Hrannar Skáklistamaður án landamæra 2

 Skáklist án landamæra 2 fór fram í Vin í dag klukkan 13. Ellefu þátttakendur voru skráðir til leiks og að sjálfsögðu barist, ekki síður en í Kópavogi.  Tefldar voru sex umferðir með sjö mínútna umhugsunartíma og það var skákstjórinn sjálfur, Hrannar Jónsson, sem hampaði skákbók að lokum.

Allir þátttakendur fengu DVD diska eða skákbækur fyrir vasklega framgöngu og að sjálfsögðu var gert kaffihlé eftir þriðju umferð og hlustað á fréttir af því þegar Geir var lýstur sýkn saka.  Eins og gera mátti ráð fyrir urðu nokkrir þátttakenda kátir og nokkuð slakir eftir þá niðurstöðu en aðrir pínu aggressívir.  Þetta fór samt allt mjög vel að lokum. 

1: Hrannar Jónsson            6v

2: Hlynur Hafliðason         5

3. Haukur Halldórsson       4

4: Peter Harttree                 4

Fjórir voru með þrjá vinninga og þrír aðeins minna.

Spennandi lokaumferð kl. 13 í Stúkunni á Kópavogsvelli - þrír geta orðið Íslandsmeistarar

 

Ellefta og síðasta umferð Íslandsmótsins í skák hefst nú kl. 13 í Stúkunni á Kópavogsvelli.   Þrír keppendur geta orðið Íslandmeistarar.   Þröstur Þórhallsson og Bragi Þorfinnsson er efstir með 7 vinninga en Henrik Danielsen er þriðji með 6½ vinning.   Bragi og Henrik mætast annars vegar en Þröstur teflir við Guðmund Kjartansson. 

Davíð Kjartansson, sem er fimmti með 5½ vinning, hefur möguleika á að áfanga að alþjóðlegum meistaratitli en til þess þarf hann að vinna Dag Arngrímsson sem er fjórði með 6 vinninga.  

Lokahóf Íslandsmótsins hefst svo kl. 18 í kvöld í Stúkunni.

Hægt er að fylgjast með lokaumferðinni í beinni á slóðinni: http://live.chess.is/2012/landslids/r11/tfd.htm

Röðun lokaumferðinnar:

• Bragi Þorfinnsson (7,0) - Henrik Danielsen (6,5)
• Guðmundur Kjartansson (4,5) - Þröstur Þórhallsson (7,0)
• Dagur Arngrímsson (6,0) - Davíð Kjartansson (5,5)
• Hannes Hlífar Stefánsson (4,5) - Einar Hjalti Jensson (3,5)
• Stefán Kristjánsson (4,5) - Guðmundur Gíslason (3,5)
• Sigurbjörn Björnsson (4,0) - Björn Þorfinnsson (3,5)

Staðan:

• 1.-2. Þröstur Þórhallsson og Bragi Þorfinnsson 7 v.
• 3. Henrik Danielsen 6,5 v.
• 4. Dagur Arngrímsson 6 v.
• 5. Davíð Kjartansson 5,5 v.
• 6.-8. Guðmundur Kjartansson, Stefán Kristjánsson og Hannes Hlífar Stefánsson 4,5 v.
• 9. Sigurbjörn Björnsson 4 v.
• 10.-12. Guðmundur Gíslason, Einar Hjalti Jensson og Björn Þorfinnsson 3,5 v.

Vefsíður

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

Skólaskákmót Reykjavíkur fer fram á laugardag

Skólaskákmót Reykjavíkur fer fram laugardaginn 28. apríl í Víkinni Sjóminjasafni sem staðsett er að Grandagarði átta.

Taflið hefst 12:00 og tefldar verða átta umferðir með 10 mínútna umhugsunartíma.

Teflt verður í tveimur flokkum; yngri (1.-7. bekkur) og eldri (8.-10.) bekkur.

Efstu sætin gefa rétt til þátttöku á Landsmótinu í skólaskák sem fram fer í Þingeyjarsýslu vikunni eftir mótið.

Þátttökurétt hafa sigurvegarar skólamótanna auk þess sem sterkum skákskólum býðst að senda fleiri skákmenn til leiks.

Skráning á [e-mail]

Skáklist án landamæra 2 í Vin

Mánudaginn 23. apríl klukkan 13:00 verður haldið mót í tilefni "listar án landamæra" í Vin, Hverfisgötu 47.  Tefldar verða 7 umferðir með 7 mínútna umhugsunartíma og skákstjóri er Hrannar Jónsson, fyrirliði Vinjargengis.

Að sjálfsögðu eru kaffiveitingar þegar leikar standa sem hæst.

DVD diskar í verðlaun fyrir efstu sætin, sérstök unglingaverðlaun og einnig fyrir óvæntan vinning.

Happadrætti og eintóm hamingja.

Bara að mæta aðeins fyrir eitt og skrá sig.

Kostar ekkert og síminn í Vin er 561-2612.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 23. apríl nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Þröstur og Bragi efstir fyrir lokaumferð Íslandsmótsins í skák

Ekki minnkar spennan á Íslandsmótinu í skák.  Allir toppmennirnir gerðu jafntefli í 10. og næstsíðustu umferð sem fram fór í kvöld.  Þröstur Þórhallsson gerði jafntefli við Sigurbjörn Björnsson, Bragi Þorfinnsson við Guðmund Gíslason og Henrik Danielsen við Hannes Hlífar Stefánsson eftir að hafa saumað að honum lengi vel.  Þröstur og Bragi hafa 7 vinninga en Henrik hefur 6,5 vinning.  Bragi og Henrik mætast í lokaumferðinni en Þröstur teflir við Guðmund Kjartansson.  Lokaumferðin hefst kl. 13 á morgun en teflt er í Stúkunni á Kópavogsvelli.

Hart var barist í umferðinni eins og hingað til og þótt aðeins einni skák hafi ekki lokið með jafntefli.  Davíð Kjartansson vann Guðmund Kjartansson og er sá keppandi sem hefur komið mest á óvart á mótinu en hann er í 5. sæti með 5,5 vinning.  Dagur Arngrímsson er fjórði með 6 vinninga.

Úrslit 10. umferðar:

• Þröstur Þórhallsson (6,5) - Sigurbjörn Björnsson (3,5) 0,5-0,5
• Guðmundur Gíslason (3,0) - Bragi Þorfinnsson (6,5) 0,5-0,5
• Henrik Danielsen (6,0) - Hannes Hlífar Stefánsson (4,0) 0,5-0,5
• Einar Hjalti Jensson (3,0) - Dagur Arngrímsson (5,5) 0,5-0,5
• Davíð Kjartansson (4,5) - Guðmundur Kjartansson (4,5) 1-0
• Björn Þorfinsson (3,0) - Stefán Kristjánsson (4,0) 0,5-0,5

Staðan:

• 1.-2. Þröstur Þórhallsson og Bragi Þorfinnsson 7 v.
• 3. Henrik Danielsen 6,5 v.
• 4. Dagur Arngrímsson 6 v.
• 5. Davíð Kjartansson 5,5 v.
• 6.-8. Guðmundur Kjartansson, Stefán Kristjánsson og Hannes Hlífar Stefánsson 4,5 v.
• 9. Sigurbjörn Björnsson 4 v.
• 10.-12. Guðmundur Gíslason, Einar Hjalti Jensson og Björn Þorfinnsson 3,5 v.

Röðun lokaumferðinnar: (hefst kl. 13 í Stúkunni á Kópavogsvelli):

• Bragi Þorfinnsson (7,0) - Henrik Danielsen (6,5)
• Guðmundur Kjartansson (4,5) - Þröstur Þórhallsson (7,0)
• Dagur Arngrímsson (6,0) - Davíð Kjartansson (5,5)
• Hannes Hlífar Stefánsson (4,5) - Einar Hjalti Jensson (3,5)
• Stefán Kristjánsson (4,5) - Guðmundur Gíslason (3,5)
• Sigurbjörn Björnsson (4,0) - Björn Þorfinnsson (3,5)

Vefsíður

• Heimasíða mótsins
• Chess-Results
• Beinar útsendingar
• Myndaalbúm mótsins (HJ)

Norðurlandamót stúlkna 2012 - tveir Norðulandameistaratitlar Íslendinga

Fimmtu og síðustu umferð Norðurlandamóts stúlkna er nú rétt nýlokið.  Óhætt er að segja að stelpurnar hafi staðið sig vel því tvö gull og eitt brons í þremur flokkum er frábær frammistaða.  Tveir Norðurlandameistaratitlar unnust þær Jóhanna Björg Jóhannsdóttir og Hrund Hauksdóttir sigruðu í A- og B-flokki.  Sóley Lind Pálsdóttir varð í þriðja sæti í C-flokki.  Semsagt verðlaun í öllum flokkum!

Að skákum dagsins:

A-flokkur:
Emilie Ellegaard Christiansen - Jóhanna Björg Jóhannsdóttir 0-1
Sigríður Björg Helgadóttir – Erle Andrea Marki Hansen ½-½

Jóhanna var greinilega miklu betri en andstæðingurinn í dag.  Eins og við bjuggumst við fyrirfram þá tefldi andstæðingurinn byrjunina mjög varlega þannig að Jóhanna átti ekki í neinum vandræðum með að jafna taflið.  Fljótlega eftir að Jóhanna lét sverfa til stáls vann hún skiptamun og eftir það var hún ekki í neinum vandræðum með að innbyrða vinninginn þrátt fyrir að hún hafi á einum stað leikið af sér án þess að andstæðingurinn tæki eftir því.  Glæsilegur árangur hjá Jóhönnu sem tefldi afar vel á þessu móti og var virkilega vel að sigrinum komin.

Sigríður tefldi mjög vel í dag eins og flestar aðrar skákir í mótinu.  Skákin var reyndar í beinni útsendingu þannig að allir heima gátu fylgst með.  Andstæðingur Sigríðar var efst fyrir lokaumferðina (var með betri monrad stig en Jóhanna og Jessica hin sænska).  Sigríður hafði tögl og haldir nánast alla skákina og var mjög nálægt því að vinna.  Minnstu munaði þó að hún teygði sig of langt í vinningstilraunum en að lokum endaði skákin með jafntefli og er því óhætt að segja að hún hafi lagt sitt að mörkum til að Jóhanna gæti unnið flokkinn.

B-flokkur:
Ina Kraemer - Hrund Hauksdóttir 0-1
Veronika Steinunn Magnúsdóttir - Rina Weinman 0-1 

Hrund átti hreint út sagt stórkostlegan afmælisdag í dag.  Báðar skákirnar í beinni útsendingu enduðu með öruggum sigrum og norðurlandameistaratitill í höfn.  Eins og áhorfendur heima gátu séð þá tefldi Hrund afar vandað og uppskar öruggan sigur.  Hún sýndi það og sannaði í þessu móti að hún er langbest í þessum flokki.

Veronika hélt áfram að tefla vel og var í sjálfu sér með mjög fína stöðu þegar hún ákvað að plata andstæðinginn.  Ekki fór það nú betur en svo að hún plataði sjálfa sig illa og tapaði manni og skákinni skömmu síðar.  Veronika sýndi það samt í þessu móti að hún á fullt erindi í þennan flokk þrátt fyrir að vera á yngsta aldursári í flokknum.

C-flokkur:
Lisa Fredholm  - Sóley Lind Pálsdóttir 0-1
Nansý Davíðsdóttir – Brandy Paltzer 1-0 

Sóley mætti með gríðarlega gott hugarfar í skákina í dag.  Hún atti kappi við efstu stelpuna í flokknum sem hafði hingað til unnið allar sínar skákir.  Sóley tefldi afar vel og lét peðsfórn andstæðingsins í byrjun ekki slá sig út af laginu og tefldi óhikað til sigur og neitaði meðal annars jafnteflisboði andstæðingsins.  Að lokum innbyrti hún mjög góðan sigur á Norðurlandameistaranum í C-flokki og náði bronsinu.  Flottur árangur hjá henni. 

Það er ekki mikið að segja um skákina hjá Nansý.  Hún var harðákveðin í því að vera ekki hrædd við andstæðinginn og í stuttu máli sagt þá hreinlega valtaði hún yfir sænsku stelpuna.  Hún gerði sér svo lítið fyrir og kláraði skákina með því að máta andstæðinginn með biskup vegna þess að það var miklu flottara en að máta með drottningu.  Flottur endir á mótinu. 

Heildarárangurinn á mótinu var afar góður en ég get ekki sagt að hann hafi komið mér á óvart.  Það er greinilegt að sú ákvörðun Skákskólans og Skáksambandsins að hafa sérstakar kvennaæfingar bæði á landsliðsstyrkleika og á lægri stigum er klárlega að skila sér.  Skömmu fyrir mót ræddi ég við Gunnar Björnsson forseta Skáksambandsins þar sem hann spurði mig hver væru markmiðin fyrir þetta mót og ég svaraði því til að markmiðið væri að vinna tvo flokka en að vinna alla þrjá flokkana væri bónus.  Forsetinn hélt því fram að nú væri ég allt of bjartsýnn – bjartsýni hvað?  Á góðum degi hefðum við alveg getað unnið alla flokkana. 

Lokastaða mótsins 

A-flokkur
1.       Jóhanna Björg Jóhanssdóttir 4 vinningar
2.       Jessica Bengtsson, Svíþjóð 3,5 vinningar
3.       Erle Andrea Marki Hansen, Noregur 3,5 vinningar
4.       Sigríður Björg Helgadóttir 3 vinningar
5.       Emilie Ellegaard Christensen, Danmörk 2 vinningar
6.       Louise Segerfelt, Svíþjóð 2 vinningar
7.       Amalie Heiring Lindestrom, Danmörk 1 vinningur
8.       Ingrid Øen Carlsen, Noregur 0,5 vinningur 

B-flokkur
1.       Hrund Hauksdóttir 4,5 vinningar
2.       Edit Machlik, Noregur 3,5 vinningar
3.       Rina Weinman, Svíþjóð 3,5 vinningar
4.       Marte B Kyrkjebø, Noregur 3 vinningar
5.       Thea Nicolajsen, Danmörk 3 vinningar
6.       Veronika Steinunn Magnúsdóttir 2,5 vinningar
7.       Ina Kraemer, Svíþjóð 2,5 vinningar
8.       Alise Haukenes, Noregur 2 vinningar
9.       Hanna Kyrkjebø, Noregur 2 vinningar
10.   Freja Vangsgaard, Danmörk 2 vinningar
11.   Maud Rødsmoen, Noregur 2 vinningar
12.   Jarani Suntharalingam, Noregur 2 vinningar
13.   Carolina Beer Jacobsen, Noregur 1,5 vinningur
14.   Sif Tylvad Linde, Danmörk 1 vinningur 

C-flokkur
1.       Lisa Fredholm, Svíþjóð 4 vinningar
2.       Elise Sjøttem Jacobsen, Noregur 3,5 vinningar
3.       Sóley Lind Pálsdóttir 3 vinningar
4.       Regina Forså, Noregur 3 vinningar
5.       Nansý Davíðsdóttir 3 vinningar
6.       Ingrid Andrea Greibrokk, Noregur 3 vinningar
7.       Helene Lorem, Noregur 2,5 vinningar
8.       Marlene S Østebø, Noregur 2 vinningar
9.       Brandy Paltzer, Svíþjóð 2 vinningar
10.   Hanna Jacobsen, Færeyjum 2 vinningar
11.   Linnea Holmboe Bårregård, 2 vinningar 

Aðstæður hjá Norðmönnum voru algjörlega til fyrirmyndar.  Gist og teflt var á fínasta hóteli þar sem allt var til alls meira að segja íslenskir starfsmenn!  Sænski farastjórinn hafði á orði við mig að það væri erfitt að toppa þessa framkvæmd. 

Stelpurnar voru eins og alltaf til fyrirmyndar í alla staði í ferðinni.  Ég vil því nota tækifærið til að þakka þeim fyrir skemmtilega helgi hér í Noregi.  Einnig vil ég þakka þeim Páli Sigurðssyni (föður Sóleyjar) og Davíð Hallsyni (föður Nansýar) fyrir frábæra samveru.

  

Heimasíða mótsins

Davíð Ólafsson

Skákþáttur Morgunblaðsins: "Það stöðvar enginn Frikkann"

Hannes Hlífar Stefánsson er sigurstranglegastur allra keppenda á Skákþingi Íslands sem hófst í Stúkunni á Kópavogsvellinum á föstudaginn. Hannes hefur unnið titilinn ellefu sinnum. Mótið nær styrkleikaflokki sjö, sem gefur möguleika á titiláföngum. Næstir á eftir Hannesi að stigum eru þeir Henrik Danielssen, Stefán Kristjánsson og Bragi Þorfinnsson.

Með keppendur í startholunum er ekki úr vegi að líta um öxl og minnast þess að Friðrik Ólafsson á „demants-afmæli" á vettvangi Íslandsmóta. Um páskana 1952 varð Friðrik Ólafsson jafn Lárusi Johnsen á vel skipuðu Íslandsþingi. Mótsstjórnin ákvað að þeir skyldu tefla fjögurra skáka einvígi. Lárus, sem hafði unnið Íslandsþingið 1951, taldi sig hafa varið titilinn með því að ná efsta sætinu með Friðriki. Sú afstaða átti sér þó ekki stoð í reglum. Eftir nokkurt stapp hófst fjögurra skáka einvígi þeirra og varð jafnt, 2:2. Þá var bætt við tveimur skákum en mánaðarhlé gert á einvíginu. Þegar fimmta skákin átti að hefjast á veitingastaðnum Röðli var Lárus hvergi sjáanlegur. Stjórn SÍ með Baldur Möller í broddi fylkingar stefndi skónum heim til Lárusar á Gunnarsbraut. Ekki opnaði Lárus dyr sínar fyrir komumönnum, en hlýddi á fortölur þeirra út um glugga á húsi sínu. Taldi sig enn hafa varið titilinn. Eftir mikið japl, jaml og fuður dróst Johnsen á að halda einvíginu áfram. Skákinni lauk með jafntefli en þá sjöttu vann Friðrik og einvígið 3½:2½. Við mótsslit steig Lárus á pall og mælti hin fleygu orð: „Það stöðvar enginn Frikkann úr þessu."

Auk hæfileika sinna virtist Friðrik á þessum árum leggja sig meira eftir tíðindum og viðureignum fremstu meistara en keppinautar hans hér á landi. Í annarri skák einvígisins var taflmennska Lárusar stefnulaus framan af og Friðrik byggði upp vænlega sóknarstöðu. Lárus var afar útsjónarsamur en missti þó af skemmtilegri leið í miðtaflinu og fékk ekki ráðið við sókn Friðriks:

Friðrik Ólafsson - Lárus Johnsen

Sikileyjarvörn

1. e4 c5 2. Rf3 e6 3. d4 cxd4 4. Rxd4 Rf 5. Rc3 d6 6. Be2 a6 7. 0-0 Be7 8. f4 Dc7 9. Kh1 0-0 10. De1 Rc6 11. Be3 Bd7 12. Hd1 b5 13. a3 Kh8 14. Dg3 Hac8 15. Bd3 h6?

Óþarfa veiking. Fram að þessu hafði Lárus fetað algengar slóðir en algengast er að leika 15.... e5.

16. Rf3 16.... Ra5 17. e5 dxe5 18. fxe5 Rg8 19. Re2

Þungaflutningar hvíts eru allir yfir á kóngsvænginn.

Bc6 20. Rf4 Bxf3 21. Hxf3 Hcd8

Beint gegn hótuninni 22. Rg6+ fxg6 23. Dxg6 sem nú strandar á 23.... Hxd3! o.s.frv.

22. He1 Rc6 23. Bc1 g5!?

Hraustlega leikið þar sem ýmsar glufur myndast í kóngsstöðunni en leikurinn gefur ýmis gagnfæri.

24. Rh5 Hd4 25. Df2 Bd8 26. Rf6

26.... Rxf6?

- sjá stöðumynd -

Lárus sá að við 26.... Rxe5 átti hvítur leikinn 27. Re8! Kannski var þetta samt best vegna 27.... Dc5!? t.d. 28. b4 Dd5 29. Bb2 Bb6 og svartur virðist geta varist.

27. exf6 Hh4 28. g3 Hd4 29. c3 Hd7 30. Bb1! Hg8 31. h4!

„Sendiboði eyðileggingarinnar"

31.... Re5 32. hxg5 Rg4

Eftir 32.... Rxf3 33. Dxf3 og - Dh5 er svartur varnarlaus.

33. Dg2

32. Dc2 Hg6 34. Hxe6! kom einnig til greina.

33.... Hd5 34. Dh3 Hdxg5 35. Bxg5 Hxg5 36. He4 Dc6 37. Kg2 Dd5 38. Hxg4 Hh5 39. Hh4

- og Lárus gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 15. apríl 2012

Skákþættir Morgunblaðsins

Jóhanna og Hrund Norðurlandameistarar!

 

Jóhanna Björg Jóhannsdóttir og Hrund Hauksdóttir urðu báðar Norðurlandameistarar stúlkna en mótinu er nýlokið í Stavanger í Noregi.  Nánari fréttir væntanlegar.

• Töflur
• Bein útsending
• Skákir
• Umfjöllun skákstjóra (pistlar)

Oliver Aron endaði í 3. sæti á HM áhugamanna

 

 

 

Oliver Aron Jóhannesson (1677) endaði í 3. sæti á Heimsmeistaramóti áhugamanna sem lauk fyrr í dag í Porto Carras í Grikklandi.  Oliver var grátlega nærri því að vinna mótið en jafntefli í lokaumferðinni hefði tryggt honum heimsmeistaratitilinn.  Hann mátti hins vegar sætta sig við tap eftir harða baráttu.  Þriðja sæti á HM áhugamanna tryggir honum engu að síður 2050 skákstig!  

Frábær árangur hjá Oliver sem var aðeins nr. 79 í stigaröð keppenda fyrir mót.   

Úrslit Olivers má nálgast hér.  

Mótið var einungis opið fyrir skákmenn með 2000 skákstig eða minna.

• Heimasíða mótsins
• Chess-Results