Skák.is

Bloggfærslur mánaðarins, maí 2014

4.5.2014 | 15:56

Jón Kristinn og Vignir Vatnar Íslandsmeistarar í skólaskák

Landsmótinu í skólaskák lauk í húsnæði Skáksambandsins. Íslandsmeistarar í skólaskák urðu þeir Jón Kristinn Þorgeirsson, Norðurlandi eystra, og Vignir Vatnar Stefánsson, Reykjanesi. Þeir tefldu báðir afar vel og voru vel af sigrunum komnir. Íslandsmeistararnir frá í fyrra urðu í öðru sæti, það er þeir Oliver Aron Jóhannesson, Reykjavík, í eldri flokki, og Hilmir Freyr Heimisson, Vestfjörðum, í þeim yngri.

Eldri flokkur:

Jón Kristinn Þorgeirsson hlaut 10½ vinning í 11 skákum. Hann leyfði aðeins jafntefli við félaga sinn frá Akureyri, Símon Þórhallsson. Oliver Aron varð annar með 10 vinninga og Símon varð þriðji með 8 vinninga eftir að hafa unnið Gauta Pál í lokaumferðinni í úrslitaskák um síðasta verðlaunasætið.

Gauti Páll varð í 4.-5. sæti ásamt Bárði Erni Birkissyni.

Mótstöflu eldri flokks má nálgast á Chess-Results.

Yngri flokkur

Vignir Vatnar sigraði í yngri flokki en hann hlaut 10 vinninga í 11 skákum. Hilmir Freyr varð annar með 9½ vinning og Guðmundur Agnar Bragason varð þriðji með 8 vinninga. Vignir var taplaus á mótinu en leyfði jafntefli gegn hinum tveimur verðlaunahöfunum.

Felix Steinþórsson og Mykhaylo Kravchuk urðu í 4.-5. sæti með 7 vinninga og Heimir Páll Ragnarsson sjötti með 6 vinninga.

Mótstöflu yngri flokks má nálgast á Chess-Results.

Um mótið

Mótshaldið tókst afar vel en í því eiga Ingibjörg Edda Birgisdóttir, landsmótsstjóri, og Ásdís Bragadóttir, framkvæmdastjóri, langmestan þátt, en þeir hafa haldið afar þétt utan um allt mótshaldið.

Birna Halldórsdóttir sá um veitingar sem slógu algjörlega í gegn. Steinþór Baldursson sá svo um beinar útsendingar.

Landsmótið í skólaskák er einstakt mót. Landsmótið er eins konar árshátíð ungu krakkanna. Þar er ekki bara teflt heldur einnig minglað en það er ekki síður mikilvægt að krakkar sem stundi skák séu góðir félagar en ekki bara andstæðingar við skákborðið. Það þekkja eldri kynslóðir mjög vel en margur vinskapurinn frá Landsmótum sem og öðrum skákmótum hefur haldið í áratugi.

Stemmingin sem náðist um helgina var afar góð og skemmtileg.

Vinnigshafarnir voru þó glaðastir allra en allir fengu viðurkenningarskjal, eins og sjá má í meðfylgjandi myndaalbúmi, og var klappað vel og lengi fyrir hverjum einasta keppenda!

Á Landsmótinu í skólaskák eru nefnilega allir sigurvegarar!

Að verðlaunaafhendingu lokinni var svo boðið upp á kjúkling, franskar og ís sem rann ljúflega í keppendur.

Spil og leikir | Breytt s.d. kl. 16:31 | Slóð | Facebook | Athugasemdir (0)

4.5.2014 | 09:15

Jón Kristinn og Vignir Vatnar efstir fyrir lokaumferð Landsmótsins

Lokaumferð Landsmótsins í skólaskák hefst kl. 10 í dag. Línur skýrðust nokkuð í lokaumferðum gærdagsins og eru þeir Jón Kristinn Þorgeirsson (eldri flokkur) og Vignir Vatnar Stefánsson (yngri flokkur) efstir með 9,5 vinning í 10 skákum. Oliver Aron Jóhannesson og Hilmir Freyr Heimisson eru í öðru sæti og hafa von um sigur misstigi Jón og Vignir sig.

Það var gaman hjá krökkunum í gær. Það var ekki nóg með að tefldar væru fjórar umferðir á Landsmótinu heldur var tefld tvískák af milli umferða af miklum móð, farið var í keilu og pool spilað á Billiardbarnum.

Eldri flokkur:

Jón Kristinn er efstur með 9,5 en hann vann Oliver Aron í hörkuskák í gær. Oliver hefur 9 vinninga. Gauti Páll Jónsson og Símon Þórhallsson eru jafnir í 3.-4. sæti en þeir mætast í lokaumferðinni og ræður sú skák úrslitum um hvor fær bronsið. Bárður Örn Birkisson og Jakob Alexander Petersen eru næstir með 6 vinninga.

Mótstöflu eldri flokks má nálgast á Chess-Results.

Yngri flokkur

Vignir Vatnar er efstur með 9,5 vinning en hann gerði jafntefli við Hilmi Frey í gær. Hilmir er annar með 8,5 vinning. Guðmundur Agnar Bragason er þriðji með 7,5 vinning og hafa þeir félagar allir tryggt sér verðlaunasæti. Felix Steinþórsson, Mykhaylo Kravchuk og Heimir Páll Ragnarsson eru jafnir í 4.-6. sæti með 6 vinninga.

Mótstöflu yngri flokks má nálgast á Chess-Results.

Spil og leikir | Slóð | Facebook | Athugasemdir (0)

3.5.2014 | 13:23

Oliver Aron og Vignir Vatnar efstir á Landsmótinu í skólaskák - mikilvægar skákir í næstu umferð

Nú er þriðji dagur Landsmótsins í skólaskák hálfnaður en átta umferðum af ellefu er lokið. Oliver Aron Jóhannesson er efstur með fullt hús í eldri flokki og Vignir Vatnar Stefánsson er í sömu stöðu í yngri flokki. Spennan er gríðarleg fyrir síðari átök dagsins en báðir tefla þeir helstu andstæðinga sína í níundu umferð sem hefst kl. 17. Nú er tekið hlé á mótinu og keppendur halda í Keiluhöllina þar sem spila á keilu og borða pizzu!

Eldri flokkur:

Oliver Aron Jóhannesson leiðir með fullu húsi í eldri flokki. Jón Kristinn Þorgeirsson er annar með 7½ vinning. Gauti Páll Jónsson og Símon Þórhallsson koma svo næstir með 6 vinninga og Bárður Örn Birkisson er fimmti með 5 vinninga.

Jón Kristinn og Oliver Aron mætast í níundu umferð sem hefst kl. 17 í skák sem gæti ráðið úrslitum.

Mótstöflu eldri flokks má nálgast á Chess-Results.

Yngri flokkur:

Vignir Vatnar Stefánsson er efstur með fullt hús. Hilmir Freyr Heimsson er annar með 7 vinninga og Guðmundur Agnar Bragason er þriðji með 6½ vinning. Felix Steinþórsson og Heimir Páll Ragnarsson koma næstir með 5 vinninga.

Vignir Vatnar og Hilmir Freyr mætast í næstu umferð. Skák sem gæti ráðið úrslitum mótsins.

Mótstöflu yngri flokks má nálgast á Chess-Results.

Spil og leikir | Slóð | Facebook | Athugasemdir (0)

3.5.2014 | 13:02

Skákmót öðlinga: Skákir sjöttu umferðar

Kjartan Maack hefur slegið inn skákir sjöttu og næstsíðustu umferðar Skákmóts öðlinga sem nú er í gangi. Þær fylgja með sem viðhengi.

Veljið skák (16 alls):

Spil og leikir | Breytt s.d. kl. 13:04 | Slóð | Facebook | Athugasemdir (0)

2.5.2014 | 19:12

Oliver Aron og Jón Kristinn efstir í eldri flokki - Guðmundur Agnar og Vignir Vatnar í þeim yngri

Öðrum degi Landsmótisins í skólaskák, þar sem umferðir 3-6 voru tefldar er lokið. Oliver Aron Jóhannesson og Jón Kristinn Þorgeirsson hafa fullt hús í eldri flokki og Guðmundur Agnar Bragason og Vignir Vatnar Stefánsson í þeim yngri. Mörg óvænt úrslit hafa sett svip sinn á afar skemmtilega og spennandi keppni sem verður framhaldið með umferðum 7-10 á morgun. Það er ekki bara teflt á Landsmótinu í skólaskákum en á morgun fara krakkarnir í keilu!

Eldri flokkur:

Oliver Aron og Jón Kristinn hafa fullt hús. Símon Þórhallsson er þriðji með 4,5 vinning, Gauti Páll Jónsson fjórði með 4 vinninga og Dawid Kolka fimmti með 3,5 vinning.

Yngri flokkur:

Vignir Vatnar Stefánsson og Guðmundur Agnar Bragason eru efstir með fullt hús. Hilmir Freyr Heimsson er þriðji með 5 vinninga, Heimir Páll Ragnarsson fjórði með 4 vinninga og Felix Steinþórsson fimmti með 3,5 vinning.

Nokkuð hefur verið um óvænt úrslit. Guðmundur Agnar hefur farið mikinn og hefur m.a. unnið Hilmi Freyr og Felix sem báðir eru umtalsvert stigahærri. Björn Ólafur Haraldsson frá Vesturlandi vann Óskar Víking Davíðsson.

Spil og leikir | Slóð | Facebook | Athugasemdir (0)

2.5.2014 | 11:14

Beinar útsendingar frá Landsmóti

Hægt að er fylgjast með beinum útsendingum frá Landsmótinu í skólaskák á eftirfarandi síðum:

Eldri flokkur

http://live.chess.is/2014/landsmot/eldri/r1/tfd.htm

Yngri flokkur

http://live.chess.is/2014/landsmot/yngri/tfd.htm

4. umferð var að byrja en dagskrá mótsins er sem hér segir:

Föstudagur 3.maí

9:00 3. umferð

11:30 4. umferð

14:30 5. umferð

17:00 6. umferð

Laugardagur 3.maí

9:00 7. umferð

11:30 8. umferð

17:00 9. umferð

19:30 10. umferð

Sunnudagur 4.maí

10:00 11. umferð

Spil og leikir | Slóð | Facebook | Athugasemdir (0)

2.5.2014 | 10:01

Hægt að sækja um að halda Norðurlandamótin í skák 2015

Opnað hefur verið fyrir það að hægt sé að bjóða í Norðurlandamótin í skák. Um er að ræða Norðurlandamótið í skák (Elite), NM kvenna og NM öldunga.

Taflfélög og/eða einkaaðilar geta boðist til að halda viðkomandi mót auk Skáksambandanna. Nánari upplýsingar má finna í neðangreindum texta sem og í viðhengi (PDF).

NORDIC CHESS FEDERATION
INVITATION TO BIDS FOR THE NORDIC CHESS CHAMPIONSHIPS 2015 (OPEN/ELITE, WOMEN AND SENIORS)

The Board of the Nordic Chess Federation has decided to invite bids for the three tournaments for the Nordic Championships in 2015. Organizers are invited to forward their bids for one or more of these three tournaments not later than September 15, 2014. The bids shall be sent to the secretary of the Nordic Chess Federation, Johan Sigeman, under the following address:

Johan Sigeman
c/o Advokatbyrån Sigeman & Co
Anna Lindhs Plats 4
SE-211 19 Malmö
SVERIGE

You may also use mail (johan.sigeman@sigeman.se).

The bid shall contain the following information:

The tournament or tournaments covered by the bid (a) the open/elite, b) the women and/or c) the senior tournament).
Name of the organizer with address and contact-info, including mail address
Dates for the tournament
Venue (city and playing hall)
Tournament type (Swiss or round robin)
Prize-money
Financial conditions for the participants (if any)
Hotel-facilities including prices
If live-broadcasting of games will take place
Other information of importance

Participation from the federations

The Nordic Chess Federation strongly encourages all Nordic federations to send their best players to participate in the three tournaments in 2015.

The competition rules etc.

New rules for the competitions were adopted in 2005 and may be downloaded from the home page (under Regler og Reguleringer): (http://www.sjakk.no/nordisk/).

Please note that both the Nordic Women´s committee and the Nordic Senior committee have expressed that the tournaments for these categories should be held as separate competitions (and not as an integrated part of another event). This should be regarded as a strong recommendation but is not a strict requirement.
The Nordic Chess Federation would very much like to see a chess festival in 2015 with many participants. The Board therefore welcomes bids that include two or three of the tournaments to be held at the same time and at the same place.

Financial contribution

The Nordic Chess Federation will provide the organizer of the open/elite tournament with a sum of DKK 15.000 to be used for prize money.

Possible zonal tournament

The Nordic Chess Federation is presently trying to reinstate the zonal tournament as a step in the qualification for the World Cup (most likely to be held in September 2015). If this succeeds, the Nordic Championship (the open/elite tournament) will be selected to be the zonal tournament and there will be 1-2 qualification spots in the Nordic Championship 2015. The decision on this issue will be made in August 2014.

Malmö May 2014

Johan Sigeman

Skrár tengdar þessari bloggfærslu:

Norðurlandamótin í skák 2015

Spil og leikir | Slóð | Facebook | Athugasemdir (0)

1.5.2014 | 21:55

Jón Viktor skákmeistari Vals

Skákmót Vals - Minningarmót um Hermann Gunnarsson fór fram í gær í Lollastúkunni í Valsheimilinu. 45 skákmenn tóku þátt í afar vel heppnuðu móti. Jón Viktor Gunnarsson sigraði á mótinu og hlaut Valshrókinn til varðveislu komandi ár og var það vel enda Jón Viktor mikill Valsari. Hann fékk ársmiða á alla heimaleiki Vals í fótbolta í verðlaun.

