Bloggfærslur mánaðarins, maí 2015

30.5.2015 | 22:34

Dagur og Jón Trausti efstir á Meistaramóti Skákskóla Íslands - Robert Luu efstur í flokki undir 1600 elo

Dagur og Jón Trausti efstir á Meistaramóti Skákskóla Íslands

- Robert Luu efstur í flokki undir 1600 elo

Dagur Ragnarsson og Jón Trausti Harðarson eru efstir þegar tefldar hafa verið fjórar umferðir af sex á Meistaramóti Skákskóla Íslands . Þeir hafa báðir hlotið 3 ½ vinning, gerðu jafntefli í innbyrðis viðureign í 3. umferð en unnu í fjórðu umferð sem fram fór síðdegs í gær. Jón Trausti vann Hilmi Frey Heimisson og Dagur vann Björn Hólm. Í 3. – 4. sæti koma Hilmir Freyr Heimisson og Oliver Aron Jóhannesson með 3 vinninga. Hilmir Freyr vann Oliver Aron í 3. umferð og komst við það einn í efsta sætið. Í 5. umferð, sem hefst kl. 10 í fyrramálið, teflir Hilmir Freyr við Dag og hefur hvítt en Jón Trausti hefur hvítt gegn Oliver.

Alls hófu 33 ungir skákmenn mótið á föstudagskvöldið en teflt er í tveim flokkum, sá sterkari er haldinn fyrir skákmenn með 1600 elo stig og meira og eru tímamörk 90 30 og verða tefldar sex umferðir. Hinn flokkurinn er skipaður skákmönnum sem eru með minna en 1600 elo stig eða eru stigalausir. Þar eru tímamörkin 30 30 og einnig eru tefldar sex umferðir . Bæði mótin eru reiknuð til skákstiga.

Robert Luu er efstur í flokki keppenda undir 1600 elo stig með 3 ½ vinninga af fjórum mögulegum. Rétt á eftir koma Mikhaylo Kravchuk, Jóhann Arnar Finnsson og Stephan Briem með 3 vinninga.

Nýbakaðuir Íslandsmeistari, Héðinn Steingrímsson, lék fyrsta leikinn fyrir Oliver Arion Jóhannesson í skák hans við Bárð Birkisson. Tveimur klukkustundum síðar lék forstjóri Gamma, Agnar Tómas Möller, fyrsta leikinn fyrir Aron Þór Mai í skák hans við Stefán Orra Davíðsson. GAMMA er styrktaraðili meistaramótsins í ár.

Skákstjórar eru Helgi Ólafson skólastjóri Skákskóla Íslands og Lenka Ptacnkikova. Mótinu lýkur síðdegis á morgun, sunnudag.

Spil og leikir | Slóð | Facebook | Athugasemdir (0)

30.5.2015 | 20:00

Skákþáttur Morgunblaðsins: Úrslitaskák Hjörvars og Héðins á morgun

Spennan eykst enn á Skákþingi Íslands en nú eru aðeins tvær umferðir eftir af mótinu. Hjörvar Steinn Grétarsson og Héðinn Steingrímsson unnu skákir sínar í gærkvöldi og hafa báðir hlotið 7½ vinning af 9 mögulegum. Þeir hafa skilið sig frá öðrum keppendum og munu mætast í hreinni úrslitaskák á morgun, sunnudag. Hjörvar hefur þá hvítt.

Í dag teflir Hjörvar hins vegar við Jón L. Árnason með svörtu en Héðinn hefur hvítt gegn Lenku Ptacnikovu, sem hefur staðið sig með mikilli prýði. Hún tapaði í gær fyrir Jóni L. Árnasyni, sem eftir sigra í 8. og 9. umferð er nú í 3.-4. sæti ásamt Hannesi Hlífari Stefánssyni með 5 vinninga. Eins og sakir standa er aðstaða Héðins eilítið betri þar sem Jón L. Árnason hefur verið að sækja í sig veðrið í síðustu umferðum en enginn skyldi þó vanmeta Lenku.

Í gær átti Hjörvar þó auðveldara prógramm; hann hafði hvítt gegn neðsta manni mótsins, Sigurði Daða Sigfússyni, og vann skákina fyrirhafnarlaust í 24 leikjum.

Hjörvar hefur teflt geysilega vel og það sama má segja um Héðin Steingrímsson, sem hafði svart gegn Jóhanni Hjartarsyni. Þessarar skákar var beðið með mikilli eftirvæntingu en þótt Jóhann hafi ekki náð að sýna sitt rétta andlit í þessu móti, sem má rekja til æfingaleysis, byggði hann upp vænlega stöðu en missti þráðinn í 35. leik.

Skákþing Íslands 2015; 10. umferð:

Jóhann Hjartarson – Héðinn Steingrímsson

Sikileyjarvörn

1. e4 c5 2. Rf3 d6 3. d4 cxd4 4. Rxd5 Rf6 5. Rc3 a6 6. Be3

Upphafsleikur ensku árásarinnar sem svo er nefnd. Jóhann kýs að sleppa f3-leiknum, sem oftast fylgir með, en byggir taflið þó upp á svipaðan hátt.

6.... e5 7. Rb3 Be7 8. h3 Be6 9. f4 exf4 10. Bxf4 Rc6 11. De2 Re5 12. 0-0-0 Rfd7 13. Kb1 0-0 14. g4 He8 15. De3 Bf8 16. g5 b5 17. h4 b4 18. Rd5 a5 19. Dg3 a4 20. Rd4 b3?!

Tvíeggjuð peðsfórn sem opnar örlítið á stöðu hvíts á kóngsvængum sem er þó býsna traust fyrir.

21. cxb3 axb3 22. Rxb3 Db8 23. Bh3 Da7 24. Rc1 Rc5 25. Bxe5 Bxd5 26. exd5

Gott var einnig 26. Hxd5.

26.... dxe5 27. De3 Db6 28. Hh2 Hab8 29. h5 e4 30. Hc2 Dd6 31. Hd4 g6 32. hxg6 hxg6 33. Hdc4 Hb5 34. Bf1 Ha5

35. b4?

Þessi leikur er alltof fljótt á ferðinni. Möguleikar hvíts að snúast um veikleika svarts á f7, þannig var 35. Hf2! best og hvíta staðan er talsvert betri og kóngsstaðn tiltölulega örugg. Hann hótar 36. Df4 og 35.... Dxd5 má svara með 36. Hd4! og því næst 37. Bc4.

35.... Hb8! 36. a3 Dxd5 37. Hh2?

Tapleikurinn. Eftir 37. Bg2! er staðan í jafnvægi.

37.... De5! 38. Dh3 Bg7

Hvítur er búinn að veikja sig alltof mikið eftir hornalínunni h8-a1. Eftirleikurinn er auðveldur.

39. Rb3 Hxa3 40. Hxc5 Hxb3+ 41. Dxb3 Dxh2

– og hvítur gafst upp.

Um aðstöðuna á Háuloftum Hörpu er það segja að útsýnið er auðvitað alveg magnað. En keppendur verða að sitja undir og tefla við alls kyns óvænt umhverfishljóð og getur stundum reynst erfitt að einbeita sér við slíkar aðstæður. Mótshaldarinn bætti mjög aðstöðu áhorfenda og er mikill þokki yfir uppröðun sýningarborða á skákstað. Útsendingar á netinu hafa notið mikilla vinsælda. Heimasíða mótsins er í góðum höndum Ingvars Þ. Jóhannessonar og Steinþór Baldursson hefur haft umsjón með beinu útsendingunum og hafa þær komist vel til skila.

Helgi Ólafsson helol@simnet.is

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Morgunblaðinu 23. maí 2015.

Skákþættir Morgunblaðsins

Spil og leikir | Breytt 25.5.2015 kl. 12:24 | Slóð | Facebook | Athugasemdir (0)

30.5.2015 | 08:27

Dagur, Jón Trausti og Hilmir Freyr efstir á Meistaramóti Skákskólans

Rimskælingarnir Dagur Ragnarsson (2283), Jón Trausti Harðarson (2143) og Hilmir Freyr Heimisson (1982) eru efstir og jafnir með fullt hús í efri flokki (yfir 1600 skákstigum) Meistaramóts Skákskóla Íslands.

Mótið hófst með því nýkrýndur Íslandsmeistari lék fyrsta leikinn fyrir, félaga sinn úr Fjölni, Oliver Aron Jóhannesson á móti Bárði Erni Birkissyni. Í tveimur fyrstu umferðunum bara það helst til tíðinda að Óskar Víkingur Davíðsson vann Gauta Pál Jónsson þrátt fyrir um 300 skákstigamun og Nansý Davíðsdóttir hafði betur gegn Bárði Erni þrátt fyrir 200 skákstigamun.

Stöðuna má nálgast á Chess-Results.

Þriðja umferð hefst kl. 10.

B-flokkur

Flokkur skákmanna undir 1600 skákstigum hófst með því Agnar Tómas Möller frá GAMMA lék fyrsta leikinn fyrir Aron Þór Mai á móti Stefáni Orra Davíðsson.

Því miður er eitthvað ólag á Chess-Results skránni og úrslitin ekki skilað sér þangað. Því verður væntanlega kippt í liðinn í dag.

Chess-Results.

Spil og leikir | Slóð | Facebook | Athugasemdir (0)

29.5.2015 | 10:12

Ársskýrsla Skáksambands Íslands

Aðalfundur Skáksambands Íslands fer frem félagsheimili Breiðabliks (Smáranum) á morgun og hefst kl. 10.

Ársskýrslu og ársreikninga SÍ með finna hér sem PDF-viðhengi.

Skrár tengdar þessari bloggfærslu:

Ársskýrsla SÍ 2014-15 - Reikningar 2014

Spil og leikir | Breytt s.d. kl. 10:13 | Slóð | Facebook | Athugasemdir (0)

29.5.2015 | 07:00

Skemmtikvöld TR fer fram í kvöld

Lokaskemmtikvöld starfsársins hjá Taflfélagi Reykjavíkur fer fram á föstudagskvöld og hefst klukkan 20.00 Nú er mikið er undir, enda leiða saman hesta sína sigurvegarar allra skemmtikvöldanna í vetur í epískri baráttu um titilinn Skemmtikvöldakóngurinn 2015.

En það verður einnig nóg af taflmennsku fyrir alla þá skákmenn sem ekki höfðu erindi sem erfiði við að tryggja sér sæti í úrslitunum, því samhliða kóngakeppninni verður keppt í áskorendaflokki sem er öllum opinn.

Í kóngaflokknum eiga keppnisrétt eftirtaldir sigurvegarar vetrarins.

Íslandmeistarar í Fischer random liðakeppni 2014 - TR (Keppandi að eigin vali úr sigurliðinu)

Mórinn 2014 - GM Hannes Hlífar Stefánsson
Karlöndin 2014 - GM Stefán Kristjánsson
Úlfurinn 2014 - Guðni Stefán Pétursson
Frikkinn 2015 - IM Jón Viktor Gunnarsson
Gagginn 2015 - Gagnfræðaskóli Akureyrar (keppandi að eigin vali úr því merka sigurliði)
Íslandsmeistarinn í Fischer Random 2015 - Björn Ívar Karlsson

Í flokknum verður tefla allir við alla tvöfalda umferð (12 skákir)

Í áskorendaflokki verða tefldar 12 umferðir eftir svissnesku kerfi.

Upplýsingar og dagskrá:

Kvöldið hefst kl. 20.00 Skráning á staðnum.
12 umferðir, 3 min +2 sek umhugsunartími á skák
Tvö hlé gerð á taflmennskunni. Bjórinn á 500 kr. fyrir keppendur allt kvöldið á Billiardbarnum.
Verðlaunaafhending í mótslok

Kóngaflokkur:
Bikar + 8000 króna inneign á Billiardbarnum
Verðlaunapeningur + 5000 króna inneign á Billiardbarnum
Verðlaunapeningur + 2000 króna inneign á Billiardbarnum

Áskorendaflokkur:
1. sæti. 3000 króna inneign á Billiardbarnum og sæti í úrslitum kóngakeppninnar að ári!
2. sæti. 2000 króna inneign á Billiardbarnum
3. sæti. 1000 króna inneign á Billardbarnum

Aðgangseyrir 500 kr.
Bjórinn á Billiardbarnum 500 kr. allt kvöldið fyrir keppendur og gesti skemmtikvöldsins. 30% afsláttur af tímagjaldi í pool eftir mót.
20 ára aldurstakmark og meðferð áfengra drykkja bönnuð í húsakynnum félagsins.

Tilvalið tækifæri til að slútta skákárinu með því að taka þátt í skemmtilegu móti og ræða viðburði vetrarins á Billanum!

Verið velkomin!

Nánar á heimasíðu TR

Spil og leikir | Breytt 27.5.2015 kl. 08:19 | Slóð | Facebook | Athugasemdir (0)

28.5.2015 | 22:30

Meistaramót Skákskóla Íslands hefst kl. 16 á morgun

Meistaramót Skákskóla Íslands fyrir starfsárið 2014/2015 hefst föstudaginn 29. maí og lýkur 31. maí. Mótið fer fram í tveim styrkleikaflokkum og verður reiknað til alþjóðlegra og íslenskra stiga í báðum flokkunum. Tímamörk eru þó mismunandi í flokknum.

Tefldar verða sex umferðir eftir svissneska kerfinu í báðum flokkum.

Aðalstyrktaraðili mótsins að þessu sinni er GAMMA.

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.

Skráning fer fram á Skák.is (guli kassinn efst).

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Núverandi meistari Skákskóla Íslands er Dagur Ragnarsson.

Dagskrá mótsins verður með eftirfarandi hætti:

Flokkur 1600 alþjóðleg elo – stig og ofar:

umferð: Föstudagurinn 29. maí kl. 16-20
umferð: Föstudagurinn 29. maí kl. 20-00

umferð. Laugardagur 30. maí kl. 10-14
umferð: Laugardagurinn 30. maí 15–19

umferð: Sunnudagurinn 31. maí kl.10-14
umferð: Sunnudagurinn 31. maí kl.15-19

Tímamörk í öllum umferðunum 90 30.

Keppendur geta tekið ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.

Flokkur undir 1600– elo-stigum og stigalausir:

umferð: Föstudagurinn 29. maí kl. 18-20
umferð: Föstudagurinn 29. maí kl. 20-22

umferð. Laugardagur 30. maí kl. 10-12
umferð: Laugardagurinn 30. maí 15–17

umferð: Sunnudagurinn 31. maí kl. 10-12
umferð: Sunnudagurinn 31. maí kl. 15-17

Tímamörk í öllum umferðunum 30 30.

Keppendur geta tekið ½ vinning yfirsetu í fyrstu fjórum umferðunum en tilkynna verður um yfirsetuna fyrir umferð og áður en raðað er í þá næstu.

Verðlaun í flokki 1600 elo +

verðlaun: farmiði að verðmæti kr. 50 þús + uppihaldskostnaður á kr. 35 þús.
verðlaun: Farmiði að verðmæti kr. 40 þús.
– 5. sæti Vandaðar skákbækur.

Auk þess verða veitt stigaflokkaverðlaun í mótinu:

1800 – 2000 elo:

Farmiði að verðmæti kr. 40 þús.

1600-1800 elo:

Farmiði að verðmæti kr. 40 þús.

Mótsstig úrskurða verði keppendur jafnir að vinningum nema í keppni um 1. sæti. Þá skal teflt um titilinn Meistari Skákskóla Íslands 2015.

Verðlaun í flokki 1600 elo og minna og stigalausra:

verðlaun: farmiði að verðmæti kr. 40 þús:
– 3. verðlaun: vandaðar skákbækur að eigin vali.

Spil og leikir | Breytt s.d. kl. 22:38 | Slóð | Facebook | Athugasemdir (0)

28.5.2015 | 20:00

Skákþáttur Morgunblaðsins: Baráttan á milli Hjörvars og Héðins

Hjörvar Steinn Grétarsson vann Hannes Hlífar Stefánsson í 7. umferð sem fram fór í Háuloftum Hörpunnar í gær og skaust við það einn í efsta sætið með 5 ½ vinning af sjö mögulegum. Umferðin hófst kl. 14 þar sem fyrir séð var ónæði af djasstónleikum sem fram fóru í Hörpunni í gærkvöldi en Héðinn Steingrímsson og Guðmundur Kjartansson hófu skák sína þó á hefðbundna tímanum eða kl. 17. Skákinni lauk með sigri Héðins sem komst þar með upp við hlið Hjörvars.

Baráttan um Íslandsmeistaratitilinn ætlar því að verða á milli Hjörvars Steins Grétarssonar og Héðins Steingrímssonar. Hjörvar hefur aldrei unnið landsliðsflokkinn á Skákþingi Íslands en Héðinn Steingrímsson varð Íslandsmeistari 15 ára gamall árið 1990 og vann svo í annað sinn árið 2011.

Mikið hefur verið um óvænt úrslit og tilþrifin fjörleg. Í gær vann Sigurður Daði Sigfússon Jóhann Hjartarson í aðeins 22 leikjum og Lenka Ptacnikova lagði Henrik Danielssen.

Þeir Jóhann Hjartarson og Jón L. Árnason hafa átt fremur erfitt uppdráttar enda langt síðan þeir hafa teflt á þessum vettvangi. Mótið er liður í undirbúningi þeirra fyrir þátttöku gullaldarliðs Íslands á Evrópumóti landsliða sem fram hér á landi í nóvember nk. Jóhann vann Hannes Hlífar í vel tefldri skák í 5. umferð en tapaði í tveim næstu umferðum. Jón L. Árnason gerði stutt jafntefli í gær og hefur verið þreifa fyrir sér með byrjanir og annað og virkar hestil varkár í skákum sínum. Báðir hlotið 3 vinninga úr sjö skákum.

Óvenjulegur biskupsleikur

Hannes Hlífar sem byrjaði mótið með krafi virðist hafa misst dampinn þegar hann tapaði maraþonskák sinni við Jóhann í 86 leikjum, rétt marði jafntefli í annarri maraþonskák í næstu umferð þegar hann tefldi við Lenku Ptacnikovu sem hefur teflt frísklega og frammistaða hennar kemur einna mest á óvart og einnig árangur Einars Hjalta Jenssonar sem er nálægt því að krækja sér í áfanga að alþjóðlegum meistaratititli. Hann vann Henrik Danielsen í 5. umferð í aðeins 24 leikjum. Óvenjulegur biskupsleikur, 9. Bf1xa6 gerði útslagið í skákinni:

Einar Hjalti Jensson – Henrik Danielsen

Sikileyjarvörn

1. e4 d6 2. Rc3 c5 3. f4 Rc6 4. Rf3 a6 5. d4 cxd4 6. Rxd4 g6 7. Be3 Bg7 8. Rd5 Hb8

Upp er komin óvenjuleg staða í Dreka-afbrigði sikileyjarvarnarinnar. Næsti leikur Einars Hjalta kom eins og þruma úr heiðskíru lofti.

9. Bxa6!!?

Það er ekki oft sem mönnum gefst kostur á því að leika biskupinum frá upphafsreitnum alveg út að endimörkum taflborðsins.

9.... e5 10. fxe5 Rxd4 11. Bxd4 bxa6 12. exd6 Dh4 13. Kf1 f6? Lokar menn svarts inni. Mun betra var 13. .... Kf8.

14. Df3 Bd7 15. h3 Kf7 16. Kg1 f5?

Eftir þetta verður stöðu svarts ekki bjargað. Hann get barist áfram með 16.... He8 þó hvítur hafi meira en nægar bætur fyrir manninn með þrjú peð og öfluga stöðu.

17. Bxg7+ Kxg7 18. Dc3+! Kh6

Eða 18.... Rf6 19. g3! Dg5 20. h4 og riddarinn á f6 fellur.

19. Dxh8 Dxe4 20. Hd1 Dxc2 21. Kh2 Hxb2 22. Hhg1 Hb8 23. Rf6 Rxf6 24. Dxf6

– og svartur gafst upp.

Í 8. umferð sem hefst kl. 17 í dag eigast við Héðinn og Einar Hjalti, Henrik og Hjörvar Steinn, Jón L. og Jóhann, Hannes og Bragi, Guðmundur og Björn og Sigurður Daði og Lenka.

Helgi Ólafsson helol@simnet.is

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Morgunblaðinu 21. maí 2015.

Skákþættir Morgunblaðsins

Spil og leikir | Breytt 25.5.2015 kl. 12:15 | Slóð | Facebook | Athugasemdir (0)

28.5.2015 | 10:01

Aðalfundur SÍ fer fram á laugardaginn

Aðalfundur SÍ verður haldinn 30. maí í félagsheimili Breiðabliks (Smáranum) Dalsmára 5. Aðalfundurinn hefst kl. 10.

Vinsamlegast athugið að fundurinn fer ekki fram í Stúkunni við Kópavogsvöll heldur í félagsheimilinu sunnan-meginn við völlinn (sjá mynd).

Hefðbundinn dagskrá verður á fundinum í samræmi við lög SÍ.

Allmargar lagabreytingattilögur liggja fyrir fundinum og má nálgast á Skák.is.

Spil og leikir | Breytt s.d. kl. 10:04 | Slóð | Facebook | Athugasemdir (0)

27.5.2015 | 11:54

Björgvin vetrarhrókur Ása

Það var létt og góð stemming hjá þeim tuttugu og sex skákmönnum sem skemmtu sér á hraðskákmótinu í gær í Stangarhylnum. Þetta var síðasta mótið á þessari vetrarvertíð. Svo byrjar næsta törn fyrsta september í haust. Riddarar í Hafnarfirði taka aldrei sumarfrí, þeir tefla alla miðvikudaga frá eitt til fimm. Þangað fara þeir skákþyrstu vona ég.

Það voru þrír skákmenn sem sönnuðu það í gær að þeir eru í sér flokki í þessum hóp, eins og þeir hafa oft gert áður. Þetta voru þeir Björgvin,Guðfinnur og Jóhann Örn.

Björgvin fékk 10 vinninga af 11 í fyrsta sæti, hann tapaði aðeins fyrir Óla Árna. Guðfinnur fékk 9 ½ vinning í öðru sæti, hann tapaði fyrir Björgvini og gerði jafntefli við Össur. Jóhann fékk 9 vinninga í þriðja sæti.hann tapaði fyrir Björgvini og Guðfinni en vann alla aðra. Næstu sex fengu 6 ½ vinning, þannig að 2 ½ vinningur eru á milli þriðja og fjórða manns, Þess vegna teljast þessir þrír vera í sérflokki.

Eftir mótslok og kaffi veislu hjá henni Hallfríði fór fram verðlaunaafhending.

Fyrst voru veitt verðlaun fyrir samanlagðan árangur vetrarins í B liði. Þar fékk Magnús V Pétursson brons, Einar S Einarsson silfur og Ásgeir Sigurðsson gull.

Þá var komið að því að verðlauna Vetrarhrókana, þá sem fengu flesta vinninga á samanlögðum skákdögum vetrarins.

Páll G Jónsson fékk bronsið hann fékk 150 v í 250 skákum eða 60%, Guðfinnur R Kjartansson fékk silfrið með 199,5 v í 280 skákum eða 71%. Vetrarhrókur nr 1 varð svo Björgvin Víglundsson með 239 v í 270 skákum eða 89%. Björgvin fékk afhentan Vetrahrókinn sérsmíðaðan farandgrip. Guðfinnur vann hann bæði 2014 og 2013

Að sjálfsögðu fengu þrír efstu í hraðskákmótinu gull,silfur og brons.

Það má svo segja frá því að 65 skákmenn heimsóttu okkur í vetur og tveir af þeim komu á alla viðburði vetrarins. Það voru þeir Jón Víglundsson og Guðfinnur R Kjartansson og þeir fengu klapp í verðlaun fyrir það.

Stjórnin öll,þeir Garðar, Finnur, Viðar og Jónas, sá um skákstjórnina í gær og gekk það snurðulaust fyrir sig.

Að lokum vil ég þakka öllum þeim sem tóku þátt í starfinu í vetur kærlega fyrir þátttökuna.

Sjá nánari úrslit í töflu og myndir frá ESE

Spil og leikir | Slóð | Facebook | Athugasemdir (0)

27.5.2015 | 08:18

Móðir allra skemmtikvölda fer fram á föstudagskvöld!

Lokaskemmtikvöld starfsársins hjá Taflfélagi Reykjavíkur fer fram á föstudagskvöld og hefst klukkan 20.00 Nú er mikið er undir, enda leiða saman hesta sína sigurvegarar allra skemmtikvöldanna í vetur í epískri baráttu um titilinn Skemmtikvöldakóngurinn 2015.

En það verður einnig nóg af taflmennsku fyrir alla þá skákmenn sem ekki höfðu erindi sem erfiði við að tryggja sér sæti í úrslitunum, því samhliða kóngakeppninni verður keppt í áskorendaflokki sem er öllum opinn.

Í kóngaflokknum eiga keppnisrétt eftirtaldir sigurvegarar vetrarins.

Íslandmeistarar í Fischer random liðakeppni 2014 - TR (Keppandi að eigin vali úr sigurliðinu)

Mórinn 2014 - GM Hannes Hlífar Stefánsson
Karlöndin 2014 - GM Stefán Kristjánsson
Úlfurinn 2014 - Guðni Stefán Pétursson
Frikkinn 2015 - IM Jón Viktor Gunnarsson
Gagginn 2015 - Gagnfræðaskóli Akureyrar (keppandi að eigin vali úr því merka sigurliði)
Íslandsmeistarinn í Fischer Random 2015 - Björn Ívar Karlsson

Í flokknum verður tefla allir við alla tvöfalda umferð (12 skákir)

Í áskorendaflokki verða tefldar 12 umferðir eftir svissnesku kerfi.

Upplýsingar og dagskrá:

Kvöldið hefst kl. 20.00 Skráning á staðnum.
12 umferðir, 3 min +2 sek umhugsunartími á skák
Tvö hlé gerð á taflmennskunni. Bjórinn á 500 kr. fyrir keppendur allt kvöldið á Billiardbarnum.
Verðlaunaafhending í mótslok

Kóngaflokkur:
Bikar + 8000 króna inneign á Billiardbarnum
Verðlaunapeningur + 5000 króna inneign á Billiardbarnum
Verðlaunapeningur + 2000 króna inneign á Billiardbarnum

Áskorendaflokkur:
1. sæti. 3000 króna inneign á Billiardbarnum og sæti í úrslitum kóngakeppninnar að ári!
2. sæti. 2000 króna inneign á Billiardbarnum
3. sæti. 1000 króna inneign á Billardbarnum

Aðgangseyrir 500 kr.
Bjórinn á Billiardbarnum 500 kr. allt kvöldið fyrir keppendur og gesti skemmtikvöldsins. 30% afsláttur af tímagjaldi í pool eftir mót.
20 ára aldurstakmark og meðferð áfengra drykkja bönnuð í húsakynnum félagsins.

Tilvalið tækifæri til að slútta skákárinu með því að taka þátt í skemmtilegu móti og ræða viðburði vetrarins á Billanum!

Verið velkomin!

Nánar á heimasíðu TR

Spil og leikir | Slóð | Facebook | Athugasemdir (0)

Bloggfærslur mánaðarins, maí 2015

Óvenjulegur biskupsleikur

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: