Skák.is

Bloggfærslur mánaðarins, september 2012

5.9.2012 | 18:07

Skákmyndakeppni barna í Ráðhúsinu á laugardaginn!

Það verður fjör í Ráðhúsinu á laugardaginn klukkan 14 þegar skákmeistararnir Stefán Kristjánsson (Íslandi), Flovin Þór Næs (Færeyjum) og Paulus Napatoq tefla við gesti og gangandi á vestnorrænu menningarhátíðinni Nýjar slóðir.

En það verður ekki bara hægt að tefla við meistarana eða fylgjast með tilþrifum þeirra á skákborðinu: Tekið verður sérstaklega vel á móti byrjendum í fjölskylduhorninu, þar sem hægt er að læra mannganginn og taka þátt í skákmyndakeppni barna. Veitt verða verðlaun fyrir bestu, frumlegustu og skemmtilegustu myndirnar í lok dagskrárinnar klukkan 17.

Hulda Hákon, sem er meðal fremstu myndlistarmanna þjóðarinnar, mun velja verðlaunamyndirnar. Sjálf er Hulda mjög áhugasöm um skák og hefur haldið myndlistarsýningu í Tasiilaq á Grænlandi á skákhátíð Hróksins.

Frétt um skákveisluna í Ráðhúsinu laugardaginn 8. september!

Spil og leikir | Slóð | Facebook | Athugasemdir (0)

5.9.2012 | 14:24

40 ár frá Einvígi aldarinnar: Risamót fyrir börn og eldri borgara í Laugardalshöll

Laugardaginn 15. september verður þess minnst með málþingi og risaskákmóti í Laugardalshöll að 40 ár eru liðin frá ,,Einvígi aldarinnar“ í Reykjavík. Þá sigraði Bandaríkjamaðurinn Robert J. Fischers hinn rússneska Boris Spassky í heimsmeistaraeinvígi, sem vakti gríðarmikla athygli um veröld víða. Reykjavíkurborg stendur að skákhátíðinni í Laugardalshöll, í samvinnu við SÍ, Skákakademíuna og taflfélögin í Reykjavík.

Mótið er ætlað börnum á grunnskólaaldri, auk þess sem skákmenn 60 ára og eldri tefla í sérstökum heiðursflokki. Skipting barnaflokkanna er sem hér segir:

1.-2. bekkur.

3.-4. bekkur.

5.-6. bekkur.

7.- 10. bekkur.

Teflt verður í aðalsal Laugardalshallar, þar sem hið sögulega einvígi fór fram, og verða ýmsir munir sem tengjast einvíginu til sýnis á sviðinu.

Fjöldi vinninga verður í boði og auk þess efnt til happdrættis, svo öll börn eiga möguleika á glaðningi. Skemmtikraftar stíga á svið og þá munu allir keppendur fá bol að gjöf, sem framleiddur er af þessu tilefni.

Risaskákmótið í Laugardalshöll hefst klukkan 13 en klukkan 11 um morguninn verður málþing um einvígið, þar sem ávörp verða flutt og fjallað um einvígið frá ýmsum hliðum. Heimsmeistaraeinvígið 1972 var tvímælalaust stærsti viðburður sem fram hafði farið á Íslandi, enda einvígið í kastljósi fjölmiðla um allan heim mánuðum saman.

Þátttaka í hátíðinni er ókeypis en keppendur eru hvattir til að skrá sig sem fyrst.

Spil og leikir | Slóð | Facebook | Athugasemdir (1)

5.9.2012 | 13:49

Ól-pistill nr. 10 - Góð skák Hannesar - Ivanchuk með uppistand

Hannes Hlífar Stefánsson hrökk í gang með góðum sigri í sjöundu umferð á ólympíuskákmótinu þegar hann vann fyrsta borðs mann Íran á afar fallegan hátt á fyrsta borði. Það dugði ekki til því viðureignin tapaðist 1,5-2,5. Kvennasveitin vann sannfærandi sigur á Suður-Kóreu, 3-1. Davíð Ólafsson vann svo öruggan sigur á keilumótinu sem fram fór í gærkveldi. Í dag eru það Perúmenn í opnum flokki og Alsíringar í kvennaflokki. Og Ivanchuk gjörsamlega stal senunni í upphafi umferðar í dag.

Gærdagurinn

Sigur Hannesar var afar ljúfur í gær. Langbesta skák hans til þessa. Við fengum góðar kveðjur frá Margeiri Péturssyni þar sem hann hælir sérstaklega 34. He3 hjá Hannesi. Henrik hélt örugglega jafntefli á öðru borði. Hjörvar þáði hálfeitrað í byrjun skákarinnar og lenti í erfiðleikum í kjölfarið og mátti sætta sig við tap á þriðja borði. Þröstur lék einnig af sér í miðtaflinu og fékk hálfóteflandi stöðu í kjölfarið og tapaði. Hans fyrsta tapskák. Tap gegn Íran staðreynd, annað ólympíuskákmótið í röð.

Kvennasveitin vann öruggan sigur á Suður-Kóreu. Lenka, Tinna og Elsa unnu allar örugga sigra. Jóhanna lenti hins vegar fljótlega í ógöngum sem hún komst aldrei úr. Góður 3-1 sigur staðreynd á Kóreu-stelpum.

Umferð dagsins

Í dag tefla strákarnir við sveit Perú. Við höfum teflt við þá sex sinnum áður og alltaf unnið þá nema einu sinni þegar það fór jafntefli. Í Khanty vannst frábær sigur 3,5-0,5, þar sem reyndar lukkan var reyndar með okkur í liði. Staðan er 18,5-5,5 en Perúmönnum hefur farið mikið fram síðustu misseri. Loks hvílir Þröstur, sem hefur teflt allar skákirnar til þessa.

Stelpurnar mæta liði Alsírs sem er heldur veikara en okkar á pappírnum. Jóhanna Björg hvílir.

FIDE-málefni

Í gær sótti ég fundi í reglunefnd FIDE (Rules Committee). Þar voru hin smæstu atriði rædd og stundum var nánast deilt um hvar kommur ættu að vera. Fundinum stjórnuðu hinir virtu skákdómarar Geurt Gijssen og Stewart Reuben.

Ég missti af byrjuninni vegna annars fundar.

Eitt helsta „deiluefnið“ var hvort 10 mínútna skákir teldust atskákir (rapid) eða hraðskákir (blitz). Niðurstaðan var atskák.

Einnig var töluvert rætt um hvort það mætti kæra eftir að hafa ritað undir skorblaðið. Það verður þannig að það má kæra úrslit skáka eftir að hafa undirritað skorblaðið. Það á eingöngu þegar um er að ræða úrskurð skákstjóra. Mótshaldarar gefa úr áfrýjunarfrest sem er oftast að mér heyrðist 30-60 mínútur og eitthvað sem mótsstjórn Reykjavíkurmótsins þarf að taka upp fyrir næsta mót.

Einnig var tölvuert rætt um GSM-síma og missti ég þráðinn í þeirri umræðu og veit ekki alveg hvar hún endaði, held þó að reglurnar séu eins og núna enda erfitt að teygja og toga hvað megi í þeim fræðum. Langbest að láta hringingu eða hvaða hljóð úr síma vera túlkað á sama hátt. Ekki missti ég þó jafn mikið þráðinn og einn kollegi minn í nágrannaskáksambandi sem hreinlega hraut svo undir tók á meðan umræðan fór fram.

Engir fundir voru í dag. Á morgun verður aðalfundur ECU og í kvöld ætlum við fulltrúar Norrænu skáksambandanna að hittast og fara yfir helstu málin. Sameinaðir stöndum vér.

Keila og lyfta

Í kvöld fóru nokkur okkar að spila keilu. Davíð vann öruggan sigur, ég annar og Henrik þriðji. Tinna vann kvennakeppnina eftir harða baráttu.

Spilað var keiluhöll sem er á sama stað og verslunarmiðstöðin hér rétt hjá. Mannskapurinn að þessu sinni hikaði ekki við að fara yfir brúnna en ekki var leitað af dularfullu verunni.

Lyftumál eru sígild á ólympíuskákmótum. Hér eru 3 lyftur sem yfirleitt dugar ágætlega nema á mestu álagspunktum í kringum upphaf umferðar. Við höfum fundið það trikk að taka lyftuna upp fyrst því yfirleitt er hún stútfull á leiðinni niður og þá mætum við vonsviknum andlitum sem ekki er pláss fyrir. Í gær bilaði svo ein lyftan og mátti sjá langar biðraðir en hún er komin í lag aftur.

Toppbaráttan

Toppbaráttan harðnar. Rússar unnu Asera í hörkuviðureign og á sama tíma lögðu Kínverjar Armena. Rússar eru efstir með 13 stig en Kínverjar og Úkraínumenn koma næstir með 12 stig. Rússar og Úkraínumenn mætast í dag en þetta eru tvær stighæstu sveitirnar. Kínverjar mætar Aserum.

Filippseyjamenn eru að brillera á mótinu og gerðu 2-2 jafntefli í gær við Ungverja sem hvíldu Judit Polgar. Gamli maðurinn, Torre, vann Almasi. Aðrir fyrrum andstæðingar á mótinu Argentínumenn eru einnig að standa sig og gerðu 2-2 jafntefli við Indverja.

Í dag mætast svo Rússar og Úkraínumenn. Ali Nihat, forseta tyrkneska skáksambandsins, mætti með stuðningsaðila sem átti að leika fyrsta leikinni fyrir Kramnik gegn Ivanchuk. Hófst þá mikil rekistefna. Ivanchuk stóð upp og hélt einhverja ræðu yfir Ali, hvort Ali hafi skilið hana er svo annað mál. Mér skilst á rússneskum blaðamanni hér í blaðamannaherberginu að ræðan hafi gengið út á það Ivanchuk líkaði ekki að láta fyrsta leikinn í sínum skákum. Skiptum þá engum togum að Kramnik stóð þá upp og fór frá borðinu einnig. Viðkomandi lék svo fyrsta leikinn án þess að þeir sittu við borðið! Almennt var mikið hlegið af þessu atviki sem mun víst alveg vera í stíl við Ivanchuk.

Kínverjar, Rússar og Pólverjar eru efstir með 12 stig í kvennaflokki. Pólverjar mæta Kínverjum og Rússar mæta Úkraínumönnum rétt eins og í opnum flokki.

Norðurlandamótið:

Við erum í 5. sæti í báðum flokki eftir umferðina í gær. Höfum 7 stig eins og Svíar. Norðmenn og Danir eru efstir með 9 stig en þessar þjóðir hafa teflt á móti býsna mörgum dúkum (upprúllanlegum). Þeir tefla svo innbyrðis á eftir. Finnar hafa 8 stig og Færeyingar reka lestina með 6 stig.

Staðan í opnum flokki:

Rk.	SNo	Team	TB1	TB2	TB3	TB4
41	54	Norway	9	93	17	46
42	39	Denmark	9	91	18,5	39
49	52	Finland	8	98	16,5	50
67	34	Sweden	7	103	16,5	51
69	51	Iceland	7	96	15,5	54
99	74	Faroe Islands	6	61,5	14,5	44

Svíar og Danir eru efstir í kvennaflokki með 8 stig. Norðmenn hafa 7 stig en við og Finnar rekum lestina með 6 stig. Allar þjóðirnar eru neðar en þau eiga að vera miðað við stig.

Staðan í kvennaflokki:

Rk.	SNo	Team	TB1	TB2	TB3	TB4
54	46	Sweden	8	62	15	46
55	51	Denmark	8	62	14,5	42
59	40	Norway	7	87	15	48
80	77	Finland	6	60	12	48
83	62	Iceland	6	50,5	12	46

Nóg í bili.

Gunnar Björnsson

Spil og leikir | Breytt s.d. kl. 13:56 | Slóð | Facebook | Athugasemdir (1)

5.9.2012 | 09:16

Sigurbjörn öruggur sigurvegari Meistaramóts Hellis

Sigurbjörn Björnsson sigraði örugglega á ný loknu Meistaramóti Hellis með 6,5 í sjö skákum og gerði aðeins jafntefli við Davíð Kjartansson. Eftir erfiða vinnusigra í upphafi móts gegn Jóni Úlfljótssyni og Þorvarði komst Sigurbjörn í gang og landaði sigrinum af öryggi. Það var meiri spenna í lokaumferðinni um næstu sæti og margar fjörugar skákir tefldar á efstu borðum.

Mikael Jóhann og Þorvarður voru jafnir í öðru til þriðja sæti með 4,5v en fengu tvo stigahæstu menn mótsins þá Sigurbjörn og Davíð að glíma við og máttu játa sig sigraða. Á meðan vann Sævar Nökkva en Jón Árni og Vigfús gerðu jafntefli. Þessi úrslit þýddu að Davíð og Sævar eru jafnir í öðru og þriðja sæti þótt Davíð sé sjónarmun á undan á stigum.

Í baráttunni um aukaverðlaunin settu jafntefli nokkuð svip sinn á lokaumferðina nema hjá Atla Jóhann Leóssyni sem landaði verðlaunum í flokknum undir 1800 stig annað árið í röð með sigri í lokaumferðinni.

Búið er að finna út verðlaunasæti mótsins en þau skipa:

Aðalverðlaun:

1. Sigurbjörn Björnsson

2.-3. Davíð Kjartansson og Sævar Bjarnason

Aukaverðlaun:

Skákmeistari Hellis: Sigurbjörn Björnsson.

Besti árangur undir 2200 skákstigum: Sævar Bjarnason.

Besti árangur undir 1800 skákstigum: Atli Jóhann Leósson.
Besti árangur undir 1600 skákstigum: Felix Steinþórsson.
Besti árangur stigalausra: Arsenij Zacharov.
Unglingaverðlaun (15 ára og yngri),1.vl. Gauti Páll Jónsson, 2. og 3.vl. Dawid Kolka og Jakob Alexander Petersen.
Kvennaverðlaun,1.vl. Sóley Lind Pálsdóttir, 2. og 3.vl. Nansý Davíðsdóttir og Svandís Rós Ríkharðsdóttir.

Miðað er við alþjóðleg skákstig.

Úrslit 7. umferðar:

Borð	Nafn	Stig	V.	Úrslit	V.	Nafn	Stig
1	Karlsson Mikael Johann	1926	4½	0 - 1	5½	Bjornsson Sigurbjorn	2391
2	Kjartansson David	2334	4	1 - 0	4½	Olafsson Thorvardur	2202
3	Halldorsson Jon Arni	2210	4	½ - ½	4	Vigfusson Vigfus	1994
4	Sverrisson Nokkvi	2012	4	0 - 1	4	Bjarnason Saevar	2090
5	Leosson Atli Johann	1740	3½	1 - 0	3½	Thorarensen Adalsteinn	1710
6	Steinthorsson Felix	1329	3½	½ - ½	3½	Palsdottir Soley Lind	1406
7	Ulfljotsson Jon	1818	3	½ - ½	3	Zacharov Arsenij	0
8	Einarsson Oskar Long	1587	3	+ - -	3	Jonsson Robert Leo	1203
9	Jonsson Gauti Pall	1481	3	½ - ½	3	Kolka Dawid	1524
10	Davidsdottir Nansy	1471	3	½ - ½	2½	Rikhardsdottir Svandis Ros	1394
11	Gudmundsson Bjarni Thor	1020	2½	½ - ½	2½	Petersen Jakob Alexander	1241
12	Bragason Gudmundur Agnar	1115	2	0 - 1	2	Finnsson Johann Arnar	1470
13	Unnsteinsson Oddur Þór	0	½	0 - 1	2	Ragnarsson Heimir Pall	1121
14	Svansdottir Alisa Helga	1000	½	- - +	1½	Kristbergsson Bjorgvin	1239

Lokastaðan:

Röð	Nafn	Stig	V.	TB1	TB2	TB3
1	Bjornsson Sigurbjorn	2391	6,5	29	22	26,5
2	Kjartansson David	2334	5	32	22	21
3	Bjarnason Saevar	2090	5	31	21	20
4	Olafsson Thorvardur	2202	4,5	31	22	17,3
5	Halldorsson Jon Arni	2210	4,5	31	22	18,8
6	Karlsson Mikael Johann	1926	4,5	28	20	15,3
7	Leosson Atli Johann	1740	4,5	26	20	14,5
8	Vigfusson Vigfus	1994	4,5	26	19	15,8
9	Sverrisson Nokkvi	2012	4	30	21	14
10	Steinthorsson Felix	1329	4	27	19	13,3
11	Einarsson Oskar Long	1587	4	26	19	12
12	Palsdottir Soley Lind	1406	4	25	18	11,3
13	Ulfljotsson Jon	1818	3,5	28	19	11,5
14	Thorarensen Adalsteinn	1710	3,5	27	20	12,3
15	Jonsson Gauti Pall	1481	3,5	26	18	11
16	Davidsdottir Nansy	1471	3,5	26	18	10
17	Kolka Dawid	1524	3,5	22	17	8,75
18	Zacharov Arsenij	0	3,5	21	16	8,25
19	Rikhardsdottir Svandis Ros	1394	3	24	17	7,75
20	Petersen Jakob Alexander	1241	3	23	17	8
21	Jonsson Robert Leo	1203	3	21	15	7,5
22	Finnsson Johann Arnar	1470	3	21	15	5,5
23	Ragnarsson Heimir Pall	1121	3	19	15	5,5
24	Gudmundsson Bjarni Thor	1020	3	18	13	4,5
25	Kristbergsson Bjorgvin	1239	2,5	19	14	4
26	Thorsteinsson Leifur	1586	2	23	17	4
27	Bragason Gudmundur Agnar	1115	2	19	14	3,5
28	Hardarson Jon Trausti	1813	1,5	25	17	4,75
29	Unnsteinsson Oddur Þór	0	0,5	19	14	0,75
30	Svansdottir Alisa Helga	1000	0,5	18	13	0,25

Skákir sjöundu umferðar, innslegnar af Paul Frigge, fylgja með.

Veljið skák (14 alls):

Spil og leikir | Slóð | Facebook | Athugasemdir (0)

5.9.2012 | 09:11

Skákveisla í Ráðhúsinu á laugardaginn: Saman erum við sterkari!

Vestnorrænu meistararnir Stefán Kristjánsson, og Flóvin Þór Næs tefla við alla sem vilja. Grænlenski afrekspilturinn Paulus Napatoq teflir blindskák. Fjölskylduhorn og skákmyndakeppni barna.

Efnt verður til skákveislu í Ráðhúsi Reykjavíkur, laugardaginn 8. september klukkan 14, í tilefni vestnorrænu hátíðarinnar Nýjar slóðir. Gestum og gangandi er boðið að spreyta sig í skák gegn meisturum frá Færeyjum, Grænlandi og Íslandi. Össur Skarphéðinsson utanríkisráðherra setur skákveisluna og kynnir til leiks skákmeistarana Flóvin Þór Næs, Stefán Kristjánsson og Paulus Napatoq.

Færeyingurinn Flóvin Þór Næs, sem er stærðfræðingur og auk þess Þingeyingur í móðurætt, og Stefán Kristjánsson, yngsti stórmeistari Íslendinga tefla fjöltefli við alla sem þora, og eru skákáhugamenn á öllum aldri hjartanlega velkomnir. Tekið verður sérstaklega vel á móti byrjendum í fjölskylduhorninu, þar sem hægt er að læra mannganginn og taka þátt í skákmyndakeppni barna. Veitt verða verðlaun fyrir bestu myndirnar í lok dagskrárinnar klukkan 17.

Meðal þeirra sem hafa boðað komu sína í fjölteflið gegn Flóvin og Stefáni eru þingmennirnir Guðlaugur Þór Þórðarson, Vigdís Hauksdóttir og Guðfríður Lilja Grétarsdóttir og borgarfulltrúarnir Óttarr Proppé, Kjartan Magnússon og Oddný Sturludóttir, en sonur hennar sem er í skáksveit Austurbæjarskóla mun hjálpa mömmu sinni gegn meisturunum. Þá munu mörg af efnilegustu börnum og ungmennum landsins reyna sig í fjölteflinu.

Grænlenski pilturinn Paulus Napatoq kemur frá Ittoqqortoormiit, sem er afskekktasta þorpið á norðurhveli jarðar. Paulus er tvítugur og blindur frá fæðingu. Hann lærði að tefla þegar liðsmenn Hróksins og Kalak heimsóttu þorpið hans í fyrsta sinn, og var Paulus eldsnöggur að læra mannganginn og sigraði á grunnskólamóti þar sem keppendur voru hátt í hundrað. Paulus mun tefla blindskák við Helga Hjörvar alþingismann og fv. forseta Norðurlandaráðs, en Helgi hefur frá unga aldri verið lunkinn og sókndjarfur skákmaður. Paulus mun síðan taka við áskorunum frá þeim sem vilja tefla við þennan unga grænlenska snilling, sem er af miklum veiðimannaættum á Grænlandi.

Skáksamband Íslands og Skákakademían skipuleggja veisluna í Ráðhúsinu á laugardaginn, sem er hluti hátíðarinnar Nýjar slóðir. Markmið hátíðarinnar Nýjar slóðir er að miðla sambandi, sögu og menningartengslum Grænlands, Færeyja og Íslands og helgina 7.-9.september bjóða upp á hlaðborð menningarviðburða þar sem íslenskir, færeyskir og grænlenskir listamenn koma saman. Það fer vel á því að skákíþróttin skipi veglegan sess á slíkri hátíð, enda sterk bönd milli skákmanna í löndunum þremur í norðri. Færeyingar og Norðlendingar mætast árlega í einvígi, og Íslendingar hafa síðan 2003 staðið að landnámi skákarinnar á Grænlandi.

Kjörorð skákveislunnar á laugardaginn eru ,,Saman erum við sterkari" en þau orð lét Jonathan Motzfeldt landsfaðir Grænlendinga falla, eftir að hafa teflt í liði með Ivan Sokolov á fyrstu skákhátíðinni á Grænlandi, sem haldin var í Qaqortoq árið 2003. Motzfeldt heitinn tók þátt í fyrsta alþjóðlega skákmótinu í sögu Grænlands, en meðal annarra keppenda voru einmitt Flóvin Þór og Stefán Kristjánsson sem skora gesti á hólm í Ráðhúsinu.

Spil og leikir | Slóð | Facebook | Athugasemdir (0)

5.9.2012 | 07:36

Vetrarstarf T.R. hafið!

Vetrarstarf Taflfélags Reykjavíkur hófst að venju með Stórmóti T.R. og Árbæjarsafns 12. ágúst sl. Tveimur dögum síðar fór fram 27. Borgarskákmótið í Ráðhúsinu 14. ágúst. Þetta mót er samstarfsverkefni T.R. og Hellis.

Skákæfingarnar hefjast laugardaginn 8. september! Á laugardögum kl. 11.30-13.30 verða skákæfingar fyrir stelpur á öllum aldri. Strax þar á eftir eða kl. 14-16 verða hinar hefðbundnu laugardagsæfingar fyrir stelpur og stráka fædd 1997 og síðar.

Taflfélag Reykjavíkur heldur margvísleg skákmót allan veturinn. Hér skal aðeins stiklað á stóru núna í haustbyrjun:

Barna-og unglingameistaramót sem og Stúlknameistaramót T.R. verður haldið sunnudaginn 16. september.

Tölvuteksmótið 2012 - Haustmót T.R. byrjar sunnudaginn 23. september. Teflt er þrisvar í viku og gert er hlé á mótinu á meðan Íslandsmóti skákfélaga stendur.

Vetrarmót öðlinga verður haldið 2. sinni og hefst miðvikudaginn 31. október. Teflt er einu sinni í viku.

Eftir áramót ber svo hæst Kornax mótið 2013 - Skákþing Reykjavíkur sem hefst sunnudaginn 6. janúar.

Skákkeppni vinnustaða verður haldin 1. febrúar.

Að auki verða haldin hraðskákmót, skákmót í samvinnu við Skóla-og frístundasvið Reykjavíkurborgar, Skákmót öðlinga í mars - maí svo eitthvað sé nefnt.

Skráning er þegar hafin í Barna-og unglingameistaramót/Stúlknameistaramót T.R. á taflfelag@taflfelag.is og einnig er skráningarform fyrir Tölvuteksmótið 2012 - Haustmót T.R. á heimasíðu T.R., þar sem Mótaáætlun félagsins er einnig að finna. Nánari upplýsingar um skákæfingarnar og skákmótin í september er að finna á www.taflfelag.is

Spil og leikir | Slóð | Facebook | Athugasemdir (0)

5.9.2012 | 06:15

Guðfinnur efstur í Ásgarði

Æsir þeir fóru rólega af stað á sínum fyrsta skákdegi eftir sumarhlé. Það mættu sautján skákmenn til leiks í dag og tefldu níu umferðir.

Efstir og jafnir urðu þeir Guðfinnur R. Kjartansson og Þorsteinn Guðlaugsson með 7.5 vinning, Guðfinnur örlítið hærri á stigum svo að hann telst sigurvegari dagsins.í þriðja sæti varð svo Haraldur Axel Sveinbjörnsson með 7 vinninga.

Nánari úrslit:

1-2 Guðfinnur R. Kjartansson 7.5 34 stig
Þorsteinn Guðlaugsson 7.5 33
3 Haraldur Axel Sveinbjörnsson 7
4 Valdimar Ásmundsson 6
5-6 Baldur Garðarsson 5
Gunnar Finnsson 5
7-9 Jón Víglundsson 4.5
Jón Steinþórsson 4.5
Erlingur Hallsson 4.5
10-14 Friðrik Sófusson 4
Björn V. Þórðarson 4
Óli Árni Vilhjálmsson 4
Ásgeir Sigurðsson 4
Birgir Sig / Finnur Kr 4

Næstu þrír fengu örlítið færri vinninga

Spil og leikir | Breytt 4.9.2012 kl. 22:10 | Slóð | Facebook | Athugasemdir (0)

4.9.2012 | 21:53

Verður teflt á Mars? Forseti FIDE fundar með NASA

Á nýafstöðnu meistaramóti Moskvu í hraðskák, þar sem Alexander Morozevich sigraði með yfirburðum, varð skákvélmenni sem stal senunni. Vélmennið er hannað af Konstantin Kosteniuk, og það lét sig ekki muna um að tefla fjöltefli við þrjá samtímis.

Fyrsti áskorandi vélmennisins var hann mjög svo litríki og umdeildi forseti FIDE, Kirzan Ilyumzhinov, og hann tilkynnti að nú hefði hann fengið þá hugmynd að skipuleggja skákviðburð á Mars! Í frétt á Chessbase segir að Kirzan eigi á næstu dögum fund með fulltrúum NASA og þar ætli hann að kynna hugmynd sína í fullri alvöru.

Sjálfur hefur Kirzan, sem er fyrrverandi forseti rússneska sjálfsstjórnarlýðveldisins Kalmikíu, sagt á prenti frá þeirri reynslu sinni að vera numinn brott af geimverum og kvaðst hann hafa numið af þeim margvíslegan vísdóm.

Spil og leikir | Slóð | Facebook | Athugasemdir (0)

4.9.2012 | 19:40

Perú og Alsír á morgun

Íslenska sveitin í opnum flokki mætir Perú á morgun. Meðalstig Perúmanna eru 2378 skákstig en á fyrsta borði fyrir þá teflir Jorge Cori (2487), sem margir muna eftir frá nýlegum Reykjavíkurskákmótum. Stelpurnar mæta sveita Alsír sem hefur meðalstign 1894. Báðir íslensku sveitirnar eru því að tefla við sveitir sem teljast heldur lakari.

Rússar eru efstir í opnum flokki með 13 stig eftir sigur á Aserum. Grischuk vann Saferli en öðrum skákum lauk með jafntefli. Kínverjar sem unnu Armena og ólympíumeistarar Úkraínu, sem unnu Spánverja eru í 2.-3. sæti með 12 stig. Rússar og Úkraínumenn mætast á morgun og Kínverjar mæta Aserum.

Í kvennaflokki bar það helst til tíðinda að Pólverjar héldu jöfnu gegn Rússum. Þesar tvær þjóðir eru efstar ásamt Kínverjum með 12 stig.

Andstæðingar morgundagsins:

71. Peru (RtgAvg:2378 / TB1: 7 / TB2: 74.5)
Bo.		Name	Rtg	FED	Pts.	Games	Rp
1	GM	Cori Jorge Moises	2487	PER	4.0	7.0	2485
2	FM	Vera Siguenas Deivi	2359	PER	4.0	7.0	2451
3	FM	Leiva Giuseppe	2283	PER	3.0	7.0	2320
4	FM	Pacheco Marco	2383	PER	2.5	6.0	2191
5		Rojas Guevara David Mario	2057	PER	0.0	1.0	0

79. Algeria (RtgAvg:1894 / TB1: 6 / TB2: 72.5)
Bo.		Name	Rtg	FED	Pts.	Games	Rp
1	WCM	Amira Hamza	1840	ALG	3.5	7.0	1832
2	WCM	Khadidja Latreche	1889	ALG	2.0	6.0	1793
3	WIM	Latreche Sabrina	1949	ALG	5.0	7.0	1962
4	WCM	Zineb Dina Abdi	1898	ALG	3.0	5.0	1962
5		Djouher Nouali	1727	ALG	1.5	3.0	1738

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Slóð | Facebook | Athugasemdir (0)

4.9.2012 | 15:57

Tap gegn Íran - góð skák Hannesar - sigur gegn S-Kóreu í kvennaflokki

Íslenska liðið í opnum flokki tapaði fyrir Írönum í dag. Hannes Hlífar Stefánsson vann mjög góðan sigur á fyrsta borði, Henrik Danielsen gerði jafntefli en Hjörvar Steinn Grétarsson og Þröstur Þórhallsson töpuðu. Kvennaliðið vann öruggan 3-1 sigur á S-Kóreu. Lenka Ptácníková, Tinna Kristín Finnbogadóttir og Elsa María Kristínardóttir unnu en Jóhanna Björg Jóhannsdóttir tapaði.

Á efstu borðunum vekur sigur Kínverja á Armeníu óneitanlega athygli þar sem Wang Yue vann Movsesian. Staðan í viðureign Asera og Rússa er 1,5-1,5 en þar sitja Grischuk og Safarli enn að tafli.