Skák.is

Bloggfærslur mánaðarins, október 2010

31.10.2010 | 20:46

Hannes með jafntefli í fjórðu umferð

Stórmeistarinn Hannes Hlífar Stefánsson (2585) gerði jafntefli við rússneska alþjóðlega meistarann Roman Lovkov (2414) í 4. umferð minningarmótsins um Chigorin sem fram fór í St. Pétursborg í dag. Hannes hefur 3 vinninga og er í 21.-55. sæti. Í fimmtu umferð, sem fram fer á morgun, teflir Hannes við Rússa eins í öllum umferðunum hingað til. Að þessu sinni við alþjóðlega meistarann Aleksey Goganov (2478).

Efstir með fullt hús eru stórmeistararnir Ivan Sokolov (2641), Bosníu, og Boris Savchenko (2627), Rússlandi.

Sigurskákir Hannesar úr 1. og 2. umferð fylgja með fréttinni en skákir 3. og 4. umferðar eru ekki ekki enn aðgengilegar.

Mótið í St. Pétursborg er sautjánda minningarmótið um Chigorin. Mótið er ægisterkt en 61 stórmeistari tekur þátt og styrkleika mótsins má sjá á því að Hannes er aðeins númer 31 í stigaröð keppenda. 23 skákmenn hafa meira en 2600 skákstig. Opinn skákmót gerast vart sterkari en þetta en alls eru 274 skákmenn skráðir til leiks. Stigahæstur keppenda er úkraínski stórmeistarinn Anton Korobov (2670). Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins

Spil og leikir | Breytt s.d. kl. 20:47 | Slóð | Facebook | Athugasemdir (0)

31.10.2010 | 20:23

Skákþáttur Morgunblaðsins: Þrír jafnir og efstir á 110 ára afmælismóti TR

Þau eru til en ekki mörg félögin sem náð hafa 100 ára aldri en eitt þeirra er Taflfélag Reykjavíkur sem fagnar 110 ára afmæli sínu. Talið er að stofnfélagar hafi verið 24 og hin fleygu orð Einars Benediktsson stórskálds „Upp með taflið“ eru enn í minnum höfð. Framlag Daniels Willards Fiske hefur einnig áreiðanlega rekið á eftir stofnun taflfélags í höfuðstaðnum. Fiske hafði þá tekið saman bókina Chess in Iceland, tæplega 400 blaðsíðna verk, sem bregður birtu á tafliðkun Íslendinga fyrr á öldum. Um svipað leyti og TR var stofnað gaf hann íslensku þjóðinni algerlega ómetanlegt safn gamalla skákbóka og handrita. Hinn frægi skákbókasafnari Lothar Schmid, aðaldómarinn frá HM-einvíginu 1972, roðnaði og fölnaði á víxl þegar hann sá Greco-handritin frá 17. öld, einhverjar mestu gersemar skáklistarinnar, undir glerhjálmi á sýningu í Þjóðmenningarhúsinu sumarið 2002.

Stjórn Taflfélagsins ákvað að gera hið árvissa haustmót að 110 ára afmælismóti félagsins og bauð keppendum í efsta flokki, þar sem tefldu 10 skákmenn, upp á betri verðlaun en þekkst hafa á þessum vettvangi. Afar hörð keppni og fyrir síðustu umferð voru jafnir og efstir Sverrir Þorgeirsson og Sigurbjörn Björnsson en þeir gerðu jafntefli í lokaumferðinni. Með sínum fjórða sigi í röð skaust Guðmundur Kjartansson upp við hliðina á þeim og lokaniðurstaðan varð þessi:

1. – 3. Sverrir Þorgeirsson, Sigurbjörn Björnsson og Guðmundur Kjartansson 6 v. ( af 11 ) 4. – 5. Daði Ómarsson og Þröstur Þórhallsson 4 ½ v. 6. – 7. Jón Árni Halldórsson og Gylfi Þórhallsson 4 v. 8. – 9. Guðmundur Gíslason og Þorvarður Ólafsson 3 ½ v. 10. Sverrir Örn Björnsson 3 v.

Í B-flokki vann Stefán Bergsson öruggan sigur en næstir komu Sævar Bjarnason og Ögmundur Kristinsson. Í C-flokki sigraði Páll Sigurðsson, í D-flokki Páll Andrason og í E-flokki Grímur Björn Kristinsson.

Um úrslitin í A-flokki er það að segja að þau eru mikill sigur fyrir hinn unga Sverri Þorgeirsson en hann hækkar um 29 stig fyrir frammistöðuna. Sigurbjörn Björnsson hefur verið á þessum slóðum áður og einnig Guðmundur Kjartansson sem lagði stórmeistarann Þröst Þórhallsson að velli í lokaumferðinni á sannfærandi hátt. Verður gaman að fylgjast með þessum þrem á næstu mánuðum.

Í eftirfarandi skák efstu manna kom upp dæmigerð barátta með „hangandi peðin“ svokölluðu. Staðan er í járnum lengi vel en í 28. leik missir Guðmundur af góðu tækifæri, -Bh6! og fer endanlega út af sporinu með 31. ...Ra3. Sverrir gerir svo út um taflið með 36. Rd5!

Haustmót TR 2010; 3. umferð:

Sverrir Þorgeirsson – Guðmundur Kjartansson

Drottningarindversk vörn

1. d4 Rf6 2. c4 e6 3. Rf3 b6 4. e3 Bb7 5. Bd3 d5 6. O-O Rbd7 7. b3 Bd6 8. Bb2 O-O 9. Rc3 a6 10. De2 c5 11. cxd5 exd5 12. Had1 Dc7 13. h3 Hfe8 14. Hc1 g6 15. Hfd1 Rh5 16. Df1 Db8 17. Be2 Rhf6 18. Hc2 Da7 19. dxc5 bxc5 20. Hcd2 Bf8 21. Rh2 Bh6 22. Hc2 Bg7 23. Bf3 Rb6 24. Rg4 Rxg4 25. hxg4 Had8 26. Hcd2 d4 27. Bxb7 Dxb7 28. Re2

28. ... d3 29. Rf4 Bxb2 30. Hxb2 Rc4 31. Hbb1 Ra3 32. Hbc1 d2 33. Hxc5 He7 34. De2 Hed7 35. e4 Rb5 36. Rd5 Da7 37. Rf6 Kg7 38. Rxd7 Hxd7 39. Hc4 Rd4 40. De3 Db6 41. Kh1 Df6 42. g5 De5 43. Hxd2 Rc2 44. Hcxc2

- og svartur gafst upp.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í sunnudagsmogganum, 24. október 2010.

Skákþættir Morgunblaðsins

Spil og leikir | Breytt s.d. kl. 20:49 | Slóð | Facebook | Athugasemdir (0)

31.10.2010 | 17:10

Mikael Jóhann, Hrund, Jón Kristinn og Sóley Lind Íslandsmeistarar

Mikael Jóhann Karlsson (1816) sigraði í dag á Íslandsmóti 15 ára og yngri, sem jafnframt var Íslandsmeistaramót 13 ára og yngri sem lauk í dag. Mikael Jóhann vann alla níu andstæðinga sína. Jón Kristinn Þorgeirsson (1605) og Daði Steinn Jónsson (1580) urðu í 2.-3. sæti. Jón Kristinn Þorgeirsson varð þar með Íslandsmeistari 13 ára og yngri. Hrund Hauksdóttir (1588) varð Íslandsmeistari stúlkna 15 ára og yngri og Sóley Lind Pálsdóttir (1060) í flokki 13 ára og yngri.

Fleiri myndir væntanlegar í myndaalbúm mótsins.

Röð efstu manna í hverjum flokki:

Drengjameistari Íslands (15 ára og yngri):

1. Mikael Jóhann Karlsson 9 v.
2.-3 Jón Kristinn Þorgeirsson og Daði Steinn Jónsson 7 v.

Telpnameistari Íslands (15 ára og yngri):

1. Hrund Hauksdóttir 6 v.
2. Sóley Lind Pálsdóttir 5½ v.
3.-4. Veronika Steinunn Magnúsdottir og Nansý Davíðsdóttir 5 v.

Piltameistari Íslands (13 ára og yngri):

1. Jón Kristinn Þorgeirsson 7 v.
2. Oliver Aron Jóhannesson og Dagur Ragnarsson 6 v.

Stúlknameistari Íslands (13 ára og yngri):

1. Sóley Lind Pálsdóttir 5½ v.
2.-3. Veronika Steinunn Magnúsdóttir og Nansý Davíðsdóttir 5 v.

Að loknu móti fór fram happdrætti þar sem dregnir voru út heppnir keppendur sem fengu verðlaun frá Heimilistækjum, Eddu-útgáfu og Bjarti-Veröld.

Umsjónarmaður mótsins var Stefán Bergsson en honum til aðstoðar voru Gunnar Björnsson, Halldór Grétar Einarsson, Kristján Örn Elíasson, Páll Sigurðsson og Vigfús Ó. Vigfússon.

Lokastaða mótsins:

Rank	Name	Rtg	Pts	BH.
1	Mikael Johann Karlsson	1816	9	44
2	Jon Kristinn Thorgeirsson	1605	7	45½
3	Dadi Steinn Jonsson	1580	7	45
4	Dagur Kjartansson	1505	6½	43½
5	Oliver Johannesson	1535	6	45
6	Gudmundur Kristinn Lee	1553	6	44
7	Emil Sigurdarson	1626	6	43½
8	Hrund Hauksdottir	1588	6	40
9	Birkir Karl Sigurdsson	1466	6	40
10	Dagur Ragnarsson	1607	6	39
11	Kristofer Gautason	1681	5½	44
12	Andri Freyr Bjorgvinsson	1260	5½	43½
13	Jon Trausti Hardarson	1500	5½	41
14	Soley Lind Palsdottir	1060	5½	38
15	Dawid Kolka	1125	5½	35½
16	Vignir Vatnar Stefansson	1140	5	37½
17	Kristinn Andri Kristinsson	1330	5	36½
	Logi Runar Jonsson	0	5	36½
19	Thorsteinn Freygardsson	0	5	36
20	Veronika Steinunn Magnusdottir	0	5	35
21	Nansy Davidsdottir	0	5	35
22	Baldur Teodor Petersson	0	5	34
23	Hersteinn Heidarsson	1175	5	32½
24	Jakob Alexander Petersen	0	5	32½
25	Rafnar Fridriksson	0	5	32
26	Kristofer Joel Johannesson	1325	4½	34
27	Sonja Maria Fridriksdottir	0	4½	33½
28	Tara Soley Mobee	0	4½	31½
29	Hafthor Andri Helgason	0	4½	31
30	Gauti Pall Jonsson	0	4	38
31	Odinn Thorvaldsson	0	4	35½
32	Honey Grace Beramento	0	4	35
33	Johann Arnar Finnsson	0	4	33
34	Donika Kolica	0	4	32½
35	Eythor Trausti Johannsson	0	4	32
36	Orvar Svavarsson	0	4	31
37	Aldis Birta Gautadottir	0	4	28
38	Mikaylo Kravchuk	0	3½	33
39	Halldora Freygardsdottir	0	3½	29
40	Matthias Mar Kristjansson	0	3½	28
41	Johannes Karl Kristjansson	0	3	32½
42	Bjarnar Ingi Petursson	0	3	29½
43	Asdis Birna Thorarinsdottir	0	3	28½
44	Jon Otti Sigurjonsson	0	3	28
45	Gudmundur Agnar Bragason	0	3	27½
46	Solrun Elin Freygardsdottir	0	3	24
47	Jon Gunnar Gudmundsson	0	3	22½
48	Sigurdur Alex Petursson	0	2½	30
49	Tinna Sif Adalsteinsdottir	0	2	23½
50	Rosa Linh Robertsdottir	0	1	25
51	Axel Oli Sigurjonsson	0	1	20

