáksögunni eru feðgar meðal þátttakenda, Örn Leó Jóhannsson og Jóhann Ingvason. Keppendalistinn í elo-stigaröð:

1. Hjörvar Steinn Grétarsson 2. Héðinn Steingrímsson 3. Jóhann Hjartarson 4. Guðmundur Kjartansson 5. Jón Viktor Gunnarsson 6. Bragi Þorfinnsson 7. Björn Þorfinnsson 8. Davíð Kjartansson 9. Einar Hjalti Jensson 10. Guðmundur Gíslason 11. Örn Leó Jóhannsson 12. Jóhann Ingvason. 

GAMMA styður Meistaramót Skákskóla Íslands

Keppni á Meistaramóti Skákskóla Íslands í flokki keppenda með 1600 elo-stig og minna lauk um síðustu helgi með sigri Stefáns Orra Davíðssonar sem er aðeins 9 ára gamall. Stefán hlaut 6 ½ vinning úr átta skákum og varð vinningi fyrir ofan næstu menn. Keppni stigahærri flokknum hófst svo í gær og mótinu lýkur á morgun, sunnudag. Þá mun Agnar Tómas Möller frá GAMMA, aðalstyrktaraðila mótsins, afhenda verðlaun en fimm farmiðavinningar eru í boði í hinum ýmsu styrkleikaflokkum.

Grein þessi birtist í Morgunblaðinu 28. maí 2016

Skákþættir Morgunblaðsins

[Event "European Individual Championship"] [Site "Gjakova KOS"] [Date "2016.05.22"] [EventDate "2016.05.12"] [Round "10.31"] [Result "1-0"] [White "Hedinn Steingrimsson"] [Black "Alexander Beliavsky"] [ECO "C53"] [WhiteElo "2574"] [BlackElo "2624"] [PlyCount "99"] 1. e4 e5 2. Nf3 Nc6 3. Bc4 Bc5 4. c3 Nf6 5. d3 d6 6. O-O O-O 7. Re1 a6 8. Bb3 Ba7 9. h3 Ne7 10. Nbd2 Ng6 11. Nf1 Be6 12. Ng3 h6 13. d4 Nh7 14. Be3 exd4 15. Nxd4 Bxb3 16. Qxb3 Ne5 17. Qxb7 Qd7 18. Qb3 Rab8 19. Qc2 Nc4 20. Bc1 d5 21. b3 Ne5 22. exd5 Qxd5 23. Be3 Bxd4 24. Bxd4 Nc6 25. Be3 f5 26. Rad1 Qf7 27. Ne2 Ne5 28. c4 Rfe8 29. Nf4 Ng5 30. Kh1 Rbd8 31. Rxd8 Rxd8 32. Nd5 Ng6 33. Qc1 Ne6 34. f3 c6 35. Nb4 Qb7 36. Qc3 Ngf8 37. Nd3 Qc7 38. b4 a5 39. bxa5 c5 40. Bg1 Ra8 41. Re5 Rxa5 42. Qe1 Qb6 43. a3 g6 44. Rd5 Rxa3 45. Nxc5 Ra2 46. Nxe6 Qxe6 47. Re5 Qd7 48. Re8 Kf7 49. Rb8 Qd2 50. Qe8+ 1-0

Mjóddarmót Hugins fer fram í dag

Mjóddarmótið fer fram laugardaginn 4. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði. Á síðasta ári sigraði Frú Sigurlaug en fyrir hana tefldi Einar Hjali Jensson. Tefldar verða sjö umferðir með sjö mínútna umhugsunartíma. Skráning fer fram í síma 866-0116 og á Skák.is. Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 15.000
• 2. 10.000
• 3.  5.000

Skráning:

• Sími: 866 0116

Íslandsmeistarinn knésettur

Þó svo blíðskaparveður væri á Seltjarnarnesi er 4.umferð Landsliðsflokks var tefld þá var engin lognmolla í skáksal Tónlistarskóla bæjarins. Mælitæki sýndu mikla sviptivinda í kringum tímamörkin og áttu áhorfendur í stökustu vandræðum með að fylgjast með öllu því sem fram fór á borðunum sex. Reyndist þessi fjórði keppnisdagur sá tíðindamesti til þessa.

