Styttist í TORG- skákmót Fjölnis

TORG - skákmót Fjölnis verður haldið laugardaginn 27. nóvember í verslunarmiðstöðinni Hverafold 5 í Grafarvogi. Mótið hefst kl. 11:00 og því lýkur með glæsilegri verðlaunaafhendingu og happadrætti kl. 13:00. Mótið var afar fjölsótt í fyrra en þá tóku rúmlega 60 grunnskólanemendur þátt,  þar á meðal allir þeir bestu og efnilegustu. Tefldar verða sex umferðir og umhugsunartíminn er sjö mínútur.

Það er skákdeild Fjölnis sem heldur mótið en fyrirtækin á Torginu í Hverafold gefa vinninga og veitingar. Allt stefnir í að fjöldi verðlauna verði rúmlega 30 og eiga því þátttakendur góða von um verðlaun eða happadrættisvinninga. NETTÓ Hverafold býður öllum þátttakendum upp á ókeypis veitingar í skákhléi auk þess sem verslunin gefur vinninga og þrjá eignarbikara til þeirra sem verða efstir í sínum flokki.

Önnur fyrirtæki sem gefa vinninga eru Pizzan, Foldaskálinn (hamborgaratilboð), Arion banki, Runni - Stúdíóblóm, Hárgreiðslustofan Höfuðlausnir, Bókabúðin Grafarvogi og Smíðabær. Skákdeild Fjölnis hvetur alla áhugasama skákmenn á öllum grunnskólaaldri að gera sér ferð í Grafarvoginn laugardagsmorguninn 27. nóvember og taka þátt í TORG - skákmótinu þar sem teflt er á opnu rými verslunarmiðstöðvarinnar, gestum og gangandi til yndisauka. Skráning á staðnum. Þátttakendur beðnir um að koma tímanlega til skráningar.

Tuttugu og sjö á afmælismóti Hrafns - Róbert sigraði

Góð mæting var á afmælismót Hrafns Jökulssonar sem Skákfélag Vinjar hélt pilti til heiðurs í Rauðakrosshúsinu, Borgartúni 25, í gær. Hrafn krækti í fertugasta og fimmta árið þann 1. nóv. og fimmta sætið á mótinu enda einvalalið sem tók þátt.

Gunnar Björnsson, forseti, startaði mótinu með því að leika fyrsta leikinn fyrir Hrafn gegn hinum eitilharða Birni Sigurjónssyni og tónninn gefinn. Teflt var djarft og glæsilegir sigrar - og ósigrar - litu dagsins ljós og reyndi á skákstjórann Róbert Lagerman í einhverjum tilfellum. Reyndar við borðið líka, en stjórinn hélt haus og Tómas Björnsson var sá eini sem náði jafntefli við kappann.

Hinn ungi og grjótharði Páll Andrason gerði svo jafntefli við Tómas í lokaumferðinni og tryggði sér þriðja sætið og Róberti það fyrsta.

Bragi Kristjónsson, náfrændi Hrafns, og þeir Ari Gísli og Eiríkur í Bókinni ehf, styrktu mótið þannig að allir þátttakendur fengu bók "með sál" þar sem þemað var: vesturbærinn, Grænland og Strandir. Auk þess gáfu þeir afmælisdrengnum glæsta ljóðabók Dags Sigurðarsonar.

Tefldar voru sjö umferðir með sjö mínútna umhugsunartíma í skemmtilegu andrúmslofti þar sem prjónahópur hélt uppi fjörinu í einu horninu, Þór Gíslason var með ljósmyndanámskeið í öðru og Jón Bjarni Bjarnason, markþjálfi kom gestum hússins í gírinn eftir það.

Úrslit:

• 1.       Róbert Lagerman                     6,5
• 2.       Tómas Björnsson                      6
• 3.       Páll Andrason                            5
• 4.       Gunnar Freyr Rúnarsson         5
• 5.       Hrafn Jökulsson                        5
• 6.       Birgir Berndsen                         5
• 7.       Björn S. Sigurjónsson               4,5

með fjóra voru: Bjarni Hjartarson, Ágúst Örn Gíslason, Sigurður Leósson, Þormar Jónsson, Ásgeir Sigurðsson og Lúðvík Sverrisson.

með þrjá og hálfan: Eiríkur Örn Brynjarsson og Jón Víglundsson.

með þrjá: Gunnar Nikulásson, Guðmundur Valdimar Guðmundsson, Hinrik Páll Friðriksson, Knútur Ottested og Inga Birgisdóttir.

með tvo og hálfan: Einar S. Einarsson, Gunnar Gestsson og Grétar Sigurólason.

með tvo: Arnar Valgeirs, Edgar Smári Atlason og Jón Gauti Magnússon.

Þorvarður F. Ólafsson hóf mót en varð því miður að hætta fljótlega.

Myndaalbúm mótsins

Atskákmót öðlinga

Atskákmót öðlinga, 40 ára og eldri, hefst miðvikudaginn 17. nóvember kl. 19:30 í félagsheimili T.R. að Faxafeni 12.   Tefldar verða 9 umferðir eftir svissneska kerfinu, þrjár skákir á kvöldi með umhugsunartímanum 25 mínútum á skák.

Mótinu er svo framhaldið miðvikudagana 24. nóv og 1. des á sama tíma.

Veitt eru verðlaun fyrir þrjú efstu sætin.

Þátttökugjald er kr. 2.000 (ljúffengt kaffi innifalið).

Núverandi atskákmeistari er Þorsteinn Þorsteinsson.

Skráningarform á heimasíðu TR.

Upplýsingar um skráða keppendur má nálgast hér.  

Skákþing Garðabæjar

Skákþing Garðabæjar er 30 ára afmælismót félagsins en félagið á afmæli 2 dögum fyrir mót.   Skákþingið hefst föstudaginn 19. nóvember.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður er Garðatorg 1 (Gamla Betrunarhúsið). gengið inn um inngang nr. 8 á torgið að hliðinu til inn um dyr til hægri og upp á 2 hæð. Best er að aka meðfram Hönnunarsafninu til að komast að innganginum. 

Umferðatafla:

• 1. umf. Föstudag 19. nóv kl. 19.00.
• 2. umf.  Þriðjudag 23. nóv. kl. 19.30
• 3. umf. Föstudag 3. des. kl. 19.00
• 4. umf. Miðvikudag. 8. des. kl. 19.00
• 5. umf. Föstudag 10. des. kl. 19.00
• 6. umf. Miðvikudag 15. des. kl. 19.00
• 7. umf. Föstudag 17. des. kl. 19.00

Keppnisfyrirkomulag er Svissneskt kerfi. 
Tímamörk eru 90 mínútur og 30 sek sem bætist við hvern leik. 

Verðlaun auk verðlaunagripa:

• 1. verðlaun. 25 þús. 
• 2. verðlaun 10 þús.
• 3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4.000 kr. 
Mótið er um leið skákþing Taflfélags Garðabæjar. (keppt er um titilinn ef jafnt)


Aukaverðlaun:   

• Efstur 16 ára og yngri.(1994=< x):     Bókarvinningur auk grips. 

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun. 

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld	Félagsmenn	Utanfélagsmenn
Fullorðnir	2500 kr	3500 kr
Unglingar 17 ára og yngri	Ókeypis	2000 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni á heimasíðu TG eða í síma 860 3120. 

Skákstjóri er Páll Sigurðsson

Skákmeistari Garðabæjar 2009 var Páll Sigurðsson.

• Heimasíða TG (skráningarform)
• Chess-Results
• Skráðir keppendur

Afmælismót til heiðurs Hrafni Jökulssyni í Rauðakrossahúsinu í dag

Í tilefni þess að skákfrömuðurinn Hrafn Jökulsson átti hálft stórafmæli nýlega, heldur Skákfélag Vinjar afmælismót piltinum til heiðurs.

Mótið verður haldið á mánudaginn, 15. nóv. í Rauðakrosshúsinu, Borgartúni 25 og hefst kl. 13:30.

Hrafn var upptekinn á afmæli sínu þann 1. nóvember en nú er komið að því semsagt.

Hrafn Jökulsson- ásamt liðsmönnum Hróksins- setti upp mót með gestum Vinjar auk nokkurra erlendra meistara árið 2003. Þó skákborð hafi lengi verið til á svæðinu varð ekki aftur snúið eftir viðburðinn sem var upphafið að mánudagsæfingum í athvarfinu sem síðar varð að stofnum alvöru félags. Nú er Skákfélag Vinjar með tvö lið á Íslandsmótinu. Já, og yfir fjörutíu félagsmenn.

Fyrr á árinu gekk þessi ungi maður einmitt til liðs við Skákfélag Vinjar og teflir með A liði félagsins í þriðju deild.

Frændi Hrafns, Bragi Kristjónsson bóksali kemur að afmælismótinu með skemmtilegum hætti, en hann og fólkið hans í Bókinni.ehf hefur tekið til bækur "með sál" þar sem svæði sem eiga stað í hjarta afmælisbarnsins eru í öndvegi: vesturbærinn, Strandir og Grænland. Fá allir þátttakendur bók í afmælisgjöf.

Að sjálfsögðu tekur varaforseti Hróksins, Róbert Lagerman að sér skákstjórn í móti þar sem tefldar verða sjö umferðir með sjö mínútna umhugsunartíma. Svo er alltaf heitt á könnunni í Rauðakrosshúsinu.

Skákáhugafólk hvatt til að mæta á fyrsta afmælismótið sem fram fer í Rauðakrosshúsinu, Borgartúni 25 og taka þátt í litlu og skemmtilegu ævintýri Hrafni til heiðurs.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 15. nóvember og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Friðrik Þjálfi unglingameistari TR - Veronika Steinunn stúlknameistari TR 2010

Barna- og unglingameistaramót Taflfélags Reykjavíkur sem og Stúlknameistaramóts félagsins fór fram í dag, 14. nóvember, í taflheimili félagsins Faxafeni 12. Keppt var í einum flokki og voru 7 umferðir tefldar eftir svissnesku kerfi en umhugsunartíminn var 15 mínútur á skák. Skákmótið var opið fyrir keppendur 15 ára og yngri og tóku 26 krakkar þátt: þar af 16 úr Taflfélagi Reykjavíkur, 7 úr Skákdeild Fjölnis, 2 úr Skákfélagi Íslands. Veitt voru verðlaun fyrir þrjú efstu sætin, en auk þess fyrir þrjár efstu stúlkurnar. Félagsmenn í TR kepptu einnig um titilinn Unglingameistari T.R. og Stúlknameistari T.R. Að auki voru veitt verðlaun fyrir þrjú efstu sætin í flokki 12 ára og yngri.

Skákmótið var einkar skemmtilegt og fór mjög svo prúðmannlega fram. Keppendur báru sig mjög fagmannlega að á skákstað og voru til fyrirmyndar í alla staði. Greinilega krakkar sem tefla mikið!

Eftir fjórðu umferð bauð Taflfélagið keppendum upp á pizzu og gos og gerði það mikla lukku! Skákstjórar gátu þess að þetta væri svo að segja 110 ára afmælisveisla félagsins fyrir krakkana og þá átti mjög vel við að slá upp "pizzupartý"  í miðju skákmóti!

Sigurvegari mótsins varð TR-ingurinn hæfileikaríki Friðrik Þjálfi Stefánsson og hann varð þar með einnig Unglingameistari T.R. 2010. Sigurvegari í stúlknaflokki var hin unga og efnilega Nancy Davíðsdóttir, Fjölni, sem tefldi af mikilli einbeitni og ákveðni. Í öðru sæti varð Veronika Steinunn Magnúsdóttir, sem einnig varð efst T.R. stúlkna og þar með Stúlknameistari T.R. 2010. Veronika Steinunn hefur verið mjög virk í skákinni að undanförnu og sýnt miklar framfarir.

Í flokki 12 ára og yngri sigraði svo Vignir Vatnar Stefánsson, T.R., sem aðeins er 7 ára gamall. Það er gaman að geta þess að langalangafi Vignis Vatnars var Pétur Zóphaníasson, sem var einn af stofnendum Taflfélags Reykjavíkur 6. október 1900! En það hangir einmitt mynd af honum í salnum í T.R. En faðir Vignis er Stefán Már Pétursson, sem er þá langafabarn Péturs Zóphaníassonar. Stefán Már varð á dögunum Hraðskákmeistari T.R. og var honum afhendur bikar fyrir þann sigur í lok mótsins í dag og voru það því sigursælir skákfeðgar sem náðust á mynd í dag!

Skákstjórar voru Torfi Leósson og Sigurlaug Regína Friðþjófsdóttir. Elín Guðjónsdóttir aðstoðaði við pizzupartýið og Jóhann H. Ragnarsson tók myndir.

Úrslit skákmótsins urðu annars sem hér segir:

•   1 Friðrik Þjálfi Stefánsson , T.R. 6 v. af 7. Unglingameistari T.R. 2010.
•   2 Jón Trausti Harðarson, Fjölnir, 5,5 v. 2. verðlaun Unglingameistaramót.
•   3 Guðmundur Kristinn Lee, SFÍ, 5 v. 31 stig. 3. verðlaun Unglingameistaramót.
•   4 Vignir Vatnar Stefánsson, T.R. 5 v. 30,5 stig. 1. verðlaun 12 ára og yngri
•   5 Birkir Karl Sigurðsson, SFÍ,  5 v. 27,5 stig
•   6 Þórður Valtýr Björnsson, T.R. 5 v. 27 stig. 2. verðlaun 12 ára og yngri.
•   7 Dagur Ragnarsson, Fjölnir, 4,5 v. 31,5 stig
•   8 Gauti Páll Jónsson, T.R. 4,5 v. 23 stig. 3. verðlaun 12 ára og yngri
•   9 Oliver Aron Jóhannesson, Fjölnir, 4 v. 29,5 stig
•  10 Nancy Davíðsdóttir, Fjölnir, 4 v. 29 stig. 1. verðlaun Stúlknameistaramót.
•  11 Veronika Steinunn Magnúsdóttir, T.R. 4 v.  25 stig. 2. verðlaun. Stúlknameistari T.R. 2010.
•  12 Jakob Alexander Petersen, T.R. 4 v. 23 stig
•  13 Kristinn Andri Kristinsson, Fjölnir, 3,5 v. 27,5 stig
•  14 Garðar Sigurðarson, T.R. 3,5 v. 22 stig
•  15 Elín Nhung Boi, T.R. 3,5 v. 21 stig. 3. verðlaun Stúlknameistaramót.
•  16 Kristófer Jóel Jóhannesson,  Fjölnir, 3 v.
•  17 Þorsteinn Freygarðsson, T.R. 3 v.
•  18 Leifur Þorsteinsson, T.R. 3 v.
•  19 Andri Már Hannesson, T.R. 3 v. 
•  20 Atli Snær Andrésson, T.R. 3 v,
•  21 Donika Kolica, T.R. 2 v.
•  22 Svandís Rós Ríkharðsdóttir, Fjölnir, 2 v.
•  23 Eysteinn Högnason, T.R. 2 v.
•  24 Benedikt Ernir Magnússon, 1,5 v.
•  25 Matthías Ævar Magnússon, T.R. 1 v.
•  26 Tómas Steinarsson, T. R. 0,5 v.

Myndaalbúm mótsins

Héðinn og Henrik sigruðu í dag í þýsku deildakeppninni

Stórmeistararnir Héðinn Steingrímsson (2554) og Henrik Danielsen (2516) tefldir báðir í dag í þýsku deildakeppninni og báðir höfðu þeir sigur.

Héðinn teflir í 2. deild vestur (2. Bundesliga West)  og vann í dag í 3. umferð þýska alþjóðlega meistarann Joerg Wegerle (2467).  Í 2. umferð gerði Héðinn jafntefli við tékkneska alþjóðlega meistarann Mihal Konopka (2454).  Héðinn hvíldi í fyrstu umferð enda fór sú umferð fram á sama tíma og Íslandsmót skákfélaga.

Henrik teflir í svokallaðri Oberligu norður norður (Oberliga Nord Nord) og vann í dag þýska FIDE-meistarann Wolfgang Pajeken (2306).  Í fyrstu umferð vann hann Wolfgang Krueger (2182) en hvíldi í 2. umferð.

Fjórða umferð þýsku deildakeppninnar fer fram 12. desember. 

Heimasíða mótsins

Skákþáttur Morgunblaðsins: Ingi R. Jóhannsson – brautryðjandi fallinn frá

Ingi Randver Jóhannsson sem lést hinn 31. október sl. tæplega 74 ára að aldri stendur í huga þeirra sem kynntust honum sem sérstaklega glaðbeittur náungi, orðheppinn með afbrigðum, frábær skákmaður og mikill fræðimaður.

 

Þegar hann varð Norðurlandameistari í Reykjavík 24 ára gamall árið 1961 gat hann einnig státað af þrem Íslandsmeistaratitlum og sex sinnum hafði hann unnið sigur á Skákþingi Reykjavíkur. Ingi R. og Friðrik Ólafsson voru á þeim tíma eins og tveir turnar meðal íslenskra skákmanna, brautryðjendur hvor með sínum hætti. Styrkleikamunur með þeim og öðrum virkum skákmönnum þess tíma var sláandi. Inga varð ekki skotaskuld úr því að næla sér í titil alþjóðlegs skákmeistara á svæðamótinu í Halle 1963 en upp frá því dró hann úr taflmennsku. Friðrik og Ingi R. voru fengnir til að tefla fyrsta skákeinvígið í sjónvarpsal og var það sýnt í ársbyrjun 1967. Þeir tefldu margoft saman á Ólympíumótum en frækilegasta för gerðu þeir til Havana á Kúbu árið 1966 þar sem sveit Íslands komst í A-úrslit mótsins og hafnaði að lokum í 11. sæti. Á meðan heimsmeistaraeinvígi Fischer og Spasskí stóð sumarið 1972 var hann ásamt Bent Larsen einn vinsælasti skákskýrandinn í Laugardalshöll.

Þó að afrek Inga liggi á sviði kappskáka voru hraðskákir í sérstöku uppáhaldi hjá honum. Margir eiga skemmtilega minningar frá löngum hraðskákeinvígjum við Inga R.

Ingi tefldi fyrst á Ólympíumóti í Amsterdam 1954 þá 17 ára gamall en í tveim þeim síðustu var hann einnig í hlutverki liðsstjóra. Á Möltu 1980 stóð hann sig alveg sérstaklega vel. Vitað var að aðstæður á Möltu yrðu erfiðar en Ingi fór út á undan hópnum og undirbjó komu hans. Við biðskákrannsóknir var hann eldfljótur að greina aðalatriðin og hann var laginn við að stappa stálinu í menn þegar þess þurfti.

Eftir því sem leið á níunda áratug síðustu aldar fækkaði komum Inga á skákmót og hann hætti alveg að tefla opinberlega. Þegar sá gállinn var á honum virtist hann ekki þurfa að tefla mikið til að ná upp góðum styrk. Sú mikla vinna sem hann lagði á sig á yngri árum skilaði sér alltaf. Best kom þetta í ljós á Reykjavíkurmótinu 1976 en þar var Ingi meðal efstu manna lengi vel. Sigurskák hans yfir fulltrúa Sovétmanna á mótinu er gott dæmi um traustan stíl hans:

Vladimir Tulkmakov – Ingi R. Jóhansson

Tarrrasch vörn

1. c4 Rf6 2. Rc3 e6 3. Rf3 c5 4. g3 Rc6 5. Bg2 d5 6. cxd5 exd5 7. d4 e7 8. O-O O-O 9. Bg5 c4 10. Re5 Be6 11. e3 Rd7 12. Rxc6 bxc6 13. Bxe7 Dxe7 14. b3 cxb3 15. Dxb3 Hab8 16. Dc2 Hb4!?

Þessi leikur þótti býsna „menntaður“ á sínum tíma. Svartur reynir að framkalla veikingu á b3.