Spil og leikir | Breytt s.d. kl. 18:08 | Slóð | Facebook | Athugasemdir (0)

31.10.2010 | 00:15

Skákir frá Íslandsmóti skákfélaga

Paul Frigge hefur verið að slá inn skákir úr Íslandsmóti skákfélaga. Hann hefur þegar slegið inn skákir úr 1. umferð (1. og 2. deild) og fylgja þær fréttinni.

Veljið skák (128 alls):

Veljið skák (95 alls):

Spil og leikir | Slóð | Facebook | Athugasemdir (3)

31.10.2010 | 00:08

Strandbergsmótið í skák fer fram 13. nóvember

Strandbergsmótið í skák "Æskan og Ellin", verður haldið í sjöunda sinn, laugardaginn 13. nóvember nk. í Strandbergi, safnaðarheimili Hafnarfjarðarkirkju og hefst kl. 13. Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð og til mikillar ánægju fyrir alla þátttakendur, jafnt yngri sem eldri.

Að mótinu standa auk Hafnarfjarðarkirkju, RIDDARINN, skákklúbbur eldri borgara, í samvinnu við Skákdeild Hauka, Hafnarfirði. Á síðasta ári var 80 árs aldursmunur milli yngsta og elsta keppandans.

Vegleg peningaverðlaun í öllum flokkum, auk verðlaunagripa og vinningahappdrættis!

100.000 kr. verðlaunasjóður

Aðalverðlaun : 25.000; 15.000; 10.000,
Aldursflokkaverðlaun: 5.000; 3.000, 2.000

Þátttaka á Strandbergsmótum er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Sigurvegarar undanfarinna móta hafa verið þessir:

2009: Jóhann Örn Sigurjónsson; (2. Dagur Andri Friðgeirsson)

2008 og 2007 : Hjörvar Steinn Grétarsson;

2006: Jónas Þorvaldsson ( 2. Ingvar Ásbjörnsson)

2005: Gunnar Kr. Gunnarsson; 2004 Ingvar Ásumundsson

Strandbergmótið hefst kl. 13 laugardaginn 13. nóvember nk. í Hásölum Strandbergs og stendur til kl 17. Tefldar verða 9 umferðir eftir svissneska kerfinu með 7 mínútna umhugsunartíma á skákina.

Mótinu lýkur síðan með veglegu kaffisamsæti og verðlaunaafhendingu.

Einar S. Einarsson er formaður mótsnefndar og Páll Sigurðsson, skákstjóri.

Upplýsingablað fylgir með fréttinni sem viðhengi.

Skrár tengdar þessari bloggfærslu:

_skan_og_ellin_2010_-_upplysingabla.doc

Spil og leikir | Breytt s.d. kl. 00:10 | Slóð | Facebook | Athugasemdir (0)

30.10.2010 | 23:57

HM öldunga: Gunnar með jafntefli í 5. umferð

Gunnar Finnlaugsson (2072) gerði jafntefli við sænska FIDE-meistarann Felix Nordström (2184) í fimmtu umferð HM öldunga sem fram fer í Acro á ítalíu. Gunnar hefur 2½ vinning og er í 95.-133. sæti. Serbneski stórmeistarinn Dusan Rajkovic (2443) er efstur með fullt hús.

Í þriðju umferð gerðist það að norski skákmaðurinn Erling Fløtten, sem er fyrrverandi forseta forseti Norska skáksambandsins varð bráðkvaddur í miðri skák. Sjá umfjöllun á Bergensjakk.