Guðmundur Gíslason (2280) sló tóninn strax í öðrum leik er hann svaraði Sikileyjarvörn Íslandsmeistarans, Héðins Steingrímssonar (2574), með því að færa hvítreitabiskup sinn á einar tvo (1.e4 c5 2.Be2). Fór þá kliður um áhorfendur sem þurftu að ráða ráðum sínum til að vera þess fullvissir að þessi leikur væri samkvæmt reglum manngangsins. Þetta óvænta útspil Guðmundar hreyfði ekki aðeins við áhorfendum, heldur virtist það setja Héðinn eilítið út af laginu. Guðmundur fékk fljótlega mun betra tafl og saumaði hraustlega að Íslandsmeistaranum. Héðinn varðist og lagði þrautir fyrir Guðmund, og eygði um leið von um að bjarga taflinu. Guðmundur var hins vegar vandanum vaxinn og vann sína fyrstu skák í mótinu. Um leið hjó hann skarð í titilvörn Íslandsmeistarans sem þarf nú að smyrja meistaravélina á nýjan leik.

Jóhann Hjartarson (2547) stýrði hvítu mönnunum gegn Braga Þorfinnssyni (2426) og mátti greina á fasi stórmeistarans að hann ætlaði sér sigur. Bragi lét sér þó fátt um finnast og fann ávallt svör við brögðum Jóhanns, þó heldur hafi hallað á Braga um tíma. Þeir sömdu um skiptan hlut eftir 43 leiki.

Davíð Kjartansson (2371) og Jón Viktor Gunnarsson (2454) tefldu hraustlega skák í dag þar sem Jón Viktor virtist vera með unnið tafl um tíma. Davíð er þó brögðóttur og náði að snúa taflinu sér í vil undir lokin. Þar með vann Davíð sína fyrstu skák í mótinu.

Björn Þorfinnsson (2410) lagði Guðmund Kjartansson (2457) í 85 leikja skák og þá vann Hjörvar Steinn Grétarsson þolinmæðissigur á Jóhanni Ingvasyni (2142) í 70 leikjum. Loks stýrði Einar Hjalti Jensson (2370) svörtu mönnunum til sigurs gegn Erni Leó Jóhannssyni.

Bragi Þorfinnsson er efstur á mótinu að lokinni fjórðu umferð með 3,5 vinninga. Fjórir skákmenn koma í humátt á eftir honum með 3 vinninga.

 

Staðan að lokinni 4.umferð:

Rk.		Name	Rtg	Pts.	Rp	K	rtg+/-
1	IM	Thorfinnsson Bragi	2426	3,5	2671	10	10,4
2	IM	Thorfinnsson Bjorn	2410	3,0	2629	10	11,4
3	GM	Steingrimsson Hedinn	2574	3,0	2469	10	-3,2
4	IM	Gunnarsson Jon Viktor	2454	3,0	2448	10	0,1
5	GM	Hjartarson Johann	2547	3,0	2565	10	1,1
6	IM	Jensson Einar Hjalti	2370	2,0	2418	20	5,2
7	GM	Gretarsson Hjorvar Steinn	2580	2,0	2299	10	-12,5
8	FM	Kjartansson David	2371	1,5	2372	20	-0,6
9	IM	Kjartansson Gudmundur	2457	1,5	2397	10	-3,6
10	FM	Gislason Gudmundur	2280	1,0	2307	20	2,0
11		Johannsson Orn Leo	2226	0,5	2173	20	-4,8
12		Ingvason Johann	2142	0,0	1709	20	-9,2

 

 

5.umferð hefst klukkan 15 á morgun, laugardag. Þar ber einna hæst bræðrabylta þeirra Braga og Björns. Einnig mætast tveir af þeim fjórum sem deila öðru sæti; Jón Viktor Gunnarsson hefur hvítt gegn Jóhanni Hjartarsyni.

 

5.umferð:

1	2426	IM	Thorfinnsson Bragi		IM	Thorfinnsson Bjorn	2410
2	2454	IM	Gunnarsson Jon Viktor		GM	Hjartarson Johann	2547
3	2574	GM	Steingrimsson Hedinn		FM	Kjartansson David	2371
4	2580	GM	Gretarsson Hjorvar Steinn		FM	Gislason Gudmundur	2280
5	2370	IM	Jensson Einar Hjalti			Ingvason Johann	2142
6	2457	IM	Kjartansson Gudmundur			Johannsson Orn Leo	2226

 

• Heimasíða mótsins
• Chess-Results
• Beinar útsendingar (kl. 15)

Þrír með fullt hús á Íslandsmótinu

Keppendur í Landsliðsflokki héldu uppteknum hætti í dag og mættu til leiks vel vopnum búnir. Eftir þrjár umferðir og alls 18 skákir hafa aðeins fjögur jafntefli litið dagsins ljós. Ekkert þessara jafntefla hefur verið friðsamt. Til marks um það þá tefldu Einar Hjalti Jensson (2370) og Guðmundur Kjartansson (2457) 137 leikja maraþonskák í dag. Guðmundur reyndi að vinna með hrók og riddara gegn stökum hrók, en endataflssérfræðingurinn Einar Hjalti varðist fimlega. Þá komst Örn Leó Jóhannsson (2226) á blað í dag er hann hélt jöfnu með svörtu gegn Hjörvari Steini Grétarssyni (2580).

Íslandsmeistarinn, Héðinn Steingrímsson (2574), hefur fullt hús eftir sigur á Jóhanni Ingvasyni (2142). Jafnir Héðni með þrjá vinninga eru Bragi Þorfinnsson (2426) og Jón Viktor Gunnarsson (2454) en báðir unnu þeir með hvítu í dag.

Jóhann Hjartarson (2547) fylgir forystusauðunum eins og skugginn en hann vann Björn Þorfinnsson (2410) í dag og hefur Jóhann því 2,5 vinning.

 

Úrslit dagsins:

2547	GM	Hjartarson Johann	1 - 0	IM	Thorfinnsson Bjorn	2410
2426	IM	Thorfinnsson Bragi	1 - 0	FM	Kjartansson David	2371
2454	IM	Gunnarsson Jon Viktor	1 - 0	FM	Gislason Gudmundur	2280
2574	GM	Steingrimsson Hedinn	1 - 0		Ingvason Johann	2142
2580	GM	Gretarsson Hjorvar Steinn	½ - ½		Johannsson Orn Leo	2226
2370	IM	Jensson Einar Hjalti	½ - ½	IM	Kjartansson Gudmundur	2457

 

4.umferð mótsins fer fram á morgun, föstudag, og hefst hún klukkan 15. Þá mætast í sannkölluðum toppslag þeir Jóhann Hjartarson og Bragi Þorfinnsson. Skákmenn eru hvattir til þess að missa ekki af þeirri orrustu.

4.umferð:

2410	IM	Thorfinnsson Bjorn		IM	Kjartansson Gudmundur	2457
2226		Johannsson Orn Leo		IM	Jensson Einar Hjalti	2370
2142		Ingvason Johann		GM	Gretarsson Hjorvar Steinn	2580
2280	FM	Gislason Gudmundur		GM	Steingrimsson Hedinn	2574
2371	FM	Kjartansson David		IM	Gunnarsson Jon Viktor	2454
2547	GM	Hjartarson Johann		IM	Thorfinnsson Bragi	2426

• Heimasíða mótsins
• Chess-Results
• Beinar útsendingar (kl. 15)

 

Útitaflið lifnar við

Útitaflið við Bernhöftstorfu mun sannarlega lifna við í sumar. Skákakademía Reykjavíkur mun hafa umsjón með torginu sem hluta af verkefninu Torg í biðstöðu sem umhverfis- og skipulagssvið borgarinnar stendur fyrir. Fjórir bekkir hafa verið boltaðir niður við torgið og sólardagadaga verða töflin tekin upp að morgni svo gestir og gangandi geti gripið í tafl. Jafnframt verða skipulagðir viðburður haldnir svo gott sem einu sinni í viku eða oftar ef veður gefur tilefni til.

Viðburðir verða auglýstir með nokkurra daga fyrirvara þar sem reynt verður að stíla inn á gott veður. Þó munu skákviðburðir fara fram 17. júní og á Menningarnótt hvernig sem mun viðra.

Í tilefni dagsins tefldu Agnar Tómas Möller frá GAMMA og Gunnar Björnsson forseti Skáksambandsins eina létta skák. Skemmtilegir krakkar frá Klettaborg áttu leið framhjá og fylgdust gaumgæfilega með skákinni sem endaði með jafntefli eftir allmikla baráttu.

Í næstu viku verður tekið á móti skólakrökkum en stefnt að hraðskákmóti í vikunni 13. - 19. júní auk viðburðar á 17. júní.

 

 

Íslandsmót kvenna hefst 3. ágúst

Íslandsmót kvenna hefst miðvikudaginn 3. ágúst í húsnæði Skáksambands Íslands, Faxafeni 12, Reykjavík. Teflt verður í einum flokki, þ.e. mótið opið öllum konum/stúlkum.

Tímamörk:   90 mín. + 30 sek. á leik.

Dagskrá:         

• 1. umferð: Miðvikudagurinn, 3. ágúst, kl. 19:30
• 2. umferð: Föstudagurinn, 5. ágúst, kl. 19:30
• 3. umferð: Laugardagurinn, 6. ágúst kl. 14:00
• 4. umferð: Sunnudagurinn, 7. ágúst kl. 14:00
• 5. umferð: Þriðjudagurinn, 9. ágúst kl. 19:30
• 6. umferð: Fimmtudagurinn, 11. ágúst, kl. 19:30
• 7. umferð: Laugardagurinn, 13. ágúst kl. 14:00

Verðlaun:       

• 1. 75.000-
• 2. 45.000.-
• 3. 30.000.-

Íslandsmeistari kvenna fór einnig boð á Norðurlandamót kvenna sem fram fer í Sastamala Finnlandi 22.-30. október nk. 

Skráning fer fram hér á Skák.is (guli kassinn efst).

Upplýsingar um þegar skráða keppendur má finna hér.

 

Sumarnámskeið Taflfélags Reykjavíkur

Taflfélag Reykjavíkur býður upp á átta skáknámskeið í sumar fyrir börn fædd árin 2003 – 2008. Námskeiðin verða haldin í húsakynnum félagsins að Faxafeni 12 (gengið inn að norðanverðu).

 

Námskeið 1: 13.júní – 16.júní, kl. 10:00 – 12:30.

Námskeið 2: 13.júní – 16.júní, kl. 13:30 – 16:00.

Námskeið 3: 20.júní – 24.júní, kl. 10:00 – 12:30.

Námskeið 4: 20.júní – 24.júní, kl. 13:30 – 16:00.

Námskeið 5: 27.júní – 1.júlí, kl. 10:00 – 12:30.

Námskeið 6: 27.júní – 1.júlí, kl. 13:30 – 16:00.

Námskeið 7: 4.júlí – 8.júlí, kl. 10:00 – 12:30.

Námskeið 8: 4.júlí – 8.júlí, kl. 13:30 – 16:00. 

 

Þátttakendur velja annaðhvort námskeiðið fyrir hádegi eða eftir hádegi. Ætlast er til þess að þátttakendur kunni mannganginn að mestu leyti.

Kennarar á námskeiðunum eru alþjóðlegu meistararnir Bragi Þorfinnsson og Jón Viktor Gunnarsson. Þeir Bragi og Jón Viktor eru á meðal fremstu skákmanna landsins og voru meðal annars í sigurliði Íslands á Ólympíumótinu í skák (u16) árið 1995.

Gjald fyrir hvert námskeið er 7.000kr, nema fyrir námskeið 1 og 2 (4 dagar) en þá er gjaldið 5.600kr. Taflfélag Reykjavíkur áskilur sér rétt til þess að fella niður námskeið sé þátttaka ekki næg.

Skráning fer fram hér

Nánari upplýsingar veitir Bragi Þorfinnsson í síma 867 2627.

Ný alþjóðleg skákstig

Ný alþjóðleg skákstig komu út 1. maí sl. Hjörvar Steinn Grétarsson (2580) er í fyrsta skipti stigahæsti skákmaður landsins. Héðinn Steingrímsson (2577) og Hannes Hlífar Stefánsson (2577) koma skammt undan. Benedikt Þórisson (1265) er stigahæstur fjögurra nýliða og Róbert Luu (95) hækkar mest allra frá maí-listanum.

