Skytturnar þrjár og Íslandsmeistarinn með fullt hús

Skytturnar þrjár, Björn og Bragi Þorfinnssynir og Jón Viktor Gunnarsson eru efstar með fullt hús á Íslandsmótinu í skák ásamt stórmeistaranum Héðni Steingrímssyni en önnur umferð fór fram í dag í Tónlistarskóla Seltjarnarness. 

Héðinn vann Örn Leó Jóhannsson, Björn lagði Einar Hjalta Jensson að velli, Bragi hafði sigur gegn Guðmundi Gíslasyni og Jón Viktor Gunnarsson sigraði Jóhann Ingvason.

Guðmundur Kjartansson gerði sér lítið fyrir og vann stigahæsta keppenda mótsins Hjörvar Stein Grétarsson í lengstu skák umferðarinnar. Davíð Kjartansson gerði jafntefli við Jóhann Hjartarson eftir að hafa lent í mjög vondri stöðu. Jóhann er fimmti með 1½ vinning.

Úrslit 2. umferðar

Þriðja umferð fer fram á morgun og hefst kl. 15. Þá mætast meðal annars Jóhann og Björn.

Pörun 3. umferðar:

 

• Heimasíða mótsins
• Chess-Results
• Beinar útsendingar (kl. 15)

Mjóddarmót Hugins fer fram á laugardaginn

Mjóddarmótið fer fram laugardaginn 4. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði. Á síðasta ári sigraði Frú Sigurlaug en fyrir hana tefldi Einar Hjali Jensson. Tefldar verða sjö umferðir með sjö mínútna umhugsunartíma. Skráning fer fram í síma 866-0116 og á Skák.is. Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 15.000
• 2. 10.000
• 3.  5.000

Skráning:

• Sími: 866 0116