17. a3 Hb7 18. Ra4 Hc8 19. Hfc1 c5 20. e4! dxe4 21. Bxe4 Bb3 22. Dd3

Gott var einnig 22. Bxh7+ Kh8 23. De4 o.s.frv.

22. ... c4 23. Df3 Hbb8 24. Rc3 Rf6 25. Bc6 Hd8 26. d5 Dc5 27. Df4 h6 28. a4 a6 29. Hab1 Hd6 30. He1 Hbd8 31. He3 Bc2 32. Hb7 g5 33. De5 Bg6 34. h3 Kg7 35. De7 Dd4 36. Hf3 h5!

Keppendur voru báðir í tímahraki en staðan á borðinu í sérkennilegu ógnarjafnvægi. Nú sá Tukmakov sér leik á borði.

37. Be8?? g4! 38. Bxf7 H8d7! 39. Hxd7 Hxd7 40. Dxf6 Dxf6 41. Hxf6 Kxf6 42. Be6 Hb7 43. hxg4 hxg4 44. Bxg4 Hb3 45. Re2 c3 46. d6 Hb1 47. Kg2 c2 48. d7 Ke7

– og Tukmakov gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 7. nóvember 2010.

Skákþættir Morgunblaðsins

[Event "Reykjavik"] [Site "Reykjavik"] [Date "1976.??.??"] [EventDate "?"] [Round "2"] [Result "0-1"] [White "V Tukmakov"] [Black "Ingi Randver Johannsson"] [ECO "D34"] [WhiteElo "?"] [BlackElo "?"] [PlyCount "96"] 1.c4 Nf6 2.Nc3 e6 3.Nf3 c5 4.g3 Nc6 5.Bg2 d5 6.cxd5 exd5 7.d4 Be7 8.O-O O-O 9.Bg5 c4 10.Ne5 Be6 11.e3 Nd7 12.Nxc6 bxc6 13.Bxe7 Qxe7 14.b3 cxb3 15.Qxb3 Rab8 16.Qc2 Rb4 17.a3 Rb7 18.Na4 Rc8 19.Rfc1 c5 20.e4 dxe4 21.Bxe4 Bb3 22.Qd3 c4 23.Qf3 Rbb8 24.Nc3 Nf6 25.Bc6 Rd8 26.d5 Qc5 27.Qf4 h6 28.a4 a6 29.Rab1 Rd6 30.Re1 Rbd8 31.Re3 Bc2 32.Rb7 g5 33.Qe5 Bg6 34.h3 Kg7 35.Qe7 Qd4 36.Rf3 h5 37.Be8 g4 38.Bxf7 R8d7 39.Rxd7 Rxd7 40.Qxf6+ Qxf6 41.Rxf6 Kxf6 42.Be6 Rb7 43.hxg4 hxg4 44.Bxg4 Rb3 45.Ne2 c3 46.d6 Rb1+ 47.Kg2 c2 48.d7 Ke7 0-1

Aronian, Karjakin og Mamedyarov sigruðu á minningarmóti um Tal

Armeninn Aronian (2801), Rússinn Karjakin (2760) og Aserinn Mamedyarov (2763) urðu efstir og jafnir á minningarmótinu um Tal sem lauk í Moskvu í dag.  Á ýmsu gekk í umferðinni í dag.  Mamedyarov, sem var efstur fyrir umferðina, tapaði fyrir Gelfand (2741) sem hafði ekki unnið skák á mótinu, Kramnik (2791) vann Shirov (2735), en varð engu að síður aðeins sjöundi, og  Nakamura (2741) klúðraði kolunni skák gegn Grischuk (2771) niður í jafntefli en sigur hefði tryggt honum skiptu efsta sæti.   

Lokastaðan:

• 1.-3. Aronian (2801), Karjakin (2760) og Mamedyarov (2763) 5½ v.
• 4.-6. Grischuk (2771), Nakamura (2741) og Wang Hao (2727) 5 v.
• 7. Kramnik (2791) 4½ v.
• 8. Gelfand (2741) 3½ v.
• 9. Shirov (2735) 3 v.
• 10. Eljanov(2742) 2½ v.

• Heimasíða mótsins
• Beinar útsendingar (hefjast kl. 12)