Elsa María sigraði á fimmtudagsmóti

Elsa María Kristínardóttir og Áslaug Kristinsdóttir urðu efstar og jafnar á fimmtudagsmóti vikunnar hjá T.R. Fyrir síðustu umferð var Áslaug efst með 5,5 v. en tapaði naumlega fyrir Elsu Maríu í síðustu umferðinni og náði Elsa María þar með líka 5,5 v. en eftir stigaútreikning var ljóst að Elsa María var sigurvegari kvöldsins og fékk hún glæsilegan verðlaunapening.

Karlmennirnir í mótinu röðuðu sér í 6 neðstu sætin. Í 3. sæti var Jon Olav Fivelstad með 5 vinninga, í 4. sæti Sigurjón Haraldsson með 4,5 v. Örn Stefánsson, Jón Úlfljótsson, Pétur Jóhannesson og Björgvin Kristbergsson fengu örlítið færri vinninga, en mótið var mjög jafnt og skemmtilegt.

Oliver Aron sigraði á gríðarlega sterku Hlöðuskákmóti

Skákdeild Fjölnis og Frístundamiðstöðin Gufunesbæ stóðu sameiginlega fyrir glæsilegu skákmóti í Hlöðunni við Gufunesbæ.

Þetta er annað árið í röð sem þessir aðilar standa fyrir skákmóti á vetrarleyfisdögum grunnskóla. Alls mættu 25 krakkar til leiks og má segja að hvert sæti hafi verið einstaklega vel skipað. Oliver Aron Jóhannesson Rimaskóla stóð uppi sem sigurvegari og reyndist sá eini sem ekki tapaði skák. Hann gerði jafntefli við skólasystur sína Nansý Davíðsdóttur í lokaumferðinni. Tefldar voru sex umferðir og hlaut Oliver Aron 5,5 vinning.

Í 2. - 3. sæti komu þeir Jón Trausti Harðarson Rimaskóla og Vignir Vatnar Stefánsson Hörðuvallaskóla með 5 vinninga. Vignir vatnar tapaði fyrir Hrund Hauksdóttur í 1. umferð og Jón Trausti fyrir Oliver Aroni í 3 .umferð. Nansý Davíðsdóttir Rimaskóla varð ein í 4. sæti með 4,5 vinninga og efst stúlkna á mótinu. Krakkarnir á efstu borðum voru að tefla virkilega flottar skákir og þurftu að hafa fyrir því að innbyrða hvern vinning. Gaman var að sjá jafnt eldri sem yngri krakka á efstu borðum og líka nokkuð jafnt stráka sem stelpur. Veitt voru 12 verðlaun, bíómiðar, Subway réttir og sundkort. Skákstjórar voru þeir Helgi Árnason formaður skákdeildar Fjölnis og afmælisbarnið Björn Ívar Karlsson. Reyndist þeim hlutverkið auðvelt þar sem engin vandamál komu upp á og þögnin virtist í aðalhlutverki í skáksalnum.

Lokastaðan:

Rank	Name	Pts
1	Jóhannesson Oliver Aron	5½
2	Harðarson Jón Trausti	5
3	Stefánsson Vignir Vatnar	5
4	Davíðsdóttir Nansý	4½
5	Heimisson Hilmir Freyr	4
6	Jónsson Gauti Páll	4
7	Hauksdóttir Hrund	4
8	Ríkharðsdóttir Svandís Rós	4
9	Jóhannesson Kristófer Jóel	4
10	Kristinsson Kristinn Andri	3
11	Finnsson Jóhann Arnar	3
12	Svansdóttir Alísa Helga	3
13	Helgason Hafþór	3
14	Gíslason Kjartan Gauti	3
15	Flosason Alex Þór	3
16	Kjartansson Kristófer Halldór	3
17	Ragnarsson Tristan Ingi	2½
18	Bjarnason Sigurður Þór	2½
19	Árnason Róbert Orri	2
20	Davíðsson Joshua	2
21	Hilmisson Axel Hreinn	2
22	Hönnuson Hilmar Þór	2
23	Aðalsteinsdóttir Tinna Sif	2
24	Finnsson Júlíus	1
25	Torfason Mikael Maron	1

 

Páll Leó sigraði á Öskudagshraðskákmóts SSON

Páll Leó Jónsson er sigurvegari Öskudagshraðskákmóts SSON 2012.  Hann fékk 14½ vinning í 18 skákum, annar varð Ingvar Örn Birgisson og þriðji Magnús Matthíasson.

Tekin hefur verið upp sá siður að félagsmenn skiptast á að koma með verðlaun fyrir mót.  Í gærkvöld var það formaðurinn sem sá um verðlaunin.  Páll Leó gekk út með bókina 60 eftirminnilegustu skákir Fischer, Ingvar Örn fékk litla vodkaflösku og formaður fór aftur heim með forláta penna.

Lokastaðan:

1.  Páll Leó           14,5
2.  Ingvar Örn      13,5
3.  Magnús Matt   13
4.  Grantas          12,5
5.  Inga                10,5
6.  Erlingur Jens    9,5
7. Úlfhéðinn          9
8.  Magnús Garð   4
9.  Erlingur Atli      3,5
10 Arnar              0

Heimsmeistari kvenna, Hou Yifan, tekur þátt í Reykjavíkurskákmótinu

 

 

Heimsmeistari kvenna í skák, Hou Yifan (2605), frá Kína tekur þátt í Reykjavíkurmótinu í skák sem fram fer í Hörpu 6.-13. mars.   Hou Yifan er aðeins 17 ára gömul og þykir eitt mesta efni í skákheiminum í dag.  

Hún vakti nýlega gífurlega athygli þegar hún sigraði á Gíbraltar-mótinu þegar hún hlaut 8 vinninga í 10 skákum ásamt Nigel Short þar sem 55 stórmeistarar tóku þátt og Yifan tefldi meðal annars við 7 stórmeistara með meira en 2700 skákstig.

Kanadíski stórmeistarinn Kevin Spraggett sagði í grein um Yifan í ágúst 2011:

Hou Yifan is clearly a head better than her rivals.  The quality of her games is exceptional.  I have no doubt that she will soon break 2700.  Probably 2800 within a couple of years , if she is able to continue improving at the rate she is.  Wouldn't it be great to have a woman become the absolute World Champion?

 

Skákmót í Hlöðunni í dag

Skákdeild Fjölnis og frístundamiðstöðin Gufunesbæ halda í vetrarleyfi grunnskólanna í Reykjavík skákmót í Hlöðunni Gufunesbæ fimmtudaginn 23. febrúar kl. 12:30. Skráning fer fram í síma 411 5600 (Erla) og á skákstað. Öllum grunnskólabörnunm er heimil þátttaka. Tefldar verða sex umferðir með sjö mínútna umhugsunarfresti. Tíu verðlaun verða í boði og eru flestir vinningarnir bíómiðar. Skákstjórar verða þeir Helgi Árnason og Björn Ívar Karlsson. Þátttakendur eru beðnir um að koma tímanlega til skráningar

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Salaskóli sigraði þrefalt í Sveitakeppni Kópavogs 2012

Salaskóli sigraði þrefalt í Sveitakeppni Kópavogs sem fram fór í gær í Salaskóli.  Teflt var í flokki 1.-4. bekkjar, 5.-7. bekkjar og 8.-10. bekkjar.  Mjög góð þátttaka var í mótinu og 26 sveitir tóku þátt.   

Úrslit úr Sveitakeppni Kópavogs 2012          

Röð        Yngsti flokkur 1..4b         vinn     

 

 

 

 

 

 

 

 

 
1             Salaskóli 1                           17,5       
2             Hörðuvallaskóli 1             16,0       
3             Salaskóli 2                           15,5       
4             Kársnesskóli 1                   14,5       
5             Snælandsskóli 1               13,0       
6             Smáraskóli 1                      11,5       
7             Salaskóli 3                           10,0       
8             Hörðuvallaskóli 2              9,0        
9             Hörðuvallaskóli 3              8,5        
10           Smáraskóli 2                       4,5

Sigurlið Salaksóla

1b Axel Óli Sigurjónsson
2b Björn Breki Steingrímsson
3b Ívar Andri Hannesson
4b Jón Þór Jóhannasson

Mótsstjóri Helgi Ólafsson

Röð        Miðstig 5..7 bekkur         vinn

 

 

 

 

 

 

 

1             Salaskóli 1                           30,0
2             Álfhólsskóli 1                     29,0
3             Salaskóli 2                           24,5
4             Smáraskóli 1                      23,5
5             Hörðuvallaskóli 1             22,5
6             Salaskóli 3                           21,5
7             Kársnesskóli 1                   13,5
8             Vatnsendaskóli                10,0
9             Kársnesskóli 2                    6,5
10           Skotta                                    0,0

Sigurlið Salaksóla

1b Hilmir Freyr Heimisson           
2b Jón Smári Ólafsson
3b Jón Otti Sigurjónsson
4b Róbert Örn Vigfússon
1v Dagur Kárason
                
Mótsstjóri Smári Rafn Teitsson


Röð        Unglingar 8..10 bekkur  vinn

 

 

1             Salaskóli 1                           16
2             Vatnsendaskóli                14
3..4        Kópavogsskóli 1               11
3..4        Álfhólsskóli 1                     11
5             Salaskóli 2                            4
6             Kópavogsskóli 2                4

Sigurlið Salaksóla

1b Birkir Karl Sigurðsson
2b Baldur Búi Heimisson
3b Jónas Orri Matthíasson
4b Skúli E Kristjánsson Sigurz

Mótsstjóri Tómas Rasmus.

Magnus Carlsen í 60 mínútum

Magnus Carlsen var í ítarlegu viðtali við 60 mínútur sl. sunnudag.  Stórgott 13 mínútna viðtal sem skákáhugamenn eru hvattir til að gefa sér tíma til að horfa á. 

Rétt er að svo benda á að þáttturinn verður sýndur á Stöð 2 nk., sunnudag kl. 17:40 í óruglaðri dagskrá.    Þátttinn má nálgast á Chessbase.

 

Lárus sigraði á fyrsta mótinu í Bikarsyrpu OBLADÍ OBLADA

Hérna má sjá úrslit frá fyrsta mótinu í Bikarsyrpu OBLADÍ OBLADA, frá því í fyrrakvöld.  Lárus Ari Knútsson fór mikinn og sigraði með 8½ vinning í 9 skákum.  Hrafn Jökulsson, sem varð taplaus á mótinu, varð annar með 7 vinninga. 

Syrpan mun svo halda áfram mánudaginn 27.febrúar, kl.19.00, að Frakkastíg 8 og alla mánudaga fram að páskum.  Aldrei er of seint að vera með.  

Teflt er eftir sérstöku OBLADÍ forgjafarkerfi á skákklukkunni.  Mótstjóri er Róbert Lagerman [e-mail] sími 696 9658.

Lokastaðan:

Sæti	Nafn	Stig
1	Lárus Ari Knútsson	8,5
2	Hrafn Jökulsson	7
3	Róbert Harðarson	6,5
4	Jón Birgir Einarsson	6
5-6	Halldór Pálsson	4,5
5-6	Kjartan Óskar Guðmundsson	4,5
7	Jóhann Þorvarðarson	3
8	Friðrik Ólafsson	2,5
9	Arnar Valgeirsson	1,5
10	Davíð Steingrímsson	1

 

 

KR-kapp: Gunnar Birgisson sigraði og gekk til hvílu

Hart er tekist á hjá KR í Frostaskjólinu öll mánudagskvöld árið um kring. Þar er skákmönnun ekki meinað að tefla sín á milli yfir sumarmánuðina svo þeir geti reitt arfa, bograð sér til dundurs eða bardúsað við ýmis störf sem ekki reyna allt of mikið á hugsunina eða ímyndaraflið - því það sé svo gott að  hvíla heilasellurnar yfir sumarið þar til skáksalirnir opna dyr sínar á ný að hausti.

Þessu er Kristján Stefánsson formaður ósammála og kallar lið sitt saman til tafls jafnt sumar sem vetur til undirbúnings fyrir herleiðrangra á önnur lönd, nú er það Holland sem gera skal innrás í á hvítum reitum og svörtum um Hvítasunnuhelgina. Allir velkomnir að slást í för.  Áður hefur verið barið á Færeyingum, Skotum, Dönum og Þjóðverjum með góðum árangri á 20 borðum en nú stendur til að taka hús á HMC skákklúbbnum í Hertogenbosch eða Den Bosch, sem hin forna borg Hollands er nú kölluð, skammt sunnan við Amsterdam.  

KR-skákkvöldin hefjast kl. 19.30, tefldar 13 umferðir með 7 mín. uht. svo þeim er oft ekki lokið fyrir en upp úr kl. 23 og menn því ekki komnir heim til sín fyrr en um miðnætti til að ganga beint til hvílu, a.m.k. þeir sem eiga langt að.

Efstur í 22ja manna kappinu í fyrrakvöld var enginn annar en hinn kunni  bæjarstjórnarmaður Gunnar Birgisson, sem er greinilega þungaviktarmaður á skákborðinu líka því hann hann sigraði glæsilega með 10 vinningum. Þetta var 5 mótið sem hann er með í og gamlir taktar greinilega að taka sig upp.  Annar varð hinn þolinmóði Stefán Þormar Guðmundsson með 9.5 v, í 3.-4.sæti hinir sísigursælu  Dr. Ingimar Jónsson og Sigurður Herlufsen með 9 v. og síðan KriSt, formaðurinn sjálfur, með 8.5v. og sýndi mönnum hvernig á landa vinningum þrátt fyrir verri stöðu oftast nær.  Þar gildir að vera útsjónarsamur og þrautgóður á raunastund.

Fræg er vísan eftir Sigurkarl Stefánson, menntaskólakennara,  sem hann orti þegar Ingvar Ásmundsson, heitin, bar sigur af Nonu Gaprindashvili, heimsmeistara kvenna í Lídó árið 1964 þegar 1. Reykjavíkurskákmótið var haldið, sem kom upp í hugann í þessu sambandi, þegar menn eru að staulast heim til sín sigrihrósandi undir miðnætti,  á þessa leið:

„Afskiptur öllu víli

Ingvar Gaprindasvílu

Með sínu sexappíli

sigraði og gekk til hvílu"  

 

Meira á www.kr.is  (skák)