Björn með jafntefli í 4. umferð í Alimini

Alþjóðlegi meistarinn Björn Þorfinnsson (2415) gerði jafntefli við Ítalann Maco Codenotti (2284) í fjórðu umferð alþjóðlega mótsins í Alimini á Ítalíu sem fram fór í morgun.  Björn hefur 2½ vinning og er í 11.-17. sæti.  Efstir með 3½ vinning eru ítalski alþjóðlegi meistarinn Fabio Bruno (2459) og stórmeistararnir Oleg Korneev (2573), Rússlandi, og Arthur Kogan (2556), Ísrael.  Í fimmtu umferð, sem hefst nú kl. 14, teflir Björn við serbneska stórmeistarann Sinisa Drazic (2486). 

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

• Heimasíða mótsins 
• Beinar útsendingar

Björn með sigur í 3. umferð í Alimini

Björn Þorfinnsson (2415) vann Ítalann Samuel Tulio Pizzuto (2136) í 3. umferð alþjóðlega mótsins í Almini á Ítalíu.  Björn hefur 2 vinninga og er í 9.-17. sæti.   Tvær umferðir fara fram á morgun og hefst sú fyrri kl. 7 í fyrramálið.  Þá teflir Björn við Ítalann Maco Codenotti (2284).  Síðari umferð morgundagsins hefst svo kl. 14.   

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

 

• Heimasíða mótsins 
• Beinar útsendingar

Stutt jafntefli í fjórðu einvígisskák Gelfand og Grischuk

Gelfand og Grischuk gerðu jafntefli í aðeins 18 leikjum í 4. einvígisskákinni um réttinn til að mæta Anand í heimsmeistaraeinvígi á næsta ári.  Staðan í einvíginu er nú 2-2.  Fimmta skákin fer fram á morgun og hefst kl. 11.

Það er athyglisvert að Grischuk hefur ekki sigrað í kappskák (af 12) í áskorendaeinvígunum og Gelfand aðeins í einni.  Þeir eru þó báðir taplausir.  

Alls tefla þeir sex skákir.  Verði jafnt verður teflt til þrautar í atskák og hraðskák. 

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

Áskell sigraði á minningarmóti um Gunnlaug

VII.og jafnframt síðasta Minningarmótið um Gunnlaug Guðmundsson fór fram í gær.  Gunnlaugur Guðmundsson var um árabil áberandi í stafsemi SA. Hann gegndi ýmsum stjórnarstörfum í fjölmörg ár og var formaður félagsins í þrjú ár. Gunnlaugur lét ekki staðar numið þar því hann vann einnig þó nokkuð af skákmótum. Fjölskylda Gunnlaugs gaf veglegan farandbikar sem keppt hefur verið um sl. sjö ár.

Úrslit mótsins urðu á þá leið að Áskell Örn Kárason sigraði með 12 vinninga af 14 mögulegum. Mikael Jóhann Karlsson varð í 2. sæti og Sigurður Arnarson í 3.

Úrslit

Áskell Örn Kárason                                                   12 vinningar af 14.
Mikael Jóhann Karlsson                                            11
Sigurður Arnarson                                                     10
Haki Jóhannesson                                                      8
Sigurður Eiríksson                                                     6
Hjörleifur Halldórsson                                              4
Tómas Veigar Sigurðarson                                        4
Haukur H. Jónsson                                                    1

Sjá nánar á heimasíðu SA (myndi, mótstafla, ferill Gunnlaugs, eldri mót)

Áskell sem tefldi fyrir FVSA sigraði í Firmakeppni SA

Úrslitakeppni Firmakeppninni Skákfélags Akureyrar fór fram í gær. Fjölmörg fyrirtæki skráðu sig til leiks í keppninni og þurfti að skipta þeim niður í fimm riðla sem fóru fram undanfarnar vikur.

Sextán fyrirtæki tóku þátt í úrslitunum;

Krua Siam
Jón Sprettur
Vörubær
Samherji
Blikkrás
BSO
Amaro heildverslun
Akureyrarbær
Slippurinn
Matur & Mörk
Eining - Iðja
KPMG
Ásbyrgi
Byr
Emmess
FVSA

Tefld var einföld umferð, allir við alla, og voru fjögur fyrirtæki efst og jöfn að því loknu. Þessi fjögur háðu auka keppni um sigurinn og bar Félag verslunar- og skrifstofufólks sigur úr býtum. Úrslit aukakeppninnar voru eftirfarandi:

FVSA (Áskell Örn)                           2
Matur & Mörk (Mikael Jóhann)         1,5
KPMG (Sigurður Arnarson)              1,5
Akureyrarbær (Sigurður Eiríksson)    1

Sjá nánar á heimasíðu SA (myndir og mótstöflur)

Skákþáttur Morgunblaðsins: Topalov og Aronjan féllu úr leik á HM

Áskorendakeppnin sem nú stendur yfir í Kazan í Rússlandi hefur þegar boðið upp á óvænt úrslit. Tveir af sigurstranglegustu keppendunum, fyrrv. heimsmeistari, Búlgarinn Veselin Topalov, féll úr leik eftir 1½ : 2½ tap fyrir Bandaríkjamanninum Gata Kamsky og Armeninn Levon Aronjan tapaði fyrir Alexander Grischuk, 3½ : 4½. Þeir gerðu jafntefli í öllu kappskákunum og var Aronjan bókstaflega óheppinn að missa niður auðunnið tafl í fyrstu skákinni og í atskákunum (25 10) hafði Grischuk betur. Þá vann Boris Gelfand Aserann Shakryiar Mameydyarov 2½ : 1½.

Vladimir Kramnik vann hinn Aserann, Teimour Radjabov, 6½: 5½. Kappskákunum fjórum lauk öllum með jafntefli og ennfremur fjórum atskákum. Þá var gripið til tveggja hraðskáka (5 3) og Radjabov vann þá fyrri. Þeirri seinni virtist einnig ætla að ljúka með jafntefli en klukkustilling virðist hafa misheppnast hjá dómurunum og eftir 60 leiki þurfti að endurræsa klukkuna. Þetta tók sinn tíma og sló Radjabov út af laginu. Þegar þeir héldu áfram náði Kramnik að vinna. Hann náði síðan 1½ vinningi úr tveim hraðskákum til viðbótar.

Gamla undrabarnið Gata Kamsky varð bandarískur meistari á dögunum og fyrir lá að hann yrði Topalov erfiður andstæðingur. Þeir tefldu árið 2009 og þá vann Topalov örugglega, 4½ : 2½. Það er fyrst og fremst ótrúleg seigla sem alltaf skilar Kamsky á leiðarenda. Lokaskákin gegn Topalov er raunar frábært dæmi. Lengi var Kamsky með erfiða stöðu og síðar tapað tafl. En honum tókst ávallt að flækja málin með því að finna erfiða varnarleiki og að lokum varð Búlgarinn að sætta sig við skiptan hlut. Þar sem Kamsky hafði unnið aðra skákina komst hann áfram:

Áskorendakeppnin 2011:

Veselin Topalov - Gata Kamsky

Grünfelds vörn

1. Rf3 Rf6 2. c4 g6 3. Rc3 d5 4. cxd5 Rxd5 5. Dc2 Bg7 6. e4 Rb6 7. d4 O-O 8. Be3 Bg4 9. Re5 Bxe5 10. dxe5 Rc6 11. h3 Be6 12. Hd1 Dc8 13. f4 Hd8 14. b3 Rb4 15. Hxd8 Dxd8 16. Db1 f5 17. exf6 exf6 18. Be2 De7 19. O-O Bf7 20. Bf2 Hd8 21. Hd1 Hxd1 22. Dxd1 c5 23. Bf1 Rc6 24. g3 Kg7 25. Bg2 h5 26. Rb5 Rc8 27. Dd2 c4 28. bxc4 Bxc4 29. Rd4 Db4 30. Dc1 R8e7 31. a3 Da4 32. Db2 b6 33. Kh2 Kf7 34. Dc3 Ba2 35. f5 Dc4 36. Db2 Re5 37. Dd2 g5 38. Re6 R7c6?

Eftir þunga stöðubaráttu leikur Kamsky af sér. Betra var 38. ...Bb3 því að 39. Dd8 má svara með 39. ... Dc8.

39. Dd6

 Ke8 40. Rc7+

Einfaldara var 40. Bd4! sem vinnur auðveldlega.

40. ...Kf7 41. Rd5

 

41. ... Rd5

Svartur fær ekki varið f6-peðið en finnur einu leiðina sem gefur einhverja möguleika.

42. Dxf6+ Ke8 43. De6+

Nærtækt en best er 43. Dh8+ eins og „Rybka" mælir með.

43. ... Kf8 44. Kg1 Dd1 45. Bf1 Bxd5 46. exd5 Rd4! 47. Df6+ Kg8 48. Dxg5+ Kf7 49. Dd8 Dc2!

Snilldarvarnarleikur sem ver c7-reitinn. Það er engan vinning lengur að finna í stöðunni.

50. Bg2 Dc1 51. Kh2 Dc2 52. Bg1 Rdf3 53. Kh1 Re1 54. Bf2 Dxf2 55. Dc7 Kf6 56. Dd6 Kf7 57. Dc7 Kf6 58. Dd6 Kf7

- og keppendur sættust á jafntefli.

Þrír efstir á öðlingamótinu

Þorsteinn Þorsteinsson, Kristján Guðmundsson og Jón Þorvaldsson urðu jafnir á öðlingamótinu sem lauk sl. miðvikudagskvöld. Þeir hlutu allir 5½ vinning af sjö mögulegum en Þorsteinn telst sigurvegari mótsins vegna bestu stigatölunnar.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 15. maí 2011.

