Aðalfundur Taflfélags Reykjavíkur

Aðalfundur Taflfélags Reykjavíkur verður haldinn mánudaginn 30. maí kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Stjórn T.R.

 

Stigamót Hellis fer fram 1.-3. júní

Stigamót Taflfélagsins Hellis verður haldið í níunda sinn sinn dagana 1.-3. júní.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning fer fram á heimasíðu Hellis.  Upplýsingar um skráða keppendurm má nálgast hér: https://spreadsheets.google.com/spreadsheet/ccc?key=0Arg3nCphWhFydGF0N1FYQ0tmTWI1QkpIQk0yQ3lMamc&authkey=CLftmi0&hl=en_US#gid=0

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Guðmundur Gíslason.

Umferðatafla:

• 1.-4. umferð, miðvikudaginn 1. júní (19:30-23:30)
• 5. umferð, fimmtudaginn 2. júní (11-15)
• 6. umferð, fimmtudaginn 2. júní (17-21)
• 7. umferð, föstudaginn 3. júní (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• •1.-4. umferð: 20 mínútur + 5 sekúndur á leik
• •5.-7. umferð: 1½ klst. + 30 sekúndur á leik

Björn með sigur í sjöttu umferði í Alimini

Alþjóðlegi meistarinn Björn Þorfinnsson (2415) vann Tatiana Plachkinova (2137), sem er alþjóðlegur meistari kvenna, í sjöttu umferð alþjóðlega mótsins í Alimini á Ítalíu sem fram fór í dag.  Björn hefur 3½ vinning.

Sjöunda umferð fer fram á morgun og hefst kl. 13. 

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

• Heimasíða mótsins 
• Beinar útsendingar

Gelfand mætir Anand

Þar kom að því.  Hrein úrslit urðu í sjöttu og síðustu einvígisskák Gelfand og Grischuk er sá fyrrnefndi hafði sigur og nokkuð öruggan.  Gelfand sigraði því einvíginu 3½-2½ og mætir Anand í heimsmeistaraeinvígi á næsta ári.

Rétt er að benda á að Henrik Danielsen er með daglegar skákskýringar á Chessdom. 

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Aðalfundur SÍ fer fram 28. maí

Aðalfundur SÍ fer fram 28. maí nk. Það liggur fyrir að Gunnar Björnsson, núverandi forseti SÍ gefur kost á sér til endurkjörs. Margvíslegar lagabreytingatillögur fyrir aðalfundinn og fylgja þær með sem viðhengi. Aðalfundarfulltrúar eru hvattir til að kynna sér tillögurnar.

Skrár tengdar þessari bloggfærslu:

• Tillögur frá Halldóri Grétari
• Tillögur frá Héðni
• Tillögur frá TV
• Tillögur frá Hermanni
• Aðalfundarboðið

Keppendur á Skákskólamótinu fá bókargjöf frá Sigurbirni bóksala

Sigurbjörn Björnsson, skákbókasali með meiri, hefur ákveðið að gefa öllum keppendum á Meistaramóti skákskólans skákbók að gjöf 

Bækurnar sem um ræðir eru Winning chess explained eftir Zenon Franco http://www.gambitbooks.com/books/winning.html og Creative chess opening preparation eftir Eingorn http://www.gambitbooks.com/books/creatopprep.html.

Meistaramót Skákskólans hefst kl. 18 og á föstudag eins og nánar má lesa um hér annarsstaðar á Skák.is. 

 

Björn tapaði í fimmtu umferð í Alimini

Alþjóðlegi meistarinn Björn Þorfinnsson (2415) tapaði fyrir serbneska stórmeistarann Sinisa Drazic (2486) í fimmtu umferð alþjóðlega mótsins í Alimini á Ítalíu sem fram fór í dag.  Björn hefur 2½ vinning og er í 18.-25. sæti.

Stórmeistararnir Sabino Brunello (2537) og Michele Godena (2528) Ítalíu, Artur Kogan (2556), Ísrael, og alþjóðlegu meistararnir Fabio Bruno (2459), Ítalíu, og Claude Adrian (2512), Frakklandi, eru efstir með 4 vinninga.  

Sjötta umferð fer fram á morgun og hefst kl. 13.  Þá teflir Björn við Tatiana Plachkinova (2137), sem er alþjóðlegur meistari kvenna.

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

• Heimasíða mótsins 
• Beinar útsendingar

Meistaramót Skákskóla Íslands hefst á föstudag

Meistaramót Skákskóla Íslands fyrir starfsárið 2010/2011 hefst föstudaginn 27. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Hjörvar Steinn Grétarsson.   

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum10 sekúndum fyrir hvern leik. 

Kappskákir: 90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til at-skákstiga.

Verðlaun:

A:

1. verðlaun:

Meistaratitill Skákskóla Íslands 2010/2011 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

B:

Dagskrá:

1. umferð: Föstudagurinn 27.maí kl. 18  

2. umferð: Föstudagurinn 27.maí kl. 19

3. umferð. Föstudagurinn 27.maí kl. 20.

4. umferð: Laugardagurinn 28. maí kl. 10-14  

5. umferð: Laugardagurinn 28. maí 15 - 19

6. umferð: Sunnudagurinn 29. maí kl. 10.-14.

7. umferð: Sunnudagurinn 29. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

 

 

Óstutt jafntefli hjá Grischuk og Gelfand

Grischuk og Gelfand gerðu jafntefli í 39 leikjum í 5. einvígisskákinni um réttinn til að mæta Anand í heimsmeistaraeinvígi á næsta ári.  Öllum skákunum hefur lokið með jafntefli og því er staðan 2½-2½.  Sjötta og síðasta skákin, með hefðbundnum umhugsunartíma fer fram á morgun og hefst kl. 11. 

Þeir félagarnir er því sem fyrr taplausir í áskorendaeinvígunum.  Grischuk hefur gert 13 jafntefli í 13 kappskákum en Gelfand „aðeins“ 12 jafntefli í jafnmörgum kappskákum.   

Alls tefla þeir sex kappskákir.  Verði jafnt verður teflt til þrautar í atskák og hraðskák á fimmtudag. 

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Sumarnámskeið í skák fyrir börn og unglinga

Skákakademía Reykjavíkur efnir í sumar til skáknámskeiða fyrir börn og unglinga á grunnskólaaldri. Þátttakendum er skipt í flokka eftir aldri og reynslu. Námskeiðin hefjast 6. júní og standa til 19. ágúst.

Hver flokkur verður á 2-3 æfingum í viku, 1,5-2 tíma í senn. Byrjendur æfa tvisvar í viku en hinir reyndari þrisvar. Æfingarnar fara fram milli kl. 10 og 18 í húsakynnum Skákakademíu Reykjavíkur, Tjarnargötu 10a (rétt við Ráðhúsið) og meðal kennara eru skákmeistararnir Stefán Bergsson, Róbert Lagerman, Hjörvar Steinn Grétarsson, Björn Ívar Karlsson, Bragi Þorfinnsson og Guðmundur Kjartansson. Verð er á bilinu 12-20.000 kr. fyrir allt sumarið.

Á námskeiðunum verður hvoru tveggja mikið lagt upp úr taflmennsku og þjálfun. Þegar viðrar vel mun kennslan að einhverju leyti fara fram utandyra og má búast við miklu lífi og fjöri í kringum útitaflið við Lækjargötu.

Skráning er hafin á www.skak.is. Nánari upplýsingar á www.skakakademia.is og hjá Stefáni Bergssyni, framkvæmdastjóra Skákakademíunnar í síma 8637562.