Haukur efstur í Ásgarði

Haukur Angantýsson  varð efstur í gær í Stangarhyl með 7½ vinning af níu, í öðru sæti varð Sæbjörn Guðfinnsson með 7 vinninga og jafnir í  þriðja til fjórða sæti voru Haraldur Axel Sveinbjörnsson og Össur Kristinsson með 6½ vinning.

Lokastaðan:

• 1          Haukur Angantýsson                          7.5
• 2          Sæbjörn Guðfinnsson                         7
• 3-4       Haraldur Axel Sveinbjörnsson            6.5
•             Össur Kristinsson                                6.5
• 5-6       Jón Víglundsson                                 5.5
•             Þorsteinn Guðlaugsson                       5.5
• 7-11     Gísli Sigurhansson                              5
•             Valdimar Ásmundsson                       5
•             Ásgeir Sigurðsson                               5
•             Magnús V Pétursson                           5
•             Jónas ástráðsson                                  5
• 12-13   Kristján Guðmundsson                       4.5
•             Baldur Garðarsson                              4.5
• 14-19   Gísli Árnason                                      4
•             Egill Sigurðsson                                  4
•             Finnur Kr Finnsson                             4
•             Óli Árni Vilhjálmsson                         4
•             Halldór Skaftason                               4
•             Jón Steinþórsson                                 4

Næstu fimm með svolítið færri vinninga.

Öskudagshraðskákmót SSON fer fram í kvöld

Miðvikudagskvöldið 22. febrúar kl 19:30 fer fram árlegt Öskudagshraðskákmót SSON.  Tefldar verða 5 mínútna skákir að lágmarki 10 umferðir. 

Tekin verður upp sú nýbreytni á hraðskákmótum félagsins að einn þátttakandi sér um að útvega verðlaun fyrir fyrsta sætið, að þessu sinni mun formaður félagsins ríða á vaðið og veita óvænt verðlaun úr bókaskáp sínum eða vínskáp.

Auk mótsins verður farið yfir komandi átök á Íslandsmóti skákfélaga sem fram fer á Selfossi aðra helgi.

Að loknu móti verður síðan komið til móts við yngri félagsmenn og verður kötturinn sleginn úr tunnunni, venju samkvæmt á slaginu 23:00.

Dagur og Sigurbjörn efstir á Gestamóti Goðans - Dagur sigurvegari mótsins

Dagur Arngrímsson vann sigur á Gestamói Goðans sem lauk í gærkvöldi. Dagur fekk 5½ vinning rétt eins og Sigurbjörn Björnsson, en Dagur varð hærri á stigum. Dagur vann Gunnar Kr Gunnarsson í lokaumferðinni en Sigurbjörn vann Björgvin Jónsson.  Sigurður Daði Sigfússon tryggði sér svo þriðja sætið með því að vinna Einar Hjalta Jensson.  Úrslit 7. umferðar má finna hér.

Fleiri myndir væntanlegar í myndaalbúmið.

Lokastaðan:

 

Rk.		Name	Rtg	Pts.	TB1
1	IM	Arngrimsson Dagur	2346	5,5	27
2	FM	Bjornsson Sigurbjorn	2379	5,5	24
3	FM	Sigfusson Dadi Sigurdur	2336	5	28
4	IM	Thorfinnsson Bjorn	2406	4,5	31
5	IM	Jonsson Bjorgvin	2359	4,5	29,5
6	GM	Thorhallsson Throstur	2400	4,5	27,5
7		Loftsson Hrafn	2203	4	24
8		Gunnarsson  Gunnar Kr	2183	4	23
9		Jensson Hjalti Einar	2241	3,5	31
10	FM	Johannesson Thor Ingvar	2337	3,5	28
11		Edvardsson Kristjan	2223	3,5	23,5
12		Thorvaldsson Jon	2083	3,5	23
13	FM	Einarsson Gretar Halldor	2248	3,5	22
14		Thorsteinsson Bjorn	2214	3,5	21,5
15	FM	Bjornsson Tomas	2154	3,5	21,5
16		Olafsson Fannar Thorvardur	2142	3	26
17		Gunnarsson Jon Sigurdur	1966	2,5	19,5
18		Jonsson Agust Pall	1930	2,5	18,5
19		Georgsson Harvey	2188	1,5	24,5
20		Thorvaldsson Jonas	2289	1	22
21		Sigurjonsson Thorri Benedikt	1712	1	20
22		Thorhallsson Gylfi	2177	0,5	20,5

• Heimasíða Goðans
• Chess-Results

Skákmót í Hlöðunni á fimmtudag

Skákdeild Fjölnis og frístundamiðstöðin Gufunesbæ halda í vetrarleyfi grunnskólanna í Reykjavík skákmót í Hlöðunni Gufunesbæ fimmtudaginn 23. febrúar kl. 12:30. Skráning fer fram í síma 411 5600 (Erla) og á skákstað. Öllum grunnskólabörnunm er heimil þátttaka. Tefldar verða sex umferðir með sjö mínútna umhugsunarfresti. Tíu verðlaun verða í boði og eru flestir vinningarnir bíómiðar. Skákstjórar verða þeir Helgi Árnason og Björn Ívar Karlsson. Þátttakendur eru beðnir um að koma tímanlega til skráningar

Íslandsmót skákfélaga 2011-2012 seinni hluti

Dagana 2. og 3.  mars nk. fer fram seinni hluti Íslandsmóts skákfélaga 2011-2012. Teflt verður í húsnæði Fjölbrautarskóla Suðurlands á Selfossi.  Verðlaunaafhending verður á skemmtistaðnum Hvíta Húsið og hefst kl. 23.00.

úHH

Dagskrá:

• Föstudagur 2. mars                 kl. 20.00          5. umferð
• Laugardagur 3. mars               kl. 11.00          6. umferð
• Laugardagur 3. mars               kl. 17.00          7. umferð

Heimasíða Íslandsmóts skákfélaga

Atskákmeistaramót Víkingaklúbbsins

Atskákmeistaramót Víkingaklúbbsins verður haldið í Þróttaraheimilinu miðvikudaginn 22. febrúar og hefst mótið kl. 19:30. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Sigurvegari mótsins hlýtur titilinn Atskákmeistari Víkingaklúbbsins. Allir skákmenn eru velkomnir meðan húsrúm leyfir.

Sveitakeppni grunnskóla í Kópavogi fer fram í dag

Sveitakeppni grunnskóla í Kópavogi í skák verður haldin þriðjudaginn 21 feb. Kl . 17:00 til 20.00 í Salaskóla.

Það eru 4 nemendur í hverju liði  og það er heimilt að stilla upp liði með varamönnum.

Umhugsunartími verður 10 mín. ( Hver skák 2x10 min)

Keppt verður í eftirfarandi aldursflokkum

1..4 bekkur

5..7 bekkur

8..10 bekkur.

Skólum er heimilt að færa nemendur upp í eldri flokk ef vandræði eru við liðsskipan.

Fjölda liða í hverju aldurshólfi þarf að tilkynna fyrir kl 11:30 mánudaginn 20 feb. Því við þurfum eflaust að fá lánaðar  græjur annars staðar og hlaupum ekkert eftir slíku þegar keppnin á að hefjast.

Þá verðum við búin að still öllu upp þannig að keppnin geti farið strax í gang kl 17.00

Þvi væri skynsamlegt fyrir alla að mæta kl 16:50  

Við munum skipta þessu upp í þrjú aðskilin hólf þannig að keppendur séu ekki allir í sama rými.

Liðsskipan og fjöldi liða sendist á [e-mail] eða [e-mail]

Ath. 10. bekkur Salaskóla mun selja veitingar á meðan á keppni stendur.

Tómas Rasmus kennari Salaskóla.

 

Tímaritið Skák endurvakið í marsbyrjun

Tímaritið Skák verður endurvakið nú í marsbyrjun.  Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað verður til verka í alla staði þar sem andi gamla blaðsins svífur yfir vötnum. Gengið er út frá því að blaðið verði 90-100 bls. í fallegu broti.

Þeir sem eru tilbúnir að styðja málefnið og kaupa Tímaritið Skák árlega á aðeins 2.000 kr. eru vinsamlegast beðnir að skrá sig hér.

Allir skákáhugamenn eru hvattir til að taka þátt í þessu átaki enda blaðið ómetanleg heimild í fortíð, nútíð og framtíð.

Rúnar Ísleifsson skákmeistari Goðans

Rúnar Ísleifsson vann sigur á skákþing Goðans 2012 sem lauk í gær. Rúnar gerði jafntefli við Hjörleif Halldórsson í lokaumferðinni, en á sama tíma gerðu þeir bræður Smári og Jakob Sævar Sigurðsson jafntefli. Rúnar vann því sigur á stigum því hann og Jakob urðu jafnir með 4,5 vinninga. Talsverð spenna var fyrir lokaumferðina því þessir þrír gátu allir unnið sigur á mótinu. Þeir bræður börðust af mikilli hörku í sinni skák sem fór í tæplega 80 leiki og ætluðu báðir sér sigur. Báðir voru þeir komnir í mikið tímahrak þegar þeir sömdu um jafntefli.

Hjörleifur Halldórsson (SA) endaði að vísu í þriðja sæti, en þar sem hann keppti sem gestur á mótinu hreppti Smári þriðja sætið.   Mótstöflu mótsins má finna hér. 

Alls tóku 13 keppendur þátt í skákþinginu að þessu sinni.

Snorri Hallgrímsson vann sigur í yngri flokki og Hlynur Snær Viðarsson varð í öðru sæti.

• Heimasíða Goðans
• Chess-Results

Kappteflið um taflkóng Friðriks - Gunnar Skarphéðinsson bar sigur úr bítum

Keppninni um Taflkóng Friðriks Ólafssonar lauk í Gallerý Skák í vikunni sem leið. Um var að ræða 4ra kvölda mótaröð þar sem 3 bestu mót hvers keppanda töldu til GrandPrix stiga, sem veitt voru fyrir 8 efstu sæti í hverju móti.

Eftir tvísýna og skemmtilega baráttu urðu hinir slyngu og slóttugu sóknarskákmenn  Gunnar Skarphéðinsson og Guðfinnur R. Kjartansson efstir og jafnir en sá fyrrnefndi var úrskurðaður sigurvegari á stigum, en hann vann 2 mótið með fullu húsi.  Magnús Sigurjónsson að vestan varð þriðji, en hann tók aðeins þátt í 2 mótum.

Sigurvegari síðasta mótsins var hinn trausti stöðubaráttuskákmaður Stefán Þormar Guðmundsson, en hinir framantöldu unnu sitt mótið hver og skoruðu þar með 10 stig sem reyndust drjúg þegar upp var staðið.

Um  20 keppendur mættu að jafnaði til tafls hverju sinni -  samtals 30 alls.  Þeir sem aðeins tóku þátt í einu móti misstu áunnin stig sín þegar lokaútreikningur fór fram.  Alls hlutu 18 keppendur stig en 12 urðu að láta sér lynda  að verða ekki  meðal  átta efstu í einhverju mótanna og fengu því engin stig.  Ekki svo að skilja að þeir hafi ekki veitt efstu mönnum harða  keppi þrátt fyrir það - enda urðu þeir að lúta í gras fyrir sumum þeirra, nokkuð sem þessir keppendur geta verið stoltir af enda ekki við neina aukvisa að etja.  

Mótaröðin sem hófst á Íslenska skákdeginum 26. janúar sl. mun framvegis fara fram í janúar mánuði ár hvert.  Sigurvegarinn fær nafn sitt skráð silfruðu letri á fagran farandgrip sem útbúinn var af þessu tilefni og ábektur af meistaranum sjálfum.  Þrír efstu fengu auk þess verðlaunagripi með sér heim með ásýnd meistara Friðriks ágreyptri.

 

Kappteflið um FriðriksKónginn 2012

• 1-2 Gunnar Skarphéðinsson        24 (3)
•       Guðfinnur R. Kjartansson       24 (4)
• 3. Magnús Sigurjónsson                18 (2)
• 4. Stefán Þ. Guðmundsson          15 (4)
• 5. Þórarinn Sigþórsson                   12 (3)
• 6. Kristinn Johnsson                        11 (2)

18 keppendur hlutu stig - 12 stigalausir

Myndaalbúm (ESE)