Alls taka 224 skákmenn þátt í mótinu frá 66 löndum og þar af eru 16 stórmeistarar. Stigahæstur keppenda er rússneski stórmeistarinn Vitaly Tseshkovsky (2564) sem náði því verða tvöfaldur Sovétmeistari í skák. Stigahæsti fulltrúi Norðurlandanna er Íslandsvinurinn Heikki Westerinen (2365).

Samhliða fer fram HM öldunga í kvennaflokki. Þar er stigahæst, fyrrverandi heimsmeistari kvenna, Nona Gaprindashvili (2363).

Spil og leikir | Slóð | Facebook | Athugasemdir (0)

30.10.2010 | 19:28

Hannes með jafntefli í þriðju umferð

Stórmeistarinn Hannes Hlífar Stefánsson (2585) gerði jafntefli við rússneska stórmeistarann Sergei Iskusnyh (2465) í þriðju umferð minningarmótsins um Chigorin sem fram fór í St. Pétursborg í dag. Hannes hefur 2,5 vinning og er í 11.-45. sæti. Í fjórðu umferð, sem fram fer á morgun, teflir Hannes við rússneska alþjóðlega meistarann Roman Lovkov (2414).

Aðeins skák Hannesar úr fyrstu umferð er enn aðgengileg á vefnum og fylgir með fréttinni.

Heimasíða mótsins

Spil og leikir | Slóð | Facebook | Athugasemdir (0)

30.10.2010 | 18:08

Mikael Jóhann efstur

Akureyringurinn Mikael Jóhann Karlsson (1816) er efstur með fullt hús eftir fimm umferðir á Íslandsmóti 15 ára og 13 ára og yngri sem fram fer um helgina í húsnæði TR, Faxafeni 12. Annar Norðanmaður, Jón Kristinn Þorgeirsson (1605) er annar með 4½ vinning. Sex skákmenn hafa 4 vinninga svo búast má við einkar spennandi baráttu á morgun en taflmennskan hefst kl. 11.

Teflt er í fjórum flokkum á mótinu. Staðan efstu manna í flokkunum þegar 5 umferðum af 9 er lokið er sem hér segir:

Drengjameistari Íslands (15 ára og yngri):

1. Mikael Jóhann Karlsson 5 v.
2. Jón Kristinn Þorgeirsson 4½ v.

Telpnameistari Íslands (15 ára og yngri):

1. Hrund Hauksdóttir 4 v.
2. Sóley Lind Pálsdóttir 3½ v.

Piltameistari Íslands (13 ára og yngri):

1. Jón Kristinn Þorgeirsson 4½ v.
2. Jón Trausti Harðarson 4 v.

Stúlknameistari Íslands (13 ára og yngri):

1. Sóley Lind Pálsdóttir 3½ v.
2.-3. Veronika Steinunn Magnúsdóttir og Nansý Davíðsdóttir 3 v.

Heildartaða mótsins:

Rank	Name	Rtg	Pts
1	Mikael Johann Karlsson	1816	5
2	Jon Kristinn Thorgeirsson	1605	4½
3	Gudmundur Kristinn Lee	1553	4
4	Jon Trausti Hardarson	1500	4
5	Dagur Kjartansson	1505	4
6	Hrund Hauksdottir	1588	4
7	Dadi Steinn Jonsson	1580	4
8	Emil Sigurdarson	1626	4
9	Oliver Johannesson	1535	3½
10	Dawid Kolka	1125	3½
11	Soley Lind Palsdottir	1060	3½
12	Birkir Karl Sigurdsson	1466	3
13	Kristofer Gautason	1681	3
14	Dagur Ragnarsson	1607	3
15	Kristinn Andri Kristinsson	1330	3
16	Gauti Pall Jonsson	0	3
17	Andri Freyr Bjorgvinsson	1260	3
18	Thorsteinn Freygardsson	0	3
19	Kristofer Joel Johannesson	1325	3
20	Johann Arnar Finnsson	0	3
21	Veronika Steinunn Magnusdottir	0	3
22	Vignir Vatnar Stefansson	1140	3
23	Nansy Davidsdottir	0	3
24	Odinn Thorvaldsson	0	3
25	Jakob Alexander Petersen	0	3
26	Logi Runar Jonsson	0	2½
27	Mikaylo Kravchuk	0	2½
28	Sonja Maria Fridriksdottir	0	2½
29	Honey Grace Beramento	0	2
30	Hersteinn Heidarsson	1175	2
	Rafnar Fridriksson	0	2
32	Baldur Teodor Petersson	0	2
33	Eythor Trausti Johannsson	0	2
34	Orvar Svavarsson	0	2
35	Sigurdur Alex Petursson	0	2
36	Johannes Karl Kristjansson	0	2
37	Hafthor Andri Helgason	0	2
38	Bjarnar Ingi Petursson	0	2
39	Donika Kolica	0	2
40	Jon Otti Sigurjonsson	0	2
41	Asta Birna Thorarinsdottir	0	2
42	Tara Soley Mobee	0	1½
43	Halldora Freygardsdottir	0	1½
44	Matthias Mar Kristjansson	0	1½
45	Gudmundur Agnar Bragason	0	1
46	Jon Gunnar Gudmundsson	0	1
47	Tinna Sif Adalsteinsdottir	0	1
48	Rosa Linh Robertsdottir	0	1
49	Aldis Birta Gautadottir	0	1
50	Axel Oli Sigurjonsson	0	1
51	Solrun Elin Freygardsdottir	0	0

Chess-Results

Spil og leikir | Breytt s.d. kl. 19:29 | Slóð | Facebook | Athugasemdir (0)

30.10.2010 | 09:20

Anand og Topalov unnu í lokaumferðinni

Anand (2800) og Topalov (2803) unnu í lokaumferð Pearl Spring-mótsins sem fram fór í nótt í Nanjing í Kína. Anand vann Bacrot (2716) en Topalov lagði Wang Yue (2732). Carlsen (2826) gerði jafntefli við Gashimov (2719). Carlsen vann öruggan sigur á mótinu en hann hlaut 7 vinninga, Anand varð annar með 6 vinninga og Bacrot varð þriðji með 5 vinninga.

Lokastaðan:

1. Carlsen (2826) 7 v.
2. Anand (2800) 6 v.
3. Bacrot (2716) 5 v.
4.-5, Gashimov (2719) og Topalov (2803) 4½ v.
6. Wang Yue (2738) 3 v.

Sex skákmenn tóku þátt í mótinu og tefld var tvöföld umferð. Meðalstig voru 2766 skákstig.

Spil og leikir | Slóð | Facebook | Athugasemdir (0)

30.10.2010 | 09:14

Skákþing Íslands 15 ára og yngri og 13 ára og yngri hefst í dag

Keppni á Skákþingi Íslands 2010 - 15 ára og yngri (fædd 1995 og síðar) og 13 ára og yngri (fædd 1997 og síðar) verður haldið í Faxafeni 12, Reykjavík dagana 30. og 31. október nk. Tefldar verða 9 umferðir eftir monrad kerfi og er umhugsunartími 25 mín. á skák fyrir keppanda. Teflt verður í einum flokki.

Veglegir happdrættisvinningar eru frá Heimilistækjum, Eddu útgáfu og Bjarti Veröld- bókaútgáfu.

Skákstaður: Faxafen 12, Reykjavík

Umferðataflan er þannig:

Laugardagur 30. október kl. 13.00 1. umferð

kl. 14.00 2. umferð

kl. 15.00 3. umferð

kl. 16.30 4. umferð

kl. 17.30 5. umferð

Sunnudagur 31. október kl. 11.00 6. umferð

kl. 12.00 7. umferð

kl. 13.30 8. umferð

kl. 14.30 9. umferð

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin í hvorum flokki.

Skráning: skaksamband@skaksamband.is eða í síma 568 9141 virka daga kl. 9-13.

Spil og leikir | Slóð | Facebook | Athugasemdir (0)

Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Bloggfærslur mánaðarins, október 2010

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: