Björn með jafntefli í næstsíðustu umferð

Alþjóðlegi meistarinn Björn Þorfinnsson (2415) gerði jafntefli við  franska alþjóðlega meistarann Claude Adrian (2267) í 8. og næstsíðustu umferð alþjóðlega mótsinsí Alimini sem fram fór í dag.   Björn hefur 4½ vinning og er í 12.-18. sæti.

Ítalski stórmeistarinn Sabino Brunello (2537) og indverski alþjóðlegi meistarinn Luca Shytaj (2494) eru efstir með 6 vinninga.  

Níunda og síðasta umferð fer fram á morgun og hefst kl. 7, takk fyrir!  Þá teflir Björn við þýska stórmeistarann Igor Glek (2424)

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

• Heimasíða mótsins 
• Beinar útsendingar

Skákpólítík: Föst skot á milli forseta ECU og varaforseta FIDE

Silvio Danilov skýtur föstum á FIDE í opnum bréfi sem birtist í fyrradag. Nefnir hann þar litla athygli sem áskorendaeinvígin fengu, lélegt fyrirkomulag og fjölda jafntefla. Georgios Makropoulos, varaforseti FIDE, svarar kröftugleika í dag og segir Danilov vera að misnota aðstöðu sína sem forseti ECU þar sem hann hyggist bjóða sem fram forseta FIDE 2014.

Bréfaskrif þeirra má nálgast á ChessBase, http://chessbase.com/newsdetail.asp?newsid=7254.

Hraðskákmót Hellis fer fram á mánudag

Hraðskákmót Hellis verður haldið mánudaginn 30. maí nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 16.000.  Tefldar verða 7 umferðir 2*5 mínútur.  Núverandi hraðskákmeistari Hellis er Davíð Ólafsson. Þetta er í sextánda sinn sem mótið fer fram.  Björn Þorfinnsson hefur hampað titlinum oftast eða fjórum sinnum.  Verðlaun skiptast svo:

1. 8.000 kr.
2. 5.000 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson

Meistaramót Skákskóla Íslands hefst í dag

Meistaramót Skákskóla Íslands fyrir starfsárið 2010/2011 hefst föstudaginn 27. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Hjörvar Steinn Grétarsson.   

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum10 sekúndum fyrir hvern leik. 

Kappskákir: 90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til at-skákstiga.

Verðlaun:

A:

1. verðlaun:

Meistaratitill Skákskóla Íslands 2010/2011 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

B:

Dagskrá:

1. umferð: Föstudagurinn 27.maí kl. 18  

2. umferð: Föstudagurinn 27.maí kl. 19

3. umferð. Föstudagurinn 27.maí kl. 20.

4. umferð: Laugardagurinn 28. maí kl. 10-14  

5. umferð: Laugardagurinn 28. maí 15 - 19

6. umferð: Sunnudagurinn 29. maí kl. 10.-14.

7. umferð: Sunnudagurinn 29. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

 

 

Jón Kristinn sigraði á Coca Cola-mótinu

Hið árlega Coca Cola hraðskákmót SA fór fram í kvöld. Bar þar helst til tíðinda að nýkrýndur íslandsmeistari, Jón Kristinn Þorgeirsson, sigraði „gömlu" mennina af fádæma öryggi, fékk alls 10,5 vinninga af 12 mögulegum og tapaði ekki skák!  Þór Már Valtýsson kom næstur með 7 vinninga og Sigurður Eiríksson þriðji með 5 vinninga.

 

 

 

Lokastaðan

Jón Kristinn Þorgeirsson                                           10,5 af 12.
Þór Már Valtýsson                                                    7
Sigurður Eiríksson                                                     5
Tómas Veigar Sigurðarson                                        4
Haki Jóhannesson                                                      4

Magnús sigraði á síðasta fimmtudagsmóti vetrarins í TR

Magnús Sigurjónsson hafði sigur á fimmtudagsmóti í kvöld. Eini keppandinn sem náði að sigra Magnús var sá  yngsti, Vignir Vatnar Stefánsson. Með því náði Vignir líka öðru sætinu en þess má geta að honum voru veitt verðlaun um kvöldið bæði fyrir bestan árangur í sínum aldursflokki á laugardagsæfingum í TR, sem og bestu mætingu. Þar með er er lokið fimmtudagsmótahrinunni á þessum vetri en þráðurinn verður tekinn upp aftur í september. Úrslit í gærkvöldi urðu annars sem hér segir:  

 

1   Magnús Sigurjónsson                     5.5    

 2-3  Vignir Vatnar Stefánsson            5       

      Eiríkur K. Björnsson                        5       

 4-5  Jón Úlfljótsson                              4.5     

      Elsa María Kristínardóttir              4.5     

 6-8  Áslaug Kristinsdóttir                   3.5     

      Finnur Kr. Finnsson                        3.5     

      Ragnar Hermannsson                    3.5    

9-11  Óskar Long Einarsson                2      

      Björgvin Kristbergsson                  2       

      Guðmundur G. Guðmundsson     2     

 12   Pétur Jóhannesson                       1    

Björn með jafntefli í sjöundu umferð í Alimini

Alþjóðlegi meistarinn Björn Þorfinnsson (2415) gerði jafntefli við serbneska alþjóðlega meistarann Gojko Leketic (2442) í sjöundu umferð alþjóðlega mótsins í Alimini sem fram fór í dag.   Björn hefur 4 vinninga og er í 11.-18. sæti.  

Í áttundu og næstsíðustu umferð sem fram fer á morgun og hefst kl. 13 teflir Björn við franska alþjóðlega meistarann Claude Adrian (2267). 

42 skákmenn taka þátt í efsta flokki og þar af 9 stórmeistarar.  Björn er nr. 15 í stigaröð keppenda.   Allir skákir hverrar umferðar eru sýndar beint. 

• Heimasíða mótsins 
• Beinar útsendingar

Landsmót UMFÍ 50+ á Hvammstanga 24.-26. júní

Landsmót UMFÍ 50 + verður haldið á Hvammstanga helgina 24. - 26. júní. UMFÍ hefur haldið fjölmörg Landsmót í gegnum tíðina. Nú er kominn tími til að þeir sem eru 50 ára og eldri fáið að njóta sín á Landsmóti. Aldrei áður hefur verið haldið Landsmót fyrir 50 ára og eldri því er um stórviðburð að ræða.

Mótið er fjölskylduhátíð með fjölbreyttri dagskrá aðal áhersla er lögð á gleði og hafa gaman. Ásamt keppni í hinum ýmsu íþróttagreinum verða fyrirlestrar og sýningahópar. Allir, jafnt ungir sem eldri, eiga að finna eitthvað við sitt hæfi þessa helgi sem mótið fer fram. 

Framkvæmd mótsins verður í höndum Ungmennafélags Íslands og USVH í samstarfi við sveitarfélagið Húnaþing vestra. Aðrir samstarfsaðilar að mótinu eru Félag áhuga fólks um íþróttir aldraðra og Landssamband eldri borgara. 

Keppnisgreinar á mótinu verða : Línudans,Blak, Bridds, Boccia, Badminton, Frjálsar íþróttir, Fjallaskokk, Hestaíþróttir, Golf, Pútt, Skák, Sund, þríþraut. 

Aðstaða á Hvammstanga til íþróttaiðkana er góð.  Húnaþing vestra rekur íþróttamiðstöð á Hvammstanga. Íþróttahús var byggt við búningsaðstöðu og sundlaug á árunum 2001 og 2002. Íþróttamiðstöð Húnaþings vestra var svo formlega opnuð þann 4. september 2002. Þá er þar risin glæsileg reiðhöll.

Frekari upplýsingar um mótið er að finna á  www.landsmotumfi50.is

Skákfélag Íslands hafði betur gegn SSON

Það voru 7 sprækir skákfélagsmenn sem mættu austur um heiðar í gærkvöldi í þeim tilgangi að etja kappi við Selfyssinga og nærsveitunga.  Fyrir þeim skákfélagsmönnum fór hinn kunni skákfrömuður Kristján Örn Elíasson sem ekki aðeins hafði komið mannskap sínum í rétta gírinn fyrir viðureignina heldur kom einnig hlaðinn bókum sem hann deildi út meðal keppenda að loknu móti.

Tefld var tvöföld umferð 5 mínútna skákir.

Selfyssingar töldu fyrir viðureignina að þeir þyrftu að eiga mjög góðan dag til að eiga roð í SFÍ-inga.  Hann áttu þeir ekki og fóru lærisveinar KÖE með öruggan sigur 65-33.

Bestum árangri gestanna náði Patrekur Maron sem fékk 13 vinninga af 14, Kristján Örn var með 12,5 og Páll hinn halti Andrason 12.  Bestir heimamanna voru Ingimundur með 7,5, Erlingur Jensson með 6,5 og Ingvar Örn með 6 vinninga.

Selfyssingar þakka skákfélagsmönnum kærlega fyrir komuna og vonast til að geta endurgoldið heimsóknina þegar SFÍ menn hafa keypt sér félagsheimili.

• Heimasíða SSON
• Myndaalbúm mótsins

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin