Skák.is

Bloggfærslur mánaðarins, september 2012

7.9.2012 | 11:59

Álfhólsskóli byrjar vel í Svíþjóð

Álfhólsskóli vann sveit Finnlands 2.5 - 1.5 í fyrstu umferð Norðurlandamóts barnaskólasveita sem nú fer fram í Stokkhólmi.

Felix vann sína skák á 2 borði eftir spennandi hróksendatafl. Agnar vann nokkuð hratt og örugglega en Róbert gerði jafntelfi eftir spennandi hróks- og biskupaendatafl þar sem Robert leiddi skákina en sú finnska varðist vel. Dawid telfdi jafna og mjög spennandi skák þar sem sá finnski náði að lokum að þvinga fram sigur. Síðar í dag keppa strákarnir vid sveit Dana.

Hægt er að fylgjast með stöðu mála á http://www.rockaden.com/resultat/Skollag_NM_2012_mellanstadiet/skol_nm_mellanstadiet_2012.xls

A sveit Svía leiðir mótið eftir að hafa unnið B sveit Svía 4-0

Spil og leikir | Slóð | Facebook | Athugasemdir (0)

7.9.2012 | 11:55

Goðinn og Mátar sameinast

Skákfélagið Goðinn og Taflfélagið Mátar hafa tekið saman höndum og myndað með sér bræðralag.

Þannig renna félögin tvö nú saman í eitt og ber hið sameinaða félag nafnið Goðinn-Mátar. Með þessum samruna verður til eitt af öflugustu skákfélögum landsins, grundvallað á sáttmála beggja félaga um góðan anda og gagnkvæma virðingu.

Skákfélagið Goðinn-Mátar mun væntanlega tefla fram einni sveit í 1. deild, einni í 3. deild og allt að fjórum liðum í fjórðu deildinni á næstu leiktíð Íslandsmóts skákfélaga. Mikill metnaður og tilhlökkun er meðal félagsmanna til að efla starfið á fleiri sviðum enda horfir vænlega um samvirkni og samlegðaráhrif. Ein veigamesta forsendan við sameiningu félaga almennt er að menning og bragur þeirra séu samstæð og eigi samleið. Svo er í þessu tilviki þar sem bæði félögin leggja mikið upp úr nálægð, persónulegri vináttu og svolítið heimilislegum brag, auk áherslu á fræðslustarf á skemmtilegum nótum.

Frekari fréttir af samruna og starfsemi Goðans-Máta verða birtar á heimasíðu félagsins og hér á síðunni skák.is eftir því sem málum vindur fram og vetrarstarfið tekur á sig gleggri mynd.

Spil og leikir | Slóð | Facebook | Athugasemdir (0)

7.9.2012 | 11:33

Goðinn áfram í hraðskákkeppni taflfélaga eftir sigur á TG

Svona fór um sjóferð þá. Goðinn mætti með sterkt lið í Garðabæinn. Staðan 4,5 -31,5 í hálfleik, en lokastaðan 57,5 gegn 14,5. TG var því slegið fullhraustlega út í 4 liða úrslitum og er því úr leik.

Fyrir Goðann tefldu:

Kristján Eðvarðsson 11 v. af 12
Einar Hjalti Jensson 10,5 v. af 12
Tómas Björnsson 10 v. af 12
Helgi Áss Grétarsson 7,5 v. af 8
Jón Þorvaldsson 7 v. af 10
Sigurður Daði Sigfússon 5,5 v. af 6
Þröstur Árnason 4 v. af 6
Páll Ágúst Jónsson 2 v. af 6

Fyrir TG tefldu:

Björn Jónsson 4,5 v. af 12
Leifur I. Vilmundarson 3,5 v. af 12
Ásgeir Þór Árnason 3 v. af 12
Jóhann H. Ragnarsson 3 v. af 12
Páll Sigurðsson 0,5 v. af 9
Jón Þór Bergþórsson 0 v. af 6
Svanberg Pálsson 0 v. af 9

Einnig tefldu Taflfélagið Hellir gegn Víkingaklúbbnum og hafði þar Víkingaklúbburin betur (frétt um það síðar).

Spil og leikir | Slóð | Facebook | Athugasemdir (0)

7.9.2012 | 11:24

Ingvar Örn, Grantas og Ingimundur efstir á Meistaramóti SSON

Þrír eru efstir Meistaramóti SSON að loknum 6 umferðum en það eru Ingvar Örn, Grantas og Ingimundur sem allir hafa hlotið 4 vinninga, Ingvar Örn stendur best að vígi enda teflt fæstar skákir og unnið allar sínar.

Mótstöflu og nánari upplýsingar má finna á heimasíðu SSON.

Spil og leikir | Slóð | Facebook | Athugasemdir (0)

6.9.2012 | 17:40

Sigur gegn Kenýa - Kanar unnu Rússa

Íslenska liðið í opnum flokki vann mjög öruggan, 3,5-0,5, á sveit Kenýa í níundu umferð ólympíuskákmótsins sem fram fór í dag. Hannes Hlífar Stefánsson, Hjörvar Steinn Grétarsson og Þröstur Þórhallsson unnu en Dagur Arngrímsson gerði jafntefli. Í kvennaflokki tapaði kvennaliðið 1,5-2,5 fyrir sveit Ástrala. Lenka Ptácníková vann, Elsa María Kristínardóttir gerði jafntefli en Hallgerður Helga Þorsteinsdóttir og Jóhanna Björg Jóhannsdóttir töpuðu.

Stærstu tíðindi umferðarinnar og jafnvel mótsins hingað til er að Bandaríkjamenn unnu Rússa, 2,5-1,5. Kanar unnu á 1. og 2. borði. Nakamura vann Kramnik og Kamsky lagði Grischuk, en sá síðarnefndi lék, hrók á móti hrók og biskup, klaufalega niður í tap.

Rússar, Bandaríkjamenn, Kínverjar og Armenar hafa öll 15 stig og búast við við gífurlega spennandi baráttu í lokaumferðunum tveimur sem framundan eru.

Tíunda og næstsíðasta umferð fer fram á morgun og hefst kl. 12.

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Breytt s.d. kl. 23:17 | Slóð | Facebook | Athugasemdir (1)

6.9.2012 | 13:52

Ól-pistill nr. 11 - Góður sigur - vont tap - Allt í háalofti

Það gekk hörmulega hjá liðinu í opnum flokki í gær þegar viðureign gegn Perú tapaðist 0,5-3,5. Kvennaliðið náði hins vegar framúrskarandi úrslitum gegn Suður-Kóreu, 4-0. Rússar eru efstir í opnum flokki eftir góðan sigur á ólympíumeisturum Úkraínu en Kínverjar leiða í kvennaflokki. Í morgun var ECU-fundur þar sem hart var tekist á og á morgun hefst FIDE-þingið.

Gærdagurinn

Það var aðeins Hjörvar Steinn sem gerði jafntefli í gær. Aðrir töpuðu. Og ekki nóg með það heldur leit dæmið allt bara ágætlega lengi vel út en stöður Hannesar, Henriks og Dags hrundu svo allar á mjög skömmum tíma og mjög slæmt, 0,5-3,5, tap staðreynd. Ein verstu úrslit íslensks lið á ólympíuskákmóti. Í Khanty unnum við Perú með sama mun og þá var reyndar heppnin með okkur.

Stelpurnar yfirspiluðu S-Kóreu og unnu öruggan 4-0 sigur. Lenka, Hallgerður, Tinna og Elsa tefldu. Góð úrslit því styrkleikinn var svipaður á 2.-4. borði.

Umferð dagsins

Í dag er það svo Afríkuríkið Kenýa. Í fyrsta skipti sem við mætum Kenýa. Hér hlýtur stórsigur að vinnast. Henrik hvílir.

Kvennaliðið mætir sveit Ástralíu. Við höfum einu sinni mætt þeim áður, árið 1984, og þá vannst 2,5-0,5 sigur. Ólöf og Sigurlaug unnu þá en Guðlaug gerði jafntefli. Tinna hvílir í dag.

Skákstjórnmál - allt í háa lofti

Í gær var haldinn stjórnarfundur í Skáksambandi Norðurlanda en allir forsetar skáksambandanna eru hér. Vorum við að stilla saman strengi fyrir FIDE- og ECU-fundina og ræða hvað megi bæta í Norrænu skáksamstarfi. Skemmtilegur og uppbyggjandi fundur, eitthvað annað en ECU-fundurinn sem var svo í morgun.

ECU-fundurinn var sérstakar. Hann hófst með skjákynningu frá sambandinu sem gekk að miklu leyti á að sýna Danaliov með hinum ýmsum fyrirmönnum. Kasparov var með kynningu á Kasparov Foundation og svo kom hér menntamálaráðherra Serbíu, sem er stórmeistari kvenna. Hef ekki nafið.

Að því loknu fór eiginlega allt í háaloft. Ali Nihat, forseti tyrkneska skáksambandsins, var með stanslausa skotárás á Danilov og hans menn. Taldi of há laun greidd og Danilov ætti að afþakka laun á meðan ekki gengur betur að ná í styrktarsamninga.

Greint var frá styrktarsamning sem ECU hafði gert við spænska ferðaaðila upp á €25.000. Kom í ljós að Ali, hafði samninginn undir höndum, hafði verið lekið til hans úr stjórn ECU og sá honum allt til foráttu. Bauðst til að útvega annan styrktaraðila með tvöfaldri upphæð. Þetta var svo rætt fram og eftir og að lokum bauðst af Bareev til að útvega nýjan samning með tvöfaldri upphæð Ali! Hvort hann var að grínast eða ekki, veit ég ekki.

Einnig er ljóst að einn stjórnarmanna, Theodoros Tsorbatzoglou, frá Grikklandi, er í mikilli stjórnarandstöðu innan stjórnar ECU. Ali og Grikkinn, Georgios Makrapoulos, voru þeir en sem greiddu atkvæði gegn fjárhagsáætlunar stjórnar en þeir eru báðir mjög valdamiklir innan FIDE. Segja má að stríð ríki á milli forystumanna ECU og FIDE og það verður svo greinilega a.m.k. fram til ársins 2014.

Á morgun hefst FIDE-þingið og á að samkvæmt dagskrá að standa allan daginn á morgun sem og daginn þar á eftir. Pistlaskrif næstu daga verða því í óreglulegri kantinum.

Toppbaráttan

Rússar eru efstir með 15 stig eftir sigur á ólympíumeisturum Úkraína í gær. Úkraínumaðurinn fyrrverandi, Karjakin, reyndist sinni fyrrverandi þjóð erfiður, vann sína skák.

Kínverjar, Armenar, Bandaríkjamenn, Þjóðverjar og Filippseyingar koma næstir með 13 stig. Þeir síðastnefndu hafa komið verulega á óvart og lögðu Englendinga í gær þar sem Torre heldur áfram að brillera og vann nú Short.

Rússar og Kanar mætast á fyrstaborði. Kamsky mætti í hlýrabol og með derhúfu. Enginn lék fyrsta leikinn í dag!

Kínverjar eru efstir í kvennaflokki með 14 stig, Rússar, Frakkar, Indverjar og Úsbekar hafa 13 stig.

Norðurlandamótið:

Eftir úrslit gærdagsins erum við orðnir neðstir Norðurlanda með 7 stig. Danir, sem unnu Norðmenn, eru efstir með 11 stig, en þeir hafa verið býsna heppnir með andstæðinga umferð eftir umferð, og hafa ávallt mætt sveitum sem teljast veikari en þeir. Meira að segja í dag, þegar þeir mæta Makedóníumönnum.

Svíar, Finnar og Norðmenn hafa 9 stig og Færeyingar hafa 8 stig eftir tvo sigra í röð.

Staðan í opnum flokki:

Rk.	SNo	Team	TB1	TB2	TB3	TB4
26	39	Denmark	11	144	21,5	52
46	34	Sweden	9	141	19,5	64
53	52	Finland	9	132,5	18,5	66
57	54	Norway	9	119	18	65
81	74	Faroe Islands	8	91	18	55
88	51	Iceland	7	117	16	72

Eftir úrslitin í gær erum við komnir í 3. sæti í kvennaflokki með 8 stig eins og Danir. Svíar eru efstir með 9 stig, Norðmenn hafa 7 stig og Finnar reka lestina með 6 stig.

Staðan í kvennaflokki:

Rk.	SNo	Team	TB1	TB2	TB3	TB4
51	46	Sweden	9	90,5	17	62
66	51	Denmark	8	88	15	64
70	62	Iceland	8	75,5	16	54
72	40	Norway	7	101,5	16	60
92	77	Finland	6	70	12	62

Nóg í bili.

Gunnar Björnsson

Spil og leikir | Breytt s.d. kl. 13:55 | Slóð | Facebook | Athugasemdir (0)

6.9.2012 | 12:38

Beinar útsendingar: Kenýa og Ástralía

Í dag tefla strákarnir við sveit Kenýa og stelpurnar við sveit Ástralíu. Við teljumst mun sterkari í opnum flokki en erum heldur veikari í kvennaflokki. Henrik Danielsen og Tinna Kristín Finnbogadóttir hvíla í dag.

Beinar útsendingar:

Kenýa (opin flokkur)
Ástralía (kvennaflokkkur)

Spil og leikir | Slóð | Facebook | Athugasemdir (0)

5.9.2012 | 22:59

Stósigur gegn Alsír í kvennaflokki en stórtap gegn Perú í opnum flokki

Íslenska liðið í kvennaflokki vann stórsigur, 4-0, gegn sveit Alsíar í kvennaflokki ólympíuskákmótsins sem fram fór í kvöld. Á sama tíma tapaði liðið í opnum flokki 0,5-3,5 fyrir Perú, þar sem flest gekk okkar mönnum í óvil þrátt fyrir vilhallar stöður.

Íslenska liðið í opnum flokki er nú í 88. sæti með 7 stig og mætir sveit Kenýa a morgun. Rússar eru efstir með 15 stig eftir sigur á ólymíumeisturum Úkraíana. Kvennaliðið er í 70. sæti, einnig með 7 stig. Í kvennaflokki eru Kínverjar efstir með 14 stig. Íslenska lið mætir sveit Ástrala á morgun.

Li156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Breytt 6.9.2012 kl. 10:08 | Slóð | Facebook | Athugasemdir (0)

5.9.2012 | 22:50

Álfhólsskóli tekur þátt í NM barnaskólasveita um helgina

Um helgina tekur sveit Álfhólsskóla þátt í Norðurlandamóti barnaskólasveita en að þessu sinni verður teflt í Stokkhólmi.

Sveit Álfhólsskóla er skipuð eftirfarandi:

1. borð Dawid Kolka
2. borð Felix Steinþórsson
3. borð Róbert Leó Jónsson
4. borð Guðmundu Agnar Bragason
vara Oddur Unnsteinsson

Liðsstjóri er Smári Rafn Teitsson.

Í töflunni hér að neðan sjást upplýsingar um mótið þmt tímasetningar og röðun. Eins og sjá má þá byrjar Álfhólsskóli leik á föstudagsmorguninn á móti vinum okkar frá Finnlandi en tekst svo á við gömlu herraþjóðina í 2. umferð á föstudagseftirmiðdag.

			Umferðir/dagur/tími
			1	2	3	4	5
			7.sep	7.sep	8.sep	8.sep	9.sep
			09:00	15:00	09:00	15:00	09:00
1	Örsundsbroskolan	Svíþjóð 2	6	2	3	4	5
2	Kringsjå Skole	Noregur	5	1	6	3	4
3	Álfhólsskóli	Ísland	4	5	1	2	6
4	The English School	Finnland	3	6	5	1	2
5	Haldum-Hinnerup Skolen	Danmörk	2	3	4	6	1
6	Mälarhöjdens skola	Svíþjóð 1	1	4	2	5	3

Tímamörk í mótinu eru 2 klst á 40 leiki + 30 mín til að klára skák.

Eins og sjá má þá er þetta nú nokkuð stíft prógram sérstaklega þegar haft er í huga að strákarnir okkar verða nú líklega líkamlega enn á íslenskum tíma og hefja því í raun leik kl 7 að morgni (að íslenskum tíma). Það þýðir hins vegar ekkert að væla yfir því. Menn verða bara að fara snemma í háttinn og mæta vel upplagðir til leiks.

Svíarnir vinir okkar hafa enn ekki sett keppandalistann á aðgengilegan hátt á netið en skákheimi til skemmtunar og upplýsinga er hér að neðan listi yfir keppendur ásamt local stigum þeirra.

	Svíþjóð 1	Svíþjóð 2	Ísland	Finnland	Danmörk	Noregur
1 borð	1743	1200	1335	1472	1940	1327
2 borð	1544	1060	1298	1452	1383	871
3 borð	1338	800	1203	1338	0	588
4 borð	1291	750	1115	1314	1129	0
varamaður	1231	700	0			0

Eins sjá má á þessum lista er ljóst að okkar strákar eiga mjög erfitt verkefni fyrir höndum jafnvel þótt líklegt megi segja að hin íslensku skákstig þeirra séu ekki endilega góður kvarði á getu þeirra á alþjóðlegan mælikvarða. Þannig hafa bæði t.d. bæði Dawid og Felix töluvert fleiri alþjóðlega stig en íslensk. Drengirnir hafa verið í mjög stífum undirbúningi í sumar bæði hjá Smára Rafni Teitssyni og hjá Einari Hjalta Jenssyni og eru ákveðnir að sýna hinu skandinavíska frændfólki okkar hvað í þeim býr. Þess má geta að Ísland hefur hér titil að verja eftir frábæran árangur Rimaskóla á sama móti á síðasta ári.

Við munum birta fréttir af mótinu og myndir hér á skak.is.

Steinþór Baldursson

Spil og leikir | Breytt s.d. kl. 14:05 | Slóð | Facebook | Athugasemdir (0)

5.9.2012 | 18:24

WOW Íslandsmót íþróttafélaganna á Hlíðarenda á laugardaginn!

Sigurvegarar á Íslandsmóti íþróttafélaganna á Hlíðarenda á laugardaginn fá góðan glaðning: Miða frá WOW en meðal áfangastaða flugfélagsins eru Berlín, Kaupmannahöfn og London.

Allt stefnir í hörkuspennandi og skemmtilega keppni á laugardaginn, en Íslandsmótið er einn hápunktur í hverfahátíð Miðborgar og Hlíða sem fram fer á laugardaginn. Mótið hefst klukkan 11 og verða tefldar hraðskákir, svo það má búast við miklu fjöri.

Valsmenn sigruðu á Reykjavíkurmóti íþróttafélaganna í fyrra, en nú er m.a. von á harðsnúnum liðum frá ÍBV, Selfossi, Akranesi og Akureyri. Þá verða flest Reykjavíkurfélögin með sveitir, en hvert lið er skipað 4 leikmönnum.

Þátttökurétt eiga keppnisfélög með aðild að ÍSÍ eða UMFÍ, og er enn hægt að skrá sig til keppni hjá Stefáni Bergssyni, framkvæmdastjóra Skákakademíunnar í síma 863 7562 eða stefan@skakakademia.is.

Spil og leikir | Breytt s.d. kl. 19:02 | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Bloggfærslur mánaðarins, september 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: