Meistaramót Taflfélagsins Hellis hefst 22. ágúst

Meistaramót Hellis 2010 hefst mánudaginn 22. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning er á heimasíðu Hellis.

Teflt er á mánudögum og miðvikudögum og svo er tekin ein þriðjudagsumferð í byrjun móts.  Umferðir hefjast kl. 19:30.  Hlé verður á mótinu þegar Norðurlandamótið grunnskólasveita fer fram í Reykjavík.

Aðalverðlaun:

1. 30.000
2. 20.000
3. 15.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 22. ágúst, kl. 19:30
• 2. umferð, þriðjudaginn, 23. ágúst, kl. 19:30
• 3. umferð, miðvikudaginn, 24. ágúst, kl. 19:30
• 4. umferð, mánudaginn, 29. ágúst, kl. 19:30
• 5. umferð, miðvikudaginn, 31. ágúst, kl. 19:30
• 6. umferð, mánudaginn, 5. september, kl. 19:30
• 7. umferð, miðvikudaginn, 7. september, kl. 19:30

Heimasíða Hellis

First Saturday: Pistill frá Nökkva

Í styrktarreglum SÍ kemur fram að styrktarþegar skulu skila pistli og einni skýrði skák.  Sá fyrsti sem þetta gerir er Nökkvi Sverrisson sem skrifar um First Saturday-mótið.

Pistill Nökkva

Í byrjun júní tók ég þátt í hinu vel þekkta First Saturday ásamt Daða Ómarssyni og Hjörvari Steini Grétarssyni. Keppti ég í Fm-A flokki og var þar stigalægsti keppandinn.Á leiðinni út ferðaðist ég með þeim Daða og Ómari. Ferðin gekk áfallalaust fyrir sig þrátt fyrir seinkanir og eftir 16 tíma ferðalag komum við loksins til Búdapest degi fyrir mót. Fyrsta sólahringinn notaði ég til að skoða borgina og læra aðeins á svæðið. Hótelið sem ég var á heitir Medosz og er staðsett í miðborginni nálægt þinghúsinu.

Mótið fór einnig fram á Medosz en í fyrstu umferð mætti ég slóvakanum Nicola Hocevar og sigraði án mikilla vandræða. Í næstu tveimur umferðum telfdi ég gegn Attila Gulyas og Joszef Juracsic en tapaði báðum skákunum. Þarna tók við góður kafli en í næstu þremur skákum fékk ég 2 ½ vinning, sigrar gegn Raul Bianchetti og Minh Thang Tran og jafntefli gegn Lazlo Havaskori. En í sjöundu umferð tapaði ég gegn Hubertus Taube. Þá tók við annar góður kafli í mótinu en ég vann þá Gyula Lakat,gerði  jafntefli við Fei Xu og svo mætti Zoltan Darasz ekki í skákina gegn mér. Í síðustu umferð tefldi ég við Gabor Ritter en lék af mér í vinningsstöðu og tapaði.

Þegar á heildina er litið er ég sáttur með árangur minn í þessu móti þó veit ég að ég hefði getað teflt betur.

Nökkvi Sverrisson

Veljið skák (2 alls): 1: Sverisson, Nokkvi - Bianchetti, Raoul 2: Sverisson, Nokkvi - Bianchetti, Raoul

[Event "First Saturday 2011 june FM-A"] [Site "Budapest"] [Date "2011.06.07"] [Round "4"] [White "Sverisson, Nokkvi"] [Black "Bianchetti, Raoul"] [Result "1-0"] [ECO "B01"] [WhiteElo "1881"] [BlackElo "1986"] [Annotator "Nökkvi Sverrisson"] [PlyCount "73"] [EventDate "2011.06.04"] [SourceDate "2011.06.04"] {B01: Scandinavian Defence Eftir tvö töp í röð hafði sjálfstraustið hjá mér hríðfallið sem og staða mín í mótinu og fannst mér ég thurfa að vinna skákina} 1. e4 d5 2. exd5 Qxd5 3. Nc3 Qd6 4. Nf3 Nf6 5. d4 Bg4 6. Be2 c6 $6 $16 { Furðulegur leikur, gerir lítið annað en að veikja svörtu reitina} (6... Nc6 $142 7. Be3 $14) 7. Be3 e6 8. Qd2 Qc7 9. a3 (9. O-O Nbd7 $14) 9... Nbd7 $14 10. h3 $6 {Ónauðsynlegur leikur thar sem svarti biskuppinn er ekki að gera neitt} Bxf3 (10... Bf5 $11) 11. Bxf3 Bd6 12. O-O h6 13. b4 a6 14. Na4 O-O 15. c4 Rad8 16. Rac1 Qb8 17. Kh1 Bc7 18. Rfd1 Nb6 (18... Ne5 19. Be2 Ng6) 19. Nxb6 Bxb6 20. Qc3 Rd7 21. Rb1 Rfd8 22. b5 axb5 23. cxb5 cxb5 (23... Nd5 $5 {Jafnar taflið fyrir svartann} 24. Bxd5 cxd5 $11) 24. Rxb5 $14 Qa7 25. Qb4 Bxd4 26. Ra5 Bc3 $4 { Tapar skákinni Bxe3 er eini leikurinn} 27. Rxd7 $18 Qxa5 28. Rxd8+ Qxd8 29. Qxc3 Nd5 30. Qd4 Qa5 31. Bxd5 exd5 32. Qc5 Qxc5 33. Bxc5 f5 34. f4 g5 35. g3 Kf7 36. Kg2 gxf4 37. gxf4 1-0

[Event "First Saturday 2011 june FM-A"] [Site "Budapest"] [Date "2011.06.07"] [Round "4"] [White "Sverisson, Nokkvi"] [Black "Bianchetti, Raoul"] [Result "1-0"] [ECO "B01"] [WhiteElo "1881"] [BlackElo "1986"] [Annotator "Nökkvi Sverrisson"] [PlyCount "73"] [EventDate "2011.06.04"] [SourceDate "2011.06.04"] {B01: Scandinavian Defence Eftir tvö töp í röð hafði sjálfstraustið hjá mér hríðfallið sem og staða mín í mótinu og fannst mér ég thurfa að vinna skákina} 1. e4 d5 2. exd5 Qxd5 3. Nc3 Qd6 4. Nf3 Nf6 5. d4 Bg4 6. Be2 c6 $6 $16 { Furðulegur leikur, gerir lítið annað en að veikja svörtu reitina} (6... Nc6 $142 7. Be3 $14) 7. Be3 e6 8. Qd2 Qc7 9. a3 (9. O-O Nbd7 $14) 9... Nbd7 $14 10. h3 $6 {Ónauðsynlegur leikur thar sem svarti biskuppinn er ekki að gera neitt} Bxf3 (10... Bf5 $11) 11. Bxf3 Bd6 12. O-O h6 13. b4 {Með hugmyndinni Ra4 og c4} a6 14. Na4 O-O 15. c4 {Kemur í veg fyrir Rb6} Rad8 16. Rac1 Qb8 17. Kh1 Bc7 18. Rfd1 Nb6 (18... Ne5 19. Be2 Ng6) 19. Nxb6 Bxb6 20. Qc3 Rd7 21. Rb1 { Með hugmyndinni b4-b5} Rfd8 22. b5 axb5 23. cxb5 cxb5 (23... Nd5 $5 { Jafnar taflið fyrir svartann} 24. Bxd5 cxd5 $11) 24. Rxb5 $14 Qa7 25. Qb4 Bxd4 26. Ra5 Bc3 $4 {Tapar skákinni Bxe3 er eini leikurinn} 27. Rxd7 $18 Qxa5 28. Rxd8+ Qxd8 29. Qxc3 Nd5 30. Qd4 Qa5 31. Bxd5 exd5 32. Qc5 Qxc5 33. Bxc5 f5 34. f4 g5 35. g3 Kf7 36. Kg2 gxf4 37. gxf4 1-0

Skák út um allt: Nú er hægt að tefla á Haítí!

Skákakademía Reykjavíkur og Skáksamband Íslands standa nú að átakinu ,,Skák út um allt". Tilgangurinn er að gera skákina sýnilegri og fjölga þeim stöðum þar sem skákunnendur geta sest að tafli. Á dögunum var Kaffi Haítí heimsótt og þar tóku Mátarnir vígsluskák. Metúsalem Þórisson, einn af eigendum staðarins, lék fyrsta leikinn og bauð skákmenn sérstaklega velkomna á þennan vinalega stað.
 
Kaffi Haítí er á Geirsgötu 7b við Reykjavíkurhöfn, og þar er í boði sérlega ljúffengt kaffi og aðrar veitingar.

Skákþáttur Morgunblaðsins: Skáktímarit á Íslandi

Þótt skákhreyfingin hafi um margra ára skeið getað státað af aðgengilegri og upplýsandi heimasíðu hefur reynst erfitt að fylla það skarð sem Jóhann Þórir Jónsson útgefandi tímaritsins Skákar skildi eftir sig þegar hann féll frá árið 1999. Skáksambandsmenn hafa verið að kanna hugi manna varðandi útgáfu skáktímarits og viðbrögðin verið góð en betur má ef duga skal. Saga slíkrar útgáfu er merk en þó oft þyrnum stráð.

Daniel Willard Fiske gaf út og lét prenta í Flórens á Ítalíu fyrsta íslenska skáktímaritið, Í uppnámi, en það kom út árin 1901-1902. Það er ekki ósennilegt að með útgáfustarfi sínu, bóka- og handritagjöfum hafi Fiske lagt grunninn að vinsældum skákarinnar hér á landi og fræðilegri nálgun bestu skákmanna þjóðarinnar. Nóbelsskáldið Halldór Laxness býsnaðist einhverju sinni yfir því að ýmis stórvirki heimsbókmenntanna, t.d. Ódysseifur eftir James Joyce, virtust með öllu hafa skotist fram hjá kollegum sínum í rithöfundastétt. Þessu væru hinsvegar öfugt farið með íslenska skákmenn sem fylgdust vel með því sem fram kæmi á alþjóðavettvangi.

Eftir daga Fiske sýndu Akureyringar mikið frumkvæði á sviði útgáfu en Íslenskt skákblað gáfu þeir út þegar árið 1925. Arftaki þess „Skákblaðið" kom fyrst út árið 1934 en „Nýja skákblaðinu" var ritstýrt af ungum skákmönnum, Óla Valdimarssyni og Sturlu Péturssyni á fimmta áratugnum.

Tímaritið Skák hefur reynst langlífast allra íslenskra skáktímarita en það hóf göngu sína árið 1947. Hlé var gert á útgáfu þess í kringum 1950 en það ár hófu þeir Sveinn Kristinsson og Þórir Ólafsson útgáfu Skákritsins sem kom út frá 1950 til 1953.

Árið 1954 tók Birgir Sigurðsson aftur upp þráðinn með Tímaritið Skák og var útgefandi og ritstjóri þess fram til 1962 eða þar til Jóhann Þórir Jónsson kom að útgáfunni ásamt fleiri góðum mönnum. Upphafsmaður Reykjavíkurskákmótanna, Jóhann Þórir, var stórhuga maður og lét sig ekki muna um að gefa út mótsblað heimsmeistaraeinvígisins árið 1972 á íslensku, ensku og rússnesku. Jóhann hafði sambönd á ótrúlegustu stöðum og það kom fram í fjölbreyttri flóru auglýsinga og styrktarlína í blaðinu.

