Héðinn með jafntefli í dag

Héðinn Steingrímsson (2569) gerði stutt jafntefli í morgun við þýska alþjóðlega meistarann Martin Kraemer (2508) í Þýsku bikarkeppninni.  Héðinn hlaut 1 vinning í þessum 2 skákum sem fram fór um helgina.  

Klúbbur Héðins, Hansa Dortmund, endaði í 3. sæti eftir sigur á Kraemer og félögum frá Berlín 2½-1½ í viðureign um 3. sæti. 

• Heimasíða mótsins
• Beinar útsendingar

 

Henrik með jafntefli gegn Hector - er í 1.-3. sæti

Stórmeistarinn Henrik Danielsen (2545) gerði jafntefli við sænska stórmeistarann Jonny Hector (2585) í 7. umferð Copenhagen Chess Challange sem fram fór í dag.  Henrik er efstur ásamt Hector og danska alþjóðlega meistaranum Andreas Skytte Hagen (2346).  Þröstur Þórhallsson (2392) gerði jafntefli við Svíann Philip Lindgren (2126).

Í áttundu og næstsíðustu umferð, sem fram fer í fyrramálið og hefst kl. 8, teflir Henrik við Hagen og Þröstur við danska FIDE-meistarann Poul Rewitz (2289).  Skáir beggja verða sýndar beint á vefsíðu mótsins.

Óskar Long Einarsson (1560) vann sína skák en Atli Jóhann Leósson (1673) gerði jafntefli.  Þeir hafa báðir 2 vinninga.

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results

Björn vann í fyrstu umferð í Alimini

Alþjóðlegi meistarinn Björn Þorfinnsson (2415) tekur þátt í alþjóðlegu móti í Alimini í Ítalíu sem hófst í dag.  Í fyrstu umferð vann Ítalann Massimilano Orsi (2037).  Önnur umferð fer fram á morgun og hefst kl. 13.  Gera má ráð fyrir að Björn verði í beinni útsendingu.

• Heimasíða mótsins 
• Beinar útsendingar

Héðinn gerði jafntefli við Meier í dag

Héðinn Steingrímsson (2569) gerði jafntefli í 14 leikjum við þýska stórmeistarann Georg Meier (2650) í Þýsku bikarkeppninni í dag.  Klúbbur Héðins, Hansa Dortmund, tapaði 1½-2½ fyrir Baden-Baden.  Á morgun  mætir Hansa Dortmund SF-Berlin 1903 í viðureign um þriðja sæti.  Héðinn teflir þá að öllum líkindum við þýska alþjóðlega meistarann Martin Kraemer (2508)

Viðureignin á morgun er fyrir árrisula og hefst kl. 8.  

• Heimasíða mótsins
• Beinar útsendingar

 

Stutt jafntefli í 3. einvígisskák Grischuk og Gelfand

Grsichuk og Gelfand gerðu jafntefli í aðeins 14 leikjum í 3. einvígisskákinni um réttinn til að mæta Anand í heimsmeistaraeinvígi á næsta ári.  Staðan í einvíginu er nú 1½-1½.  Fjórða skákin fer fram á mánudag og hefst kl. 11.

Alls tefla þeir sex skákir.  Frídagur er á sunnudag.   Verði jafnt verður teflt til þrautar í atskák og hraðskák. 

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

Henrik og Þröstur unnu báðir - Henrik í 1.-2. sæti

Stórmeistarinn Henrik Danielsen (2545) vann danska alþjóðlega meistarann Mads Andersen (2431) í sjöttu umferð sem fram fór í morgun.  Henrik er nú efstur með 5 vinninga ásamt sænska stórmeistaranum Jonny Hector (2585).  Þeir mætast í 7. umferð.    Þröstur vann Hollendinginn Lennart Ootes (2194) og er með 4 vinninga og er í 8.-20. sæti.  Þröstur mætir Svíanum Philip Lindgren (2126) í dag. Skáikr beggja eru sýndar beint en umferðin hófst kl. 13.

Atli Jóhann Leósson (1673) gerði jafntefli og hefur 2 vinninga en Óskar Long Einarsson (1560) og hefur 1 vinning.  

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results

4th New York International

Fjórða alþjóðlega New York skákmótið á vegum Marshall Chess Club verður haldið daganna 17.-21. júní nk.  9 umferðir telfdar á aðeins 4 dögum. Veglegur verðlaunasjóður og titiláfangar mögulegir. Dr. Frank Brandy sendir íslenskum skákmönnum kveðjur sínar og hvetur þá til þátttöku. Tæplega 300 keppendur hafa þegar skráð sig til leiks og vegna fjöld þátttakenda verður mótið haldið í húsakynnum St. John háskóla neðarlega á Manhattan. Nánar má lesa um mótið hér og skrá sig til leiks. http://www.marshallchessclub.org/tournaments/international2011

Héðinn í beinni frá Þýsku bikarkeppninni

Héðinn Steingrímsson (2569) situr nú að tafli í Þýsku bikarkeppninni fyrir klúbbinn sinn Hansa Dortmund.  Í undanúrslitum teflir Hansa við OSG Baden-Baden og teflir Héðinn við þýska stórmeistarannn stórmeistarann Georg Meier (2650).  Skákirnar hófust nú kl. 12 og er hægt að fylgjast með þeim beint á vefnum.

• Heimasíða mótsins
• Beinar útsendingar

 

Guðfinnur vann kaleikinn

Á lokakvöldi í Gallerý Skák í gærkvöldi vann Guðfinnur R. Kjartansson enn glæstan sigur með 9 vinningum af 11 mögulegum og fékk fagran en ekki beiskan kaleik í verðlaun fyrir góða frammistöðu í mótum vetrarins.  Ingimar Halldórsson varð annar með 8.5 v. og Kristinn Bjarnason þriðji með 8. Sigurður E. Kristjánsson, Grikklandsfari, varð i 4. sæti af 12 keppendum með 7.5 vinninga. 

Alls hafa verið haldin um 25 skákmót á leiktíðinni með góðri þátttöku.  Gunnar Kr. Gunnarsson varð hlutskarpastur í kappteflinu um  Patagóníusteininn  annað árið í röð, hlaut 34 stig, næstur í röðinni varð Ingimar Halldórsson og Gunnar Skarphéðinsson þríðji með 26 stig. Besti árangur í 4 mótum af sex töldust til stiga. 19 keppendur hlutu stig en 11 ekkert. Verðlaunaafhending hefur frestast vegna fjarveru sigurvegarans en úr því verður bætt á sérstöku sumarskákmóti við Selvatn á vegum Gallerýsins sem fyrirhugað er og verður nánar auglýst síðar.

Myndaalbúm mótins

Aðalfundur SÍ fer fram 28. maí

Aðalfundur SÍ fer fram 28. maí nk. Það liggur fyrir að Gunnar Björnsson, núverandi forseti SÍ gefur kost á sér til endurkjörs.Margvíslegar lagabreytingatillögur fyrir aðalfundinn og fylgja þær með sem viðhengi. Aðalfundarfulltrúar eru hvattir til að kynna sér tillögurnar.

Ársreikninga SÍ fyrir árið má finna hér:  http://skaksamband.is/?c=webpage&id=187&lid=301&option=links 

Skrár tengdar þessari bloggfærslu:

• Tillögur frá Halldóri Grétari
• Tillögur frá Hermanni
• Tillögur frá TV
• Tillögur frá Héðni
• Aðalfundarboðið