Skákþættir Morgunblaðsins

[Owner "FIDE"]\par \par 1. Nf3 Nf6 2. c4 g6 3. Nc3 d5 4. cxd5 Nxd5 5. Qc2 Bg7 6. e4 Nb6 7. d4 O-O 8.\par Be3 Bg4 9. Ne5 Bxe5 10. dxe5 Nc6 11. h3 Be6 12. Rd1 Qc8 13. f4 Rd8 14. b3 Nb4\par 15. Rxd8+ Qxd8 16. Qb1 f5 17. exf6 exf6 18. Be2 Qe7 19. O-O Bf7 20. Bf2 Rd8 21.\par Rd1 Rxd1+ 22. Qxd1 c5 23. Bf1 Nc6 24. g3 Kg7 25. Bg2 h5 26. Nb5 Nc8 27. Qd2 c4\par 28. bxc4 Bxc4 29. Nd4 Qb4 30. Qc1 N8e7 31. a3 Qa4 32. Qb2 b6 33. Kh2 Kf7 34.\par Qc3 Ba2 35. f5 Qc4 36. Qb2 Ne5 37. Qd2 g5 38. Ne6 N7c6 39. Qd6 Ke8 40. Nc7+ Kf7\par 41. Nd5 Qe2 42. Qxf6+ Ke8 43. Qe6+ Kf8 44. Kg1 Qd1+ 45. Bf1 Bxd5 46. exd5 Nd4\par 47. Qf6+ Kg8 48. Qxg5+ Kf7 49. Qd8 Qc2 50. Bg2 Qc1+ 51. Kh2 Qc2 52. Bg1 Ndf3+\par 53. Kh1 Ne1 54. Bf2 Qxf2 55. Qc7+ Kf6 56. Qd6+ Kf7 57. Qc7+ Kf6 58. Qd6+ Kf7\par 1/2-1/2

Henrik endaði í 2.-5. sæti í Kaupmannahöfn

Stórmeistarinn Henrik Danielsen (2545) endaði í 2.-5. sæti á Copenhagen Chess Challange sem lauk í Köben í dag.  Henrik gerði jafntefli við sænska stórmeistarann Stellan Brynell (2486) í lokaumferðinni og hlaut 6½ vinning.   Sigurvegari mótsins varð danski FIDE-meistarinn Andreas Skytte Hagen (2346) með 7 vinninga sem með árangrinum kláraði lokaáfangann að alþjóðlegum meistaratitli og krækti sér í sinn fyrsta stórmeistaraáfanga!  Þröstur Þórhallsson (2392) tapaði fyrir sænska stórmeistaranum Hans Tikkanen (2560), fékk 5½ vinning og endaði í 13.-21. sæti.

Jafnir Henrik í 2.-5. sæti urðu Brynell, Tikkanen og finnski stórmeistarinn Heikki Westerinen (2350).

Árangur Henriks samsvaraði 2492 skákstigum og árangur Þrastar samsvaraði 2344 skákstigum.  Báðir lækka þeir lítis háttar á stigum, Henrik um 1 stig og Þröstur um 3 stig.

Atli Jóhann Leósson (1673) og Óskar Long Einarsson (1560) töpuðu báðir í lokaumferðinni og enduðu með 3 vinninga. 

Alls tóku 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik var þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results

Björn tapaði fyrir Conquest

Björn Þorfinnsson (2415) tapaði fyrir enska stórmeistaranum Stuart Conquest (2532) í mjög hvassri skák í 2. umferð alþjóðlega mótsins í Almini á Ítalíu sem fram fór í dag.  Björn hefur 1 vinning.   Þriðja umferð fer fram á morgun og hefst kl. 13.  Þá teflir Björn við Ítalann Samuel Tulio Pizzuto (2136).  

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

 

• Heimasíða mótsins 
• Beinar útsendingar

Henrik og Þröstur í efstu sætum fyrir lokaumferðina

Stórmeistararnir Henrik Danielsen (2545) og Þröstur Þórhallsson (2392) eru meðal efstu manna á Copenhagen Chess Challange en lokaumferðin hófst nú kl. 13.  Henrik sem gerði jafntefli í áttundu umferð við danska FIDE-meistarann Andres Skytte Hagen (2345) er í 1.-4. sæti með 6 vinninga en Þröstur sem vann  danska FIDE-meistarann Poul Rewitz (2289) er í 5.-10. sæti með 5½ vinning.

Sænsku stórmeistararnir Jonny Hector (2585), Stellan Brynell (2486) og áðurnefndur Hagen eru efstir ásamt Henrik.

Henrik mætir Brynell í lokaumferðinni en Þröstur teflir við sænska stórmeistarann Hans Tikkanen (2560).

Óskar Long Einarsson (1560) og  Atli Jóhann Leósson (1673) unnu báðir.  Þeir hafa 3 vinninga.

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results

Björn í beinni gegn Conquest frá Almini

Skák Björns Þorfinnssonar (2415) gegn enska stórmeistaranum Stuart Conquest (2532), sem hófst fyrir skemmstu, í alþjóðlega mótinu í Almini á Ítalíu er sýnd beint á vefsíðu mótsins.  

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

 

• Heimasíða mótsins 
• Beinar útsendingar