Topp 20

Nr.	Name	Tit	Stig	Gms	B-day	Diff
1	Gretarsson, Hjorvar Steinn	GM	2580	0	1993	0
2	Steingrimsson, Hedinn	GM	2577	10	1975	3
3	Stefansson, Hannes	GM	2577	20	1972	-4
4	Hjartarson, Johann	GM	2547	0	1963	0
5	Olafsson, Helgi	GM	2543	0	1956	0
6	Petursson, Margeir	GM	2509	0	1960	0
7	Arnason, Jon L	GM	2490	0	1960	0
8	Danielsen, Henrik	GM	2480	0	1966	0
9	Kristjansson, Stefan	GM	2464	0	1982	0
10	Gunnarsson, Jon Viktor	IM	2454	0	1980	0
11	Kjartansson, Gudmundur	IM	2450	19	1988	-7
12	Gretarsson, Helgi Ass	GM	2448	0	1977	0
13	Thorsteins, Karl	IM	2439	0	1964	0
14	Gunnarsson, Arnar	IM	2431	0	1978	0
15	Thorfinnsson, Bragi	IM	2426	0	1981	0
16	Thorhallsson, Throstur	GM	2411	0	1969	0
17	Thorfinnsson, Bjorn	IM	2396	9	1979	-14
18	Ulfarsson, Magnus Orn	FM	2385	0	1976	0
19	Arngrimsson, Dagur	IM	2378	0	1987	0
20	Olafsson, Fridrik	GM	2377	0	1935	0

Topp 100 má nálgast hér.

Nýliðar

Fjórir nýliðar eru á listanum. Þeirra stigahæstur er Benedikt Þórisson (1295).

Nr.	Name	Tit	Stig	Gms	B-day	Diff
1	Thorisson, Benedikt		1265	6	2006	1265
2	Hjaltason, Magnus		1237	11	2005	1237
3	Alexandersson, Orn		1209	6	2005	1209
4	Gardarsson, Hakon		1098	8	2003	1098

Mestu hækkanir

Róbert Luu (95) hækkar mest frá maí-listanum. Í næstum sætum eru Kristján Geirsson (93) og Stefán Orri Davíðsson (88).

Nr.	Name	Tit	Stig	Gms	B-day	Diff
1	Luu, Robert		1779	10	2005	95
2	Geirsson, Kristjan		1610	6	1963	93
3	Davidsson, Stefan Orri		1386	9	2006	88
4	Sigurdsson, Snorri Thor		1953	7	1963	38
5	Siguringason, Solon		1321	4	2005	38
6	Karlsson, Isak Orri		1148	7	2005	37
7	Briem, Stephan		1572	4	2003	34
8	Sigurvaldason, Hjalmar		1485	7	1973	32
9	Birkisson, Bjorn Holm		1977	9	2000	31
10	Davidsdottir, Nansy		1842	10	2002	31
11	Einarsson, Oskar Long		1691	5	1976	31
12	Jonasson, Hordur		1532	6	1959	30

Stigahæstu ungmenni 20 ára og yngri

Dagur Ragnarsson (2274) er efstur. Í næstum sætum eru Oliver Aron Jóhannesson (2232) og Vignir Vatnar Stefánsson (2171).

 

Nr.	Name	Tit	Stig	Gms	B-day	Diff
1	Ragnarsson, Dagur	FM	2274	6	1997	19
2	Johannesson, Oliver	FM	2232	6	1998	9
3	Stefansson, Vignir Vatnar		2171	9	2003	-56
4	Thorhallsson, Simon		2169	0	1999	0
5	Thorgeirsson, Jon Kristinn		2151	0	1999	0
6	Hardarson, Jon Trausti		2078	6	1997	-7
7	Jonsson, Gauti Pall		2075	6	1999	20
8	Birkisson, Bardur Orn		2048	10	2000	-4
9	Birkisson, Bjorn Holm		1977	9	2000	31
10	Sigurdarson, Emil		1974	0	1996	0
11	Heimisson, Hilmir Freyr		1974	9	2001	-105

Heimslistann má finna hér.