HM öldunga: Gunnar með 2 vinninga eftir 4 umferðir

Gunnar Finnlaugsson (2072) er með 2 vinninga eftir 4 umferðir á HM öldunga.   Gunnar hefur tapað fyrir þeim stigahærri en unnið þá stigalægri.  Efstir með fullt hús eru stórmeistararnir, Vitaly Tseshkovsky (2564), Rússlandi, Dusan Rajkovic (2443), Serbíu, sem vann Gunnar í fyrstu umferð, og alþjóðlegi meistarinn Alexander Filipenko (2327).

Bent er á bloggsíðu Lars Grahn sem fjallar um mótið.  

Alls taka 224 skákmenn þátt í mótinu frá 66 löndum og þar af eru 16 stórmeistarar.   Stigahæstur keppenda er rússneski stórmeistarinn Vitaly Tseshkovsky (2564) sem náði því verða Sovétmeistari í skák.   Stigahæsti fulltrúi Norðurlandanna er Íslandsvinurinn Heikki Westerinen (2365).

Samhliða fer fram HM öldunga í kvennaflokki.  Þar er stigahæst, fyrrverandi heimsmeistari kvenna, Nona Gaprindashvili (2363).  

• Heimasíða mótsins
• Chess-Results
• Bloggsíða Lars Grahn

 

Pálmar, Sigurður og Magnús efstir á Atmóti SR

Pálmar Breiðfjörð, Sigurður H. Jónsson og Magnús Jónsson eru efstir og jafnir með 3 vinninga eftir 3 umferðir á Atskákmóti Skákfélags Reykjanesbæjar.   Mótið klárast næsta fimmtudag og verður spennandi að sjá hvernig það fer enda getur allt gerst.

• Heimasíða SR 
• Myndaalbúm mótsins

Hannes vann í 2. umferð í St. Pétursborg

Stórmeistarinn Hannes Hlífar Stefánsson (2585) vann rússneska Sergey Solojov (2394) í 2. umferð minningarmótsins um Chigorin sem fram fór í St. Pétursborg í dag.   Hannes er meðal 40 keppenda sem hafa 2 vinninga.   Í þriðju umferð, sem fram fer á morgun, teflir Hannes við rússneska stórmeistarann Sergei Iskusnyh (2465).

Mótið í St. Pétursborg er sautjánda minningarmótið um Chigorin.   Mótið er ægisterkt en 61 stórmeistari tekur þátt og styrkleika mótsins má sjá á því að Hannes er aðeins númer 31 í stigaröð keppenda.  23 skákmenn hafa meira en 2600 skákstig.  Opinn skákmót gerast vart sterkari en þetta en alls eru 274 skákmenn skráðir til leiks.  

Stigahæstur keppenda er úkraínski stórmeistarinn Anton Korobov (2670).   Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins

[Event "M.Chigorin Memorial 2010"] [Site "St. Petersburg RUS"] [Date "2010.10.28"] [Round "1"] [White "Stefansson, Hannes"] [Black "Mirzoeva, Elmira"] [Result "1-0"] [ECO "E69"] [WhiteElo "2585"] [BlackElo "2239"] [PlyCount "71"] 1. c4 Nf6 2. Nf3 g6 3. Nc3 Bg7 4. g3 O-O 5. Bg2 d6 6. d4 Nbd7 7. O-O e5 8. e4 c6 9. b3 exd4 10. Nxd4 Re8 11. h3 Nc5 12. Re1 Qa5 13. Bb2 Qb6 14. Rb1 a5 15. Ba1 Bd7 16. Kh2 Re7 17. Nc2 Qc7 18. Ne3 Rae8 19. Nb5 Qb8 20. Nxd6 Rd8 21. e5 Ne8 22. f4 Be6 23. Bd4 Nxd6 24. Bxc5 Nf5 25. Nxf5 Rxd1 26. Nxe7+ Kh8 27. Rbxd1 Bf8 28. Bd6 Qe8 29. Nd5 cxd5 30. cxd5 Bd7 31. Bxf8 Qxf8 32. e6 Qd6 33. exd7 Qxd7 34. d6 Kg7 35. Re7 Qb5 36. d7 1-0

Carlsen hefur tryggt sér sigur fyrir lokaumferðina í Nanjing

Magnus Carlsen (2826) hefur 1½ vinnings forskot fyrir lokaumferð Pear Springs-mótsins í Nanjing í Kína.   Í morgun vann hann Topalov (2803) auðveldlega með svörtu.   Öðrum skákum lauk með jafntefli.  Bacrot (2716) og Anand (2800) koma næstir.  Mótinu lýkur með tíundu umferð sem fram fer í nótt og hefst kl. 2.  

Staðan:

• 1. Carlsen (2826) 6½ v.
• 2.-3. Bacrot (2716) og Anand (2800) 5 v.
• 4. Gashimov (2719) 4 v.
• 5. Topalov (2803) 3½ v.
• 6. Wang Yue (2738) 3 v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

• Heimasíða mótsins
• Beinar útsendingar

Skákþing Íslands fyrir 15 ára og 13 ára og yngri fer fram um helgina

Keppni á Skákþingi Íslands 2010 - 15 ára og yngri (fædd 1995 og síðar) og 13 ára og yngri (fædd 1997 og síðar) verður haldið í Faxafeni 12, Reykjavík dagana 30. og 31. október nk.  Tefldar verða 9 umferðir eftir monrad kerfi og er umhugsunartími 25 mín. á skák fyrir keppanda.  Teflt verður í einum flokki.

Veglegir happdrættisvinningar eru frá Heimilistækjum, Eddu útgáfu og Bjarti Veröld- bókaútgáfu.

Skákstaður:                 Faxafen 12, Reykjavík

Umferðataflan er þannig:

Laugardagur 30. október       kl. 13.00                     1. umferð

                                               kl. 14.00                     2. umferð

                                               kl. 15.00                     3. umferð

                                               kl. 16.30                     4. umferð

                                               kl. 17.30                     5. umferð

 

Sunnudagur 31. október        kl. 11.00                     6. umferð

                                               kl. 12.00                     7. umferð

                                               kl. 13.30                     8. umferð

                                               kl. 14.30                     9. umferð

                                              

Að því loknu verðlaunaafhending og mótsslit.

 

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: [e-mail] eða í síma 568 9141 virka daga kl. 9-13.

Skráningu lýkur fimmtudaginn 28. október.

Róbert sigraði á ótrúlega vel sóttu geðheilbrigðismóti

Róbert Lagerman (2273) sigraði á ótrúlega vel sóttu Geðheilbrigðismóti sem fram fór í kvöld en hvorki meira né minna en 79 skákmenn tóku þátt.   Róbert kom í mark jafn Gylfa Þórhallssyni (2200), Sigurði Daða Sigfússyni (2334) og Arnar Þorsteinssyni (2217) en hafði sigur eftir stigaútreikning.   Það voru Skákfélag Vinjar, Taflfélagið Hellir og Taflfélag Reykjavíkur sem héldu mótið í sameiningu í húsnæði TR.   Mótið var haldið í tilefni alþjóðlegs Geðheilbrigðisdags sem reyndar var 10. október en þá voru skákmenn uppteknir á Íslandsmóti skákfélaga.   Forlagið gaf einkar glæsilega vinninga.

Ýmis aukaverðlaun voru veitt á mótinu.  Björn Sölvi Sigurjónsson fékk verðlaun fyrir 60 ára og eldri, Jóhanna Björg Jóhannsdóttir var efst kvenna, Guðmundur Kristinn Lee var efstur 13-18 ára og Gauti Páll Jónsson var efstur 12 ára og yngri.  Í þeim flokk fengu Heimir Páll Ragnarsson og Vignir Vatnar Stefánsson einnig verðlaun fyrir 2. og 3. sæti en þremenningarnir eru allir nemendur hjá Skákakademíu Reykjavíkur.

Að lokum fór fram happdrætti og þá voru dregnir upp þrír keppendur sem fengu happadrættisvinninga.  Það voru Örn Leó Jóhannsson, Veronika Steinunn Magnúsdóttir og Pétur Jóhannesson.   

Í mótslok afhenti Sigurlaug R. Friðþjófsdóttir, formaður TR, verðlaunin.   Skákstjóri var Gunnar Björnsson en að öðrum ólöstuðum er mótið fyrst og fremst eign Arnar Valgeirssonar, formanns Skákfélag Vinjar, sem á erfitt verk fyrir höndum að bæta þátttökumetið að ári!

Heildarstöðu mótsins má nálgast á Chess-Results.   

• Myndaalbúm mótsins (fleiri myndir væntanlegar)
• Chess-Results

Emil sigraði á Unglingameistari Hellis - Dagur unglingameistari félagsins

Emil Sigurðarson sigraði með 6,5v í 7 skákum á  vel sóttu unglingameistaramóti Hellis sem lauk á þriðjudaginn. Emil tefldi af öryggi og yfirvegun í mótinu og var sigur hann fyllilega verðskuldaður. Vissulega hefði getað farið á annan veg eftir jafntefli við Jón Trausta í 5. umferð og svo afleik og erfiða stöðu manni undir á móti Kristni Andra í 6. umferð en með þrautseigju náði Emil að snú taflinu sér í vil í lokin og eftir það var leiðin greið.

Í öðru sæti varð Dagur Kjartansson með 6v og sem efstur Hellismanna varð Dagur unglingameistari Hellis annað árið í röð. Dagur var mjög þaulsætinn við skákborðið í mótinu og skákir hans kláruðust nánast alltaf síðast þannig að tíminn fyrir hverja einustu umferð var full nýttur við misjafnar vinsældir yngstu keppendanna. Dagur var líka afar fengsæll á lokamínútum skáka sinna og náð í ófáa vinninga rétt í blá lokin. Þriðji varð svo nokkuð óvænt Kristófer Jóel Jóhannesson með 5,5v og skaust hann með góðum endaspretti fram fyrir keppendur sem fyrirfram voru taldir líklegri til afreka

Kristófer Jóel var einnig efstur 12 ára og yngri. Í öðru sæti varð Hildur Berglind Jóhannsdóttir með 5v sem tók hinn þekkta Monrad gambít á mótið og hreinsaði svo seinni hlutann sem oft hefur gefist vel í þessu móti. Þriðja sætinu náði svo Oliver Aron Jóhannesson með 4,5v eins og Leifur Þorsteinsson en hærri á stigum. Stúlknameistari Hellis varð svo Hildur Berglind Jóhannsdóttir með 5v. Lengi vel leit samt út fyrir að Tara Sóley Mobee mynd ná þessu en hún fór erfiða leið í gegnum mótið og missti Hildi fram fyrir sig í lokaumferðinni.

Lokastaðan:

• 1.   Emil Sigurðarson                             6,5v/7
• 2.   Dagur Kjartansson                          6v
• 3.   Kristófer Jóel Jóhannesson              5,5v
• 4.   Dagur Ragnarsson                          5v
• 5.   Hildur Berglind Jóhannsdóttir          5v
• 6.   Oliver Aron Jóhannesson                4,5v     (24,5)
• 7.   Leifur Þorsteinsson                         4,5v     (18,5)
• 8.   Jón Trausti Harðarson                     4v
• 9.   Kristinn Andri Kristinsson                 4v
• 10. Nansy Davíðsdóttir                          4v
• 11. Tara Sóley Mobee                           4v
• 12. Gauti Páll Jónsson                           4v
• 13. Dawid Kolka                                    4v
• 14. Vignir Vatnar Stefánsson                 4v
• 15. Jón Otti Sigurjónsson                      4v
• 16. Hilmir Hrafnsson                              4v
• 17. Heimir Páll Ragnarsson                   3,5v
• 18. Donika Kolica                                   3v
• 19. Helgi Gunnar Jónsson                      3v
• 20. Ásta Sóley Júlíusdóttir                      3v
• 21. Róbert Leó Jónsson                         3v
• 22. Sóley Lind Pálsdóttir                        3v
• 23. Aldís Birta Gautadóttir                     3v
• 24. Sonja María Friðriksdóttir                 3v
• 25. Skúli Eggert Sigurz                          2,5v
• 26. Mykhael Kravchuk                            2v
• 27. Viktor Ísar Stefánsson                     2v
• 28. Felix Steinþórsson                           2v
• 29. Sindri Snær Hjaltalín                        2v
• 30. Axel Óli Sigurjónsson                       2v
• 31. Magnús Hjaltested                          2v
• 32. Gunnar Hrafn Kristjánsson              1v

• Heimasíða Hellis
• Myndaalbúm mótsins

Hannes hóf minningarmótið um Chigorin með sigri

Stórmeistarinn Hannes Hlífar Stefánsson (2585) hóf minningarmótið um Chigorin, sem hófst í St. Pétursborg í dag með sigri gegn rússnesku skákkonunni Elmira Mirzoeva (2239).   Í 2. umferð, sem fram fer á morgun, teflir Hannes við rússneska alþjóðlega meistarann Sergey Solojov (2394).

Mótið í St. Pétursborg er sautjánda minningarmótið um Chigorin.   Mótið er ægisterkt en 61 stórmeistari tekur þátt og styrkleika mótsins má sjá á því að Hannes er aðeins númer 31 í stigaröð keppenda.  23 skákmenn hafa meira en 2600 skákstig.  Opinn skákmót gerast vart sterkari en þetta.

Stigahæstur keppenda er úkraínski stórmeistarinn Anton Korobov (2670).   Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins

Magnús efstur á Atskákmeistaramóti SSON

Í gærkvöldi hófst Atskákmeistaramót SSON með 3 umferðum, 3 keppendur forfölluðust því miður á síðustu stundu en það kom ekki að sök þar sem mótið er sérstaklega vel skipað.  3 keppendur koma alla leið frá Laugarvatni og einn úr höfuðborginni og er það engin annar en íslandsmeistarinn fyrrverandi Inga Birgisdóttir sem er þessa daganna að smitast allverulega af skákbakteríunni aftur.

Helst bar það til tíðinda að Ingimundur Sigurmundsson sem vann mótið í fyrra með fullu húsi vinninga byrjaði á því að tapa 2 fyrstu skákum sínum, fyrst gegn hinum geysiefnilega Emil Sigurðarsyni og síðan á móti Sigurjóni Njarðarsyni sem auk þess að vera öflugur skákmaður er formaður skákdeildar Ungmennafélags Laugdæla.

Inga kemur sterk inn og vann áðurnefndan Sigurjón örugglega í fyrstu umferð, gerði síðan jafntefli við Magnús Garðarsson og sem er ekki síður athyglisvert, við Magnús Gunnarsson.

Erlingur Atli átti eina af skákum kvöldsins þegar hann náði góðu jafntefli á móti Ingvari Erni sem aftur gerði jafntefli í öllum skákum sínum í kvöld.

Magnús Matthíasson leiðir mótið eftir að hafa unnið þá Sigurjón og Gunnar og gert jafntefli við

Staðan:

Rank	Name	Rtg	Pts	SB.
1	Magnús Matthíasson	1725	2½	3,50
2	Emil Sigurðarson	1630	2	3,00
3	Inga Birgisdóttir	0	2	2,50
4	Ingvar Örn Birgisson	0	1½	2,00
5	Gunnar Vilmundarson	0	1½	1,25
6	Magnús Gunnarsson	1990	1½	1,00
	Magnús Garðarsson	1525	1½	1,00
8	Ingimundur Sigurmundsson	1950	1	1,50
9	Sigurjón Njarðarson	0	1	1,00
10	Erlingur Atli Pálmarsson	1510	½	0,75
11	Magnús Bjarki Snæbjörnsson	0	0	0,00

 

• Heimasíða SSON
• Chess-Results

Guðfinnur sigraði á kappteflinu um Skákhörpuna

Kappteflinu  um Skákhörpuna, sem nú var keppt um í þriðja sinn hjá Riddaranum, skákklúbbi eldri borgara á höfuðborgarsvæðinu að Strandbergi, Hafnarfirði, lauk með glæsilegum sigri Guðfinns R. Kjartanssonar.    Guðfinnur hefur sýnt það og sannað undanfarið að enginn á bókaðan vinning gegn honum, verið oftast meðal efstu manna bæði  á "MánudagsMentum"  hjá Sd. KR, "MiðvikudagsMentum"  Riddaranna og "Fimmtudagsmentum" í Gallerýinu.  Þá varð hann þriðji í Viðeyjarskákmótinu um síðustu helgi. Ástríðuskákmaður "par excellence" !

Um er  að ræða skákmótaröð þar sem besti árangur í 3 mótum af fjórum telur til vinnings, miðað við Grand Prix stigagjöf (10-8-6-5-4-3-2-1).  Í öðru sæti varð, Friðgeir K. Hólm með 16 stig og  jafnir í 2-5 sæti þeir Össur Kristinsson, Stefán Þormar Guðmundsson og Sigurður Herlufsen með 14 stig, en hann vann Hörpuna með fullu húsi í fyrsta skiptið sem um hana var keppt, en í  fyrra var það Jóhann Örn Sigurjónsson sem varð hlutskarpastur. 

Mótaröðin er haldin til heiðurs Fjölni Stefánssyni, tónskáldi, öldnum félaga klúbbsins. 

Næsta miðvikudag, 3. nóvember, hefst svo ný GP-mótaröð með sama sniði SkákSeglið II, minningarmót um Grím heitinn Ársælsson, trillukarl, fv. formann klúbbsins, sem lést langt um aldur fram fyrir 2 árum.

Teflt er í  salnum Vonarhöfn á 2. hæð, félagsmiðstöðvarinnar,  kl. 13-17,  10. mín hvatskákir, 11 umferðir.  Öllum 60 ára og eldri heimil þátttaka

SKÁKHARPAN lll,  Úrslit og lokastigastaða: (3 bestu mót af fjórum telja)

Guðfinnur R. Kjartansson             8        5       (5)      8        21 

Friðgeir K. Hólm                          -        3        8        5        16

Össur Kristinsson                        4        10      -        -        14

Stefán Þormar Guðmundsson        -        -        10      4        14

Sigurður Herlufsen                      6        6       (1)      2        14 

Þór Valtýsson                             5        -        -        6        11

Gunnar Finnlaugsson                    10      -        -        -        10

Jóhann Örn Sigurjónsson                                          10       10

Páll G. Jónsson                           -        -        6        3        9

Ingimar Halldórsson                    -        8        -        -        8

Björn Víkingur Þórðarson             3        -        2        -        5

Sigfús Jónsson                           -        4        -        1        5

Haukur Sveinsson                       -        -        4        -       4

Sigurður E. Kristjánsson               2        1        -        -       3

Gísli Gunnlaugsson                      -        -        3        -       3

Kristinn Bjarnason                       2        -        -        -       2

Sverrir Gunnarsson                    1        -        -        -       1