Bikarsyrpa OBLADÍ OBLADA hefst í dag

Næsta mánudag þann 20. febrúar kl. 19,00 hefst ný Bikarsyrpa á skákkránni OBLADÍ OBLADA, Frakkastíg 8. Teflt verður næstu sjö mánudaga, og eru úrslitariðlarnir kringum páskana í apríl. Keppendur safna vinningum, og þeir sem eru efstir komast í úrslitariðlana. Keppt verður eftir sérstöku OBLADÍ forgjafa-kerfi á skákklukkunni.

Jólasyrpan á síðasta ári var einkar glæsileg, drekkhlaðið vinningaborðið svignaði undan bjórkössum, wiskey-flöskum, og öðrum verðlaunagripum. Róbert Lagerman endaði sem sigurvegari Elítu-flokksins eftir hörku einvígi við Stefán Bergsson, Kjartan Ingvarsson hafði sigur í heiðursmannaflokknum eftir harða baráttu við aðra heiðursmenn.

Áhugasamir vinsamlega hafið samband við Róbert Lagerman, mótstjóra, í síma 696 9658 eða í tölvupóst [e-mail] varðandi skráningu í mótasyrpuna.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 20. febrúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Vignir Vatnar verðlaunahafi

Áskell hraðskákmeistari Akureyrar

Í dag var háð hraðskákmót Akureyrar, að viðstöddu fjölmenni. Ellefu keppendur öttu kappi um titilinn og var hart barist. Áskell byrjaði best en eftir tap hans fyrir Smára í næstsíðustu umferð náði fráfarandi meistari, Rúnar Sigurpálsson, hálfs vinnings forskoti. Þeir tveir áttust svo við í lokaumferðinni og náði Ketillinn að kreista fram vinning í spennandi skák. Átti hann um 5 sekúndur eftir á klukkunni þegar andstæðingur hans féll. Úrslitin í heild sinni svona:

 

1	Áskell Örn Kárason	9
2	Rúnar Sigurpálsson	8½
3-5	Smári Ólafsson	7
3-5	Ólafur Kristjánsson	7
3-5	Andri Freyr Björgvinsson	7
6	Haki Jóhannesson	5
7	Sigurður Eiríksson	4½
8	Tómas V Sigurðarson	3
9	Atli Benediktsson	2½
10	Sveinbjörn Sigurðsson	1½
11	Símon Þórhallsson	0

Skákþáttur Morgunblaðsins: Boris Spasskí 75 ára

Þann 30. janúar sl. varð Íslandsvinurinn Boris Spasskí 75 ára og gafst þá tími til upprifjunar á glæsilegum skákferli og mikilli dramatík sem náði hámarki í Reykjavík sumarið 1972. Á einum vefmiðli var dregin fram glæsileg sigurskák Spasskís yfir David Bronstein á sovéska meistaramótinu árið 1960 en viðureignin var sviðsett í upphafsatriði James Bond-myndarinnar From Russia with love en þar eigast við tveir skuggalegir náungar, Kroosteen og McAdams.

Þegar Spasskí kom hingað í ársbyrjun 2006 vegna málþings um Friðrik Ólafsson vék hann að eigin skákferli og taldi að sín bestu ár hefðu verið frá 1964 til ársins 1970. Um miðjan sjötta áratuginn varð hann heimsmeistari unglinga og ári síðar varð hann yngsti stórmeistari heims og virtust allir vegir færir. Þá kom Tal fram á sjónarsviðið og um tíma var eins og skákgyðjan hefði snúið baki við Spasskí. En á millisvæðamótinu í Amsterdam árið 1964 varð hann efstur ásamt Bent Larsen og fleirum og komst á beinu brautina aftur. Hann vann síðan áskorendakeppnina 1965 eftir sigra yfir Keres, Geller og Tal en ári síðar tapaði hann einvíginu um heimsmeistaratitilinn fyrir Tigran Petrosjan með minnsta mun. Framan af átti hann erfitt með að vinna skák en fór þá í smiðju til gamla heimsmeistarans Mikhaels Botvinniks sem gaf honum óvænt ráð - tapaðu fyrst einni!

Eftir stóra sigra yfir Geller, Larsen og Kortsnoj 1968 tefldi hann aftur um heimsmeistaratitilinn við Petrosjan og þetta vor árið 1969 gekk betur, hann vann 12 ½ : 10 ½. Ári síðar lagði hann Bobby Fischer að velli í frægu 1. borðs uppgjöri á ólympíumótinu í Siegen og stóð þá á hátindi getu sinnar.

Í seinna einvíginu við Petrosjan sýndi Spasskí allar sínar bestu hliðar, hann undirbjó sig með því athuga ljósmyndir sem teknar voru 1966 og gat lesið úr svipbrigðum Armenans hvernig hann mat stöðuna. Hættulegastur var Tigran þegar hann var órólegur og taugaóstyrkur en alveg sauðmeinlaus ef hann gaf sig út fyrir að vera öruggur í fasi.

Í eftirfarandi skák sem tefld var undir lok einvígisins gerði Spasskí út um taflið með leiftursókn:

HM einvígið 1969; 21. skák:

Boris Spasskí - Tigran Petrosjan

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Bg5 Rbd7 7. Bc4 Da5 8. Dd2 h6

Þessi leikur átti eftir að reynast Petrosjan illa. Mun eðlilegra er 8. ... e6 og - b5 við tækifæri.

9. Bxf6 Rxf6 10. O-O-O e6 11. Hhe1 Be7 12. f4 O-O 13. Bb3 He8 14.Kb1 Bf8 15. g4!

Blásið til sóknar. Hann gat líka leikið 15. f5 en þessi leikur er óþægilegri.

15. ... Rxg4 16. Dg2 Rf6 17. Hg1 Bd7 18. f5! Kh8

Eftir þennan leik verður ekkert við ráðið, nauðsynlegt var 18. ... De5 t.d. 19. Rf3 Dc5 og svartur heldur í horfinu.

19. Hdf1 Dd8 20. dxe6 fxe6 21. e5!

Rýmir e4-reitinn og allir menn hvíts taka þátt í sókninni.

21. ... Re4 dxe5

( STÖÐUMYND)

22. Re4! Rh5

Alls ekki 21. ... 23.Hxf8+! og 24. Dxg7 mát. Spasskí leiðir skákina til lykta með tveim hnitmiðuðum leikjum.

23. Dg6! exd4 24. Rg5!

- og Petrosjan gafst upp.

Margir hafa spurt um líðan Spasskís eftir alvarlegt heilablóðfall haustið 2010. Vitað er að hann lamaðist öðrum megin og er hreyfihamlaður en hann hlaut ekki heilaskaða að öðru leyti.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 12. febrúar 2012.

Skákþættir Morgunblaðsins

[Event "Moscow"] [Site "m"] [Date "1969.01.20"] [EventDate "?"] [Round "19"] [Result "1-0"] [White "Boris Spassky"] [Black "Petrosian"] [ECO "B94"] [WhiteElo "?"] [BlackElo "?"] [PlyCount "47"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Bg5 Nbd7 7. Bc4 Qa5 8. Qd2 h6 9. Bxf6 Nxf6 10. O-O-O e6 11. Rhe1 Be7 12. f4 O-O 13. Bb3 Re8 14. Kb1 Bf8 15. g4 Nxg4 16. Qg2 Nf6 17. Rg1 Bd7 18. f5 Kh8 19. Rdf1 Qd8 20. fxe6 fxe6 21. e5 dxe5 22. Ne4 Nh5 23. Qg6 exd4 24. Ng5 1-0

Vignir með silfur!

Vignir Vatnar Stefánsson fékk silfur í e-flokki á NM í skólaskák sem er rétt nýlokið í Espoo í Finnlandi.  Enginn annar Íslendingur komst á verðlaunapall.  Jón Kristinn Þorgeirsson fékk 3,5 vinning í d-flokki.   Í lokaumferðinni unnu auk Vignis, Nansý Davíðsdóttir og Dagur Ragnarsson.  Hallgerður Helga Þorsteinsdóttir, Nökkvi Sverrisson og Jón Kristinn gerðu jafntefli en aðrir töpuðu.

Myndir frá verðlaunaafhendingu koma síðar. 

Lokastaðan:

A-flokkur (1992-94):

• 9. (7.-9.) Hallgerður Helga Þorsteinsdóttir (1969) 2,5 v.
• 11. (10.-11.) Nökkvi Sverrisson (1930) 2 v.

B-flokkur (1995-96):

• 6. (5.-7.) Mikael Jóhann Karlsson (1867) 3 v.
• 11. (10.-11.) Birkir Karl Sigurðsson (1694) 1,5 v.

C-flokkur (1997-98):

• 4. (4.-9.) Dagur Ragnarsson (1826) 3 v.
• 10. (10.) Oliver Aron Jóhannesson (1699) 2,5 v.

D-flokkur (1999-2000):

• 5. (4.-5.) Jón Kristinn Þorgeirsson (1712) 3,5 v.
• 9. (8.-10.) Kristófer Jóel Jóhannesson (1496) 2,5 v.

E-flokkur (2001 og síðar):

• 2. (2.-3.) Vignir Vatnar Stefánsson (1461) 4,5 v.
• 7. (5.-7.) Nansý Davíðsdóttir (1301) 3 v.

Fararstjórar voru Stefán Bergsson og Gunnar Björnsson.

• Heimasíða mótsins
• Chess-Results
• Myndaalbúm (GB)

Henrik að tafli í dönsku deildakeppninni

Stórmeistarinn Henrik Danielsen situr nú að tafli í dönsku deildakeppninni fyrir klúbbinn sinn BMS.  Hann teflir á móti alþjóðlega meistaranum Andreas Hagen.

Skákin í beinni

Gott gengi í 5. umferð - það er nauðsynlegt að kunna að máta með biskup og riddara!

Það gekk fínt hjá íslensku skákmönnunum í 5. og næstsíðustu umferð NM í skólaskák sem fram fór í Espoo í Finnlandi í morgun.  Sex vinningar komu í hús í tíu skákum.  Mikael Jóhann Karlsson, Jón Kristinn Þorgeirsson, Kristófer Jóel Jóhannesson og Vignir Vatnar Stefánsson unnu.  Sá síðastnefndi mátaði með biskup og riddara! Hallgerður Helga Þorsteinsdóttir, Nökkvi Sverrisson, Oliver Aron Jóhannesson og Nansý Davíðsdóttir gerðu jafntefli.  Hallgerður Helga náði jafntefli þar sem andstæðingurinn kunni ekki að máta með biskup og riddara!  Sérstakt að sá í e-flokki hafi þetta á hreinu en ekki sá í a-flokki!  Aðrir töpuðu.

Vignir hefur 3,5 vinning og er í 2.-3. sæti, Mikael og Jón Kristinn hafa 3 vinninga.  Mikael er í 3.-5. sæti en Jón í 5. sæti. 

Lokaumferðin hefst kl. 12.   Þá verða Hallgerður, Nökkvi (þau mætast), Mikael, Birkir, Jón Kristinn og Vignir í beinni útsendingu.  Útsendinguna má nálgast hér.

Staðan eftir 5. umferð

A-flokkur (1992-94):

• 9.-10. Hallgerður Helga Þorsteinsdóttir (1969) 2 v.
• 11. Nökkvi Sverrisson (1930) 1,5 v.

B-flokkur (1995-96):

• 3.-5. Mikael Jóhann Karlsson (1867) 3 v.
• 10. Birkir Karl Sigurðsson (1694) 1,5 v.

C-flokkur (1997-98):

• 5.-7. Oliver Aron Jóhannesson (1699) 2,5 v.
• 8.-10. Dagur Ragnarsson (1826) 2 v.

D-flokkur (1999-2000):

• 5. Jón Kristinn Þorgeirsson (1712) 3 v.
• 6.-7. Kristófer Jóel Jóhannesson (1496) 2,5 v.

E-flokkur (2001 og síðar):

• 2.-3. Vignir Vatnar Stefánsson (1461) 2,5 v.
• 7.-10. Nansý Davíðsdóttir (1301) 2 v.

Fararstjórar eru Stefán Bergsson og Gunnar Björnsson.

• Heimasíða mótsins
• Chess-Results
• Myndaalbúm (GB)

NM: Fimmta umferð nýhafin

Fimmta og næstsíðasta umferð NM í skólaskák hófst núna kl. 6 í morgun.  Vignir Vatnar hefur flesta vinninga íslensku krakkanna, 2,5 vinning en Mikael Jóhann, Dagur, Oliver Aron og Jón Kristinn hafa 2 vinninga.   Hægt er að fylgjast með skákum Hallgerðar, Nökkva, Dags og Vignis beint á netinu.   Útsendinguna má nálgast hér.

Lokaumferðin hefst svo kl. 12.

Staðan eftir 4. umferð

A-flokkur (1992-94):

• 8.-10. Hallgerður Helga Þorsteinsdóttir (1969) 1,5
• 11. Nökkvi Sverrisson (1930) 1 v.

B-flokkur (1995-96):

• 5.-8. Mikael Jóhann Karlsson (1867) 2 v.
• 9. Birkir Karl Sigurðsson (1694) 1,5 v.

C-flokkur (1997-98):

• 6.-8. Dagur Ragnarsson (1826) og Oliver Aron Jóhannesson (1699) 2 v.

D-flokkur (1999-2000):

• 6.-9. Jón Kristinn Þorgeirsson (1712) 2 v.
• 10. Kristófer Jóel Jóhannesson (1496) 1,5 v.

E-flokkur (2001 og síðar):

• 3.-4. Vignir Vatnar Stefánsson (1461) 2,5 v.
• 9.  Nansý Davíðsdóttir (1301) 1,5 v.

Fararstjórar eru Stefán Bergsson og Gunnar Björnsson.

 

• Heimasíða mótsins
• Chess-Results
• Myndaalbúm (GB)

Jakob og Rúnar efstir á Skákþingi Goðans

Það er ekki eingöngu teflt í Espoo á Finnlandi um helgi heldur er einnig teflt í höfuðstöð Þingeyjarsýslu þar sem Skákþing Goðans fer fram.  Jakob Sævar Sigurðsson og Rúnar Ísleifsson eru efstir á Skákþinginu með fjóra vinninga hvor þegar einni umferð er ólokið. Smári Sigurðsson og Hjörleifur Halldórsson koma næstir með 3,5 vinninga.   Mótinu lýkur með sjöttu og síðustu umferð sem fram fer kl. 11 í dag.

Staðan:

 

Rk.	Name	Rtg	Pts.
1	Sigurdsson Jakob Saevar	1694	4
	Isleifsson Runar	1686	4
3	Sigurdsson Smari	1664	3,5
4	Halldorsson Hjoreifur	1819	3,5
5	Olgeirsson Armann	1405	3
6	Adalsteinsson Hermann	1343	2,5
7	Stefansson Sigurgeir	0	2,5
8	Hallgrimsson Snorri	1319	2,5
9	Akason Aevar	1508	2
10	Asmundsson Sigurbjorn	1210	2
11	Karlsson Sighvatur	1341	2
12	Johannsson Thor Benedikt	1340	2
13	Vidarsson Hlynur Snaer	1055	1,5

• Heimasíða Goðans
• Chess-Results