Hannes efstur á Czech Open með 5,5 vinning eftir 6 umferðir

Stórmeistarinn Hannes Hlífar Stefánsson (2546) heldur áfram sigurgöngu sinni á Czech Open sem fram fer í Pardubice í Tékklandi.  Í sjöttu umferð, sem fram fór í dag vann hann indverska stórmeistarann Magesh Chandran Panchanathan (2556).  Farið er yfir skákina á Skákhorninu.   Hannes er nú einn efstur með 5,5 vinning.   

Í sjöundu umferð sem fram fer á morgun teflir Hannes við rússneska stórmeistarann Konstantin Chernyshov (2552).  Skákin verður sýnd beint og hefst kl. 13.

Guðmundur Kjartansson (2310) vann úkraínska alþjóðlega meistaranum Vitaliy Bernadskiy (2453) en Guðmundur Gíslason (2323) gerði jafntefli við  spænska alþjóðlega meistaranum Marcos Llaneza Vega (2465).  Kjartansson hefur 4 vinninga en Gíslason hefur 3,5 vinning.  Kjartansson mætir rússneska stórmeistaranum Alexei Gavrilov (2481) á morgun en Gíslason mætir tékkneska stórmeistaranum Petr Velicka (2461).

Í b-flokki gerði Sigurður Eiríksson (1951) jafntefli en Jakob Sævar Sigurðsson (1789) tapaði  Sigurður hefur 3 vinninga en Jakob Sævar hefur 1 vinning.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

EM-liðið valið

Á fundi landsliðs- og afreksnefndar í gær samþykkti nefndin tillögu Helga Ólafssonar, landsliðsþjálfara, um lið Íslands fyrir Evrópumót landsliða í skák, sem fer fram í Grikklandi 2.-12. nóvember nk.

Eftirtaldir voru valdir:

• SM Héðinn Steingrímsson (2570)
• SM Hannes Hlífar Stefánsson (2546)
• SM Henrik Danielsen (2535)
• FM Hjörvar Steinn Grétarsson (2437)
• AM Bragi Þorfinnsson (2427)

Helgi Ólafsson, sem einnig verður liðsstjóri, mun stjórna æfingum, undirbúningi og upplýsingaöflun íslenska liðsins fyrir mótið. Endanleg borðaröð verður ákveðin í byrjun september.

Heimasíða mótsins

Skák út um allt: Reykjavík skákvædd í rigningunni

Sendiboðar Skákakademíu Reykjavíkur og SÍ halda áfram að dreifa taflsettum á opinbera staði í höfuðborginni. Í dag lá leiðin á Reykjavíkurflugvöll, BSÍ, Perluna, íþróttamiðstöð Vals, Flugfélagið Ernir og Kaffivagninn. Taflsettunum var hvarvetna tekið með fögnuði og tafarlaust vígð, svo úr urðu margar ævintýralegar skákir.
 
Skákáhugamenn eru hvattir til að sækja þá staði þar sem tafl er í boði, en skákvæðingin heldur áfram af fullum krafti á næstunni. Stefán Bergsson framkvæmdastjóri SR hefur sett það markmið að 50 staðir verði hluti af þessu skemmtilega verkefni fyrir áramót.
 
Hér fylgir frásögn í máli og myndum af heimsóknum dagsins:

 

 

Skák á Reykjavíkurflugvelli: Ísfirðingurinn Eyjólfur Þráinsson beið eftir flugi til Egilsstaða, en hann starfar í álverinu á Reyðarfirði. Hann lærði ungur að tefla og tók einu sinni þátt í fjöltefli við Jón L. Árnason. Eyjólfur tefldi einsog herforingi og gerði heiðarlega tilraun til að heimaskítsmáta Stefán.
 

 

 

Skák á BSÍ: Kaffiterían á BSÍ er ein helsta menningarmiðstöð landsins og nú er hægt að tefla þar líka. Sölvi Már Viðarsson, starfsmaður, sýndi fína takta í vígsluskákinni enda lærði hann ungur að tefla í Borgaskóla.

 

 

Skák í Perlunni: Íris Óskarsdóttir tók á móti taflsettinu í kaffiteríu Perlunnar og stóð sig með prýði gegn Stefáni. Skák þeirra lauk með jafntefli, en Íris lærði að tefla á Selfossi, þeim góða skákbæ.
 

 

 

Skák hjá Flugfélaginu Ernir: Heiðursmaðurinn Hörður Guðmundsson, einn reyndasti flugkappi landsins, tók á móti sendiboðum SR og SÍ. Ernir fljúga til Vestmannaeyja, Hafnar, Sauðarárkróks, Bíldudals og Gjögurs, svo nú geta farþegar þangað stytt sér stundir við tafl meðan þeir bíða eftir flugi. 
 

 

 

Skák hjá Val: Framkvæmdastjóri Vals, Haraldur Daði Ragnarsson, tók fagnandi við taflsettinu enda jafnan líf og fjör í bækistöðvum Vals. Ungu pjakkarnir fylgdust spenntir með viðureign Haraldar og Hrafns Jökulssonar, og settust sjálfir að tafli um leið og vígsluskákinni lauk.
 

 

 

Skák í Kaffivagninum. Tveir harðsnúnir skákmenn, Kristján Örn Elíasson og Rúnar Berg, sátu og ræddu heimsmálin þegar komið var í Kaffivagninn. Óðar var slegið upp einvígi milli Stefáns og Kristjáns Arnar, en sá síðarnefndi er skæður sóknarskákmaður og komst í 3-1 áður en Stefáni tókst með harðfylgi að jafna. Gaman að þessu, einsog Kristján er vanur að segja!
 

 

 

Rúnar Berg, sá  ágæti fræðimaður á sviði byrjana, sá um skákskýringar enda kom upp mörg ævintýralega staða í viðureign Stefáns og Kristjáns.
 

 

 

Kristján Örn þungt hugsi með varðskipið Óðinn í baksýn. Kaffivagninn er með skemmtilegustu kaffihúsum og nú er sem sagt hægt að tefla þar líka.

Myndaalbúm (HJ)

Czech Open: Hannes vann og er í 1.-3. sæti

Stórmeistarinn Hannes Hlífar Stefánsson (2546) vann rússneska alþjóðlega meistarann Ivan Rozum (2464) í fimmtu umferð Czech Open sem fram fór í dag.  Farið er yfir skákina á Skákhorninu.  Hannes hefur 4,5 vinning og er efstur ásamt stórmeisturunum Magesh Chandran Panchanathan (2556), Indlandi og Konstantine Shanava (2535), Georgíu. 

Hannes mætir Panchanathan í sjöttu umferð, sem fram fer á morgun.  Skákin verður sýnd beint og hefst kl. 13.

Guðmundur Gíslason (2322) vann Rússann Mstislav Yefimov (2127) en Guðmundur Kjartansson (2310) gerði jafntefli við þýska alþjóðlega meistarann Dennis Breder (2443).   Nafnarnir hafa 3 vinninga.  Gíslason mætir spænska alþjóðlega meistaranum Marcos Llaneza Vega (2465) og Kjartansson mætir úkraínska alþjóðlega meistaranum Vitaliy Bernadskiy (2453).

Í b-flokki gerði Sigurður Eiríksson (1951) jafntefli en Jakob Sævar Sigurðsson (1789) tapaði  Sigurður hefur 2,5 vinning en Jakob Sævar hefur 1 vinning.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

Biel: Carlsen og Morozevich vinna enn

Magnus Carlsen (2821) og Alexander Morozevich (2694) fara mikinn á ofurskákmótinu í Biel.  Í sjöundu umferð, sem fram fór í dag, vann Carlsen Shirov (2714) og Moro lagði Vachier-Lagrave (2722).  Carlsen er efstur með 16 stig en Moro er annar með 13 stig.  Þessir tveir eru í sérflokki.  Þeir mætast í áttundu umferð sem fram fer á morgun.

Úrslit 7. umferðar:

Alexander Morozevich	-	Maxime Vachier-Lagrave	1 - 0	(43)
Alexei Shirov	-	Magnus Carlsen	0 - 1	(60)
Yannick Pelletier	-	Fabiano Caruana	0 - 1	(66)

Staðan:

	Name		ELO	Points
1.	Magnus Carlsen	NOR	2821	16
2.	Alexander Morozevich	RUS	2694	13
3.	Maxime Vachier-Lagrave	FRA	2722	7
	Alexei Shirov	ESP	2714	7
5.	Fabiano Caruana	ITA	2711	6
6.	Yannick Pelletier	SUI	2590	4

Sex skákmenn taka þátt og tefla tvöfalda umferð.   Veitt eru 3 stig fyrir sigur og eitt stig fyrir jafntefli.

• Heimasíða mótsins
• Beinar útsendingar (hefjast kl. 12)

 

Pistill frá Sóleyju um Saint Ló

Sóley Lind Pálsdóttir, sem hlaut styrk til að taka þátt í alþjóðlegu unglingamóti í Saint Ló Frakklandi, hefur skrifað ítarlegan og myndskreyttan pistil um mótið sem hún tók þátt í nýlega.  Hér að neðan má sjá pistilinn.  Í PDF-viðhengi sem fylgir með má sjá hann myndskreyttan og tvær skákir skýrðar.  Sömu skákir fylgja einnig með fréttinni.  Slóð á viðhengið má finna hér.

Sóley fær kærar þakkir fyrir frábær efnistök.

Frakkland 2011 - Skákmótið í Saint Lo 7.-14. júlí

Mótið var sterkt.  Elstu krakkarnir voru fæddir 1993 og teflt var í mörgum flokkum frá U10 ára og upp í U18. Stigahæsti skákmaðurinn var með um 2400 FIDE-stig. Umhugsunartími var einn klukkutími og 30 mínútur á 40 leiki og svo bættist við hálftími til að klára. Auk þess bættust við 30 sekúndur á leik.

Í undirbúningi fyrir mótið þá var ég í skákkennslu hjá Daví ð Kjartanssyni með stelpuhóp úr Kópavogi og Garðabæ sem haldið var í Kópavogi.  Einnig fór ég í sumarbúðir í Svíþjóð þar sem ég var í kennslu hjá Vladimir Poley alþjóðlegum skákmeistara.

En þá aftur að mótinu sjálfu. Ég tefldi níu skákir og byrjaði vel með því að vinna 2 fyrstu skákirnar, en síðan fór heldur að halla á og ég fékk bara 2 jafntefli í viðbót í mótinu og var um að kenna að ég tefldi full passívt skv. þeim sem fóru yfir skákirnar mínar.

En þá að mótinu sjálfu.

Andstæðingur og úrslit.

Nafn	Stig	Flokkur	Land	Vinningur
DALARUN Adelie	1390	Min	FRA	1
GLOTIN Adrien	1490	Pup	FRA	1
CHAMERET Jean	1705	Min	FRA	0
AZOUNI Anais	1431	Pup	FRA	0
ERIKSSON Carl	1380	Ben	SWE	0
VERHAEGEN Valentine	1420	Ben	FRA	½
LEFEBVRE Alexandre	1450	Pou	FRA	½
PAILLARD Eliott	1508	Ben	FRA	0
AUBRUN Cecilia	1443	Min	FRA	0

 

 

 

 

 

 

 

 

 

 

Samtals urðu þetta því 3 vinningar í 9 skákum og performance um 1330 sem er hærra en stigin mín en á móti tefldi ég 4 FIDE-stigaskákir og tapaði öllum.

Aðstæður á mótsstað voru góðar, og gistiaðstaðan einnig sæmileg.

Eftir allar skákirnar fór ég og fékk að yfirfara skákirnar með alþjóðlegum meisturum sem voru annað hvort Vladimir Poley eða einhver annar alþjóðlegur meistari.

Allir krakkarnir sem tefldu í unglingamótinu fóru heim með verðlaun.

Einnig fóru á mótið Páll Sigurðsson, pabbi minn sem tefldi í opnum fullorðinsflokki og frændi minn Baldur Teodor sem gekk mjög vel og endaði í 2 sæti í sínum flokki 10 ára og yngri . Þeir enduðu báðir með 5 vinninga af 9 mögulegum.

Til hliðar við mótið voru allskyns viðburðir.

T.d. tók ég þátt í liðakeppni í hraðskák þar sem hvert lið mátti ekki hafa meira en samtals 9900 skákstig. (6 í liði) og tefldum við Baldur í sameiginlegu liði íslendinga og Svía og lentum í 3. Sæti. Okkar lið var skipað þeim Patrick Lyrberg, Vladimir Poley, Adam Eriksson, Carl Eriksson, Teodor og mín.

Einnig kepptum við í svokölluðum fun games þar sem við þurftum að keppa í allskyns þrautum.

Auk þess þegar skák var lokið fór ég a.m.k. þrisvar sinnum með frænku minni á ströndina, sem var um 40 km norðar.

Tenglar mótstöflur og úrslit.

• http://echecsaglo.fr/festival2011e.htm

• http://echecsaglo.fr/2011festivalblog/        

• http://echecsaglo.fr/2011festival/papi/2011stlojeunesGa.htm          

• http://4springare.se/news/45-13th-intyouth-open-tournament-frankrike

Að lokum koma hér 2 skákir úr mótinu. Þær eru einnig að finna í meðfylgjandi skrá.

Veljið skák (2 alls): 1: Palsdottir, Soley - Adelie, Dalarun 2: Glotin, Adrien - Palsdottir, Soley Lind

[Event "St Lo"] [Site "?"] [Date "2011.07.07"] [Round "1"] [White "Palsdottir, Soley"] [Black "Adelie, Dalarun"] [Result "1-0"] [ECO "C41"] [WhiteElo "1194"] [BlackElo "1450"] [Annotator "Sigurðsson,Páll"] [PlyCount "131"] [SourceDate "2011.07.26"] 1. e4 e5 2. Nf3 d6 3. Bc4 g6 4. h3 Bg7 5. c3 Nf6 6. d3 Qe7 7. O-O O-O 8. Bg5 Be6 9. Nbd2 Qd7 10. Bxe6 Qxe6 11. Qb3 Qc8 12. Rac1 b6 13. d4 Nh5 {líklega betra að koma hinum köllunum út} 14. Qd5 c6 $4 15. Qxd6 Qd7 $2 {tapar öðru peði } (15... Re8 {var skárra}) 16. dxe5 Qxd6 17. exd6 f6 18. Bh4 Nd7 19. Rfe1 Ne5 20. Nxe5 fxe5 21. Nf3 Bf6 22. Bxf6 Rxf6 23. Rcd1 Rd8 24. d7 Re6 25. Re2 Re7 26. Red2 Nf6 27. Re2 $2 {Virkur Hrókur er alltaf betri td hægt að leika Hd6 eða Kf1 strax} (27. Rd6 Rexd7 28. Rxd7 Rxd7 29. Rxd7 Nxd7 30. Kf1 Kf7 31. Ke2 h6 32. Ke3 Kf6 33. b3) 27... Rdxd7 28. Rxd7 Nxd7 29. Nd2 Nc5 30. f3 Nd3 31. Nb3 Rd7 32. Rd2 c5 $2 {Nú nær hvítur fram uppskiptum á riddurum amk.} 33. Nc1 c4 34. Nxd3 Rxd3 $2 {tapar strax. betra hefði verið að reyna að halda hróknum inná, peðið fellur hvort eð er} 35. Rxd3 cxd3 36. Kf2 d2 37. Ke2 d1=Q+ 38. Kxd1 Kg7 39. Kc2 Kh6 40. Kb3 Kh5 41. g3 g5 42. Kc4 Kg6 43. Kd5 Kf6 44. a4 a5 45. c4 {Náttúrulega akunnið, en c4 var ekki nauðsynlegur. Betra var td. g4 eða Kd6 og e5 peðið fellur fljótt. b4 hefði einnig unnið strax vegna frípeðs á a eða c} h6 46. Kc6 Ke6 47. Kxb6 Kd6 48. c5+ Kd7 49. Kb7 Ke6 50. c6 Kd6 51. c7 Kc5 52. c8=Q+ Kb4 53. Qc6 $2 {Enn gjörunnið, en betra hefði verið auðvitað að máta í 2} (53. Qc3+ Kxa4 54. Qc4#) 53... Kb3 54. Qb5+ Kc2 55. Qxa5 Kxb2 56. Qb4+ Kc2 57. Qa3 h5 58. Qe3 g4 59. hxg4 hxg4 60. fxg4 Kb2 61. Kc6 Kc2 62. Kc5 Kb1 63. Qd2 Ka1 64. Kc4 Kb1 65. Kc3 Ka1 66. Qb2# 1-0

[Event "St Lo, France"] [Site "?"] [Date "2011.07.08"] [Round "2"] [White "Glotin, Adrien"] [Black "Palsdottir, Soley Lind"] [Result "0-1"] [ECO "D45"] [WhiteElo "1490"] [BlackElo "1194"] [Annotator "Sigurðsson,Páll"] [PlyCount "102"] [SourceDate "2011.07.26"] 1. d4 d5 2. c4 c6 3. Nc3 e6 4. Nf3 Nf6 5. e3 Bb4 6. Bd2 O-O 7. a3 Be7 8. Bd3 c5 9. dxc5 dxc4 10. Bxc4 Bxc5 11. b4 Bb6 12. Qc2 a6 13. Rd1 Nc6 14. Bd3 h6 15. Bc1 Qc7 16. h3 Bd7 17. Rg1 $2 (17. Bb2 {er mun eðlilegri leikursem setur pressu á svörtu kóngsstöðuna. Hvítur hafði liklega örlítið betri stöðu fram til Hg1.}) 17... Rac8 18. Bd2 Ne7 19. e4 Bc6 20. g3 Rfd8 (20... Nf5 21. Bf4 Qe7 22. Bc4 Bd5 23. exd5 Rxc4 24. d6 Qd8 25. Qb2 Rxc3 26. Qxc3 Bxf2+ {hefði verið skemmtilegt framhald}) 21. Bf4 Qd7 22. Ke2 Bc7 $2 (22... Bb5 23. Bxb5 Qxb5+ 24. Ke1 Rxd1+ 25. Kxd1 Qc4 26. Bd2 Bxf2 27. Rh1 {er mun betra framhald 23. ... Hxc3 gengur líka.}) 23. e5 Bxf3+ (23... Nfd5) 24. Kxf3 Qc6+ 25. Ke2 Nfd5 26. Nxd5 Qxc2+ 27. Bxc2 Nxd5 28. Be4 $4 {Tapar skiptamun} (28. Rc1 g5 29. Bd2 Bxe5 {og vinnur peð}) (28. Rxd5 exd5 29. Bf5 Ra8 30. Rc1 Bb8 {Hefði líklega verið aðeins skárra}) 28... Nc3+ 29. Kf3 Rxd1 30. Rxd1 Nxd1 31. Bxb7 Rb8 32. Bxa6 Ra8 33. b5 Nc3 34. Be3 Bxe5 35. Bc5 Nd5 36. Ke4 Bc7 37. Kd4 f6 38. f4 Kf7 39. f5 Bxg3 40. b6 Bf2+ 41. Kc4 Bxc5 42. fxe6+ Kxe6 43. Bb7 Nxb6+ 44. Kxc5 Rxa3 45. Kxb6 Rb3+ 46. Kc6 Rxb7 47. Kxb7 f5 48. Kc6 Ke5 49. Kc5 Ke4 50. Kc4 Ke3 51. Kc3 f4 0-1

Skrár tengdar þessari bloggfærslu:

• Pistill Sóleyjar

Armenar heimsmeistarar landsliða

Armenar gerðu 2-2 jafntefli við Úkranínu í 9. og síðustu umerð HM landsliða sem lauk í morgun í Ningbo í Kína.  Samið var um jafntefli á öllum borðum í einu.  Þar með tryggðu Armenar sér gullið og Úkraínumenn bronsið.  Kínverjar lentu í öðru sæti, eini stigi á eftir Armenum.  Rússar, sem voru með stigahægsta liðið á pappírnum urðu að sætta sig við fjóðra sætið.  Aserar sem voru með það næststigahæsta urðu aðeins sjöundu.

Það er athyglisvert að Armenar keyrðu á nánast liðinu allt mótið, þ.e. varamaðurinn tefldi aðeins eina skák gegn Egyptum sem voru með áberandi lakasta liðið.

Þjóðarstolt Armena er mikið og á meðan ýmsir liðsmenn annarra liða tóku önnur verkefni framyfir þá mættu þeir með sitt sterkasta lið og þessi fámenna þjóð heldur áfram að stimpla sig.  Ekki skemmir heldur fyrir Movsesian hefur gengið til við Armena.  

Lið heimsmeistara Armena skipuðu:

1. Levon Aronian (2805) 5 v. af 8
2. Sergei Movsesian (2700) 6 v. af 9
3. Vladimir Akopian 2667) 6 v. af 9
4. Gabriel Sargissian (2663) 4½ v af 9
5. Robert Hovhannisyan (2556) 1 v. af 1

10 af sterkustu landsliðum heims tóku þátt og tefla allir við alla.   Rússar höfðu sterkasta liðið á pappírnum (meðalstig 2752) en næstir komu Aserar (2737), Úkraínumenn (2722) og Armenar (2709). 

Lokastaðan:

 

Rk.	Team	1	2	3	4	5	6	7	8	9	10	TB1	TB2
1	Armenia	*	2½	2	2	2½	2	2	2½	3½	3½	14	22,5
2	China	1½	*	2½	2½	2½	3½	2	3	1½	3½	13	22,5
3	Ukraine	2	1½	*	2	1½	2½	2½	2½	2½	2½	12	19,5
4	Russia	2	1½	2	*	3	3	1	1½	4	3	10	21
5	Hungary	1½	1½	2½	1	*	2	2½	2	3½	3	10	19,5
6	USA	2	½	1½	1	2	*	2½	3	2½	3½	10	18,5
7	Azerbaijan	2	2	1½	3	1½	1½	*	3	2	2½	9	19
8	India	1½	1	1½	2½	2	1	1	*	2½	2½	7	15,5
9	Israel	½	2½	1½	0	½	1½	2	1½	*	3	5	13
10	Egypt	½	½	1½	1	1	½	1½	1½	1	*	0	9

• Chess-Results
• Heimasíða mótsins
• Beinar útsendingar (hefjast kl. 7 á morgnana - nema lokaumferðin hefst kl. 2 um nótt)

 

Czech Open: Hannes vann í fjórðu umferð og er í 3.-15. sæti

Stórmeistarinn Hannes Hlífar Stefánsson (2546) vann rússneska stórmeistarann Evgeny Levin (2465) í 4. umferð Czech Open sem fram fór í dag.  Guðmundur Kjartansson (2310) gerði jafntefli við spænska alþjóðlega meistarann Alfonso Llorente Zaro (2453) en Guðmundur Gíslason (2322) tapaði fyrir  tékkneska alþjóðlega meistaranum Pavel Simacek (2470).   Hannes hefur 3,5 vinning og er 3.-15. sæti, Kjartansson hefur 2,5 vinning en Gíslason hefur 2 vinninga.

Efstir með fullt hús eru stórmeistararnir Magesh Chandran Panchanathan (2556) og Konstantine Shanava (2535), Georgíu.

Í 5. umferð, sem fram fer á morgun, teflir Hannes við rússneska alþjóðlega meistarann Ivan Rozum (2464).  Skákin verður sýnd beint og hefst útsendingin kl. 13.  Kjartansson teflir við þýska alþjóðlega meistarann Dennis Breder (2443) og Gíslason við Rússann Mstislav Yefimov (2127).

Í b-flokki vann Jakob Sævar Sigurðsson (1789) sína skák en Sigurður Eiríksson (1951) tapaði.  Sigurður hefur 2 vinninga en Jakob Sævar hefur 1 vinning.

Í a-flokki tefla 279 skákmenn.  Þar af eru 50 stórmeistarar og 58 alþjóðlegir meistarar.  Hannes er nr. 17 í stigaröð keppenda, Gíslason nr. 132 og Kjartansson nr. 140.

• Heimasíða mótsins
• Chess-Results
• Beinar útsendingar frá 15 efstu borðunum (hefjast kl. 13)

Dortmund: Kramnik með yfirburði í hálfleik

Vladimir Kramnik (2781) er í miklu stuði á Dortmund Sparkassen-mótinu.  Í fimmtu umferð, sem fram fór í dag, lagði Rússinn Anish Giri (2701) og hefur 4,5 vinning af 5 mögulegum!  Víetnaminn Le Quang (2715) er annar með 3 vinninga eftir sigur á Ponomariov (2764).  Frídagur er á morgun.

Rétt eins og í Biel taka 6 skákmenn þátt og tefld er tvöföld umferð.

Staðan:

• 1. Kramnik (2781) 4,5 v.
• 2. Le Quang (2715) 3 v.
• 3. Ponomariov (2764) 2,5 v.
• 4. Giri 2 v.
• 5.-6. Meier (2656) og Nakamura (2770) 1,5 v.

• Heimasíða mótsins
• Beinar útsendingar (hefjast um kl. 13:15 nema lokaumferðin sem hefst um 11:15.

 

Biel: Carlsen kominn á beinu brautina

Magnus Carlsen (2821) vann heimamanninn Pelletier (2590) í sjöttu umferð ofurskákmótsins í Biel sem fram fór í dag.  Öðrum skákum lauk með jafntefli.  Carlsen er efstur með 13 stig, hefur 3 stiga forystu á Morozevich (2694).   Vachier-Lagrave (2722) og Shirov (2714) eru í 3.-4. sæti með 7 stig. 

Úrslit 6. umferðar:

Maxime Vachier-Lagrave	-	Fabiano Caruana	½ - ½	(34)
Magnus Carlsen	-	Yannick Pelletier	1 - 0	(42)
Alexander Morozevich	-	Alexei Shirov	½ - ½	(40)

Staðan:

	Name		ELO	Points
1.	Magnus Carlsen	NOR	2821	13
2.	Alexander Morozevich	RUS	2694	10
3.	Maxime Vachier-Lagrave	FRA	2722	7
	Alexei Shirov	ESP	2714	7
5.	Yannick Pelletier	SUI	2590	4
6.	Fabiano Caruana	ITA	2711	3

Sex skákmenn taka þátt og tefla tvöfalda umferð.   Veitt eru 3 stig fyrir sigur og eitt stig fyrir jafntefli.

• Heimasíða mótsins

• Beinar útsendingar (hefjast kl. 12)