Í gær var svo sýndur Kastljósþáttur þar sem farið var yfir skákferil Hemma og viðtal tekið við Helga Ólafsson. Kastljósþáttinn má finna hér (byrjar ca. 13:30)

Sömu verðlaun fékk Björn Ívar Karlsson, sem varð í 2.-4. sæti ásamt Braga Þorfinnssyni og Jóni L. Árnasyni. Bragi hlaut hins vegar ársmiða eftir stigaútreikning. Þriðja ársmiðann hlaut Vignir Vatnar Stefánsson efstir happadrætti.

Mótið hófst með ræðu Helga Ólafssonar sem fór yfir feril Hemma í nokkrum orðum. Helgi sagði Hemma hafa verið senter í raunheimum hvort sem um væri að ræða fótbolta eða lífið sjálft. Í tilefni þess að Hemmi var ávallt nr. 9 þótti viðeigandi að hafa 9 umferðir á mótinu.

Halldór (Henson) Einarsson, sem gaf flest verðlaun, minntist einnig Hemma í mótsbyrjun. Nokkrar treyjur sem voru hannaðar í tilefni 100 ára afmælis Vals voru afhentar en þær fengu m.a. Jón L. Árnason, Helgi Brynjarsson, og Sigurður Daði Sigfússon eftir happadrættisútdrátt. Auk þess fengu allir keppendur 14 ára og yngri Valstreyju.

Mótið hófst með því að Ragnar Gunnarsson, bróðir Hermanns, lék fyrsta leikinn fyrir Jón L. á móti Inga Tandra Traustasyni, 1. e2-e4. Mótið var geysisterkt en meðal keppenda voru tveir stórmeistarar og þrír alþjóðlegir meistarar.

Jón Viktor var vel að sigrinum kominn og hinn sextíu ára farandbikar, Valshrókurinn, í góðum höndum næsta ár!

Skákdeild Vals stóð fyrir mótinu í samvinnu við Skáksamband Íslands.

Röð efstu manna

Rank		Name	Rtg	Pts	BH.
1	IM	Jón Viktor Gunnarsson	2426	7½	53½
2		Björn Ívar Karlsson	2268	7	51
3	IM	Bragi Þorfinnsson	2459	7	50½
4	GM	Jón Loftur Árnason	2502	7	48½
5	IM	Guðmundur Kjartansson	2439	6½	51½
6	FM	Róbert Lagerman	2305	6½	49
7	GM	Helgi Áss Grétarsson	2462	6	53½
8		Arnaldur Loftsson	1956	6	47
9	FM	Sigurður Daði Sigfússon	2290	6	45½
10		Hallgerður H Þorsteinsdóttir	1982	6	40
11		Rúnar Berg	2091	5½	47½
12	FM	Pálmi Ragnar Pétursson	2240	5½	42½
13	FM	Ingvar Jóhannesson	2372	5	56
14		Jóhann Ingvason	2142	5	46
15		Helgi Brynjarsson	1964	5	45
16		Vignir Vatnar Stefánsson	1912	5	45
17		Oliver Aron Jóhannesson	2146	5	44
18		Páll Andrason	1781	5	42½
19		Gauti Páll Jónsson	1681	5	40
20		Stefán Bergsson	2077	5	40
21		Gunnar Björnsson	2063	4½	46½
22		Gylfi Þór Þórhallsson	2132	4½	43½
23		Eiríkur Kolb Björnsson	1939	4½	43
24		Kristján Ö Elíasson	1844	4½	37½

Myndaalbúm (SB)

Spil og leikir | Breytt 2.5.2014 kl. 07:44 | Slóð | Facebook | Athugasemdir (0)

1.5.2014 | 21:41

Fyrsta degi Landsmótsins í skólaskák lokið

Fyrsta degi Landsmótsins í skólaskák er lokið. Oliver Aron Jóhannesson, Jón Kristinn Þorgeirsson og Dawid Kolka eru efstir með fullt hús í eldri flokki en Hilmir Freyr Heimisson, Guðmundur Agnar Bragason og Vignir Vatnar Stefánsson hafa fullt hús í yngri flokki. Á morgun eru tefldar fjórar umferðir og hefst fyrsta umferð dagsins kl. 9 í fyrramálið.

Skákir eldri flokks eru sýndar beint á netinu.

Spil og leikir | Slóð | Facebook | Athugasemdir (0)

1.5.2014 | 15:33

Bein útsending frá Landsmótinu í skólaskák

Landsmótið í skólaskák hófst rétt í þessu. 24 unglingar sitja að tafli, þar af flestir sterkustu skákungmenni landsins. Bein útsending er frá eldri flokki og stefnt er að því að bein útsending verði einnig frá yngri flokki.