Skáktímarit á öllum tímum eru yfirleitt góð heimild um helstu afrek, og þeim tekst þegar best lætur að bregða upp mynd af skákiðkun Íslendinga, staðháttum og tíðaranda, sbr. frásögn Skákritsins af viðureign tveggja vina í Þingholtunum árið 1953:

„KRÓKUR Á MÓTI BRAGÐI

Geir Ólafsson, Skólavörðustíg 19, sat dag nokkurn að tafli. Andstæðingur hans var þekktur fyrsta fl. maður. Eftir 21. leik Geirs (sem lék hvítu) kom upp eftirfarandi staða:

-sjá stöðumynd -

Svartur lék nú 21. - cxd4, sem lítur vel út, þar sem hann hótar máti í öðrum leik. En sér grefur gröf, þótt grafi. Þó að hrókurinn sé friðhelgur í augnablikinu, eru ráð til að svipta hann helgi sinni. En það krefst mikillar fórnfýsi. Lesendur ættu að athuga stöðuna vel, áður en þeir halda lengra áfram og reyna að finna lausnina. Geir lék 22.Dxf7+!! Bxf7 23. Hxc8+ og mát í næsta leik. Lokin eru einkar falleg, og skiptir ekki máli í því sambandi, þó að hvítur geti einnig unnið með 22. Rc4 og síðan Rd6. Sjálfsagt hefði ýmsum sézt yfir fórnina í hratt tefldri skák, þótt æfðari skákmenn væru en Geir."

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 17. júlí 2011.

Skákþættir Morgunblaðsins

Czech Open: Þrefaldur sigur í þriðju umferð

Allir íslensku skákmennirnir í a-flokki Czech Open unnu sínar skákir í 3. umferð sem fram fór í dag.  Hannes Hlífar Stefánsson vann tékkneska alþjóðlega meistarann Tomas Kulhanek (2375), Guðmundur Gíslason (2322) lagði Þjóðverjann Jan-Hendrik Mueller (2099) og Guðmundur Kjartansson hafði betur gegn Asera með mjög langt nafn (2050) sem vann nafna hans, Gíslason, í fyrstu umferð.  Hannes hefur 2,5 vinning en nafnarnir hafa 2 vinninga. 

Í fjórðu umferð, sem fram fer á morgun, teflir Hannes við rússneska stórmeistarann Evgeny Levin (2465), Gíslason við tékkneska alþjóðlega meistarann Pavel Simacek (2470) og Kjartansson við spænska alþjóðlega meistarann alþjóðlega meistarann Alfonso Llorente Zaro (2453).   Skák Hannesar verður sýnd beint og hefst kl. 13.

Í b-flokki vann Sigurður Eiríksson (1951) en Jakob Sævar Sigurðsson (1789) tapaði.  Sigurður hefur 2 vinninga en Jakob er enn ekki kominn á blað.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

Kramnik í miklu stuði í Dortmund

Kramnik er í miklu stuði í Dortmund Sparkassen mótsins.  Kramnik vann í dag Nakamura (2770) og hefur hlotið 3,5 vinning eftir 4 umferðir.  Öðrum skákum umferðarinnar lauk með jafntefli.  Ponomariov (2764) er annar með 2,5 vinning en Giri (2701) og Le Quang (2715) eru næstir með 2 vinninga.   

Rétt eins og í Biel taka 6 skákmenn þátt og tefld er tvöföld umferð.

Staðan:

• 1. Kramnik (2781) 3,5 v. 
• 2. Ponomariov (2764) 2,5 v.
• 3.-4. Giri og Le Quang (2715) 2 v.
• 5.-6. Meier (2656) og Nakamura (2770) 1 v.

• Heimasíða mótsins
• Beinar útsendingar (hefjast um kl. 13:15 nema lokaumferðin sem hefst um 11:15.

 

Tikkanen sænskur meistari

Stórmeistarinn Hans Tikkanen (2596) varð í dag skákmeistari Svíþjóðar en mótið fór fram í Västerås  Tikkanen hlaut 6,5 vinning í 9 skákum og varð hálfum vinningi fyrir ofan stórmeistarann Jonny Hector (2568).  Í 3.-4. sæti urðu alþjóðlegi meistarinn Bengt Lindberg (2391) og stórmeistarinn Pia Cramling (2472).

Lokastaðan:

 

Rk.		Name	RtgI	Pts.
1	GM	Tikkanen Hans	2596	6,5
2	GM	Hector Jonny	2568	6
3	IM	Lindberg Bengt	2391	5,5
	GM	Cramling Pia	2472	5,5
5	GM	Grandelius Nils	2542	5
6	GM	Hillarp Persson Tiger	2547	5
7	GM	Carlsson Pontus	2496	4
8	GM	Berg Emanuel	2604	3,5
9	IM	Eriksson Johan	2401	2,5
10	FM	Westerberg Jonathan	2313	1,5

 

• Heimasíða mótsins
• Chess-Results

HM landsliða: Armenar með mjög vænlega stöðu

Armenar hafa afar vænlega stöðu á HM landsliða, en þeir hafa 3ja stiga forystu á næstu sveitir þegar aðeins 2 umferðir eru eftir.  Armenar unnu Ungverja í dag 2,5-1,5.   Kínverjar eru komnir í annað sæti eftir góðan sigur á Rússum. Úkraínumenn eru í þrðja sæti með jafnmörg stig og Kínverjar en hafa færri vinninga.  Armenar þurfa því aðeins 2 stig í lokaumferðunum tveimur en eiga eftir erfiða andstæðinga Úkraínumenn og Asera.

Mótinu verður framhaldið á morgun en lýkur á aðfaranótt þriðjudags.   

10 af sterkustu landsliðum heims taka þátt og tefla allir við alla. Rússar hafa sterkasta liðið á pappírnum (meðalstig 2752) en næstir koma Aserar (2737), Úkraínumenn (2722) og Armenar (2709). 

Staðan:

 

Rk.	Team	TB1	TB2
1	Armenia	12	18,5
2	China	9	17
3	Ukraine	9	15
4	Russia	8	15,5
5	Hungary	8	15
6	USA	8	14,5
7	Azerbaijan	6	14,5
8	India	5	12
9	Israel	5	11,5
10	Egypt	0	6,5

• Chess-Results
• Beinar útsendingar (hefjast kl. 7 á morgnana - nema lokaumferðin hefst kl. 2 um nótt)

 

Czech Open: Guðmundur Gíslason vann í 2. umferð - Hannes með jafntefli

Stórmeistarinn Hannes Hlífar Stefánsson (2547) gerði jafntefli við þýska alþjóðlega meistaranum Ruediger Seger (2390) í 2. umferð a-flokks Czech Open sem fram fór í gær.  Guðmundur Gíslason vann Þjóðverjann Jens Schulz (2218) en nafni hans Kjartansson (2310) tapaði fyrir tékkesnka alþjóðlega meistaranum Pavel Simacek (2470).  Hannes hefur 1,5 vinning en Guðmundarnir hafa 1 vinning.  Þeir tefla allir við stigalægri andstæðinga í dag. 

Sigurður Eiríksson (1951) vann sína skákí b-flokki en Jakob Sævar Sigurðsson (1789) tapaði.  Sigurður hefur 1 vinning en Jakob er ekki kominn á blað.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

 

 

Biel: Carlsen efstur í hálfleik þrátt fyrir tap í dag

Magnus Carlsen (2821) er efstur í hálfleik í Biel í Sviss þrátt fyrir tap gegn Frakkanum Maxime Vachier-Lagrave (2722) í dag.  Carlsen hefur 10 stig.  Morozevich (2694) vann Caruana (2711) og er annar með 9 stig. Vachier-Lagrave og Shirov (2714) eru í 3.-4. sæti með 6 stig.  Frídagur er á morgun en mótinu verður framhaldið á mánudag.

Sex skákmenn taka þátt og tefla tvöfalda umferð.   Veitt eru 3 stig fyrir sigur og eitt stig fyrir jafntefli.

Staðan:

1.	Magnus Carlsen	NOR	2821	10
2.	Alexander Morozevich	RUS	2694	9
3.	Maxime Vachier-Lagrave	FRA	2722	6
3.	Alexei Shirov	ESP	2714	6
5.	Yannick Pelletier	SUI	2590	4
6.	Fabiano Caruana	ITA	2711	2

• Heimasíða mótsins
• Beinar útsendingar (hefjast kl. 12)