Davíð Kjartansson Íslandsmeistari í netskák í fimmta sinn!

Fidemeistarinn Davíð Kjartansson (Boyzone) sigraði á 19. Íslandsmótinu í netskák sem fram fór í gærkvöldi, en hann hlaut 10 vinninga í 11 umferðum; hann gerði jafntefli við Sigurbjörn J. Björnsson(czentovic) og hinn eitilharða Jón Kristinsson(Uggi) og vann allar hinar níu. Davíð er þar með orðinn sigursælasti netskákmaður landsins, enda hefur hann nú unnið titilinn fimm sinnum, eða oftast allra!

Alþjóðameistarinn og TR-ingurinn Arnar Gunnarsson (AphexTwin) varð í öðru sæti með 9.5 vinninga og Jón Kristinsson (Uggi) í þriðja með 8 vinninga. Jón lét ekki staðar numið þar, því hann varð efstur í flokki betri skákmanna, 60 ára og eldri.

Stórmeistarinn og Huginsmaðurinn Lenka Ptácníková (velryba) landaði afar öruggum sigri í kvennaflokki, fékk 7.5 vinninga, sem dugði henni reyndar í 4.-7. sæti í mótinu sjálfu. Huginsmaðurinn Hallgerður Helga Þorsteinsdóttir (jolahjol) tók 2. sætið með glæsibrag.

Víkingurinn Gunnar Freyr Rúnarsson (Thule2) varð efstur í undir 2100 stiga flokki og norðlendingurinn grjótsterki úr SA, Jón Kristinn Þorgeirsson (jokkosoppo) varð í öðru sæti. Reyndar fengu þeir félagar jafn marga vinninga, en vinningar andstæðinga Gunnars reyndust fleiri en Jóns eftir að Ríkisendurskoðun hafði yfirfarið málið.

Huginsmaðurinn Kristófer Ómarsson (vitus) sigraði í flokki skákmanna með minna en 1800 skákstig og ungstirnið úr Faxafeninu, Björn Hólm Birkisson (broskall) varð í öðru sæti.

Öllum ætti nú að vera ljóst að Jón Kristinn Þorgeirsson (jokkosoppo) stóð sig með mikilli prýði; hann endaði í 4.-7. sæti í heildina og 2. sæti í u/2100 stiga flokki en lét það ekki duga því hann sigraði einnig í unglingaflokki (15 ára og yngri). Björn Hólm Birkisson (broskall) náði 2. sætinu, hársbreidd á undan hinum grjótharða Símoni Þórhallssyni(Zimzen) úr SA, sem var með jafn marga vinninga en lakari andstæðinga.

Heldur var fámennt í flokki stigalausra, en í honum fannst aðeins einn keppandi. Það hafði þó lítil áhrif á meistarann sem í honum var, en Hannes Sigurgeirsson (antipeon) sigraði með miklu öryggi og fékk 5.5 vinninga sem er stórfínt.

Huginn óskar sigurvegurunum til hamingju og þakkar öllum fyrir þátttökuna og hlakkar til að halda 20. Íslandsmótið í netskák árið 2015!

Sigurvegarar:

1. sæti, kr. 10.000 – FM Davíð Kjartansson (Boyzone)
2. sæti, kr. 6.000 – IM Arnar Gunnarsson (AphexTwin)
3. sæti, kr. 4.000 – Jón Kristinsson (Uggi)

Aukaverðlaun:

Undir 2100 skákstigum (miðað við nýjustu íslensku skákstig):

1. sæti, fimm frímánuðir á ICC – Gunnar Freyr Rúnarsson (Thule2)
2. sæti, þrír frímánuðir á ICC – Jón Kristinn Þorgeirsson (jokkosoppo)

Undir 1800 skákstigum (miðað við nýjustu íslensku skákstig):

1. sæti, fimm frímánuðir á ICC – Kristófer Ómarsson (vitus)
2. sæti, þrír frímánuðir á ICC – Björn Hólm Birkisson (broskall)

Stigalausir:

1. sæti, fimm frímánuðir á ICC – Hannes Sigurgeirsson (antipeon)

Unglingaverðlaun (15 ára og yngri):

1. sæti, fimm frímánuðir á ICC – Jón Kristinn Þorgeirsson (jokkosoppo)
2. sæti, þrír frímánuðir á ICC – Björn Hólm Birkisson (broskall)

Kvennaverðlaun:

1. sæti, fimm frímánuðir á ICC – Lenka Ptácníková (velryba)
2. sæti, þrír frímánuðir á ICC – Hallgerður Helga Þorsteinsdóttir (jolahjol)

Eldri skákmenn (60 ára og eldri):

1. sæti, fimm frímánuðir á ICC – Jón Kristinsson (Uggi)
2. sæti, þrír frímánuðir á ICC – Gunnar Magnússon (gilfer)

Jólamót Víkingaklúbbsins fer fram á þriðjudaginn

Jólamót Víkingaklúbbsins verður haldið þriðjudaginn 30. des í húsnæði Skáksambands Íslands og hefst það kl 19.30. Teflt verður bæði skák og Víkingaskák. Fyrst 7. umf skákmót með 5 mínútna umhugsunartíma, en eftir það verða 7. umferðir í Víkingaskák, þs 7 umferðir 7. mínútur.  

Verðlaun í boði fyrir þrjú efstu sæti og ókeypis veitingar, m.a Víkingamjöður.  Ekki er nauðsynlegt að taka þátt í báðum mótunum og þeir sem ætla að tefla einungis Vîkingaskák mæta ekki seinna en kl 21.30.  Víkingaskákmótið er jafnframt Ìslandsmótið í Víkingahraðskák.  Einnig eru veitt sérstök verðlaun fyrir besta árangur í báðum mótunum, en sá sem er með besta árangurinn úr báðum mótunum er jafnframt Íslandsmeistari í tvískák.

Skráning á mótið fer m.a fram á netfangið: vikingaklubburinn(hjá)gmail.com

Jólahraðskákmót TR fer fram á morgun

Jólahraðskákmót Taflfélags Reykjavíkur verður haldiðmánudaginn 29. desember kl. 19.30. Tefldar verða 2x7 umferðir með 5 mínútna umhugsunartíma. Mótið fer fram í húsnæði T.R. að Faxafeni 12. Þátttökugjald er kr. 500 en frítt fyrir 15 ára og yngri. Verðlaun fyrir þrjú efstu sætin. Sigurvegari síðasta árs var Jóhann Örn Ingvason.

Hlökkum til að sjá ykkur!

Henrik og Hilmir byrja vel í Øbro

Stórmeistarinn Henrik Danielsen (2509) og Hilmir Freyr Heimisson (1856) byrja vel á Nýársmóti CXU sem fram fer í Øbro í Danmörku. Henrik hefur fullt hús vinninga eftir 3 umferðir og Hilmir hefur helmingsvinningshlutfell.

Henrik hefur reyndar ekki teflt enn við mjög stigaháa andstæðinga en það þarf samt að vinna skákirnar. Í fjórðu umferð, sem fram fer í kvöld, teflir hann við alþjóðlega meistarann Jens Ove Fries Nielsen (2426). 

Hilmir Freyr Heimisson (1878) gerði í dag jafntefli við Henrik Bolding Pedersen (2180) og hefur 1,5 vinning.

Alls taka 64 skákmenn þátt í mótinu og þar af eru tveir stórmeistarar. Henrik er stigahæstur keppenda en Hilmir er nr. 43 í stigaröð keppenda.

• Heimasíða mótsins
• Mótstaflan

 

Héðinn Íslandsmeistari í atskák

Í gær fór fram Atskákmót Skákklúbbs Icelandair - Íslandsmótið í atskák. Stórmeistararnir Héðinn Steingrímsson og Þröstur Þórhallsson komu jafnir í mark með hið ótrúlega skor 8,5 vinning í 9 skákum. Héðinn hafði hins vegar Íslandsmeistaratitilinn eftir stigaútreikning. Í 3.-4. sæti urðu Einar Hjalti Jensson og Símon Þórhallsson en sá síðarnefndi stal heldur betur senunni með stórkostlegum árangri. Mótið var afar vel heppnað en alls tóku 87 skákmenn þátt og tefldu við frábærar aðstæður í Hótel Natura.

Röð efstu manna:

 

Héðinn og Þröstur höfðu algjöra yfirburði. Gerðu jafntefli í innbyrðis skák en allar aðrar skákir. Það er vægast sérstakt að fá 8,5 vinning í 9 skákum en verða ekki Íslandsmeistari eins og urðu örlög Þrastar að þessu sinni.  

Stigaflokkar

Mótinu var skipt upp í fjóra stigaflokka. Sigurvegarinn hlaut flug fyrir tvo með Icelandair, sá í öðru sæti fékk flug fyrir tvo innanlands og sá þriðji hlaut að verðlaunum gjafabréf í Satt. Eftirtaldir unnu þessi verðlaun:

Flokkur 2300-

1. Héðinn Steingrímsson 8,5 v.
2. Þröstur Þórhallsson 8,5 v.
3. Einar Hjalti Jensson 7 v.

Flokkur 2001-2299

1. Daði Ómarsson 6,5 v.
2. Björn Ívar Karlsson 6,5 v.
3. Þorvarður F. Ólafsson 6,5 v.

Flokkur 1700-1999

1. Símon Þórhallsson 7 v.
2. Bárður Örn Birkisson 6 v.
3. Arnaldur Loftsson 5,5 v.

Flokkur 0-1699

1. Magnús Matthíasson 5 v.
2. Guðmundur Kristinn Lee 5 v.
3. Felix Steinþórsson 5 v.

Auk þess voru veitt aukaverðlaun í nokkrum flokkum. Fontana fyrir tvo.

• Kvennaverðlaun: Lenka Ptácníková
• Öldungaverðlaun (60+): Ólafur Kristjánsson
• Unglingaverðlaun (u15): Símon Þórhallsson
• Útdreginn: Ólafur G. Ingason

Að móti loknu voru svo 40.000 vildarpunktar útdregnir. Þá hlaut Arnaldur Loftsson. 

Halldór Atli Kristjánsson hlaut verðlaun fyrir óvæntustu úrslitin en hann vann Ólaf G. Ingason í fyrstu umferð en þar var stigamunurinn 623 skákstig!

Mótsstjóri var Óskar Long Einarsson en skákstjórn var í höndum Gunnars Björnssonar.

Myndaalbúm (ESE)

Íslandsmótið í netskák fer fram í kvöld

Íslandsmótið í netskák fer fram, sunnudaginn 28. desember á ICC og hefst kl. 20. Mótið er öllum opið og er teflt er einum flokki. Skráning fer fram á Skák.is. Það er Skákfélagið Huginn sem stendur fyrir mótinu.

Ítarlegar upplýsingar á Skákhuganum.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 3 2 (3 mínútur + 2 viðbótarsekúndur á hvern leik). Tefldar eru 11 umferðir.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is. Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Bragi Þorfinnsson er Íslandsmeistari í netskák.

Verðlaun:

1. kr. 10.000 
2. kr.  6.000 
3. kr.  4.000

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Undir 1800 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Stigalausir: 

• 1. Fimm frímánuðir á ICC
• 2. Þrír frímánuðir á ICC

Unglingaverðlaun (15 ára og yngri):

• 1. Fimm frímánuðir á ICC
• 2. Þrír frímánuðir á ICC

Kvennaverðlaun:

• 1. Fimm frímánuðir á ICC
• 2. Þrír frímánuðir á ICC

Eldri skákmenn (60 ára og eldri):

• 1. Fimm frímánuðir á ICC
• 2. Þrír frímánuðir á ICC

Upplýsingar um þegar skráða keppendur

Skákþáttur Morgunblaðsins: Þrjú skemmtileg mót

Guðlaug Þorsteinsdóttir sigraði á vel sóttu Skákþingi Garðabæjar sem lauk um mánaðamótin nóv./des. Þetta mót dró til sín marga af yngstu og efnilegustu skákmönnum höfuðborgarsvæðisins. Þegar tími hefur gefist í annasömu læknisstarfi hefur Guðlaug stundum tekið góða spretti á skákborðinu og er aldrei að vita nema hún gefi kost á sér í verkefni kvennalandsliðsins á næsta ári. Hún hlaut 5 ½ vinning af sjö mögulegum, tapaði í fyrstu umferð fyrir Birni Hólm Birkissyni en var óstöðvandi eftir það. Bárður Örn Birkisson og Páll Sigurðsson urðu í 2.-3. sæti með 5 vinninga. Í b-flokki mótsins sigraði Þorsteinn Magnússon, hlaut 6 vinninga af sjö mögulegum en í 2.-3. sæti komu tveir ungir skákmenn, Guðmundur Agnar Bragason og Robert Luu með 5 ½ vinning hvor.

Vetrarmóti öðlinga, skemmtilegri keppni sem hinn kunni skákdómari Ólafur Ásgrímsson á mestan heiður af, lauk svo um svipað leyti í húsakynnum Taflfélags Reykjavíkur við Faxafen. Þar urðu jafnir og efstir þeir Magnús Pálmi Örnólfsson og Þorvarður Ólafsson, hlutu báðir 6 vinninga af sjö mögulegum en Magnúsi var dæmdur sigur á stigum. Keppendur voru 25 talsins og má geta þess að í 3.-4. sæti varð Guðmundur Aronsson, stigalaus skákmaður sem ekki hefur teflt á opinberu móti í meira en 40 ár. 

Óvæntur sigurvegari á Meistaramóti SSON

Sigurvegari Meistaramóts SSON, Skáksambands Selfoss og nágrennis, sem fram fór í Fischer-setrinu á Selfossi, kom úr óvænri átt. Þar voru keppendur átta talsins og tefldu allir við alla með klst. umhugsunartíma á skák. Ýmsum lék forvitni á að vita hvernig stæði á ferðum og þátttöku liðlega þrítugs Bandaríkjamanns, Noah Siegel, sem hafði nokkurra vikna dvöl í grennd við Selfoss í haust. Hann hélt sig þar að mestu til hlés, stundaði jóga hjá Dagmar Unu Ólafsdóttur og bar ýmis merki þess að hann væri að flýja skarkala New York-borgar en þaðan er hann. Við eftirgrennslan kom svo í ljós að hér var á ferðinni gömul vonarstjarna Bandaríkjamanna á skáksviðinu. Hann hafði fyrir u.þ.b. 20 árum teflt fyrir hönd Bandaríkjanna á heimsmeistaramótum barna og unglinga, 12 ára og yngri og 14 ára og yngri, og kljáðst þar við ungstirni á borð við Armenann Levon Aronjan og Rússann Alexander Grischuk; lagt síðar út á brautir veðmála og fjárhættuspila og við pókerborðið atti hann kappi við ýmsa nafntogaða einstaklinga og rakaði saman fé svo af hlutust blaðaskrif og réttarhöld – því að víða eru settar hömlur á fjárhættuspil í Bandaríkjunum. 

Í Fischer-setrinu kom Noah Siegel mönnum fyrir sjónir sem dagfarsprúður og þægilegur einstaklingur. Og ekki kunnu keppendur því illa þegar tvær vel klæddar vinkonur hans, starfandi fyrirsætur frá New York, skruppu yfir hafið til heilsa upp á vin sinn og sátu í mestu rólegheitum yfir skákum hans í Fischer-setrinu. Keppinautar hans stóðust honum ekki snúning að þessu sinni – kappinn hefur lofað að koma aftur – og voru þó á ferðinni býsna öflugir meistarar. Noah Siegel hlaut 6 ½ vinning af sjö mögulegum en í 2.- 3. sæti komu Sverrir Unnarsson og Ingimundur Sigurmundsson með 4 ½ vinning. Þeir tefldu svo tveggja skáka einvígi um sæmdarheitið Skákmeistari SSON og vann Sverrir, 1 ½ : ½.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 20. desember 2014

Skákþættir Morgunblaðsins

Íslandsmótið í atskák - mæting kl. 12:45!

 

Þegar hafa 90 keppendur skráð sig til leiks á Atskákmót Skákklúbbs Icelandair - Íslandsmótsins í atskák sem hefst kl. 13 á morgun.

Skráðir keppendur eru beðnir um að mæta eigi síðar en kl. 12:45 til að staðfesta þátttöku og greiða þátttökugjald.

Ef menn vilja flýta aðeins fyrir þá er hægt að greiða þátttökugjöldin með því að millifæra á: 515-14-406597, kt. 561211-0860. Senda tilkynningu á netfangið: [e-mail] með nafni keppanda í tilvísun. Þá þurfa menn ekki að staðfesta þátttöku á skákstað.

Skráning fer fram á Skák.is og stendur til miðnættis í kvöld. 

Þegar skráða keppendur má finna hér

Mótið á Chess-Results.

Atskákmót Skákklúbbs Icelandair - Íslandsmótið í atskák - SKRÁNINGARFRESTUR FRAM TIL MIÐNÆTTIS

Atskákmót Skákklúbbs Icelandair – verður að þessu sinni einnig Íslandsmótið í atskák.

Mótið fer fram laugardaginn 27. desember í Hótel Natura (áður Hótel Loftleiðir) og hefst kl. 13. Frítt kaffi og frír djús. 

Tefldar eru 9 umferðir eftir svissneska kerfinu með 15 mínútna umhugsunartíma. Teflt eru í einum flokki og verða veitt verðlaun í fjórum flokkum.

Þáttökugjald: 3.000 og 2.000 fyrir 12 og yngri, frítt fyrir stórmeistara og alþjóðlega meistara.

Verðlaun verða veitt í 4 flokkum:

• 2300-yfir
• 2000-2299
• 1700-1999
• 0-1699

Miðað verður við FIDE stig 1. des -> annars íslensk stig 1. des -> atskákstig -> Frammistöðu á síðasta atskákmóti ef fyrir hendi annars 1.500 stig.

Verðlaun í hverjum flokki eru þessi:

1. verðlaun: Farmiði fyrir tvo til Evrópu með Icelandair (skattar ekki innifaldir)
2. verðlaun: Farmiði fyrir tvo innanlands (skattar ekki innifaldir)
3. verðlaun: Gjafabréf fyrir tvo á Satt gildir í brunch/hádegisverðarhlaðborð

Íslandsmeistarinn í atskák fær aukreitis 50.000 kr. peningaverðlaun.

Verði tveir eða fleiri jafnir í verðlaunaflokkum gildir stigaútreikningur. Sama gildir um Íslandsmeistaratitilinn.

Aukaverðlaun:

Einn afar heppinn keppandi fær 40.000 vildarpunkta sem meðal annars er hægt að nota í greiðslu uppí farseðil hjá Icelandair, bóka hótel, bílaleigubíl og panta vörur hjá samstarfsaðilum points.com, meðal annars Amazon.  

Gjafabréf fyrir tvo í Fontana eru veitt til:

• Efsta konan
• Efsti unglingur (1999 eða síðar)
• Efsti eldri skákmaður (1954 eða fyrr)
• Útdreginn keppandi

Aukaverðlaun (Gjafabréf fyrir tvo á Satt gildir í brunch/hádegisverðarhlaðborð) verða fyrir óvæntasta sigurinn samkvæmt stigamun.

Skráning fer fram á Skák.is og stendur til miðnættis þann 26. desember nk. Mótshaldarar áskilja sér rétt til að takmarka þátttöku við 130 manns. 

Þegar skráða keppendur má finna hér

Mótið á Chess-Results.

Íslandsmótið í netskák fer fram á sunnudaginn

Íslandsmótið í netskák fer fram, sunnudaginn 28. desember á ICC og hefst kl. 20. Mótið er öllum opið og er teflt er einum flokki. Skráning fer fram á Skák.is. Það er Skákfélagið Huginn sem stendur fyrir mótinu.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 3 2 (3 mínútur + 2 viðbótarsekúndur á hvern leik). Tefldar eru 11 umferðir.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is. Þeir sem ekki hafa hugbúnað til að tefla geta halað niður þar til gerðu forrit(mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Bragi Þorfinnsson er Íslandsmeistari í netskák.

Verðlaun:

1. kr. 10.000 
2. kr.  6.000 
3. kr.  4.000

Aukaverðlaun:

Undir 2100 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Undir 1800 skákstigum (miðað við nýjustu íslensku skákstig):

• 1. Fimm frímánuðir á ICC
• 2. Þrír frímánuðir á ICC

Stigalausir: 

• 1. Fimm frímánuðir á ICC
• 2. Þrír frímánuðir á ICC

Unglingaverðlaun (15 ára og yngri):

• 1. Fimm frímánuðir á ICC
• 2. Þrír frímánuðir á ICC

Kvennaverðlaun:

• 1. Fimm frímánuðir á ICC
• 2. Þrír frímánuðir á ICC

Eldri skákmenn (60 ára og eldri):

• 1. Fimm frímánuðir á ICC
• 2. Þrír frímánuðir á ICC

Upplýsingar um þegar skráða keppendur