Glæsilegur sigur Doniku á meistaramóti Hólabrekkuskóla

Donika Kolica sigraði með fullu húsi á meistaramóti Hólabrekkuskóla í Breiðholti, sem fram fór í dag. Donika sigraði í öllum 7 skákum sínum, og lagði m.a. Dag Kjartansson, besta skákmann skólans til margra ára.

Dagur varð að gera sér silfrið og 6 vinninga að góðu og í þriðja sæti varð Heimir Páll Ragnarsson með 5 vinninga.

Þessir þrír vösku krakkar hafa myndað uppistöðuna í skáksveit skólans, sem m.a. hefur náð bronsi og silfri á Reykjavíkurmóti grunnskóla.

Rík skákhefð er í Hólabrekkuskóla og skólinn er vel búinn taflsettum og tölvuklukkum. Það má þakka Birnu Halldórsdóttur, sem m.a. stóð fyrir kökubasar til að safna fyrir skákklukkunum!

Skák var á stundatöflu 3. bekkinga í Hólabrekkuskóla í vetur og val í unglingadeild. Björn Ívar Karlsson annaðist kennsluna, en auk þess sáu Donika og Björn Þorfinnsson um opnar æfingar eftir skóla.

Sigur Doniku kom nokkuð á óvart, en sýnir að hún er í örri framför sem skákmaður, enda afar dugleg við æfingar.  Donika sigraði Dag í Grand-Prix afbrigði Sikileyjarvarnar sem verður sífellt vinsælla meðal skákmanna á öllum aldri og styrkleikastigum.

Þessa dagana fara fram meistaramót í fjölmörgum grunnskólum Reykjavíkur, og víðar, og verður sagt frá úrslitunum hér á skak.is.

Jafntefli í fjórðu einvígisskák Aronian og Kramnik

Aronian (2820) og Kramnik (2801) gerðu jafntefli í fjórðu skák vináttueinvígis þeirra sem fram fer í Zurich í Sviss.  Staðan er nú 2-2.   Þar sem skákin var undir þremur tímum tefldu þeir einnig eina atskák og þar vann Aronian.

Fimmta og næstsíðasta skákin fer fram á föstudag og hefst kl. 13.  Alls tefla þeir sex skákir

Heimasíða einvígisins

Fyrirtækja- og félagaeinvígi

Ágæti forsvarsmaður!

Með þessu bréfi vill Skákdeild Fjölnis bjóða fyrirtæki þínu þátttöku í glæsilegri firma- og félagakeppni í skák sem fram fer í Ráðhúsi Reykjavíkur þann 9. maí n.k. Teflt verður frá kl. 16:00 – 19:00.

Um er að ræða sveitakeppni, þrír í liði ásamt varamönnum. Mótið er óvenjulegt að því leyti að það er sniðið að almennum skákáhugamönnum, þ.e. starfsmönnum fyrirtækja. Einstakt tækifæri gefst til að tefla við mjög sterka mótherja, bestu skákmenn landsins, og jafnframt vera í sigurliði og vinna vegleg verðlaun.

Samanlagður styrkleiki hvers liðs í hverri umferð þarf að vera undir 5.500 stigum. Til að hvetja stigalausa til að vera með, reiknast þeir með aðeins 1.000 ELO stig. Borðaröð er frjáls.

Aðbúnaður í Ráðhúsinu er eins og best verður á kosið, með m.a. fríum veitingum fyrir keppendur, skák sýnd í beinni á sýningartjaldi o.s.frv.

Verðlaun eru glæsileg, en auk verðlaunagripa og medalía verða eftirtalin verðlaun veitt fyrir efstu þrjú sætin:

1. verðlaun: Flug til Evrópu með Iceland Express fyrir 3 liðsmenn – öll gjöld innifalin ásamt Ljósmyndabókinni frá Sögum útgáfu fyrir 3 liðsmenn!             

2. verðlaun: Flug til Evrópu með Iceland Express fyrir 3 liðsmenn – öll gjöld innifalin!                                                    

3. verðlaun: Út að borða fyrir tvo á veitingastaðnum Skrúði – 3 gjafabréf. Ljósmyndabókin frá Sögum útgáfu og geisladiskur frá 12 tónum fyrir 3 liðsmenn!

Einnig verða veitt verðlaun:

                Einstaklingsverðlaun:

1.       verðlaun:  GSM snjallsími, að verðmæti kr. 100.000, frá Símanum.

2.       verðlaun: Út að borða fyrir tvo á veitingastaðnum Vox. Ljósmyndabókin frá Sögum útgáfu og geisladiskur frá 12 tónum

3.-5.verðlaun: Ljósmyndabókin frá Sögum útgáfu og geisladiskur frá 12 tónum

-       Óvæntustu úrslitin - miðað er við stigamun:

1. verðlaun: Ljósmyndabókin frá Sögum útgáfu og geisladiskur frá 12 tónum,

2.-3. verðlaun: Geisladiskur frá 12 tónum

 

-        fyrir þátttökuliðið sem að kemur mest á óvart m.v. fyrirfram styrkleika:

1.-2. verðlaun: Ljósmyndabókin frá Sögum útgáfu fyrir 3 liðsmenn!

3. verðlaun: geisladiskur frá 12 tónum fyrir 3 liðsmenn!

-       snjallasti liðsstjórinn:

1.-3. verðlaun: Ljósmyndabókin Hús eru aldrei ein eða Eyjafjallajökull frá Uppheimum.

-       Flottasti liðsbúningurinn: Ljósmyndabókin frá Sögum útgáfu fyrir 3 liðsmenn!

-       Einnig Headphones og minnislyklar frá Nýherja og fleira, m.a. útdráttarverðlaun, sem að kynnt verða síðar!

ATH. Verðlaunum kann að fjölga og/eða verða enn veglegri.

Við stefnum á að ná 20 sveitum – munum skoða hvað við gerum ef að færri hafa skráð sig

 

Fyrirkomulag                                                                                                                                                                                   -        Teflt verður í Ráðhúsi Reykjavíkur 9. maí næstkomandi kl. 16:00-19:00.                                                        -        Hvert fyrirtæki eða félag sendir þriggja manna skáksveit til leiks með allt að þrjá varamenn. Ekki er nauðsynlegt að keppendur séu starfsmenn viðkomandi fyrirtækis, eða meðlimir í viðkomandi félagi.

-      Tefldar verða 7-10 umferðir með 7-10 mínútna umhugsunartíma.

-      Samanlögð stig, sjá: http://chess-results.com/isl/ratings.aspx?lan=0 , sveitar skulu takmarkast við 5.500 stig í hverri umferð. Stigalausir verða reiknaðir með 1.000 skákstig.

-       Sigurvegari mótsins er það lið sem að hlýtur flesta vinninga

-      Liðsmenn þarf að tilkynna í síðasta lagi daginn fyrir mótsdag.

-      Veitingar í hléi verða í boði Saffran og Icelandic Glacial.

 

Skákdeild Fjölnis stendur að mótinu en verkfræðistofan Verkís, sem fagnar 80 ára starfsafmæli í ár, er aðalstyrktaraðili mótsins. Mótið er haldið til fjáröflunar fyrir skákdeild Fjölnis, en Fjölnir er mjög framarlega í barna- og unglingastarfi, en einnig til að styrkja kaup á vélbúnaði fyrir Héðin Steingrímsson, stigahæsta virka stórmeistara Íslands, sem jafnframt er félagi í Fjölni. Síðasta mót Héðins var þýska Bundesligan, sem að nú er nýlokið, sjá: http://www.skak.blog.is/blog/skak/entry/1234493/

Stefnt er að því að gera mótið að árlegum viðburði og endurvekja þá skemmtilegu stofnanakeppni sem var við lýði fram að síðustu aldamótum.

Ef óskað er eftir, þá hjálpum við til við að halda meistaramót fyrirtækis eða félags.

Þátttökugjald hvers fyrirtækis/félags/hóps er 50.000 kr. Tilkynnið þátttöku sem fyrst á [e-mail] og skráið liðið á http://www.firmakeppnin.blog.is/blog/firmakeppnin/

Firmakeppni Íslands er á Facebook! http://www.facebook.com/profile.php?id=100003387882089

Þar er hægt að auglýsa á Facebook síðunni eftir skákmanni með ELO stig, sem að passa við hina liðsmennina. Einnig er hægt að senda okkur tölvupóst og við munum aðstoða við það.

Skákmenn eru einnig hvattir til að auglýsa eftir liði sem að vantar mann með svipuð ELO stig á Facebook síðunni eða senda okkur tölvupóst og lýsa yfir áhuga á þátttöku.

Við hvetjum þig til að hafa frumkvæði í málinu og vekja athygli á keppninni innan þíns fyrirtækis eða félags og vonumst til að eiga skemmtilega upplifun með þér á mótinu!

Með von um jákvæð viðbrögð, stuðning og skemmtilegt samstarf,

Helgi Árnason, formaður skákdeildar Fjölnis, gsm 664-8320                                                                                       

Héðinn Steingrímsson, stórmeistari og núverandi Íslandsmeistari í skák, gsm 894-0807

Þátttökutilkynning og fyrirspurnir: [e-mail]

Sumarskákmót Fjölnis

Sumarskákmót Fjölnis fer fram í Rimaskóla þriðjudaginn 1. maí. Skákdeild Fjölnis lýkur vetrarstarfi sínu með veglegu sumarskákmóti í Rimaskóla þriðjudaginn 1. maí frá kl. 11:00 - 13:00.  Þátttakendur eru beðnir um að mæta tímanlega til skráningar. Rótarýklúbbur Grafarvogs veitir sigurvegurum mótsins veglega eignarbikara; í eldri flokki 1996 - 2000, yngri flokki 2001 - 2005 og stúlknaflokki. Fjöldi vinninga í boði, m.a. í formi pítsugjafabréfa og bíómiða.

Tefldar verða sex umferðir og umhugsunartíminn eru 7 mínútur á hverja skák.

Í skákhléi verður hægt að kaupa pítsu og gosdrykk á 200 kr.

Skákdeildin mun útnefna afreksmann og æfingameistara deildarinnar 2011 - 2012 á skákmótinu og heiðra nýjustu afreksmenn skákdeildar Fjölnis, þau Hrund Hauksdóttur Norðurlandameistara stúlkna og Oliver Aron Jóhannesson, hinn 14 ára gamla bronsverðlaunahafa frá heimsmeistaramóti áhugamanna 2012.

Skákdeild Fjölnis hvetur alla grunnskólakrakka til að fjölmenna á þetta síðasta skákmót vetrarins.

Þátttakan er ókeypis.

Tímaritið Skák til sölu á aðeins 2.000 kr.

 

Tímaritið Skák kom út í mars í fyrsta skipti um langt árabil. Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, EM landsliða, Skákþing Íslands, Íslandsmót skákfélaga, unglingastarf o.s.frv.   Rétt er líka að benda á frábæra grein Braga Kristjónssonar um kynni hans við Bobby Fischer.   Blaðið er um 100 blaðsíður í glæsilegu broti.

Hægt er að skrá sig fyrir blaðinu hér.  Blaðið verður sent í pósti um hæl og greiðsluseðill birtist í heimabanka áskrifenda.

Snorri og Bjarni Jón Þingeyjarsýslumeistarar

 

Snorri Hallgrímsson og Bjarni Jón Kristjánsson urðu Þingeyjarsýslumeistarar í skólaskák í dag, en sýslumótið fór fram í Litlulaugaskóla í Reykjadal.

Snorri vann eldri flokkinn með 6,5 vinningum af 7 mögulegum en dregið var á milli Snorra og Hlyns Sæs Viðarssonar því þeir urðu jafnir að vinningum og hafði Snorri heppnina með sér. Þeir kepptu báðir fyrir Borgarhólsskóla. Tryggvi Snær Hlinason, Stórutjarnaskóla, varð í þriðja sæti með 4 vinninga og örlítið stigahærri en Hjörtur Jón Gylfason, Reykjahlíðarskóla, sem einnig fékk 4 vinninga. Snorri og Hlynur hafa því unnið sér keppnisrétt á kjördæmismótinu í skólaskák sem fram fer á Akureyri nk. laugardag kl 13:00.

Lokastaðan í eldri flokki:

1.    Snorri Hallgrímsson Borgarhólsskóla           6,5 af 7
2.    Hlynur Snær Viðarsson  ---------------            6,5
3.    Tryggvi Snær Hlinason  Stórtjarnaskóla       4
4.    Hjörtur Jón Gylfason  Reykjahlíðarskóla       4
5-6.Starkaður Snær Hlynsson Litlulaugaskóla     3
5-6. Freyþór Hrafn Harðarsson-----------------      3
7.    Pétur Ingvi Gunnarsson Reykjahlíðarskóla  1 
8.    Ingimar Atli Knútsson     ---------------------   0 

Í yngri flokki var mun harðari barátta um efstu sætin enda keppendur mun jafnari að getu í þeim flokki.  Það endaði þó með því að Bjarni Jón Kristjánsson, Litlulaugaskóla, stóð uppi sem sigurvegari með 6 vinninga af 7 mögulegum. Bjarni tapaði sinni skák í fyrstu umferð, en vann síðan allar aðrar skákir. Jakub P Statkiewice, Litlulaugaskóla, varð nokkuð óvænt í öðru sæti með 5 vinninga og varð örlítið hærri á stigum en Ari Rúnar Gunnarsson, Reykjahlíðarskóla, sem einnig fékk 5 vinninga í mótinu og þriðja sætið. Bjarni og Jakub hafa því unnið sér keppnisrétt á kjördæmismótinu í yngri flokkir á Akureyri nk. laugardag.

Lokastaðan í Yngri flokki: 

  1   Bjarni Jón Kristjánsson,    Litl          6      19.5  
 2-3  Jakub Piotr Statkiewicz,    Litl          5      18.0  
      Ari Rúnar Gunnarsson,       Mýv           5      16.5 
 4-5  Snorri Már Vagnsson,        Stór          4.5    21.5  
      Eyþór Kári Ingólfsson,      Stór          4.5    21.0  
 6-7  Helgi Þorleifur Þórhallss,  Mýv           3.5    20.5  
      Ásgeir Ingi Unnsteinsson,   Litl          3.5    15.0  
  8   Helgi James Þórarinsson,    Mýv           3      15.5  
  9   Björn Gunnar Jónsson,       Borg          2.5    14.5  
 10   Elín Heiða Hlinadóttir,     Stór          2      18.5  
 11   Páll Hlíðar Svavarsson,     Borg          1.5    14.5  
 12   Bergþór snær Birkisson,     Borg          1      16.0 

 

Sýslumaður Þingeyinga, Svavar Pálsson, tók að sér að afhenda verðlaunin á mótinu enda fáir hæfari til þess á sýslumóti í skák, en hann. Hermann Aðalsteinsson var mótsstjóri.

 

Kári og Bjarki sýslumeistarar Kjósarsýslu

Fámennt en góðmennt sýslumót í skólaskák var haldið í Hofsstaðaskóla síðastliðið mánudagskvöld þegar einungis 5 ungir skákmenn létu sjá sig.  Keppnin varð æsispennandi milli 2 efstu og dugðu 3 úrlslitaskákir ekki til að velja sigurvegara þannig að ákveðið var að þeir fengju báðir verðlaun. 

Í 1.-2. sæti urðu þeir Kári Georgsson  og Bjarki Arnaldarson. með 3,5 vinning úr mótinu og tefldu svo 2 skáka einvígi sem fór 1-1 en þeir unnu sitthvora skákina og svo varð jafntefli í bráðabanaskák. í 3. sæti varð svo Fannar Ingi Grétarsson með 2 vinninga. í 4.-5. sæti urðu svo þeir Sigurður Fannar Finnsson og Haukur Georgsson með hálfan vinning hvor. 

Allir þessir skákmenn eru nemendur í Hofstaðaskóla. Enginn mætti í eldri flokk. 

Þetta þýðir að það verða 3 skákmenn úr Taflfélagi Garðabæjar á Kjördæmismótinu sem væntanlega verður haldið næstu helgi, (staðsetning og tími ekki ákveðin) en auk þeirra Bjarka og Kára kemur Sóley Lind gengum Hafnarfjarðarmótið.

Sæbjörn áfram í skákstuði í Stangarhyl

Sæbjörn Guðfinnsson varð efstur í Ásgarði í dag í fimmta sinn á árinu. Hann hefur mætt tíu sinnum  á skákviðburði frá áramótum og má vera ánægður með árangurinn.

Sæbjörn fékk 8 vinninga af 9 í dag. Í öðru sæti varð Jóhann Örn Sigurjónsson með 7,5 vinning síðan komu þrír jafnir  með 6 vinninga, þeir Guðfinnur R Kjartansson, Valdimar Ásmundsson og Þorsteinn Guðlaugsson.

Tuttugu og átta skákmenn mættu til leiks í dag.

Næsta þriðjudag verður ekki teflt í Ásgarði, þá er 1. maí og starfsfólk hússins í fríi.

Nánari úrslit dagsins:

• 1          Sæbjörn Guðfinnsson                                     8
• 2          Jóhann Örn Sigurjónsson                                7.5
• 3-5       Guðfinnur R Kjartansson                                6
•             Valdimar Ásmundsson                                   6
•             Þorsteinn Guðlaugsson                                   6
• 6          Haraldur Axel                                                 5.5
• 7-12     Páll G Jónsson                                                 5
•             Óli Árni Vilhjálmsson                                     5
•             Birgir Sigurðsson                                            5
•             Magnús V Pétursson                                       5
•             Bragi G Bjarnarson                                         5
•             Kristján Guðmundsson                                   5
• 13-18   Gísli Sigurhansson                                          4.5
•             Ari Stefánsson                                                            4.5
•             Baldur Garðarsson                                          4.5
•             Einar S Einarsson                                            4.5
•             Trausti Pétursson                                             4,5
•             Jón Víglundsson                                             4.5
• 19        Hlynur Þórðarson                                            4

Næstu níu skákmenn fengu færri vinninga

Kramnik jafnaði metin gegn Aronian

Kramnik (2801) sigraði Aronian (2820) í þriðju skák vináttueinvígis þeirra sem fram fer í Zurich í Sviss.  Aronian vann fyrstu skákina með svörtu, þeirra annarri lauk með jafntefli og nú jafnaði Kramnik metin.  Fjórða skákin fer fram á morgun og hefst kl. 13.

Alls tefla þeir sex skákir

Heimasíða einvígisins

 

Bragi og Þröstur tefla einvígi um Íslandsmeistaratitilinn

 

 

Bragi Þorfinnsson og Þröstur Þórhallsson komu jafnir í mark á Íslandsmótinu í skák sem lauk í dag í Stúkunni á Kópavogsvelli.   Fyrir umferðina voru þeir jafnir með 7 vinninga en Henrik þriðji með 6,5 vinning.  Bragi og Henrik mættust en Þröstur tefldi við Guðmund.   Báðar skákirnar voru æsispennandi og voru áhorfendur sífellt að sjá fyrir sér nýjan Íslandsmeistara eða einvígi á milli mismunandi aðila! 

Skákunum lauk báðum með jafntefli fyrir rest og Henrik varð í 3.-4. sæti ásamt Degi Arngrímssyni.

Það er margt sögulegt við mótið.  Hvorki Þröstur né Bragi hafa orðið Íslandsmeistarar og því er ljóst að nýr Íslandsmeistari verður krýndur í maí nk. þegar fjögurra skáka einvígi þeirra fer fram.   Úrslitakeppnin er sú fyrsta síðan 1999 þegar Hannes Hlífar Stefánsson vann Helga Áss Grétarsson í einvígi. 

Þetta er í fyrsta skipti síðan 1998 að Hannes Hlífar Stefánsson tekur þátt á annað borð að hann hampar ekki titlinum en hann hefur unnið í 11 síðustu skipti er hann hefur tekið þátt.

Úrslitaeinvígi Þrastar og Braga fer fram um miðjan maí og teflt verður í Stúkunni á Kópavogsvelli.

Röðun lokaumferðinnar:

• Bragi Þorfinnsson (7,0) - Henrik Danielsen (6,5) 0,5-0,5
• Guðmundur Kjartansson (4,5) - Þröstur Þórhallsson (7,0) 0,5-0,5
• Dagur Arngrímsson (6,0) - Davíð Kjartansson (5,5) 1-0
• Hannes Hlífar Stefánsson (4,5) - Einar Hjalti Jensson (3,5) 1-0
• Stefán Kristjánsson (4,5) - Guðmundur Gíslason (3,5) 1-0
• Sigurbjörn Björnsson (4,0) - Björn Þorfinnsson (3,5) 0,5-0,5

Staðan:

• 1.-2. Bragi Þorfinnsson og Þröstur Þórhallsson 7,5 v.
• 3.-4. Dagur Arngrímsson og Henrik Danielsen 7 v.
• 5.-7. Davíð Kjartansson, Hannes Hlífar Stefánsson og Stefán Kristjánsson 5,5 v.
• 8. Guðmundur Kjartansson 5 v.
• 9. Sigurbjörn Björnsson 4,5 v.
• 10. Björn Þorfinnsson 4 v.
• 11.-12. Guðmundur Gíslason og Einar Hjalti Jensson 3,5 v.

Vefsíður

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)