SA sigraði TG í jafnri viðureign

Taflfélag Garðabæjar tefldi fyrr í gærkvöld gegn liði skákfélags Akureyrar. Viðureignin var spennandi en stórt tap í 6. umferð setti nokkuð strik í reikninginn eftir að TG náði forustunni í 5. umferð. TG var undir í hálfleik 16-20 þar sem tvær unnar skákir töpuðust í lokin.

Seinni hlutinn var jafnari og svo fór að TG  vann muninn upp í 1 vinning eftir 10 umferð en tapaði síðustu 2 umferðunum með minnsta mun. TG vann seinni hálfleik því 18,5-17,5 en það dugði ekki til því lokastaðan var 3 vinninga munur 34,5 - 37,5 SA mönnum í vil.

Vinningar heimamanna af 12 nema annað sé tekið fram:

• Einar Hjalti Jensson 9,5 vinningar.
• Kristján Guðmundsson 8,5 vinningar.
• Jóhann H Ragnarsson 8 vinningar.
• Björn Jónsson 4,5 vinningar
• Leifur Ingi Vilmundarson 3 vinningar
• Guðlaug Þorsteinsdóttir 0,5 vinningur af 6
• Páll Sigurðsson 0,5 vinningur af 6.

Lið SA:

• Halldór Brynjar Halldórsson 10,5 vinningar.
• Arnar Þorsteinsson 7 vinningar
• Magnús Teitsson 5,5 vinningar
• Torfi Stefánsson 5,5 vinningar.
• Stefán Bergsson 5 vinningar.
• Þórleifur Karlsson 4 vinningar.

Heimasíða mótsins

25 skákmenn skráðir til leiks í áskorendaflokki

25 skákmenn eru nú þegar skráðir til leiks í áskorendaflokk Skákþings Íslands sem hefst nk. miðvikudag kl. 18.

Það eru:

 

SNo.		Name	NRtg	IRtg	Club
1	FM	Bjornsson Sigurbjorn	0	2316	Hellir
2	WGM	Ptacnikova Lenka	0	2259	Hellir
3	IM	Bjarnason Saevar	0	2216	TV
4		Salama Omar	0	2212	Hellir
5	FM	Bjornsson Tomas	0	2196	Fjölnir
6		Ragnarsson Johann	0	2157	TG
7		Thorgeirsson Sverrir	0	2102	Haukar
8		Omarsson Dadi	0	2029	TR
9		Eliasson Kristjan Orn	0	1966	TR
10		Thorsteinsdottir Hallgerdur	0	1907	Hellir
11		Jonsson Olafur Gisli	0	1898	TR
12		Benediktsson Thorir	0	1887	TR
13		Magnusson Patrekur Maron	0	1872	Hellir
14		Sigurdsson Jakob Saevar	0	1860	Goðinn
15		Fridthjofsdottir Sigurl  Regin	0	1819	TR
16		Fridgeirsson Dagur Andri	0	1812	Fjölnir
17		Eidsson Johann Oli	0	1809	UMSB
18		Leifsson Thorsteinn	0	1806	TR
19		Kristinardottir Elsa Maria	0	1778	Hellir
20		Finnbogadottir Tinna Kristin	0	1655	UMSB
21		Johannsdottir Johanna Bjorg	0	1655	Hellir
22		Gudmundsdottir Geirthrudur Ann	1585	0	TR
23		Stefansson Fridrik Thjalfi	1455	0	TR
24		Kjartansson Dagur	1320	0	Hellir
25		Sigurdsson Birkir Karl	1275	0	TR

 

Ivanchuk efstur í Moskvu

Úkraíninn Ivanchkuk (2781) náði efsta sætinu af Rússanum Morozevich (2788) með því að sigra hann í sjöundu umferð minningarmótsins um Tal, sem fram fór í Moskvu í dag.   Fjörlega var teflt í dag og lauk aðeins einni skák með jafntefli.   Morozevich er annar en Ísraelinn Gelfand (2720) og Úkraíninn Ponomariov (2718) eru í 3.-4. sæti.  

Úrslit sjöundu umferðar:

 

Ivanchuk, Vassily	- Morozevich, Alexander	1-0
Gelfand, Boris	- Kramnik, Vladimir	½-½
Ponomariov, Ruslan	- Shirov, Alexei	1-0
Alekseev, Evgeny	- Mamedyarov, Shakhriyar	1-0
Kamsky, Gata	- Leko, Peter	0-1

 

Staðan:

1.	Ivanchuk, Vassily	UKR	2781	5	2902
2.	Morozevich, Alexander	RUS	2788	4½	2847
3.	Gelfand, Boris	ISR	2720	4	2793
4.	Ponomariov, Ruslan	UKR	2718	4	2796
5.	Alekseev, Evgeny	RUS	2708	3½	2744
6.	Kramnik, Vladimir	RUS	2788	3½	2744
7.	Leko, Peter	HUN	2741	3½	2754
8.	Mamedyarov, Shakhriyar	AZE	2742	3	2689
9.	Kamsky, Gata	USA	2723	2½	2643
10.	Shirov, Alexei	ESP	2741	1½	2510

 

Heimasíða mótsins

Töfluröð landsliðsflokks

Töfluröð landsliðsflokks Íslandsmótsins í skák er sem hér segir:

1. Þröstur Þórhallsson
2. Róbert Harðarson
3. Þorvarður F. Ólafsson
4. Magnús Örn Úlfarsson
5. Hannes Hlífar Stefánsson
6. Guðmundur Kjartansson
7. Stefán Kristjánsson
8. Jón Árni Halldórsson
9. Henrik Danielsen
10. Björn Þorfinnsson
11. Bragi Þorfinnsson
12. Jón Viktor Gunnarsson

Röðun fyrstu umferðar:

• Þröstur - Jón Viktor
• Róbert - Bragi
• Þorvarður - Björn
• Magnús Örn - Henrik
• Hannes Hlífar - Jón Árni
• Guðmundur - Stefán

Fyrsta umferðin fer fram í Skákhöllinni, Faxafeni 12, á miðvikudaginn 27. ágúst og hefst kl. 18.

Barna- og unglingaæfingar Hellis hefjast í dag

Barna- og unglingaæfingar Hellis hefjast aftur mánudaginn 25. ágúst 2008. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.

Atkvöld hjá Helli í kvöld

Taflfélagið Hellir heldur atkvöld mánudaginn 25. ágúst 2008 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. 

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Sigurður Páll í KR

Sigurður Páll Steindórsson (2208) er genginn til liðs við Skákdeild KR en Sigurður Páll hefur verið félagsmaður í TR hingað til.

 

 

Stefán Þór í Víkingaklúbbinn

Stefán Þór Sigurjónsson (2120) hefur gengið til liðs við Víkingaklúbinn en síðustu ár hefur Stefán teflt með Taflfélagi Vestmannaeyja.

 

Bolvíkingar í undanúrslit eftir sigur á KR

Taflfélag Bolungarvíkur er fyrsta sveitin til að komast áfram í undanúrslit Hraðskákkeppni taflfélaga eftir nokkuð öruggan sigur á KR 43-29 í viðureign félaganna sem fram fór í KR-heimilinu í gær.  Jón Viktor Gunnarsson stóð sig best Bolvíkinga en Sigurður Páll Steindórsson nýr félagsmaður KR-inga stóð sig best Vesturbæinga.  

Einstaklingsúrslit:

Skákdeild KR

• Sigurður Páll Steindórsson 8 v. af 12
• Hrannar Baldursson 6½ v. af 12
• Jóhann Örn Sigurjónsson 4 v. af 12
• Jón Friðjónsson 3½ v. af 12
• Hilmar Viggósson 3 v. af 11
• Gunnar Kr. Gunnarsson 2½ v. af 9
• Kristján Stefánsson 1½ v. af 3
• Sigurður Herlufsen 0 v. af 1

Taflfélag Bolungarvíkur:

• Jón Viktor Gunnarsson 10½ v. af 12
• Dagur Arngrímsson 9½ v. af 12
• Bragi Þorfinnsson 9 v. af 11
• Halldór Grétar Einarsson 6 v. af 12
• Magnús Pálmi Örnólfsson 5½ v. af 12
• Guðmundur Daðason 2 v. af 6
• Guðmundur Halldórsson ½ v. af 6
• Gísli Gunnlaugsson 0 v. af 1

Bolvíkingar eru því komnir í undanúrslit í fyrsta sinn.  Í kvöld fara fram tvær viðureignir og átta liða úrslitum lýkur á morgun. 

Önnur umferð (átta liða úrslit):

• Skákdeild KR - Taflfélag Bolungarvíkur 43-29
• Skákdeild Fjölnis - Taflfélag Reykjavíkur (25. ágúst kl. 19:30 í TR-heimilinu)
• Taflfélag Garðabæjar - Skákfélag Akureyrar (25. ágúst, kl. 19:30 í Garðabergi)
• Taflfélagið Hellir - Skákdeild Hauka (26. ágúst, kl. 20 í Hellisheimilinu)

Heimasíða mótsins

Hópefli EM-liðsins - lið Davíðs lagði lið forsetans

Íslenska unglingalandsliðið sem er á leið á Evrópumótið í Svartfjallalandi um miðjan september kom saman í dag í Sporthúsinu í Kópavogi. Tilefnið var liður í hópeflingu liðsins en það er ekki síður mikilvægt að styrkja liðsandann þótt keppt sé á einstaklingsmóti. Má segja að þetta hafi að hluta til verið óvissuferð því þau vissu minnst um það sem framundan var.

Með krökkunum mættu þeir Davíð Ólafsson annar þjálfari unglingalandsliðsins og svo forseti Skáksambandsins Björn Þorfinnsson. Aðeins einn liðsmann vantaði í morgun en Tinna Kristín mætti þrátt fyrir veikindi og fylgdist með.

Hópurinn fékk fræðslu um mikilvægi hreyfingar fyrir líkama og sál en eins og við flest vitum þarf nokkuð gott form til þess að halda út langar skákir og löng mót. Allir fóru í gegnum skemmtilega en jafnframt nokkuð óvenjulega upphitun þar sem margir þurftu að fara út fyrir þægindahringinn en öll stóðu þau sig frábærlega. Sem dæmi um upphitunaræfingar voru upphífur, armbeygjur, hnébeygjur og kviðæfingar á bolta. Þegar upphitun var lokið var hópnum skipt í tvennt og voru Davíð og Bjössi liðsstjórar hvors hóp fyrir sig. Í hóp Davíðs voru: Hallgerður, Dagur Andri, Daði og Geirþrúður en í liði Bjössa voru: Jóhanna, Patrekur, Friðrik Þjálfi og Hjörvar. Keppnin var einföld en reyndi á liðsheildina og líkamlegan styrk og þol. Keppt var í þremur greinum: Veggjabolta (bolta hent 3,5m upp á vegg og gripin í hnébeygju), Ketilbjöllusveiflu með 5kg handlóði og að síðustu svo kölluðum Burpees (armbeygjur sem eru gerðar úr froskastöðu og hoppað upp í lok hverrar beygju). Þyngdir voru miðaðar við að allir gætu lyft og þá sérstaklega tekið tillit til þeirra yngstu í hópnum. Í hverri grein átti að gera 100 sinnum og mátti einn úr hvoru liðið gera í einu en svo skiptu þau út um leið og þau urðu þreytt og fóru að hægja á sér. Allir fengu því að reyna á sig nokkuð oft í hverri þraut. Að vísu þurfti aðeins að ýta við liðsstjórunum í fyrstu tveimur æfingunum sem voru nokkuð léttar fyrir þá en svo varð þetta jafnara í lokaþrautinni. Ekki vantaði hvatninguna og orkuna í hópinn því vinningsliðið, lið Davíðs lauk þrautinni á 11:50 en mjótt var á munum og lauk Bjössa hópur á 12:13.

Að þessu búnu fengu krakkarnir að spreyta sig í fimleikahringjum, upphífingum ofl. Allir tóku áskorunum með stæl og gáfu ekkert eftir í hringjunum. Síðan tók við smá "ninja" fræðsla en við fengum til liðs við okkur Reyni Sveinsson sem fór yfir grunnatriði í sjálfsvörn. Þar var allt látið flakka og vörðust þau af mikilli færni. Eftir tveggja tíma törn í Sporthúsinu var svo brunað upp í Salalaug þar sem var slappað af í heitapottinum.

Ég vil því þakka krökkunum fyrir frábæran dag enda stóðu þau sig frábærlega. Einnig vil ég þakka þeim Jósep landsliðsmanni í Júdó, Gumma fyrrum fimleikamanni og Reyni sjálfsvarnar og CrossFittara fyrir mjög góða aðstoð í dag. Framundan eru svo fleiri hópeflisuppákomur fyrir landsliðið sem er án efa komin í góðan gír eftir stífar æfingar að undanförnu og þrekið í dag.

Með bestu kveðjum,

Edda Sveinsdóttir, fararstjóri unglingalandsliðsins

Meðfylgjandi myndir, sem finna má í myndaalbúmi, eru teknar eftir að keppninni lauk. Það var bara svo rosalega mikil spenna að það gleymdist að taka myndir í keppninni.