Skákveisla í Ráðhúsinu á laugardaginn: Saman erum við sterkari!

Vestnorrænu meistararnir Stefán Kristjánsson, og Flóvin Þór Næs tefla við alla sem vilja. Grænlenski afrekspilturinn Paulus Napatoq teflir blindskák. Fjölskylduhorn og skákmyndakeppni barna.

Efnt verður til skákveislu í Ráðhúsi Reykjavíkur, laugardaginn 8. september klukkan 14, í tilefni vestnorrænu hátíðarinnar Nýjar slóðir. Gestum og gangandi er boðið að spreyta sig í skák gegn meisturum frá Færeyjum, Grænlandi og Íslandi. Össur Skarphéðinsson utanríkisráðherra setur skákveisluna og kynnir til leiks skákmeistarana Flóvin Þór Næs, Stefán Kristjánsson og Paulus Napatoq.
 
Færeyingurinn Flóvin Þór Næs, sem er stærðfræðingur og auk þess Þingeyingur í móðurætt, og Stefán Kristjánsson, yngsti stórmeistari Íslendinga tefla fjöltefli við alla sem þora, og eru skákáhugamenn á öllum aldri hjartanlega velkomnir. Tekið verður sérstaklega vel á móti byrjendum í fjölskylduhorninu, þar sem hægt er að læra mannganginn og taka þátt í skákmyndakeppni barna. Veitt verða verðlaun fyrir bestu myndirnar í lok dagskrárinnar klukkan 17.
 
Meðal þeirra sem hafa boðað komu sína í fjölteflið gegn Flóvin og Stefáni eru þingmennirnir Guðlaugur Þór Þórðarson, Vigdís Hauksdóttir og Guðfríður Lilja Grétarsdóttir og borgarfulltrúarnir Óttarr Proppé, Kjartan Magnússon og Oddný Sturludóttir, en sonur hennar sem er í skáksveit Austurbæjarskóla mun hjálpa mömmu sinni gegn meisturunum. Þá munu mörg af efnilegustu börnum og ungmennum landsins reyna sig í fjölteflinu.
 
Grænlenski pilturinn Paulus Napatoq kemur frá Ittoqqortoormiit, sem er afskekktasta þorpið á norðurhveli jarðar. Paulus er tvítugur og blindur frá fæðingu. Hann lærði að tefla þegar liðsmenn Hróksins og Kalak heimsóttu þorpið hans í fyrsta sinn, og var Paulus eldsnöggur að læra mannganginn og sigraði á grunnskólamóti þar sem keppendur voru hátt í hundrað. Paulus mun tefla blindskák við Helga Hjörvar alþingismann og fv. forseta Norðurlandaráðs, en Helgi hefur frá unga aldri verið lunkinn og sókndjarfur skákmaður. Paulus mun síðan taka við áskorunum frá þeim sem vilja tefla við þennan unga grænlenska snilling, sem er af miklum veiðimannaættum á Grænlandi.
 
Skáksamband Íslands og Skákakademían skipuleggja veisluna í Ráðhúsinu á laugardaginn, sem er hluti hátíðarinnar Nýjar slóðir. Markmið hátíðarinnar Nýjar slóðir er að miðla sambandi, sögu og menningartengslum Grænlands, Færeyja og Íslands og helgina 7.-9.september bjóða upp á hlaðborð menningarviðburða þar sem íslenskir, færeyskir og grænlenskir listamenn koma saman. Það fer vel á því að skákíþróttin skipi veglegan sess á slíkri hátíð, enda sterk bönd milli skákmanna í löndunum þremur í norðri. Færeyingar og Norðlendingar mætast árlega í einvígi, og Íslendingar hafa síðan 2003 staðið að landnámi skákarinnar á Grænlandi.
 
Kjörorð skákveislunnar á laugardaginn eru ,,Saman erum við sterkari" en þau orð lét Jonathan  Motzfeldt landsfaðir Grænlendinga falla, eftir að hafa teflt í liði með Ivan Sokolov á fyrstu skákhátíðinni á Grænlandi, sem haldin var í Qaqortoq árið 2003. Motzfeldt heitinn tók þátt í fyrsta alþjóðlega skákmótinu í sögu Grænlands, en meðal annarra keppenda voru einmitt Flóvin Þór og Stefán Kristjánsson sem skora gesti á hólm í Ráðhúsinu.

Beinar útsendingar: Austurríki og Venesúela

Þá liggja fyrir viðureignir dagsins.  Í opnum flokki hvílir Dagur en austurríkismenn hvíla annað borðs manna, stórmeistarann, Stefan Kindermann (2498), nokkuð óvænt.  Hjá kvennaliðinu hvílir Jóhanna Björg en Venesúela hvílir varamanninn.

Mjög spennandi viðureignir eru bæði í opnum- og kvennaflokki.  Rússar mæta Armenum í opnum flokki en bæði liðin hafa fullt hús stiga.  Rússar sem eru efstir í kvennaflokki mæta stigahæsta liðinu, Kínverjum.

Umferðin hófst kl. 12.  Hægt er að nálgast beinar útsendingar hér: 

• Opinn flokkur (Austurríki)
• Kvennaflokkur (Venesúela)
• Rússland - Armenía (opinn flokkur)
• Kína - Rússland (kvennaflokkur)

Round 6 on 2012/09/03 at 15:00
Bo.	36	Austria	Rtg	-	51	Iceland	Rtg	0 : 0
23.1	GM	Ragger, Markus	2670	-	GM	Stefansson, Hannes	2515
23.2	GM	Shengelia, David	2545	-	GM	Danielsen, Henrik	2511
23.3	IM	Novkovic, Milan	2400	-	IM	Gretarsson, Hjorvar Steinn	2506
23.4	IM	Neubauer, Martin	2442	-	GM	Thorhallsson, Throstur	2426

 

Round 6 on 2012/09/03 at 15:00
Bo.	53	Venezuela	Rtg	-	62	Iceland	Rtg	0 : 0
35.1	IM	Sanchez, Sarai	2193	-	WGM	Ptacnikova, Lenka	2281
35.2		Gutierrez, Leonela	2067	-		Thorsteinsdottir, Hallgerdur H	1957
35.3		Montilla, Jorcerys	2050	-		Finnbogadottir, Tinna K	1832
35.4		Varela, Tilsia	2036	-		Kristinardottir, Elsa M	1737

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig.  Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

• Heimasíða mótsins
• Ólympíufréttir Skák.is
• Myndaalbúm (nýtt albúm daglega)
• Chess-Results (opinn flokkur)
• Chess-Results (kvennaflokkur)
• Beinar útsendingar (hefjast kl. 12)

Jón Kristinn vann Startmótið

Ekki var venju fremur fjölmennt á Startmóti Skákfélagsins að þessu sinni, en mótið markar upphaf nýs starfsárs hjá félaginu. Þegar til kastanna kom reyndust ýmsir skákvinir enn í sumarleyfi en þeir átta sem mættu glímdu þeim mun frísklegar um sigurlaunin.  Þegar til kastanna kom voru keppendur átta talsins og tefldu tvöfalda umferð.  Lauk mótinu með yfirburðasigri Tékklandsfarans Jóns Kristins sem sýndi svo ekki verður um villst að ástundun og æfingar að sumri skila sér að hausti eins og lambfé af fjalli.

Svona leit þeiita út hjá efstu mönnum:

Jón Kristinn Þorgeirsson      13.5

Áskell Örn Kárason              10

Sigurður Eiríksson og

Haraldur Haraldsson             7

Rúnar Ísleifsson                    6,5

og aðrir minna.............

Það vakti athygli viðstaddra að hin aldurhnigna kempa Haraldur Haraldsson (kominn á sextugsaldur) sýndi nú klærnar í fyrsta sinn á skákmóti í meira en áratug. Honum til aðstoðar var Einar Guðmundsson sem einnig var nú að draga fram taflhrókana eftir nokkurt hlé. Báðir sýndu þeir  með taflmennsku sinni að gamlar glæður kulna seint. Eða eins og sagt var til forna: "Nu må de andre fare at vare sig"!

Að öllu samanlögðu er spennandi skáktíð í vændum.

Barna- og unglingaæfingar Hellis hefjast í dag

Barna- og unglingaæfingar Hellis hefjast aftur mánudaginn 3. september 2012. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á milli Subway og Fröken Júlíu en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Umsjón með unglingaæfingunum hefur Vigfús Ó. Vigfússon.

Fram til áramót verða 17 æfingar að meðtöldu unglingameistaramóti félagsins. Þeim félagsmönnum í taflfélaginu Helli sem mæta á a.m.k. 15 æfingar munu standa til boða þrír einkatíma eftir áramótin.

Ól-pistill nr. 7 - frídagur vel nýttur

 

 

Það gekk ekki vel í gær.  Töp gegn Filippseyjum í opnum flokki og gegn Belgíu í kvennaflokki.   Þetta þróaðist hægt og bítandi í þessa átt eftir að hafa litið alveg þokkalega út, sérstaklega í kvennaflokki.  Í dag var frídagurinn vel notaður.  Flestir í hópnum héldu niður í bæ þar sem Bláa moskan var skoðuð og farið í bátsferð eftir Bosphorus -sundi sem liggur á milli Evrópu og Asíu.  Á morgun eru það Austurríki og Venesúela.

Byrjum á skáklega þættinum.  Hannes var fyrstur til að klára en gerði öruggt jafntefli við Wesley So á fyrsta borði.  Henrik var lengi með verra á öðru borði og mátti sætta sig við tap.  Dagur virtist hafa jafnteflissénsa á fjórða borði en náði ekki að halda jafntefli.  Þröstur tefldi eins og svo oft áður helstu skák umferðarinnar þegar hann tefldi við Torre á þriðja borði.  Fórnaði tveimur peðum.  Sá filippseyski tefldi vörnina vel og hélt örugglega jafntefli.  Niðurstaðan 1-3 tap.

Þetta leit vel út hjá kvennaliðinu um tíma.  Jóhanna lék illa af sér í byrjuninni og tapaði örugglega.  Hallgerður og Elsa virtust hafa vænlegt tafl jafnvel unnið en léku báðir ónákvæmt þegar leið á skákina.  Lenka gerði öruggt jafntefli á fyrsta borði.  Semsagt öruggt tap 0,5-3,5.

Semsagt ekki góð umferð. 

Í dag var langþráður frídagur.  Stærsti hluti hópsins, 10 af 14, hélt niður í miðborg Istanbul.  Þar fórum við fyrst í bláu moskuna, eina þekktustu mosku heims.  Þar þurfti hópurinn að klæða sig úr skónum og sumir gengu þar um teppinu berfættir.  Tinna og Hallgerður þóttu full léttklæddar og fengu viðbótarútbúnað til að klæðast.

Að því loknu klæddu menn sig aftur í skóna og eins og sjá má fórum Davíð og Þröstur ekki alveg eftir skriflegum fyrirmælum!

Við héldum svo í siglingu eftir Bosphorus -sundi sem liggur á milli Evrópu- og Asíu-hluta Istanbul.  Sjálft mótið fer fram í Evrópuhlutanum og þar búa víst um 60% íbúa.  Afar skemmtileg sigling þar sem við sigldum framhjá flestum kennileitum Istanbul.   Svo var rétt kíkt á kaffihús þar sem Henrik og Omar fengu sér vatnspípu með kirsuberjabragði!  Mjög skemmtilegur dagur.

Á morgun eru það Austurríkismenn.  Við höfum mætt þeim þrisvar áður og unnið tvisvar og er staðan nú 7-5 fyrir okkur.  Síðast mættum við þeim árið 1986, með Helga liðsstjóra á fyrsta borði.  Þá vannst 3-1 sigur.

Stelpurnar mæta sveit Venesúela á morgun.  Þær eru heldur sterkari en við á pappírnum.  Sjálfur sæki ég nefndarfund hjá FIDE í fyrramálið en á að vera búinn fyrir umferð og ná á skákstað í tíma. 

Armenar og Rússar eru efstir með 10 stig og mætast á morgun.  Gætu hreinlega verið úrslitaviðureign mótsins.  Aserar og Króatar, sem hafa komið verulega á óvart eru í 3. og 4. sæti með 9 stig.  Rússar eru efstir í kvennaflokki með fullt hús stiga.

Vel gekk hjá flestum Norðurlandaþjóðunum í gær, sem reyndar fengu flestar mun lakari þjóðir.   Við erum þrátt fyrir tapið í 2. sæti.

Við erum hins vegar orðin neðst í kvennaflokki.

Staðan í opnum flokki:

Rk.	SNo	Team	TB1	TB2	TB3	TB4
35	52	Finland	7	44	13	20
52	51	Iceland	6	44	12	25
68	34	Sweden	5	45	12,5	23
72	54	Norway	5	39,5	10,5	27
79	39	Denmark	5	35,5	13	17
96	74	Faroe Islands	4	25	9	25

 

Staðan í kvennaflokki:

Rk.	SNo	Team	TB1	TB2	TB3	TB4
48	46	Sweden	6	33	12	23
50	77	Finland	6	30	11	18
55	51	Denmark	6	24	11	20
57	40	Norway	5	48,5	11	26
84	62	Iceland	4	22,5	8,5	25

Nóg í bili.  Pistill á morgun en væntanlega í styttra lagi.

Gunnar Björnsson 

 

• Heimasíða mótsins


• Ólympíufréttir Skák.is
• Myndaalbúm (nýtt albúm daglega)
• Chess-Results (opinn flokkur)
• Chess-Results (kvennaflokkur)
• Beinar útsendingar (hefjast kl. 12)

Skákþáttur Morgunblaðsins: Ólympíuskákmótið hefst á þriðjudag

Íslenska liðið sem teflir í opnum flokki Ólympíumótsins í Istanbúl, sem hefst þriðjudaginn 28. ágúst nk., er skipað Héðni Steingrímssyni, Hannesi Hlífar Stefánssyni, Henrik Danielsen, Hjörvari Steini Grétarssyni og Þresti Þórhallssyni. Greinarhöfundur er liðsstjóri. Kvennasveitin er skipuð Lenku Ptacnikovu, Hallgerði Helgu Þorsteinsdóttur, Jóhönnu Björgu Jóhannsdóttur, Tinnu Kristínu Finnbogadóttur og Elsu Maríu Kristínardóttur. Liðsstjóri er Davíð Ólafsson.

Ólympíuskákmótin eiga sér merka sögu sem slóðin olimpbase.org rekur vel. Fyrsta stóra afrekið unnu Íslendingar í Buenos Aires árið 1939 þegar lið Íslands vann B-flokkinn og bikarinn Copa Argentina. Jón Guðmundsson vann allar skákir sínar í úrslitakeppninni, tíu talsins. Ísland komst í A-úrslit í Amsterdam 1954 og í Havana 1966 og á árunum 1980-1996 var íslenska liðið iðulega í keppni við bestu liðin, þrisvar meðal átta efstu liða.

Í kvennaflokki sendu Íslendingar fyrst lið til keppni í Buenos Aires árið 1978. Rígfullorðin hugsjónakona, Birna Norðdahl, dreif stöllur sínar áfram og alla leiðina til Argentínu og kvennalið tefldi fram að Ol í Dubai 1986. Þá varð hlé en árið 2000 tók Guðfríður Lilja Grétarsdóttir upp keflið fyrir kvenþjóðina.

Á fyrstu ólympíumótunum voru Bandaríkjamenn sigursælir eða þar til Sovétmenn hófu þátttöku árið 1952. Það þóttu mikil tíðindi ef liðsmaður þeirra tapaði skák og nokkrum sinnum sigldu allir sveitarmeðlimir taplausir í gegn, síðast í Nissa árið 1974. Tigran Petrosjan tapaði sinni fyrstu skák á ólympíumóti árið 1972 og Boris Spasskí tapaði í fyrsta og eina skiptið í Buenos Aires árið 1978.

Hvað varðar sigurstranglegustu liðin nú má nefna að Armenar unnu mótin 2006 og 2008. Þeir verða í baráttunni um gullið sem og núverandi ólympíumeistarar frá Úkraínu. Kínverjar eru hið nýja stórveldi skákarinnar, í báðum flokkum. Og kannski ná Rússar að reka af sér slyðruorðið en án Kasparovs hafa Rússar aldrei unnið Ólympíumót.

Margar frægar skákir hafa verið tefldar á ólympíumótunum og leitar hugurinn víða, staðnæmist að lokum hjá vini okkar sem var í fréttum á dögunum þegar hann fetaði slóð rithöfundarins mikla, Leo Tolstoj - og flúði eiginkonu sína:

Ol - Varna 1962

Boris Spasskí - Larry Evans

Kóngsindversk vörn

1.d4 Rf6 2. c4 g6 3. Rc3 Bg7 4. e4 d6 5. f3

Sämisch-afbrigðið var alltaf hættulegt vopn í höndum Spasskí.

5. ... c6 6. Be3 a6 7. Dd2 b5 8. O-O-O

Enn þann dag í dag er þetta talinn hættulegasta leiðin. Líkt og í Dreka-afbrigði Sikileyjarvarnar blæs hvítur til sóknar á kóngsvæng.

8. ... bxc4 9. Bxc4 O-O 10. h4 d5 11. Bb3 dxe4 12. h5!

Spasskí gerði sér enga grillu út af einu peði og Evans var þekktur fyrir að hirða það sem að honum var rétt.

12. ... exf3 13. hxg6 hxg6 14. Bh6 fxg2 15. Hh4! Rg4 16. Bxg7 Kxg7 17. Dxg2 Rh6 18. Rf3 Rf5 19. Hh2 Dd6 20. Re5 Rd7 21. Re4 Dc7 22. Hdh1

Það var magnað hvernig Spasskí jók sóknarmáttinn. Svartur er varnarlaus.

22. ... Hg8 23. Hh7+ Kf8 24. Hxf7+ Ke8

25. Dxg6!

Glæsilegur lokahnykkur. Svartur verður mát eftir 25. ... Hxg6 26. Hh8+ o.s.frv.

25. ... Rxe5 26. Hf8+!

- og Evans gafst upp enda mát í næsta leik, t.d. 26. ... Kd7 27. Be6 mát.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 26. ágúst 2012.

Skákþættir Morgunblaðsins

[Event "Varna"] [Site "Ol"] [Date "1962.??.??"] [EventDate "?"] [Round "?"] [Result "1-0"] [White "Boris Spassky"] [Black "Larry Melvyn Evans"] [ECO "E80"] [WhiteElo "?"] [BlackElo "?"] [PlyCount "51"] 1. d4 Nf6 2. c4 g6 3. Nc3 Bg7 4. e4 d6 5. f3 c6 6. Be3 a6 7. Qd2 b5 8. O-O-O bxc4 9. Bxc4 O-O 10. h4 d5 11. Bb3 dxe4 12. h5 exf3 13. hxg6 hxg6 14. Bh6 fxg2 15. Rh4 Ng4 16. Bxg7 Kxg7 17. Qxg2 Nh6 18. Nf3 Nf5 19. Rh2 Qd6 20. Ne5 Nd7 21. Ne4 Qc7 22. Rdh1 Rg8 23. Rh7+ Kf8 24. Rxf7+ Ke8 25. Qxg6 Nxe5 26. Rf8+ 1-0

Tölvuteksmótið 2012 - Haustmót Taflfélags Reykjavíkur

Tölvuteksmótið 2012 - Haustmót Taflfélags Reykjavíkur hefst sunnudaginn 23. september kl.14.

Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga hefð fyrir hinu vinsæla Haustmóti og er það flokkaskipt og öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R.

Hægt er að fylgjast með skráningu hér.

Skráningu í alla lokaða flokka lýkur laugardaginn 22. september kl. 18.

Skákmeistari Taflfélags Reykjavíkur síðustu tveggja ára er Guðmundur Kjartansson.

 

Dagskrá:

1. umferð: Sunnudag 23. september kl.14.00
2. umferð: Miðvikudag 26. september kl.19.30

3. umferð: Föstudag 28. september kl.19.30
4. umferð: Sunnudag 30. september kl.14.00

5. umferð: Miðvikudag 3. október kl.19.30

---Hlé vegna Islandsmóts skákfélaga---

6. umferð: Miðvikudag 10. október kl.19.30
7. umferð: Föstudag 12. október kl.19.30
8. umferð: Sunnudag 14. október kl. 14.00
9. umferð: Miðvikudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 20.000 auk spjaldtölvu frá Tölvuteki
3. sæti kr. 10.000 auk spjaldtölvu frá Tölvuteki
4. og 5. sæti ókeypis í Skákþing Reykjavíkur 2013

Verðlaun í B-flokki:
1. sæti kr. 20.000
2.og 3. sæti ókeypis í Skákþing Reykjavíkur 2013

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2013

Verðlaun í opnum flokki:

1. sæti kr. 10.000
2. og 3. sæti ókeypis í Skákþing Reykjavíkur 2013

Ef fleiri lokaðir flokkar bætast við, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir að vinningum ræður stigaútreikningur lokasæti - verðlaunum er ekki skipt.

Tímamörk:

1 klst. og 30 mín. + 30 sek. á leik.

Þátttökugjöld:

3500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

 

Austurríki og Venesúela á morgun

Liðið í opnum flokki mætir sveit Austurríkis (Ø-2539), sem er sú 36. sterkasta í sjöttu umferð ólympíuskákmótsins á morgun.  Kvennasveitin mætir sveit Venesúela (Ø-2087).  Báðar sveitirnar eru því að tefla lítisháttar upp fyrir sig.

Andstæðingarnir:

36. Austria (RtgAvg:2539 / TB1: 6 / TB2: 40)
Bo.		Name	Rtg	FED	Pts.	Games	Rp
1	GM	Ragger Markus	2670	AUT	2.0	5.0	2309
2	GM	Kindermann Stefan	2498	AUT	2.5	4.0	2387
3	GM	Shengelia David	2545	AUT	3.5	5.0	2473
4	IM	Novkovic Milan	2400	AUT	2.0	3.0	2425
5	IM	Neubauer Martin	2442	AUT	3.0	3.0	3010

 

53. Venezuela (RtgAvg:2087 / TB1: 4 / TB2: 31)
Bo.		Name	Rtg	FED	Pts.	Games	Rp
1	IM	Sanchez Sarai	2193	VEN	1.5	4.0	2027
2		Gutierrez Leonela	2067	VEN	1.0	4.0	1499
3		Montilla Jorcerys	2050	VEN	4.0	5.0	2291
4		Varela Tilsia	2036	VEN	2.0	4.0	1929
5		Hernandez Zaida	1990	VEN	1.5	3.0	1929

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig.  Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

• Heimasíða mótsins
• Ólympíufréttir Skák.is
• Myndaalbúm (nýtt albúm daglega)
• Chess-Results (opinn flokkur)
• Chess-Results (kvennaflokkur)
• Beinar útsendingar (hefjast kl. 12)

Omar og Lenka útnefnd

Hjónin Lenka Ptácníková hafa hvort um sig fengið sínar útnefndingar á fundum í kringum í ólympíuskákmótið.  Omar Salama, sótti IO-námskeið í Istanbul (International Organizer), stóðst prófið og er annar tveggja Íslendinga sem eru með þessa gráðu.

Lenka Ptácníková fékk FT-gráðu (FIDE-trainer) eftir að hafa sótt námkeið í Tékklandi og staðist próf.  Hún er aðeins ein þriggja Íslendinga sem hafa þessu gráðu en hinir eru Helgi Ólafsson og Héðinn Steingrímsson.

 

Kánas 2012 - pistill eftir Gunnar Finnlaugsson

Tólfta Evrópumeistaramót einstaklinga í öldungaflokki fór fram 18. til 26. ágúst síðastliðinn. Teflt var í karlaflokki (karlar fæddir 1952 eða fyrr) og í kvennaflokki (konur fæddar 1962 eða fyrr). Í karlaflokki voru 103 þátttakendur og í kvennaflokki voru þær 21.

Mótið fór fram í Litháen og teflt var í borginni Kánas, sem er viðkunnanleg borg með u.þ.b. 350 000 íbúum. Mótið fór fram í skemmtilegum sal þar sem hátt er til lofts og vítt til veggja.

Ísraelsmaðurinn Almog Blustein tók fyrir nokkrum árum við sem "seniorgeneral" af Per Ofstad innan Evrópusambandsins. Hann átti að vera innstur koppur í búri hér. En stuttu fyrir mót fékk Ofstad tölvupóst frá Blustein að hann myndi ekki koma og yrði mótstjóri í Dresden í staðinn! Ofstad sem nálgast áttrætt, hætti því við þátttöku sjálfur og var bakhjarl mótshaldara. Það var fróðlegt að ræða við Ofstad um tilhögun Evrópumótanna. Hann segist hafa spurt á fundum hvort mótin eigi að vera fyrir hina mörgu og sterku eða hina ríku. Besta dæmið um hina ríku eru Norðmenn sem flykkjast á öldungamótin en eru flestir komnir niður á lægri borðin eftir nokkrar umferðir. Hinir mörgu og sterku eru auðvitað skákmenn frá gömlu austurblokkinni.

Hvað verðlag varðar eru ýmsar "nauðsynjar" svo sem dós af góðum bjór helmingi ódýrari í Litháen en hér í Svíþjóð. Hins vegar fengu Norðmenn fjórar bjórdósir í Kánas fyrir sömu upphæð og þeir borga fyrir eina í Noregi. Ekki furða að þeir flýji að heiman þegar gott skákmót er í boði .

Norðmennirnir voru fjórtán talsins, Finnarnir sex, fimm Danir. Svíarnir tveir og ég var eini Íslendinurinn. Svíarnir virðast frekar vilja tefla í liðakeppninni og voru um 20 Svíar í Rogaska Slatina í mars síðastliðnum.

Mótið fer vel fram og er teflt eftir "öldungastaðli", þ.e.a.s. níu umferðir, ein á dag frá laugardegi til sunnudags. Það eina sem ég saknaði var að ekki var hægt að fylgjast með þeim skákum sem sendar voru beint á skjá í skáksalnum.

Umferðirnar byrjuðu klukkan 10, sem sumum okkar finnst of snemmt. Á þeim fundum sem ég hef verið á í öldunganefndum hefur aðal umræðuefnið verið hvenær umferðir skuli hefjast. Mér og fleirum tókst að afstýra morgunbyrjun á Norðurlandamótinu í Reykjavík í fyrra.

Hinn geðþekki rússi Nikolai Pushkov vann mótið eftir spennandi keppni. Fyrsta "tiebreak" var stigaárangur og var árangur hans einu stigi hærri en hjá Kupreichhik! Ég varð samferða Pushkov í leigubíl frá Kánas til Vilníus nóttina eftir að mótinu lauk. Þar eð hinn geðþekki Rússi talaði ekki ensku og rússneskan mín er takmörkuð voru viðræðurnar ekki langdregnar. Þó skildi ég að hans besta skák var með svörtu gegn Balashov í sjöttu umferð. Franska vörnin stendur fyrir sínu!

Í sömu umferð tefldi ég eftirfarandi skák. Mér að óvörum var hún valin best skák mótsins . Verðlaunin voru 100 evrur. 

1.    d4 Rf6 2. c4 c5 3. d5 b5 4. Rc3?! "Mjúkur" leikur. Betri valkostir eru 4.cxb5 og 4.Rf3 4...b4 5. Rb1 g6 6. b3 Bg7 7. Bb2 O-O 8. Rd2 Takið eftir "reitafári"þessa riddara í framhaldinu. 8...e6! Eðlilegur leikur vegna þess að drottningarvængurinn er nú hálflæstur og kóngsvængur hvíts er vanþróaður. 9. dxe6 fxe6 10. Rgf3 Bb7 Þessi biskup ásamt hinni hálfopnu f-línu eru aðaltromp svarts í framhaldinu 11. e3 De7 12. Be2 d6 13. O-O Rbd7 14. Dc2 Bh6!? Kann að virðast sérkennilegur leikur. Ég tefldi stíft til vinnings í þessari skák og vildi geta fært riddarann á f6 án þess að til uppskifta á biskupum kæmi. 15. h3 a5 16. Had1 e5 17. Rh2 Hae8 18. Rg4 Rxg4 19. Bxg4 Rf6 20. Bf3 e4 21. Be2 Rd7 22. Bg4 Be5 23. Bxe5 Dxe5 24. Rb1 Ha8 Hér gældi ég við hugmyndina að leika a4 og tvöfalda hrókana á a-línunni. Hvítur kemur til hjálpar og setur besta varnarmann kóngsins í "rangstöðu". 25. Bd7? Hfd8 26. Bb5 Bg7 27. De2 h5 28. Td2 Dg5 29. Hfd1 Be5 30. Kh1 Kg7 31. De1 Ha7 32. Dg1 Ba8! Hvítur fer sér að engu óðslega og kemur öllum mönnum sínum í óskastöður áður en lokaatlagan hefst.  33. Hc2 Hf7 34. Hcd2 Hf6 35. Hc1 Bb7 36. Hcd1 Hdf8 37.Hc1 Dh4 38. Hcc2 Bc8 39. Df1 Hf3!! Hvítur er varnarlaus. 40. g3 Betra var að gefst upp 40... Hxg3 og hvítur gafst upp.

Lars Grahn skrifaði um mótið (INTE BARA SCHACK) og hefur birt myndir. 

Heimasíða mótsins er http://www.escc2012.eu/

Einstaklingsmót Evrópusambandsins 2013 verður í Búlgaríu, en ekki er búið að ákveða hvar sveitakeppnin 2013 verður.

Myndaalbúm (GF)

[Event "12th European Senior Chess Championship "] [Site "Kaunas"] [Date "2012.08.23"] [Round "6.32"] [White "Lelis, Janis"] [Black "Finnlaugsson, Gunnar"] [Result "0-1"] [ECO "A57"] [WhiteElo "1783"] [BlackElo "2062"] [PlyCount "80"] [EventDate "2012.08.18"] 1. d4 Nf6 2. c4 c5 3. d5 b5 4. Nc3 b4 5. Nb1 g6 6. b3 Bg7 7. Bb2 O-O 8. Nd2 e6 9. dxe6 fxe6 10. Ngf3 Bb7 11. e3 Qe7 12. Be2 d6 13. O-O Nbd7 14. Qc2 Bh6 15. h3 a5 16. Rad1 e5 17. Nh2 Rae8 18. Ng4 Nxg4 19. Bxg4 Nf6 20. Bf3 e4 21. Be2 Nd7 22. Bg4 Ne5 23. Bxe5 Qxe5 24. Nb1 Ra8 25. Bd7 Rfd8 26. Bb5 Bg7 27. Qe2 h5 28. Rd2 Qg5 29. Rfd1 Be5 30. Kh1 Kg7 31. Qe1 Ra7 32. Qg1 Ba8 33. Rc2 Rf7 34. Rcd2 Rf6 35. Rc1 Bb7 36. Rcd1 Rdf8 37. Rc1 Qh4 38. Rcc2 Bc8 39. Qf1 Rf3 40. g3 Rxg3 0-1