Henrik með 4 vinninga eftir 5 umferðir

Stórmeistarinn Henrik Danielsen (2545) vann báðar skákir sínar í dag og er með 4 vinninga af 5 á Copenhagen Chess Challenge. Hann er í 2.-6. sæti á mótinu, en efstur er sænski stórmeistarinn Stellan Brynell (2486) með 4½ vinning.

Kollegi hans, Þröstur Þórhallsson (2392),  fékk hálfan vinning úr viðureignum dagsins og er með 3 vinninga. Atli Jóhann Leósson (1673) og Óskar Long Einarsson (1560) tefldu báðir gegn stigahærri andstæðingum. Atli gerði jafntefli í fyrri skákinni við Torill Skytte (1993) en tapaði þeirri síðari gegn Agata Halamus (2047). Hann er með 1½ vinning. Óskar tapaði sínum skákum gegn mun stigahærri andstæðingum og er með 1 vinning. 

Á morgun verða tefldar 6. og 7. umferð.

Henrik hefur svart í sjöttu umferð gegn Mads Andersen (2431), en Þröstur hefur svart gegn Lennart Ootes (2194). 

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results

Meistaramót Skákskóla Íslands

Meistaramót Skákskóla Íslands fyrir starfsárið 2010/2011 hefst föstudaginn 27. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Hjörvar Steinn Grétarsson.   

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum10 sekúndum fyrir hvern leik. 

Kappskákir: 90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til at-skákstiga.

Verðlaun:

A:

1. verðlaun:

Meistaratitill Skákskóla Íslands 2010/2011 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

B:

Dagskrá:

1. umferð: Föstudagurinn 27.maí kl. 18  

2. umferð: Föstudagurinn 27.maí kl. 19

3. umferð. Föstudagurinn 27.maí kl. 20.

4. umferð: Laugardagurinn 28. maí kl. 10-14  

5. umferð: Laugardagurinn 28. maí 15 - 19

6. umferð: Sunnudagurinn 29. maí kl. 10.-14.

7. umferð: Sunnudagurinn 29. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

 

 

Grischuk - Gelfand: 1-1

Í dag mættust Grischuk og Gelfand í annarri einvígisskákinni um réttinn til að mæta Anand í heimsmeistaraeinvígi á næsta ári.  Gelfand hafði hvítt en þótt Grischuk fengi álitlega stöðu hélt Gelfand taflinu í spennandi skák og jafntefli var samið eftir 59 leiki. Staðan í einvíginu er því 1-1.

Þriðja skák einvígisins fer fram á morgun og hefst kl. 11.

Alls tefla þeir sex skákir.  Frídagur er á sunnudag.   Verði jafnt verður teflt til þrautar í atskák og hraðskák. 

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

Róbert Lagerman tilnefndur til verðlauna Heimilis og skóla fyrir skákkennslu í leikskólum!

Róbert Lagerman skákmeistari er tilnefndur til Foreldraverðlauna Heimilis og skóla, fyrir kennslustarf sem hann hefur unnið í leikskólanum Njálsborg á vegum Skákakademíu Reykjavíkur. Katrín Jakobsdóttir menntamálaráðherra veitir verðlaunin við hátíðlega athöfn í Þjóðmenningarhúsinu á þriðjudag. 
 
Þetta er verðskulduð viðurkenning á starfi Róberts og Skákakademíunnar við að breiða út fagnaðarerindi skáklistarinnar meðal yngstu íbúa Reykjavíkur. Róbert hefur síðustu ár heimsótt reglulega leikskólana Njálsborg, Hlíðarborg, Barónsborg og Lindarborg, og er óhætt að segja að hann hafi slegið í gegn hjá börnunum.
 
Þá hefur Róbert staðið fyrir sýningum á skáklistaverkum barnanna, m.a. í Listasafni Reykjavíkur og Ráðhúsinu.
 
Skákakademía Reykjavíkur hefur sett sér það markmið að heimsækja alla leikskóla Reykjavíkur á næsta skólaári, auk þess sem Róbert mun áfram standa fyrir reglulegum heimsóknum í nokkra leikskóla.

Akhressir öðlingar - pistill Jón Þorvalds um Öðlingamótið 2011.

Jón Þorvaldsson skrifar skemmtilegan pistil um öðlingamót TR á heimasíðu Goðans.  Í pistlinum segir Jón m.a.:

Nýafstaðið Öðlingamót, sem reyndar var 20 ára afmælismót þessa árlega viðburðar, hafði flest til að bera sem prýða má skemmtileg skákmót. Þátttaka var góð, fjörutíu sprækir skákmenn, margir hverjir afar öflugir, en aðrir ekki síður skeinuhættir sjálfum sér en andstæðingnum, tókust á af snerpu. Þó að hart væri barist er skemmtilegt samneyti, spjall og spaug snar þáttur í vinsældum mótsins. Skákmenn eru nefnilega miklu viðræðusleipari og spaugsamari en margur hyggur þegar þeir hrista af sér stríðshaminn og trans einbeitingar að skák lokinni. 

Pistilinn má finna í heild sinni hér:  http://www.godinn.blog.is/blog/godinn/entry/1167724/

Stefán Þór sigraði örugglega á fimmtudagsmóti

Stefán Þór Sigurjónsson gaf engin grið á fimmtudagsmóti gærdagsins; vann með fullu húsi og var búinn að tryggja sigurinn fyrir síðustu umferð. Að öðru leyti var keppnin býsna jöfn eins og sést á úrslitunum hér að neðan; keppendur, sem nutu góðs af veitingum Birnu frá hraðskákmóti öðlinga frá því kvöldið áður í kaffihléinu,  voru duglegir að kraka heila og hálfa vinninga hver af öðrum. Síðasta fimmtudagsmót vetrarins verður svo næsta fimmtudagskvöld, þ.e. 26. maí.

Úrslit í gærkvöldi urðu annars:   

 

1   Stefán Þór Sigurjónsson                       7        17.0  23.5   28.0

2   Jorge Fonseca                                        5.5      18.5  28.5   23.0

3   Elsa María Kristínardóttir                     4.5      18.5  27.0   18.0

 4-7  Jón Úlfljótsson                                    3.5      20.0  28.5   13.5

      Gunnar Ingibergsson                            3.5      19.0  27.0   16.0

      Hilmir Freyr Heimisson                         3.5      15.5  22.0   15.5

      Áslaug Kristinsdóttir                              3.5      15.5  22.0   13.0

 8-9  Björgvin Kristbergsson                       3        19.0  27.5   11.0

      Gauti Páll Jónsson                                  3        14.0  18.5    9.5

 10   Veronika Steinunn Magnúsdóttir     2.5      16.0  24.0    8.5

 11   Eyþór Trausti Jóhannsson,                 1.5      15.5  21.0    5.0

 12   Donika Kolica                                       1        16.0  24.5    7.0

      

Áskell sprettharður í e-riðli

E- riðill, sem jafnframt var lokariðill firmakeppni Skákfélags Akureyrar var tefldur í kvöld. Níu skákmenn mættu til leiks og tefldu einfalda umferð, allir við alla.  Fjölmörg fyrirtæki taka þátt í keppninni og þurfti því að skipta þeim niður á 5 riðla svo öll kæmust að. Efstu 3 í hverjum riðli halda svo áfram í úrslitakeppni, n.k. sunnudag, þar sem teflt verður um titilinn.

Úrslit kvöldsins urðu á þá leið að Jón Sprettur (Áskell Örn) var efstur með 7,5 vinninga af 8 mögulegum. Slippurinn (Sigurður Arnarson) er í öðru sæti með 6 vinninga og Amaro Heildverslun (Mikael Jóhann) og Emmess (Smári Ólafsson) eru jöfn í þriðja til fjórða sæti með  5,5 vinninga. Öðrum úrslitum er lýst hér að neðan.

Þröstur með 2½ vinning eftir 3 umferðir í Köben

Stórmeistarinn Þröstur Þórhallsson (2392) er með 2½ vinning 3 umferðir á Copenhagen Chess Challange en tvær umferðir voru tefldar í dag.  Þröstur fékk í þeim 1½ vinning gegn stigalægri andstæðingum.  Henrik Danielsen (2545) fékk 1½ vinning í skákum dagsins, einnig gegn stigalægri andstæðingum, og hefur 2 vinninga.  Atli Jóhann Leósson (1673) og Óskar Long Einarsson (1560) hafa báðir náð ágætis úrslitum gegn stigahærri mönnum og hafa 1 vinning.

Á morgun verða tefldar 4. og 5. umferð.  Pörun 4. umferðar verður bætt inn í fréttina þegar hún liggur fyrir.

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi. 

 

• Heimasíða mótsins
• Skákirnar í beinni
• Chess-Results

Jafntefli hjá Grischuk og Gelfand

Jafntefli varð í fyrstu skák úrslitaeinvígis Grischuk og Gelfand um réttinn til að mæta Anand í heimsmeistaraeinvígi á næsta ári.  Grischuk hafði hvítt og fékk fljótlega betra tafl en aldrei nóg til þess að innbyrða vinninginn og var jafntefli samið eftir 49 leiki.  Önnur skák einvígisins fer fram á morgun og hefst kl. 11.

Alls tefla þeir sex skákir.  Frídagur er á sunnudag.   Verði jafnt verður teflt til þrautar í atskák og hraðskák. 

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

Ársreikningar SÍ 2010

Ársreikningar Skáksambambands Íslands fyrir árið 2010 liggja nú fyrir.  Rekstrarhagnaður SÍ á árinu 2010 voru rúmar 900.000 í stað tæplega 400.000 kr. rekstrartaps 2009. 

Reikningarnir fylgja með sem viðhengi í excel.  Bent er á að hver liður ársreikningsing (tekjur, gjöld, eignir, skuldir og sundurliðun) er í sérflipa (sheet).

 

 

Skrár tengdar þessari bloggfærslu:

• Ársreikningur SÍ 2010